|
9/4/2012 11:43:21 PM
|
|
سلام عليكم اخر رساله من اخوكم روك بلوشي (:
|
ممم عيل وين الكلام والعنجهيه الى بالشباب انا ريال والكل يبيني ومرغوب ولو مطلق ومعلق ومنتف والخ انا اعتقد لو يحطونك ويحطون يمك هيفا وهبي المغنيه المطلقه ام بنت راح يختارونها اهي قولوا ليش لانه الزمن تغير فغيروا تفكيركم شوي راح ترتاحون
|
|
9/5/2012 12:04:01 AM
|
|
صفات الغير جاد
|
انا اقولج ليش الاخ غيتس داش علشان يجمع اكبر عدد بنات ويدش موسوعة غيتس للارقام القياسية يا عزيزتي الوحده ما تستغرب حال البشر الحين وانتشار الفساد والطلاق لانه الى يحمل هالعقليات الضجية مصيرة جذي بالنهايه الانسان الصادق مع نفسه والنظيف في نيته راح يكتشف الى جدامه بسرعة حتى لو كان فنان نصب واحتيال الايام والوقت يبين كل شيء اهم شيء انه الانسان ما يسوي امور يندم عليها حيل و تاثر على مستقبلة او تضيع حياته وتدمر نفسيته .
|
|
9/5/2012 12:49:17 AM
|
|
سلام عليكم رساله حق البنات
|
يا اخونا العزيز اسمع نصيحة من اختك التى ناقشتك قبل في الدردشة العامه اهني بالموقع وشافت مخك المجيم مرات ولسانك الطويل مرات كثيرة وعدم احترامك للبنات الى يشبكون في هالمواقع روح دورات للمقبلين على الزواج يقدمها الدكتور جاسم المطوع راح تفيدك وتفيد اي شخص مقبل على الزواج وحسن نيتك وانشالله تحصل الى تبيه العوية تبين والجاده تبين مادري ليش تتحلطمون وايد
|
|
9/5/2012 2:44:10 AM
|
|
لماذا يا شباب تضحكون علي عقول البنات ..؟؟؟؟
|
الرجل الى يفكر ويتصرف بهالطريقه مع الاسف انسان غبي وجاهل بقوانين الحياه النبي اختصر قوانين الحياه بعدت احاديث هذي احدهم (البر لا يبلى والذنب لا ينسى والديان لا يموت فكن كما شئت كما تدين تدان) وفي قوله تعالى في وصف البشر في سورة الاحزاب واذكرن ما يتلى في بيوتكن من آيات الله والحكمة إن الله كان لطيفا خبيرا ( 34 ) إن المسلمين والمسلمات والمؤمنين والمؤمنات والقانتين والقانتات والصادقين والصادقات والصابرين والصابرات والخاشعين والخاشعات والمتصدقين والمتصدقات والصائمين والصائمات والحافظين فروجهم والحافظات والذاكرين الله كثيرا والذاكرات أعد الله لهم مغفرة وأجرا عظيما ( 35 ) ) الله يحفظ الصادقين والصادقات ويبعد عنا عيال الحرام
|
|
9/5/2012 4:29:39 PM
|
|
سلام عليكم اخر رساله من اخوكم روك بلوشي (:
|
الحين الشباب من وين يحصلون زوجات انت مو عارف شنو تبي علشان جذي تروح البيت الغلط الى راح يرفضون ظروفك لازم تتقدم حق بنت نفس ظروفك اهي الى راح تقدرك
|
|
9/7/2012 11:22:34 PM
|
|
مواقف وقصص واقعية من موقع خطبة
|
انا متفهمه انج بنت تبين تتزوجين رجل تكونين عارفه عيوبه ومميزاته قبل لا تتزوجينه بس هالحقيقة يجهلها الاغلبية مو كل الناس تفكر نفسج وتفهمج خلي هالنقطه ببالج قريت قصتج حرف حرف الله ينتقم منه وما يرزقه بنت حلال تصون عرضه أبد هذا ليس برجل حتى تزعلين نفسج عليه الوحده منا تبي ريال محترم تعتمد عليه الرجال مخابر مو مناظر انتى الله يحبج وعارف نيتج تجاهه فوخره عنج حمدي ربج وسجدي له اهو اعلم ما في القلوب هذا جذاب يهوى لعبة الاحباب تلقينه ما عجبه شكلج يبي مثلا مارلين مانرو مع انى اشك انه مارلين مونرو لو تشوفه تعطيه ويه بس خليها على الله داش مثل اغلب الربع اهني يتطمش ويقط فلوس اشتراك على رغباته بدال ما يستثمرهم في هدف سنع ما تشوفين اغلبهم يتذمرون انهم مفلسين لانه فلوسهم مافيها بركه تطير بسرعة بسبت عدم التخطيط السنع وعدم التخطيط السنع ما يكون الا لانه ماكو تفكير سليم ونظيف خليه باجر الزمن يربيه مثل ما ربى غيره يامه بنات وشباب تعرضوا لهالمواقف والله نجاهم منها وكشف نوايا الطرف الثاني النبي عليه وعلى آله الصلاه قال :عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له اعتبريه تجربه استفدتي منها والله عادل فعرفي حقج ما يضيع ويمكرون ويمكر الله والله خير الماكرين شنو خسرانه باجر ياخذج الطيب واهو خليه الخبيثون للخبيثات مشكلة اغلب الناس ما ينتبهون لهالقاعده وديري بالج من هالنقطه عادتن هالنوعية بعد جم شهر احتمال يحاول يرد يسال عنج لانه يدري انج زينه معاه لا تثقين فيه الى ما عدج ربح لا تعدينه فايده اياج ثم اياج تعطينه ويه انتى صغيره ومو طايحة بجبد نفسج الحمدلله بنت ناس حالج من حاله في رياييل وايد سنعين ويبون بنت حلال سكن لهم وتكمل نص دينهم دايمان خلج بالجانب السليم ولا تنازلين عن الصح والحق والله يهدي ويوفق الجميع
|
|
9/8/2012 4:30:26 AM
|
|
انا ابي اقول قصه حصلت لي وابي رايكم
|
انا ما يضحكني الا شيء واحد لما اشوف بعض الاعضاء الى متعامله معاهم قبل اهني بالموقع والى ادري فيهم مو جادين يتعاطفون معاج ومسوين روحهم سوبرمان الذي يساعد اخاه المسلم اختى مطلقة ديري بالج على حالج
|
|
9/8/2012 4:57:54 AM
|
|
اقتراح بخصوص الغاء زواج عرفي او مسيار او متعه
|
كلن يغني على ليلاه
|
|
9/8/2012 5:22:37 AM
|
|
يازين المره بدون مكياج
|
انا استمتعت وانا اقرا كلامكم الى اهو عباره عن شعارات تناقض واقعكم لانه لو فعلا اغلب الشباب ما يحبون البنت بالمكياج الوايد جان ما لحقوا ام ويه طحين ولو فعلا ما تموتون على ام مكياج الاعراس جان ما لصقتوا ويهكم بالتلفزون لما تطلع حليما وأمل العوضي وحصه اللوغاني شفتوا شلون بهالسهوله فسرتها انا شخصيا ما احب المكياج الوايد لانه كل مناسبه ووقت له مكياجه الخاص فيه مثل اللبس كل وقت ومناسبه لها اللبس المناسب لها  فبسكم انتقداات بشيء انتو من داخلكم تحبونه الى ما يحب المكياج لا يطل بويه ام المكياج والعكس صحيح وشكرا
|
|
9/8/2012 6:13:45 AM
|
|
الحماقه أعيت من يداويها
|
المرأه او الرجل العجال اول شيء ما يتهاوش جدام الناس اهو ومرته كيفهم عاد بييتهم يتكافخون يتذابحون خصوصية بينهم ثانيا المرأه او الرجل العجال وانا اكرررها لانى ذكرت هالنقطه قبل انه الاهل لهم تأثير كبير في شحن الشخص يشحنونه افكار سلبية ضد زوجته والعكس صحيح ويخلونهم ينهدون على بعض ويخربون عشر الزوجية الوحده لما تعصب من زوجها مفروض بعد ما تناشبة وتطلع الحرة تقعد تفكر بينها وبين نفسها بمميزات هذا الشخص وعيوبه يعني تكون حقانية معاه وما تنسى جمايلة مو بس تطالع سلبياته لازم تطالع ايجابياته وواذا ضايقته تعتذر منه ولازم ما تخلي اليوم يمر واهو زعلان منها والزوج نفس الشيء مطلوب منه لازم المشاكل والخلافات تنحل اول باول حتى ما تتراكم اذا اهل الزوج شرانيين الرجل مفروض يكون عارف طباع اهله ويحاول يتجنب المشاكل بانه ما يكثر زياراته برفقت زوجته لبيت اهله يعنى يزورهم بروحة اكثر من زيارته مع زوجته والعكس مع المرأه اذا اهلها يأذون زوجها لا تكثر زياراتها لبيت اهلها برفقته دام هالشيء فيه راحه لبيتها وبسكم مكابر الله يرزقنا ويرزقكم الازواج واهل الازواج الصالحين ويبعد عنا المشاكل
|
|
9/9/2012 2:38:03 AM
|
|
تجربة الزواج عبر الانترنت لن تنجح في الكويت
|
متى ما تحررتهم من سيطره المجتمع والاهل والعادات الجاهليه على افكاركم ووثقتم في انفسكم حزتها راح تشوفون الحياه بسيطه وسهله وما تحتاج كل هالاسباب الى تذكرونها وهالتعقيدات والحواجز الى حاطينها جدامكم الحياه اختيار بما فيها الزواج الرجل يروح يتقدم لاكثر من بيت ويختار الى تجعبه او تعجب اهله عاد حسب شخصيته وفكره بس بالغالب يختار اختيار اهله والعكس صحيح البنت يتقدم لها اكثر من شخص واهي تختار من بينهم الى يعجبها او الى يمدحونه لها عاد بعد الزواج يقعدون يكتشفون بعض وتظهر العيوب والحقيقة بعد ما يطيح الفاس بالراس اهلنا لو كان عندهم هالتطور في زمنهم جان سوو نفسنا شنو الصعوبة لما انا اختار لنفسي شخص انا مقتنعة فيه انا عارفه شنو ابي واعرف شنو يناسبني وما افكر باللحظه افكر بالمستقبل بعد احنا مو اطفال وعندنا عقل ونعرف الصح من الغلط فليش نخاف من الطرف الثاني كان جاد او لا الوقت يبين كل شيء المهم انه الواحد يمشي حسب الاصول وبجذي تقل الخساير المادية والنفسية اذا ما حصل توفيق مع هالشخص اغلب الى يتعارفون الحين يتعرف عليها من مكان عام او ملاحقها ومرقمها لسبب انها لفتت انتباهه بلبسها او إيحائاتها اعتقد هالطريقه اهي الى تفشل والى بدايتها مو سليمه وفيها شبهه واذا حصل وحبها فهالشيء متروك للصدفه مو لانه نيته من البدايه سليمه اغلب هالزواجات بدايتها جذب اول شيء يجذب على اهله ويقولهم انه اخت رفيجه او العكس بالنسبة للبنت فيحصل بعد الزواج شك ومشاكل وعدم ثقة بالطرف الثاني لانه الاساس غلط بسكم تحطون اعذار الاخ الى رايح موقع مغربي طبعا تقارن مجتمعنا بمجتمعهم ماكو وجه مقارنه حتى شبابهم اكثر جدية وتقبل لهالموضوع اكثر من شبابنا انت تقدر تتعرف على البنت من هالموقع واذا ارتحت لها تشوفها مو من البدايه تختار حسب الشكل؟ عيل وين شعار اهم شيء الاخلاق؟ اشوف لما تعجبكم الاجنبية او منو ما كانت تتزوجونها وتحطون اهلكم امام الامر الواقع اشكثر رجال بهالموقع يبحثون على زوجات وزوجته بالبيت ماتدري عن هوا دارها اشوف ما قال صعب واهلى واهل زوجتي لو اكتشفوا هالشيء شنو عواقبه اشمعنه لما تتعرف على بنت ديرتك عن طريق النت صار فيها صعوبات وحواجز بليز يعنى نضجوا شوي
|
|
9/9/2012 3:31:23 AM
|
|
ليش نتخوف وليش نتردد
|
بعض الشباب وخصوصا الى يكون من بيئه محافظة قبل الزواج في علاقاتهم مع البنات ماخذها لعب سواء اهي البنت كانت لعوب او فعلا زينه وتحبه ولما احد ينصحه يعطيه ظهره ويقول عادي باجر انا اتزوج الفتاه الجميلة والرشيقه والانيقة والعفيفة ووووو الملاك باختصار الى راح تختارها لي امي وبعد الزواج يكتشف انه لو كان ماخذ الى يعرفها ويعرف شخصيتها ابرك من انه يتدبس بوحده ما عرف شخصيتها وما حبته ولا فوق هذا قط فلوس شكثر وتكاليف شفتوا فايده المخ النظيف الى يعرف يخطط الحين بعد ما يمر الشاب بهالتجربه الفاشلة مفروض يخرج منها شخص أوعى عارف شنو يبي بالضبط الانسان لازم يبطل عينه وعقلة وقلبه حتى يستوعب اول مرحلة يسال نفسه هالسؤال انا ليش ابي اتزوج ثاني سؤال شنو اهم الصفات الاساسية الى ابيها بالبنت وشنو الصفات الثنوية الى ابيها بالبنت والى اقدر اتنازل عنها في حاله توفر الصفات الاساسية بشرط تكون مواصفاتها واقعية ومتوفرة في وايد بنات اهني تبدي توضح الصورة العامه الى ببالك لشكلها لبسها طريقتها المرحلة الثانية انك تحدد نمط شخصيتها يناسبك او لا وهذا من خلال الحوار معاها والكلام سواء انت كنت متعرف عليها من خلال مكالماتك معاها او لقائاتك معاها تسالها الاسئله وتشوف ردت فعلها بشرط تكون اسئله عامه شنو رايك مثلا بالموضوع الفلاني شنو تسوين مثلا لو حصلج هالموقف كلام عام اما في حاله خطبتها بشكل تقليدي بدون معرفه مسبقة عنها لا تقرر من اول مرة تشوفها لازم تقعد معاها مرة ومرتين وتسالها وتشوف ردت فعلها وتفاعلها معاك واهم شيء الصدق ثم الصدق ثم الصدق في الكلام افتح قلبك انت مو قاعد تسوي شيء غلط انت رجل تبي تتزوج وتبي تستقر اهني تقدر تقرر اذا انت ارتحت لها فعلا وتحدد نمط شخصيتها هل اهو مناسب لك او لا والله يوفق الجميع
|
|
9/9/2012 3:35:41 AM
|
|
هل تؤيد التعارف قبل الزاواج ولا
|
مشكلة بعض المشتركين من فئه يوم البحار والنظام العتيج يشبكون في مواقع للزواج هل تعتقدون راح تتغير افكارهم ونظرتهم البدائيه الاخوان والاخوات الى داشين يقولون انه ما يؤيدون فكرة الزواج عن طريق الانترنت عيل ليش مشتركين في هالموقع وتتعرفون على الناس وبعدين تسحبون عليهم هل هذا تصرف ناس واعية وتحترم مشاعر الاخرين انصحكم كونوا قد كلامكم واخرجوا من هالمواقع روحو موقع كوت بو سته لعبوا جنجفه احسن لكم واريح لنا
|
|
9/9/2012 3:47:17 AM
|
|
زواج الكويتية من غير الكويتي
|
انا اشوف انه كل انسان حر في اختيار شريك حياته الى يرتاح له يعنى سعاده الكويتية او الكويتي مو مرتبطه بحدود الكويت والى يحملون الجنسية الكويتية اذا البنت او الشاب متقبل هالفكرة شالمانع هذا شرع الله انا شخصيا بالنسبة لي انا ما اتقبل واحد غير ولد ديرتي لانه نفس اللغة واللهجه والعادات ونمط المعيشة وانا بطبعي تقليدية شوي يعنى ما اتئقلم بسرعة مع مجتمعات ثانية او بيئات ثانية بس مو كل البنات او الشباب نفس تفكيري فانا ما اقدر اقرر عنهم شنو يناسبهم انا لازم احترم قراراتهم الشخصية الكويتية لو مثل الكويتي يعطون عيالها جنسية كويتية جان ما شفتوا بنت قاعده ببيت اهلها للحين الام اهي الى تربي فلا تخافون على ولاء او طباع العيال مراح ياثر فيهم عكس الى يتزوج اجنبية احتمال كبير الابناء ياخذون عادات امهم لانه هذا شيء طبيعي الابناء اقرب للام من الاب وبالنهايه كل واحد ينام على الجنب الى يريحه وبالتوفيق للجميع
|
|
9/9/2012 4:02:17 AM
|
|
ليت الكتابة والورق صبروني
|
اخوي تقول انك ما تدور مغازل و ما تركض ورا شهواتك وكاتب في الختام بروح المغرب اتزوج اشمعنه المغرب يعنى كل الديره عارفين شنو يميز المغرب وليش بعض الرجال يروحون لها انا قريت الى كاتبه حرف حرف فيك مشكلة بسيطه انت مو ملتفت لها تدري شنو انك ما تتحمل مسؤولية اختيارك قطيت اللوم كله على اهلك كلنا نتعرض لضغوط من الاهل هلووو احنا في مجتمعات شرعية هذا نظام التربية السائد فيها انت اخترت تتزوج الى اهم يبونها ما اعتقد حطو مسدس على راسك واجبروك نصيحه من اخت اذا انت فعلا رجل واعي وتحس انك تعاني من اضطهاد اعتقد في مراكز مختصه لهالامور فيها ناس اهل اختصاص يساعدونك ويشرحون لك صح كلامي اتمنى لك التوفيق
|
|
9/9/2012 4:10:30 AM
|
|
سؤال عام للك
|
انا شخصيا لما اشوف شخص يزور ملفي وايد فوق 10 مرات انا اعرف ان الاخ قاعد يتصفح من الفضاوة دليل انه مو جاد فاصكه حجب لانى اشمئز منه او بعض الاخوان ملفاتهم ملفات مرضى نفسيا الى كاتب انا متزوج 3 مرات ومنفصل وابي وحده ما تطلب مهر بس ناقص يقول العصمه بئيدها اصكه حجب او بعض الاشخاص يطرش رساله كاتب رقمه بطريقه واسلوب سوقي شالاشكال يعنى انا عندي مقياس معين من الاشخاص احب انه يشوفون ملفي مو من هب ودب ومو ذنبي اذا اهو مو عارف يعبر عن نفسه عدل او اهو قليل ادب او مو عارف يتصرف عدل الحجب خاصية الواحد يستفيد منها لراحته
|
|
9/9/2012 4:19:36 AM
|
|
هل المرأة سلعة
|
نظريا يقولون مو سلعة لكن عمليا والواقع يتعاملون معاها بعض النساء قبل الرجال على انها سلعة لما الام تروح تخطب لولدها شوفوا شتسوي لو ولدها فيه مليون عيب واهي تدري انها تبي تخطب إمرأه مثلها لولدها الى اهي عارفه عيوبه تروح تدور له احسن بنت ليش جذي صار لانها البنت اهي الى نزلت من نفسها لما ما تعلمت واصبحت واعية ومثقفة وحطت لكل واحد مقامه ومكانه اغلب البنات الحين وصغار بالعمر بدال لا تفكر تسوي شيء لنفسها ودراستها ولمستقبلها صار بس هاجسها الزواج وتتنازل تنازلات احيانا لدرجة انه تضيع نفسها بس لمجرد انها تتزوج اهي بهالطريقه تقلل من قدرها اهي بهالحاله تتحمل الى ييها
|
|
9/10/2012 12:33:25 AM
|
|
المطلقة جيم اوفر
|
مطلقه جيم اوفر ما شفت الصراحة انا اعرف بنات تزوجو وتطلقوا وردو وتزوجو وانا بنت ما تزوجت للحين عادي هالامور يدخل فيها وايد عوامل صح انه المجتمع يتخوف من المطلقه بس الحين انتشر الطلاق وايد سواء رجال او نساء فشوي الناس تغيرت نظرتهم تجاه موضوع الطلاق فلا تحط ببالك هالشيء هذا الى قالك هالكلام الظاهر انه تفكيره على قده انت اهم شيء تكون متفاهم معاها وترتاح لها ولظروفها هذا الى يعمر الزواج اما انها كانت مطلقه او لا مو سبب مهم لنجاح او فشل الزواج
|
|
9/21/2012 1:50:52 AM
|
|
الزواج السري اوالمسيار.......لماذا؟
|
انا اقول حق ديناصورات الموقع الى اعمارهم بالخمسين ويراهقون اهني ونصهم مطلقين وفشله اخلاقيا واجتماعيا مو عارفين يديرون بيوت اذا اهو بالزواج العادي مو فالح هالمرة بالمسيار الى اهو عاجبه لانه زواج بالخشيش ومحد يدري عنه الى مو قد الزواج الدايم ياخذ له رحلت نقاهه وراحه واستجمام ويستريح لانه البنات العجال الى يبون يستقرون ويكونون اسره ما يعطون هالعقليات اهتمام والى ما يطول العنب حامضن عنه يقول
|
|
9/23/2012 1:45:22 AM
|
|
لا للضروره زواج من كويتيه
|
يقول المثل عمي يقود ضرير واحد يبي زواج مسيار ويبيها تكون احسن واعجل بنت منو العاجل الى ترضا تعطي واحد بو عيال فرصه وتتزوجه بالسر اكيد العاجل والزينه والى تفكر لبعيد ما ترضا بجذي ظروف والثاني الى مو عارف وين الله قاطه ومايدري شنو يبي بدينته يالله حكمتك
|
|
1 2 3
|