|
صفحات
1 2 3 4 5 6 7 8 9 |
|---|
|
10/22/2008 4:56:19 PM
|
khale_dm
Posts 358
|
بسم الله الرحمن الرحيم
يلجأ كثير من الشباب والنساء في الوقت الحالي الى الزواج السري او المسيار
نقاش الموضوع:
ليش انتشر زواج المسيار في عصرنا الحالي وما الدافع اللذي جعله ينتشر ؟
هل تؤيدون زواج المسيار ؟
اتمنى من الكل يشارك برأيه؟
|
|
10/22/2008 5:50:31 PM
|
el7saweya
Posts 55
|
khale_dm كتب:
بسم الله الرحمن الرحيم
يلجأ كثير من الشباب والنساء في الوقت الحالي الى الزواج السري او المسيار
نقاش الموضوع:
ليش انتشر زواج المسيار في عصرنا الحالي وما الدافع اللذي جعله ينتشر ؟
هل تؤيدون زواج المسيار
اتمنى من الكل يشارك برأيه؟
بصراحة مادري ليش انتشر ؟ بس اشفيها اذا تزوج الواحد مسيار؟ كل واحد وظروفه ، انا مو مع هالزواج ولا ضده بس دام البنت موافقة كيفها . بعدين زواج مسيار ولا انها تخربط برة .. موضوعك حلو وناطرة اقرا راي البنات والشباب ..
|
|
10/22/2008 5:51:17 PM
|
gem
Posts 267
|
انا اتمنى و بعد اذن اخوي خالد ان هالموضوع ينشال
لان من قبل انفتحت مثل هالمواضيع و بلشت تسوي اختلافات من المؤيدين و المعارضين مو للزواج
و لكن لمذاهب هذه الزيجات
خلونا بعيدين عن هالامور علشان نظل طول الدهر حبايب
و اذا حابين و تجربون و تشوفون شنو اللي بيصير ... خلوه و اكتشفوا بنفسكم
اعتذر اذا اتخطى او اكدر احد
|
|
10/22/2008 8:12:30 PM
|
miss_3afeesa
Posts 110
|
السلام
هذي حريه شخصيه زواج المسيار لانه اتم جميع الشروط للزواج الشرعي
وممكن تكون هناك ظروف تمنع احد الطرفين من ان يقيم بصوره دائمه مع الطرف الاخر
يمكن مثلا المره ماتبي تهد بيتها وتكون ارمله مثلا وتبي ريال يقعد معاها وماتبي تضايقه بالمصاريف بس تبي تحس انها موجود
اما الزواج السري فهو حرااااااااااااااااااام
لانه لمن يطبق الشروط الشريعه واهمها الاشهار والعدل بين الزوجات
والمره تكون خبله اذا خذت سري
والريال يكو خايف من مرته لووووووووووووووووول
فمايستاهل انج تاخذينه لانه مو ريال
بس انا مااحب شخصيا اتزوج سري ولا مسيار
وشكراااااااااااااااااااان
|
|
10/22/2008 8:30:04 PM
|
7ezen
Posts 37
|
والريال يكو خايف من مرته لووووووووووووووووول
فمايستاهل انج تاخذينه لانه مو ريال
ميسوو مو هذا اللي ذابحني !!! مادري ليس مسمينه ريال اذا يخاف من مره ؟
حزن
|
|
10/22/2008 8:50:32 PM
|
miss_3afeesa
Posts 110
|
لووووووووول حزن انتي معاي عالخط
الحين ليش ما يقول لمرته؟
1-لانها عندها المصروف
2-بطاقه البنك مالته عندها
3- يحبها لوووووووووووول قويه بس بحطها
4-يخاف يجرح مشاعرها لول هم قويه بس برقع لهم
5-ماله خلق يسوي عرس ثاني للثانيه فيقص عليها
6-يبي يعيش مغامره يحس فيه انه مراقب وشخصيه مهمه (مريض نفسي)
7-ماله خلق يعور راسه بالهواش الصراخ
8- وهو الاهم يخاف تطلب الطلاق ومؤخر صداقها واااااااااااااااااااايد
وشكراااااااااااااااان
|
|
10/22/2008 9:18:37 PM
|
7ezen
Posts 37
|
لووول عفيسه صج رد حلو
بس اولا و آخرا يعني يخاف منها ... دام يخاف منها عيل يتحملها يرضي باللي مكتوب
بس تدرين ؟ الله سبحانه شرع التعدد عشان نحل كل المشاكل لكن فقط الانسان العاقل يقدريتصرف
حزن
|
|
10/22/2008 9:22:41 PM
|
khale_dm
Posts 358
|
كلامكم حلو واللي يخاف ليش يتزوج يقعد بيته احسن
|
|
10/23/2008 9:21:10 AM
|
hassasa
Posts 65
|
الريال اللي خواف وجبان ماله معنى في الحياة لأنه ماراح يكون له أي دور ( مجهول الهوية )..
وجوده مثل عدمه..
بالنسبه لزواج المسيار والسري.. الكل قام ياخذه على كييييييفه وصار لعبه بإيد الكل..
ياماما هالزواج له أحكام ظروف محدده
|
|
10/23/2008 10:44:33 AM
|
cuteman
Posts 1
|
السلام عليكم
هذه أول مشاركة لي .. ويبدو أن فكرة المنتدى وايد مناسبة ..
على العموم أنا رايي عن موضوع زواج السر أو المسيار
زواج المسيار اسم مستحدث لزواج يختلف عن التقليدي ...
وسمي بالمسيار كون هذا الزواج لا يلزم الزوج بتوفير السكن والمعيشة للزوجة كما في الزواج التقليدي
ولأن هذه التسمية مستحدثة لم تكن موجودة إلا في وقتنا الحالي .. فكان لزاما علينا قبل الحكم عليه أن نعرضه على شرعنا الحكيم الذي ما حرم شيء إلا لحكمة ومصلحة للعباد ..
إذا كان هذا الزواج أو غيره متوفرة فيه شروط العقد الصحيح فهو صحيح ان شاء الله ...
وكما نعلم أن شروط الزواج الصحيح هو موافقة ولي المرأة كانت ثيب أو بكر ، ووجود شاهدي عدل ومهر ... واستمرارية الزواج .. دون نية الطلاق ...
وأما إذا تنازلت عن حقها الشرعي في السكن والنفقة والإنجاب .. فلها ذلك ولا يخل بالعقد ... لأنها تنازلت برضاها وبرغبتها ...
وأعتقد أننا في زمن أصبح فيه عدد الإناث أكبر بكثير من عدد الذكور .. لذا يجب أن نشجع على التعدد دون ظلم ، وربما كان هذا النوع من الزواج حل لمشاكل الكثير من النساء العانسات والمطلقات والأرامل ... ولكن دون استغلال من طرف الرجال ودون تلاعب أو تحايل على الشرع ...
والله الموفق ...
والله أعلم ...
|
|
10/23/2008 1:44:05 PM
|
Karbala
Posts 318
|
7ezen كتب:
والريال يكو خايف من مرته لووووووووووووووووول
فمايستاهل انج تاخذينه لانه مو ريال
ميسوو مو هذا اللي ذابحني !!! مادري ليس مسمينه ريال اذا يخاف من مره ؟
حزن
السلام عليكم
صحيح في رجال يخافون من حريمهم سواء باعلان الزواج عليهم .. او غيره
في رجال مثل ما نسميه بالكويتي ( سكانه مرته ) يعني مو بس الزواج خايف منها.
بس المهم انكم تفرقون بين الخايف من زوجته وبين اللي يحترم مشاعر زوجته
حتى في شغلات يسويها الرجل غير الزواج .. بدون لا يقول لزوجته ..
لاسباب متعددة غير الخوف منها: احترام مشاعر - عدم تفهم الزوجة - الابتعاد عن المشاكل
عموما ما اطول عليكم .. في امور وايد بس نذكرها لاحقا
تحياتي لكم
اخوكم/ كربلا
|
|
10/23/2008 3:16:02 PM
|
hassasa
Posts 65
|
أحيانآ الرجل ياخذ حجة : انه يخاف على مشاعر زوجته.. مايبي مشاكل أو ماراح زوجته تتفهم الموضوع.... الخ
عشان يسوي اللي على كيفه بدون لاحسيب ولا رقيب..
يعني يتحجج عشان محد يحاسبه على تصرفاته
ولين انحكر وصادوه بغلطه.. قال انا رياااال وكيفي.. أسوي اللي أبيه محد له شغل فيني..
أو قال الرجال مايعيبه شي.. لوووووووووووول
هذا في الزمان القديم يا ماما.. الحين غير
|
|
10/23/2008 5:10:19 PM
|
Karbala
Posts 318
|
hassasa كتب:
أحيانآ الرجل ياخذ حجة : انه يخاف على مشاعر زوجته.. مايبي مشاكل أو ماراح زوجته تتفهم الموضوع.... الخ
عشان يسوي اللي على كيفه بدون لاحسيب ولا رقيب..
يعني يتحجج عشان محد يحاسبه على تصرفاته
ولين انحكر وصادوه بغلطه.. قال انا رياااال وكيفي.. أسوي اللي أبيه محد له شغل فيني..
أو قال الرجال مايعيبه شي.. لوووووووووووول
هذا في الزمان القديم يا ماما.. الحين غير
مسئلة تعذر الانسان بأشياء بعيدة عن الواقع .. صحيح
بس الوصف اللي انتي ذكرتيه .. هذا من مواصفات الرجل الجبان .. وليس من الرجل العاقل واللي يخاف على مشاعر زوجته
الرجل الجبان .. ما يقول انا جبان .. لازم يتعذر بأشياء علشان يخفي جبنه
الكلمه واحدة وتصرفات متشابهة لشخصين ... واحد يكون صادق فيما يقول ويفعل والآخر كاذب ومنافق
والقول والفعل واحد
انشاء الله وضحت الرؤية
تحياتي
|
|
10/23/2008 5:18:18 PM
|
layla73
Posts 45
|
اللي يحترم مشاعر زوجته لازم يحط في باله اذا عرفت زوجته شنو راح يكون موقفها
واللي يحترم مشاعر زوجته خل يعقل و يقعد ولا يفكر بالزواج
هذا لللي ناقص
احب زوجتي و ما اقول لها اني تزوجت
عيل ليش اصلا تتزوج ههههه
|
|
10/23/2008 5:28:33 PM
|
layla73
Posts 45
|
ترا انا ملاحظه ان وايد يدشون علي بروفايلي و يراسلوني
واحد كبر ولدي يقول لي انا مستعد اتزوجك اليوم واللي تبينه حاظر ككككككككككك
بس راح اغير لانهم علي بالهم اني اتغشمر
صج ظروفي صعبه بس هذا مو معناته اني اوافق علي اي شخص
ماكو شغغغغغغغغغغل
|
|
10/23/2008 9:49:12 PM
|
khale_dm
Posts 358
|
hassasa كتب:
الريال اللي خواف وجبان ماله معنى في الحياة لأنه ماراح يكون له أي دور ( مجهول الهوية )..
وجوده مثل عدمه..
بالنسبه لزواج المسيار والسري.. الكل قام ياخذه على كييييييفه وصار لعبه بإيد الكل..
ياماما هالزواج له أحكام ظروف محدده
--------------------------------------------------------------
الريال الخواف يدل على ضعف شخصيته والا ليش يخاف .....بصراحه كلامج عدل
|
|
10/24/2008 1:13:55 AM
|
guest_q8
Posts 150
|
موضوعكم حلو وايد , بس أنا عندي بعض الملاحظات انتوا بالغتم وايد وخليتوا زواج المسيار منتشر ومو عارف أيش , أنا ما أنكر إنه موجود بس سالفة أنه منتشر هذا شئ مبالغ فيه وايد , وزواج المسيار أساسا وجد للشخص اللي كثير السفر لبلد معين ويخاف انه يقع بالحرام , فعشان جذي لم يلزم بتوفير السكن وغيره للزوجه لانه ليس مقيم عندها إقامه دايمه وله شروط وضوابط ومنها اشهار الزواج وانه يكون في شهود , ما علينا المهم أما بخصوص الريال انه يخاف من زوجته نعم في رياييل يخافون من حريمهم بس ما نشمل الكل وأنعمم بالعكس في رياييل تزوجوا على حريمهم وبعلم حريمهم وشباب أعمارهم بالعشرينات والثلاثينات , وثاني شئ لو نبي نرجع حق رياييل قبل والحين أنا راح أقولكم شئ قبل الناس كانوا يقولون المره مالها الا بيت زوجها وكانوا الحريم الاؤليات فيهن حيا وخوف واحترام للريال أما الحين المره تخز الريال وتكسر عينه صار الريال يستحي والمره عينها قويه خلونا نكون صريحيين , حريم الوقت مايعات يحبن الفراره بالاسوقه والسفر والتمشي والطلعات الله يرحم حريم قبل أمي وأمهاتكم قبل لا دش الريال البيت فزت فيه مرته هلاا بو فلان تعال استريح شتبيني أطبخلك ألحين يدش ويطلع من البيت ما يسمع منها ريق حلو ولا تقوله شنو تبي تاكل الا ما رحم ربي وهن عملات نادره بهالوقت ويا بخت اللي يطيح عليهم . وأسف على الاطاله.
|
|
10/24/2008 3:26:32 PM
|
M7al
Posts 11
|
السلام عليكم
ياجماعه انتم ليش خليتو زواج المسيار هو زواج الجبان وزواج السر وزواج اللي يراعي مشاعر زوجته و و و و ...
زواج المسيار هوا زواج شرعي ولكن بتنازل الزوجه عن بعض حقوقها مثل السكن والنفقه لضروف خاصه
مثلا انا كويتي وبتزوج سعوديه وقالت انا ماقدر اطلع من السعوديه واتفقنا على انها تكون عند اهلها هذا زواج مسيار وبعلم زوجتي ليش اخفيه ؟؟
اما زواج السر مايجوز ومن شروط الزواج الاشهااار
وعندي سؤال للبنات .. تفضلين زوجج يتزوج عليج ويحطها عندج بالبيت او يتزوج زواج مسيار وبعلمج طبعا .؟؟
انا أعتقد ان كل اللي انتقدو زواج المسيار راح يرضون بالمسيار الحين )
وشكرا
|
|
10/24/2008 4:54:27 PM
|
zhara
Posts 37
|
السلام هلا يا اخوان انا راح ارد على زواج السر وانشاء الله يرضى الجميع نبدا من الرجل ..... الرجل عندما يتزوج زواج بالسر لديه ظروفة مثل زوجة متسلطة صاحبة مشاكل انانية تبي زوجة هي التي تتحكم فية وانتم عارفين غيرة النساء وراح دوخه في المحاكم حتي لو ان خوش ريال راح تحط عليه الف عيب من الاحسن ان يتزوج بالسر عشان يفك نفسه من المشاكل ..
اما المراة: فى نساء يا اخوان لديهم اولاد كبار مايرضون ان امهم تتزوج او وجود رجل غير والدهم اذا هم ايتام هنا شو العمل ؟
فزواج السر لهذة المراة احسن لكونها حافظة على احترامها امام اطفالها ونظرت اولادها لها .
في وااااايد ناس تزوجوا في السر سنين طويله ومحد يعرف عنهم شي مادام الشئ بالحلال الله يستر عليه وشرط في هذا الزواج ان يكون الطرفين يخافون الله راح تقول ليش ؟
لان اذا صاربينهم مشكلة وادت الفراق ان يفترقوا بالمعروف مثل ما دخلوا بالمعروف بدون حقد وبدون اذية الطرفين .
ودمتم سالمين
رايكم ياشباب ؟
|
|
10/24/2008 5:36:04 PM
|
mona123
Posts 11
|
وعندي سؤال للبنات .. تفضلين زوجج يتزوج عليج ويحطها عندج بالبيت او يتزوج زواج مسيار وبعلمج طبعا .؟؟
شوفو يا جماعه الخير
الريال اذا يتزوج مسيار او عادي ، المهم ان الزوجه الاولي تكون عارفه و بس !
اما السري فهو دليل علي عدم جديه الرجل في حفظ حقوق الزوجه الثانيه
شكرا
|
|
صفحات
1 2 3 4 5 6 7 8 9 |
|---|