|
صفحات
1 2 3 4 5 6 7 8 9 |
|---|
|
11/25/2008 3:06:13 PM
|
gem
Posts 267
|
الاخ فارس المحترم تحية لك على طيبتك و جراتك على نقل الرسالة
و تحية للاخت اللي هالعالم للاسف مدخلينها مسلسل هندي ما خذت منه الا الغبن و النكد
اللي يبي شي و يتقدم له و يربط معاه انسان آخر و يتراجع عنه هو انسان و بكل اسف ما يتسحق كلامها الطيب عنه
هذه مشاعر انساينة .. هذه كلمة اقولها لعصابة الاربع .. انتو وين عن التدين اللي قصيتوا على هالمسكينة فيه
الله سبحانه نور لنا الدرب واضح ... اللي يبي شي يضحي و يجاهد من اجله ...تبي انسانة و تقدمت لها لازم تكون قد الكلام اللي بديته و الا بتكون جبان
اسمحولي يا اخوان انا الحقيقة بموضوع المشاعر الانسانية لرجل مظلوم او امراة او طفل ما اتمالك نفسي ... المثل المصري هذا مو مجرد مثل ... هذا حكمة ... اللي ما عندوش ما يلزموش ... ما عندك استعداد تتزوج و تشهر اصبح الزواج ما يلزمكش ... ما عندك قدرة توقف امام اهلك و مرتك ؟؟؟ ما يلزمكش
مقعول ؟؟؟ استاذ جامعي و رجل سياسة و مادري شنو ... بابا احنا حالنا صار جذيه غير من هذول ... هالاستاذ الجامعي شيدرس عيالنا .. قص على البنات ؟؟ العب بالمشاعر ؟؟؟ هذه الدكتوراه مالتك ؟؟ و اسحب على الباجي اسرة و مادري شنو ... مالي شغل انا باشخاصهم هالرباعي انا اتكلم عن سلوكهم ( فقط )
يقول لها انا ابيج و مابي العب !!!! و راح احط لج بيت و مصرف و .. الخ ..و لكن
الثاني .. طربق طربق طربق طربق .... الخ و لكن
الثالث .................................. الخ و لكن و الرابع ......... يخرب بيتكم البنت هذه شنو شطرنج عندكم ؟؟ الله يغربلكم ماني قايل يغربل ابليسكم
كله بالسر ؟ شنو منشورات اهي ؟؟ و الا مخدرات
بعدين شنو زواج بالسر ... اكو زواج بدون اشهار ... و كل واحد يقص على هالمسكينة اللي هي صادقة بالزواج و تطيح من سبة ذلك ببراثن هالعالم ... اي دين او تدين اللي تؤمنون فيه ... علمونا يعني هم احنا ممكن نستفيد و اياكم بعد ... مو احنا اخوان لكم كمسلمين و الا لأ لانا ما نؤمن بهالنوع من التدين ؟؟
يا بنات انتو اللي تتسببون على اللي اييكم
واحد مرته متسلطة ... اذا ماكو حل ابدا .؟؟ اكو طلاق ... ابغض الحلال نعم ... و لكن ما يكسر شرط اساسي لتعاليم ربنا ... شوفوا المعادلة !! زواج بالسر .. هذه اول سيئة ... اخاف على عيالي ... هذه سيئة لانك بتستغل انسانة بهالسبة ... الثالثه ... اهلي ... الرابعه ... ييييييييييييييييييييييييييييييييييييييييييييو صرت من الهنود الحمر
الثاني مرتة عوية طلق ... الثالث ..... اشدعوة انتو شركة مساهمة ؟؟
لا كله كوم و هذا بو طاقة كوم ... اشترك رياضة روح دور خرابيط برة سو اللي تبيه لان الخرابيط لا تقل سوء و مخالفة للخالق عن زواج سري غير مكتمل الاركان بالاشهار ... يعني زنى بائنة .. بعد هذا الدين قاله مو انا .... هذا امر اتمنى كل مرة تسمع هالكلمة من ريال!!! تقطع وصل على قولتهم
ربي يحمي بناتنا من ذئاب تمشي على قائمتين
|
|
11/25/2008 7:11:01 PM
|
gem
Posts 267
|
الحين توني قريت كلام البنت اللي هي ضحية الموضوع ... طبعا انشالله مو ضحية بس التسمية يت جذيه
يا بنت الناس يا اخيتي يا بعد جبدي ربي رنشالله يروقج ولد الحلال ... اللي يتزوج و يرضي ربه و يشهر الزواج
الدفاع اللي تقولين عنه ترى اكو منه وايد و نسبة مو سهله من الشباب يعانون بشكل او باخر عاطفيا .. و على الاقل هذول المساكين ما دشوا دنيا على قولتهم .
كسر الخواطر سهلة ... تعالي اقري كل يوم بدال ما احط مواضيع طريفة احط لج افلام هندية .. و لا هالايام اكو افلام تركية تبجي اكثر يقولون .
انتي قلبج رهييف وايد و صرتي للاسف ضحية .. عاطفية .. و هي اسوء الانواع ... لكن ان تظلين مسكرة عينك الله يحفظج و يسلمج ترى هذا مو منطق ... هذول الرياييل مشوا معاج و الله فكج من الزواج منهم ... راحوا حق الثاني و الثالثة ... الله يا رب يستنسخ ريا و سكينة الف مرة و يبلي فيهم هالاشكال ... فلا تظنين انهم قاعدين بحائط مبكى و عاملين مناحة ... قولي حق احد يمج يعظ ايدج بس انشالله يهوس ( بس مو وايد ) علشان تصحين و من اليوم شربي 4 قهوة و 4 رد بول مادري شسمه ... يمكن تتنشطين .
اختي ترى رب العالمين خلق العلوم و احنا ما اوتينا منها الا قليلا ... بس من هالقليلا بقول 1+1=2 ..
اكو حق و اكو انانية ... هالرياييل اللي بيج صح و صج يخلص امره و يشهر و يروح معاج انشالله عمرة و الاسفرة و الا وين ما كان
بس السر + انانية
المهم انتبهي يا اختي على وين تحطين ريلج و انتي ماشية
ربي يديم الجميع
|
|
11/26/2008 11:58:41 AM
|
bo_Jassem
Posts 26
|
النقاش وصل لي مرحلة انا اسميها الحوار الهادف ولله الحمد وعسالله لا يغير علينا
بس يا جماعة نقطة مهمة لازم الكل ينتبه لها
الاخ فارس
قصة ممتاز تصلح كعنوان للكلام الي بقوله
وانا اايد تعليقك الاخير واسمحلي بالتعقيب
وللأخ الكريم ( جيم) انا اخالفك بكذا نقطة اذا سمحتلي
بالبداية الزواج المؤقت موجود بالشرع ومافي اي ملاحظة موجودة ليتم تحريمه
وبوضح هالامر على شكل نقاط
* الزوج اذا لقا بالبيت الي يترس عينه عن الشارع ما يتجه لهالنوع من الزواج يعني اذا لقا التعاون والحنان والمشاعر واحنا نعرف ان المرأة سيدة المشاعر
وادعم كلامي بآيى قرآنية , قال تعالى : (وخلقنا من انفسكم ازواجا لتسكنوا اليها وجعل بينكم مودة ورحمة)
انا اتوقع اذا الزوجة طبقت هذي الآية والله لو الزوج يشوف ملكة جمال الكون ما يتأثر واحنا دينا الأسلام ودستورنا في هذي الأمور هو القرآن
* الزواج المؤقت حلله الشرع و تم تحريمة من قبل العادات والتقاليد
للأسف اننا نعيش في وسط تحكمنا العادات والتقاليد وليس كتاب الله على سبيل المثال في اشخاص ما يشوفون البنت الا بعد العرس والسبب العادات والتقاليد الموجودة وسط المجتمعات وللعلم هذي من الأشياء المحلل من قبل الله ورسولة وهي تسمى الخطبة لازم الشخص يشوف البنت وفي مرات مافي مانع لو قعدوا مرات ومرات لان هذي حياة ومستقبل جيل
* بالنسبة لعدم الاشهار هذي نقدر نقتبسها من النقطة الاولى بالإضافة الى ان الرجل انسان ويمتلك مشاعر ليش ما يلجأ للتحصين بالحلال ؟ انا بالبيت مو مرتاح ومضطر الى الزواج المؤقت
وهالشي يبعدني عن الحرام وبنفس الوقت اذا اعلنته ممكن تأدي الى مضاعفة المشاكل بالاسرة , فهذي نقطة مهمة ومافي مانع لو صار اتفاق من قبل الطرفين على زواج السر
وبالنهاية اتوقع ان في شغلة مبالغ فيها وهي ان هالشخصيات يا قدرون يطلعون !!! دام ان الشي بالحلال وما يعارض الشرع الله مع الكل
وسامحوني على الإطالة
وتقبل انتقادي اخوي العزيز ( جيم)
وتقبلوا مروري جميعا
|
|
11/26/2008 7:05:30 PM
|
fareskuwaity
Posts 7
|
الأخ الكريم بوجاسم الهدف من نشر هذه الرساله هو :
اولا : حكم المجتمع الإسلامي من التعدد و لماذا يلجأ الرجل الي زواج المسيار او السري ، اذا كان الشرع قد حلل التعدد
ثانيا : أخذ آراء علماء النفس و الإجتماع
ثالثا و الأهم : طالما الحلال موجود و مباح ، مالضروره لخوف الرجل من الزوجه الأولي و المجتمع بالتالي الإشهار ؟ و فعلا الرياييل اللي يتزوجون سري ماراح يقدرون يطلعون بره و هذا مو مبالغ فيه . تخيل نفسك ونت متزوج سري و طالع مع زوجتك الثانيه و احد شافك ! يا اما بيقول عن اللي معاك ( الغيرل فريند ) يا اما زوجتك ! ففي الحالتين انت قاعد تسئ لسمعتك !
اخوكم / فارس كويتي
|
|
11/26/2008 8:11:48 PM
|
gem
Posts 267
|
اخوي و حبيبي و استاذي بو جاسم انا قايل لك ان الاختلاف بالراي هو اجمل ما خلق عمليا و هو سبب تطور البشرية اصلا ... فاهلا و سهلا فيك و بالاختلاف و رايك احترمه جدا
حبيبي يا السمي انا اعرف تماما شنو اهو الزواج المؤقت ... و اعرف اشياء وايد ناس هني يخمسون و يثمنون بسياييرهم علشان يوصلونه .. و ما يعرفون عنه كثري
ارجع للكلام يا اخوي اخوك انا ... اشفيه تركيزك اليوم ... انا اتكلم عن الاشهار ( فقط ) انواع الزواجات المؤقته انا كنت مخزنهم بملف ... و من كثرهم و كثر شروحهم الملف صاير جنه شعبولا من متنه
فالسالفة اشهار مو مؤقت
الثانية يمكن عند بعض الفقهاء ( و ماني قايل راي فيهم ) بس يحقلي اقول عن شايبنا المخرف القرضاوي ... اذا بنعتمد على فتاواى من هالانواع ترى اكو وايد اشياء بالاسلام ترى عادي
يعني بالله فتوى الارضاع هذه فتوى ؟؟؟ اوكي الغوها ( اخاف اكتب شي وايد بسيط .. بس ما ينزلون كل الموضوع الله ياهم قلوبهم سودة ... الغي الكلام اللي ما يناسبك و حط الباجي )
فارجو ان نبتعد عن التساهل بالدين لانك لو تشوف ان هذا التساهل وصل دينا الى ان يكون ارهابي و دين ظالم و ... اشياء كثيرة . بسبب تساهل ولاة امرنا و علمائهم بامور الدين
فموضوع الاقتباس انا شخصيا استنكره لانه ما يدخل في اليقين ... اعذروني
اذا كان هناك من يقلد شخص يحله او يؤمن بعكس ذلك و مثبته لديه شرعيا و فقهيا حسب رايه فهو و ما يؤمن به
تحية و اعذؤوني على اعصابي بالرد الاول
|
|
11/27/2008 9:57:47 AM
|
bo_Jassem
Posts 26
|
الاخ فارس
انا معاك بكل لكمة تقولها ولا ارضا بالكتمان
في نقظة انا ذكرتها هي اساس الموضوع وهالشي بين بالقصة الي نقلتها
المشكلة مو بالزواج المشكلة بالعادات والتقاليد الي صارت قيود على كل شخص هذا اول شي
وثاني شي في رجال ظروفهم صعبة بالبيت بهالطريقة راح يلجأ للحرام كل هذا خوفا على مشاعر زوجته
من اول الزوجة ما قدرت ان في ريال بالبيت عشان هو يقدرها ( يا جماعة ما اقصد الكل تعلقيقي على مثل هالمواضيع بس ولا تفهمون غلط)
وبنفس الوقت ما اقول ان لازم رد الإساءة بالإساءة لكن هذا حق مشروع ومكفول
وبالنسبة للسمي (جيم) انا اقول لو تشربلك كوباية ليمون تهدي فيها اعصابك وايد زين ( مادري شفيه السمي صاير حار الايام)
ترى العلماء ما يطلعون فتاوه من جيوبهم الا ما يكون في دليل من القران والحديث
ودليل الزواج المؤقت موجود بالقران ( واييبلك التفاصيل ان شالله)
هذا اختصار الرد على كلامك
واسمحولي جميعا على القرقة
وحبيب قلبي (جيم) تقبل مروري
|
|
11/27/2008 6:33:53 PM
|
gem
Posts 267
|
هههههههههههههه بو جسوم
لا اخيي بوجاسم انا عصبت على الموقف الانساني اللي كتب بالقصة مو النقاش ... فخللي الليمون للي يحتاجه حبييب
لا تتعب نفسك بوجاسم اخوي ... انا اعرف الزواج المؤقت .. و لعلمك اغلب اصحابي من الشيعة والمتدينين و الضليعين جدا بامور الدين و ما عندهم لعب ابدا
فلا تييب شي و تشغل بالك .
انا ماني حار او عصبي على اللي اتناقش معاهم ابدا ... و كلامي واضح ... انا اقول مشكلتي و اعيدها لك انتبه الله يخليك .. الاشهار و ليس المؤقت يا بعد حيي
الاشهار شي مختلف عن المؤقت اوكي ؟ نتفق و نطلع من هالقصة
اما في موضوع الفتاوى خلني ارد و اتكلم عن جماعتنا ... انا شخصيا جدا موضوعي ... الغلط عندي غلط ... ربعنا او ربعكم ... بس ماني قايل عن جماعتكم انتو اولى بموضوعهم ...فلما الحين استسهد لا ياخذها احد فرصة رجاءا لانه نقاش جاد جدا و ما يسمح فيه للاستهزاء او الضرب بالمذاهب .
يعني بتقول لي زواج فرند او زواج سياحة او الارضاع هذه مستقاة من القرآن .. اذا القرآن فيه جذيه فانا اول من راح يدير له ظهره
القران كتاب الحق .. و هو كلام لا يقبل الخطأ او الزلة فيه ( و العياذ بالله ) ... و من يؤمن حقيقة بالحق كمبدأ علمنا اياه رب العالمين على لسان رسوله ( ص ) حتى لو لم يعرف حقيقة بامر معين و لكن فطرته الربانية راح توصله الى ذلك الموقف الحق
من كثر المفتين يا بو جسوم صار الحين الربع مو ملحقين على اطلاق و توصيل الفتاوى فخلوها على الهواء
شوف هذا الامر .. امر الافتاء ابتلينا فيه ابتلاء مو طبيعي بالسنين الاخيرة .. من ربعنا و ربعكم و ملوت الهند و باكستان و باجي اسيا و اوربا و انت رايح .. هذول افتوا باشياء لو صحابة الرسول ( ص ) ينزلون الحين يذبحون هالمفتين كرمكم الله تمحط بالنعل ... فارجو ان ينتبه الجميع الى موضوع اي فتوى ,, يجب التأكد ان صاحبها اولا انسان ثقة و ما زال عقله معاه و ارتكازه بذلك تم على اي اساس .. و يجب ان يكون للعلماء الاخرين توثيق لهذه الفتوى ... لا تقول لي لا اعرف مبدا التقليد لاني اعرفه عدل
على العموم انا ارى اننا اخذنا الكثير من الوقت حول هذه النقطة ... احترم رايك يا بو جسوم و تاكد اني رايق اكثر مما تتصور ...
تحية
|
|
11/28/2008 4:15:01 AM
|
69452
Posts 22
|
هذي اول مشاركة لي و ان شاء الله ما تكون الاخيرة : )
بالنسبة لاتجاه البعض لزواج المسيار فما نقول الا انه كل شخص له ظروف و ساعات هالظروف تجبر الواحد على اشياء ما يرغب فيها ؟
اهم ما في المضوع اهوا شرعية هذا الزواج اما مسألة قبوله فيرجع لكلا الطرفين الرجل و المرأه .
|
|
11/30/2008 8:07:42 PM
|
bo_Jassem
Posts 26
|
الى السمي مع التحية
الاخ جيم
كلامك كله على عيني وراسي واخر جملة انا قلتها كان غرضي اني اطرف الجو لا اكثر ولا اقل
ولما قلت لك انت معصب انا قصدت الغشمرة واعتقد اني امون 
بس اهم شي مثل ما قلت نبي ندير النقاش بدون التعرض للمذاهب والاخوان المشرفين عن المنتدى هالشي برقبتهم
وانشالله مافي بينا من يثير النعرات الطائفية
وتحياتي لك يالسمي
تقبلوا مروري
|
|
11/30/2008 9:40:05 PM
|
Diver777
Posts 3
|
السلام عليكم
من وجهة نظري ان موضوع زواج المسيار او السر مثل ما تفضلو فيه الاخوان والاخوات راجع لظروف كل طرف من الاطراف بحيث ان الموضوع مو متوقف على خوف الرجل
او ضعف المرأه كل مافي الموضوع يتوقف على ظروفهم واهم شي ان الاثنين يكونون متفقين لان في النهايه حياتهم واهم احرار ولكن انا افضل المصداقيه ان الانسان يكون صادق
في اي خطوه يتخذه وقصد بالرجل...
في شغله مهمه صايره في زمنا الحين ان في بعض الحريم تكون عارفه ان زوجها عنده ما عنده من العلاقات بس عادي عندها حتى ما تعالج هالشي بس اهم شي عندها انه ما يتزوج
عليها هذا منطق؟؟ في النهايه كل منا يبحث عن الاحترام والامان والحب حتى لو كان مسيار او غيره المهم انه حلال والله سبحانه يبارك فيه
تقبلو تحياتي وتمنى للجميع التوفيق والصحه وراحة البال اللي اهي اهم شي اعتقد...
|
|
11/30/2008 10:41:36 PM
|
khale_dm
Posts 358
|
69452 كتب:
هذي اول مشاركة لي و ان شاء الله ما تكون الاخيرة : )
بالنسبة لاتجاه البعض لزواج المسيار فما نقول الا انه كل شخص له ظروف و ساعات هالظروف تجبر الواحد على اشياء ما يرغب فيها ؟
اهم ما في المضوع اهوا شرعية هذا الزواج اما مسألة قبوله فيرجع لكلا الطرفين الرجل و المرأه .
-----------------------------------------------------------------
مشكور اخي الحبيب على مشاركتك لهذا الموضوع واتمنى ان تكون فاتحه لمشاركات عديده ومتميزه
-لكل من الاشخاص الظروف اللتي تجعله يقدم على هذا الزواج .....
اخوكم/خالد
|
|
12/1/2008 10:39:04 AM
|
gem
Posts 267
|
اولا للاخ درايفر ... اعتقد ان الامر اختلط عليك
الزواج السري غير المسيار ... و حتى العنوان الاصلي للموضوع يمكن شوي بعد يضلل
ثانيا للاخ بو جاسم ... انت تمون و تمون وتمون يا بو جسون ... ( يعني لو احاجي مرتي جان صارت طالق بالثلاث )
انا ما اتضايق منك لاني احبك بالله محبة اخوي ... بالعكس انا اعتز بالعلاقة الطيبة و النقاشات اللي تصير و هذا الامر يفرحني يا السمي
وجودنا هني للتعارف و التواصل الاجتماعي و تبادل الافكار و الاراء ... نختلف نتفق ما يوصلنا الا الى التقارب الاخوي اكثر باذن الله
فلا تحاتي انت و كل الاخوان هني و الاخوات لكم بقلبي كل محبة و احترام
|
|
12/1/2008 11:09:27 AM
|
reiiath
Posts 1
|
انا برأيي انه هالزواج يتناسب مع ظروف العصر ويعتبر صمام أمان من الفساد لناس اللي حياتهم كثيره بالمشاغل
واهو شرعا مكتمل الشروط وقانونا ما فيه ظلم لأي طرف دام انه قائم على التراضي والتفهم .... وشكرا ^_^
|
|
12/2/2008 10:33:14 AM
|
gem
Posts 267
|
باحدى المشاركات كتبت ان الصداقة اعظم علاقة خلقها رب العالمين للانسان
و الصداقة الحقيقية كنز ما له شي بالدنيا يعادله ...
هذا الكلام للي يعرف المعنى الحقيقي للصداقة
هذه قصة مو حقيقية و لكن تعبيرية عن الصداقة .. قد تكون مرت على البعض
----------------------------
㋡
اللهم أتنا في الدنيا حسنه وفي الآخرة حسنه وقنا عذاب النار
قال الجندي لرئيسه :
صديقي لم يعد من ساحه المعركه سيدي..
أطلب منك الإذن للذهاب للبحث عنه ..
الرئيس: الاذن مرفوض
و أضاف الرئيس قائلا :
لا أريدك أن تخاطر بحياتك من أجل رجل من المحتمل أنه قد مات
فذهب الجندي دون أن يعطي أهمية لرفض رئ .
وبعد ساعة عاد وهو مصاب بجرح مميت حاملاً جثة صديقه ...
كان الرئيس معتزاً بنفسه :
لقد قلت لك أنه قد مات ..
قل لي أكان يستحق منك كل هذه المخاطره للعثور على جثته ؟؟؟
أجاب الجندي ' محتضراً ' بكل تأكيد سيدي .. عندما وجدته كان لا يزال حياً،،
واستطاع أن يقول لي :
( كنت واثقاً بأنك ستأتي )
{ الصديق هو الذي يأتيك دائما حتى عندما يتخلى الجميع عنك }
-------------------------
اللهم ارزقني و كل من يتمنى صديق صدوق ... لان الصديق الصدوق يتخطى كل علاقة عدا الاب و الام
|
|
12/3/2008 4:15:00 AM
|
7q87
Posts 1
|
السلام عليكم
صج ردي متاخر بس كوني بنت اووووو عانس في نظر المجتمع
زواج المسيار فيه فوائد ومضار ...عفه للمراء الارمله ولمطلقه من الحرام اول شي اذا كانت لا تستطيع الزواج الاسباب عده ..
وفي نفس الوقت مضارة علي البنات لي مو متزوجات وينطرون الزوج فيفضل بعض الرجال الارتباط بمراءة ما تربطه بيت وعيال ومساوليات
ومهر ومصاريف زوجيه فيفضل الزواج المسيار وسري ...افضل من الزواج ببنت تبحث عن الاستقرار الاسري وزوج ولاتزام مع العلم ان بعض البنات لا تعرض فكرت تعدد الزوجات
وفي النهايه افضل الرجل الزواج المسيار وسري احسن من ان يلجئ للحرام ولعياذ بالله
لكم تحياتي
|
|
12/10/2008 11:36:09 PM
|
faris4180
Posts 3
|
mona123 كتب:
وعندي سؤال للبنات .. تفضلين زوجج يتزوج عليج ويحطها عندج بالبيت او يتزوج زواج مسيار وبعلمج طبعا .؟؟
شوفو يا جماعه الخير
الريال اذا يتزوج مسيار او عادي ، المهم ان الزوجه الاولي تكون عارفه و بس !
اما السري فهو دليل علي عدم جديه الرجل في حفظ حقوق الزوجه الثانيه
شكرا
|
|
12/12/2008 11:56:48 PM
|
Eng.teacher88
Posts 7
|
أنا أشوف ان زواج المسيار مافيه شي .. بالعكس فيه وايد مطلقات وارامل يبون بس الستر .. وما عندهم مانع لو تنازلوا عن السكن او حتى الانجاب .. واذا المره كانت راضية شللي يمنع .. بس انا بالنسبة لي .. لو تقدملي واحد يبي مسيار ماراح اوافق ..
اما زواج السر فانا ضده وبقوه بعد =)
مشكور عالموضوع ..
ومتابعتكم
=)
|
|
12/14/2008 10:58:09 AM
|
MaN7o0oS
Posts 1
|
السلام عليكم ورحمة الله وبركاته
الموضوع جميل والتعليقات اجمل ( متابع )
|
|
12/14/2008 5:31:08 PM
|
jarah1982
Posts 2
|
khale_dm كتب:
بسم الله الرحمن الرحيم
يلجأ كثير من الشباب والنساء في الوقت الحالي الى الزواج السري او المسيار
نقاش الموضوع:
ليش انتشر زواج المسيار في عصرنا الحالي وما الدافع اللذي جعله ينتشر ؟
هل تؤيدون زواج المسيار ؟
اتمنى من الكل يشارك برأيه؟
|
|
12/14/2008 5:45:09 PM
|
jarah1982
Posts 2
|
زواج المسيار اقدر اسميه زواج الهرووب من العنوووسه بالنسبه للمرأه لانه فى حالة عدم زواج البنت فى عمر معين تتخيل ان القطار طافها
اوكى طافج القطار لحقيه بالقطار الثانى طافج الثانى لحقيه بتاكسى ليش التشائم @@ السبب غلاء المهوور وعدم تحمل شباب هالجيل اقدر اسميهم
شباب الهمبرجر والبطاط والكتشب ويبه عطنى مصروفى ولا يمه عطينى بنزين سيارتى عدم مقدرتهم على تحمل بيت وزوجه وابناء
سوورى اذا زعلت بعض الشباب لكن هذا الواقع وهذا الصج والصج ينقال حتى لوو يزعل ولا شرايكم
ولا تزعلوون شباب كلكم معزومين على العشاا على حساب المنتدى وراح يطرشوولكم دعوات بوقت العزوومه ههههههههههه انا قالولى جذى
اتمنى للجميع المشاركه بهالمنتدى قاعد امدحهم علشان يخلونى مراقب فى المنتدى وساعتها ياوييلكم ههههههههههههههههههه
ومشكووووووووووووووووووووووووووووووووورين @@ انشالله اشوفكم برساله ثانيه @@ مع السلامه
|
|
صفحات
1 2 3 4 5 6 7 8 9 |
|---|