|
10/24/2008 12:44:08 AM
|
|
قصص زواج عن طريق الموقع khitba
|
السلاام عليكم
اول شئ حبيت أسلم عليكم واحد واحد من شباب وبنات , الموضوع يا جماعه اللي مطروح مهم جدا , هل صحيح في أحد من الاخوان والاخوات نجح في انه يلقى نصيبه ويتوفق من هذا الموقع , أنا براي من مشاهدتي للاخوان اللي مشتركيين بالموقع أشوف انهم ماخذين الموضوع تسليه وعلى قولتهم مغازل , وما أعتقد إنه في شخص يبي يتزوج راح يتزوج عن طريق النت , أكيد الكثير راح يختلف معاي بالراي وأنا أدري إنه في بنات عوايل ومحترمات إنجبروا نهم يدخلون الموقع يبحثون عن شريك حياتهم , بس أنا أحب أوصل معلومه بسيطه من ورا الكلام الطويل والممل  أنطري نصيبج ليين ييج لباب البيت هذا زواج مو لعب يهال فيه مسئوليه ويهال واللي الله كاتبه بيصير وما راح تاخذين الا قسمتج من هالدنيا .
|
|
10/24/2008 1:13:55 AM
|
|
الزواج السري اوالمسيار.......لماذا؟
|
موضوعكم حلو وايد , بس أنا عندي بعض الملاحظات انتوا بالغتم وايد وخليتوا زواج المسيار منتشر ومو عارف أيش , أنا ما أنكر إنه موجود بس سالفة أنه منتشر هذا شئ مبالغ فيه وايد , وزواج المسيار أساسا وجد للشخص اللي كثير السفر لبلد معين ويخاف انه يقع بالحرام , فعشان جذي لم يلزم بتوفير السكن وغيره للزوجه لانه ليس مقيم عندها إقامه دايمه وله شروط وضوابط ومنها اشهار الزواج وانه يكون في شهود , ما علينا المهم أما بخصوص الريال انه يخاف من زوجته نعم في رياييل يخافون من حريمهم بس ما نشمل الكل وأنعمم بالعكس في رياييل تزوجوا على حريمهم وبعلم حريمهم وشباب أعمارهم بالعشرينات والثلاثينات , وثاني شئ لو نبي نرجع حق رياييل قبل والحين أنا راح أقولكم شئ قبل الناس كانوا يقولون المره مالها الا بيت زوجها وكانوا الحريم الاؤليات فيهن حيا وخوف واحترام للريال أما الحين المره تخز الريال وتكسر عينه صار الريال يستحي والمره عينها قويه خلونا نكون صريحيين , حريم الوقت مايعات يحبن الفراره بالاسوقه والسفر والتمشي والطلعات الله يرحم حريم قبل أمي وأمهاتكم قبل لا دش الريال البيت فزت فيه مرته هلاا بو فلان تعال استريح شتبيني أطبخلك ألحين يدش ويطلع من البيت ما يسمع منها ريق حلو ولا تقوله شنو تبي تاكل الا ما رحم ربي وهن عملات نادره بهالوقت ويا بخت اللي يطيح عليهم . وأسف على الاطاله.
|
|
10/24/2008 1:54:32 AM
|
|
صفات الغير جاد
|
موضوع يستاهل المشاركه والتعقيب .
بصراحه أنا بتكلم بصفتي أحد الشباب اللي مشتركين بالموقع , بخصوص شلون نعرف جدية الشخص اللي جدامنا من عدمها أول شئ خلونا نعرف شئ مهم واللي هو انه أكثر الشباب اللي مشتركين بالموقع غير مقتنعيين بشئ اسمه زواج بالنت ولا أحد يزعل مني , راح تسألوني ليش قلت هالكلام أنا راح أقولكم أولا كل شاب ولد حموله وولد عايله مستحيل راح يقول لاهله أنا تعرفت على بنت بالنت وابييكم تروحون معاي تخطبونها لي لانه عارف ردت فعلهم , أحنا بالكويت لنا عاداتنا وتقاليدنا الولد اذا حب يتزوج يقول لاهله واهمه يدورله بنت الحلال اللي عارفين أهلها وعارفينها ويكونون سائلين عنهم زين لانه هذي سالفة زواج ونسب مو لعب يهال , ونفس الشئ البنت لما ييي واحد يخطبها من أهلها لازم أهلها يعرفون من طرف منو يايين ومنو اهمه مو جذي طامرين الرصيف وداشين نبي نخطب بنتكم لولدنا, زين انتوا منو ذكر بنتنا لكم وانتوا منو , نرد لموضوعنا بخلاصه عاجله لا يوجد شاب بالموقع جاد بموضوع الزواج , وارجوا ان تتقبلوا كلامي بسعة صدر ولا أحد يزعل مني .
أخوكم : أحــمـــد
|
|
10/24/2008 2:42:23 AM
|
|
مواقف وقصص واقعية من موقع خطبة
|
انا موقفي كان حزين بما تحمله الكلمه من معنى ,
أنا تعرفت من الموقع هذا على انسانه كانت في يوم من الايام أعز و أغلاا من روحي , انسانه قمه يالادب والاخلاق , انسانه كثر ما أتكلم ما راح أوفيها حقها , بصراحه عزيتها وبنفس الوقت كنت اعتبرها مثل اختي وكنت اخاف عليها من الشباب اللي بالموقع وكم مره نصحتها وييتني وقالتلي كلامك صحيح فلان طلع يلف ويدور وما عنده نيت زواج واهيا كانت صادقه بنيت لزواج وكانت تبحث عن ابن الحلال بس احنا الاثنين كان اتفاقنا انه نكون اخوان وشايليين سالفة الزواج لاسباب نعرفها احنا الاثنيين وكان اتفاق بينا , المهم البنت كانت تثق فيني حيل وكنت اثق فيها حيل لانها كانت تقولي كل شئ حتى اذا تعرفت على شخص تقولي انا تعرفت على واحد وكانت تقولي شنو كان يقولها فانا ريال واعرف سوالف الرياييل واعرف الجاد من اللي يلف ويدور وللاسف كان جميع اللي تعرفت عليهم غير جادين وانا كنت ابينلها هالشئ وكانت طبعا تاخذ كلامي كملاحظه على الشخص وبعدين ترجع وتقولي طلع كلامك صح , فكانت الثقه بينا قويه , لكن انا كنت قايلها اني منفصل وكان هذا الكلام مو صحيح وبعدين فكرت اني اصارحها واقولها الصج , فلما قلتها الصج زعلت مني وراحت ومن هذاك اليوم لليوم ما شفتها , أكيد الصدمه كانت قويه عليها بس أقولها انا ما احب الف و ادور عليج ومدام كنا متفقين من الاول انه ما في نصيب بينا ليش تزعلين مني وتروحين , وراح تساليني ليش نستمر مع بعض راح اقولج مو احنا اتفقنا انا نكون اخوان وانا ما نخلي بعض الا اذا ياج نصيبج واكون اخوج اللي يخاف عليج ويتمنالج الخير والي كل ما تضايقتي كان همه يشوفج مستانسه وتضحكين ياما كلمتيه وانتي تبجيين خلا البجي ينقلب لابتسامه وضحك ونساج همومج تركتيه لانه قالج الصج وما حب يخش عنج . الله يوفقج ويحرسج ويحفظج.
أحـــمـــد*****
|
|
10/26/2008 1:19:37 AM
|
|
مواقف وقصص واقعية من موقع خطبة
|
THEHOPE333 كتب:
أحمد ..اهي البنت شكلها كانت تبيك واشوف انه ابتعادها الكلي عنك لما عرفت انك مو منفصل لانها بتحمي نفسها من احساسها صوبك ..يعني الشخص اذا يبي شخص وشاف انه ماراح يكون من نصيبه لازم يبتعد عنه ويقلب هالصفحه من حياته عشان يقدر يكمل حياته وهذا الحل بداللا يشوقه كل يوم ويحترق بالحرمان مع تحياتي ... الأمل
مشكوره أختي الامل على تعقيبج على كلامي , بس مادري شقول كلامج ما فيه شئ غلط , وعلى العين والراس بس كنا متفقين من الاول على انه ما في نصيب فليش تهرب مني وكنا اخوان وكانت تتعرف على شباب وكانت تقولي فمعناتها انها عارفه انه ما في نصيب بينا وكنت معطيها حرية التصرف بانها تشوف نصيبها وتدور على ولد الحلال اللي يعيشها ويسعدها ,
فاذا كانت تخفي عني شئ وما صارحتني فيه فهذا شئ ثاني .
أحــــمــد ***
|
|
10/26/2008 1:47:27 AM
|
|
سؤال ... محرج
|
أول شئ أحب أحييك أخوي على طرح الموضوع .
وثاني شئ أحب أقول ليش نقص على روحنا ونقول شئ ثاني كل شخص فينا كان رجل او امرأه يتمنى انه يكون شريك حياته جميل أو على قولتهم مزيون لانه الجمال شئ مطلوب والله جميل ويحب الجمال , لكن أقول ليس الجمال هو المقياس الوحيد فالاخلاق أهم وتييي بالمرتبه الاولى , والجكر على قولتنا بالكويتي اللي كلش عاد ما يترقع غير مرغوب فيه حتى لو كانت الانسانه أخلاقها زينه وانسانه ملتزمه وتخاف الله , لان هذي حياة زوجيه وفيها ما فيها من معاشره والكل عارف فلازم على الاقل تكون الانسانه مقبوله قدر الامكان حتى لا يكون هناك مشاكل نفسيه للطرفين , خلاصة الكلام .
إمرأه جميله بدون أخلاق وتواضع ودين = غير مرغوب فيها أبدا
إمرأة مقبولة الجمال وأخلاق وتواضع = إمرأه الكل يرغب بالزواج منها .
إمرأه جميله وأخلاق وتواضع وملتزمه = مرغوب فيها جدا جدا جدا وتييي بالمرتبه الاولى .
إمرأه غير جميله وأخلاق و أدب وملتزمه = الله راح يفوقها وتلقى نصيبها لكن نادرا ما يرغب فيها الرجل .
أحـــــمـــد ***
|
|
10/26/2008 2:08:21 AM
|
|
:: اسباب العنوسه ::
|
أنا راح أتكلم من الواقع بخصوص العنوسه .
بصراحه في بنات قمه بالاخلاق ومحترمات لكن ما الله قسم لهن نصيب ويتزوجن , خلوا الاسباب اللي ذكرها الاخ كربلاء هناك اسباب ثانيه .
1- تكون البنت غير جميله يعني يكون جسمها متين وهذا شئ مو بيدها من الله هذا سبب يجعل الريال ما يقبل الزواج منها.
2- كثروا الشباب اللي صاروا يتزوجون باعمار كبيره مثل 28 و 29 و30 وانت صاعد وطبعا الشباب بالعمر هذا ما راح يتزوج وحده أكبر منه راح ادور بنت أصغر منه اقل شئ بخمس سنين وهذا البنت اللي بعمره راح تعنس .
3_في بعض البنات ما أقول الكل و أعمم تبي ريال غني وفيهم تبي ريال مزيون واللي تبي جامعي وغيره من المواصفات فهذي ما ترضى بنصيبها بالاخر تعنس.
4-المهر ماله شغل بالعنوسه لو له دخل جان ما شفنا أحد تزوج ولا شفنا عروس كل يوم بالصالات والفنادق والحمدالله الكل مقتدر بالكويت والحكومه مو مقصره جزاها الله خير تعطي كل واحد اربع الاف اذا ياي يتزوج.
هذي بعض الاسباب وفي عندي أسباب ثانيه بس ما أحب أتكلم فيها لانه الحجي فيها ضايع وما ينفع لانه عقليت بعض الاهالي عقليه جاهليه يه الاسلام وغيرها ولكن ردت مره ثانيه.
أحــــمـــد ***
|
|
10/26/2008 2:34:44 AM
|
|
المشاكل الزوجية ..... هل تستحق الطلاق؟
|
مشكور اخوي خالد على طرح الموضوع عشان يستفيد منه الكل .
أخوي مستحيل في اثنين متزوجين ما صار بينهم شد بالكلام او تهاوشوا انا اعتبره من سابع المستحيلات , لكن العقال اهمه اللي يتمالكون اعصابهم وما يخلون العاطفه تتغلب عليهم , في مشاكل يمكن حلها وتستمر حياتهم , وفي مشاكل يصعب حلها مثل ريال دايما ييي البيت سكران وما يدري عن بيته ولا عن عياله ولا زوجته , هذا الشخص طبعا صعب العيشه معاه اذا ما ترك اللي هو فيه والتفت لاهله وبيته فالانفصال عنه يكون أحسن من القعده عنده , أو شخص مو قد المسئوليه اربعه وعشرين ساعه بره البيت والا مسافر هم هذا اذا ما تسنع تتركه زوجته ابرك لانه مو قد المسئوليه.
وهم في حريم العيشه معاهم صعبه وما نقول دايما الريال اهوا على غلط هم في حريم يغلطون مثلا وحده تصر على زوجها انه يطلعها بشقه ويطلع من بيت أهله هم هذي اذا ما تسنعت الابرك توديها بيت أهلها .
بالنهايه الاثنين الزوج والزوجه لازم يكونون متفاهمين ويعرف كل واحد فيهم شنو الثاني يحب وشنو اللي يزعله عشان تستمر حياتهم وما يكونون العيال اهمه الضحيه ويفكرون بعيالهم ويحطونهم بعيونهم .
أحــــمـــد ***
|
|
10/26/2008 2:50:07 AM
|
|
للجادات بالزواج فقط ...
|
هههههههههههههههههههههههههههههه
بصراحه الخوات خلوني أضحك بتعليقاتهم على اخوي فلفل .
بس أقول انت السبب زين جذي واللي زاد الطين بله اخونا كربلا ضم صوته لصوتك رحتوا فيها شيفكم من لسان البنات وتعليقهم .
بس كسر فيكم جورج كلوني هذا ما يدري عنهم وميتات عليه وانتم قضبوكم الباب ههههههههههههههههههههههههه.
أحــــمـــد ***
|
|
10/26/2008 3:07:26 AM
|
|
تتعد الزوجات............ بس الرفض والقبل
|
موضوع يستحق انه الواحد يبدي رأيه فيه , طالما الله سبحانه وتعالي حلل للرجل الزواج باربع نساء فله حكمه بالهشئ سبحانه , فالله لا يحلل شئ الا لاسباب فيها مصلحه للناس فهو خالقهم وعلام الغيوب , فاذا رجعنا لرفض المرأه انه زوجها يتزوج عليها انا عندي سؤال هل الافضل انه زوجج يتزوج عليج يالحلال او انه يخونج ويروح للحرام ؟ السؤال الثاني هل الافضل انه زوجج يطلقج وتروحين بيت أهلج او انه يتزوج عليج وتستمر حياتكم واعيالكم يتربون بوسطكم؟ انا ريال وأتكلم من منطلق اني عارف شنو مشاعر الريال لما يفكر انه يتزوج على مرته صدقوني خواتي في رياييل يتزوجون على حريمهم واهمه يحبون حريمهم ويكنون لهم كل الاحترام لكن يشوفون انه مره وحده ما تكفي او تلبي رغباته فعشان جذي يتزوج عليها لانه ما يحب يمارس الحرام , والحين ابي اتحرش فيكم يا بنات وعندي سؤال لكم , لو كانت العصمه بيدج هل راح يطول زوجج عندج ؟
السؤال الثاني لو محلل لكم الزواج بأكثر من ريال هل راح تتزوجون على رياييلكم ؟
السؤالين هذول عشان تعرفون شلون انه الريال صبور ويتحمل .
|
|
10/26/2008 5:04:16 AM
|
|
ممنوع الدخول للبنات !!!
|
تصدقون يا جماعه مادري ليش بنات الكويت شايفين نفسهم وبعدين يتشكون من العنوسه , المشكله لو تشوفهم اغلبهم مو حلوين (جياكر) على قولت المثل على شينه وقوات عينه , لا تزعلون بنات , بس جربوا التواضع مره لا تنغرون بانفسكم .والمشكله انه لما تتعرف على وحده بالموقع اول شئ تطلبه ابي اشوف صورتك ههههههههههههههههههههههه
ولما تحطلها صورتك حتى لو انك ما نقول حلو مقبول الله يعينك بلوك ودليت ههههههههههههههههههههههه, بس فيها خير خلها توريك صورتها مو تسويلها بلوك ودليت الا أطفي الكمبيوتر اسبوع ما تشغله هههههههههههههههههههههههههههههههه, يا عيني على بنات لبنان البياض والبشره الصافيه صج تعدل النسل حتى لو كنت اجلح املح اعيالك يطلعون حلوين وبشرتهم بيضه , شباب يبيله تعديل نسل ملينا من انتاج الكويتيات اذا طلع حلو قالت طالع علي واذا طلع جيكر الله يعينك تقولك على طول ولدك طالع عليك ههههههههههههههههههههه.
أحـــــمــــد***
|
|
10/27/2008 12:25:23 AM
|
|
يا شحيح الوصل
|
صــــح إلسـانــك أخــوي فيــصل
|
|
10/27/2008 12:29:24 AM
|
|
ياليتها كانت زوجتي .....قصه مؤثرة وجميلة
|
مشكور اخوي على القصه الجميله , وبصراحه فيها من العبر والمعاني الكثير , والكل يتمنى هالشئ هذا لو يصقله باولاده
|
|
10/27/2008 12:39:54 AM
|
|
جزيره بوكيت
|
mel79al7iat كتب:
من كثر ما تكلمتوا عنها خاطري اروح لها ..
أنا اقول إختي العزيزه ملح الحياة ما أنصحج تروحين حق المنطقه هذي مع إحترامي الشديد للاخ اللي طرح الموضوع لانه احنا اهل الكويت اسر محافظه ومثل ما قال أحد الاخوان ما تصلح لانه فيها مناظر ما تصلح فكثير من الاشخاص القريبين مني زاروها واخر واحد فيهم زارها الصيف هذا قبل شهرين وكانت اول زياره له لبوكيت يقول قعدت على الشاطئ انا وزوجتي ما دريت شوي والا يايين بنتين اجنبيات جان فسخون ملابسهم ويقعدون على البكيني يمنا يقول جان اخذ زوجتي شوفي واهوا ريال اخذ زوجته وراح بعيد عنهم يقول شوي ما عجبني المنظر اللي شفته جان اقول لزوجتي شرايج نروح السوق نتمشا , وسالته عن الاسعار يقول على كلامه هالسنه بالذات الاسعار ارتفعت مو مثل قبل , بس من كلامه ما ينصح بزيارتها كزياره عائليه واتمنى اني وضحت الصوره للاخوان ولج اخت ملح لا تتهورين وتروحين بوكيت
أحمـــد ***
|
|
10/27/2008 12:46:20 AM
|
|
اجازه استرخاء وراحه الي المانيا منطقه seafield
|
السفر للدول الاوربيه شئ ممتع كافي الطبيعه والمناظر الجميله والحلوه اللي تفتح النفس وتشرح الصدر وانا اتمنى اني ازور كذا منطقه في اوروبا بخاطري ازور البندقيه في ايطاليا صراحه شئ مو طبيعي شوقتنا اخوي للسفر ,,
|
|
10/27/2008 12:55:55 AM
|
|
خطرXخطر
|
حلو عنوان الموضوع اخوي خطر×خطر , انا اشوف اكثر الشباب والبنات مو مهتمين باجسامهم ولا يختارون الوجبات اللي تحافظ على اجسامهم , وسالفة الوجبات السريعه انا اشوف انها مضره للجسم لكن هم في اشياء ثانيه تضر بالجسم وتتفخه وتسبب الكرش والزوائد اللي الكل يشتكي منهم لكن انصح الاخوان والخوات انه يحاول يقلل من الاكل ويقلل من عدد الوجبات بدال لا يصيرون 3 وجبات باليوم يخليهم وجبتين ولا تخافون ما راح تموتون اذا ما اكلتوا 3 وجبات بس المقصد من هالكلام الشخص اذا اكل يحاول انه ما يكثر يعني مثل ما تيي للصحن وانت يوعان قوم منه وانت حاس انك ما شبعت مو لازم تشبع تترس بطنك .
أحمـــــــد ***
|
|
10/27/2008 1:07:13 AM
|
|
علاج ضيق الصدر
|
mel79al7iat كتب:
يزاك الله خير على الموضوع الطيب
استغفر الله العظيم واتوب اليه انا فعلا امر في ضيق صدر ادعولي ان الله يفرج همي ويعينني
اختي العزيزه ملح الحياة كل انسان تمر عليه فتره من الوقت يحس بضيقه صدر وتصل لدرجة البجي وبفضل من الله ورحمته بالبشر تروح الضيقه عن الشخص , فالمطلوب منج اخت ملح انج تحاولين ترقين نفسج فاحيانا تكون الضيقه بسبب النفس او الحسد وما في انسان يسلم من الشئ هذا , وحاولي تكثرين من قراءة سورة الكرسي والمعويذات وان تدعين ربج لانه الله سبحانه يكون قريب من عبده اذا دعاه , واسال الله العلي القدير ان يشرح لج صدرج ويسرلج امرج ويبعد عنج الهموم ويسعدج ويجعلج من اهل الجنه وجميع اخوان المسلمين ونتقابل ان شاء الله بالجنه اللهم امين يا رب العالمين فانت قريب مجيب الدعاء والحمدالله والصلاة والسلام على رسول الله واله وصحبه ومن والاه.
أحمــــد ***
|
|
10/27/2008 1:11:11 AM
|
|
ايسكريم الفيمتو
|
جذي وفرت علينا بصراحه تاذينا من اللي يبيعون ايسكريم عندنا يفترون اربعه وعشرين ساعه بالشارع , شكلي بخلي ام العيال باجر تسويلهم الخلطه هذي بس ادري حتى لو سويناها لهم هم راح يشترون ايسكريم هههههههههههههههههههههه
edited by guest_q8 on 10/27/2008
|
|
10/27/2008 1:22:18 AM
|
|
وصفة للتخلص من الوزن الزائد!
|
يا اخوان الريجيم شئ سهل لكن يحتاج اللي ينتظم بوجباته ويمارس المشي وانا اختلف مع الاخت اللي تكلمت عن الحبوب مهما كانت الحبوب حتى لو انها مو مضره اقولها ما في حبوب ما لها مضاعفات او نتائج عكسيه على الجسم وانا انصح بالرجيم الطبيعي الخالي من جميع الاوديه الحارقه للدهون وغيرها اللي تسبب خلل في وظائف الجسم وتفقده الكثير من الاشياء اللي اهوا محتاجها ,خلاصة الحجي الموضوع محتاج اراده من الشخص نفسه , وانا انصح الاخوان انه اذا قعد على الصحن واهوا يوعان مو لازم يقوم واهوا شبعان قوم وهم انت حاس بالجوع لا تترس معدتك وصدقني شوي شوي المعده راح تتاقلم على اكلك واللي كان امس ما يشبعك راح تحسانه يشبعك.
أحمـــد ***
|
|
10/27/2008 2:54:57 PM
|
|
الحذر: الوجبات السريعة تسبب الإدمان
|
mel79al7iat كتب:
الصراحة الوجبات السريعة ما ولدت عندنا الا اجسام غريبة واللي عرفته بس مو متاكدة منه ان الوجبات السريعة تجعل البنت تصبح كالولد بحيث ان يزيد هرمون الذكورة عندها والعكس مع الولد وخصوصا في سن المراهقة ..وصدقوني بيض وطماط ابرك من بورقر كنق وهارديز ...
انا ايد كلام اختي ملح ما اعتقد الوجبات السريعه لها دخل بموضوع الهرمونات , بس انا اختلف معاج اخت ملح جبن وطماط احلا ا من البيض والطماط
|
|
1 2 3 4 5 6 7 8
|