|
صفحات
1 2 3 4 |
|---|
|
10/8/2008 9:51:38 PM
|
Manart
Posts 69
|
السلام عليكم ورحمة الله وبركاته
اخواني واخواتي اطلب منكم جميعاً المشاركة في هذا الموضوع للفائدة
ما هو افضل مطعم في الكويت ؟ وما هو الطبق المفضل فيه ؟ وكيف هي جودة الطعام والخدمات فيه ؟
وما هو اسوأ مطعم في الكويت ؟ ( نرجوا شرح السبب ) ؟
اتمنى من الجميع المشاركة
|
|
10/8/2008 10:56:40 PM
|
phd_2009
Posts 6
|
بالنسبة لافضل مطعم برايي وبالاحرى هو مقهى فهو كولومبوس كافيه ويمتاز بجو اقرب للجو الاسري من ناحية المقاهي بعكس ستاربكس اللي اصبح هدف لمرتادين من فئات عمرية معينة ولاغراض البلوتوث وغيره,بالنسبة للمطاعم الايطالية ف احسن مطعم ايطالي بالكويت هو الفورنو اللي في فندق الكورت يارد وليس اللي بمجمع الافنيوز واللي فشل ان يكون بنفس المستوى لمطعم الفورنو في فندق الكورت يارد لما يمتاز فيه خصوصا اطباق لحم الغزال,وهناك ايضا مقهى الشاي الانجليزي في فندق الشيراتون حيث يقدم سندويشات خفيفة باسلوب انجليزي ملكي تقليدي فاخر وهادي مناسب لفترات الخطوبة حديثي الزواج,اما اسوا مطعم برايي هو مطعم هارديز لان اكله فاقد القيمة الذائية وهو مجرد حشو بطن وشكرا.,
|
|
10/9/2008 5:40:43 AM
|
Karbala
Posts 318
|
السلام عليكم
بالنسبة لمحبين الأكلات البحرية .. ما في غير مطعم النوخذة في فندق كروان بلازا (الفروانية) ... وهو نظام بوفيه والخدمة مافي داعي هذا فندق..
بالنسبة للأكلات الشرقية .. مطعم ليلى في الأفنيوز .. وجميع اكلاتهم شهية .. والخدمة نوعا ما جيدة
بالنسبة للأكلات الهندية ... مطعم مغل محل ( الشرق ) والطبق هو برياني لحم ... والخدمة جيدة.
بالنسبة لأسوء مطعم ... مطعم هندي موجود في جليب الشيوخ .. هههههههههههههه
جميع مطاعم الوجبات السريعة سيئة ...
هذا بالنسبة لي انا
تقبلوا تحياتي
|
|
10/10/2008 3:39:10 AM
|
sweetyq8
Posts 1
|
السلام عليكم....
بالنسبه لي أحلى مطعم مأكولات يابانيه (وسابي) البدع...
والمأكوولات الهنديه والصينيه (دعوات)بنيدالقار أو أبوحليفه...
والمأكولات الايطاليه (فرايديز)...
والمأكولات الكويتية (فريج صويلح)
والمأكولات اللبنانية (ميس الغانم)
والوجبات السريعه ما يبيله (ماكدونالدز وبس)
اما البوفيهات (سفير أو مريديان)
وبالنسبة لأسوأ مطعم (مراكش) مع احترامي لاخواني من المغرب ...
وسلامتكم 
|
|
10/11/2008 5:30:35 PM
|
jmajm
Posts 4
|
اممممممم خوش موضوع
اما بالنسبه لي
افضل المطاعم:
المأكولات البحرية: (النوخذة) فندق كراون بلازا الفروانية
الطعام: نظام بوفيه لكن المشكله بعض المرات البوفيه يكون مافيه اشياء حلوه, يعني حظك نصيب.بس ان ياتك القباقب والمحار والروبيان وام الروبيان خلاص ماكو كلام .. نصيحة الطبق الرئيسي طلبوا سمج مشوي وروبيان مقلي وام الروبيان مع مشروم وجبن وادعولي بعدها 
السعر: بالنسبه لمأكولات بحرية معروف انها دايما غاليه والمطعم كان رخيص بس كل ماله ويزيد السعر
الخدمة: ولا اروع صج يستاهلون السيرفس
المأكوولات الهنديه والصينيه: (مغل محل) انا مو من محبي الاكل الهندي وما كليت الا من هذا وآشاز (من اسوء المطاعم بالنسبه لي)
الطعام: جيد جدا - السعر: جيد جدا الى ممتاز - الخدمة: مقبوله ( انا يطفروني المطاعم الي اييبلك قوطي البيبسي دايت وقلاص ! ليش مو اهو يصبه ؟؟ وبعد يبي سيرفس :S)
والمأكولات الايطاليه: اعتقد اشهر واحد بالكويت (جوني كرينوز)
الطعام: الصراحه ما اعتقد ان في ايطالي حقيقي راح ياكل من المطعم ويستمتع .. اتوقع راح اي ايطالي راح يسفل بالمطعم من الحين لي باجر لوول
السعر : جيد جدا - الخدمة : مقبول
اذا بحسب مطاعم البيتزا ايطاليه ,(بابا جونز) الافضل لكن عيبه فقط توصيل طلبات والسعر كان جيد وصار الحين مبالغ فيه بصوره مو طبيعية.. على فكره فرايديز اكل امريكي مو ايطالي
المأكولات الكويتية: اعتقد افضل شي عند الكل طباخ والدته p:
المأكولات اللبنانية: (قصر البردوني)
الطعام: فعلا اكل لبناني محترم- السعر: ممتاز - الخدمة: ممتازه - العيب الوحيد: اغلب الزبائن يدخنون شيشة ويخنقون الواحد
المأكولات الامريكية: (تشيليز)
الطعام: يم يم يميييي - السعر: ممتاز مقارنة مع باقي مطاعم البحر - الخدمة : حتى اثناء الزحمة الاكل يوصل بسرعة ما شاء الله
المأكولات اليابانية: (فيوجن) ترى المطعم يديد وموجود على البحر في مبنى مشترك مع fish market
مع اني كنت اكره الاكل الياباني بسبب التجارب السابقة .. لكن هالمطعم اعادلي الثقه في المطاعم اليابانية
الطعام: ولا اروع - السعر: ما اتوقع في مطعم ياباني ارخص وافضل من هذا - الخدمة: احلى شي لما الشيف يستعرض جدامك بالسجاجين والساطور بس ديربالكم لا يحوشكم لول
المأكولات الخفيفة: (الغدير) لعشاق الفلافل والبطاط لول والاسعار ممتازة
اسوأ المطاعم:
(فرايديز) على كثر الزحمه الاكل ماله نكهة ولا يتبلون الاكل خير شر, السمج واللحم والدياي كلهم نفس الطعم . الشي الوحيد السنع المقبلات, القعدة كلها مغازل ومافي حيا خير شر
(بافالوز) السالمية-جمعية كيفان-امريكي: يعني ماله داعي المطعم فاضي وتنطر الاكل ساعة تقريبا !! واخر شي السمج واللحم والدياي نفس الطعم
(آشاز) المارينا-مطعم هندي: المطعم اسعاره نااااااااااااااار !! بس مو هذي المشكله, المشكله اكله مو ذاك الزود ونص الاطباق ما تنوكل والمينيو حاطلك قصة حياة كل اكلة وفوق هذا كله اييبلك قوطي بيبسي دايت وما يصبه وبدينار وياخذ سيرفس :@
واسمحولنا طولنا عليكم
edited by jmajm on 10/12/2008
|
|
10/11/2008 11:04:42 PM
|
miss_3afeesa
Posts 110
|
السلام
مشكورين على هالاقتراحات شكلي بروح الفروانيه
|
|
10/13/2008 1:38:40 PM
|
mona_33
Posts 9
|
السلام عليكم
بالنسبة لي احلى مطعم بالميري بفندق النخيل احب سلطاته وبوفيه راقي واسعاره مناسبة
اما اسوا مطعم فهو كنتاكي وهارديز للتسمم
ويعطيكم الف عافية
|
|
10/17/2008 7:59:45 AM
|
al7sasa
Posts 2
|
السلام عليكم
اول شي حبيت اشكركم على هالموضوع لان مفيد وايد حق الكل صج مضر بالوزن بس هم ما ياثر اذا كان بالشهر مرتين
بالنسبه حقي مطاعم وايد حلوه ومميزه وضعف هالمطاعم سيئه
بالنسبه للمطاعم الكويتيه:مطعم فريج صويلح بدون نقاش
مطاعم هنديه:كان مغل محل بس لما سمعت عنه اشياء لاعت جبدي والحين مافي الا اشاز اروحله بس مو حلو وايد
المطاعم اللبنانيه وااااااااااااايد بس المرتبه الاولى عندي مطعم قصر يلدز الي برج حمود وفي بعد مطعم ايامي بالمارينا
المطاعم الصينيه :مطعم بساس بس ناسيه اسمه انا ما حتله بس الكل يمدحونه واحب الي بالهوليدي ان بس بعد ناسيه اسمه
الوجبات السريعه:ماكدونالدز+نيثنس
بالنسبه حق اسوء المطاعم:
المرتبه الاولى ومع مرتبه الشرف كنتاكي
مطعم فيش ماركت الي عند الابراج
جوني كرينوز ابو الشعر وييييييييييع
وبصراحه وايد بس ما اذكرهم
المطاعم الايطاليه :الفورنو وايد حلو
|
|
10/17/2008 9:50:33 AM
|
abeeek
Posts 5
|
لالالالالالالالالالالالاللالالالالاالالالالالالالالالالالالالالالالالالالالالالالاللالالالا ياااااا جماعة الصراحة كل مطعم له نكهته الخاصة ...صج مكدونالز حلوو لكن اموت على همبورغر برقر كنق ..... صينييييي يهبل ...... واليباني وااااو ..... البحرية كل مكان وحسب طريقته .. فلا تحاولووووووووون كل مكان غيررررر
لكن الكويتيية ما يعله على البيييت ..... والصراحة اكل البيت حلووووو ...... واحب اطبخ ... يا رووووحيي يا فتافييييت
الصراحة عشان انا جذييي متييييينة شسوووي ؟؟؟؟؟؟؟ أحب اتنطع بالاكل
|
|
10/17/2008 5:21:21 PM
|
AL7R_Q8
Posts 21
|
افضل مطعم اذا لبست وزاري ودشيت المطبخ وعندي ذاك الزبيدي الكويتي
وحشيته وبهرته وعندي عيش بوابة الهند وسويت مطبق مع لبن معزه وتمر سكري
وعقبها رقي المدينه
بالاخر شوفوا لى افغانيه اثنين يشيلوني حق فراشي
مافي على اكل البيت هذا قصدي
|
|
10/17/2008 5:52:04 PM
|
el7saweya
Posts 55
|
احلا مطعم سندويشات واحد ماكو غيره ...(( ولهان )) بشارع المطاعم ، ذوقوا شاورمته اللي تكون بخبزة مع خضرة وخلوه يكثر طحينه ..ممممممممممم وشربوا امبراطور او كوكتيل
واسوء مطعم la notre مطعم كشخة ومدخوله اكيد جيد بس ماعندهم ملح ،مادري ليش ؟ اكلهم مافيه طعم ، كليت بيتزتهم خسرت فلوس عالفاضي لو رايحة بيتزا هت طالبتلي بيتزا ببروني وماكلتها جان اوفر واحسن ...
والله يازين ماكدونالدز وسبارو وبتزا هت .. وفدركرز وفرايديز هم حلو اكلهم بس (( ولهان )) صج صج غير
|
|
10/18/2008 11:25:51 AM
|
SHAIMAA
Posts 17
|
الافضل برايي برج الحمام الاسوأ قيصر وشكرا
|
|
10/18/2008 4:08:22 PM
|
doctor_3
Posts 27
|
السلام عليكم , عشان جذيه احنا قاعدين نشوف اوزان عنده مو طبيعيه يبيله معطم هالللث كومباني للرجيم وايد احسن , حبيت اشارك بس الاخوان ماشاءالله كلهم خبره مشكور او مشكوره يالا طرحت الموضوع موضعك جميل .
|
|
10/18/2008 8:18:46 PM
|
aleidan75
Posts 148
|
انا بالنسبه لي مع احترامي لكل من ابدى رايه بهالموضوع مطعم وحيد مميز عندنا وهو النينو (على البحر ) عجيب خدمة ورزانه وهدوء واتكيت وخصوصا عندهم ستيك سلط مو طبيعي هذا رايي لكم ونسألكم الدعاء .
|
|
10/18/2008 10:41:36 PM
|
dalloy
Posts 4
|
اغلب المطاعم حلوين واللي يميز المطعم غير اكله موقعه .. احب تشيليز افضله على الباقي
واحب اكله كله بس ما عندي اسوأ مطعم .. أحب المطاعم
|
|
10/20/2008 3:14:39 AM
|
bloshi
Posts 3
|
بصراحه انا اشوف ان احلي مطعم لبناني انا ارتاحله بصراحه واهو أيام زمان الموجود بفندق كراون بلازا
اما مطعم ايراني عندكم شبستان هم موجود بفندق كراون بلازا طبعا سوالف الشوي الي عنده كل لبنانيه بس يسوون سوالف العيش والمرق والحلو كل إيرانيه
اما العالمي عندكم مطعم الأحمديه كل يوم يكون دوله وطبعا هم موجود بكراون بلازا
اما الأمريكي أحب شيلز واحلي اكله كاندري فرايز جكن
وبصراحه انا كل اكل دياي ما اكل لحم وايد يا دياي او بحري
وبحري بصراحه ما احب من بري بس لو هامور احب اكله من فندق مرديان رحتله مرتين وي ولد خالتي ووايد عجبني اما اي شي ثاني اكله من إيد الوالده الله يخليها لي ان شاء الله
وطبعا اسوا مطعم بالكويت في مطعم بصراحه الله يزيد النعمه اول كنت اكل منه بس مره فتحت غطي مال الخبز اهو حاط الخبز أبرميل المهم فتحت ولا القي كل نمل والمشكله ياخذ الخبزة ويخر النمل إلي عليها ويحط الأكل فيها واسم المطعم سهول لبنان موجود بحولي بشارع متفرع من شارع بن خلدوون صوب المدرسه الخاصه إلي هناك قبال محل كمبيوتر بس نسيت اسمه وطبعا اعرف المكان عدل لان صوب الشيشه إلي اروحلها
وشكرا لكم
|
|
10/20/2008 3:52:26 AM
|
3emia
Posts 5
|
السلام
انا الهذره الزااايده ماحبها
الصراحه هذى ديرتى وماقدر اذم فيها
بس من ناحيه المطاعم اللى تلوع جبد الواحد فحدث ولااااا حرج لانها ترس الديره
بس ديرتنا ماتخلى من المطاعم الحلوه
ودايمن اقوووول خير الكلام ماقل ودل
شكرن
|
|
10/21/2008 12:06:36 PM
|
Manart
Posts 69
|
3emia كتب:
السلام
انا الهذره الزااايده ماحبها
الصراحه هذى ديرتى وماقدر اذم فيها
بس من ناحيه المطاعم اللى تلوع جبد الواحد فحدث ولااااا حرج لانها ترس الديره
بس ديرتنا ماتخلى من المطاعم الحلوه
ودايمن اقوووول خير الكلام ماقل ودل
شكرن
عليكم السلام ورحمة الله وبركاته
اختي عيميه مافي هذره زايده
ولا ذمينا بالديره
بالعكس وهذا الموضوع ما ينقص من مكانة الديره
وهو بالنهايه موضوع نقاش ومعرفة آراء واستفاده منها ليس الا ..
شكرا لتواجدك اختي الكريمه ..
|
|
10/21/2008 12:12:12 PM
|
Manart
Posts 69
|
الف شكر لكل من تواجد في الموضوع سوى مشارك او زائر
اخص بالذكر الاخوان
phd_2009
Karbala
sweetyq8
jmajm
miss_3afeesa
mona_33
al7sasa
abeeek
AL7R_Q8
el7saweya
SHAIMAA
doctor_3
aleidan75
dalloy
bloshi
الف شكر لكم جميعا
دمتم بخير
|
|
10/21/2008 9:58:45 PM
|
XXxxQiQxxXX
Posts 1
|
miss_3afeesa كتب:
السلام مشكورين على هالاقتراحات شكلي بروح الفروانيه
ذويقة
|
|
صفحات
1 2 3 4 |
|---|