|
صفحات
1 |
|---|
|
8/10/2012 1:44:17 AM
|
mishalnet
Posts 11
|
السلام عليكم ورحمة الله وبركاته
في صباح يوم كنت استعد فيه لرفع قضية تجارية على احد الشركات وصلت لموقع المحكمه واتصلت على المحامي وكان جهازه مغلق ربما كان يترافع في جلسةً ما
المهم اني ما ان انزلت هاتفي النقال حتى جائني اتصال من احد الاصدقاء طلب مني مساعدة في استخراج شيك نقدي من شركة لايعرف مكانها بحكم اني اعرف جميع مناطق الكويت
قمت بالواجب كما يقال واثناء عودتنا للمنزل رأيت الشيك مكتوب به سبعة الاف دينار كويتي سألت ان كان ينوي اقامة مشروع تجاري او شئ من هذا القبيل
فاجاب انه ينوي الزواج من الزوجه الثانية
قلت مبروك مقدما انت بيدك تشتري عوار راسك
سألني ان كنت انوي الزواج
اجبت قريبا ان شاءالله
قال البنات كثير ولكن في هذا الوقت المطلقه جيييييم اووووووفر خلاص انسى انها تتزوج
هل صحيح المطلقه احترق كرتها ؟؟؟؟ سؤال يدور في بالي لماذا المطلقه تتشرط اكثر من الفتاة البكر ؟؟؟
|
|
8/19/2012 3:18:11 PM
|
Naseer_1984
Posts 8
|
اخوني انا اقول مافي شي صعب ولا مستحيل
|
|
9/10/2012 12:33:25 AM
|
sara12
Posts 44
|
مطلقه جيم اوفر ما شفت الصراحة انا اعرف بنات تزوجو وتطلقوا وردو وتزوجو وانا بنت ما تزوجت للحين عادي هالامور يدخل فيها وايد عوامل صح انه المجتمع يتخوف من المطلقه بس الحين انتشر الطلاق وايد سواء رجال او نساء فشوي الناس تغيرت نظرتهم تجاه موضوع الطلاق فلا تحط ببالك هالشيء هذا الى قالك هالكلام الظاهر انه تفكيره على قده انت اهم شيء تكون متفاهم معاها وترتاح لها ولظروفها هذا الى يعمر الزواج اما انها كانت مطلقه او لا مو سبب مهم لنجاح او فشل الزواج
|
|
9/14/2012 9:22:33 PM
|
kindeng.1965
Posts 98
|
صحيح في مطلقات مظلومات
بس في وقتنا هذا اكثر اسباب الطلاق من الحريم
فاتحين افواهم بالطلبات والمصاريف وفوق هذا تقصير في حقوق الزوج
اشحاده الريال ياخذ وحده انانيه وما تفكر الا بنفسها وطلباتها ، وتكون حافيه منتفه وليست من اسره ثريه
اخبرني احد المصلحين الاجتماعيين ان اكثر اسباب الطلاق من الحريم
اذا اخذت غير كويتي اهي تصرف عليه وتصير له خدامه
واذا اخذت ولد البلد ما تصك حلجها من الطلبات
الحين الحريم الصبورين واللي فيهم وفاء واحترام للزوج عمله نادره
والله المستعان
|
|
10/8/2012 12:04:26 AM
|
samia22
Posts 149
|
المطلقه مظلومه ....ظلمها الرجل ...... ثم يظلمها الاهل اذا كانوا من اصحاب العقول الجاهليه الاولي .
المطلقه اصبح لها خبره بالرجل المخادع كان ام غير ذلك ...اصبحت تختار بدقه ....ليست كالبكر يفرض علينهن اهاليهن الزوج غالبا فرضا مع ابتسامه ومسح عل الراس .
المطلقه لها حق ان تختار ..... وتختار بدقه .
|
|
12/13/2012 7:59:11 AM
|
nasserazizkwt
Posts 29
|
بصراحة المطلقة ينظر لها نظرتين ، مظلومة من ناحية ، ومن ناحية اخري .............
وهذه النظرة للأسف الشديد نظرة اغلبنا نحن الرجال سواء او النساء ، ان كانت اخت ، ام ، قريبة فنحن نظر لها بانها مظلومة ، وان زوجها ظلمها و استبد بها ، وفي نفس الوقت لو علمنا بان امرة اخري تعمل معنا او نعرفها من بعيد فننظر ها بانها سلعة معيبة وهي السبب الطلاق .
ليش ننظر في امور الناس و نصدر عليهم احكام و احنا اصلا ما نعرف شنو كانت ظروفهم او قصتهم ، صحيح الزواج قسمه و نصيب ، ممكن الانسان يتوفق فيه أو لا و لكن بنظري المطلقة حالها حال اي إمراة اخري جربت الزواج و ما قدرت تكمل مسيرتها ، سواء بارادتها او بإرادة طليقها ولكن هل راح نتعلم من تجربتها او هي تتعلم من التجربة الي مرة بها ؟
|
|
3/9/2013 10:02:06 PM
|
looking_for_lov
Posts 1
|
يسعدلي مساااكم بالبدايه
عشان ما اطول بالنقاش او الحوار بهذا الموضوع
احنا مشكلتنا اننا ماننظر لرجل اذا غلط لانه رجل بس البنت عليها الف علامه استفهام فمابالك المطلقه
اكو وايد حريم تصبر وتصبر بس عشان مايقولون عنها مطلقه لان الكلمه وايد تجرح خصوصا بمجتمعنا طبعا هالشي قبل بس الحين الوضع تغير بوايد والمجتمع تفتح بالامر اكثر واكثر
ومشكلتنا ع طول ومن غير نقاش نقول اكيد البنيه مو زينه وعشان جذي تطلقه وهالشي اكبر غلط
ليش مانفكر بالرجل انه مو كفو او انه مايستاهل هالبنت
والحمدلله الكل عنده خوات او خالات وعمات ويمكن لاسمح الله تطلقت هل نقدر نقول انها مو زينه
ياما اكو ناس سواء ابوها او اخوانها اهمه اللي طلقوها من هالرجل لانهم يدرون وعارفين انه مايستاهلها واخلاقه حشي السامع زفت واهوه اساسا معقد واهمه عارفين بنتهم عدل وانها ذهب مو بنيه بس الناس اللي مايعرفونها اكيد بيقولون انها بنيه مو زينه ومحد يتحملها
وخلاصه الحجي هالشي قسمه ونصيب واكيد الله كاتب هالشي ويمكن قسمتها بتكون مع غيره شخص يستاهلها ويحتويها
ولا نقدر نقول جيم اوفر ياما اكو بنات حمايل وجمال وقلب حلو بس الله ماكتب لهم القسمه
وهالشي قسمه ونصيب سواء بنت بكر او مطلقه
بس كل اللي اتمناه لحد يقول او يثق ان البنت اذا تطلقت لانها مو زينه
والمشكله ماكو احد يقدر يعرف السبب لان مستحيل الرجل يقول الغلط مني او البنت تقول الغلط مني
الكل راح يحط الغلط ع الثاني
والله يوفق الجميع واحب اشكر القائمين ع هالموقع لانه وايد حلو وفكرته احلا
وسلامتكم 
|
|
صفحات
1 |
|---|