el7saweya - جميع رسائل المستخدم
10/17/2008 2:30:28 PM
سر الجمال ( للبنات فقط ) طبعا مانختلف شباب وبنات ان سر جمال البنت بقلبها واخلاقها وثقتها بروحها بس هم الله جميل يحب الجمال ، يعني حلو البنت تهتم بشكلها وبمكياجها ، so حبيت اشاركم بالللي اعرفه عن مكياج العيون بنواعها enjoy

صاحبة العيون الصغار ( مساحة الجفن المتحرك صغيرة ) لا تكحل عينها من داخل كلش بالاسود تقدر تستخدم الكحل الابيض بداله واذا بترسم خط اسود تحت عينها خل تسويه عريض وتسحبه برة الزاوية الخارجية عشان يكبرها ، والظلال او eye shadow لاتستعمل القوامج لان اللون القامج يصغر زيادة ، تستعمل فواتح احلا وتحط طبقتين او 3 من الماسكرا عالرموش فوق وتحت .

صاحبة العيون الكبار (الوساع ) تسوي العكس ، تستخدم الكحل الاسود داخل عينها فوق وتحت عادي وحلو تستخدم الالوان القامجة على كل جفنها المتحرك وتفتح اللون كل ماتصعد على الجفن الثابت لين تحت الحواجب تحط الابيض او الذهبي او السلفر ( الهايلات ) ومو لازم تحط مسكرا على رموشها السفلية عشان لا تصير العين مفتوحة زيادة .


صاحبة العيون المثالية ( مساحة الجفن المتحرك لا كبيرة ولا صغيرة ) حلو عليها كل شي كل الالوان وكل خطات العين تناسب شكلها .

وبس طبعا ماني خبيرة تجميل بس الله يخلي دورات المكياج والخبرة والانترنت وكتب التجميل ..
10/17/2008 5:52:04 PM
شارك برأيك !! ما هو افضل وأسوا مطعم في الكويت ؟ احلا مطعم سندويشات واحد ماكو غيره ...(( ولهان )) بشارع المطاعم ، ذوقوا شاورمته اللي تكون بخبزة مع خضرة وخلوه يكثر طحينه ..ممممممممممم وشربوا امبراطور او كوكتيل

واسوء مطعم la notre مطعم كشخة ومدخوله اكيد جيد بس ماعندهم ملح ،مادري ليش ؟ اكلهم مافيه طعم ، كليت بيتزتهم خسرت فلوس عالفاضي لو رايحة بيتزا هت طالبتلي بيتزا ببروني وماكلتها جان اوفر واحسن ...

والله يازين ماكدونالدز وسبارو وبتزا هت .. وفدركرز وفرايديز هم حلو اكلهم بس (( ولهان )) صج صج غير
10/17/2008 6:36:14 PM
وجبة فطور خفيفة ولذيذة المقادير : ( للشخص الواحد )

بطاطة مهروسة / بيضتين / بصل حسب الرغبة ( بس حلاته مع بصل ) / ملح وفلفل اسود / وزيت للطبخ اكيد

1- جهزوا بطاط مهروس سهلة اكيد ( حطوا جدر فيه ماي وحطوا فيه البطاط مع قشره ( بس غسلوه عدل عاد، لا تمرضون وابتلش ، بعيد عنكم ) وخلوه يطبخ لين يليين ، استخدموا الشوكة عشان تعرفون لما يستوي، بعدها قشروه وهرسوه وخلوه.
2- بمقلة حطو زيت وخلوه يسخن وبعدها حطو البصل ونطروه يطبخ يصير ذهبي وبعدين حطو عليه البطاط المهروس وقلبوه مع البصل واخيرا حطو البيضتين في طاسة وخلطوها مع ملح وفلفل اسود وحطوه على البطاط والبصل وحركوه ، بطبق التقديم حطو الاكلة يمها حطوا جبن ابيض او خيار وطمام وقدموها مع توست اسمر او ابيض .

وعواااااااااااااااااااااااااافي
10/18/2008 4:59:57 PM
ممنوع الدخول للبنات !!! سلييييييييييييييحط ، ماكو وحدة تنفع الريال الكويتي وتخاف عليه وتداري عياله وتحفظهم الا الكويتية و اذا صار ماصار عند الطلاق مثلا عياله يمه عالاقل ، اخاف المغربية والمصرية والفلبينية بتخاف عليكم وتصونكم والا اذا طحتو بمشكلة بتساعدكم؟؟ والله عيالها تقطهم عليكم ولا همها وترد ديرتها .. وبصراحة وبدون زعل شباب ، انتو عالعين والراس بس ماكو وحدة تتحمل دلع الكويتي الا الكويتية ...وشكراااااااااا
10/18/2008 5:08:35 PM
عندى ملاحظات على البنات اللى بالموقع صح لسانج حساسة ... قلتي اللي كنت بقوله ، المتينة ما يبونها والضعيفة مايبونها مادري شنو يبون؟؟؟ كلها خلقة الله ، والله العيب مو بالبنات ، العيب بعقلية الشباب ( مو كلهم ) بس مادري شلون يفكرون الله يهديهم..
10/18/2008 5:36:41 PM
الازدحام المروري وأثره النفسي والاقتصادي للمجتمع مشكور بو يوسف على طرح هالموضوع ، والله الديرة انترست سيايير ،و نصهم تكاسي تقول قاعدين بمصر مو الكويت ، الساعة 7 الا 10 خط فحيحيل يوقف يسكر بالنص اووووووو وبالقصب اوصل الدوام ، والمشكلة لما اوصل ما الاقي مسافط عند دوامي وافتر بالمسافط ، دوامنا يبدا 8 انا القى مسفط 8 ونص وانزل اركض بهالكعب والله عشان الحق عالبصمة ، شفت خط فحيحيل جذي غيرت صرت اروح من عالبحر ، زحمة صج بس عالاقل ماشي الشارع ... والا من اي طريج اروح؟ لازم نخترع سيارة هلكبتر عشان نطير لين دواماتنا ..
10/18/2008 7:29:02 PM
موضة حسب سيارتج ماخلصنا من ( كدلك ) جنط وبوكة وشيلات ..حتى عباية كدلك شفت وحدة لابستها . مادري تفصال والا جاهزة ؟؟ اوكي حلوة فكرة الجنطة والبوك بس الملابس وعباية مو حلو ، قلنا شي غريب والبنات هبو فيه طلع شي ثاني قبل يومين رايحة سوق لقيت جناط ( لكسز ) والمحل الثاني يعني منافس عنده (شيفروليه ) لوووووووووووول اقترح يسوون وكالة ملابس بنات ... واتمنى يوم وانا اتسوق القى جنطة على سيارتي ( باسات ) ...
10/19/2008 6:32:27 PM
الازدحام المروري وأثره النفسي والاقتصادي للمجتمع لووووووووووووووووووووووول بو يوسف ( الفلات ) ما يصلح لي بروحي قصاصة لازم جوتي رياضة والا ( لابجين ) عشان اركض ، ومتى بسوون القطار ؟ قالوا بسوون نفق نفس لندن ( under ground ) ما يندرى...
10/19/2008 7:00:43 PM
ماهو أفضل هاتف نقال؟ انا بالنسبة لي احب تلفونات ( موتورولا ) اشكالها تهبل كل واحد ينزل غير عن الثاني واخر موتورولا ( u9 ) حلو اللي نزل اخر واحد مواصفاته عادية بس الوانه تهبل وشكله صغير ، حاليا استخدم موتورولا ( motorokr e6 ) قديم شوي بس حلو ... وماحب شي اسمه نوكيا ، اووووووووووووووووو واخر موديلات نزلت كلها تعلق شريت واحد لان موتورولا مالي قديم شريت نوكيا 6500 طاح بجبدي ، كله يعلق، مصارعة مع ارقامه كل يوم ، والله ماستخدم نوكيا انا بس قلت بغير يعني ، اول واخر مرة ... وشكرا
10/19/2008 7:34:59 PM
( ادم وحواء ) كتاب الاختلافات بين الاثنين.. للي يحبون قراءة كتب فن التعامل مع الجنس الاخر مثل ( الزهرة والمريخ ) قريته حلو ، دليل وايد حلو عشان الشاب يفهم البنت والعكس ، حبيت اقولكم عن كتاب حلو غير عن سلسلة ( المريخ والزهرة ) ، كتاب يتكلم عن الاختلافات بين ادم وحواء والشي الحلو الكاتبة كويتية ، so بعطيكم نقاط وحقائق عن بعض هالاختلافات وكلها مشروحة بس بعطيكم فكرة enjoy

- المرأة تحتاج الى المزيد من القرب والرجل يحتاج الى مزيد من البعد في العلاقات .
- المرأة تتمتع بمهارات ادراكية وحسية تفوق مهارات الرجل .
- المرأه تشعر برتياح كبير عندما تعبر عن مشاعرها وعواطفها أكثر من الرجل .
- المرأة تبكي أكثر من الرجل بخمسة أضعاف.
- الرجل يعبر عن غضبه بينما المرأة تكبحه .
- الرجل والمرأة يسعون للفت الانتباه ولكن الرجل أكثر .
- الرجل أكثر تنافسا والمرأة اكثر تعاونا .
- الرجل لديه حافز للحصول على المال والقوة ؟أكبر من المرأة .
-التقدير يعتبر مسألة مهمة للرجل والتطمين يعتبر مسألة مهمة للمرأة.
- يميل الرجال للحديث عن الاشياء بينما النساء تتكلم عن الناس.
- الرجل يأخذ بالمعنى السطحي للكلمات بينما المرأة تبحث في المعاني الخفية .
- المرأة تهتم بالتفاصيل أكثر من الرجل.
- الرجل يحب المواجهة والصراع بينما المرأة تتجنب المواجهة والصراع.
- الرجل يخاف من الالتزام أكثر من المرأة.
- المرأة تقول كلمة ( أحبك ) بينما الرجل يعجز عن قولها.
- المرأة تستمع جيدا عندما يتكلم الرجل بينما الرجل عندما تتحدث المرأة يقاطعها .
- المرأة تعطي أكثر بينما الرجل يأخذ أكثر.
10/20/2008 3:38:19 PM
هل تعلمين !!! قوة اخ فلافل ، اذا كل هاذا بالكويتية ليش داش اهني ؟ سافر وارجع لنا معاك 4 مو وحدة ، انا شخصيا شايفة ماكو احسن من الكويتية ، جمال ودلال واهم شي أخلاق وماكو بنات كشيخات اكثر من بناتنا الله يحفظهم ، لما تسافر الكويتية برة الكل يعرف انها كويتية من شكلها وكشختها بمتنهم وبضعفهم حلوين ، اخاف يعني الشباب اجسامهم موت الحمر ؟؟ لووووووووووووووول
10/20/2008 3:50:17 PM
من هى المرأه !!! تكمله للموضوع الاول تعقدت انا لاني بنت بسببك يا اخ فلااااااااااااااااااااااااااااااااااااااااااااااااااااااااااااااااااااااااافل ، ok كل كلامك صح بس هم مالكم غنى عنا شباب ، صح؟ تخيل عايش بدنيا كلها رياييل بس ...لووووووووول جان انتحرت ، النساء ملح الحياة ،و مرده هالوحش الكاسر والرهيب راح تكمل حياتك معاه ، والا مو ناوي تصير ابو ؟ عقدتني ، الله يسامحك
10/20/2008 4:09:36 PM
ملاحظاتكم بنات عن ( بعض ) شباب الموقع ... واللي على راسه بطحة يحسس عليها .... أبي رايكم بنات عن شباب الموقع ، كل اللي بخاطركم قولوا ..
10/20/2008 4:15:46 PM
سر الجمال ( للبنات فقط ) مشكورين بنات على مشاركتكم الحلوة ، وأي شي يديد أتعلمه من دورتي راح أفيدكم فيه أنشالله thanks again
10/21/2008 6:41:47 PM
ملاحظات شباب الموقع عن بنات الموقع !!! الله يحفظنا يا بنات الكويت ، ماشالله علينا ، ثقل وجمال واخلاق و دلال وكشيخات مو ناقصنا شي كاملين والكمال لله ، الرقة والهلاقة خليناها لبنات برة اعوذ بالله ، وعلى قولتج اختي منى مو احنا اللي نمشي ونطلع انوثتنا لاي احد ، ماكو شغل؟ وترى قليل من شبابنا يفكرون مثل الاخ فلفل ،هدوا اعصابكم بنات ، وفديت بنات ديرتي
10/21/2008 7:18:28 PM
ملاحظات شباب الموقع عن بنات الموقع !!! عقوا اختي ليلى ، كان قصدي انتي صح لسانج انوثتنا مو لاي احد ، قلت منى لووووووووووووووووووول شسوي؟ كله من فلافل ضيعت اسمج ، انا لما اعصب ماشوف ، ماثبت لووووووووووووووووووووووووووووووووووووووووووووووووووول
10/21/2008 7:33:33 PM
ملاحظاتكم بنات عن ( بعض ) شباب الموقع ... هلا حزن ، حبيبتي سامحيني بقت فكرتج اللي قلتيها لجم لووووووووووووووووووول ، اقتراحج حلو و بمكانه ، مو بس بعض الناس مسوينا الخط السريع رايحين رادين علينا ، المرأه لها كلمة و راي ، بالنسبة لي شخصيا والله الشاهد على كلامي قابلت بهالموقع شباب ينحطون عالجرح يبرى ، اصلا ما توقعت ان في شباب تكانة وجادين ، عرفت ان الدنيا بعدها بخير ، وبالنشبة للاخ فلفل رايك فينا سمعناه مليون مرة ورايك عالعين والراس ، بس ليش تعيده وتغثنا فيه؟ رايك وقلته خلاص ماله داعي تعيده حفظناه ، من زينه الراي عشان تعيده؟؟

ومس عفيسة تعليقاتج أحب اتابعها اول بأول ، وينج برمضان كان ملل ، لوووووووووووووووووووووووووووووووووووول ، الله يخليج لنا ويحفظج
10/21/2008 9:02:26 PM
مقتنعين بالزواج من الانترنت !!! FLFL.42 كتب:
هل عندك الاستعداد انك او انج ترتبطين بأنسان عن طريق الانترنت ما اتعرفين او اتعرفين ماضيه شنو والا شنو اصله وفصله .

شنو بتقول للناس وين تعرفت عليها بالانترنت ؟
وشنو نظرتك لها بعد الزواج ؟
هل راح اتحسون بالاستقرار والتعارف صار عن طريق الانترنت ؟
هل الثقه راح اتكون موجوده ؟
وهل انت بتزوج وحاط الطلاق مستقبلا فى بالك ؟

اسأله وايد بس احس ان ماكو اجوبه لها عندى يمكن احصل عندكم .


اي خل يقول انه تعرف عليها بالانترنت شفيها؟ وايد ناس اعرفهم تزوجوا من الانترنت لا ومرات من جات عادي سوالف كل يوم لين حباها وخذاها ،ليش نستحي نقول تعرفنا من الانترنت؟
مو متعرف عليها بملهى ،اعوذ بالله
ونظرته لها بعد الزواج نفس نظرته لها قبل الزواج والا ليش تزوجها بالاساس؟
وليش ما يحسون بالاستقرار ؟ انترنت والا برة الانترنت بالسكة والا زواج تقليدي نفس الشي ، بالبداية ما يعرفون بعض عدل ، مع العشرة ولما يكونون تحت سقف واحد راح يعرفون بعض عدل ويتوالمون ..
واذا الريال مو واثق فيها ليش ماخذها؟ الحمدالله والشكر ... فلفل شفيك يمه تخربط؟
وليش يحط الريال الطلاق في باله ؟؟ لو كل ريال بخاف ويحاتي الطلاق جان محد تزوج .. بذمتك اكو ريال يخطط للطلاق بالمستقبل ؟؟ يعني يقول والله دام تعرفت على ام العيال بالانترنت راح اطلقها اول اكتوبر عام 2010؟
الله يكملك بعقلك اخ فلفل ....
10/22/2008 3:41:39 PM
للجادات بالزواج فقط ... لوووووووووووووووول ضحكتني فلفل ، اشك انك ناوي تتزوج بنوتة .. لووووووووووووووووووووووووول وسيدا المحكمة بعد ؟؟ لوووووووووووووووووووووووووووووول اثاريك خابنا البنات فيهم وفيهم اثاري لان مو حاصلك عروسة؟؟ الله يوقثك .. لا تنسى اذا تزوجت ( انثى ) اشك انها انثى لان كله مو عاجبينك المهم اذا تزوجت اعزمنا لا تنسانا ؟؟
10/22/2008 5:40:30 PM
صلاحية مستحضرات التجميل + طرق تنظيف فرش المكياج بناااااااااات دايما دايما تفحصوا مكياجكم لان اي تغيير بلونه او ملمسه او ريحته ممكن يشير لفساده ، وعلشان تحافظون على مكياجكم لاطول وقت ممكن ينصح خبراء التجميل بتخزينه بمكان بارد عشان لا تفسد تركيبته وتنمو فيه الجراثيم ، وبعدها تحطونه بويهكم ، الله الله سيدا يسبب حساسية ( اسمالله عليكم ) .. وهم لازم تهتمون بتنظيف فراشي المكياج ، مرة بالشهر عالاقل ، وللعلم لما تكون فرشة ظلال العين نظيفه تعطيج اللون صح ، لان لون على لون مع الاستخدام يصير اللون اللي تبين تحطينه مو مثل ماتبينه مو حلو ، في طريقتين حلوين لتنظيف الفراشي :
1- حطوا شوية من سائل التنظيف الخاص بالفراشي انا استخدم ( mac brush cleanser ) تسكبون على شعر الفرشة بس القليل منه وبفوطة نظيفة ناعمة مسحي الفرشة .
2- اسهل طريقة غسلي شعر الفرشة بماي ( بارد ) الماي الحار يقرع الفرشة بلليها وحطي شوي من اي شامبو يهال ( جونسن مثلا ) وفركيها شوي شوي وردي غسليها بالماي عدل . بعدها نشفوها بهوا السشوار .
3- واذا كنتوا بتحطون اكثر من لون eye shadow وماعندكم فراشي وايد وطبعا تبون الالوان واضحة وحلوة ممكن تمسحون الفرشة بمنديل تنظيف الاطفال راح تنظف الفرشة وكملوا حطوا اللون الثاني ..

نرجع لموضوع صلاحية مستحضرات التجميل ، كل شي تركيبته بودرة ممكن يدوم معاج لوقت طويل واللي يكون تركيبته كريمية مسرع ماراح تتكاثر فيه الجراثيم ويفسد ، والحين راح اقولكم عن كل مستحضر ومدة صلاحيته :-
- بودرة الجه : يدوم معاج واايد لانه بودر مثل ما قلنا ما يفسد ، وعشان تحافظين عليه اكثر حطيه بمكان جاف و مو رطب .
- احمر الخدود : اذا كان بودر يدوم معاج المفروض واما اذا كان كريمي فلازم تراقبين اذا تغير لونه او بنيته قطيه على طول .
- الماسكرا : اخطر مستحضر لان فيها ماي ومع الاستخدام يدش فيها هوا وغبار وكل هالعوامل تخليها مليئة بالجراثيم ، فلازم اول ماتجف تقطينها ، لان ممكن تسبب حساسية للعين .
- ظل العين : اذا كان تركيبته بودر لا تقطينه قبل 4 سنين ( وناااااااااااااااااااااسة ) صج حساوية والله ممكن يبقى معاج 4 سنين اما اذا كان كريمي فلاحظي اذا تغير لونه او ملمسه او ريحته دليل انه فسد .
- احمر الشفاه : طبعا يا سائل او كريمي لازم تراقبين اي تغير على ريحته او ملمسه نفس الباجي بس عادتا تقدرين تحتفظين فيه مدة سنة .
الصفحات 1 2 3
تسجيل faq AspNetForum v.0.0.0.0