Khitba.com

صفحات 1 2 3 4 5 6
	10/17/2008 9:29:51 PM
khale_dm Posts 358	بسم الله الرحمن الرحيم نسمع عن حالات طلاق سببها تافه جدا ....والامثله كثيره على ذلك فليش يكون الطلاق على الاسباب التافه ....ليش الزوج والزوجه ما يتعلمون اسلوب الحوار وحل المشاكل بينهم مو احسن لهم من المراكض ورا المحكاكم والمحامين *من وجهه نظري ان افضل حل لحل المشاكل هو 1-حلها في نفس الوقت وعدم تأجليها حتى لا تتراكم ولان في تراكمها يؤدي الى صعوبه حلها وبالتالي الانفجار 2-لابد ان كل زوج يراعي مشاعر الزوجه ولا يستهين بصغائر الخلافات 3-واهم شي ان يكون بينهم حوار وشفافيه وان الواحد ما يستحي من الاعتذار للطرف الثاني اذا شاف انه على خطأ لان الاعتذار ما ينزل من قيمه الزوج امام زوجته او الزوجه جدام زوجها
	10/17/2008 11:11:23 PM
QumarNajd Posts 51	كلامك صحيح يا أخ خالد,, اضيف للنقطه الأولي, بأن لا يرجع الطرفان لفتح باب المشكلة مره اخري, لأنها انحلت. والنقطه الثانيه ,, ان يشتركان في الحل والرجوع لنقطة المشكلة الرئيسية من البدايه سوف يجدونها تافهه وكبرت ولا تستحق ان يضحوا بحبهم علشانها. والنقطه الثالثه يجب ان يتنازل احد الطرفان لأنقاذ الموقف لأن بالعكس هذا يدل علي العقل الواعي والشخصيه الناجحه المسيطره للموقف لأن العناد لا يحل شئ والعنيد دائما هو الخسران لأن محد ينضر غيره, واؤكد بأن الحب الحقيقي ذي الأساس القوي اذا كان موجود لا يكون للعناد مكان ولا للأنانيه و سوف ترسي السفينه بإذن الله تعالي الي بر الأمان. ومن المهم ايضا ان يتم نقاش المشكله وحلها بين الأثنين فقط لا يدخل بينهما أحد لكي لا تتفاقم وتتشعب وتكبر. أشكرك أخي علي هذا الموضوع المهم
	10/18/2008 2:11:39 AM
khale_dm Posts 358	مشكوره انتي العزيزه على (قمر نجد) ردج المميز وبصراحه كلامج جميل ومكمل لموضوعي والله لا يحرمنا من هالردود المفيده
	10/18/2008 10:51:57 AM
hassasa Posts 65	بصراحه كلامكم حلو وصحيح... أضيف على كلامكم ان بين الزوجين لازم مايكون فيه أي أسرار حتى لوكانت تافهة وبسيطة... لأن هالأشياء الصغيره لها دور في خلق المشاكل والعناد بين الزوجين.. وكل واحد فيهم بيتكبر على الثاني... واذا صار عند أحد الطرفين أي شيء في خاطره وفي قلبه على الطرف الآخر لازم يصارحه ولايخلي الموضوع أو الزعل يكبرعنده... وأشدد على الصراحه.. الصراحه.. الصراحه.. لأنها الأساس القوي للحياة الزوجيه... وفي نقطه مهمة وااااااايد.. واااااااااايد.. ان واحدهم لا يعاير الثاني في شيء شافه أو عرفه عن الطرف الآخر لأنه راح يسوي حواجز وابتعاد بين الطرفين... لأن الزوجين اختاروا بعضهم باقتناع ورضوا بحسنات وعيوب بعضهم.. يعني يالزوجين كبروا عقووووولكم.. ولاتخسرون بعضكم وبعدين تتحسفون وتقولون جانزين اللي صار .. ماصار.. بس بعد شنو!!! بعد ما فات الفوت ماينفع الصوت.. وحسوا في النعمه اللي الله رزقكم فيها.. غيركم يحسدكم على النعمه اللي انتوا فيها..
	10/18/2008 11:11:24 AM
QumarNajd Posts 51	عز الله شانك ومقدارك , والعين ما تعلي عن الحاجب طال عمرك, موضوعك مهم والمشاركه فيه مهمه واللي عنده خبره لا يبخل علي احد علشان الله يبارك فيه ويزيده علم ان شاء الله
	10/18/2008 1:32:57 PM
QumarNajd Posts 51	اشكر اخت حساسه علي نقاطها المهمه ايضا ,,وخصوصا الصراحه ,, لأن اذا حبيت شخص واهو جزء منك ومكمل لك ماتخش عنه شئ حتي افكارك يشاركك فيها شئ ضروري والصراحه فن. مثلا ماتكون جارحه مو علي ابو انك صريح اتصير دفش وكل شي تقوله بأسلوب ينفر الناس منك,, يعني يكون صريح ويوصل اللي بقلبه بطريقه يتقبلها الطرف الثاني المهم ما ايخش عنه شئ ويستغفله لأن نفس الشئ راح ايصير معاه سبحان الله كما تدين تدان
	10/18/2008 3:08:35 PM
hassasa Posts 65	العفو يااختي (قمر نجد) في شغله حبيت أضيفها بعد.. ان صاير الحين موضة ان البنت كل شي تروح تقوله حق أمها وتطلع أسرارها الزوجيه وهذا أكبر أكبر غلط.. وهمبعد الشاب .. اللهم يكافي صاير عقله وااايد صغير يمشي ورا كلام أمه.. وماله شخصيه ..أي شي يبي يسويه في حياته الزوجية لازم ياخذ كلام أمه وينفذه وكأن الزوجه مو موجوده.. اذا كان جذيه خله عند أمه أحسن..الأم على العين والراس بس مايصير جذي ياجماعه.. مهما كان الحياة الزوجيه لها أسرارها وخصوصياتها.. اهو متزوج البنت ولا أمه...!!!!!
	10/18/2008 4:13:18 PM
doctor_3 Posts 27	السلام عليكم , موضوع جدأ جميل , الاخت الحساسه قالت شي مهم واهوا سبب طلاق ستين بالميه من الا قاعدين نشوفهم اليوم , هو تدخل الاهل وبالأصح تدخل الأم انا برأي ؟ حل مشاكلهم وامورهم بعيد عن الاهل سوأ اهل الريال او المره لان الاهل مراح ينظرون بالنهايه على راسهم اهم , ولا احب ان اطيل بالموضوع لانى مااحب اتكلم بالمشاكل :P
	10/18/2008 4:45:59 PM
miss_3afeesa Posts 110	السلام انزين ممكت اسال سؤال؟ اذا هذي الامور التافه عند الرجل بس تعتبر امور مهمه عند المراه والعكس صحيح منو اللي يحدد هذا الامر تافه ولا لا وسؤال ثاني اذا وااااااااااااااااااااااااااااااايد كان في امور تافه ماراح تكبر وتصير مشكله كبيره مثلا كل مره نفس السبب التافه يتهاوشون عليه بعدين يعتذرون وهكذا فمو الافضل الطلاق؟ انا ماايد الطلا بس اذا ناس مايفهمن ولا يرتاحون لبعض فالفراق افضل وشكراااااااااان
	10/18/2008 5:03:30 PM
QumarNajd Posts 51	صح كلامج اخت حساسه وانا ذكرت ايضا ان محد يتدخل في مشاكلهم,, ايا كان لأن في ناس ربعهم يتدخلون واهني المصيبه أعظم, وأن لا احد يأثر فيهم,, الأم علي العين والراس مثل ما تفضلتي وممكن اقتراحاتها تفيد بحكم خبرتها ما يستهينون فيها, والراي الأخير لهم,, و المفروض المرأه اتسيطير علي لسانها وماتطلع اسرار بيتها وزوجها حتي حق امها اهي أو حتي أختها أو رفيجتها, المفروض اذا في شئ تقوله لزوجها وتحافظ عليه وتصونه وهو كذلك, مو كل صغيره وكبيره يطلعها حق امه وتتدخل, المفروض يصون زوجته ويحافظ عليها وكل مشكله لها حل يقعدون وينسون الخلافات ويتناقشون,, احسن طريقه ان ما يتناقشون في وقت الغضب علشان لا تكبر المشكله, كل واحد يقعد بروحه ويتقابلون لما يهدءون ويذكرون الله ويتذكرون اساس المشكله وهل اهي تسوئ هذا كله وكل واحد يتذكر محاسن الثاني والأيام اللي وقف وياه فيها واشكثر ايحبه ويغليه والمواقف اللي خلت حبه يكبر ويروح يسمع وجهة نظره من هالمشكله اذا كان غلطان يعتذر لأن الأعتذار دليل علي الوعي والحب لأن اللي يحب ماراح ايكون اناني وعنيد, ونصيحتي ايضا للمرأه ان ما تهد بيتها علي كل زعله واتروح بيت اهلها, لا تهربين واجهي وهذا مكانج ليش تتخلين عنه, تقدرين ااتعرفين غلاتج عند زوجج وانتي ابمكانج من غير ما اتسوين هالحركه, اذا كلش كلش, نامي بالغرفه اللي يمه بس قعدي علي قلبه اذا تحبينه edited by QumarNajd on 10/18/2008
	10/18/2008 7:01:06 PM
gem Posts 267	اذا ماكو فهم بالاساس و تفهم و صبر و قبلهم ابتسامة و لمسة حب و حنان و فوق كل ذلك وعي حقيقي للي يواجهونه ... خل يصكون هالدكان و يريحون الناس و القضاء اذا انتفى كل اللي سبق ... كل شي بيصير مشكله ... الملح بالاكل و وين فاصخ اللي بريله ( تكرمون ) و صوت التلفزيون .. التلفون انشغل 7 ثواني زيادة .. انت الديوانية ... انتي النت ... اخوج .. امك اكيد هذه مشاكل صغيرة ممكن حلها بكل بساطة ... لكن هل المحبة و الود و الاهتمام بالاخر و الحرص على ابقاء كل ما من شأنه انه يحفظ هالعلاقة و ينميها مازال موجود ؟ و الا صار بالعقل الباطن يبيلها حفار مدة طويله علشان يتذكرون انه كان يا ما كان انا اظن انه اذا وجد الوعي الحقيقي الحياة تدوم
	10/18/2008 7:26:27 PM
khale_dm Posts 358	مشكورين على الكلام الطيب اللي قلتوه وبصراحه ما يقوله الا ناس واعيه وفاهمه للحياة الزوجيه والاهم من هالكلام هو تطبيق الكلام اللي قريناه لان عدم تطبيقه معناته ما تعلمنا ولا استفدنا شي وبالنسبه للحياه الزوجيه لازم يكون فيها صدق وصراحه واكرر ( صدق وصراحه) لانه السبيل الوحيد اللي يؤدي الى الراحه في الحياة الزوجيه و اذا حصلت مشكله بين زوجين ياليت لو كل واحد ياخذ ورقه وقلم ويكتب محاسن الطرف اللي معاه وراح يحس انه غلطان لانه مستحيل احد يضيع الثاني على مشكله تصير بين كل الناس ومثل ما احنا عارفين مستحيل حياة زوجيه تكون بدون مشاكل ولكن الاهم من المشاكل هو (جعلها مشاكل بناءه بحيث تخلي كل واحد يفهم الثاني اكثر وتكون سبب لتقاربهم) واذا كان احد الزوجين معصب لا يتكلم لانه اذا تكلم واهو معصب راح يدمر اللي جدامه واللي وراه والافضل انه يطلع بره البيت حتى ترتاح اعصابه ووقت حل المشاكل مهم جدا يعني يقدرون يحلون مشاكلهم في وقت يكونون مرتاحين فيه وتكون بطريقه حلوه واسلوب سلس حتى يتقبله الطرف الاخر *اذا كان الزوج يبي يسعد زوجته لازم يعاملها على انها اخر انسانه بالدنيا ومن ثم الزواج راح يتحقق الهدف منه واهو الاستقرار والسعاده النفسيه
	10/18/2008 11:01:31 PM
miss_3afeesa Posts 110	المشكله يا خالد اذا كل واحد من الطرفين لزم على اعاده الاسباب التافه ونسوا المميزات للطرف الاخر
	10/18/2008 11:55:25 PM
MRS.Q8 Posts 24	يعطيكم العافيه الموضوع وايد شيق بس عندي سؤال شنو تسوي الزوجه ووين تروح اذا كان زوجها النحيس العنيد اللي راسه يابس اذا كان أهو كبير العايله يعني أكبر اخوانه وخواته وأمه وأبوه متوفيين ومصدق نفسه سايق فيها يمين وشمال ومو فارقه معاه لا كبير ولا غيره واللي يسلمكم قولولي شلون تلاقي وسيله للتفاهم معاه بو ترباس اللي لا يودي ولا ينداس ترى وايد يبط الجبد!!! لأ مو بس جذي ولازم أهو دايما الصح صج ولا مره يكون على غلط شنو أعوذ بالله غرور!! يعني يعجزها ويخليها ما تدري اهي المينونه! مو أهو اللي عنتر زمانه ليش جذي والله حسافه الرياييل مرات يضيعون نفسهم عفوا ما أقصد كلهم بس هالنوعية العنيدة على شنو والله على أسباب تافهة ما لها معنى الله يبعدهم ويهديهم بس.
	10/19/2008 11:14:28 AM
khale_dm Posts 358	هني يا اخت عفيسه ترجع الثقافه الزوجيه واهي ثقافه مهمه جدا بحياتنا بحيث ان الشخص تكون عنده قدره على حل المشكله يعني اذا شاف الطرف الاخر ملزم برايه يقوم بدوره بالتنازل للطرف الثاني عشان ما يخسره وما تكبر المشكله مهم جدا تكون القدره لدى الشخص على حل المشكلات لانها وسيله مهمه تخلي الشخص يحقق السعاده بحياته
	10/19/2008 12:59:04 PM
Karbala Posts 318	السلام عليكم التضحية بالمهم علشان الأهم ... هذا شعاري لابد من التضحيات ... اعتقد الطلاق لازم يكون آخر شئ يفكرون فيه ... واذا سدت جميع الطرق اذا في اي مشكلة ... أهم شئ عدم تدخل الغير وحل المشكلة بين الطرفين واذا ما في فايدة .. يدخلون شخصين من كل طرف شخص يكونون عاقلين وعادلين تقبلوا تحياتي اخوكم/ كربلا
	10/19/2008 1:30:39 PM
khale_dm Posts 358	للاسف بعض الرياييل لا يوجد عندهم تفكير في المحافظه على الحياه الزوجيه والتضحيه والتفكير في الزوجه او التقليل من قيمه المرأه و هالطريق خطأ لان اللي ما يقدر زوجته راح تكون العيشه معاه صعبه او تنتهي بالطلاق فالزوج لازم يخاف الله في زوجته ويعاملها مثل ما امر ربنا والرسول ص واذا كان الشخص ما يخاف ربه فاظن كل الامور مستويه عنده
	10/19/2008 1:32:44 PM
khale_dm Posts 358	اخ كربلا بصراحه كلامه منطقي و ما نستغنى عن ردودك الرائعه ومرورك المميز
	10/19/2008 3:17:37 PM
QumarNajd Posts 51	اختي MRS.Q8 العزيزه ,, كلامك صحيح,, وهذه صج مشكله كبيره,, مالها حل لأن الريال بكبره مشكله,, أذا كانت البنت تحبه تتحمله ويلا اذا ما تحبه شاللي يجبرها تعيش معاه الفراق افضل لها ولأولادها لأن راح تتفاقم المشاكل بالمستقبل ويضيعهم اهي وأولادها, انا ما اشجع الطلاق لكن اذا ماكو فايده منه شتسوي واهي ماتحبه ولا اكو شئ يشفع له, والمفروض ايضا من البدايه تختاااار صح واتشوف اهو بار بأهله ويسمع كلامهم ويلا عاصيهم!! وهالشئ بيكون واضح وتسأل عنه قبل الأرتباط وعن اخلاقه والقريبين حواليه وخصوصا الدوام لأن الشخصيه اتبين علي حقيقتها في الدوام مع العشره طبعا,, وما يكتفون بشخص واحد يسألون كذا جهه ,, وأهم شئ تختارين اللي يخاف ربه وملتزم صح, هذا راح ايعرف قيمتج عالأقل ما يعاند ويحكم بضمير
	10/19/2008 6:33:26 PM
MRS.Q8 Posts 24	أختي قمر صح السانكج الاختيار من البداية والله وايد سعيده بردك بس فعلا حريم هالايام احتارت مع الريال وعلى سبيل المثال والغشمرة أخذي هالنكتة توها واصلتني وحبيت أشاركم فيها :الريال ... ماكو فايده فيه دايما عنده عذر ويتعذر اذا الواحده سألته 'أنت ليش ما تمسك ايدي واحنا طالعين ' Friends الصاحبـــــه 'أنت ليش ما تمسك ايدي واحنا طالعين ' '‏لأ ...فرضي احد من اهلج شافنا؟ ولا احد من اهلي؟ على الاقل جذي نقدر نرقع , إن ‏شاالله يا حبيبتي باجر آخذج وامسك إيدج جدام الدنيا كلها ' أنا أقول : صراحه معاه حق 100% .............................. Engaged مخطوبيـــــن ‏ 'أنت ليش ما تمسك ايدي واحنا طالعين ؟' 'علشان مابي احد يتطنز علينا ويقول صايرين كناري لان توهم مالجين...وبعدين بصراحة ما ارضى احد يتطنزعلى حبيبتي... .................................Married متزوجين 'أنت ليش ما تمسك ايدي واحنا طالعين ؟' 'يا حبيبتي إحنا مو مراهقين عشان نمسك إيد بعض في الشارع وجذي....إحنا اثنين متزوجين ومحترمين وعندنا بيت نسوي فيه اللي نبيه'.. .................................. Married with Children متزوجين وعندهم عيال ' أنت ليش ما تمسك ايدي واحنا طالعين ؟' 'يعني امسك إيدج ولا امسك إيد الياهل ولا اشيل لجياس هذي كلها؟!' ................................. Married for 25 years بعد 25 سنه مـن الكفاح المسلـح 'أنت ليش ما تمسك ايدي واحنا طالعين ؟' 'أي إيد هذي اللي بمسكها الحين! إنتي تبين ريل بنتج يقول عنا كبرنا وخرفنا؟! يعني المسكينة جنها راحت عليها والله صراحه أنا أعلنها من الحين اللي ما يبي يمسك ايدي من يوم الزواج جدام الناس ويعقدني لا يبه خليني عند بيت هلي يمسكون ايدي وامسك ايديهم وأحبهم بعد ويترضون عليي باقي العمر على مسكة ايديهم هههههههههه وآسفه على الاطالة
صفحات 1 2 3 4 5 6

|