|
صفحات
1 2 3 |
|---|
|
10/23/2008 7:14:50 PM
|
Karbala
Posts 318
|
السلام عليكم
سؤال مهم لابد من طرحة .. وابي منكم اختيار الجواب
السؤال للطرفين النساء والرجال
للنساء ايهما تختارين .... ؟
1- رجل محترم يخاف الله ويعتمد عليه وملتزم وذو خلق .. ولكن الشكل غير مقبول؟
2- رجل غير ملتزم ويتمتع بأخلاق شباب المجمعات التجارية (بوشعر كشه)... وشكله جميل وكول؟
للرجال: أيهما تختار .... ؟
1- امرأة محترمة وملتزمة وتخاف الله وذو خلق وربة بيت ... ولكن غير جميلة ؟
2- امرأة غير ملتزمة ولا تعرف بأمور البيت شئ .. وتتمتع بأسلوب بنات المجمعات .. وتتمتع بجمال ودلع؟
انا أعرف ان بعض الأجوبة راح تكون لا هذا ولا هذا ... لانه اكيد الانسان يدور على الشئ الوسط ,,
بس مجرد سؤال واقعني ممكن تواجه بأي وقت .. اذا انت تبحث عن شريك العمر
تحياتي لكم
اخوكم/ كربلا
|
|
10/24/2008 8:16:13 AM
|
el7saweya
Posts 55
|
قوة اخوي كربلا  تدري ان هالسؤال ياما سألناه لبعضنا بعض احنا البنات ؟ انا شخصيا رايي ان الريال مو بشكله ، اهم شي يكون خلوق ومحترم و ملتزم ، ابيه مقبول الشكل مو جيكر مرة وحدة بصراحة ، لان الضحية عيالنا لووووووووول وراهم زواج خصوصا بناتي ، الزبدة ابيه مو احلا مني .. وبس :؟)
|
|
10/24/2008 2:04:42 PM
|
THEHOPE333
Posts 95
|
السلام عليكم والرحمة
<-------- متوهقه بالسؤال وصار بمخها حالة " الشارع زحمة "
ماذا تقصد بغير مقبول؟؟؟ اهو الشكل ينقسم لاقسام " جمال 3/4 - متوسط الجمال- فيه نسبة قليلة من الجمال- شكل عادي ومقبول يمشي حاله ههههههههههههه - في الي جيكر حده مرة وحده " كربلاااا اي واحد تقصد ؟؟؟؟
لانه انا صار عندي خلل استيعاب
|
|
10/24/2008 2:49:42 PM
|
M7al
Posts 11
|
السلام عليكم
قال الرسول صلى الله عليه وسلم ( اذا جائكم من ترضون دينه وخلقه فزوجوه الا تفعلو تكن فتنة فالارض وفساد عريض)
وقال الرسول صلى الله عليه وسلم ( تنكح المرأه لأربع لمالها وجمالها وحسبها ودينها فاضفر بذات الدين تربت يداك)
وشكرا
|
|
10/24/2008 6:18:21 PM
|
Waterfall
Posts 2
|
السلام عليكم
علما بان هذي اول مره اشارك بس حابه الفت نظركم لشغله غايبه عن بال الكل
شسالفة الشكل الغير مقبول
ما قريتو عن خطيئة سيدنا نوح
اتمني الكل يدور فيها واللي يعرف يحسب حساب الكلمة قبل ما يتكلم
سورة التين (آية:4): لقد خلقنا الانسان في احسن تقويم
واحنا قاعدين نعيب على خلقة ربنا
|
|
10/24/2008 7:17:37 PM
|
ZGRT
Posts 2
|
انا اختر البنت المحترمه , لكن تكون مقبولة الشكل .
|
|
10/24/2008 9:49:40 PM
|
Karbala
Posts 318
|
el7saweya كتب:
قوة اخوي كربلا تدري ان هالسؤال ياما سألناه لبعضنا بعض احنا البنات ؟ انا شخصيا رايي ان الريال مو بشكله ، اهم شي يكون خلوق ومحترم و ملتزم ، ابيه مقبول الشكل مو جيكر مرة وحدة بصراحة ، لان الضحية عيالنا لووووووووول وراهم زواج خصوصا بناتي ، الزبدة ابيه مو احلا مني .. وبس :؟)
هلا الحساوية ..
انتي خايفة من عيالج يطلعون جياكر ... هههههههه
اذا ابوهم جيكر .. راح تتعودين على الجياكر .... بس اهم شئ ياخذون اطباع ابوهم الدين والاخلاق والطيبة ... الخ
تحياتي لج
|
|
10/24/2008 9:51:20 PM
|
Karbala
Posts 318
|
THEHOPE333 كتب:
السلام عليكم والرحمة <-------- متوهقه بالسؤال وصار بمخها حالة " الشارع زحمة " ماذا تقصد بغير مقبول؟؟؟ اهو الشكل ينقسم لاقسام " جمال 3/4 - متوسط الجمال- فيه نسبة قليلة من الجمال- شكل عادي ومقبول يمشي حاله ههههههههههههه - في الي جيكر حده مرة وحده " كربلاااا اي واحد تقصد ؟؟؟؟ لانه انا صار عندي خلل استيعاب
ههههههههههه
ما يبلها تفكير .. شخص غير مقبول شكلا ... يعني جـــيـــكــــــــــــــر بالكويتي
الحين الوهقة السنعة .. يالله جاوبي ههههههههههه
تحياتي لج
|
|
10/24/2008 9:55:03 PM
|
Karbala
Posts 318
|
M7al كتب:
السلام عليكم
قال الرسول صلى الله عليه وسلم ( اذا جائكم من ترضون دينه وخلقه فزوجوه الا تفعلو تكن فتنة فالارض وفساد عريض)
وقال الرسول صلى الله عليه وسلم ( تنكح المرأه لأربع لمالها وجمالها وحسبها ودينها فاضفر بذات الدين تربت يداك)
وشكرا
هلا اخوي ..
اسمحلي اصحح لك الحديث الشريف (إذا أتاكم من ترضون دينه و خلقه فزوجوه إلا تفعلوه تكن فتنه في الأرض و فساد كبير)
من ردك وضحت الرؤية .. انك تقبل الجواب رقم (1)
تحياتي لك
|
|
10/24/2008 9:59:53 PM
|
Karbala
Posts 318
|
Waterfall كتب:
السلام عليكم
علما بان هذي اول مره اشارك بس حابه الفت نظركم لشغله غايبه عن بال الكل
شسالفة الشكل الغير مقبول
ما قريتو عن خطيئة سيدنا نوح
اتمني الكل يدور فيها واللي يعرف يحسب حساب الكلمة قبل ما يتكلم
سورة التين (آية:4): لقد خلقنا الانسان في احسن تقويم
واحنا قاعدين نعيب على خلقة ربنا
هلا اختي ..
هذا الموضوع تم التطرق اليه في موضوع سابق ..
link
ممكن مراجعة الوصلة علشان تعرفين أكثر
تحياتي لج
|
|
10/24/2008 11:48:33 PM
|
Waterfall
Posts 2
|
اخ كربلا مثل ما قلت تطرقتو قبل فيه
ولا زال نفس الكلام ينكتب
ما استفدتو من اي شي
|
|
10/25/2008 1:30:53 AM
|
THEHOPE333
Posts 95
|
<---- جان تحك راسها هههههههههههههههه
حكرتني :P
شوف اذا كان الشكل غير مقبول من الحلج للحنج اوكي اوافق
بس اذا كان من الخشم وفوق لا لا اوافق :d
جوابي قصة نفسي ههههههههههههههههههه
تحياتي لك
|
|
10/25/2008 5:02:58 AM
|
khale_dm
Posts 358
|
THEHOPE333 كتب:
السلام عليكم والرحمة <-------- متوهقه بالسؤال وصار بمخها حالة " الشارع زحمة " ماذا تقصد بغير مقبول؟؟؟ اهو الشكل ينقسم لاقسام " جمال 3/4 - متوسط الجمال- فيه نسبة قليلة من الجمال- شكل عادي ومقبول يمشي حاله ههههههههههههه - في الي جيكر حده مرة وحده " كربلاااا اي واحد تقصد ؟؟؟؟ لانه انا صار عندي خلل استيعاب
------------------------------------------
الحين ماكو جياكر الله يخلي المكياج والصالونات لو تيييج وحده جيكره يخلونها ملكة جمال
|
|
10/26/2008 1:47:27 AM
|
guest_q8
Posts 150
|
أول شئ أحب أحييك أخوي على طرح الموضوع .
وثاني شئ أحب أقول ليش نقص على روحنا ونقول شئ ثاني كل شخص فينا كان رجل او امرأه يتمنى انه يكون شريك حياته جميل أو على قولتهم مزيون لانه الجمال شئ مطلوب والله جميل ويحب الجمال , لكن أقول ليس الجمال هو المقياس الوحيد فالاخلاق أهم وتييي بالمرتبه الاولى , والجكر على قولتنا بالكويتي اللي كلش عاد ما يترقع غير مرغوب فيه حتى لو كانت الانسانه أخلاقها زينه وانسانه ملتزمه وتخاف الله , لان هذي حياة زوجيه وفيها ما فيها من معاشره والكل عارف فلازم على الاقل تكون الانسانه مقبوله قدر الامكان حتى لا يكون هناك مشاكل نفسيه للطرفين , خلاصة الكلام .
إمرأه جميله بدون أخلاق وتواضع ودين = غير مرغوب فيها أبدا
إمرأة مقبولة الجمال وأخلاق وتواضع = إمرأه الكل يرغب بالزواج منها .
إمرأه جميله وأخلاق وتواضع وملتزمه = مرغوب فيها جدا جدا جدا وتييي بالمرتبه الاولى .
إمرأه غير جميله وأخلاق و أدب وملتزمه = الله راح يفوقها وتلقى نصيبها لكن نادرا ما يرغب فيها الرجل .
أحـــــمـــد ***
|
|
10/26/2008 3:46:19 PM
|
serious
Posts 32
|
أنا أقول ان الخلق والدين وحسن التبعل هو الاساس لانه فيه قرة عين الزوج او الزوجه. والحمد لله مستوى جمال الوجه في الكويت طيب جدا,بس المشكله في الاهتمام في النفس شوي لك عليه,مثلا عدم الاهتمام بالوزن.الجراءه الزايده عند الجنسين مثلا تشبه الرجال بالنساء والعكس,ضعف الاهتمام بتطوير الذات, الامبالاة وهكذا
|
|
10/26/2008 7:53:54 PM
|
Manart
Posts 69
|
1- رجل محترم يخاف الله ويعتمد عليه وملتزم وذو خلق .. ولكن الشكل غير مقبول؟
طبعا وبالتاكيد هذا
لان شنو نسوي بجمال الريال اذا يتراكض وراء اعراض الناس واخلاقه سيئه
لا الشكل ولا الشغل ولا المركز الاجتماعي مهم
الاهم الاخلاق
دمت بخير
|
|
10/27/2008 12:11:16 AM
|
THEHOPE333
Posts 95
|
خالد دمن _ الي يدري يدري والي مايدري ما يدري <--- تعليق على الصالونات هههههههههههههههههههه :p
ما اقدر اوضح اكثر من جذي ))
مناااااااااارت ..صح صدقتي ولا بعد اشوف اذا كان الرجال ماحلو نرتاح مره وحده من الغيرة
يعني نفكر انه لو صارت خلافات بينا اقوله روح ولا وحده بطل بوجهك :p
وانام وانا مرتاحه
هههههههههههههههههههههههههههه
تحياتي لكم
|
|
10/27/2008 12:40:10 AM
|
hassasa
Posts 65
|
بصراحه.. صار عندي عرقلة في حركة المرور في منطقتي الفكريه..
اذا مالقيت الأخلاق والشكل مع بعض ..ااامممممممممممممممم.. أختار رقم 1 وأمري لله.. شسوي العوض ولا القطيعه.. لوووووووووووووووول
.. الشكل مودايم.. أخلاق الانسان هي الدايمه..
حساسه.. ودمتم سالمين
|
|
10/27/2008 12:57:40 AM
|
khale_dm
Posts 358
|
THEHOPE333 كتب:
خالد دمن _ الي يدري يدري والي مايدري ما يدري <--- تعليق على الصالونات هههههههههههههههههههه :p ما اقدر اوضح اكثر من جذي )) مناااااااااارت ..صح صدقتي ولا بعد اشوف اذا كان الرجال ماحلو نرتاح مره وحده من الغيرة يعني نفكر انه لو صارت خلافات بينا اقوله روح ولا وحده بطل بوجهك :p وانام وانا مرتاحه هههههههههههههههههههههههههههه تحياتي لكم
---------------------------------------------------
قصدج تتاكدين ان البنات ما يتحرشون فيه ولا يعطونه ويه
اذا كان تفكيرج جذي فانتي على صواب
اخوكم/ خالد
|
|
10/27/2008 12:02:41 PM
|
gem
Posts 267
|
اختاري واحد ما تنطبق عليه هالاربع صفات .. غير الاشياء الثانية اللي تتكلمون عنها
1-عاشق المغامرات فهذا الرجل ما راح يريحج و مهما كبر راح تلاقين مغامراته تزيد و تتنوع
يعل قلبج بسواقته والنجرة وسلوكه العنيف ... حتى كلامه يفلع !! ما تلاقينه حواليج لانه يدور على هالمغامرات ... و تالي العمر تلاقينه
قاعد يلعب تيل يم التهسلات بشرق مع الشيبان
2-الحالمهذا مسيكين ... ممكن يكون وايد طيب و مهادن الى درجة انه يتوقع ان يجيله احد و يقول له هاك اللي تحتاجله علشانتغير حياتك
يعني ما يعمل على تحقيق التغيرر و التطور اللي يحتاجه بحياته و دايما يعتمد على ان التغير و تطوير حياتي ياي ياي
اذا كان هذا تفكيره بما يخص حياته اشيطلع منه للحياة الزوجية و الاجتماعية
3- مدمن العمل هذا الاخ عكس اللي قبله ... الله يا هو يحب الشغل و دنياه بس شغل بشغل .. ما يحك راسه من كثر ما هو مشغول
و تالي ليله يبي يحتفل و يستانس ... الاخ مرهق و يبي فرفشه ... علامج انتي يعني انا رايح الحفلة هذه و الا ذيج للوناسة ؟؟؟
مو للشغل بعد ؟ اذا شنو لسان حالج معاه ... لاعت جبدي .. ابي اطلع .. ابي احس اني متزوجة و عندي ريل
4-كل اللي طاف رحمة عن هذا .... كازانوفا المتأنق
و هذا الله يا كثر نوعيته بالمنتدى ... متعه متعه ... مسيار مسيار .. انزين يا خوي نتفاهم ... ماكو ... متعه مسيار
دايم البحث عن الماركات و معاملة ال في آي بي ... على فكرة راح يعطيج كل اللي تتمنينه و تحلمين فيه بس انت راح تكونين وحدة من القائمة مالته ...
هم تبينه ؟؟ يعني تتزوجين واحد مع الطقم ماله
الله يكافيكم شرورهم
|
|
صفحات
1 2 3 |
|---|