|
10/12/2008 12:51:03 AM
|
|
اساسيات التصوير الرقمي
|
اضيف اهم عامل في فن التصوير الا و هو " تحديد الزاويه " بحيث تظهر تقاطيع الوجه اصغر حجما مثلا في حال كان الأنف كبيرا قليلا نقف في زاويه معينه نجعل الإضاءه تحد من اظهار حجم الأنف كبيرا
او مثلا اثناء تصوير الوجه نقف في زاويه معينه بحيث يظهر لنا الوجه مبتسم حتي ان لم يكن الشخص مبتسما 
|
|
10/13/2008 10:22:51 PM
|
|
عدم الجديه
|
والله في ناس فعلا مو جادين و كل شوي يغيرون السيره الذاتيه ... تشوفونهم مثلا حاطين الوظيفه مهندس و يغيرونها يخلونها طيار و مره دكتور و مره موظف حكومي
مع ان الموقع مسهل لنا اشياء كثيره من خلالها ممكن نتعرف علي الأساسيات الموجوده في شخصيه العضو ... مثلا لو انا ابي جامعيه اختار البروفايل اللي صاحبه جامعي بس بعد المراسله اكتشف انه دبلوم !
انزين ليش تضيعون وقتكم و وقت الغير و تشوهون اهداف الموقع ... لا و المشكله انهم يكتبون "" جاد جدا "" و تكتشف انهم بس يبون لعب !
|
|
10/14/2008 2:09:49 PM
|
|
مقتنعين بالزواج من الانترنت !!!
|
اي نعم عندي استعداد اتزوج عن طريق الإنترنت و شنو العيب فيه ؟ ... الإنترنت و خصوصا الموقع هذا اولا و اخرا وسيله للتعارف و من خلاله تقدر تاخذ معلومات عن الشخص اللي تبي تتزوجها ، بشرط تكون جاد في الموضوع !لأن النت في العصرهذا يشبه الخطابه تماما ... الخطابه بعد هي عباره عن وسيله او رابط بين الشخصين و مهامها انها تعطي معلومات اوليه بما فيها الأصل و الفصل عن الاشخاص
و الباقي علي الطرفين ...
اما بالنسبه للماضي ، حتي الخطابه ماتعرف ما شي عن ماضي الأشخاص ، و هي ماراح تتحمل النتايج لأن وظيفتها بس انها تعرف الشخصين ببعض بشرط الزواج مو اللعب ... احنا المسؤولين
اذا انا وحده جاده و اوكي ، راح اكون صادقه و انا بنفسي راح اقول حق الشخص اللي ناوي يتزوجني ، عن ماضيي و عن الأشياء اللي تهمه .. و هذا احسن من اني اقول كل شي عني حق الخطابه و
بالتالي يتنقل الموضوع من لسان الي لسان و خصوصا الحريم و للأسف !!!
بعدين الموضوع كله يعتمد علي الشخص نفسه .. اذا كان انسان زين و البنت زينه ، ماراح يفرق معاه يتعرف عليها من الموقع او الأهل او حتي عن طريق المجمعات !!
|
|
10/14/2008 2:18:12 PM
|
|
عندى ملاحظات على البنات اللى بالموقع
|
بالنسبه للمتن او الجكر ، الواحد يقدر يتأكد بنفسه ! بمعني اذا صار قبول مبدئي يقدرون يشوفون بعض و الشرع حلل الشي هذا . بعدين
ما اعتقد ان بنت تكون جيكره و متينه و بعدين الريال يكتشف العكس .. الا اذا كانت بنت كذابه و لعوب و هذي مشكلتها هي !
اما بالنسبه للجنسيه ، مو مشكله ان البنت ماتحط الجنسيه في البروفايل و تقول الصج حق صاحب البروفايل اللي تشوفه مناسب لها
لأن في أعضاء فضوليين في الموقع !
اختي العزيزه او اخي العزيز ... ان اكرمكم عند الله اتقاكم و الله سبحانه جعل الناس شعوبا و قبائل ليتعارفوا ... و كلنا عيال أدم و حوا
|
|
10/15/2008 11:14:07 PM
|
|
مواقف وقصص واقعية من موقع خطبة
|
انا شخصيا مواقفي كثيره ... كلها مواقف حلوه و ذكريات جميله ...
الموقع هذا علمني كثير من الأشياء و انا اساسا من ابتوع اللي اعرف الأشخاص من طريقه محادثتهم معاي
بس للأمانه من الموقف هذا تقدم لي الكثيرون ! يمكن تستغربون بس يشهد ربي ان كل اللي تعرفو علي لله الحمد كانو جادين و تقدمو فعلا و كانو رياييل
بس سبحان الله يمكن الله ماكتب لي النصيب اني اتزوج الحين او يمكن الشخص المناسب لحد الأن هم ماوصل من القمر !!
يا اخواني و يا خواتي والله انا اكتشفت ان اللي زين زين ... ياما تعرفت علي ناس من الموقع كلهم عيال حموله و محترمين ، بس سبحان الله كل واحد
فينا عنده نقص في الحياة و لما ماصار نصيب كل واحد راح يدور علي نصيبه مع وحده ثانيه
الله يسلمكم من كل شر و من شرور الأنفس و البنات اهم شي خلوكم تكانه و لاتعطون ويه حق الشباب من اول محادثه 
يعني شوفو اول شي اذا يستاهل انكم تعطونه معلومات عن حياتكم الشخصيه من الألف الي الياء بعدين توكلو علي الله
والله يوفق الكل يا رب
حزن
|
|
10/15/2008 11:24:48 PM
|
|
Life Without Girls
|
يا سلااااااااام !!!
|
|
10/15/2008 11:42:27 PM
|
|
عندى ملاحظات على البنات اللى بالموقع
|
ميس عفيسه حبيبتي كلامج عدل ميه في الميه .. الحين ياريت اللي تشوفينهم وائل كفوري او راغب علامه او ريكي مارتن هههههه
بعدين المتن مافي احلي منه ... و يا ريتني امتن انا بعد 
|
|
10/15/2008 11:47:52 PM
|
|
النك - طريق مختصر الى شخصية الطرف الآخر
|
هو بيني و بينكم النك ماله علاقه بالشخصيه بشكل اساسي
مثلا انا نكي " حزن " و الكل يسألني شحقه حزينه مع انج لازم تكونين اسعد انسانه لأنج وحده كل تفكيرها بالأعمال الخيريه
بس انا و بكل صراحه احب اسم " حزن " كلحن و كلفظ ، مو كمعني
اسم احبه
هذا لايعني اني حزينه ...
بعدين علي فكره كل انسان فيه حاله حزن و الإنسان اللي ماعرف طعم الحزن عمره ماراح يعرف طعم الفرح و السعاده
ولا شرااااايكم ؟؟؟ 
|
|
10/15/2008 11:52:17 PM
|
|
عندى ملاحظات على البنات اللى بالموقع
|
بالنسبه للجكر ، خافو ربكم الواحد مايجوز يعيب علي خلقه رب العالمين
يعني اللي الله خلقها مو جميله شنو ذنبها ؟؟
والمتن بعد صحه
ميس عفيسه حبيبتي خليج منهم ... مثل ماقلت الحين ياريت الشباب اللي بالموقع كلهم وائل كفوري !!!
|
|
10/17/2008 12:03:52 AM
|
|
عندى ملاحظات على البنات اللى بالموقع
|
عفيسه حبيبتي انا بنت مو ولد )))
انا اختج " حزن " مو اخوج حزين
|
|
10/18/2008 8:06:31 PM
|
|
ممنوع الدخول للبنات !!!
|
الله يصلح حالك يا اخ فلفل ... اذا انت كويتي و تتحجي عن بنات ديرتك بالطريقه هذي عيل اللي بره شيقولون .
روح شوف حال اخوانك .. اللي شكبره خايف من زوجته و يبي مسيار و سري ... واللي يلعب ببنات خلق الله
واللي هو بروحه ماشاءالله تشوفه " تاركان " من كثر ما هو وسيم و يبي وحده تشبه نانسي عجرم لووول
يوبه اتقوا الله لاتشوهون سمعتكم و سمعة بناتكم و سمعة الكويت ... ترا الموقع هذا يدشونه ناس من كل مكان
حزن
|
|
10/18/2008 10:11:55 PM
|
|
مواقف وقصص واقعية من موقع خطبة
|
من اغرب المواقف اللي حصلت لي ، قبل يومين واحد مطرش لي رساله يقول لي انتو بنات الموقع مو ثقه !!! رديت عليه قلت ليش ؟
قال لأنكم تتعرفون علي اشخاص كثيره في الموقع !
رديت عليه بكلمه " لا تعليق " !!!
الأخ هذا ناسي ان في اول صفحه من الموقع كاتبين من مزايا الموقع :
البحث عن الشريك المناسب
أعرف من يريد التعرف عليك
أظهر اعجابك بالآخرين
تحاور مع الشريك المحتمل
انظر إلي السيرة الذاتية للمشتركين
وناسي ان الموقع هذا صمم لتسهيل عملية البحث لإيجاد الشريك المناسب مع الأخذ بعين الاعتبار العادات والتقاليد الكويتية و بطريقة محترمة وآمنة.
حسباله راح نختار شريك حياتنا وحنا مغمضين !
طبعا الكلام هذا مو معناه ان البنت ماتراعي العادات والتقاليد ، بالعكس البنت لازم تكون ثقيله و رزينه و مو كل واحد تعطيله ويه و مو من اول مراسله تعطي معلومات و الخ ...
البنت لازم تكون ذكيه و في نفس الوقت تفرض احترامها و تكون راقيه في التعامل مع الجنس الأخر .
بعدين دايما اقول الإنسان الزين ، سواء كان في الموقع او خارج الموقع ، يبقي زين . بالنسبه لي ماكو فرق بين النت و غير النت ...
حزن
|
|
10/18/2008 10:36:52 PM
|
|
مقتنعين بالزواج من الانترنت !!!
|
اخ فلفل مادري انت صاحي ولا فيك شي !!! اولا من الألف الي الياء كلامك كله ضد و نقيض
علي قوله الأخت قمر نجد تدور علي بنات بره ونت مسجل في الموقع
ثاني شي ثاعد تعيب علي بنات الناس ماخليت شي للباقي ! يا اخي الله يهداك اكتب كلمه زينه ترا
بنات الموقع خواتك قبل لايكونون اي شي . لاتهجم علينا ترا مثل ما في شباب زينين في بنات هم زينين
اما بالنسبه لسؤالك ... اي نعم اقدر اقول لهم اني تعرفت علي زوجي من النت ... شنو العيب يعني ؟
الحين افرض واحد شاف وحده بره البيت مثلا في الجامعه او ملتقي او ندوه او حتي مجمع و انعجب فيه و عطاها رقم و تكلموا
و تعرفوا علي بعض بالأخير صار توافق و تزوجو ... اذا سألته وين تعرفت علي زوجتك يقول لك بالجامعه او المجمع حتي !!!
هل هذا معناته ان البنت مو زينه و في الجامعه كانت تصادق كل واحد او في الندوه كانت تتكلم مع كل شخص ؟ و هل لازم يكون
حاط في باله انه لازم يطلقها يوم من الأيام لأنه تعرف عليها في الجامعه او الندوه او السوق ؟
يا ناس ترا ربنا سبحانه اهو مسبب الأسباب ... يمكن الله سبحانه سخر لنا الموقع هذا عشان يكون سبب في زواج الراغبين في الزواج
مثلما الأهل او الخطابات او الأسباب الثانيه في كثير من الحالات تجمع راسين بالحلال
صدقوني يا جماعه الخير ... الإنسان الزين يبقي زين و كبروا عقولكم شويه
حزن
|
|
10/18/2008 10:52:18 PM
|
|
وجهة نظر !
|
ميس عفيسه حبيبتي سمعيها مني
انا بعد اهلي مايعرفون اني مسجله في الموقع مع انه مو عيب ولا جريمه ... و مو عيب اذا الوحده فكرت انها تكمل نصف دينها بطريقه محترمه و راقيه .
بس هذا مايمنع انج اذا كنتي منحرجه ، تتفقين مع الشخص المناسب اللي راح تختارينه شريك حياتج ، انكم تقولون للأهل ان الموضوع صار عن طريق احدي الصديقات مثلا ..
والله يوفقج و يوفق جميع الراغبين بالزواج خليج قويه و توكلي علي الله و خليج صادقه و الله يرزقج الإبن الحلال اللي تستاهلينه ان شاء الله
حزن
|
|
10/18/2008 11:20:15 PM
|
|
ممنوع الدخول للبنات !!!
|
ميسووو عفيسه قولي لي المكان اروح اشوفه بعد
|
|
10/19/2008 7:22:02 PM
|
|
قصص زواج عن طريق الموقع khitba
|
انا ماسمعت قصص زواج عن طريق الموقع ، لكني اعرف بنت تقدموا لها شباب عن طريق الموقع هذا و ان شاء الله راح اكتب التفاصيل في المرات القادمه
اما بالنسبه انها تدش الموقع ولا ماتدشه بعد الزواج ، مو شرط اهي تدش الموقع عشان البروفايل ، لاتنسون ان الموقع صاير جدا متميز بعد ما اضافوا المنتدي و يمكن
البنت تدش عشان تقرا الآراء او تشارك في الآراء و تعطي ملاحظات
بعدين بيني و بينكم ، اللي تتزوج عن طريق الموقع الجميل هذا ، مستحيل تنسي الموقع ... شلون تقدر ماتدش الموقع اللي كان السبب في الإلتقاء بشريك حياتها ؟؟
اختكم حزن
|
|
10/19/2008 11:17:21 PM
|
|
النك - طريق مختصر الى شخصية الطرف الآخر
|
اخوي كربلاء شكرا للتوضيح
بس الحين قول لي انت ليش حاط اسمك كربلاء ؟ هل مثلا فشلت انك تروح للكربلاء يعني لووول اتغشمر
انا ردودي كلها نصائح جني ماما عود ... بس بيني و بينك مسحه من الحزن موجوده في عيني و
كثييييييييييير يسألوني عن السبب ، بس انا حالفه اني ماقوله الا للي راح يصير زوجي ...
لكن بصفه عامه الناس تفكر اني حاطه اسمي حزن لأني حزينه و حتي لما يراسلوني اول سؤال
يسئلوني ليش حزن ؟ اقول لهم هذا اسم و احبه كلفظ ... كلحن
و فعلا اهو اسم حلو و رومانسي و شاعري
و اما انتي يا ميس عفيسو حبيبتي ، صج عفيسه و معفسه المنتدي مع بياع الكنافه هذا لوووول بس عسوله و تدشين القلب
حزن
|
|
10/20/2008 1:03:54 AM
|
|
قصص زواج عن طريق الموقع khitba
|
ميس عفيسه حبيبتي ... القصه يايه نطري شوي بس
|
|
10/20/2008 3:18:09 PM
|
|
هل تعلمين !!!
|
الحمدلله و الشكر ...
هذا الأخ فلفل الله يكون في عونه
ليش مسجل في الموقع ؟ سؤال اذا لقيتو له جواب راح ادفع نص عمري 
يوبه حرام عليك لاتشوه سمعة الكويت و بناتها ... ماكو احلي منهم
حزن
|
|
10/20/2008 3:28:28 PM
|
|
من هى المرأه !!! تكمله للموضوع الاول
|
** الشيطان يحتاج عشر ساعات ليخدع رجلا والمرأة يكفيها ساعة واحدة لتخدع عشرة شياطين.!
** الشيطان أستاذ الرجل وتلميذ المرأة.!
** المرأة شيطان نستعيذ من شره ونتلمس أسباب التقرب اليه!!
الله اكبر عليك .... اخ فلفل انت يبي لك علاج جذذذذذذذذري
لا و علاجك ماراح يتم الا بيدي انا !!
مادري بالليل لما تنام شنو تحلم ؟ الله يكون في عونك لووول
انا شكلي بطلع من الموقع والسبه مواضيعك
حزن
|
|
1 2
|