|
صفحات
1 2 |
|---|
|
10/17/2008 2:30:28 PM
|
el7saweya
Posts 55
|
طبعا مانختلف شباب وبنات ان سر جمال البنت بقلبها واخلاقها وثقتها بروحها بس هم الله جميل يحب الجمال ، يعني حلو البنت تهتم بشكلها وبمكياجها ، so حبيت اشاركم بالللي اعرفه عن مكياج العيون بنواعها enjoy 
صاحبة العيون الصغار ( مساحة الجفن المتحرك صغيرة ) لا تكحل عينها من داخل كلش بالاسود تقدر تستخدم الكحل الابيض بداله واذا بترسم خط اسود تحت عينها خل تسويه عريض وتسحبه برة الزاوية الخارجية عشان يكبرها ، والظلال او eye shadow لاتستعمل القوامج لان اللون القامج يصغر زيادة ، تستعمل فواتح احلا وتحط طبقتين او 3 من الماسكرا عالرموش فوق وتحت .
صاحبة العيون الكبار (الوساع ) تسوي العكس ، تستخدم الكحل الاسود داخل عينها فوق وتحت عادي وحلو تستخدم الالوان القامجة على كل جفنها المتحرك وتفتح اللون كل ماتصعد على الجفن الثابت لين تحت الحواجب تحط الابيض او الذهبي او السلفر ( الهايلات ) ومو لازم تحط مسكرا على رموشها السفلية عشان لا تصير العين مفتوحة زيادة .
صاحبة العيون المثالية ( مساحة الجفن المتحرك لا كبيرة ولا صغيرة ) حلو عليها كل شي كل الالوان وكل خطات العين تناسب شكلها .
وبس طبعا ماني خبيرة تجميل بس الله يخلي دورات المكياج والخبرة والانترنت وكتب التجميل ..
|
|
10/18/2008 1:12:13 AM
|
Ek7elh
Posts 9
|
يسلموووووو ع هالنصائح الحلوه
من ناحيتي انا احب المكياج الخفيف والبسيط
|
|
10/18/2008 2:45:19 PM
|
QumarNajd
Posts 51
|
صح كلامج يا حلوه ,, انا خبيره وعندي شهادات من لبنان وفرنسا  طريقتك اللي ذكرتيها للعين الكبيره تصلح حتي للي جفنها متفوخ ايضا زي أصاله نصري مثلا وسميره سعيد, وانا افضل الآي شادو اتحطينه بعود قطن وترسمين فيه الجفن قريب من الرموش من بره وفوقه اتحطين القلم الجاف ليثبته وبعدين الآي لاينر, لأنه هالطريقه تعطي نظره ساحره وجذابه أكثر وللي تحب ميك آب خفيف للصباح اتحط آي شدو بني فاتح علي الجفن قرب الرموش وقلم كحل ابيض او اسود علي حسب قصة العين مثل ما ذكرت اختنا الفاضله اتحطينه من داخل وماسكارا فقط وليب جلوس ,, والأساسيات اللي تبرز جمال وجهك لا تستغنين عنها سواء ليمكب النهار او الليل مثل رسمة الحاجب لأنه ضروري اتهذبينه , والبلاشر ضروري ايضا علشان يعطيج تورد طبيعي,ويبرز وجهك واذا اتحطين الريفلاكشن كريم بعد المرطب احسن لج من كريم الأساس كل يوم في النهار لأن الريفلاكشن يوزع الأضاءه وخفيف للأستعمال اليومي, انا شخصيا استخدم كريم جونسن آند جونسن كلين آند كلير . من ضروري جدا اخفاء العيوب بالكونسيلر, قبل وضع الكريم اذا كان في عيوب بالبشره احسن كونسيلر تلقونه بالصيدليات وبعد الكونسيلر حطوا الريفلكشن كريم, واذا ما عندج الريفلكشن, حطي الآي شادو البيج اللي فيه لمعه علي مناطق الأضاءه بالوجه : اعلي الخد, خط الأنف من فوق, ووسط الجبهه اذا كانت بشرتك دهنيه لا تحطين علي الجبهه والأنف, واذا عندك كونسيلر بني غامق ارسمي فيه الأنف عند أرنبة الأنف لأخفاء العيوب, حذاري يكون واضح مثل ماكياج حليمه مثلا لأنه وايد واضح بصورها, وبالكونسيلر الغامق ايضا بإمكانك رسم الوجه وتحديد ملامحه باستخدامه في مناطق الظل في الوجه
|
|
10/20/2008 4:53:38 AM
|
krz
Posts 3
|
فديتج حبيبتي ومشكورة على النصايح المفيدة
|
|
10/20/2008 4:15:46 PM
|
el7saweya
Posts 55
|
مشكورين بنات على مشاركتكم الحلوة ، وأي شي يديد أتعلمه من دورتي راح أفيدكم فيه أنشالله thanks again
|
|
10/20/2008 8:06:17 PM
|
gem
Posts 267
|
و هذا ايميل استلمته ايضا الان ... قد يكون وصل لاخرين قبل ذلك و
ايضا قد يكون الكلام مش صحيح و لكن للافادة ان كان الكلام صحيح ... و منشور الان دون اي تدخل ,,,
it`s just copy & paste
انتبهوا يا جماعة من الشامبوهات هذي
*******************
Every sunrise is the beginning of a new day.
You have been given this day to use as you will.
Make every new day count
And have a wonderful day TODAY!
*******************
Dangerous Shampoo!!!
Banned By Dubai Government!!
لاحتوائها على مادة
SLS (Sodium Laureth Sulfate)
هذي الأنواع من الشامبوهات ياجماعة
CLEAR , FRUCTIS ,
Vo5, Palmolive, Paul Mitchell, L'Oreal , Body Shop
تستخدم المادة الكيميائية نفسها لتنظيف الأرضيات
تخيل منظف أرضيات تحطه على شعرك
وش بسويييييي فيييييييه
ولا وأبشرك ترااااااااهي موجودة بعد في بعض أنواع معجون الاسنان
خذ من وقتك اشويييييي وابحث في قوقل عن شامبوهات ومعجون اسنان
لا تحتوي على فيه هالمادة
بكتابة العبارة التالية
'SLS Free Shampoo'
'SLS Free Toothpaste'
*******************
Sodium Laureth Sulfate
SLS
CLEAR , FRUCTIS ,
Vo5, Palmolive, Paul Mitchell, L'Oreal , Body Shop
All these Shampoos use a chemical called SLS which is actually a floor cleaner. They are used so as to produce more foam.
Imagine what a floor cleaner can do to you hair and scalp. It will damage the very roots of your scalp.
Check out for SLS in toothpaste too!!!
Use the ones which are free from this extremely harmful chemical.
Type in 'SLS Free Shampoo' or 'SLS Free Toothpaste' in Google.com to get a list of companies selling safe products.
و السموحة الايميل طويل شوي .................. و دمتم
|
|
10/25/2008 9:33:04 PM
|
shmoo3
Posts 7
|
لا خووووووووش يعنى مو بووووووووش حلووووووو انا اهم شى عندي الكحل حلووووووووو ومنكم نستفيد
|
|
10/29/2008 3:12:41 PM
|
Roimh
Posts 9
|
حلات الانثى بعيونها وما يحلي العيون الا الكحل
|
|
10/29/2008 6:30:30 PM
|
el7saweya
Posts 55
|
وانا اشاركم الراي بنات .. لان اول شي يجذب بالبنت عيونها .. جربوا بنات هاللوك لان سويته مرة بالدوام وماتوا عليه البنات .. برزي عيونج بالكحل السائل واللي ماتعرف ترسم عينها بالجاف عشان اذا غلطت تعدل وبعدها تعيد فوقه بالسائل .. رسموا عيونكم مثل القطوة حطوا خط اسود تحت عينكم وفوق عينكم ( طبعا كل عين حسب الشكل مثل ماهو مذكور فوق بموضوعي ) وظللوا جفونكم بالشدو الاسود واللي مو جريئة او ماتحب الاسود تظلل عينها بالرمادي وتحت الحاجب الهايلايت طبعا وطبقتين او ثلاث مسكرا .. لما تجربون تطلع الصورة اوضح .. خلصوا عينكم وطبعا تكونون حاطين الفونديشن او البودرة واخيرا حطوا بس lip gloss شفاف ، او جربوا حمرة مات مطفية بلون بيج .. ونااااااااسة قطاوة مو بنات .. جربوا وادعولي يا رب ترزق الحساوية واحد عيونه حلوين ( عتوي ) لووووووووووووول
وممكن تدشون مواقع بالانترنت كتبوا (cat eye make up looks ) عاليوتوب مثلا واخذوا افكار يديدة ..
وبس مشكورين
|
|
11/6/2008 11:04:55 PM
|
baibeya
Posts 4
|
يعطيكم العافية يابنوتات : ) كفيتو و و فيتو
|
|
11/14/2008 6:14:20 PM
|
moon29
Posts 4
|
هاي حبايب
بلييز انا عندي مشكله اعاني من ظهور حبوب الشبابا (بعد ماشاب ودووه الكتاب ) بعد هالعمر تطلعلي وبشرتي صارت باهته بلييز قولولي شنو اسوي
وصرت مينونه كاكاو مادري شسوي
عطوني حل ؟؟؟
|
|
11/24/2008 2:34:18 PM
|
mzajiya
Posts 1
|
انا عندي الجمال مو الشكل الجمال هو الادب والاخلاق مو شرط الوحده تحط ميكاج يعني حلوه بس القلب اسود انا هذا رأي عسوله
|
|
11/26/2008 12:48:09 PM
|
sandrella
Posts 1
|
سلام للكل
|
|
11/28/2008 5:14:35 AM
|
69452
Posts 22
|
الحلو حلو لو قاعد من النوم و الجيكر جييييكر لو تسبح كل يوم : )
|
|
1/15/2009 8:26:08 AM
|
suadalaraby
Posts 2
|
السلام على احلى بنات
الله يعطيكم العافية كلكم .. وجميل ان الوحده تحب تنصح خواتها .... وتحب يكونون في مثل جمالها واناقتها
والا بالعادة الوحدة ماتحب احد احلى ولا اشيك ولا اشهر منها
والجملة المعتادة : خل يموتووووووووووون حرة
بنات شاكرة لكم .. وان شالله اذا عندي جديد راح اضيفه
ثانكس للجميع
|
|
1/23/2009 9:55:47 AM
|
Africano
Posts 24
|
moon29 كتب:
هاي حبايب بلييز انا عندي مشكله اعاني من ظهور حبوب الشبابا (بعد ماشاب ودووه الكتاب ) بعد هالعمر تطلعلي وبشرتي صارت باهته بلييز قولولي شنو اسوي وصرت مينونه كاكاو مادري شسوي عطوني حل ؟؟؟
قلبو ابشرج ترا الكاكاو والبيتزا مالهم اي علاقه بحبوب البشره!!
علاج حب الشباب مطهر للبشره + احماض الفواكه .. طبعا تلقينهم بالصيدليات ..
مطهر البشره ماعرف اوصفه بس يكون بقرشه مسكره بقطعة شاش سميكه وريحته نفس الكحول (لا ابد ما وصفته هههههههههههههه)
و احماض الفواكه عباره عن قرشه صغيره و فيها رول حجمها صغير قد مرطب الشفايف بالظبط و شفافه و فيها سائل شفاف
انا بقولج الطريقه الي استخدمتها بالظبط اوكي؟
بس ترا هذي الخطوات ما تسوينها الا مرتين-ثلاث مرات بالاسبوع
لانها تنظيف وتقشير + علاج .. عشان البشره تتقبل العلاج بطريقه اسرع
بس الايام الثانيه عادي بس تنظفين البشره وتستخدمين الادويه
يلا نبدا الخطوات:
1. اغسل ويهي بغسول مقشر فير اند لوفلي الوردي وماي دافي
2. احط كريم مقشر .. من الصيدليه .. مافيه حبوب نفس الغسول بس لززززج
3. اسوي حمام بخار للويه لمدة 20 دقيقه
4. انظف البشره باسفنجه وماي دافي
5. احط قناع للبشره من النوع الي ينشف عالويه ويكون بمحتوياته نعناع او صبار او الاثنين .. و افضل النعناع
6. اشيل القناع وامسح ويهي باسفنجه وماي دافي و احط لزقة الخشم .. لان بشرتي مختلطه و شوي دهنيه صوب الخشم
7. انظف البشره باسفنجه و ماي ورد باااااااااااارد .. وبعد تقريبا نص ساعه انظف البشره بماي عادي بس بااااااارد
8. استخدم المطهر عالحبوب و الاماكن الدهنيه بالويه .. عادي المطهر ماله اي تأثير جانبي عالاماكن الي مافيها حبوب .. بس ترا يحرق الحبه شوي بس تحملي
9. انطره ينشف و عقب احرك رول احماض الفواكه على كل حبه .. عالحبوب و بسسسسسس وما اكثر منه .. مره كل 12 ساعه .. يعني مثلا 9الصبح و 9 المسى
احماض الفواكه ينشف عالويه بس لا تشيلينه ونصيحه لا تكثرين اكثر من مرتين باليوم لانه ينشف الويه و يحرقه ولا تحطينه الا عالحبه
اول ثلاثة ايام من الاستخدام استعمليه مرتين باليوم بس بعدين مره وحده تكفي لان راح تلاحظين ان حجم الحبوب اختلف من اول يوم .. واذا شفتي ان مكان الحبه صار اغمج شوي من البشره والحبه قربت تروح وقفي استخدام الدوا على طول وكلها يومين ثلاث و بترد بشرتج مثل قبل واحلى
وعشان البشره الباهته فيه كبسولات فيتامين سي C للبشره .. اهي عباره عن كبسوله كبيره شوي تستخدمينها مرتين باليوم استخدام خارجي
يعني تكسرينها وبتشوفين فيها جل jell ادهني بشرتج فيه مره الصبح و مره المسى .. والنتيجه تبين بعد اسبوع تقريبا
بس لازم بعد تكثرين من شرب السوائل والعصاير الي فيها فيتامين سي مثل الليمون والبرتقال والجريب فروت والتفاح..الخ
|
|
2/7/2009 9:27:09 PM
|
guccii
Posts 2
|
moon29 كتب:
هاي حبايب بلييز انا عندي مشكله اعاني من ظهور حبوب الشبابا (بعد ماشاب ودووه الكتاب ) بعد هالعمر تطلعلي وبشرتي صارت باهته بلييز قولولي شنو اسوي وصرت مينونه كاكاو مادري شسوي عطوني حل ؟؟؟ |
|
3/12/2009 7:49:21 PM
|
QumarNajd
Posts 51
|
اختي الغاليه moon 29 والله كلكم غالين بعد , فديتكم
ياحلوه حب الشباب ماله سن معين للظهور, له اسباب عده منها تغير الهرمونات, الحاله النفسيه, الجو والبيئه, المواد المستخدمه لتنظيف البشرة ... وغيرها, لازم اتراجعين دكتور جلديه مختص وشاطر لعلاج المشكله ولا تهملينها لكي لاتترك آثار علي البشره , واذا في آثار اهو بيعالجها ايضا لأن اختصاصه , واهو اللي بيحدد العلاج المناسب لج بعد الفحص والتشخيص لأن العلاج يختلف من شخص لأخر, ممكن واحد يتقبل العلاج ونفس العلاج لا يلائم شخص آخر, وحتي تقدرين تسألين الدكتور ايضا عن شعرج ويعطيج عنايه له,, وبعد العلاج سأليه عن برنامج اتحافظين علي بشرتج فيه بعد العلاج ,, ومثل ماقالوا الخوات ان الكاكاو ماله شغل بالحبوب , حتي العلماء اثبتوا ان هالشئ يكون نفسي .. بمعني ان اذا فكرت بأن الكاكاو راح ايطلع لي حبوب راح ايطلع واذا فكرت بأن اللبن بينومني راح اينومني واذا فكرت بأن القهوه بتسهرني راح اتسهرني إلا الريد بل "بيعطيك جواااانح" هههه المهم القصد ان هم مانعطي الكاكاو الضوء الأخضر لأنه يحتوي علي نسبة دهون وسكريات ممكن يخزنها الجسم ف كل شئ كثرته مضره اذا كنتي من عشاق الكاكاو لا تمنعين نفسك منه لكن قللي الكميه ,, شوفي البنات اذا عملوا رجيم وحتي الشباب اذا عملوا رجيم صحي كله خضروات وفواكه ولحوم قليله وصحيه شوفي البشره اشلون تتغير ماشاء الله , والله الشافي المعافي :
اللهم رب الناس اذهب الباس اشفي انت الشافي لا شفاء الا شفاؤك شفاءا لا يغادر سقما
|
|
3/13/2009 2:41:16 AM
|
beshayer
Posts 3
|
Ek7elh كتب:
يسلموووووو ع هالنصائح الحلوه
من ناحيتي انا احب المكياج الخفيف والبسيط
يعطيج العافيه على موضوعج
|
|
8/15/2009 9:07:16 PM
|
ma9reya_merwe7a
Posts 3
|
شكرااا على النصااائح المفيده جداا
|
|
صفحات
1 2 |
|---|