|
صفحات
1 2 |
|---|
|
11/5/2008 11:56:42 AM
|
guest_q8
Posts 150
|
السلام عليكم
اخواني وخواتي الاعزاء على قلوبنا انا لاحظة شغله من قرايتي لبعض بروفايلات الاخوان والاخوات فحبيت استوضح الامر من كل شخص يعنيه هذا الشئ.
للاخوان المتزوجين هل انت صادق برغبتك بالزواج من امراه ثانيه ام انت تريد صداقات ؟
وهل توجد اخت تقبل بشخص متزوج وان تكون زوجه ثانيه وما هي الشروط ؟
يجب الجواب من الطرفين لتوضيح الامور والصراحه مطلوبه بهذا الامر
أحمــــــــــــــد***
|
|
11/5/2008 4:12:51 PM
|
salma_8q
Posts 6
|
بالنسبه لي ، انا شخصيا مختاره اني اكون زوجه ثانيه ، نظرا لظروفي الخاصه ، لكن بشرط مايكون سري او مسيار
و ارضي اني اكون زوجه ثانيه و يمكن ماتصدقون اني مابي اتزوج الا الشخص اللي متزوج و يحتاج يتزوج مره ثانيه او مطلق او ارمل
لأني مابي عيال
شكرا
|
|
11/5/2008 4:17:13 PM
|
salma_8q
Posts 6
|
بالنسبه للشروط ، ماكو شروط تعجيزيه ... حالي حال كل البنات اللي يبون يتزوجون
|
|
11/5/2008 6:51:23 PM
|
adel9999
Posts 2
|
السلام عليكم
انا عادل من سوريا مقيم بالكويت ابحث عن امراة للزواج بالرغم من اني متزوج والحمد لله ولاكن لاني مغترب بالكويت واجازاتي قليلة الا سوريا افضل ان اتزوج بالكويت لاني لا استطيع ان اجلب امراتي بالوقت الحاضر بسبب المصروف الزائد وافضل ان اتزوج لاني لا اريد ان اقع بالحرام او الصداقات الزائفة
|
|
11/5/2008 9:49:27 PM
|
Florita
Posts 20
|
انا بصراحه لاحظت هالشي بالبروفايلات بعد ان الرياييل متزوجين ويبون ثانية انزين ليش انت خلص من الأولى بالأول وحاول ترتاح بحياتك معاها يعدين فكر بالثانية لووووووول
انا كاعتقد ان البنات الي بالموقع يبون الزواج كزوجة ثانية !!!!!!!!!!!!!!!!
|
|
11/6/2008 12:38:57 AM
|
guest_q8
Posts 150
|
salma_8q كتب:
بالنسبه لي ، انا شخصيا مختاره اني اكون زوجه ثانيه ، نظرا لظروفي الخاصه ، لكن بشرط مايكون سري او مسيار
و ارضي اني اكون زوجه ثانيه و يمكن ماتصدقون اني مابي اتزوج الا الشخص اللي متزوج و يحتاج يتزوج مره ثانيه او مطلق او ارمل
لأني مابي عيال
شكرا
--------------------------------------------------------------
مشكوره اخت سلمى على صراحتج , واتمنى لو كل البنات يكونون بفس جرأتج وصراحتج .
الله يوفقج ويرزقج بابن الحلال اللي يسعدج ويهنيج
أحمــــــــــــــد***
|
|
11/6/2008 12:43:20 AM
|
guest_q8
Posts 150
|
adel9999 كتب:
السلام عليكم
انا عادل من سوريا مقيم بالكويت ابحث عن امراة للزواج بالرغم من اني متزوج والحمد لله ولاكن لاني مغترب بالكويت واجازاتي قليلة الا سوريا افضل ان اتزوج بالكويت لاني لا استطيع ان اجلب امراتي بالوقت الحاضر بسبب المصروف الزائد وافضل ان اتزوج لاني لا اريد ان اقع بالحرام او الصداقات الزائفة
------------------------------------------------------------------------------------
اخوي عادل اللي فهمته من كلامك انك تريد زواج مؤقت يعني زواج متعه او مسيار , بس للاسف هذا مو موضوعنا اخوي موضوعنا انه يكون زواج رسمي تتزوج الثانيه وانت حاط في بالك انك تبي تستقر وتستمر حياتكم الزوجيه .
أحمــــــــــــــد***
|
|
11/6/2008 12:46:24 AM
|
guest_q8
Posts 150
|
Florita كتب:
انا بصراحه لاحظت هالشي بالبروفايلات بعد ان الرياييل متزوجين ويبون ثانية انزين ليش انت خلص من الأولى بالأول وحاول ترتاح بحياتك معاها يعدين فكر بالثانية لووووووول
انا كاعتقد ان البنات الي بالموقع يبون الزواج كزوجة ثانية !!!!!!!!!!!!!!!!
----------------------------------------------------------------------
مشكوره اخت Florita على المشاركه
بس ما قلتيلنا رايج انتي توافقين تكونين زوجه ثانيه واذا وافقتي شنو شروطج ؟
أحمــــــــــــد***
|
|
11/9/2008 2:48:49 AM
|
guest_q8
Posts 150
|
الصراحه تفاجأة بعد ما كتبت هالموضوع من عدم اهتمام الكثير في ابداء رايهم مع ان الاسئله واضحه وما يبلها شئ بس محتاجه ( الصراحه )
وكنت متوقع وقتها انه راح يشارك بالموضوع الكثير من الاعضاء , ولكن إكتشفت وبنفس الوقت كشفتلكم حقيقة الكثيرين منهم , وإنهم غير جادين واللي شايف نفسه جاد عليه ان يثبت
هالشئ .
وبالنهايه أشكر كل من شارك بالرد على الموضوع وأهنيهم على صراحتهم وأتمنالهم التوفيق .
وبانتظار مشاركتكم وأتمنى انه يزيد عدد الجادين .
أحمــــــــــــــد***
|
|
11/11/2008 2:16:09 PM
|
adel9999
Posts 2
|
السلام عليكم صحيح اني انا متزوج والحمد لله ولاكن لا يعني الموضوع اني اتزوج مسيار او متعة مع احترامي للجميع لاكن مثل ما انتو تشوفين بالكويت اصعب شي على الانسان انو يكون متزوج وبعيد عن زوجتة لانو الي عم نشوفها الانسان احيانا الي نفسا رديئة لابد من انه يقع بالحرام وانا بالنسبة الي اذا بتزوج ما راح اخبي عن زوجتي
|
|
11/11/2008 7:17:19 PM
|
shosha87
Posts 1
|
السلاام عليييييييييكم اانا شوشه ومن الكوييت
وانا معااك بكلاامك ممايصير ريال متزوج ويبي 
خلص من الاولى خخخخ
والزوااج مثل ماقلت لاازم يكون بواافقه الاثنيين و
وانا ما ارضى اكون زوجه ثانيه بعدي بنت بيووت 
|
|
11/13/2008 12:25:06 AM
|
Al_joory
Posts 3
|
بصراحه انا ما اايد الرجال اللي يتزوج ثنتين او اني اكون زوجه ثانيه لما فيها بحكم ان المرأه انسانه حساسه وغيوره جدا
|
|
12/28/2008 7:28:34 PM
|
meme83
Posts 70
|
السلام عليكم
صح انا لاحظت من البروفايلات اللي تدش علي ان وايد متزوجين ومادري شنو نيتهم هل ان زوجه ثانيه او مجرد صداقات و هل زواج شرعي او مسيار ؟؟
لكني عموما قاعده اعطيهم رفض لان مو مهتمه بهالناحيه لان ولله الحمد انا توني بنت و صغيره ومارضى بشخص متزوج و ان اكون زوجه ثانيه
بس اتمنى من اخوانا المتزوجين يوضحون هالشي عشان باجي البنات
|
|
12/29/2008 12:49:32 PM
|
entaa
Posts 7
|
السلام عليكم
اشكرك اخوي على الموضوع المهم وانا بصفتي واحد من هالاشخاص الي يبحثون عن الزوجة الثانية (طبعا زواج شرعي علني بكامل حقوقها لا مسيار ولا غيره)
حاب اوضح نقطة وانا اتكلم عن نفسي مو عن غيري ... انا كاتب بالبروفايل اني متزوج هذي نقطة تبين اني انسان جدي مو داش العب واني صريح وقلت الي عندي من البداية لا جذبت ولا غشيت احد بس في شغلتين لاحظتهم على البنات الي ابدأ اراسلهم انهم يوافقون للفضول بس يبون يعرفون ليش تبي تتزوج يعني لا اهتمام ولا شي بس فضول ... والشغله الثانيه انا ماني فاهم ليش يستغربون لما اقولهم زوجتي ماعليها قاصر واقولهم انا ما اتكلم عنها واطلع عيوبها حق احد يمكن بعد مافيها عيب ولا ابي الزوجة الثانية تحط في بالها شنو الي قصرت فيه الزوجة الاولى خل انا ما اقصر فيه انا مابي اتزوج ثنتين يكملون بعض لأ... انا حاب زواجي وحياتي يكون المهم فيها انا واهيا مو انا والي الاولى مقصرة فيه!!!بعدين مو لازم ابني حياتي اليديدة على انقاض حياتي الاولى ... يعني الي عاجبها الريال الي يقعد يقول زوجتي فيها وفيها عليها بالعافيه ... لانها تبي توجدلها مبررات عشان توافق عليه وتقنع نفسها فيه وهذا انا اشوفة غلط انا حتى لو زوجتي فيها عيوب الدنيا ما اروح اقولها حق الثانية هذي زوجتي وام عيالي ولازم اداري عيوبها وحتى الثانية بتكون عندي حالها حال الاولى... اشكركم واسف عالاطالة بس حبيت اقول وجهة نظري
|
|
12/29/2008 3:07:28 PM
|
q8man55
Posts 4
|
السلام عليكم
مشكور على طرح الموضوع الطيب .
صراحة انا أبحث عن زوجة ثانية لأني اشوف نفسي تدعيني للحرام و اخاف انها في يوم من الايام تقدر علي ، و لا تظنون فقط ان اللي اقصده المتعة لا اقصد الاحاسيس و المشاعر ترى اللي يبي الحرام نسأل الله أن يبعده عنا و عنكم و للاسف متوفر و بكثره و لكن نسـأل الله أن يحفظكم و يحفظنا منه ، و أنا عارف أنه راح تكون فيه مشاكل اذا تزوجت الثانية و لكن المشاكل و لا الحرام .
متزوج من 15 سنة و مرت علي امور ولكن ولله الحمد والمنه تعلمنا منها و اجتزناها .
ادري الفكرة السائدة عند اكثركم اللي يدور زوجة ثانية (أن كان جاد مع ان اكثرهم يبون يلعبون )هذا مو مرتاح بحياته و قد يكون فيه جانب صواب ولكن عن نفسي أبي روح قبل جسد يشاركني حياتي لاخر نسم فيها .
و اعذروني عن اي كلمة او معنى خطأ في ردي لاني كتبته بدون اي تنسيق يعني رد طبيعي .
وشكرا .
|
|
1/9/2009 4:13:25 AM
|
UOUO
Posts 1
|
أخوي entaa ... شقوووول بس ... يا سلام عليك ... كفو والله
تصدق آنا مثلك .. ادوّر على بنت الحلال الثانيه لكن مو معناتها بان في زوجتي الأولى عيب او قاصر .. يا جماعة الخير
تعدد الزواج حلال وإن كان بشروط مثل ما صرذح بعض العلماء .. بالنسبه لي عندي عيال وزوجتي قايمه بواجبها من ناحية
طابات البيت وغيره .. لكن في امور خاصه الواحد ما يقدر يقولها بشكل علني !!! ,, وأعتقد اخوي إللي قبلي لمـّـح عنها .
يعني بالعربي يا خواتنا العزيزات مو معناتها واحد متزوج ... ويدوّر عن الثانيه لازم الاولى فيها عذرووب ترى هذا حجي
مسلسلات وأفلام ... من الحين اقولها العيب مو بالحرمه لكن متطلبات بعض الرجال تستدعي الزوجه الثانيه .
|
|
1/14/2009 1:17:20 AM
|
bofawzy
Posts 1
|
ياجماعة اذا الزوجة الاولى اهملت نفسها وصار مالها خلق شنسوي ؟
نروح حق الحرام ولا ندور مرا ثانية أحسن ؟
طبيعي اللي يخاف ربه بيروح للحل الثاني
مانبي نغازل ولا نبي الحرام لاشباع الرغبة الجنسية
لكن بالحلال ، وهالشي احد اسباب تشريع تعدد الزوجات
|
|
1/14/2009 6:19:56 PM
|
123asd
Posts 15
|
انا نووو وااااي اخذ متزوج ..حتى لو قعدت فبيتنا العمر كله ..ليش احرق قلب انسانه عاشت مع ريلها بالحلوه والمره وصبرت عليه ويمكن تكون بدت معاه من الصفر وانا ايي اشاركها فيه عالبراد..
اللي يقول زوجتي مافيها شي بس انا اللي ابي ..صراحه مااقول الا انته اناني ..
اذا مافيها شي وقايمه بواجبك وواجب عيالها اخذها على جنب وقولها يا ام فلان انا محتاج كيت وكيت وكيت ..اتفقوا تفاهموا لا تخليها حجه للزواج الثاني ..وعلى فكره ترا تلقاها اهيا ماكله الضيم وساكته وصابره ومااحذفت عليك عيالك وقالت لك خلني اشوف حياتي..
واذا كانت والله موزينه وتعاندك باللي تبيه هذا شي ثاني ..
والحجي وايد بس افضل اني اوقف لي هالحد..
على فكره انا مااقول اني ضد الزواج الثاني ..موانا اللي اتناقش بكلام ربي ..بس انا مع العلماء اللي حللوه لوجود اسباب ..والرسول عليه الصلاة والسلام مارضى انه سيدنا علي يتزوج على بنته فاطمه..
سلام
|
|
1/15/2009 12:32:49 AM
|
aleidan75
Posts 148
|
بالفعل احمد انا لا حظت هالشغله مثل ما الكل ملاحظها معانا بس هذي حرية شخصية وتعمد على شخصية اللي داش الموقع
مثلك عارف عمره الكذب ما يدوم لا بد بييله يوم وينكشف واللي حاطه في بالها تبني سعادتها على تعاست غيرها شلون بتأمن باكر
ما يصير معاها نفس اللي سوته بزوجته الاولى ومع هذا الناس اجناس وكل له ظروفه صعبه انك تحكم على انسان الا بعد ما تتفهم
مقاصده .والله يوفق الجميع .
العيدان
|
|
1/15/2009 2:23:46 AM
|
Al3jayb
Posts 27
|
انا مشاركتي يمكن غريبه بعض الشي انا زوجه اولي مومقصره مع زوجي باي شي حتي اليهال حرمت نفسي منهم عشان راحت ريلي صايرتله رفيجه موزوجه تفاجأت انه يبحث عن زوجه ثانيه وعشان يستعطف البنات كان يقولهم زوجتي فيها اعيوب الدنيا كلها بعض البنات ايصدقون اكاذيب بعض الرجال اللي مايخافون الله بحريمهم فتحاول انها اتعوضه هالنقص بشخصيه مزيفه وبعد ما تكون زوجته او صاحبته تدور عليها نفس الدايره وتصقط الاقنعه يا اخواني وخواتي لا تبنون سعادتكم علي تعاست غيركم والقناعه كنز لا يفنا اقنعوا بنصيبكم واذا مافيكم حيله وتبون تستمتعون قولوا الصج ولا تعذربون بحريمكم ورياجيلكم واحطو الله بين اعيونكم الظلم موزين واسمحولي علي الاطاله وجهت نظري من خلال تجربتي وحرقت قلبي وارجو احترامها وعدم الزعل منها .....
|
|
صفحات
1 2 |
|---|