|
صفحات
1 |
|---|
|
10/8/2008 12:12:29 AM
|
xxx7gooogexxx
Posts 1
|
السلام عليكم
شلونكم يا حلوين ويا حلوات...
اتمنى تكونون بخير وصحه وعافيه ....
بصراحه فكرة الموضوع خطر في خطر
يتني من كثر ما اشوف كثير من الشباب والبنات وحطو تحت كلمة البنات ستين خط احمر اهمال كبير بسالفة الرجيم والرشاقه
نلاحظ كثير من بناتنا الله يهديهم يطيحون له دق بهالوجبات السريعه والمطعم من تقوله البنت الو يعرف شنو الوجبه وما يحتاج تعطيه العنوان يعرفه
واخر شي اتيي تقول وي انا جسمي اخترب...... وي انا متنت مع اني ما قاعده اكل وايد... وي يبيله نروح دكتور تخصص اغذيه يسويلي رجيم خاص.. وي محد خطبني .... وي صرت عانس
و و و و
ونست هالبنت ان انوثتها ما تكتمل الى بجسمها لان البنت حلاتها بنعومتها ودلعها وجسمها الي يخلي الشخص الي جدامها سواء كان كخطيب او كزوج ما يكرهاا ويطالع غيرها ويمكن يعتبر هالبنت غلطه بحياته
المهم ما اطول عليكم بس احب اقول انالسمنه والعياذ بالله مرض خطيردير بالكم منه
ويا ليت كل بنت او ريال يخصصله وقت ساعه باليوم يروح فيها لاقرب نادي رياضي ويتعب على نفسه
لان النفس اغلى شي للشخص...
مو حلات البنت بلبسها وكشختها بالماركات ...
بالعكس انا اشوف البنت حلاتها ما تبين الى لما تلبس اي لبس يكون عليها حلوو....
ونصيحه اذا تبي تعرف البنت نفسها انها وصلت الكمال بجسمها .. والكمال لله وحده .....
في طريقه .. انها تشتري لبس بايخ حده .. وتلبسه ويطلع عليها حلو لانها راح اهي تحلي اللبس بجسمها الحلوو الرشيق....
تقبلو تحياتي .. حقوقي
|
|
10/8/2008 12:34:14 AM
|
gem
Posts 267
|
يسلم فمك يا حقوقي
امنيه ان نرى تواجد المشتركين بساعات الطلعه من البيت ... قليل حيث يكونوا بالاندية او حتى لو بو بلاش ... مشي ... هالايام الجو حلوما يخالف فيه وايد حساسية ... شيلو خمطه عودة من الكلنكس علشان تعاطسون ( و المعاطس مفيد على فكرة ) و لزوم ما وراء المعاطس الكلنكس يخفيه ( يييييييييييو )
المهم الطلعه للمشي من اجل التنحيف ( و يا حيف على التنحيف ) عاد و الله المماشي اشزينها ... و هالمماشي تبجي ... تبي هالناس ... فالله يخليكم ( صدقة لالله ) اهتموا بالمماشي ... و ثانيا ... المشي فيه فايدة مهي بزينه ... و هي ان الواحد ياخذ اكسجين زيادة ... بما يعني ان الجسم يستفيد ,, لاحول و لا قوة الا بالله
الله يحفظكم و يكافيكم شر الجفول و الوجبات السريعة و يزيد اكسجينكم
الدعوة هذه لي اولا .... انشاالله الله بيهديني بعد انا !!!
|
|
10/8/2008 9:27:18 AM
|
amo0on_mlgofa
Posts 24
|
هاي
معاكم حق أغلب البنات مو مقصرين
بس ليش ركزتوا على البنات وبس؟!! 
شوفوا الشباب الواحد عمره للحين ما صار عشرين وتلاقي كرشه ناقز شبرين جدام
ترى الصراحة لاعت جبودنا من المناظر اللي قاع نشوفها كل يوم
وبالنسبة لي حلات الريال طوله فوق الـ80 و وزنه جريب الـ85 
بعدين شفيها الوجبات السريعة ومن قال إنها تمتن؟؟
لو تمتن جان وزني الحين صاك الـ70 
رجاءً كل واحد يضبط اللي يعرفهم (سواءً شباب أو بنات) بلييييز ترى ملينااااا من الجكر 
|
|
10/8/2008 2:57:40 PM
|
SARA_85
Posts 2
|
واي عليكم شنو هذا ليش حاطين علي البنات وعليه شفيهم رجاءا لاتكلمون جذي عن بنات جنسي ....يعني انتو يالشباب مقصرين والله ساعات اروح الممشي اشوف الشباب امتن من البنات اللي كرشته طاقه متر ليجدام
وبعدين يعني بس البنات ياكلون وجبات سريعه ؟ ويمتنوون والشباب لاء
يعني ليش كل التركيز عالبنات ...من صوبهم شديد العقاب ومن صوب الشباب غفور رحيم
لا يبا المفروض كلهم سواء الشباب او البنات اذا كانو متان يخسسون من وزنهم والله مو عشان اللبس ....انا اشوفها من ناحية الصحه يعني اغلب امراض القلب والسكر والسرطان اسبابها شنو ؟ اكثرها السمنه
الله يكفينا الشكر
|
|
10/9/2008 2:46:16 AM
|
eros82
Posts 11
|
والله انا اقول الي بالجدر يطلعه الملاس شكو مادري المهم طرت على بالي هل جمله وقلتها
بالنسبه للوجبات السريعه على فكره يعني وللمعلوميه ترى فيها نسبه كبيره من الكربوهيدرات يعني تعطي طاقه بالنهايه وكثرتها مو زينه
ياجماعه سواء للبنيه ولا للصبي اكلو كثر ماتبون بس تحركو وحركو شحومكم وان شاءالله الهنا والشفا
واحلى من بناتنا ماكو فديتهم جنهم البخت امتان ولا ضعاف يهبلون والله ههههههههههههه <<< كلكجي
يعطيك العافيه على اثارة هل موضوع صج مهم جدا جدا جدا على فكره ها على فكره ترى المتن مو زين حتى للحياة الزوجيه او بمعنى اصح الجنسيه كلش مو شي
وايب الملل ولوعت الجبد والحبيب ركز على البنات ماينلام لان تضاريسكم غير عن تضاريسنا يعني ريال متين يترقع شويه بس بنيه متينه مصيييييييييبه
فا ديرو بالكم ديرو بالكم ديرو بالكم -(:
|
|
10/10/2008 9:09:39 PM
|
miss_3afeesa
Posts 110
|
السلام
صج المطاعم خربتنا
وانا وحده حب اكل المطاعم بس مو السريعه
اتقد اللبنانيه والهنديه ماتمتن وايد كثر الامريكيه البيبسي هو المشكله الاساسيه وشكرااااااااااااااااااااان
|
|
10/11/2008 11:28:45 PM
|
miss_3afeesa
Posts 110
|
امبيه
انا كنت حاطه صوره واحد قاعد يشرب بيبسي ليش طلعت هالصوره
لووووووووووول
عادي
|
|
10/13/2008 3:12:43 PM
|
NASER_82
Posts 1
|
والله خوش موضوع
بس من وجهة نظري يالحبيب نحط زوووم عالطرفين مو بس البنات حتي الشباب بعد
وبعدين مسألة الخطبه والزواج هالشي هذا كله من رب العالمين لو جيكره ومتينه وتلوع الجبد اذا يه نصيبها والله كاتبه لها راح اتسكر الحلووووج
اهيه مو مسأله متينه ولا ضعيه بنظري السالفه لالالا
انا ماافكر بهالمقايس لانها ماتهمني شنو يعني متينه كل متينه بتضعف اهيه سالفة توافق فكري بين الطرفين لابد انه يكون في توافق فكري
هذا والسلام
|
|
10/13/2008 7:37:24 PM
|
ebn_askar
Posts 1
|
صراحة السمنة للرجل عند العرب قديما وحديثا هيبة ورزة ..
أما المرأة ففي السابق وقبل عهد قريب 20 سنة تقريبا كانت المرأة المليانة المربربة هي المطلوبة ، حتى بعض الدول العربية لا زالت هالنظرة موجودة خصوصا عند كبار السن الشيبان
اما بعد الانفتاح التقني والتلفزيون وكثرت الحمررر العطررر العنقريزيات  انعكست الصورة وصارت العصلة هي المطلوبة 
عموما المرأة الحلوة تفرض نفسها ( الزين يفرض نفسه ) بجمال ويهّا او جمال قوامها او جمل اخلاقها وروحها
أما الرجل فالقاعدة معروفة : ما يعيبه شي 
وشكرا يا صاحب الموضوع
|
|
10/27/2008 12:55:55 AM
|
guest_q8
Posts 150
|
حلو عنوان الموضوع اخوي خطر×خطر , انا اشوف اكثر الشباب والبنات مو مهتمين باجسامهم ولا يختارون الوجبات اللي تحافظ على اجسامهم , وسالفة الوجبات السريعه انا اشوف انها مضره للجسم لكن هم في اشياء ثانيه تضر بالجسم وتتفخه وتسبب الكرش والزوائد اللي الكل يشتكي منهم لكن انصح الاخوان والخوات انه يحاول يقلل من الاكل ويقلل من عدد الوجبات بدال لا يصيرون 3 وجبات باليوم يخليهم وجبتين ولا تخافون ما راح تموتون اذا ما اكلتوا 3 وجبات بس المقصد من هالكلام الشخص اذا اكل يحاول انه ما يكثر يعني مثل ما تيي للصحن وانت يوعان قوم منه وانت حاس انك ما شبعت مو لازم تشبع تترس بطنك .
أحمـــــــد ***
|
|
1/4/2009 4:26:06 AM
|
ahmad83
Posts 4
|
السلام عليكم
انا لما قريت تعليقاتكم على الموضوع حسيت ان الاغلبيه ما عندهم معلومات كافيه عن الوجبات ومكوناتها او عن الرياضه والشبااب يقولون ان البنات متان والبنات يقولون ان الشباب مكرشين
المشكله اللي عندنا بالكويت ان الشباب من الجنسين عندهم فقر بالمعلومات الصحيه اللي المفروض انهم يتعلمونها عشان يحافظون على صحتهم وجسمهم
ودليل على كلامي ان معظم الشباب الكويتي لما يدخل النادي الصحي مايحاول انه يقرى ويسأل ويتعلم بس يقلد الناس الاقدم منه وهذا شي غلط لان كل جسم يختلف عن الثاني او انه يسمع كلام مدرب وهالمدرب تفكيره بالفلوس وبس ومرات يبيع اشياء منتهيه الصلاحيه وهذا الشي انا اشوفه كل يوم من سنتين وللحين مستمر وللاسف ماكو رقابه
والشي الثاني شبابنا مايعرفون شي عن الهرمونات والبروتينات والكربوهيدرات والفيتامينات والكرياتين والاحماض الامينيه وغيرها ومايعرفون ان استخدامها بدون اشراف طبي وفحوصات ممكن تسبب لهم مصايب بعد فتره من الزمن اذا استخدموها استخدام غلط خاصه الهرمونات لانها تلخبط الهرم الهرموني بالجسم
والمشكله اللي تضحك ان في ناس ما تعرف شنو معناه الوزن المثالي مايعرفون ان كل طول له وزن مناسب عشان يكون شكل الجسم حلو ومتناسق
وغير هالامور في امور وايد المفروض الكل يعرفها بس للاسف محد له خلق يتعلم
بنهايه الموضوع انا اسف على الاطاله و ما اقول الا بسكم تعليقات على بعض وخلكم بحالكم
|
|
1/5/2009 2:34:09 PM
|
sulimani
Posts 10
|
ترى السالفة مو بنات وصبيان والسمنة منتشرة بشى مو طبيعى فى الكويت واحسن شى المشى نص الساعة كل يوم حر وبرد ما له شغل وعليكم بالشاى الخضر .
|
|
1/7/2009 12:47:03 AM
|
aleidan75
Posts 148
|
موضوعك حلو حقوقي بس لا تخص جنس معين المشكلة تخص الجنسين واغلب مشاكل السمنة سببها النفسيات والظغوطات والتفكير اللي ما يهد احد بحاله
وتحياتي للكل
|
|
1/12/2009 5:12:42 PM
|
123asd
Posts 15
|
والله انا اشوف انه عندنا بالكويت الوعي وايد زايد من هالناحيه ..ووايد في ناس اشوفهم محافظين على روحهم وصحتهم ..شوف شركات الدايت اشكثرهم بالكويت وفاتحين لهم فروع بكل مكان ,وعندهم ماشالله اقبال من الكبير والصغير سواء عشان ينزلون وزنهم ولا عشان يتحكمون بنسبه السكر والضغط عندهم ..وشوف النوادي شلون منترسه بالكويت ..عكس مثلا 10 سنين لي ورا ..يعني اللي بوصله انه لو الكويتيين عندهم اهمال من هالناحيه جان لا النوادي ولا الشركات افتحت عندنا لانهم بالنهايه يدورون على الربح المادي ..
وصج احنا الكويتيين نحب طلعت المطاعم تقريبا بالاسبوع لازم نروح مره ..بس ترا مو لأنه احنا متان , لا ترا والله الكويتيين ذويقين للاكل وهم على كثر طلعاتنا للمطاعم هم تلقى ناس تطلب سلطات وستيكات وحتى اغلب المطاعم الحين خلت منيو للسعرات الحراريه المنخفظه ..صراحه مومضطرين يسوون هالمنيو لو ماكان في اقبال عليه من الناس ..
انا اشوف نسبه السمنه زايده عند الاطفال والاعمار اللي بين 11 و14 سنه ..تلقاه كل يوم غداه وعشاه من هالجنك فود ..وهني المفروض ايي دور الاهل ..
اما انه الكويتيين او الكويتيات على وجه الخصوص مثل ماانت قلت متان ومو مهتمين بعمارهم ,لا ماتوقع لي هالدرجه
|
|
1/14/2009 1:07:53 AM
|
aleidan75
Posts 148
|
الصراحة موضوعك روعة حقوقي بس تبي الصج اشوف طفرة حلوة عند الشباب الحين ومن الجنسين( المشي ) قمنا نلاحظ وايد بدوا يمارسون هالرياضة لا
متواصلين وهذي ظاهرة حلوه فمهما اكل الانسان من مختلف الوجبات بمجرد ما يمشي يبدأ سبحان الله الجسم بحرق السعرات الحرارية الزايدة وبجذي يتوازن
الجسم وهني وعافية للشهيته مفتوحه
|
|
1/17/2009 12:43:52 PM
|
salooh
Posts 6
|
يبا اقول انا وزني 70 وطولي180 ابي امتن شلون جسمي حلو بس ابي وجبه تأثر فيني كل شي اكل واكل وايد بس ماكو فايده شسوي ابي امتن بعد 5كيلو
|
|
8/10/2009 1:15:20 PM
|
Invisible
Posts 2
|
اول شي يعطيك العافيه اخوي حقوقي على هالموضوع الطيب .. ثاني شي سووري لاني برد عليه والموضوع قديم 
اعتقد مشكلة السمنه عدم المواصله على الرياضه .. يمارسونها شهر عقب يهدونها ... وبعدين بعلق على الشباب اكثر .. لان معروف انه سمنة الرجال تخلي جسمه بشكل التفاحه (كرش) وهالشي يخليه عرضه لامراض القلب والكوليسترول الله يبعدهم عنا وعنكم .. اما البنت فيتخذ جسمها شكل الكمثرى (العرموط) وتكون اقل عرضه لهالامراض ..
طبعا هذا بشكل عام ولكل قاعده شواذ ,,
وشغله ثانيه .. الحين كل بيت فيه 3 خدامات او خدامتين عالاقل .. حتى الواحد غرفته مايكلف عمره ويرتبها
من جذي قلة الحركه تزيد من نسبة تخزين الدهون والبروتينات الزايده عن حاجة الجسم .. وبدل لا يحرقهم للطاقه .. راح يخزنهم بجسمه
|
|
8/14/2009 2:33:08 PM
|
nadd0ya
Posts 2
|
بكل الأمور الوسطيه اهي الافضل اكلوا من خير الله علينا بس باعتدال رسول الله عليه الصلاة والسلام قال ثلث لطعامك وثلث لشرابك وثلث للهواء النفس يعني عشا جذي اكلوا بس قبل لاتشبعون قوموا واحمدوا الله وبعد ياينا رمضان الكريم لااتكثرون عشان الصلاة وسلامتكم وتعيشون
|
|
10/5/2009 10:58:00 AM
|
7oor27
Posts 3
|
اهم شي الحركه
مشي ساعه باليوم يشد الجسم شد و يخلي النفسيه تمااااااااام
و حتى لو الميزان ما تغير بس تحس ان شكلك احلى من قبل و المقاسات تغيرت
و عدل اكلك من غير صحي و مقالي لاكل صحي .. صج اول ايام بتحس انك خروف ( اكرمكم الله ) و ما غير تعلف بهالخضار بس عادي بتتعود و تحس بالفرق ( من زين الفرق عاد ) عادي المهم فرقت معاك
بس خلك ريلكس يعني مو لازم تسوي رجيم بالتمام و اذا اكلت بسكوته ولا قطعة ككاو تكتئب و تتضايق
عااااااادي
اهم شي الواحد يكون مرتاح و اهو يسوي رجيم ترى ما يسوي تسوي رجيم و تحرق اعصابك
اوكي خربطت بالاكل اليوم احل المشكله باني ازيد الحركه و الرياضه او باجر اضبط نفسي و ما اكل اكثر
تيك ايت ايزي يا عم و نزل وزنك من غير هم و عصبيه
انا طفاااااااارتي الرجيمات الي يقولك الصبح اكل بيضه و ربع رغيف الاسمر و ثلاثة ارباع ملعقة الشاي جبن و تغدى صدر دجاج و قفشة سلطة
او رجيمات دشتي و مشتي
ياخي اكل الي موجود بس بحدود و كثر من الخضار و الفواكه و امشي
بس خو ما يبيله شي
اي صج و لا تنسون الماي .. انا ماخذه بطلين زجاج ( لا يروح بالكم بعيد ) و اعبيهم ماي و حاطتهم قبالي كل ما شفتهم شربت ماي يعني اشرب باليوم اكثر من لترين
|
|
1/23/2010 4:58:09 AM
|
mosa.
Posts 5
|
يسلمج ربي وان شاء الله يسافيدوون من كلاامج
|
|
صفحات
1 |
|---|