مقتنعين بالزواج من الانترنت !!! - سوالف وقصص أعضاء خطبة

الصفحة الرئيسية » سوالف وقصص أعضاء خطبة » مقتنعين بالزواج من الانترنت !!!

صفحات 1 2 3
	10/14/2008 6:30:39 AM
FLFL.42 Posts 17	هل عندك الاستعداد انك او انج ترتبطين بأنسان عن طريق الانترنت ما اتعرفين او اتعرفين ماضيه شنو والا شنو اصله وفصله . شنو بتقول للناس وين تعرفت عليها بالانترنت ؟ وشنو نظرتك لها بعد الزواج ؟ هل راح اتحسون بالاستقرار والتعارف صار عن طريق الانترنت ؟ هل الثقه راح اتكون موجوده ؟ وهل انت بتزوج وحاط الطلاق مستقبلا فى بالك ؟ اسأله وايد بس احس ان ماكو اجوبه لها عندى يمكن احصل عندكم .
	10/14/2008 2:09:49 PM
7ezen Posts 37	اي نعم عندي استعداد اتزوج عن طريق الإنترنت و شنو العيب فيه ؟ ... الإنترنت و خصوصا الموقع هذا اولا و اخرا وسيله للتعارف و من خلاله تقدر تاخذ معلومات عن الشخص اللي تبي تتزوجها ، بشرط تكون جاد في الموضوع !لأن النت في العصرهذا يشبه الخطابه تماما ... الخطابه بعد هي عباره عن وسيله او رابط بين الشخصين و مهامها انها تعطي معلومات اوليه بما فيها الأصل و الفصل عن الاشخاص و الباقي علي الطرفين ... اما بالنسبه للماضي ، حتي الخطابه ماتعرف ما شي عن ماضي الأشخاص ، و هي ماراح تتحمل النتايج لأن وظيفتها بس انها تعرف الشخصين ببعض بشرط الزواج مو اللعب ... احنا المسؤولين اذا انا وحده جاده و اوكي ، راح اكون صادقه و انا بنفسي راح اقول حق الشخص اللي ناوي يتزوجني ، عن ماضيي و عن الأشياء اللي تهمه .. و هذا احسن من اني اقول كل شي عني حق الخطابه و بالتالي يتنقل الموضوع من لسان الي لسان و خصوصا الحريم و للأسف !!! بعدين الموضوع كله يعتمد علي الشخص نفسه .. اذا كان انسان زين و البنت زينه ، ماراح يفرق معاه يتعرف عليها من الموقع او الأهل او حتي عن طريق المجمعات !!
	10/14/2008 5:00:03 PM
gem Posts 267	اللي يقتنع بالزواج التقليدي او الغير تقليدي او الخطابة او ... الخ ممكن يقتنع بزواج النت ... و العكس صحيح ما في زود لاحدهم على الباجي المشكلة باللي يجدم على الزواج ... اكو اللي يتشككون و اكو اللي يتقبلون و يتقنعون .
	10/16/2008 4:11:15 PM
abeeek Posts 5	كل طرق تؤدي إلى روما ....... الزواج سواء عن طريق النت او الأهل او الخطابة أو كانت بينكم علاقة ما راح تعرفها إلا لمن تسكن معاها بيت واحد ، اما بالنسبة للماضي صعب الآن الواحد يتقبل الماضي إلا بنسبة قليلة .. وقد يختلف الماضي من شخص لي شخص ... هالتريد على المرأة أن تتقبل ماضيط وانت لا تتقبل ماضيها لأنك رجل .. ولكن أخي العزيز يبقى شيء واحد هو ان تقوي إيمانك بالله لأنه الله تعالى قال في كتابه العزيز " الطيبون للطيبات والخبيثون للخبيثات " فإذا انت انسان تبت إلى الله فلابد أن الله يعوضك خيرر والعكس صحيح ، وأيضا ربما تتعرف على بنت بيدك انت تهديهاا ولكن لابد عليك من أن تصفي النية وتفرق بين كل شخص .. أما بالنسبة للتقبل طالما وجد بينكما التفاهم والثقة والصراحة فقد يتولد الحب والمودة ويكون الاستقرار العقلي والجسدي والنفسيي ,, وغيره وابعد عنك بالك الطلاق حتى تجد سبب واحد له
	10/16/2008 9:15:41 PM
lolitaa Posts 28	يبيحون لأنفسهم ما يرفضونه لغيرهم رجال يحققون في ماضي الزوجة ويرفضون البوح بأسرارهم أسئلة عديدة قد تخطر في ذهن كل شاب وفتاة، هما على وشك الإقتران، فهل يحتاج الوقوف عند عتبات الماضي ونبش الدفاتر المقفلة جزءاً من تفكيرنا، فكما نعلم تماماً بأن الزواج هو الفطرة السليمة لبناء حياة جديدة وتكوين بيت، أطفال وأسرة، فالزوجة سوف تبني معك هذه الحياة الجديدة وكذلك أنتِ سوف يكون معك زوجك كظلك ويشاطرك جميع اللحظات بحلوها ومرها.. فهل يؤثر ماضي الشاب على الحياة الزوجية وتبعاتها، وهل يتحتم على الفتاة أن تخفي دفاتر الماضي في قبو قديم؟ وهل يلزم كلا الطرفين التساؤل عما يختبئ خلف أسوار الماضي؟ يظن معظم الرجال ان ما يتعلق بحياتهم الخاصة هو ملك لهم ليس من حق النصف الآخر أن يتجرأ ويسأل عنه، وفي نفس الوقت يرى أن من حقه التعرف على ماضي شريكته وعليه معرفة تاريخها منذ لحظة ولادتها، ففي بعض الأحيان يتخذ الشك مرتعاً في عقل الرجال فمنذ بداية الخطوبة يساور الرجل الشك عن ماضي زوجة المستقبل، وبمجرد الزواج مهما تبدأ الشكوك والهواجس في عقله بالبحث والتساؤل عن ماضيها المجهول بالنسبة اليه، من عرفت؟ ومن صاحبت؟ وما مدى علاقتها بهم؟ الأمر الذي ينغص حياتهما الزوجية حتى وإن كان هذا الماضي نظيفاً لا ينقص من الزوجة شيئاً
	10/16/2008 9:23:28 PM
7aneen_alroo7 Posts 9	النت وسيله للتعارف ,, والحب اذا صار بين الطرفين ماراح يعرف نت ولا غيره ,, بالعكس راح يصير النت فيه ذكريات حلوه اجمعتهم مع بعض يتذكرون فيه الكلام الحلو والشطانه البريئه لين دش الحب بقلوبهم ,, ومافيه احلى من الحب والزواج عن طريج الحب ,, وذا ماصار نصيب بين الطرفين لحد يلوم النت ,, وذا صارت مشكله بينهم لاسمح الله وفكرو فيها زين راح يعرفون ان النت ماله ذنب ,, ونشالله مانشوف زعل بعد اليوم والله يوفق الجميع ,, 7aneen_alroo7
	10/17/2008 2:27:45 PM
khale_dm Posts 358	السلام عليكم الزواج بالنت او غير النت .....او بالاحرى هل البنت تناسبك واهي اللي تبحث عنها ....انا رايي لو البنت تتعرف عليها وتعرف طبايعها اكثر احسن من تتزوج بنت عن طريق الاهل وانت ما تدري عنها شي ...وفي ناس كثير تزوجوا عن طريق النت وعندهم عيال بس ما قالو للناس انهم متزوجين عن طريق النت لان النت جديد بحياتنا في شي مهم في الزواج ولاحظ ان الكل لاهي عنه ......وهذا الشي هو القناعه في البنت او الشاب اللي يبون يتزوجون وصدقني في هالدنيا محد كامل ولا احد يتوقع الكمال في الشخص اللي معاه ولكن كل واحد يتقبل الشخص اللي يكون شريك حياته بمميزاته وعيونه ومتى ما عرفت شلون تتكيف مع هالشخص وتتقبله بكل ما فيه بحياتك .....اتوقع الحياه الزوجيه بتصير زينه
	10/17/2008 11:28:16 PM
QumarNajd Posts 51	موضوع زواج النت انا مع آرائكم بأن الزواج والتعارف اهو واحد سواء عن طريق النت او الأهل او حتي في العمل او في اي مكان, كل واحد عارف نفسه وشخصيته وتربيته ونيته وكيف يختار وكل شئ بيد الله,, انا شخصيا تزوجت عن طريق الأهل وماصار نصيب لأن ما اتفقنا ولا حسيييت اني احبه او اتقبله, هذا بعد الزواج طبعا, وكنت اؤمن بالحب انه يأتي بعد الزواج وصبرت واااايد وبحثت عن اي شئ احبه فيه او نقطه توصلني لحبه ما قدرت مع انه حبني بس ما قدرت أحبه اذا ياج اللي يفز قلبج له اول ما اتشوفينه بنية الزواج , تري النيه فيها بركة من الله سبحانه يعطيج علي قد نيتج,, اذا ياج ان شاء الله اللي يستاهل وترتاحين له لا تخاين من الطلاق,, دام ان انتوا متفقين من جميع النواحي, البيئه , التربيه, الدين. العادات. التقاليد, هذى مقومات اساسيه للزواج الصحيح واهم شئ الريال تكون شخصيته قويه ومسيطر ومحد ايآثر فيه وعنده كلمه وكلمته عقلانيه "توزن بلد" وحكيم, والريال اهو اللي يسيطر علي المرأه ويعدل اعوجاجها, وهالأمور كلها ما تفرق اذا كان اللقاء الأول عن طريق النت او غيره,, والرجل الحكيم والمرآه الحكيمه تعرف كيف تحافظ علي حبها وتثق فيه اذا كان أهل للثقه ما تتخلي عنه لأي سبب ولا تسمح لأحد ان يعايرهم بطريقة مقابلتهم, ليش ما ايكونون قدوه, ويثبتون العكس ولا ينهزمون,, المسأله مسألة قوة شخصيه اذا. وضروري الـتأكد من شخصية الآخر قبل الأرتباط, مو ترتبطين يأي أحد الا متأكده ان هذا الشخص اللي حبيته وبكون وياه وبقبله بكل عيوبه واحبها وماراح اتخلي عنه وبحبه بكل ظروفه. مو علشان مصلحه لأن كما تدين تدان ومثل ما تخونينه بيخونج, واهم شئ اهم شئ اهم شئ ان الزوجين ما يخبون علي بعض اي صغيره وكبيره يعني مهما كان الشئ قوي لازم ايقولونه لبعض. والله يوفق الجميع
	10/18/2008 3:15:36 AM
KUWAIT99 Posts 1	لو مو مقتنع ما دخلت هالموقع والله الموضوع عادي وليش نصعب هالاشياء علي الاقل لما اتعرف عليها بالنت بتكون معرفتنا مباشرة مو عن طريق وسيط
	10/18/2008 7:21:19 AM
FLFL.42 Posts 17	عندكم استعداد اتقولون للناس تعرفنا عن طريق الانترنت ؟
	10/18/2008 9:43:17 AM
AIL73 Posts 5	السلام عليكم شنو بتقول للناس وين تعرفت عليها بالانترنت ؟ بصراحه لا وشنو نظرتك لها بعد الزواج ؟ زوجتي وحبيبتي وام اعيالي انشاءالله هل الثقه راح اتكون موجوده ؟ نعم ولو مو واثق ليش اتزوجها ! وهل انت بتزوج وحاط الطلاق مستقبلا فى بالك ؟ ليش ماحط السعاده والتفاهم والحب في بالي بدل الطلاق؟ وشكرا
	10/18/2008 1:19:29 PM
QumarNajd Posts 51	وليش نهتم للناس واللي يقولونه,, خليها بيننا وبين اهلنا وربنا , دام ما ضرينا احد, الناس بيعرفون انا احنا متزوجين مالهم شغل بالباجي,, والعيال بيفتخرون بأهلهم شنو ما كانوا وبيعتزون فيهم وتربيتهم الصالحه وماراح يتأثرون بطريقة تعارف والديهم وحبهم دام انهم ماشين بما يرضى الله وتزوجوا , والرجل اذا مضطر يقول طبعا له عدة طرق واسلوب في الكلام يقدر يقنع فيه صغاره واهله ولا احد يعترض اذا كان هذا اختياره وخصوصا اذا كان صحيح واختياره صائب و واثق من نفسه.
	10/18/2008 4:17:29 PM
QumarNajd Posts 51	يا أخ فلفل ,, انت الله يهداك شايل هم الناس وزواج الأنترنت وموعاجبينك بنات الكويت !!! في موضوع ثاني انت طرحته واقترحته: http://www.khitba.com/forum/messages.aspx?TopicID=162 واللي تحت عنوان : ممنوع الدخول للبنات انك تبي الأجنبيه واتدور عليها اهني !! ليش امتعب نفسك!! تري امقططين ابكل مكان وسهل الوصول لهم ؟؟!! والكويتيه تاج الراس غاليه ثمينه محد يقدر يطولها,, و اذا بتحسن نسلك علي قولتك ,, "وهذا اكبر دليل انك جيكر مثل ما تفضلوا الأخوان", فمسموح بس تذكر ان الأجنبيه ما تعرف اصلها وفصلها, والرسول الكريم صلي الله عليه وسلم قال احذروا العرق فإن العرق دساس
	10/18/2008 10:36:52 PM
7ezen Posts 37	اخ فلفل مادري انت صاحي ولا فيك شي !!! اولا من الألف الي الياء كلامك كله ضد و نقيض علي قوله الأخت قمر نجد تدور علي بنات بره ونت مسجل في الموقع ثاني شي ثاعد تعيب علي بنات الناس ماخليت شي للباقي ! يا اخي الله يهداك اكتب كلمه زينه ترا بنات الموقع خواتك قبل لايكونون اي شي . لاتهجم علينا ترا مثل ما في شباب زينين في بنات هم زينين اما بالنسبه لسؤالك ... اي نعم اقدر اقول لهم اني تعرفت علي زوجي من النت ... شنو العيب يعني ؟ الحين افرض واحد شاف وحده بره البيت مثلا في الجامعه او ملتقي او ندوه او حتي مجمع و انعجب فيه و عطاها رقم و تكلموا و تعرفوا علي بعض بالأخير صار توافق و تزوجو ... اذا سألته وين تعرفت علي زوجتك يقول لك بالجامعه او المجمع حتي !!! هل هذا معناته ان البنت مو زينه و في الجامعه كانت تصادق كل واحد او في الندوه كانت تتكلم مع كل شخص ؟ و هل لازم يكون حاط في باله انه لازم يطلقها يوم من الأيام لأنه تعرف عليها في الجامعه او الندوه او السوق ؟ يا ناس ترا ربنا سبحانه اهو مسبب الأسباب ... يمكن الله سبحانه سخر لنا الموقع هذا عشان يكون سبب في زواج الراغبين في الزواج مثلما الأهل او الخطابات او الأسباب الثانيه في كثير من الحالات تجمع راسين بالحلال صدقوني يا جماعه الخير ... الإنسان الزين يبقي زين و كبروا عقولكم شويه حزن
	10/19/2008 8:41:15 PM
miss_3afeesa Posts 110	السلام صراحه انا دخت من مواضيع فلفل كلها ضد البنات وعلى قوله حزن ليش تدور هنيه روح بره واذا خذيت واحد من النت اممممممممم مااقول حق الكبار من اهلنا بس رفيجاتي واللي كبري عشان احنا نفس التفكير اما الكبار مو كلهم نفسنا طبعا هذا اذا لقيت واحد مناسب لي ولتفكيري ويكون شكله مقبول مو جيكر وايد بس مو احلى مني لووووووووووول بعدين اغار وشكرااااااااااااااااااان
	10/19/2008 9:35:45 PM
Karbala Posts 318	السلام عليكم كل واحد له وجه نظر .. في ازواج تعارفوا على بعض بالصدفة .. بشارع او سوق او حادث سيارة في ازواج تعارفوا وتزوجوا عن طريق خطابة .. وطرق التعارف كثيرة .. وكل شئ قسمة ونصيب بس سؤالي اذا الانترنت والكمبيوتر قاعدين يدرسونه بالمدارس ... وتقريبا ما في بيت ما فيه انترنت وشخص تزوج زواج تقليدي ... هل تضمن انه الزوجة او الزوج ما كانت تدخل الانترنت وهل يتم فتح باب الماضي بين الزوجين .. يعني الرجل كان شنو يسوي والبنت شنو كانت تسوي قبل الزواج والسؤال الأهم .. هل من حق الناس التدخل بخصوصيات الازواج .. اشلون تعرفوا على بعض ... الخ تقبل تحياتي اخوك/ كربلا
	10/19/2008 10:41:04 PM
MRS.Q8 Posts 24	السلام تر أنا والله دخلت في هالموقع يعني كثر خيرهم ويعطيهم العافية ادارة الموقع اللي خلتنا نتحاور ونعرف بعضنا بس ما أدري وين تروح ردود أسويها وتختفي وكنت حابه أقول شغلتين : أول شغلة أنه كل الناس خير وبركه وكل الناس لها أصل واللي يسأل ما يضيع وأتمنى يا حريم ما نغلط على أحد بالعكس تركو الناس بحالهم. الشغلة الثانية أنتو مو ملاحظين معي أنه اللي متواصلين في المنتدى أهمه ما يوصل نسبة عشرة بالماية من رواد الموقع ومن هالنسبة صراحة وبأمانه ويا ريت تكوننون أمينين ويانه حتى لا نتعلق بأوهام " الرجل ذا المواصفات الرائعة" ما يبون الزواج بس تعارف ودردشة ونصائح صراحه جزاهم الله خير مأجورين لأن فيهم خير كثير ربنا خلاهم بطريقنا ينصحونا بس هم أحنا قاعدين آخذين من وقتنا علشان نشوف الخيارات المتاحة للارتباط صراحه يعني هذا رأيي وأقولكم شغله واحده بعمري والله دايما أدعي الله "اللهم لا تذرني فردا وحيدا وأنت خير الوارثين" تدرون الوقت يمر بسرعة وأحنا حريم ما ودنا نطول عليكم
	10/21/2008 2:33:22 PM
ggid77 Posts 4	FLFL.42 كتب: عندكم استعداد اتقولون للناس تعرفنا عن طريق الانترنت ؟ عادي اقول -ولي صديقه تزوجت عن طريق النت والله وفقها والحمد الله-ان اقول اهم شى الخوف من الله وان البنت والولد يبون الستر في الحلال- وتكون النيه صادقه-بعدين الحينشوف المجتمع ما صار احد يعرف اح وكلن في بيته-العاد كيف الشباب بيزوجون؟؟؟؟؟؟؟؟؟؟؟؟؟؟؟؟؟؟؟؟؟؟؟كمان النت هو وسيله عصريه واعيب اذا بيجي بيجي من لانسان الي يستخدم النت-مو النت هو العيب-بس لاسف حنا يالمجتمعات العريبه وخاصه الخليجيه الي لازم نتمتع في اخلاق القران والرسول-لاسف قم بانحطاط هذي الاخلاق-السيده خديجه رضي الله عنه لما اعجبت في الرسول صلى الله عليه وسلم ترسلت الخاطبه الى الرسول -سوت شى عيب-العيب هو العيب يا اخ
	10/21/2008 3:14:16 PM
852159 Posts 2	اي لكن وين العقول المنفتحه اطلب منك طلب اخوي ياليت تطرح موضوع عن الزواج السري موضه الشباب في الموقع الزواج السري يقعد يخوره و يجذب وان اهلي ما ابيهم يدرون وياليت كان متزوج لا ياهل طافش عمره 21 سنه ويجذب جذب واحذر بنات الموقع من الطافش هذا لان ورب الكعبه لسانه قذر ضافني ع ايميل وسمعني كلام يسمم البدن وشتمني ووين الاداره عنه ياليت ما تتوانه بتوقيفه تانكيووووو
	10/21/2008 3:22:43 PM
layla73 Posts 45	miss_3afeesa كتب: السلام صراحه انا دخت من مواضيع فلفل كلها ضد البنات وعلى قوله حزن ليش تدور هنيه روح بره واذا خذيت واحد من النت اممممممممم مااقول حق الكبار من اهلنا بس رفيجاتي واللي كبري عشان احنا نفس التفكير اما الكبار مو كلهم نفسنا طبعا هذا اذا لقيت واحد مناسب لي ولتفكيري ويكون شكله مقبول مو جيكر وايد بس مو احلى مني لووووووووووول بعدين اغار وشكرااااااااااااااااااان ممكن يكون جذي لاكن احسن ماتقولين لهم لان الخبر راح يوصل للكبار و البنات يحبون ينقلون الكلام
صفحات 1 2 3

Khitba.com