View User Profile - Khitba Forum Forums

123asd - جميع رسائل المستخدم

1/5/2009 12:07:47 AM
قصتي	عسى الله يوفقك اخوي..وصدقني يبقى الرجل بمجتمهنا له الفرصه الاكبر للزواج حتى لو عنده كوكش يهال مو وحده ..بس نصيب ماتدري وين الخيره ..ولاتلوم الاهل لي اسأآلوا ترا صج في رياييل مايعرفون الصلاة ..بس من يمعه لي يمعه..وهم خيفين على بنتهم انها تتطلق خاصه اذا كان الشخص المتقدم كان مطلق من قبل فلازم على الاقل يعرفون شنو السبب وهل السبب مقبول ولا لا عشان يأمنون على بنتهم ..فعادي الواحد لازم يتقبل تدقيق الاهل والسؤال ابهالامور .. اما سالفه غلاء المهور وغيره صراحه انا اللي اشوفه بعايلتنا انه عمرنا ماتناقشنا بسالفه المهر ولا حتى صديقاتي وغيره وغيره فانشالله الله الدنيا بخير ولا اعتقد انها ظاهرة وخلك متفائل الحين بزمن الفتن الناس تشتري الريال ..واللي تبي الفلوس والاشياء الماديه ماتشوف شر واحمد ربك ان الله بعدك عنهم لأن اللي هذا اوله ينعاف تاليه .والله يوفق الجميع
1/5/2009 12:18:47 AM
ضــع هــنـــا - الســيــرة الـذاتـيــــة	السلام عليكم.. همممم اول شي انا عمري 27 تزوجت لفتره قصيره وانفصلت لأسباااااب..ماعندي عيال ..جامعيه ..ماعارف اوصف نفسي او امدح اطباعي بس ليما اذكر مواصفات الشخص اللي ابيه اكيد راح تعرفون طبايعي لأنها اكيد راح تكون متقاربه منها .. قبل كل شي احب انه يكون شخص ملتزم بدينه وافضل تكون صلاته بالمسيد ..مومعناته دشداشه قصيره ولحية طويله ..لا بس يخاف ربه ويحاسب على تصرفاته..طيب هادي ..ماحب العصبي..ودي يكون دمه خفيف ومرن بالتعامل ..مايكون راعي بنات وخرابيط ولا هياته طول اليوم ومخلي مسئوليات البيت على المرا .. هذا اهم شي عندي ..
1/5/2009 12:34:14 AM
شنو أحلا فلم رحتوله بالسينما ؟؟	احب افلام الرعب ..اللي اعجبوني واتذكرهم الحين فلم dead silent هذا عجييييييب وفلم ون مس كول.. واذا بشوف فلم عربي احبه يكون كوميدي ..وفلم هنيدي اللي نازل ت
1/5/2009 12:34:14 AM
شنو أحلا فلم رحتوله بالسينما ؟؟	احب افلام الرعب ..اللي اعجبوني واتذكرهم الحين فلم dead silent هذا عجييييييب وفلم ون مس كول.. واذا بشوف فلم عربي احبه يكون كوميدي ..وفلم هنيدي اللي نازل ت
1/10/2009 8:30:01 PM
هل ترضين أو هل ترضى تفحص نفسك قبل الزواج	ماعمري فكرت ابهالموضوع ..لاني معاه ولا ضده ..يعني اذا مثلا كان الطرف الاخر يفضل انه نفحص او انه الدوله اقرت الفحص قبل الزواج اوكي ليش لأ مااعارض هالشي واكيد له ايجابيات وايد بالمستقبل ..بس بالنسبه لي مااتوقع بيوم من الايام اني اطلب من اللي متقدم لي انه نفحص ..
1/10/2009 8:36:20 PM
رجال المريخ و نساء الزهرة -- الفصل الاول	عجييب هالكتاب ..وانصح فيه الكل انه يكون كمرجع لهم ..
1/10/2009 8:42:53 PM
تب اجنبيه مترجمه	اي انا دايما احرص على قراءه الكتب المترجمه المتخصصه بمجال تطوير الذات والتعامل مع الاخرين ..لأنه الاجانب سابقينا وايد ابهالمجال .. عندكم كتاب الرجال من المريخ والنساء من الزهره ..ولا تهتم بصغائر الامور ..وفي كتاب نسيت اسمه يتكلم عن انه شلون الانسان يقدر يجذب الاشياء الايجابيه حق نفسه .. ووايد كتب جان زين احد يذكر لنا اسامي بعض الكتب اللي استفاد منها ونبذه سريعه عنها ..موتلخيص قصدي تعريف لهالكتاب لو بجمله وحده عشان انعرف نشتريه ولا مو من اهتماماتنا p;
1/10/2009 10:37:22 PM
مقتنعين بالزواج من الانترنت !!!	والله بنظري انه النت وسيله جيده للتعرف على طبايع الشخص اللي جدامك ..من خلال كتابته عن نفسه او اسلوبه بالطرح ومناقشه المواضيع وغيره من الاشياء اللي ممكن تعرف فيها الشخص أكثر من الزواج التقليدي بعد..انا موضد التقليدي بس هم موضد التعارف عن طريق النت ..وخاصه للي سبق له الزواج يكون متخوف من فكره الزواج الثاني وخايف انه شريك حياته يطلع فيه عيوب مثل زواجه السابق فتلقاه متردد او متردده من الزواج مره ثانيه ..فالتعارف المسبق عن طريق النت ممكن يوضح له الصوره للشخص اللي جدامه اذا طبعا كان الشخص صادق وحتى لو ما كان صادق ففي مرحله ثانيه اللي اهيا سؤال الاهل عن الشخص وغيره اذا تقدم .. وبالنسبه للسؤال الثاني ..اي اقول حق اشخاص معينه مافيها شي ..بس في ناس ماتقولهم لأنه مايستوعبون هالشي خصوصا الناس الكبار بالسن او الغراب عنك ..واتوقع اي زواج غير التقليدي -مو بس النت - مايقال علنا حق كل الناس
1/11/2009 5:38:45 PM
المطاعم الجديدة في الكويت	sarah88 كتب: وااااااااااي ذوقكم عقيدي يمكن بس radlo اللي ذوقه كوووول بس الناس اذواق و كيفكم بس انا احلى شي عندي johnny carinos lenotre chocolate bar baffalos لوووول ضحكتيني هممم انزين الموضوع جنه عن المطاعم اليديده بس اغلب المشاركات كاتبين عن مطاعمهم المفضله .. اذا عاليديد في بالافينيوز والرايه كافيه اسمه كريب كافيه ..من اسمه يعني يقدم انواع متنوعه من الكريب (بالكاكاو .الفراوله ..كاسترد وغيره) وفي ساندويتشز ..وقهوه ..شغله وايد نظيف ولذيذ .. والمفضل عندي ..هممم ماكو شي معين بس اذا يوعانه صج اكلت بشيليز ولا لينوتر ..واذا بحلي رحت جوكلت بار بالنسبه حق الاكل الكويتي اتوقع ماحد يضبط الاكل الكويتي غير البيت
1/11/2009 5:47:12 PM
شرايكم باللوك الرجالي؟؟	Nesttle كتب: بصراحه أنا ماعجبني ... me 2
1/12/2009 4:56:45 PM
شارك برأيك !! ما هو افضل وأسوا مطعم في الكويت ؟	استغفرالله اسوأ مطعمين فاست فود ..كنتاكي وهارديز ..ماتحسه نظيف احس الدهن صارلهم دهر ماغيروا اسوأ مطعم او كافيه ..paul ..اللي بالافينيوز من حيث النظافه ..اللي بالمرينا ماشفت عليه شي ..مرتين بيومين مختلفين يطلع لنا شعر بالاكل لا يوم قلنا حق المانجر جان يقول : هايدي شعر حوااجب ! لوول يعني شفيكم متضايقين ترا شغله بسيطه وشخباري ميس الغانم ..انا من بعد الغزويمكن مو رايحة له عاد رحت له من قبل فتره ..جدااااا عادي ..الحين طلعوا مطاعم لبنانيه وايد أحلى ..عندكم المياس اللي بمنتجع تشيك ..عجييييب وبس ..والمطاعم الحلوه وايد وكل مطعم تلقاه يتميز بشغله معينه ..والحمدالله اغلب المطاعم بالكويت نظيفه ..شوفوا مطاعم بره استغفرالله يا تاكل بالفندق ولا تتسمم
1/12/2009 5:12:42 PM
خطرXخطر	والله انا اشوف انه عندنا بالكويت الوعي وايد زايد من هالناحيه ..ووايد في ناس اشوفهم محافظين على روحهم وصحتهم ..شوف شركات الدايت اشكثرهم بالكويت وفاتحين لهم فروع بكل مكان ,وعندهم ماشالله اقبال من الكبير والصغير سواء عشان ينزلون وزنهم ولا عشان يتحكمون بنسبه السكر والضغط عندهم ..وشوف النوادي شلون منترسه بالكويت ..عكس مثلا 10 سنين لي ورا ..يعني اللي بوصله انه لو الكويتيين عندهم اهمال من هالناحيه جان لا النوادي ولا الشركات افتحت عندنا لانهم بالنهايه يدورون على الربح المادي .. وصج احنا الكويتيين نحب طلعت المطاعم تقريبا بالاسبوع لازم نروح مره ..بس ترا مو لأنه احنا متان , لا ترا والله الكويتيين ذويقين للاكل وهم على كثر طلعاتنا للمطاعم هم تلقى ناس تطلب سلطات وستيكات وحتى اغلب المطاعم الحين خلت منيو للسعرات الحراريه المنخفظه ..صراحه مومضطرين يسوون هالمنيو لو ماكان في اقبال عليه من الناس .. انا اشوف نسبه السمنه زايده عند الاطفال والاعمار اللي بين 11 و14 سنه ..تلقاه كل يوم غداه وعشاه من هالجنك فود ..وهني المفروض ايي دور الاهل .. اما انه الكويتيين او الكويتيات على وجه الخصوص مثل ماانت قلت متان ومو مهتمين بعمارهم ,لا ماتوقع لي هالدرجه
1/12/2009 11:51:55 PM
ضــع هــنـــا - الســيــرة الـذاتـيــــة	احرجتني اخوي ..ماقصرت .. والله يعوض الجميع خير ان شالله
1/14/2009 6:19:56 PM
للمتزوجين فقط	انا نووو وااااي اخذ متزوج ..حتى لو قعدت فبيتنا العمر كله ..ليش احرق قلب انسانه عاشت مع ريلها بالحلوه والمره وصبرت عليه ويمكن تكون بدت معاه من الصفر وانا ايي اشاركها فيه عالبراد.. اللي يقول زوجتي مافيها شي بس انا اللي ابي ..صراحه مااقول الا انته اناني .. اذا مافيها شي وقايمه بواجبك وواجب عيالها اخذها على جنب وقولها يا ام فلان انا محتاج كيت وكيت وكيت ..اتفقوا تفاهموا لا تخليها حجه للزواج الثاني ..وعلى فكره ترا تلقاها اهيا ماكله الضيم وساكته وصابره ومااحذفت عليك عيالك وقالت لك خلني اشوف حياتي.. واذا كانت والله موزينه وتعاندك باللي تبيه هذا شي ثاني .. والحجي وايد بس افضل اني اوقف لي هالحد.. على فكره انا مااقول اني ضد الزواج الثاني ..موانا اللي اتناقش بكلام ربي ..بس انا مع العلماء اللي حللوه لوجود اسباب ..والرسول عليه الصلاة والسلام مارضى انه سيدنا علي يتزوج على بنته فاطمه.. سلام
1/15/2009 7:02:02 PM
للمتزوجين فقط	Al3jayb كتب: انا مشاركتي يمكن غريبه بعض الشي انا زوجه اولي مومقصره مع زوجي باي شي حتي اليهال حرمت نفسي منهم عشان راحت ريلي صايرتله رفيجه موزوجه تفاجأت انه يبحث عن زوجه ثانيه وعشان يستعطف البنات كان يقولهم زوجتي فيها اعيوب الدنيا كلها بعض البنات ايصدقون اكاذيب بعض الرجال اللي مايخافون الله بحريمهم فتحاول انها اتعوضه هالنقص بشخصيه مزيفه وبعد ما تكون زوجته او صاحبته تدور عليها نفس الدايره وتصقط الاقنعه يا اخواني وخواتي لا تبنون سعادتكم علي تعاست غيركم والقناعه كنز لا يفنا اقنعوا بنصيبكم واذا مافيكم حيله وتبون تستمتعون قولوا الصج ولا تعذربون بحريمكم ورياجيلكم واحطو الله بين اعيونكم الظلم موزين واسمحولي علي الاطاله وجهت نظري من خلال تجربتي وحرقت قلبي وارجو احترامها وعدم الزعل منها ..... حبيبتي والله ..الله يبرد على قلبج ان شالله ويعوضج خير .. جان زين اللي يفكر يلعب ببنات الناس يتذكر حديث الرسول عليه الصلاة والسلام"رفقا بالقوارير " ..شبه النساء بالقوارير سهله الانكسار ..تكسرها الخيانه يكسرها الغدر فيها ..وبخطبته قبل مماته عليه الصلاة والسلام وصى بالصلاة والنساااااااء ! عجبني كلامكج يوم ماحطيتي اللوم كله عالبنت ..لأن صج بعض البنات مايدرون عبالهم مغلوب على امره وانه في نسره قاعده بالبيت فتحاول انه تعوضه ومتامله انه راح يكون لها بيوم من الايام ويطلق المره اللي مسببه له ازمه..وفي رياييل يبدا تعرفه مع البنت على اساس انه اعزب او منفصل وليما تحبه وماتقدر تستغني عنه قالها ترا ماقدر اخذج انا متزوج ..اشعقبببببه !! والله قاعدين تظلمون شخصين البنت اللي قاص عليها وزوجتك اللي مستغفلها ..بس كما تدين تدان ..خافوا على خواتكم وعلى بناتكم ..محد يحب يشوف بنته وهي تبجي وقلبها مكسور .. طبعا هذا كلامي حق اللي داش ومفكر يلعب !
الصفحات 1

Khitba.com