هل المهر يحدد قيمة الفتاة؟ - المناقشات الجادة والقضايا الاجتماعية

الصفحة الرئيسية » المناقشات الجادة والقضايا الاجتماعية » هل المهر يحدد قيمة الفتاة؟

صفحات 1 2
	11/20/2008 9:40:27 PM
khale_dm Posts 358	بسم الله الرحمن الرحيم لاحظت أن مجتمعنا يقدر الفتاة بمهرها... حتى الأمهات والآباء يفتخرون بأن فتياتهم تزوجها رجل بمهر كذا أو كذا وأيضا حتى الفتاة لا ترضى إلا بأن يكون مهرها كذا أو كذا وفي النهاية.... يفشل الزواج وهو لم يدم سنة واحدة .. النقاش: 1-هل المهر يحدد قيمة الفتاة؟ 2-وهل المهر القليل يقلل من كرامتها بين الناس وبين زوجها ؟ 3- اسئله للبنات: -هل المهر القليل يجعلكِ قليلة المستوى بين الناس؟ -وما المهر الذي ترضين به ؟؟ وكيف ستنفقينه ؟؟ -وهل ترضين ان تتزوجين بدون مهر؟ تحياتي لكم
	11/21/2008 12:49:29 PM
miss_3afeesa Posts 110	السلام اول شي المهر مايحدد قيمه البنت انا اعرف بنات عز ماخذه 10 دنانير لانها تقول انا مابي فلوسه بس اكيد راح تطلعهم بالعرس لووووووووووووووووول وشهر العسل والبيت والاثاث المهم احنا نتكلم عن الناس العاديين زي حالتنا لوووووووول 4 او 5 الاف كافي عشان النفنوف والمكياج والملابس والعطور وجذي واكيد لان رياييل هالوقت ماعندهم فلوس بخلا فالعرس يكون عيلها فيخلص المهر وشكرااان
	11/21/2008 3:58:26 PM
Ladykwiti Posts 12	أشكرك أخ خالد موضوعك وايد مهم وما أدري ليش للحين التعليقات ما وردت عليه مشكوره اخت عفيسه واقعيه دايما في ردودك.. تر أنا أقول المهر شرط صحيح وفعلا أهو يعطي قيمة للبنت أكيد ولكن في حدود له ولما يكون متفاهمين عليه ومن أولها يبين اذا البنت وأهلها قنوعين ويبين الرجل وكرمه! اهو صحيح يبنى على قدرة الزوج تر يعيشون طول حياتهم بكنز القناعة. ودي اهني أذكر لما تزوج علي رضي الله عنه فاطمة رضي الله عنهما قال رسول الله صلى الله عليه وسلم أعطها شيئا! قال: ما عندي شيء! قال: أين درعك الخطيمة فأعطها اياه؟ وهكذا كان مهر بنت رسول الله صلى الله عليه وسلم التي لا تقدر بثمن، لقد زوجها أبوها بهذا الدرع الذي لاتستفيد منه شيئا ،انما هو رمز لا أكثر ولا أقل! ومع ذلك أقول مثل أختي عفيسه تطورت الحياة الحين صدقج بس هم بعد القناعة كنز لا يفنى. والله ولي التوفيق
	11/21/2008 4:53:42 PM
Dalal2008m Posts 6	أشكرك أخ خالد على طرح هالموضوع للنقاش تر فعلا هالنماذج موجوده في مجتمعنا ما نقدر خلاص تأصلت في عادات وفي نماذج غيرها عقلانيين بتفكيرهم وتقديرهم لمقدره المعرس" لو خليت بليت " أنا أقول اي لازم الرجل يعرف قيمة المرأة اللي يتزوجها عدل بس قيتمتها مو في المبالغة بالمهر ويروح يتسلف مني ومناك وتصير السالفة تفاخر وغيرها أبدا المهر والصداق هو حق للمرأة تملكه كما تملك أي مال لها، وليس لزوجها حق الولاية عليه كله ولا بعضه ولا حق للزوج أن يجبر زوجته أن تتجهز اليه بشيء من الصداق قل أو كثر مع أن الريال لما يدقع المهر لح يقول تر مافي فرق و لما تصير الصدقجيه لح يستحي بالعكس لح يقول هذا نصفه أو ربعه حق الجهاز واللبس وغيره الحين المفروض اهو اللي عليه السكن وعليه جهاز البيت وعليه كسوتها وسائر نفقتها بس وين اللي يصرف هذا الريال يرفع ايده ويقول أنا دفعت المهر اللي في العقد وأنت بعد شاركي!!! اي مافيها شي الله يا زمن ما يخالف المشاركه حلوه اذا كانوا متفقين. وعلى أي حال أذكر بقوله سبحانه وتعالى (وآتو النساء صدقاتهن نحلة، فان طبن لكم عن شيء منه نفسا فكلوه هنيئا مريئا) اللهم اهدي الجميع ووفقهم بأولاد الحلال الكرماء ويالنسبة لسؤالك أرضى أتزوج من غير مهر!!! أكيدلا لا لا لا لا لا ليش يا ترى أهو يرضى يزوج أخته والا بنته بدون مهر اي اذا طابت النفس منه ما أدري! وأسمح لي خالد شلون أنفقه صدقج هذا الشي يحدد شخصيتها للمقبلة على الزواج هل بتصرفه على نفسها على أهلها على التوفير علىه أهو تخشه ما أدري بس حقها وخلااااص . تحياتي لكم
	11/21/2008 5:43:57 PM
alsahraan Posts 22	وشنو اللي ذابح اكثر شي الشباب الا المهر
	11/21/2008 11:53:28 PM
www.com Posts 16	هلا والله قال النبي -صلي الله عليه وسلم _(( افضل نساء أمتي أصبحهن وجها وأقلهن مهرا))
	11/22/2008 7:01:56 AM
FoFona Posts 51	السلام عليكم المهر الحين صار شي اساسي في هذا الوقت لانها يعني اكيد تشتري اغراض تتجهز فيها وحق منو بتشري وتتجهز اكيد حق هالريل الي بياخذها وانا اقول مو لازم المهر يوصل لي 5 و6 واكثر يعني اذا الريال اذا كان يقدر يدفع هالمبلغ و اكثر اوكي بس اذا الريال كان محترم واخلاقه لا يعلى عليها وماينعاب بس ما يقدر يدفع مثلا غير هالاربع ملوت الحكومه ولا 3 آلاف لا والله اشتري الريال مو فلوسه الواحد مالازم يفكر بالمظاهر وايد وللاسف مجتمع الكويت صاير كله مظاهر وبس الله يوفق الجميع ويعطيك العافيه خيو على هالموضوع الحلو تحياتي لكم
	11/24/2008 12:49:39 AM
khale_dm Posts 358	miss_3afeesa كتب: السلام واكيد لان رياييل هالوقت ماعندهم فلوس بخلا فالعرس يكون عيلها فيخلص المهر ------------------------------------ ممكن اعرف شلون بخيل وماعنده فلوس ....يعني الريال المسكين تلقينه ماخذ قرض ومتسلف بس عشان يتزوج وبعدين تبينه يكون كريم اخوكم/حالد
	11/24/2008 12:53:17 AM
khale_dm Posts 358	Ladykwiti كتب: أشكرك أخ خالد موضوعك وايد مهم وما أدري ليش للحين التعليقات ما وردت عليه مشكوره اخت عفيسه واقعيه دايما في ردودك.. تر أنا أقول المهر شرط صحيح وفعلا أهو يعطي قيمة للبنت أكيد ولكن في حدود له ولما يكون متفاهمين عليه ومن أولها يبين اذا البنت وأهلها قنوعين ويبين الرجل وكرمه! اهو صحيح يبنى على قدرة الزوج تر يعيشون طول حياتهم بكنز القناعة. ودي اهني أذكر لما تزوج علي رضي الله عنه فاطمة رضي الله عنهما قال رسول الله صلى الله عليه وسلم أعطها شيئا! قال: ما عندي شيء! قال: أين درعك الخطيمة فأعطها اياه؟ وهكذا كان مهر بنت رسول الله صلى الله عليه وسلم التي لا تقدر بثمن، لقد زوجها أبوها بهذا الدرع الذي لاتستفيد منه شيئا ،انما هو رمز لا أكثر ولا أقل! ومع ذلك أقول مثل أختي عفيسه تطورت الحياة الحين صدقج بس هم بعد القناعة كنز لا يفنى. والله ولي التوفيق --------------------------------------------------- اوفقج الراي على ان المهر ليس بالكميه ولكن المهر شي معنوي والاهم ان الرجل يكون على قد كبير من الاخلاق والتربيه ولنا في حياه رسولنا صلى الله عليه وسلم احكام وفوائد نستفيد منها في حياتنا اخوكم/خالد
	11/24/2008 12:54:30 AM
khale_dm Posts 358	www.com كتب: هلا والله قال النبي -صلي الله عليه وسلم _(( افضل نساء أمتي أصبحهن وجها وأقلهن مهرا)) -------------------------- المهر القليل بركه الزواج اخوكم/خالد
	11/24/2008 7:59:57 AM
amo0on_mlgofa Posts 24	khale_dm كتب: -هل المهر القليل يجعلكِ قليلة المستوى بين الناس؟ لأ طبعاً ماله علاقة.. بعدين سالفة المهر هبة والناس اتحجى فيها حزة الحزة.. لكن منو آنا وشنو أخلاقي و و شسويت بحياتي هذا كنزي اللي بيتم معاي العمر كله ويعرف الناس بقدري و قيمتي khale_dm كتب: -وما المهر الذي ترضين به ؟؟ وكيف ستنفقينه ؟؟ مو سالفة أرضى فيه كثر ما انه المهر اللي يكفي أشتري كل اللي بخاطري أتوقع جريب الـ10000 و على شنو ممكن أنفقه 6000 يوم العرس بس (شبكة ألماس صغيرة ونفنوف وصالون) و الباجي نفانيف و دراريع إستقبال و بدل و ميك أب و عطورات و و و و ترى اللستة طويلة وااايد khale_dm كتب: -وهل ترضين ان تتزوجين بدون مهر؟ بالنسبة لي ما عندي مشكلة لو الريال اللي بتزوجه ما عطاني مهر ولا سوينا عرس ولا سافرنا شهر العسل بعد.. بس عاد هالعرض بيكون بس حق الشخص اللي أتمناه.. و أعرف إنه بيسعدني شكراً لكاتب الموضوع
	11/25/2008 1:15:08 PM
khale_dm Posts 358	مشكوره على ردج الجميل والممتع احسنتي في انك تبحثين عن الشخص اللذي يدخل السعاده والسرور الى قلبك دون النظر الى الامور الماديه اخوكم/خالد
	11/25/2008 3:41:16 PM
FoFona Posts 51	شدعوه اخوي خالد ترد على كل المشاركات الا مشاركتي انا ماترد عليها عموما مشكور
	11/25/2008 4:56:35 PM
gem Posts 267	ففون وراج يا بعد حيي اعتقد ان خالد من كثر ما يرد على الناس صارت عينه حوله ... الله يعينه خل اشوف اخاف مشاركتج مو حلوة ( هههه ) اي والله شفت ردج مو حلو ... بتدفعين هالمساكين 3 و الا 4 الاف ؟؟ اكيد ما يرد على مشاركتج ... يعني يرد فلوس الحكومة و السلفة اللي ماخذها و تلاقينه ماخذ بعد من ربعه و امهات ربعه و ديوانياتهم و بنغاليتهم ... بسسسسسسسسسسسسس انتي بس نزلي و هو يرد عليج ... خالد قلبه طيب اعرفه ------------------------- ما عليج ففونه انا اتغشمر معاج .... انا اعرف خالد عدل اكيد فاتت عليه ...
	11/29/2008 11:10:22 AM
skr_nbat Posts 10	بالنسبة لي مايهمني المهر دام حاسه هالانسان بيسعدني ومايقصر علي بشي بس الغريب المجتمع مايرحم يوم اختي انخطبت الوالد ماحدد مهر لانه من الاهل فلما اقول لرفيجاتي قيمة المهر كانت ردة فعل الناس رهيبه اللي يقول اهلج بيفتكون منكم !!واللي يقول ليش مرخصين باختج جذي!! ماني عارفه ليش الناس تربط قيمة المهر بالبنت معنه والله اعرف ناس ماخذوا مهر وحده كان مهرها قرآن والحمدالله عايشه بسعادة وزوجها مو مقصر عليها بالهدايا والمصروف يقولها كبرتي بعيني يوم شريتيني وقدرتي ظروفي والثانيه كان مهرها 600 والله مبارك في حياتها لاتقولون جياكر ماصدوقوو بالعكس والله جميلات وجامعيات بعد
	11/29/2008 11:13:25 AM
skr_nbat Posts 10	اشكر صاحب الموضوع عالطرح الراقي والمواضيع المتميزة
	11/29/2008 12:39:11 PM
khale_dm Posts 358	FoFona كتب: شدعوه اخوي خالد ترد على كل المشاركات الا مشاركتي انا ماترد عليها عموما مشكور -------------------------------------- مشاركاتك من المشاركات اللتي اسعى دائما على الرد عليها كونها تعبر عن اراء جميله ومميزه وتهم الجميع للاسف اداره المنتدى تتاخر في تنزيل المشاركات بحيث انني لم اجدها او لم اشاهدها اثناء الرد على المواضيع اخوكم/خالد
	11/29/2008 12:50:09 PM
khale_dm Posts 358	FoFona كتب: السلام عليكم المهر الحين صار شي اساسي في هذا الوقت لانها يعني اكيد تشتري اغراض تتجهز فيها وحق منو بتشري وتتجهز اكيد حق هالريل الي بياخذها وانا اقول مو لازم المهر يوصل لي 5 و6 واكثر يعني اذا الريال اذا كان يقدر يدفع هالمبلغ و اكثر اوكي بس اذا الريال كان محترم واخلاقه لا يعلى عليها وماينعاب بس ما يقدر يدفع مثلا غير هالاربع ملوت الحكومه ولا 3 آلاف لا والله اشتري الريال مو فلوسه الواحد مالازم يفكر بالمظاهر وايد وللاسف مجتمع الكويت صاير كله مظاهر وبس الله يوفق الجميع ويعطيك العافيه خيو على هالموضوع الحلو تحياتي لكم ------------------------------------------------------------- مشكوره على مشاركتك الجميله والمميزه والتي تعبر عن شخصيه ناضجه مبدعه صاحبه تفكير عقلاني اذا كان الرجل مقتدر فلا مانع ان يدخل 5 او 6 او حتى 8 الاف مهر للزوجه فهي لا تاخذ منه شيئا بل ستدفعه لتجهيز نفسها حتى تكون في اجمل صوره لحظه دخوله عليها ولكن اذا الرجل ليس لديه المال الكافي فيكفي 3 او 4 حسب قدرته الماديه والاهم من المهر هو اخلاق الرجل لان الرجل صاحب الاخلاق والمبادىء سوف يكون هدفه احترام زوجته وادخال البهجه الى قلبها والعمل على راحتها شكرا على تواصلك واتمنى ان تشاركينا برايك الجميل اخوكم/خالد
	11/29/2008 1:04:53 PM
khale_dm Posts 358	gem كتب: ففون وراج يا بعد حيي اعتقد ان خالد من كثر ما يرد على الناس صارت عينه حوله ... الله يعينه خل اشوف اخاف مشاركتج مو حلوة ( هههه ) اي والله شفت ردج مو حلو ... بتدفعين هالمساكين 3 و الا 4 الاف ؟؟ اكيد ما يرد على مشاركتج ... يعني يرد فلوس الحكومة و السلفة اللي ماخذها و تلاقينه ماخذ بعد من ربعه و امهات ربعه و ديوانياتهم و بنغاليتهم ... بسسسسسسسسسسسسس انتي بس نزلي و هو يرد عليج ... خالد قلبه طيب اعرفه ------------------------- ما عليج ففونه انا اتغشمر معاج .... انا اعرف خالد عدل اكيد فاتت عليه ... --------------------------------------------------------------- اخي الغالي جيم للاسف ما كان حظي حلو لما ما قريت مشاركتها لانها كانت نازله بوقت متاخر والسبب اداره المنتدى ...تنزل المشاركات بعد اسبوع ويكون الواحد ناسي شنو كاتب...... كل واحد له الحق في التعبير عن رايه حتى لو كان رايه مخالف للجميع لان كل شخص له ارائه وتفكيره تختلف عن الثاني....... كثره المشاركات والردود .......اجد كثير من الاشخاص ياخذون بخاطرهم كوني لا ارد على مشاركتهم او اهتم بمشاركات دون اخرى ....هالشي غير صحيح فجميع المشاركات اهتم بها واجدها تعبر عن اصحاب لهم تفكير مميز ومبدع ولكن كثره المواضيع والمشاركات والردود قد تجعلي ارد على المشاركات بوقت متاخر او لانشغالي بامور خارج الانترنت كالعمل وامور المنزل والاصدقاء مشكور اخي الغالي جيم على كلامك المرح والمشوق واللذي يجمع بين المرح وابداء الراي و جمال التعبير في وقت واحد اخوكم/خالد
	12/28/2008 2:26:51 PM
meme83 Posts 70	السلام عليكم صراحه انا عمري ماحبيت منتدى كثر ماحبيت منتدى هالموقع مواضيعه جدا هادفه وتخص هدف الموقع اللي اهوا الزواج ويطرح افكار و حلول بخصوص هالشي والردود طبعا أحل فيعطيكم ألف عافيه . -هل المهر يحدد قيمة الفتاة؟ طبعا لا لان قيمه البنت في اخلاقها و شخصيتها و سنعها 2-وهل المهر القليل يقلل من كرامتها بين الناس وبين زوجها ؟ بالعكس اذا الريال مايقدر يدفع الا هالقيمه القليله و رضت فيه اهيا بتكبر بعينه اصلا و اذا على كلام الناس لا يودي ولا اييب بالنهايه 3- اسئله للبنات: -هل المهر القليل يجعلكِ قليلة المستوى بين الناس؟ توه جاوبت على هالسؤال ، لا . -وما المهر الذي ترضين به ؟؟ وكيف ستنفقينه ؟؟ ممممم اللي يقدر عليه بالنهايه الناس السنعه تشتري الريال مو فلوسه ، بس الواقع شي ثاني لان كل شي صار غالي ! اكيد جهاز البنت بيحتاج فلوس وايد بس عاد لا تقعد تبذر و تشتري اشياء اهي ماتحتاجها على قولتهم تخم الاكو والماكو بالسوق على بو ان قاعده تجهز . شلون راح انفق مهري بخشه بالبنك حسافه عليه ههههههه -وهل ترضين ان تتزوجين بدون مهر؟ طبعا لأ لازم الريال يدفع شي ولو كان قليل سواء فلوس او شي رمزي لان البنت تتم غاليه ولازم يتعب عليها شوي وشكرا
صفحات 1 2

Khitba.com