Khitba.com

صفحات 1 2
	9/12/2011 3:26:56 AM
mo6aleqa Posts 13	السلام عليكم ورحمة الله انا تقريبا صارلي اقل من شهر اشتركت بهالموقع والنيه صافيه مع تحفظ لاني مطلقه لازم افكر عدل بالخيارات وافسر الحوار عدل مع الاعضاء لما ندش بنقاشات بالرسايل او الشات المهم في واحد نكه .. مدري اقدر اقوله او لاء .. بس هو كاتب انه مطلق وعنده بنت وراسلني وقال قصته وانتقلنا الى الايميل لان يقول يبي يكون اسرع هو يقول انه مدرس وانه من نفس قبيلتي .. وهالشي ريحني .. المهم قال بكلمج تلفون .. وانا كنت وقتها معصبه المهم يومين يمكن واقتنعت اكلمه وكلمته بس مكالمه وحده وهو بس يضحك مدري شفيه حسيته مو جاد وقطعت عنه وعطيته بلوك بعد المهم مرت الاسابيع والايام دخل علي من شوي مكالمة شات يقول يبي يقول كلام مهم وقال ابي اخطبج قلت ليش انت تبيني ؟ اخبرك ما تبيني ؟ ومو عاجيك كلامي ؟ قال انا اعرفج وتبيني اصدمج تذكرين لما كلمتيني تلفون وتقولين ليش تضحك وجنه عندك احد قلت ايه قال احساسج بمحله وهذا النك مسويه رفيجي وهو خلاني ادش عليج واكلمج وقالي حط سبيكر ابي اسمعها وهو يقرب لج ومن جماعتج وشاهد على طلاقج مدري زواجج ويعرف طليقج وناوي يهددج ويستغلج بس تبدى الدوامات وانه هو يقول انج تقربين لعمته مدري من قرايب عمته ويعرف رقم بيتكم الارضي وعطاني اياه قال دق وانا عقلي مو صغير ادق وناوي احذرج منه قلت له هو منو اصلا ما اعرفه ولا طلاقي ماكان فيه شهود ولا مكتوب بورقة طلاقي شهود زوجي راح مع ابوي المحكمه وصار الطلاق عند القاضي بدون شهود وقال انا حذرتج وهو رفيجي ما اقدر اقول منو هو بس هو من جماعتج ويقرب لج قلت له ان كان يفكر يهددني وانا اصلا مابيني وبينه شي ولا اعرفه انا ما يطلعني ولا يهددني انا ما اتهدد انا ان هددني اشتكي عليه بمخفر ونيابه وتحقيقات بعد يحققون فيه لان مابيني وبينه شي ولا يطلبني ولا اطلبه ولا اعرفه اصلا .. المهم عقب هالكلام الرجال خاف وعطاني حجب وكتب اخر رساله رجاء ما اعرفج وشكرا .. مدري انتم شرايكم ؟
	9/12/2011 4:06:07 AM
mo6aleqa Posts 13	يلا وين الردود
	9/12/2011 7:13:59 PM
kindeng.1965 Posts 98	اختي الكريمة مطلقة غلط الكلام بالتلفون وحتى الشات ما يكون الا بعد التأكد من صدق نية الشخص ولازم أحد من أهلك يعرف كل خطوة تقومين فيها لان هذا يتعلق بالعرض والسمعه هذا رأيي والله الموفق
	9/13/2011 1:18:02 AM
mo6aleqa Posts 13	ما ادري والله اخوي هالناس المفروض تكون نيتهم زواج وعني يقين ان دام انه نيتي صافيه يبي ربي يحميني من اهل الشر
	9/13/2011 2:37:07 AM
TALAL_4488 Posts 362	قواج الله اختي مطلقه اببي اختصر عليج كلام وايد اذا عندج احد من افراد اسرتج ترتاحين لها وفاهمتج وفاهمتها مثل الام او الاخت لا تخشين شي عنها صارحيها خليها اهي على طول بالصوره\مثل امج او اختج عشااان ترتاحين حيل وما تفكرين بشي وعلى فكره لا تقولين انا ما اخاف او اتهدد تبين تروحين للمخفر روحي بس حطي هالشغله براسج شنو موقف ابوج او اخوانج لا رحتي للمخفر تبين تشتكين بما انج قبليه تعرفين بعض العادات (( السيئه )) اللي احنا يالبدو ملتزمين فيها وبعد التحقيق تعالي من وين عرفتي الانسان هذا تقولين من موقع خطبه وبعدين تعالي افتحي الصفحه ولازم يقرون الرسايل وجذي راح تكبر الامور حيل وتتصعب واخرتها داخله موقع عشان زواج وبتكثر عليج الامور اللي مالها معنى والمثل يقول امش عدل يحتار عدوك فيك خلي احد من اللي ذكرتهم لج يكون بالصورره
	9/13/2011 10:49:46 PM
mo6aleqa Posts 13	انا كنت بقول لامي صراحه وحاليا انا لاعت جبدي كل يوم اتراسل مع واحد ويطلع جذاب والا كلامه مدري شلون صاير وكلهم بس يبون رقم وايميل عشان يتكلمون فيه وبس انا تعبت صراحه اخوي اشتراكي صارله شهر بقى يوم ويخلص وناويه انقطع خلاص لان مالقيت احد جاد وصافي النيه كلهم يخرعون والظاهر ان ما حصلت شر منهم ماني لاقيه خير وستر
	9/14/2011 11:38:25 AM
kindeng.1965 Posts 98	أختي الكريمة فترة شهر قليله لانتظار النصيب انا سجلت منذ ٣ سنوات تقريبا واكثر المشتركات بروفالاتهم تفشل ولايصلحن لمسؤولية الزواج والحمدلله انت مازلت صغيره هناك من تعدت ال ٣٠ وال ٤٠ ولم يأتي نصيبهن عليك بالصبر والدعاء خصوصا في الثلث الاخير من الليللان الله يكون قريبا من عباده وكوني على قناعه ان الزواج جزء من الحياة وليس كل الحياة وبالمكان الإنشغال باشياء مفيده حتى يكتب الله النصيب : - كإستكمال الدراسة - حفظ القرآن الكريم - مساعدة الاهل والإخوان في امور حياتهم وتربية اولادهم واحتساب الاجر - الإخراط بالاعمال التطوعية باللجان الخيرية وعن تجربة في ذلك متعه كبيره - الانشغال بحرفة مفيده ( خياطه ، تطريز ، تصميم على الكمبيوتر ... الخ وفقك الله
	9/15/2011 12:43:53 AM
TALAL_4488 Posts 362	اختي تقولين لاعت جبدي ابي اقول شي وبصراحه انا بالموقع هذا صارلي 2008 والله والله والله مالقيت اله بنت وحده وجاده وتقدمت لها واهلها رفضوا والباجين يبون الجذب لازم تجذب وتقول انك طيار او غني او مهندس فا الصراحه مايبونها تعودوا عالجذب وما ايست ولله الحمد العمر قدامي وصار وضعي بالموقع اني ادخل للمنتدى ومتابعه اول اب اول اكو بنات اعرفهم اقصد اعرف نكاتهم اول ماسجلت كانو اعمارهم 29 و30 الحين اقدر اقول انهم اشوي عجزوا كبروا بالعمر ولكن للحينهم متواجدين بالموقع لان عندها طموح انها تتزوج فا الزواج ما يجي بشهر او يوم او يومين هذا نصيب ويبيله واحد يسعى معاه مو مشكله يا اختي خلج تطيحين بواحد او نقول 10 اشخاص كلهم جذابين ما راح تخسرين شي بالعكس راح يزيد اصرارج وتقوى عزيمتج احسن من لا تقولين اقعد بالبيت وانطر زوج المستقبل لا لازم تسعين حق نفسج مثل باقي البنات وبالنسبه حق قولج كنت بقول حق امي اذا اهيا متفاهمه معاج وشقرديه وماهي من نوع الامهات اللي ماتسمع حق بنتها ومطنشه قولي لها انتي تعرفين امج اكثر مننا يالي بالمنتدى فا اذا انتي تشوفين ان امج راح تساعدج وتوقف معاج قولي لها واذا تشوفين العكس لا يبه لا تقولين لها واستري على نفسج وكملي المشوار اللي انتي دخلتي عشانه
	9/17/2011 4:34:06 AM
mo6aleqa Posts 13	اخوي طلال اي امل ؟ من صجك ؟ الكل من اول رساله يحط رقمه وايميله ورقم البي بي مدري شنو واللي يحط رقمه ويدز مليون رساله غصب دقي والا كلامه كله عن الجنس وشلون طليقج كان ينام معاج ؟ يعني لوعت جبد يحسسوني اني حقيره مو انسانه جني داشه هالموقع انهان مو اتزوج وادور شخص مناسب الله يعين بس edited by mo6aleqa on 9/17/2011
	9/17/2011 8:01:01 AM
TALAL_4488 Posts 362	والله ما الومج يا بنت الناس فعلا شي ماينحمل وهذا يدل على تربية المجتمع الفاشل تدرين ليش انا عاذرج ؟ من كثر الكلام اللي يقوله البنات عن الشباب انهم فيهم وفيهم سجلت بنك بنت وشفت العجب فعلا شي لا يطاق بس شنو تبين تسوين هذوله اهم شباب الكويت اللي على طول من دخلت بنت رسائل وكلام ماله معنى والله اني ما عمري ارسلت حق انسانه اي رسائل من هذا الكلام بحاله وحده ارسل اذا اظهرت اهتمام ارسل لها والبعض تقول بمعنى الكلام انها خلاص ماتبي ما اقعد اراسلها وازعجها والحمدلله سمعتي بالمنتدى نظيفه وماعمره احد اشتكى مني واشكر ربي على التربيه اللي ربوني ايها اهلي وارجع واقولج الاصابع مو سوا تلاقين الزين والشين بالموقع ولا تيأسين من الحياه تو الطريج قدامج والف من يتمناج
	9/22/2011 12:40:04 PM
azmia Posts 3	مافيها شي لو كان في استلطاف اضيف بالأيميل او البيبي مافيها شي بس طبعا اكون محرصه شاله صوري من الجهاز والبيبي مافيه خوف
	9/23/2011 12:30:04 AM
mo6aleqa Posts 13	انا ما عندي بي بي وجهازي مافيه صور لي
	9/30/2011 10:48:09 PM
WebRoot Posts 5	اخطر شي الإيميل edited by WebRoot on 4/13/2013
	10/29/2011 4:21:15 AM
zawajat Posts 62	الله بالخير اختي مطلقه الاراء وااايد وانتي الحكم اللي تقدرين تختارين الراي والاقتراح المناسب من طريقه كلامج انج بنت خايفه ربج وحاسبه حساب لاهلج بالنسبه لطليقج لو يهودي مايطرش احد يكلمك وحتى لو بيقولوله ماله حق عليج ولااحد بيصدقه بيقولون محتر بما انج قبليه واكيد والمعروف بالكويت القبايل عندهم تقاليد وعادات والكل يتحاشى ايي صوب بناتهم لانهم مايرضون بالغلط للبعيد شلون لاصار احد يهدد بنتهم والريال تقولين من نفس القبيله ماراح يقدر يروح ويقولهم شي ولو صار يقصون راسه وماراح يصير فيج انتي شي لانهم مايثبتون المشكله على بنتهم وحتى لو سمعوا طرف سالفه من بعيد بيتلونه من رقبته انتي ماسويتي شي غلط تبحثين عن الحلال مثلنا يهددج بشنو ملعون الوالدين هذا مريض نفسي بيخوفج علشان يخاف على اسم القبيله ومايبيج تكلمين احد ولاتدخلين الموقع انصحج دامنه ماضرج بشيء لاتقولين لا لامج ولاخواتج بيشكون فيج ويخافون عليج والموضوع عادي جدا وتضايقينهم واتييبين حق نفسج الخير ((المشكله)) وبعطيج فكره اغلب الرياييل بالكويت بدو ولاحضر يخافون على سمعتهم مايبون المشاكل ومن رده لمن دزلج المسج (((مااعرفج وشكرا ))) يبي يوخر عن المشاكل وخايف ودامنه من نفس قبيلتج ارقدي وامني ماراح يشهر فيج لان في ناس وايد تذابحوا بس على انهم يدافعون على اسماء قبيلهم وسمعتها شلون بيفضح فيج ترى عيال البدو صج فيهم وااايد ميانين ومرضى نفسيين وفي زينين علشان محد يزعل بس بالنهايه تلقينهم مايرضون على بناتهم ولااحد يقدر يتحجى جدامهم فيهم فزعه لبعض ((مايرضون بالغلط )) تحليلي الشخصي بيخوفج علشان ماتتعرفين على احد وعيشج بخوف وانسي وغسلي اييدج بماي وصابون ديتول بدوي قبلي يتزوج من الموقع ولاوحده كلمها لازم عن طريق الوالده والله لو انج بنت شيخ قبيلته وعندج بحسابج مليار مايتزوج الا عن طريق الماما ولاتعيشين مكسوره انا مطلقه ومحد يبيني لاياحبيبتي رفعي راسج و قولي انا مطلقه وبنت ناس طيبين لاتنكسرين وتعيشين بتشائم ونصيب بييد رب العالمين لاالموقع اللي بيزوجج ولاحتى احنا الموقع بييبلنا رياييل رب العالمين بس الشي الثاني اللي اعرفه القبليه من تروح عرس تنخطب توكلي على الله وروحي عروس ظروفج تتطلب جذيه وخلج بالموقع شوفي نصيبج وانا اختج من الصوبين والشخص اللي خايفه منه (((((الجلب اللي ينابح مايعض ))))) يكرم القاريء لامخافر ولاخرابيط موضوعج جدا عادي وديري بالج على نفسج وموكل واحد تثقين فيه ولاتقوليله اسم عايلتج ولااسمج الصجي الله يوفقج ومايدور هالشهر الاوانتي مالجه ويوفق جميع خواتي المشتركات
	10/29/2011 7:52:26 PM
mo6aleqa Posts 13	مشكوره اختي والله العظيم مو مدح فيني بس شكثر عروس اروح واصك على كل البنات وتكون كشختي ومكياجي عادي بس قرايبي من عمام وخوال كويتين وانا مو كويتيه لذلك مافي رغبه فيني لا انا ولا خواتي وحنا كل وحده تقول الزين عندي والحمدلله متوكله على رب العالمين
	10/30/2011 8:08:25 AM
kindeng.1965 Posts 98	اختي الكريمة مطلقة ما سبب طلاقك ؟ يمكن نقدر نساعدك
	10/30/2011 4:19:12 PM
mo6aleqa Posts 13	سبب طلاقي بالمختصر اهلي ما اسألوا عدل وطليقي كان مو كفو زواج من تزوجته كل شي علي اروح مع سواق اجره مع امي اجيب للبيت اروح مواعيد طبيب ومعاملته كانت كلش مو زينه جربت الطيب والسكات واخر شي دخلت اهلي ووعد يتغير وكل تقصير يروح ورجعت وشفته مو ناوي يتعدل وصار يتبلاني باشياء ماتدخل المخ عشان يغطي على تقصيره واهماله لي وعدم غيرته لذلك بالاخير غسلت ايدي منه وانسحبت وياليتني منسحبه من زمان رجال حتى احترام ما عطاني للعلم ماني عوبه ومو راعية لسان ولاعندي طلبات غير اقوله عطني فلس للثلاجه وكان شهر يعطي وشهر لاء ومره يعطي 10 بالشهر للثلاجه ومره 20 انا مراه مو موظفه ادرس اعانتي مدري ادفع للسواق حق مشاويري الضروريه مدري للبيت وكنت ساكنه عند اهله يعني ماعليه اجار ولا عنده مصاريف غير نفسه والبيت ومع هذا كان يقصر قبل قالي معاشه 300 ومسكينه صدقت وقالوا البنات مستحيل كويتي 300 وقبل ما اطلب الطلاق بشهر فتشت سيارته ولقيت شهادة راتب انه معاشه 700 وشويه دك يعني معقوله الثلاجه ومصاريفها بتثقل عليه .... المهم السوالف واجد بس عموما لا قدرني ولا احترمني ولا كان صادق وصريح معاي وانسان غامض سنتين وانا احل الغاز وكل ماقالي شي وحلف فيه القى ربي بالصدفه يكشفه لي انه جذاب لذلك ماحسيت بالامان ..... ومابي اكتب اكثر تفاصيل لان لما اتذكر اتعب عطيت صوره عامه وبالختام ماخفي فيه اعظم وماني قايله اكثر
	10/31/2011 1:32:41 AM
TALAL_4488 Posts 362	كان الله بعونج
	11/1/2011 6:35:11 AM
kindeng.1965 Posts 98	[color=#3300FF]اختي الكريمه مطلقة يقول الله تعالي في كتابة العظيم : إن الله مع الصابرين وكرري هذا الدعاء ( اللهم اجرني في مصيبتي في ......... واخلف لي خيرا منها ) واذكري نوع المصيبة ، ومصيبتك هي في زوجك الاول و لا تفقدي الامل ، ولا تيأسي من رحمة الله ، واكثري من الدعاء خصوصا قبل التسليم من صلاة الفرض وفي الثلث الاخير من الليل لدي رقم خطابة متدينة وامينه على الاسرار كانت متطوعه بلجنة خيرية لعل الله ان ييسر على يديها الزوج الصالح اذا ا دت الرقم أخبريني وفقك الله
	11/1/2011 5:28:02 PM
mo6aleqa Posts 13	اوك اخوي حط الرقم وشكرا لك
صفحات 1 2

|