|
صفحات
1 2 3 4 5 6 7 8 9 10 11 12 13 14 |
|---|
|
5/11/2009 11:06:13 PM
|
ahmedahmed
Posts 11
|
بما ان موقع خطبة فكرة جميلة وتجعل حرية الاختيار اكبر وتسهل على الاطراف حرية تبادل الاراء والاختيار والتفاهم ومن ثم الزواج
ياريت من كل الاعضاء ان يتكلموا عن :-
1- عدد حالات الزواج التي تمت عن طريق موقع خطبة ؟
2- من منكم سمع ان حالة خطبة عن طريق الموقع خطبة ؟
3- هل فعلا نجح الموقع لاهدافة بتحقيق حلم كل فتاة وكل رجل للزواج .
4- نبي نعرف القصص والشروط التي واجهت كل من الخطيبين عندما بادر بالتقدم للخطبة ؟
نتمنى مشاركة الجميع للاستفادة .
|
|
5/13/2009 5:14:01 PM
|
butter
Posts 2
|
انا اول مره ادش منتدى خطبه ب سوايد في اعضاء موقوفين هل في مشاكل بهل الموقع ؟؟؟؟
|
|
5/16/2009 6:42:44 AM
|
mesk_5
Posts 5
|
السلام عليكم
انا كل الي وجده في هذا الموقع ان الشباب يبون يلعبون وبس ويتعرفون ويغازلون ، وناسين ان الموقع للخطبه والزواج والعفه مو الفاحشه والتعارف ونشر السوء![]()
|
|
5/17/2009 5:41:03 AM
|
7579754
Posts 4
|
مرحبا بصراحه مو مقتنع بالزواج من النت لان الكل يبي يلعب ومو جاد وصادق للطرفين ومستغرب من البنات طلابتهم مستحيله وعجيبه ومن الخيال
الوحده عمرها 44 سنه وتدور زوجه بالنت والا زم كويتي وصاحب اعلا الشهادات وصاحب اعلا المراكز وما يدخن وما يشرب ويصلي ولا زم سني او شيعي
ولازم حضري او بدوي وقبليو؟ووووووووووووو؟؟؟؟؟؟؟؟؟؟؟ اقول لا تلعبون علا انفسكم الي بهذي المواصفات مو حقج ولا يبيج اكيد امه واهله بياخذوله احلا البنات
هذا الموقع وقيره للناس الي يبي الستر والي ظروفه صعبه علا ما اظن
واسف اذا وجه نضري فيها غلط وسامحوني ولا احد سواء بنت او ولد ياخذ بخاطره مني هذي وجه نظر وصوتي وصل  ![]() [url=]link
|
|
5/20/2009 9:16:44 PM
|
salnsal_q8i
Posts 3
|
السلام عليكم احب اعبر عن رأي بالموقع في انه موقع فعلا بناء وهادف للعفه واتمنى من الاعضاء استخدام الموقع للاغراض الشريفه العفيفه وعدم العبث في مشاعر الغير من الجنسين والزواج عن طريق النت حصل بالفعل بالسابق وانا اعرف حاله حقيقيه تم زواجهم عن طريق النت والحمدلله زواجهم ناجح لاكثر من سنتين الى الان ورزقهم الله بطفله جميله اسموها منار واتمنى من الجميع الحذو لهذا الهدف مع احترامي وتقديري للجميع بلا استثناء وعلى راسهم القائمين على هذا الموقع الاكثر من رائع واتمنى لهم التقدم والرقي في الاطروحات البناءه منهم ومن الاعضاء الموجودين سواء القدامى او الجدد واسف على الاطاله ومشكورين .
|
|
5/21/2009 12:33:24 PM
|
p4s5d6k6
Posts 1
|
salnsal_q8i كتب:
السلام عليكم احب اعبر عن رأي بالموقع في انه موقع فعلا بناء وهادف للعفه واتمنى من الاعضاء استخدام الموقع للاغراض الشريفه العفيفه وعدم العبث في مشاعر الغير من الجنسين والزواج عن طريق النت حصل بالفعل بالسابق وانا اعرف حاله حقيقيه تم زواجهم عن طريق النت والحمدلله زواجهم ناجح لاكثر من سنتين الى الان ورزقهم الله بطفله جميله اسموها منار واتمنى من الجميع الحذو لهذا الهدف مع احترامي وتقديري للجميع بلا استثناء وعلى راسهم القائمين على هذا الموقع الاكثر من رائع واتمنى لهم التقدم والرقي في الاطروحات البناءه منهم ومن الاعضاء الموجودين سواء القدامى او الجدد واسف على الاطاله ومشكورين .
السلام عليكم بصراحه لازم الواحد اللي يسجل بالموقع يكون مقتنع وجاد ويحترم مشاعر الناس
والزواج عن طريق النت طريقه زينه للي يبي يختار الطرف الثاني عن قناعه ويتواصل معاه واللي يبي يخطب عن طريق النت ما يتشدد بالشروط يكون ناوي صحسح الزواج ويضع الشروط النعقوله
|
|
5/22/2009 9:55:24 AM
|
mskeeena
Posts 35
|
انا احب اضافه على رد الاخوه والاخوات لللامانه هل انته مقتنع بهذا الزواج ؟انا بقول وجهه نظري ومابي احد يزعل مني ... هذا موقع اسمه خطبه وانا للحين ما شفت شخص او وحده تم زواجها من هالموقع كل الى اشوفه زواج متعه ومسيار وعرفى وتعارف عادى وصداقات؟؟؟وفي ناس للاسف تكابر تقول لا انا داش ادور الستر ولما تضيفه عندك تشوفه لا يبلا الستر ولا شي يبى زواج متعه او مسيار او عرفى او صداقه ...فخلونا واقعيين اشوى .. انا مثلا عمرى باواخر الثلاثينات لما يدخل على شاب عمره 22 والا 25 شنو يبى من وحده اكبر منه بسنوات؟؟؟هل فعلا يبى الستر والا يبى يمشى اموره الغرائزيه وبس ... اسمحوا ماكو شي اسمه اهنى زواج وستر وشكرا لكم
|
|
5/23/2009 2:40:44 AM
|
9zzo
Posts 8
|
انا حاب ارد على كلام الأخت مسكينه أولآ اصابعج مو سوه في الشين اللعوبي وفي الزين الجاد والي فعلن يدور الستر
ترا ما ادافع عن الشباب على فكره انا من مناصرين المراه
بس تعالي شوفي يا اختي العزيزه بعض نكات البنات وسيرتهم الذاتيه انا بتكلم بدون زعل او حياء وتقدرون تتأكدون بنفسكم
شنو وحده نكها سيكسيا موت؛؛ والله ما عندي الجراءه اكمل بس شوفي النكات بنفسج ؛؛؛؛؛؛؛؛؛؛؛؛؛؛؛ والسيره الذاتيه ادخن اشرب؛؛ شيشه؛؛ قليل من الكحول؛؛ انا حدي افري وابي واحد فري شسالفه بعض النفوس الضعيفه والي ما يخافون الله لا يحلل ولا يحرم والي الشيطان منسدح يمه شبيسوي اوي شبيقولها لما يقره هل كلام
آآآآآآسف على الأطاله والله يصلح ويوفق الجميع
|
|
5/23/2009 8:22:54 AM
|
TALAL_4488
Posts 362
|
mskeeena كتب:
انا احب اضافه على رد الاخوه والاخوات لللامانه هل انته مقتنع بهذا الزواج ؟انا بقول وجهه نظري ومابي احد يزعل مني ... هذا موقع اسمه خطبه وانا للحين ما شفت شخص او وحده تم زواجها من هالموقع كل الى اشوفه زواج متعه ومسيار وعرفى وتعارف عادى وصداقات؟؟؟وفي ناس للاسف تكابر تقول لا انا داش ادور الستر ولما تضيفه عندك تشوفه لا يبلا الستر ولا شي يبى زواج متعه او مسيار او عرفى او صداقه ...فخلونا واقعيين اشوى .. انا مثلا عمرى باواخر الثلاثينات لما يدخل على شاب عمره 22 والا 25 شنو يبى من وحده اكبر منه بسنوات؟؟؟هل فعلا يبى الستر والا يبى يمشى اموره الغرائزيه وبس ... اسمحوا ماكو شي اسمه اهنى زواج وستر وشكرا لكم
مساء او صباح الخير
والله يرزقج بولد الحلال يارب اللي يستر عليج
اختي مثل ما قلتي وترى في الزين وفي الشين
في شباب داخلين اهني يبون يلعبون وفي بنات داخلين يضحكون ويلعبون
وفي ناس جادين
فا اتمناء اختي انج ما تجمعين
واسف عالمداخله
|
|
5/24/2009 1:54:08 AM
|
mskeeena
Posts 35
|
اخواني الاعزاء الى ردوا على تعليقي انا ما قلت الكل انا اقول البعض واحتمال يكون الاغلبيه ومثل ما قلتاخوى انه فى نكات فعلا تيب الاشمئزاز من البنات بس هم الرياييل الى فعلا يبون الستر ما يدورون هالنكات والله يصلح الجميع
|
|
5/28/2009 1:28:36 AM
|
nayef_1995
Posts 1
|
الموضوع شيق ويستاهل من يناقشه ويتحاور فيه بس وين اهل العقول النيره وماعني غير البيت ارد عليه((اداوي الناس و اسأل من يداويني و اضحك مع الناس و الدمع بطرف عيني))
|
|
5/28/2009 4:12:48 AM
|
MUTARI
Posts 6
|
مشكورين على الموضوع الحلو وانا اعتقد انه النت فيه الزين وفيه الشين بس يعتمد على كل شخص ونيته واذا اثنين نيتهم زواج هذا مجرد وسيط بينهم والله اللي يوفق بس عن نفسي اذا حصل وتزوجت عن طريق النت ما اعتقد اني بقول لاحد حتى اهلي انه من طريق النت لانه مجتمعنا تو الناس عليه وبيفهم غلط اكييييد
|
|
6/2/2009 4:30:59 PM
|
ahmedahmed
Posts 11
|
7579754 كتب:
مرحبا بصراحه مو مقتنع بالزواج من النت لان الكل يبي يلعب ومو جاد وصادق للطرفين ومستغرب من البنات طلابتهم مستحيله وعجيبه ومن الخيال الوحده عمرها 44 سنه وتدور زوجه بالنت والا زم كويتي وصاحب اعلا الشهادات وصاحب اعلا المراكز وما يدخن وما يشرب ويصلي ولا زم سني او شيعي ولازم حضري او بدوي وقبليو؟ووووووووووووو؟؟؟؟؟؟؟؟؟؟؟ اقول لا تلعبون علا انفسكم الي بهذي المواصفات مو حقج ولا يبيج اكيد امه واهله بياخذوله احلا البنات هذا الموقع وقيره للناس الي يبي الستر والي ظروفه صعبه علا ما اظن واسف اذا وجه نضري فيها غلط وسامحوني ولا احد سواء بنت او ولد ياخذ بخاطره مني هذي وجه نظر وصوتي وصل ![]() [url=]link
صح كلامج ... بس الدنيا مازالت بخير والدليل وجودج معانا واغلبنا يسعى ويسوي الي عليه وكل شيء نصيب
|
|
6/2/2009 11:59:46 PM
|
swemming
Posts 64
|
الشباب هني اغلبهم جذابين يبون المغازل مايبون الزواج ويستر
استغفر الله مايدرون ان كما تدين تدان كل شي يسويه في بنات الناس راح يرجع على اهله
الله يستر علينا وعليهم
|
|
6/3/2009 2:09:04 AM
|
Al3jayb
Posts 27
|
ياجماعه كفاكم تمثيل وكلام مافيه من الصدق شي
وربي مافي واحد صادق بموضوع الزواج بهالموقع
وانا اتحدا كل واحد موجود بهالموقع
من صدق كلامه
سمعة هالموقع خربتوها يالشباب انتم والبنات اللي داشين تسليه ولعب وبس
احنا موجهال احنا كبار وفاهمين بعض
وانعرف الصح من الغلط
وصاحب بالين كذاب
وانا ارد اتحدا كل الشباب اللي بالموقع من صدقهم بموضوع الزواج
والدليل كل اللي بالموقع يشتكون من بعض والخداع واللعب زايد عن حده
امنيتي اسمع ان احد تزوج من هالموقع او حتي توالفوا مع بعض امنيتي عشان جذي انا اتحداكم بصدق نواياكم
وجهة نظري وارجو احترامها
|
|
6/4/2009 5:48:22 AM
|
chanZen28
Posts 1
|
انتو افلام المراءه ادور هالامور لمغازل وغيره وغيره ولا ليش تاخذ رقمه اساسأ
يمتنعن وهن الراغبات
لا مابي ولا لا
وبنفسها اهيا الا تبي
شــــــــــاهد ما شافشي حاقه
|
|
6/4/2009 3:30:58 PM
|
NaVy
Posts 2
|
السلام عليكم
مرحبا جميعا
انا اشوف بعض الناس يتحدون او يتكلمون عن شي ماله داعي احد يتكلم عنه
انا عندي 4 اشياء لازم اقولها لكم
1- ماكو شي اسمه تحدي ...الزواج مو لعبه ... الزواج قسم ونصيب
2- فعلا اصابع ايدك مو سوا لانه مو كل الشباب نفس الشي ..او البنات مو نفس الشي
3- فعلا اكثر المواقع كله لعب وشغلات ماله داعي بس هم بنفس الوقت نادرا جدا تحصل ناس جدية يبون يتزوجون بالموقع الله اعلم منو اللي ظل بهالموقع من فتره يعني
4- لاتنسون بالسعوديه سووها الزواج عن طريق الانترنت والولد كان بأمريكا يدرس....ابي احد يقول هل هذا فعلا زواج والا لعبه ...هني لازم تعرفون
وعلى فكره يا جماعه مو شرط يكون النت الواحد يتزوج وحده....حتى لو شفتها يمكن ماترتاح مثل ماتشوفها بالموقع او اسلوبها غير عن بره الموقع
واتمنى بالتوفيق للجميع وانشالله كل شخص يلقى نصيبه
واسفين على الازعاج او اذا قلت شي غلط
سلملم
|
|
6/15/2009 10:50:29 AM
|
bf70
Posts 3
|
الزواج قسمة ونصيب وبنفس الوقت اذا تم التعارف عن طرق الموقع لابد من الصراحة بين الطرفين ومثل ماودك بالستر لهلك هم البنت تبى الستر واذا ماصار تفاهم اعتبرها انسانه ماصار بينك وبينها توافق لانها لو تبى اللعب جان داله دربه وهى بغنى عن النت وكما تدين تدان وتمنى كل من يبحث عن زوجه ويلقاها باهالموقع ان الله يوفق بينهم ويرزقهم الذرية الصالحه والاجر لصاحب الموقع من بعد الله
|
|
7/2/2009 6:43:45 PM
|
98769876
Posts 2
|
الزواج اندماج الروح بالروح
|
|
7/3/2009 9:16:59 PM
|
al7oor
Posts 2
|
السلام عليكم والرحمة ،،
صراحة انا مو مقتنعه بالزواج عن طريق النت مع اني اعرف حالات زواج عن طريق النت بس مو من هالموقع ، فكرت اشترك بالموقع والله عالم بنيتي وهي العفة والستر ، بس صادفت جم واحد حسيت منهم عدم الجديه لانه طلب يتزوجني على طول من غير ما يعرف اخلاقي او منو انا وطلب مكالمات على الموبايل وطلعات .
ديرو بالكم يابنات ترى البنت سمعة وتعرفون نظرة مجتمعنا للبنت الجريئة لا تثقون بأي واحد لين ما تأكدون من جديته ودخلو اهاليكم في الموضوع .
أشكر لكم جهودكم وجزاكم الله خير .
|
|
صفحات
1 2 3 4 5 6 7 8 9 10 11 12 13 14 |
|---|