الصفحة الرئيسية » قصص زواج عن طريق الإنترنت » حالات الزواج عن طريق موقع خطبة
صفحات 1 2 3 4 5 6 7 8 9 10 11 12 13 14
6/19/2010 9:41:21 PM
manolh
Posts 2
قوووه
حبيت اضيف ردي ع موضوعكم الحلو
وانا كنت مثل اغلبكم انه ماكو شئ اسمه زواج بالانترنت وعبالي كله جذب بجذب
بس ووربي وبحياتي ماحطيت فبالي ادش اهني
لين شفت بعيني اخت رفيجتي عمرها34 وتزوجت من هالموقع وماشاءالله عليهم مرتاحين مع بعض
يمكن هالمنتدى اغلبهم داشين جذي يتطمشون ويمشووون بس اكو ناس جادين بهالزواج
ولحد يجمع الزين والشين
واكو بنات شكثر يبوون الستر بس وعسى ربي يووفق الجميع وميرسي عالموضووع
6/20/2010 12:39:43 AM
Roaah
Posts 6
لو تكون من شروط التسجيل بالموقع الموافقه على قسم ان الي مسجل هنيه سواء شاب او بنت جاد

يمكن قلة نسبة اللعابين هنيه

يعني البنت اذا تبي الستر وهذا طريق من طرقه تشوفونها جريئة

واذا هم بره خربطت وعلاقات تشوفونها مو شريفه

يعني المقاييس بعقل الشباب اهي الغلط مو الي داخله وغرضها شريف هنيه

وشي طبيعي الوحده لمن تشوف من اسلوب الواحد او بروفايله يبين داخل حق التسليه شي طبيعي تطنشه او انها ترد عليه رد يوقفه عند حده
وبعدين تقولون ليش البنات هنيه مطنشينا

يعني واحد نكه رقم تلفون والثاني اسماء ماتنقال وتبون الوحده ترد عليكم

يعني الكتاب باين من عنوانه

اقول

خافوا في بنات الناس اليوم عشان ينحفظ عرضكم باجر

والله يستر على الجميع
6/20/2010 2:04:33 AM
tayeepalkuwait
Posts 16
بسم الله الرحمن الرحيم جزاكم الله الف خير على الاضافه في الموضوع والذي اشعر بانه يضيف لي الزياده بالتواصل مع ضيوف الموقع والقرب من الله سبحانه وتعالى لكي يقربنا من دخول الجنه باذن الله تعالى اقول وبالله استعينالزواج سعاده لها طعم خاص وذوق وفرح وتفائل وتفاهم وتقارب وتجانس وايثار وزعل وغضب وضحك وبكي ومفلس وغني في وقت آخر وجوع عندما تولد الزوجة وتمكث في بيت اهلها خاصة اول موليدين ونعمه وثقة بالزوجه واحترام وحياة وتعاطف ورحمه ) الخ هذا بعض من الاشياء التي تنتج من الزواج لاني ولله الحمد والمنه متزوج (وهذا لاياتي عن طريق الانترنت) ولكن للذين يريدون الزواج ياتي عن طريق الوالده والتي شقيت العمر كله من اجل ان تسعد ابنها فاذا اراد ان يتزوج فرحت اكثر منه بالزواج وكم من ام الحت على ابنها بالستر والزواج وهي تعرف انه لعوبي ويسافر كثيرا وتريد ان يهديه الله وتحافظ عليه من بنات السوء وتحفظ دينه وهو يتحجج بانه صغير او انتوا مليتو مني وتريدون ان تفتكون من وما اكثر الحجج وايضا المرأه امها تذهب العروس والعزايم لكي تدور لبنتها ولد الحلال اسأل الله ان يزوج كل من في الموقع الازواج الصالحين اللهم آميين بطريقتك انت يارب العالمين يا بديع السموات والارض تستر على جميع المسلمين والمسلمات وتسعد الارامل( والمطلقات والمنفصلات وما أكثرهم بالموقع) والعوانس والذين لم يتزوجوا آميين
اقول المرأه اذا دخلت الموقع فياتي الشك فيها بانها كم كلمت او كم دخل على بروفايها شخص حيث ان واحدة تكتب انها وصل اليها 600 شخص وانا لم اتصور العدد الا عندما كتبت يعني اسال الله ان يحفظ بنات المسلمين الواحد يخشى ان يتعلق قلبها وقلبه حتى بعد الزواج ويتم التراسل من الطرفين كل واحد من ناحيته يراسل ضيوف موقعه انا لا اعمم ولكن الزواج الدائم والذي عرف من الزمن البعيد يكون عن طريق الاقارب والاب يتحرى الصالحين لابنته والام لابنها واذا لم توجد الام العمه والخالة والجدة والاخت وبنات الخوات وبنات الخاله وبنات العمه انتوا بس قولوا من الطرفين الشاب اوالشابه او المطلق والمطلقه او العانس والعانسه او الارمل او الارمله انا اريد الزواج وشوفوا اشلون الناس يشتغلون لكم اقصد الرجل يقول لقريباته وانظر كم وحده يطرونها لك ويسمونها لك وكذلك المرأه تقول لقريباتها اريد الستر الزواج فسيذكرون لها فلان بن فلان يريد الزواج اما تقولون متا ياتي دور النت للذين لايستطيع الزواج مثلي لااحد يساعدني الا الله سبحانه وتعالى ان قلت اريد الزواج سكتوني الاهل من القريبات يخافون ان يتزوج عليهم ازواجهم وافتح عليهم الباب لان يقول ازواجهم ها انتوا زوجتوا فلان وانا اريد الزواج وانا احب الاولاد واريد يخدمون هذا الدين الاسلام واكثر نسل المسلمين واعف نفسي بالحلال واعف المرأه بالحلال على سنه الله ورسوله ياشباب وشابات لماذا بدأ الزواج من الخارج ينتشر وذلك لانه سهل ولايكلف يذهب الرجل يسافر ويفترون معه الخطابين والخطابات وينقي المواصفات والمهر قليل ومساكين على بنات الديره قاعدين بالبيوت ينتظرون الزوج والشباب يذهب للخارج ويتزوج حتى اصبح الواحد لو يرى من اقاربه انا اعرف من اقاربي من عنده اربع بنات ومن قريباتي اربع بنات غير متزوجات الله يزوجهم ويستر عليهم اللهم آميين نحن نريد التغيير والتغيير لا بد ان نقبل من المتزوج اوالمطلق اوالمنفصل اوالارمل خاصة اذا كانت مطلقه او منفصله او ارمله اوعانس اسال الله ان يعين الجميع لما يحبه ويرضاه ويدخلنا الجنه وجميع من دخل لهذا الموقع خطبه في جنات النعيم هناك الوناسه هناك السعاده الدائمة هناك الحور العين هناك القصور هناك تريد ان تطير تستطيع هناك الجمال والدلال والذهب للذين يحبوب الكشخه والملابس الجميله اللهم ادخلنا جنة الفردوس الاعلى اعالي الجنان يارب العالمين اخوكم/ طيب الكويت
6/22/2010 8:42:47 PM
hamam1
Posts 1
انا مو عارف الشباب يعمل ايش
6/23/2010 4:40:22 AM
zarkovic
Posts 54
الي يقول انا أبي أتزوج عن طريق النت شخص يخادع نفسه

ليش ماكو بنات ؟ خلصو البنات ؟ شكثرهم و ناطرين نص رجل يرضون ما عندهم مشكله

البنات صارو الخمطه بربع و محد يبي يتزوج و اعذار الشباب مالها داعي بعد الحين البنات قامو يحاولون يشجعون الشباب على انه يتلحلح و يتقدم للزواج

و الموقع هذا أمل لكل عذراء تبي العفه مجرد أمل و هذا الي بيدها شتسوي بعد

عاد هذا الي صادق و الامر ما يخلى (اعرف ناس تزوجوا معرفه نت ) و يبي يتزوج من الموقع مو تعالي نتعرف على بعض و اشوفج لا ابوي تاخذ الحجيه و تطق باب بيتهم

تشوفها و تشوفك عند ابوها مو بالشيشه

فأرجو من الشباب يتركون البنات (تدرون كلمه البنت تطلق على منو ) يحلمون على كيفهم عسى يجيها نصيبها

و أقول حق البنات ادعو حق بعضكن البعض فان دعاء الملسم لاخيه بالغيب مستجاب
6/26/2010 4:14:29 AM
KMKMM
Posts 1
اشكركم على الموضوع اللطيف

انا ماعندي مانع أتزوج عن طريق النت

لاكن قبل الجراءه لازم أول اشوف الزوجه واسأل عن العائله وهي تسأل عني وأشوف شنو تبي وشنو طموحاتها وشنو وشنو مو بس على طول

ترا ياجماعه زي مافيه ناس تخادع ترا قسم بالله فيه ناس صاجه وأنا أولهم

قسم بالله ماسجلت الا للزواج فقط وليس للخداع

وأتمنى من الله العظيم أن يرزقني بالزوجة الصالحه ولاتنسوني من دعواتكم
6/27/2010 3:09:33 AM
kuwaity3zobe
Posts 3
الحمدالله الذي تتم بحمده النعم
حاليا قاعد اتفق مع بنت حلال من الموقع مرتاح لها وايد وان شاء الله يكون في نصيب بينا وتكون بنت حلال مثل ما عرفتها واتمنى منكم تدعون لي
بس نصيحه للاخوات الحرص ثم الحرص ثم الحرص قبل اي ارتباط خلكم حريصين باختياراتكم وعسى الله يوفقكم ويوفقنا وياكم ويكتبلنا اللي فيه الخير
ارجو الدعاء لي وللبنت لعل الله يستجيب دعائكم ويوفقني واياكم
والسلام عليكم
7/1/2010 2:53:25 PM
Meeem
Posts 22
الله يوفقك اخوي كويتي عزوبي ويفتحلك ابواب الخير ويكتببلكم الصالح سواء بالارتباط او لا

وان شاء الله تجي وتبشرنا انك تزوجت من الموقع وتعطينا الامل
7/2/2010 7:28:47 AM
cocohaby
Posts 1
السلام عليكم ورحمة الله وبركاته اول شي احب ان اقول خير الكلام ماقل ودل (والله يفي ناس تملك الارض ومافوقها ولايملكها الي الله لاكن لم يوفق في حياتها تدرون ليش لانه غني ومن داخله انسان بسيط طيب حب الشخصيه الي بداخله لانه عمرها ماجاملته وبساطتها مفرحته انا اقول انه النت هو الي يبي يحل بعض المشاكل لانه الغني مل من الغنيه والفقير اتعبته الفقيره فقرخلو الناس تختار على كيفها والانسان الي داش يلعب لاتكلمه تاكدمنه اذا يبي اللعب اتركه غني +غنيه =صفقه للاهل فقير +فقيره =تعب ومشاكل مالها حل وهاكذا انا الي ابيه اختار الشخص الي تحس انه هو الانسان المناسب الي تسنطيع انتكمل مسيرت الحياة معه
7/3/2010 1:16:14 AM
tayeepalkuwait
Posts 16
رب اسألك أن تزوجني عاجلا غير آجل المرأه الصالحه التي ترزقني منها الذريه الصالحه أخواني وأخواتي ادعوا لي بصالح وخالص أعمالكم الطيبه بالمرأه من الطيبات المذكوره بالقرآن اللهم انك تعلم أني طيب فأسئلك ان ترزقني بالطيبه الصالحه الحبوبه الخيره اللهم آمين
7/4/2010 11:19:40 AM
7naan
Posts 1
السلام عليكم ورحمة الله وبركاتة
مو عيب ولاغلط ان كل واحد فينا يختار شريك حياته سواء كان رجل ام امرأه ، بس للاسف اللي حاصل ان بعض الشباب الله يهديهم فاهمين الموقع غلط
يعني حاطينه للتعارف وارسل رساله وانظر الرد ووو..... غيرها من الامور
واللي يبي الزواج صح من غير لف ودوران يتقدم ويسال البنت في بيت اهلها مو والله تعالي اعرفج افهمج وبعدين افكر اتزوجج ولا لأ
7/9/2010 10:05:42 AM
mohammed_24
Posts 1
بسم الله الرحمن الرحيم
انا من وجهة نظري اشوف انه الزواج عن طريق النت شي عادي وبالعكس زين خاصه واحنا سنه 2010 .. بس المشكله انه في ناس مو راضيه تستوعب هالشي وماخذه هالموقع للعب والمصخره سواء كان من البنات ولا الشباب وبس .... وتمنى اذا في احد اتزوج عن طريق هالموقع يقوولنا شصار معااه وشكراا...............
7/21/2010 3:28:29 AM
mr.fhooood
Posts 1
مرحباااااااا يا هلاااااوغلاااا اشلونكم اكييييد تمام دوووم يا رب شنو ما في بنات
7/23/2010 12:44:58 AM
asrar..
Posts 2
السلام عليكم انا اعرف وحده ولله الحمد تم زوجها عن طريق النت لان الله سخر لها ابن الحلال الى حاط مخافة الله بين عيونه واتمني منكم ياشباب يابنات خافو ربكم لان صج الموقع ما نحط الا للزواج الجاد وعسي الله يوفقنا ويوفقكم .....
7/23/2010 12:45:07 AM
asrar..
Posts 2
السلام عليكم انا اعرف وحده ولله الحمد تم زوجها عن طريق النت لان الله سخر لها ابن الحلال الى حاط مخافة الله بين عيونه واتمني منكم ياشباب يابنات خافو ربكم لان صج الموقع ما نحط الا للزواج الجاد وعسي الله يوفقنا ويوفقكم .....
7/29/2010 5:45:30 PM
sahafa
Posts 4
والله ياختى ليش مايكون صادج هو يبيكى احجى معه وشوفيه ايش يبى ممكن يكون صادج ماراح تخصرى شئ
7/31/2010 4:32:43 AM
kaled1976
Posts 2
دخلت الموقع جاد ولكن تغير كل شئ

مثلا ليش حاطين منفصل ؟ وشنو مسيار وبالكويت ؟ وشنو متعه ساعتين ودزلي كرت ؟ وشنو اشرب كحول؟

من الواضح ان الموقع مواسلامي ولا يتماشى مع عادات مجتمعنا العربي ولا طبيعة تقاليدنا الخليجيه المحافظه
8/8/2010 2:00:00 PM
woood
Posts 9
مرحبــــأ

سوال بذمتكم اذا مو مقتنعين بالزواج من النت ليش داشين هالموقع ليييييييييييش؟؟؟
ابي جواب من الكل
8/8/2010 2:42:40 PM
yahyakuw
Posts 1
اعتقد ياشباب ويا بنات لو تفكرون شوي بس في ان الواحد له عقل يفكر فيه انا توني داش وكنت فعلا ادور بنت الحلال بس خوفتوني من هالموضوع عسى الله يهديكم أمين مع السلامه
8/15/2010 11:02:41 PM
AL_Kuwaity
Posts 1
البنات يحطون اللوم على الشباب والشباب نفس الشي كذلك يحطون اللوم كله على البنات ..والطيب والجاد ضايع بينهم في هالموقع..انا بصراحة وجهة نظري ما تختلف عن اغلب الاعضاء..البنات الي داشين يبون الستر حاطين شروط تعجيزية وفوق هذا لما اتقولها اوصفي لي نفسج اتقول شفت حليمة ولا هيفاء وهبي انا نسخة طبق الاصل منهم ومع الايام لما اتيي وتزهب نفسك حق الموعد الي اتشوفها واتشوفك فيه تلقاها عكس الكلام الي قالته ..يعني مادري ليش الجذب في كل شي ..اذا الريال يبي زوجة حلوة قوليله الحقيقة وماله داعي اتضيعين وقته ووقتج ووقت البرنامج هههههههه جني طلعت اشوية بره المووضوع...المهم ياجماعة الخير الي يبي الله يوفقه في حياته يصفي النية ولا يلف ويدور لان اخرته الريال بيشوفج وبيكتشف الحقيقة واذا لقاج عكس الي قلتيه اكيد بيقضب خطه وينحاش ويلعن اليوم الي صدقج فيه..يعني الصدق والصراحة اهم شي عشان تبدين علاقتج صح مع الانسان الي تبين تختارينه شريك حياتج..واسف اذا طولت عليكم بالحجي..وبالتوفيق لكل اعضاء هذا الموقع الاكثر من رائع بصراحة..سلام
صفحات 1 2 3 4 5 6 7 8 9 10 11 12 13 14
|
تسجيل faq AspNetForum v.0.0.0.0