|
12/26/2008 2:21:02 PM
|
|
أنا سميتك الدنيا وأنته وش تسميني؟ ( منقوله )
|
السلام عليكم
صح لسانك
|
|
12/26/2008 3:11:39 PM
|
|
الطــــلاق
|
السلام عليكم
1- ماهي أسباب الطلاق من وجهة نظرك الخاصه ؟
اسباب عديده ممكن من الزوج ؟ او الزوجه؟ او من اهل الزوج او الزوجه ! اولا لازم المرا ماتطلع مشاكلها برا البيت مهما كانت صغيره وماتسمع كلام الناس اوكي تاخذ رايهم لكن مو اكثر لان محد يعرف بعشرتها مع زوجها كثرها اهيا و نفس الشي الزوج ، وماله داعي الاهل يتدخلون حتى لو البنت راحت و اشتكت لهم المفروض يسنعونها و يعقلونها الا اللهم في المشاكل الجايده واللي ماينصرف النظر عنها ، و للاسف هذا اللي صاير الحين الاهل يشيون بناتهم على رياييلهم لاتفه الاسباب . و الزوج بعد لازم يكون على قدر كافي من النضج يعرف شلون يدير بيته و يقيم الامور و يعرف متى يكون حازم و متى يتجاوز عن بعض الامور.
2- ماهي نظرة المجتمع للرجل المنفصل أو المرأه المنفصله؟
الريال عادي على قولتهم شايل عيبه و للاسف اي زواج ينتهي بالانفصال يحطونها بالمرا حتى لو الريال اهو السبب مادري شكو
3-هل لديك/ــي مشكله في الإرتباط بشخص منفصل ؟
نعم
وتسلمون
|
|
12/26/2008 3:14:23 PM
|
|
المشاكل الزوجية ..... هل تستحق الطلاق؟
|
السلام عليكم
صح كلامك اخوي صاحب الموضوع
و ازيد عليه مثل ماقلت سابقا ان المرا لاتطلع اسرار بيتها و مشاكلها سواء لاهلها او صديقاتها لان هذا سبب المشاكل
و تسلمون
|
|
12/26/2008 3:20:10 PM
|
|
قصص زواج عن طريق الموقع khitba
|
السلام عليكم
انا سمعت عن هالموقع لكن ماتوقعته جذي ، موقع مميز جدا خصوصا انه للكويتيين و مثل ماتفضتلوا لما حطوا المنتدى بعد تميز اكثر لان البروفايل بروحه مو كافي لازم نعرف اراء الشخص و طريقه تفكيره و نظرته بالمواقف المختلفة
.
بالنهايه هذا نصيب من الله و البني ادم مايدري من وين اييه نصيبه من الاهل الدوام معرفه .. الخ
والله يوفق الجميع : )
تسلمون
|
|
12/27/2008 5:48:47 PM
|
|
ممنوع الدخول للبنات !!!
|
تعالوا مو الموضوع عنوانه ممنوع الدخول للبنات ؟ عيل ليش داشين البنات و بقوة خو الكويتيين كله ماشين عكس ههههههههههه
>> طع من يتحجى
المهم اللي مو عاجبه الكويتيه و البنات اللي بالسايت لانهم عوانس و ارامل و مطلقات و جياكر و متان على قولته اقوله مايعيب الا المعتاب وعشتو انتو يالرياييل كل واحد صاك عمره ال 40 وطالع و الدريب و ابرة السكر معاه هههههههه ولا جيكر ولا متين ولا نسبه ( الذكاء الأي كيو) عنده نازله بالقاع هم موزين على عيالنا يطلعون اغبيا هههههههه احنا المفروض نخاف على نسلنا مو انت هههههههه 
|
|
12/27/2008 5:57:38 PM
|
|
ممنوع الدخول للبنات !!!
|
شنو هذا ماخلصت ردي و سوا ارسال هههههههه
>>عموما نكمل
الصراحه هذا بالنهايه قسمه و نصييب ومايصيبك الا نصيبك و اذا عالجمال فهو فاني ومايبقى وقت الكبر الا الكلمه الطيبه و الابتسامه الحلوة اللي تريح القلب
صح في ناس من جنسيات ثانيه فيهم الخير والبركه لكن هم الكويتي ماله الا بنت ديرته و الكويتيه مالها الا ولد ديرتها بالنهايه لانهم متربين على نفس الدين و العادات و التقاليد و كل مكان فيه الشين و الزين و لابد من حسن الاختيار
ونرد ونقول مايصيبك الا نصيبك
شكرا
|
|
12/27/2008 6:18:12 PM
|
|
هل طيبة القلب= ضعف شخصية.........؟؟؟؟
|
السلام عليكم
والله انا كل من يقولي انتي انسانه طيبه و طيبتج زايده لاني بطبعي خدومة احب اخدم الناس واللي يطلبني مارده
لكن مثل ماقلتوا في فرق بين الطيبه و السذاجه و في نوعيه من الناس تستغل هالطيبه وانا وايد قاعده احاول ان اغير هالطبع فيني و اكون حازمه اكثر مع الللي مايستاهل طيبتي ،
,.,,., هل للطيبة حدود ؟؟؟؟
اكيد ، اذا شفت ان هالشخص يقابل طيبتي بتصرف ثاني لازم ينحطله حد وابدي اغير معاملتي معاه وقوله ستوووووووووب
,.,,., مارأيك بطيب القلب وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟
اكيد بالسماحه و الشفافيه وكافي ان من اتقى الناس كاظم الغيظ اي ان اللي يسامح و كافي ان اسلامنا بكبره دين تسامح سبحان الله ، واللي يشوف ان الطييبه تخلف و ضعف شخصيه هذا اهو الضعيف و عقليته صغيره ، الشجاعه لما انا اقابل الاساءة بالاحسان مو ان اقابلها باساءة اكبر منها و مثل مايقولون اذا بتقهر عدوك ابتسم بويهه هذا اهو قمه الفوز
,.,,., كيف نتعامل مع طيب القلب ؟؟؟
اقابل طيبته بطيبه اكبر منها و احطه على راسي
,.,,., هل اصبحت الطيبة عيب ؟؟؟
لا طبعا مو عيب ، اباءنا و اجدادنا تميزو بطيب الاخلاق و عمرها ماكانت اطباع اجدادنا عيب! لكن طريقه تفكير بعض الناس هالوقت عويه و هالنوعيه اللي جذي الطيبه معاهم ماتنفع
,.,,., هل اصبحت طيبة القلب == ضعف الشخصية؟؟؟
اعتقد جاوبت عليه قبل شوي
وشكرا
|
|
12/28/2008 1:01:33 AM
|
|
من هو الرجل الذي لا تنساه المرأة ؟
|
السلام عليكم
وووووووووينه هالرجل ههههههههه بو 22 صفه هذا اعتقد مو موجود الا بالكتالوجات
والله شوفوا اهو مايضر ان الرجل يملك (بعض) من هذه الصفات مو شرط كلها عشان يصير (مستر برفكت) لكن بالنهايه لكل واحد فينا اطباعه الخاصه و شخصيه معينه و سبحان الله ربك يكون خالق شخص بهالدنيا هم له شخصيه و اطباع تتناسب مع اطباع الطرف الاخر و مو شرط انها تكون نفس الاطباع احيانا تكون مختلفه عني لكن مكمله لي و هذا اللي يخلق بينهم جو من الألفه و التفاهم اللي بالنهايه يؤدي الى اني ما انسى هالشخص .
و شكرا
|
|
12/28/2008 1:32:02 AM
|
|
:: اسباب العنوسه ::
|
السلام عليكم
ههههههه عفيسه اي والله قل عدد الرياييل اللي ميت بحادث واللي مسجون واللي صار جنس ثالث على قولتكم لا حول ولا قوة الا بالله
انا عن نفسي ينطبق علي سببين من اللي مذكورين في الموضوع لكن بالنهايه نقول ان هذا نصيب و كل تأخيره فيها خيره انشالله وانا وايد مقتنعه بهالشي
و اي 4000 ؟ ماااااااااتكفي شي الحين الناس تعطي 5000 و طالع لان صج كل شي صاير غالي نااااار عشان جذي انا ملاحظه محد صار يسوي عرس الحين كله استقبال و ياخذ مرته و يسافر بدال لايسوي عرس و يخسرون فيه فلوس يسوون استقبال و تييهم هدايا بعد ههههههه لكن الشهادة لله في ناس تشتري الريال على قولتهم لو تبي بنتنا نعطيك اياها بعباتها و دفعوا المهر اللي ايي منكم يعني مايطلبون شروط .
انا اوافقكم ان مافي شي اسمه عنوسه ( مو لاني عانس هههههههه لالالا) صج بالنهايه هذا شي من الله و على حسب ظروف الواحد او الوحده اذا زواجهم تجدم او تأخر ، يمكن الوحده فينا تتزوج مبجر وماترتاح بزواجها و يمكن وحده يطوف عمرها عمر الزواج و تتزوج متأخر و ترتاح بزواجها ! و الواحد فينا لازم مايقول غير اللهم ارزقنا بالنصيب الصالح
شكرا
|
|
12/28/2008 1:51:00 AM
|
|
فــــــــارق العـــمــــر ... سلبياته وايجابياته
|
السلام عليكم
يعطيكم العافيه
راح ابتدي في مقوله دايم امي تقولها عيال الشباب للتباب و عيال الشيبه للخيبه  و ثانيا اهم شي العقل لان فرق العمر مهم لكنه ليس الأهم
- هل فارق العمر بين الزوج والزوجة له سلبيات وايجابيات ؟
طبعا ماكو فرق في ما اذا كان الريال اكبر من المرا او العكس لان مثل ماقلتوا الرسول عليه الصلاه و السلام خذا اكبر منه و اصغر منه ، لكن بزمنا هذا صراحه لازم نعطي هالشي اهميه كبيره لان الزمن تغير والناس تغيرت معاه ، يعني اذا واحد عمره 30 مثلا و خذا وحده عمرها 18 او 19 نقدر نقول هذا شي معقول لان البنت للحين صغيره و طايشه فالريال ناضج و يعقلها ، اذا البنت بتتزوج صغيره يفضل يعطونها لواحد اكبر منها وناضج بس عاد مو اكبر منها بوااااايد ، لان من سلبيات فرق العمر اذا كان الريال اكبر ب15 سنه مثلا ! بكون في وايد فرق و اختلاف من ناحيه نظرتهم للحياه و افكارهم وماراح يكون في توافق .
غير جذي لازم نفكر بالعيال ! اذا الريال تزوج متأخر على ما اييب عيال و يربيهم بكون اهو شايب ! وين بصير له خلق عالتربيه و المراكض مو نفس لما يكون بشبابه بالثلاثينات او الاربعينات و المرا حتى لو كانت صغيره ماراح تقدر عالتربيه بروحها بدون مساعده الاب كموجه لهذي التربيه ، المفروض الام و الابو مايوصلون لعمر الخمسين الا وعيالهم كلهم كبروا و بعمر زواج لان بس الواحد فيهم بهالعمر يبي يرتاح عقب تعب التربيه و يبي الهدوء .
- كم فارق العمر المفترض ان يكون ؟
ماعتقد في رقم معين يضمن بان هالعلاقه بتكون ناجحه او لا لان مثل ماقلت اهم شي العقل و الشخصيه و النضج بجميع نواحيه ، لكن انا عن نفسي افضل 5 سنين بالكثير .
- ماذا تفضلون ؟
توه رديت على هالسؤال هههه
وشكرا
|
|
12/28/2008 1:59:09 AM
|
|
صفات الغير جاد
|
انا اوافقكم بهالنقاط لاني لاحظتها
خاصه اللي يحط رقم تلفونه بدال النك نيم و اللي مايكتب لمحه عن شخصيته في البروفايل
يعني انا ماقول اكتب تعبيرررررررر بس يعني حط ولو لمحه عن صفه او صفتين بشخصيتك او شنو هدفك من دخولك هالسايت ، الشخص اللي مايكتب شي و اشوف بروفايله فاضي او ان اللي حاط اختيار (افضل عدم القول ) مسطرهم ورا بعض ههههههههه عيل ليش مسوي بروفايل اذا ماتبي تذكر شي عن نفسك ، البروفايل اللي اشوفه فاضي انا نفسي ماتشجع اطل فيه حتى لانه يعني بروفايل بالاسم بس . و بالنهايه الواحد لازم يكون حذر و يختار صح لان هالشغلات هم مو مقياس .
و شكرا
|
|
12/28/2008 2:20:16 AM
|
|
الزواج من امرأتين في وقت واحد....
|
السلام عليكم
اصلا انا سمعت فتوى بعد عن تعدد الزوجات و الله يهداكم مالقيتوا غير هالموضوع بروحهم رياييلنا يبون الشاره ههههههههه
هل تؤيد هذه الدراسه ؟ مارأيك فيها ؟
اوكي انا 50% اؤيدها ( مع اني بنت ها ) لان صج خل نكون واقعيين ونبعد عن مشاعرنا كبنات شوي ، الريال اول مايتزوج المرا في بدايه حياتهم بكون مستانس فيها لانها مجابلته و مدلعته الخ لكن عقب ما ايون اليهال اهي شوي شوي تبدي تبعد عنه شووووي مو وايد لان في بنات مشالله عليهم مومقصرين مع رياييلهم لكن ظروف الحياه الزوجيه تلهي الوحده بدايه من الاربعين الى تربيه اليهال ، فبدال لايروح الريال يدور برا ( مو الكل بعضهم طبعا ) يكون عنده زوجه ثانيه تهتم فيه تطبخله تغسله تجابله في حال ماقدرت الاولى على هالشي لظروف اكبر منها و بجذي الريال بكون مرتاح و على قوله الدراسه عمره بكون اطول لان هم بعد الهم ينقص العمر ، ولا ننسى بعد الريال بالمقابل لازم يعدل بين زوجاته .
صح بعض الرياييل يقولون مرا وحده و علة هالدور اخذ ثنتين ههههههه بس يعني اذا اختار صح ماراح يشوف الا راحه البال انشالله و عموما ظروف الحياه صايره وايد متعبه و كل شي غالي فالواحد يالله يلحق على بيته هالدور بيتيييين فلازم مايسويها الا ميسور الحال .
و الشغله الثالثه لاننسى رضى الزوجه ، يعني مايروح الواحد و يتزوج من ورا مرته ! لان مرده بينجك اذا مو بحياته عقب مماته هههههههه و مافيها شي اذا ياها و قالها ابي اتزوج ثانيه ؟ صح شغله تحر المرا و الشرع محلل اربع بس يعني اسمها ان خذا رايها و الصراحه انا عن نفسي شفت حريم مشاللله عليهم اهي بنفسها راحت و اختارت زوجه ثانيه لريلها لان اهيا ماقدرت تييب عيال و سبحان الله صارت مثل الام لعيال شريجتها .
وشكرا
|
|
12/28/2008 2:37:22 AM
|
|
الزواج السري اوالمسيار.......لماذا؟
|
ههههههههههههه عفيسه والله انج عفيسه و تهبلين ردودج تعجبني
اهو في طلعت فتوى ان زواج المسيار جائز ومافيه شي شرعا و صح فيه فائده للمطلقه و الارمله اللي تبي الستر لا اكثر بدال لاتروح للحرام اعوذ بالله
عموما انا لا مع ولا ضد ، انا بنت شحلاتي و افضل الزواج الشرعي لان لو اموت لو اعنس و التجاعيد تترس ويهي و لو شنو كانت ظروفي ماراح اقبل اتزوج واحد مسيار يسير علي( يعني يمرني على وزن اسم الزواج هههه ) و يقعد معاي شوي و يروح ! هم الروح تبي الروح و الزواج حلاته بأن مرا و ريال يسكنون مع بعض و يكونون سكن لبعض و بموافقه أولياء الامر و بالاشهار و علم الناس بهالزواج و مهر و حفله لو محفوفه يكون فيها فرحه بهالزواج و يكون بينهم عيال و هواش هههههههه و الحياه سعيده
و اعتقد صح في فرق بين الزواج المسيار و الزواج السري فأرجو توضيحه ولايسبب خلط بينهم
و شكرا
|
|
12/28/2008 2:46:23 AM
|
|
مـن هي المـرأة التي تجـذب الرجـل؟
|
سبحان الله قاعده اقرا هالموضوع و جني اطالع نفسي بالمنظره ههههههههه 
هذي صفات حلوة خصوصا جمله (كوني غامضة في بداية علاقتك بالرجل لينجذب نحوك وبعد الزواج اجعلي حياتك مليئة بالمفاجآت والتجديد للأفضل.
يعني لا تحرقين كل الكروت .. عطيه الشغلات الحلوه .. اشوي اشوي .. ) عجبتني وانا اؤديها .
لكن عموما مافي احد كامل و اهي مسأله اذوااااااااق في صفات يحبها هالريال لكن لو تييب ريال ثاني ماراح يحبها نفس اللي قبله كل واحد و ذوقه و شخصيته و نظرته في نهايه الامر .
و شكرا
|
|
12/28/2008 2:56:26 AM
|
|
اساليب رومانسية رووووعه في الجمال
|
>> تقرا هالموضوع و تحس انها تقرا عن مهند هههههههههه
يبا ماكو ريال يسوي جذي خلكم واقعيين
لكن نقول اذا المرا ماقصرت مع ريلها اهو بعد ماراح يقصر معاها انشالله و العكس صحيح
وشكرا
|
|
12/28/2008 3:32:03 AM
|
|
الذهاب للسحره والشعوذين لحل الخلافات الزوجيه......
|
اعوذ بالله ياساااااااااااااااتر
ترا السحر مذكور بالقرآن وهالشي مافيه خلاف لكن اللي يلجئون له هذيل ناس مريضه و ايمانها ضعيف استغفر الله ياربي
يعني انت عندك مشكله ليش تلجأ للناس و للسحر ونت عندك رب العالمين قوي و مقتدر !
و المرا السنعه تعرف تسحر ريلها بالمعامله الزينه و الكلمه الطيبه بدون لاتروح لهالخرابيط والعياذ بالله لانها كفر بالله طبعا
وشكرا
|
|
12/28/2008 4:05:41 AM
|
|
تخيل هذا العالم بدون نساء ماذا يحدث؟
|
هههههههههههههه فديتنا شفتوا شلون شبصير بالمجتمع بدونا
الله يحفظنا ويحفظكم يالرياييل
|
|
12/28/2008 2:26:51 PM
|
|
هل المهر يحدد قيمة الفتاة؟
|
السلام عليكم
صراحه انا عمري ماحبيت منتدى كثر ماحبيت منتدى هالموقع مواضيعه جدا هادفه وتخص هدف الموقع اللي اهوا الزواج ويطرح افكار و حلول بخصوص هالشي والردود طبعا أحل فيعطيكم ألف عافيه .
-هل المهر يحدد قيمة الفتاة؟
طبعا لا لان قيمه البنت في اخلاقها و شخصيتها و سنعها
2-وهل المهر القليل يقلل من كرامتها بين الناس وبين زوجها ؟
بالعكس اذا الريال مايقدر يدفع الا هالقيمه القليله و رضت فيه اهيا بتكبر بعينه اصلا و اذا على كلام الناس لا يودي ولا اييب بالنهايه
3- اسئله للبنات:
-هل المهر القليل يجعلكِ قليلة المستوى بين الناس؟
توه جاوبت على هالسؤال ، لا .
-وما المهر الذي ترضين به ؟؟ وكيف ستنفقينه ؟؟
ممممم اللي يقدر عليه بالنهايه الناس السنعه تشتري الريال مو فلوسه ، بس الواقع شي ثاني لان كل شي صار غالي ! اكيد جهاز البنت بيحتاج فلوس وايد بس عاد لا تقعد تبذر و تشتري اشياء اهي ماتحتاجها على قولتهم تخم الاكو والماكو بالسوق على بو ان قاعده تجهز . شلون راح انفق مهري بخشه بالبنك حسافه عليه ههههههه
-وهل ترضين ان تتزوجين بدون مهر؟
طبعا لأ لازم الريال يدفع شي ولو كان قليل سواء فلوس او شي رمزي لان البنت تتم غاليه ولازم يتعب عليها شوي
وشكرا
|
|
12/28/2008 2:39:59 PM
|
|
من أطلع على سيرتي
|
السلام عليكم
والله صراحه السيرفس قويه هني انا صارلي يومين من دشيت ولا العداد شغال هههههه
اليوم 28\12\2008 عدد 116 مطلعين على سيرتي والله لي شعبيه ( مشالله مشالله ) هههههههههه لا ومنهم بنت مادري ليش داشه عرض شكلها مضيعه ههههههه
واللي ابدو اهتمامهم انا اغلبهم رفضتهم بس كافي انهم ابدوا اهتمامهم فيني و بسيرتي وهذا شي اشكرهم عليه بس بالنهايه اهي مسأله قبول و رفض لا اكثر . بس صح انا ملاحظه اغلب اللي دشوا على سيرتي او ابدوا اهتمامهم مطلقين او منفصلين و عندهم عيال او اصغر مني او اكبر مني بواااااايد بالاربعينات و الخمسينات والثلاثينات وانا عمري 25 و بنت !
يعني لاتعليق 
لا و في باكستاني ابدا اهتمامه فيني والله مت من الضحك لما شفته ههههههههههههههههههههههه شكو داش هالموقع
|
|
12/28/2008 2:51:55 PM
|
|
النك - طريق مختصر الى شخصية الطرف الآخر
|
والله صراحه انا مع هالنقطه ان النك يعبر لكن مو عن الشخصيه مره وحده ! بس ممكن نقول لمحه عن شخصيته او طريقه تفكيره او مزاجه باللحظه اللي حط فيها النك او هدفه نوعا ما يعني واحد حاط رقمه مبين انه مو جاد و ابتعد عنه ! او اللي حاط (مثلا مو صج ) مجسم و كول و من هالحجي و اهو صاك الثلاثينات يعني مو شي و هذا واحد يبي يجذب الناس بشكله و سوري يعني مخه فاضي . لازم كل واحد يختار نكه بالشكل اللي يناسب طريقه تفكيره و يحترم عمره بنفس الوقت و بالنهايه شخصيه الواحد مانقدر نعرفها الا مع العشره طبعا و الاخذ و العطا .
انا عن نفسي نكي جزء من اسمي و عمري و اهو دلع يعني فمافيه شي
|
|
1 2 3 4
|