|
11/28/2008 4:15:01 AM
|
|
الزواج السري اوالمسيار.......لماذا؟
|
هذي اول مشاركة لي و ان شاء الله ما تكون الاخيرة : )
بالنسبة لاتجاه البعض لزواج المسيار فما نقول الا انه كل شخص له ظروف و ساعات هالظروف تجبر الواحد على اشياء ما يرغب فيها ؟
اهم ما في المضوع اهوا شرعية هذا الزواج اما مسألة قبوله فيرجع لكلا الطرفين الرجل و المرأه .
|
|
11/28/2008 4:26:34 AM
|
|
أفضل الطرق لعمل الرجيم
|
شخصيا نزلت اكثر من 60 كيلو من وزني و المثل يقول اسأل مجرب و لا تسأل طبيب : )
عشان ننزل الوزن الزائد نحتاج نظام غذائي زائد رياضة يعني كل واحد فيهم يكمل الثاني ...
طبعا النظام الغذائي الافضل اخذه من متخصص بالتغذية بشرط عدم اخذ الانظمة الغذائية اللي تنقص الوزن و تضره بنفس الوقت مثل الرجيم الكيميائي و رجيم البروتين اللي يقولك بس اكل لحم و لا تاكل خبز هذي الانظمة تنزل الوزن لكن بنفس الوقت تضر الجسم و من اعراضها سواد تحت العين زائد اصفرار الوجه هذا غير الترهل ( الافضل اخذ نظام غذائي متوازن فيه جميع الاصناف اللي يحتاجها الجسم ) .
الرياضة : هناك اكثر من رياضة مفيده لانقاص الوزن 1 - السباحة ( عيبها تحتاج لياقة عالية )
2 - المشي : الكل يقدر عليه و يفضل يكون مشي سريع
3 - الجري : شخصيا استخدم رياضة الجري في انقاص وزني لكن عيب هالرياضة صعب ممارستها بالخارج للنساء .
4 - رفع الاوزان : طبعا يتم بأوزان خفيف للنساء مع تكرار عالي ( يحتاج معظم الاحيان الاشتراك بنادي صحي )
5 - ستيبس و السويدي : تقدر المرأه تمارسها بالبيت بس فيها صعوبه لانها راح تمل
عن نفسي امارس رفع الاوزان المتوسطه زائد رياضة الجري عشان يكون جسمي متناسق و بعيد عن الضخامة .
|
|
11/28/2008 4:30:28 AM
|
|
خوش موقع حط العمر والوزن ويعطيك الرجيم المناسب
|
المواقع المذكوره غير دقيقه بالمرة لانها ما تراعي نوعية الجسم من ناحية حجم العضام و العضلات و الحسبة اللي يستخدومها لتحديد الوزن المثالي جدا بدائية و قديمة : )
|
|
11/28/2008 4:33:27 AM
|
|
أدوية الرجيم
|
اخواني و اخواتي تقدرون تبتعدون عن الادويه بأستخدام المواد الطبيعية اللي تنزل الوزن مثل الجريب فروت و الشاي الاخضر و القهوه ( الاكثار من القهوه مضر ) و اليمون و الكيوي .
|
|
11/28/2008 4:38:26 AM
|
|
الرجيم الكيميائي ... يوميا -1 كيلو
|
خسارة كيلو باليوم معناها كارثه للجسم  لانه يسبب ترهل و سواد تحت العين و اصفرار الوجه و تساقط الشعر , فقدان العضلات مما يؤدي في بعض الاحيان الى انحناء الجسم .....
مشكله البعض يهمل نفسه سنين لين يوصل وزنه قريب الامية و بعدين يفكر ينزل وزنه فجأه و يبي يوصل الوزن المثالي خلال شهر و لا شهرين و هالكلام مو واقعي بالمرة : )
|
|
11/28/2008 4:49:45 AM
|
|
الطول والوزن المناسب للرجل والمرأه
|
eros82 كتب:
مشكور على الطرح الطيب خوش معلومه والله
انزين انا طولي 180 ووزني 102 وشزيني هههههههههههههههه لا وعضلات بطني بارزه شتبي بعد
مقايسك هذي ميه ميه للناس الغير رياضين اما الرياضين عادي يصير وزنه ثقيل بس بعضلاته
مو بالشحم والدهن
يعطيك العافيه اخو قلبي (: تشكرات افندم
هذا الكلام المضبوط امية بالامية و لا هالجدول ما يمشي على الرياضييين لانه ما يراعي نسبة العضلات بالجسم و لا حجم العضام تبووون الدليل
مارادونا افضل لاعب كرة قدم بالتاريخ حسب هالجدول يطلع مو رياضي لا و متين بعد لانه يوم كان بطل العالم طوله 166 و وزنه 72 هذا و اهوا لاعب يركض اقل شي 12 كيلو بالمباراة لا و بسرعات عالية .
ربرتو كارلوس من اسرع اللاعبين بالعالم طوله 167 و وزنه فوق 70 : )
كل لاعبين الجري مسافات القصيره وزنهم و طولهم ما يتطابع مع هالجدول : )
ترى ما يبت سيرة لاعبين كمال الاجسمام و الملاكمة و الجودو : )
|
|
11/28/2008 5:03:26 AM
|
|
هل الجسم المعضل مرغوب عند الشباب والبنات والناس؟
|
المسألة مسألة ذوق
يعني في بنات يفضلون
1 - الجسم النحيف
2 - الجسم الرياضي ( الفتنس ) هذيل اجسامهم تكون اما بالوراثة متناسقة او يمارس رياضي لا تبني عضلات كبيرة مثل كره القدم و السله و الطائرة او يتمرن سويدي من غير حديد .
3 - الجسم المقسم ... لاعبين الحديد ( اوزان متوسطه ) لاعبين السباحة لاعبين الجمباز ...... بعض لاعبين الجودو و الكراتيه و الملاكمة
4 - الجسم الضخم ..... كمال اجسام ( هرمون او مكملات غذائية زائد اوزان ثقيلة ) رفع اثقال و بعض لاعبين العاب القوى ( الجلة - المطرقة - رمي القرص )
لكل جسم مميزاته و الامر كله يرجع الى ذوق البنت عن نفسي اهم شي جسمي يعجبني مو اني اشكل جسمي على راي البنات  و اللي تبيني تقبل بشخصيتي اول شي بعدين تعجب بجسمي مثل ما اهو : )
|
|
11/28/2008 5:10:08 AM
|
|
النوادي الصحية للشباب
|
jeeppowe400 كتب:
السلام اولا اخواني الشباب عندي لك نصيحه والله انه اعرف قيمته ودي تعرفونه اول شي انا كنت اللعب لعبت الحديد ورفع الاوزان من عمري 16سنه لي عمري 29سنه يعني تقريبي 13/12سنه اوكي بس صدقوني اني متحسف على الوقت والجهد اللي ضيعت في النادي والسبب الوزن لاني وانا اللعب حاشتني اصابه تدرون وين وصلتني ؟ ترانا اقول لك وانا ابو عيال الحين وبعد جاعد في البيت وقت الناس تروح الدوام انا في البيت تدرون ليش لانه اصابتي وصلتني ( للشلل المؤقت )وسويت عمليه كانت نسبة النجاح ترى والله 5% لانه نصف جسمي السفلي لقد مات ومابي اعور قلبكم يالشباب بالحسره علي بس ابيكم تنتبهون على انفسكم وانتو تلعبيو واهم شي ايمانكم والمعوزات والذكر دايمن وانتوا تلعبون وشكرا لكم 
الله يشافيك
الرياضة لها مخاطرها و من مخاطرها الاصابات .
|
|
11/28/2008 5:14:35 AM
|
|
سر الجمال ( للبنات فقط )
|
الحلو حلو لو قاعد من النوم و الجيكر جييييكر لو تسبح كل يوم : )
|
|
12/2/2008 4:10:55 AM
|
|
ممنوع الدخول للبنات !!!
|
يا جماعة انا اشوف النقاش حامي بين الشباب و البنات و ياخوفي تتحول المسألة الى طق مطااقق : )
احنا جدام حقيقة واضحة انه الجمال نادر ابنات الديرة و نسبة الجمال عندنا ما تعادل نسبة الجمال عند بنات الشام : ) ما اقول هالكلام من باب التحرش لكن هذي حقيقة لكن تبقى الكويتية و البنت الخليجة اهيا اللي يميل لها القلب و يكفي انه عاداتها و اطباعها تناسبنا اكثر من بنات الدول الاخرى .
كل اصل فيه الشين و الزين سواء كانت كويتية و لا غير كويتية .
شخصيا ما اويد الزواج من غير كويتية او على الاقل خليجية الا اذا كانت هناك ظروف تمنع الزواج من كويتيه او الخليجة مثل الظروف المادية او الشروط التعجيزية اللي يحطونها بعض البنات : ) هني نلفى الشاب يلجأ للزواج من الدول العربية .
|
|
12/2/2008 4:20:03 AM
|
|
من هو الرجل الذي لا تنساه المرأة ؟
|
كل رجل و بنت لهم شخصيتهم و المواصفات اللي يحبونها في شريك حياتهم من ناحية الشكل و الاطباع يعني البنت لما تحصل رجل يعجبها من ناحية الشخصية و الاطباع و الشكل مستحيل تنساه خصوصا اذا وقف معاها بالشده لانه بالشده يبين معدن الرجل : )
الامر راجع لشخصية البنت نفسها و ذوقها : )
|
|
12/2/2008 4:24:49 AM
|
|
فــــــــارق العـــمــــر ... سلبياته وايجابياته
|
شخصيا اشوف انه فرق العمر لازم يكون متقارب بين الطرفين مو بس بسبب اختلاف الشخصية و التفكير لكن لاسباب جسمانية يعني ما ننسى انه المرأة عندها شي اسمه سن اليأس و ايضا الرجل يوصل لعمر يكون فيه الانجاب صعب .
|
|
12/2/2008 4:28:15 AM
|
|
اساليب رومانسية رووووعه في الجمال
|
اذا الزوجه كانت مخلصة و تراعي زواجها و مو مقصرة بحقه تستاهل اكثر من مجرد كلام حلو : )
|
|
12/2/2008 4:33:01 AM
|
|
مـن هي المـرأة التي تجـذب الرجـل؟
|
ارجع و اقول حسب ذوق و شخصية الرجل : )
الناس اذواق
بمسألة الجاذبية و الجمال ماكو مقياس محدد غير الشخصة نفسه لانه كل شخص له مقاييس معينه للجمال : )
ودي اذكر حالة واحد من الشباب اهوا لاعب كرة و رشييق و جسمه رياضي لكنه يفضل البنت المتروسة و اذا شاف بنت رشيقة و لا ضعيفة ما تعجبه لدرجة ما يقدر يطالعها : )
|
|
12/2/2008 4:35:27 AM
|
|
هل ترضين أو هل ترضى تفحص نفسك قبل الزواج
|
من ناحيتي ما عندي اي مشكلة و اذا في مرض لا سمح الله في اي شخص من الطرفين يكون افضل نعرفة قبل الزواج عشان ما ينضلم اي طرف و يكون كل شي واضح .
|
|
12/2/2008 4:46:14 AM
|
|
تخيل هذا العالم بدون نساء ماذا يحدث؟
|
ننقرض
|
|
12/2/2008 4:48:39 AM
|
|
سؤال للرجال .. أيهما تختار .. يوم العرس
|
انا اقول ماكو غير الرسمي : )
|
|
12/2/2008 4:54:53 AM
|
|
هل طيبة القلب= ضعف شخصية.........؟؟؟؟
|
لازم نعرف نفرق بين الطيبة و السذاجة ( الغباء ) .
بحط امثله تبين الفرق بين الاثنين : )
لما شخص تكون علاقتي فيه سطحية يطلب من مبلغ مالي كبير من غير اي ضمان و لا ورقة و اعطيه هالشي يعتبر غباء و سذاجة .
اشوف جدامي انسان محتاج و انا متأكد من حاجته و اروح اساعده هذي اسمها طيبة : ) .
|
|
12/2/2008 5:00:56 AM
|
|
عن ماذا تبحثون ؟
|
ادور انسانة على الاقل مملوحه و اطباعها حلوه : ) و مخلصه تحب من قلب .
ما ابي وحده حلوه و اطباعها مملوحه ههههههههههههههه
|
|
12/2/2008 5:15:19 AM
|
|
:: اسباب العنوسه ::
|
بعض الشباب و البنات يطلبون شروط تعجيزية بشريك حياتهم لدرجة انهم يفصلون شريك حياتهم من ناحية الشخصية و الشكل و كلنا نعرف انه ما في احد كامل .
عدم تقبل الزوجه و المجتمع فكرة الزوجة الثانية .
هروب بعض الشباب من تحمل المسؤولية ( ماله خلق حنه و عوار راس ) .
|
|
1 2
|