|
5/12/2010 3:48:13 AM
|
|
هـــل الزواج قسمة ونصيب ... ؟ (حوار)
|
اكيد قسمه ونصيب قسمه وقدر رب العالمين ونصيب المسلم من رب العالمين
وسبحانه لمن يحب العبد يبتليه سواء بطلاق او بان يكون ارمل او حتى اعزب مدى حياته
انا اختلف معاك ياصاحب الموضوع اكيد اختيار الانسان سواء كان استخار بصلاه او باختيار الاهل او حتى اذا اختار بالعقل وبالقلب واقتناع بمنطق بشخص المتقدم للزواج بس بنهايه اذا رب العالمين قص النصيب الواحد يقول ((الحمدلله واللهم اجرني في مصيبتي واخلف لي خيرا منها)) واولا واخيرا القدر عمر الانسان مايقدر يغيرها حتى لوعاند نفسه مايقدر يعاند القدر
بنهايه ترى في ازواج وايد زينين واختيارهم لبعض موفق بس ممكن مايكون في اتفاق او يدخل بينهم الشيطان او قسمتهم مع بعض انتهت فافضل انهم ينفصلون احسن مايكونون يمثلون جدام الناس واهم كل واحد يكون له حياته الخاصه ومافي اتفاق وموشرط لازم يطلعون عيوب في بعض عشان يبررون انفصالهم
في مثل يعجبني وايد ((لو تجري جري الوحوش غير رزقك ماتحوش ))
والله يرزق الجميع ونقرى قصص ناس تزوجوا عن طريق الموقع
|
|
5/30/2010 12:20:03 AM
|
|
المطلقة ، جريمة أم ضحية ؟
|
اعتقد وجهه نظر المجتمع لخواتنا المطلقات نظره احترام وتقدير والنظره المجتمع السلبيه ماتت من فتره موطويله بالعكس قاعده اشوف البنت الزينه واخلاقها طيبه تتزوج ومافي احد يقول مطلقه ولامومتزوجه يقول شنو اخلاقها من بنته شنو دارسه واخر شي يسالون مطلقه ولابنت
نظرتنا لخواتنا المطلقات طبيعيه مافيها تحيز ولاسلبيه واذا بنتكلم عن نسبه المطلقات بكويت فاقت 70بالميه اذا ماكثروا بعد بس مافي فرق بين مطلقين اومطلقات وبين العزوبين والبنات ولافي نظره سلبيه بالعكس المطلقه حاليا لاتحتاج لزوج تتزوجه مثل ايام قبل عشان يربي عيالها بالعكس تلقاها اهي اللي تشيل عيالها واذا فكرت تتزوج عشان تبني حياه يديده وتدور سعادتها
ايام زمان كانت الوحده من تطلق او يموت ريلها تلقى الخواطيب من كل مكان مرت فلان او بنت فلان ولومعاها كوكش يهال وموحلوه تدرون ليش ماكان في حريم او يبون الاجر بالستر على الحريم
الحين البنات والحريم كثروا وعرسان قلوا المشكله موبس بمطلقات حتى اللي ماتزوجت من قبل مولاقيه
فلاتحطون مجهر على المراه المطلقه ماتدرون شنو الاسباب في رياييل يتزوجون بس عشان اربع الاف ويطلق ويروح يتزوج حبيبته الاسيويه او العربيه وكل من مطلقين او مطلقات من رايي الشخصي ماحب اتحيز لجنسي النساء واظلم الرجال ومابي اتحيز للرجال عشان اتمصلح والقالي ريل ممكن من طرفين الطلاق يضر الطرفين الزوج والزوجه تعددت الاسباب والموت واحد
المراه او البنت الكويتيه مثل الالماسه غاليه وثمينه بس محد يعرف قيمتها الا ولد ديرتها
بنات ديرتي لاتعزفون عن الزواج من عيال ديرتنا وتروحون تتزوجون اجانب هيكي وهنانه
ولابدون حتى التطعيم ماحاش جسمه وبعدها تبجون وتشكون
مايشيلج ويصونج الاولد ديرتج
وانتوا بعد يااخواني ترى ماتحملك الابنت ديرتك وماتربي عيالك وتوقف يمك الابناتنا وتشرفكك مثل ماتشرفنا
ترى ملينا من هالشباب اللي يتزوجون فلبينيات وملامح الاعيال تقول بشرق اسيا موالكويت
شكرا تقبلوا مروري
|
|
7/18/2010 11:04:01 PM
|
|
ماذا يفعلون البنات في نصف الليل ....؟؟؟
|
اخوي كويتي برونزي ليش دايمن مواضيعك عن البنات ليش ماتتكلم عن مواضيع تخص الشباب وتفيد البنات بمعرفه شخصيه الجنس الاخر الغامض اعتقد مافي موضوع يشرح لمشتركات عن فئه الرجال عشان جذيه تلقى بنت تتاثر وتنصدم باي شخصيه تصادفها طبعا موالكل بس فئه بسيطه
1.البنات في منهم تصلي وتقرا قران قبل لاتنام
2. وفي بنات يدرسون قبل لاينامون
3. وفي يطالعون تلفزيون مسلسل قبل لاتنام
4.وفي بنات من تحط راسها على المخده خمدت تقول تمساح
5. وفي بنات وايد تلقاها قبل لاتنام تزهب ملابس الدوام الصبح وملفعها واذا سفور تستشور شعرها تقول كانه باجر العيد حق الصبح لمن تخلص تتكلم بموبايل 5 او7ساعات وتروح الدوام سهرانه
موكل البنات نفس المضمون موضوعك يكونون بشكل الساذج اعتقد لمن تتكلم عن فئه المراهقات الللي قصب تبي تتاثر بمسلسلات التركيه ههههههههههههههههههههه او تاخذ الجانب الرومنسي للبنت بشكل موضوع
عموما شكرا لموضوعك واتمنى تطلع البنات بصوره اكبر وارقى من هالصوره الكئيبه
|
|
7/20/2010 3:40:53 AM
|
|
ماذا يفعلون البنات في نصف الليل ....؟؟؟
|
noora عجيب ردج اختي كلامج واقعي ويلامس الواقع وااايد عسى الله يوفقج ويرزقج بزوج صالح يارب
وحمدلله لاول مره احسن في بنت ترد بطريقه عقلانيه وواقعيه بمنتدى على موضوع لان اغلب البنات ردودهم مضحكه وايد تقولين جنهم داخلين امتحان اي صح انا جذيه ولالاحمدلله انا موجذيه يلمعون حق اعمارهم قصب يحسسون اللي يقرى ان بنت تافهه
|
|
8/9/2010 11:18:44 AM
|
|
ماذا يفعلون البنات في نصف الليل ....؟؟؟
|
البنت اللي مافيها احساس معناته انها مافيها احساس للي جدامها ماتحبه ولو بتشبلها اصابعك شموع اكيد عمك اصمخ يمكن مااستلطفت الشخص او ممكن تحب انسان ثاني والله العالم بس مااعتقد في بنت بدنيا مافيها احساس لانها رومانسيه بطبعها حتى لو تختلف شخصيه عن ثانيه شي الوحيد اللي يجتمعون في نساء الكون العاطفه والرومانسيه
مساله جاسيه ماتصير جاسيه الالمن تكرهه اللي جدامها او تكووون تتغلى حاسه بغلاهااا وتحب تعذب اللي جدامها
انصحك جرب تكون حنون بكلامك ومهتم بسؤالك عنها حتى على اتفه الاسباب تكون كبيره عندها ولاتحاول تكون غيور وايد تكرهك خلك معتدل وتغلى شوي عليها((خلك خفيف الظل عليها))لاتلصق بويها وايد
بس دايمن البنت تحتاج جو الرومانسيه وعاطفه اكثر من اي شي ثاني
في وجه تشابه بين البنات والقطط مع احترامي لكل جنسي الاناث ولاتقليل من شانهم بس لابقيت تعرف شلون تعرف تتعامل معاها ييبلك قطوه وحاول تعرف شلون تتعامل معاها صدقني بتشوف تشابهه كبير بالاطباع بالغيره والتعامل والحنيه حتى لمن تعصب تلقى اول ماتاذي شخص القريب منها
الله يهديها لك ويوفق مابينكم بالخير
|
|
8/9/2010 11:40:42 AM
|
|
تزوجت من النت
|
كلامك اخ طلال معقول وايد بس موقع مومن تعرف وحده على طول بتملج عليها اهو اللي داخل بنيه زواج بيكلمها ويتفاهم معاها ويحاول يتفقون بعقلانيه وواقعيه عارف شنو مواصفات البنت اللي تشاركه حياته وماراح تاخذه العواطف بالعكس بيكون زواج ناجح اذا الريال مومعقد وشكاك
بس الواحد يقول بداخله حتى لمن الوحده كلمت واحد بالنت بنيه زواج مايعرف عنها الااطباعها وشخصيتها مفروض كل بنات يكونون حريصين ونفس المعادله ممكن تتزوج وحده عن طريق زواج تقليدي وتكون ماخلت واحد في الديره الاكلمته
وشي طبيعي مثل ما الريال يستحي يقول عارف مرته من النت نفس الشي البنت شتقول بس اعتقد هذا شي خاص بينهم مفروض مايقولونه ولاشي ينفع الناس اذا قلته
انا اشوف البنت بالنت تدور نصيبها وولد الحلال احسن ماوحده تترزز بمطاعم وكافيهات وموضه تسحب امها معاها المسيكينه عشان تتزوج
بيوت الكويت مليانه بنات حلوين وبنات ناس ومحترمين موناقصهم شي بس تلقى يمكن فرصتها في الحياه قليله بس بالموقع افضل ونفس ماانتم يالرياييل تبون تختارو ن هم البنت من حقها تختار شريك حياتها وتتفاهم معاه
لاهي مغنيه ولاممثله عشان يستحي منها واللحين الموضه شباب الديره يدورون الفنانات والرقاصات وياخذونهم وعندهم عيال منهم وعادي ليش حاطين على بنت الديره اللي كافين نفسهم عن زوير وعوير وتطلب الحلال
عموما الله يرزق الجميع ويوفقهم
|
|
8/9/2010 12:02:06 PM
|
|
بس بالكويت
|
حمدلله احنا بديره الخير واحسن من غيرنا ولن شكرتم لازيدنكم
والله اخوي احنا بكويت ماقلت البركه الامن التذمر والشكوى عدوى انتقلت لجميع الناس حتى الغنايا يتشكون
بس مره شفت برنامج شيخ دين قال انه من(( الكبائر)) المسلم يتذمر ويتشكى وينسى نعم رب العالمين واحنا بخير ونعمه
حتى الفقير الي مولاقي شي ياكله اذا قال الحمدلله ودعا ربه بيرزقه فما بالك بخير ونعمه نعمه الامن الامان والحريه وديمقراطيه وبلد الخير اقلبيه احسن الشهادات والوظايف ومافي احد يوعان وووووووووووووو
لارياضه ولاالسبايكي ولاالسفر ولااللستات ((شخباري)) ولابويات ولامدرس الخصوصي ولاالزحمه ولاطماشه ولاالليزر والميكب ولاالمذيعات ولاولا ولالالالالالا
بترفع قدر الانسان عنده ربه ولابقدر نفسه ناقصنا الايمان وطاعه الرحمن
خل نسوي شعار يديد لاللتذمر ولاللكلام السلبي هههههههههههههههه يمكن نقدر نغير عقليات بعض الاوادم بس على مر السنين لانها متعصبه
نعمه الستر ورضى رب العالمين كافيه علينا
اعتقد عندنا محتاجين احد يذكرهم بالنعم اللي عندنا والله يفكنا من قنوات التذمر والشكاوي الفضائيه ويفكنا من مجلس الحراميه والصراخ والردح صدقني بتغير مفهوم عند الكل
|
|
8/22/2010 4:36:50 AM
|
|
تعالوو يابنات موقع خطبه ابيكم بكلمه راس
|
((احب الحب)) مافي بنت صادقه ماتجاوب على الشخص اللي يسالها الااذا حسسها انه محقق وقاعد يستجوب وهذي فئه كبيره اللي يبي يسال لازم في بدايه يعرف عن شخصيته وشكله ووزنه و.......... واكيد بعدها لمن يسال بتجاوب البنت بس لمن واحد يدز وين ساكنه شنو تشتغلين شنو شهادتج تحس الوحده انه مصلحه او يبي يعرف اهي من بنته
نفس اللي نشوفهم اييون يخطبون عن طريق الاهل يكون مصلحه
شي الثاني الوزن لازم الوحده تكون صريحه وبنات اغلبيه محافظين على شكلهم
بس انا اللي اشوفه عيال الديره مع بنات الديره يسالون عن كل شي بس خل يتزوج من بره الديره تلقاه اللي يعرفه عن زوجته الاجنبيه تطبخ وتنظف ومصروفها خمسين دينار وشعرها مدهن مايفكر لمن اييب عيال منو خوالهم شنو بتاسس شخصيتهم واغلبيه شوفوهم بكنيسه يودي مرته الفلبينيه تتعبد وفي كويتيين وايد ديانتهم بجواز السفر وعند اهله مسلم ومع مرته ديانات اخرى مابي اذكرها ولو مرته كويتيه حتى ماله خلق يوديها الطبيب لامرضت بنص الليوله
مشكله زواج بغير بنات الديره يمكن في بدايه غير مكلف ماديا بس في المستقبل مكلف موبس بالماده بالنفسيه الزوج بنظره المجتمع لرجل وابنائه وتغيير ديانته ونسيان عادات وتقاليد وهذا اللي يميز مجتمعنا الخليجي والكويتي والدليل روحو بكرسميس ولايوم الاحد الكنايس وشوفو شباب الكويت عيال الحمايل والعوايل شلون قاعدين يتعبدون ومع حريمهم ونسبتهم حاليا ارتفعت
لاتاخذكم النزوه وتركضون ورى سراب بنهايه تتجنس وتييب عيال وتطردك من بيت وتخليك مديون وفوق كل هذا تتطلق من كويتي وتتزوج من واحد كانت تحبه ووايد صارت
ولد الحموله الكويتي اعتقد مورخيص يدور بره ديرته عن شريكه حياه رخيصه تشيل اسمه وشرفه الا الي يبيها من الله يكون مرفوض من مجتمعه والكل رافضه سواء سمعته موزينه او يكون مينون او معقد عليه بالف عافيه
الله يوفق الجميع
|
|
8/24/2010 4:21:56 AM
|
|
تعالوو يابنات موقع خطبه ابيكم بكلمه راس
|
اخوي حسين ضحكتني هالجمله
((يامعشر النساء)) أغلب الرجال الجادين اتو الى هذا الموقع من فشل شنيع وخسارات بالمال والاهل من الزواج الي ماتبي ترد شحقه حاطه بروفايل ؟
مسلسل تاريخي
الله يعوض خسارتهم(( الخساره بالعمر مو بالفلوس ))
|
|
9/14/2010 6:53:14 AM
|
|
زواج المسيار
|
ليش ماتتكلمون عن ناحيه الانسانيه وعاطفيه للمراه من ناحيه زواج المسيار
المشكله عندنا بديره ياخذون اللي يبون ويخلون اللي مايعجبهم مافكرتم لودرت زوجته الاولى اكيد الزوجه الثانيه اذا بتزوج مسيار بتكون حياتها غير مستقره وحياه خش ودس ومشكله الكبيره لمن الريال ياخذ الحلال من دين وينسى الحرام ((يتزوجها وتكون مكان للترفيه فقط ويشترط عدم الانجاب واذا وافق انهم ينجبون مشكله الاطفال شنو ذنبهم يعيشون من غير اب ومايعرفونهم ومشاكل مالها اول ولاتالي ))
الرجل صاحب الشخصيه القويه وبنفس الوقت يدور الحلال ويبي مسيار لازم زوجته الاولى يكون عندها خبر وبنفس الوقت يكون عادل ولايشترط عدم الانجاب اعتقد الي نشوفه الحين اللي بيتزوج مسيار يبي بالسر وبعد يكون خواف فنصيحه لايفكر يتزوج عشان بنات الناس مولعبه الدين كرم المراه فلاتستهويه نزوته لاهانه المراه
هذا رايي الشخصي عندي اعيش طول عمري عانس ونصيبي حمدلله بيد رب العالمين موبيد عباده ولا اعيش هالعيشه واللي ترضى تعيش بهالطريقه تكون ياسه من الحياه او مكسوره من داخل
تقبلو مروري
|
|
3/13/2011 4:34:09 AM
|
|
زواج المسيار
|
اختي مجنونه فيك
الله يكون بعونج ويعوضج باللي احسن منه يارب بس هالمره الثانيه تريثي بالاختيار
الرياييل مونفس الشي لاتدعين عليهم ادعي على من ظلمج بس
الزواج لازم يكون بقناعه وبنفس الوقت تفكرين بكل الجوانب <<الاستقرار النفسي+الاولاد+سمعتج بالمجتمع لو فرضنا طلعتي معاه بتكونون اسفه نفس العشيقه بعين الناس بيخاف احد يشوفج معاه +رضى اهلج وعايلتج بيرضون بالوضع المهين لكرامتج كباقي النساء مااعتقد ان في كويت نسينا عادات وتقاليد ورضى الوالدين والاهل على زواج
السنين الماضيه بكويت ماكان عندنا انواع الزواجات هاذي والواحد يستحي يطلب زواج بسر ولاولاولاولا كنا بس نشوفه بالافلام العربيه بس تعدد الثقافات والاصول خلفت تبادل ثقافات بين دول لنا هههههههههههههههههههههههههههههههه
اعتقد الاسلام كرم المراه من جميع الجوانب الانسانيه وفي المجتمع ليش نظلم نفسنا بمرحله زواج ممكن بشكل اكيد تكون مؤقته وقصيره وفيها مهانه ولعب بمشاعرج
وحرمان الانجاب ليش الاسلام حلل عدم الانجاب او اسقاط الجنين ياناس الدين شوفوه وافهموه من جميع الجوانب موتاخذون اللي تبون وتخلون اللي تبون
ولا بعد صايره موضه يعقدون القران ومايوثقونه بالمحكمه اي انسانيه فيهم
اعتقد انتهى عصر الجواري تبون تتزوجون مسيار جيبولكم حريم من بره بنات الديره فوق كل اعتبار
الاسلام شبه النساء كالقوارير
ليش تظلمون بنات الناس واللي يعجبها زواج المسيار ولها ظروفها عسى الله يوفقها بس لاتنصح احد فيه
بس تعبنا غيروا الموضوع البنات صار فيهم اكتئاب ههههههههههههههههههههههههههههههههه
|
|
4/3/2011 3:22:35 AM
|
|
تعارف وتواصل!
|
الله بالخير للجميع:
مشكوره اخت دينا للموضوع
بس المشكله موبالجديه فقط المشكله بالشياب كبار السن اللي يحاولون يلعبون يعني واحد عمره 60 سنه ومتقاعد يبحث عن بنت صغيره وفري ومنفتحه بذمتج هل قصده شريف
ولاشاب يبحث عن بنت منفتحه وتحب السفر وايد وتكون ستايل كل هذا شروطه وكيفه بس لمن تتكرر امراه منفتحه عند كل رساله توصلج وكل بروفايل يمر عليج
تحطين مليون علامه استفهام شلون بيتزوج وحده وبتشيل اسمه وتكون مرآته في المجتمع ويبني عليها الانفتاح اعتقد مو الكل مشتركات تكون منفتحه فكريا اذا يقصد الانفتاح الفكري يمكن تكون من بيت مغلق وعايله متدينه وبالكويت كلها ماافي الانفتاح مثل الدول في الخارج تحكمنا عادات وتقاليد وتربيه سليمه ولاشرايكم
لمن واحد يكتب بالبروفايل ماحب اصلي ولابي ااصلي ولاامثل واحب اعيش حياتي من غير ....................................................................
وكاتب ليش مايبي يصلي اعوذ بالله حسيت اني اقراء بروفايل مشرك
ياريت نتطرق حق كلمه منفتحه وماهو كلمه الانتفتاح عند المقبلين للزواج واللي بييبون جيل قادم .........................................................................................................وتكون شرط اساسي ومكرره الكلمه كذا مره
اكيد كل شخص تختلف عنده درجه الانفتاح من شخص الى الاخر
حتى لو البنت من بيئه تعد من عوائل المنفتحه بتفكيرها وعقلياتها بتاخذ موقف شنو الانفتاح اللي يبيه الرجل
للاسف كلام مايدل على طلب شريكه وزوجه مدى حياته تكون متفهمه ومتزنه وراقيه الاخلاق والتعامل
كما لوانه يطلب زوجه تعد مثل العشيقه وممكن تبدل اذا مل منها مثل التيشرت
مااحس اللي يشترك بالموقع يحس بقناعه الحياه لان المغريات واايد يكلم كل وحده ويحس لاابي القى احسن واجمل منها وبنهايه لاتعد له فتره تعارف وبدال مايوصل لفتره خطبه يلقى نفسه كل اسبوع متجدد مع مفاجاه باعتقاده جديده ومثيره للشغف وكل وحده يتعرف عليها يروي لها عن مامر من تجارب البنات المشتركات
ولو ان يبطون الجبد بعض الشباب لمن يدز مسج ممكن نتواصل ورقم موبايله او ايميله
ولازم يعرف اي منطقه ومن بنته او وين تشتغلين ؟واي قسم ووووووووووووووو ((تحقيق لمعرفه تفاصيل بنات الناس ))
((يخلي البنت تجذب عشان تشوف مايته))
وروايه يشوق بها ربعه واصحابه بالديوانيه ليروي لهم تعرفت على بنت الفلاني وساكنه بالمنطقه الفلانيه وتشتغل بمكان الفلاني
طبعا موالكل اكيد في الزين والخلوق وفي بعد الردي والمرتزقه
ياريت اللي يشترك هذا موقع كويتي لبنات وشباب وليس شياب الكويت والكويت صغيره وايد واغلبهم يااهل ولانسايب ولاجيران ولامعرفه اللي داخل يتزوج يكون ستر وغطى على بنت ديرته واللي داخله تلعب ولامتزوجه تبي تتسلى ولاتبي رصيد لاتسيئين لبنات ديرتج بتصرفات تفشل ماعندج رصيد طبعا صادفت مره قريت بروفايل شخص كاتب اللي مواصفات الزوجه يمكن مو اقل من 7اسطر واخر شي كاتب ملاحظه اللي بتطر كرت رصيد ماعندي ولاتراسلني انا موبيت زكاااه هههههههههههههههههههههههههههههههههههههه
موقع الاغلبيه داخلين يبون يتزوجون والستر ولقصد الزواج والعقليات تختلف والبيئه بعد
الله يوفق الجميع وكل مشترك ومشتركه يلقون الزوج او الزوجه اللي في بالهم ونفس شروط اللي يفرضها المجتمع عليهم بس خل نصفي النيه ونحسن الظن بالقادم
|
|
4/3/2011 3:32:53 AM
|
|
من هي الجلحه :)
|
هههههههههههههههههههههه الجلحه بالللغه العربيه هي الشهباء اللون يعني تكون موبلونها الطبيعي سمراء وبلون اشهب عند الاطراف الجسم والكوع
يعني يعطيج لونها رمادي بعدين الله يستر عليها مااعتقد موضوع حلو ينكتب عن هالمواضيع هالموضوع عن النظافه الشخصيه والنظافه انواع موبس بالغسيل والاستحمام
الاهتمام بالنفس الظهور بمظهر جيد يمثل صاحبه ويرضي نفسه
حلو الاهتمام بالنفس للمراه ولكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟من غير كتابه الموضوع في منتدى مشترك مع الرياييل هههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
|
|
4/3/2011 3:51:02 AM
|
|
للنساء (خاص)
|
اختي نثيه اول شي شلونج وشكرا على المعلومه القيمه والنصيحه الحلوه
بس حسستيني كآن المشتركات من حفر الباطن والا الخفجي بنات الكويت السنع كله وفي طرق وايد افضل
بالنسبه لليمون ومادري شنو يعني سنفره
حلو ان الوحده تهتم بنفسها بس بطريقه خاصه بينها وبين خواتها او صديقاتها او عياده جلديه (( تتبادل الاراء والخبرات))
بس الاحلى لمن تكون مهتمه بنفسها ويكون فيها حياء الانثى العربيه واهتمامها بشكلها ضروري ولكن الاهتمام بشكل الداخلي المضمون والشكل الخارجي جسمها وعنايتها بنفسها
يعني لوكل بنت تسوي معادله اهتمام بالشكل+اهتمام بشخصيتها وطريقه حوارها يكتمل جمال المراه وتكون جميله بلامنازع 100/100
بس مشكله لمن نشوف بنات بديره ولاشباب شكلهم وايد حلو بس تلقينهم من داخل فاضين مافي حوار ولاحياء بالكلام ولامواضيع مفيده تعطي انطباع جيد وتفيد غيرها بثقافتها
مع ان حياء الانثى نصف جمالها فللاسف نحتاج بالديره جرعه حياء وتطعيم من الصغر
|
|
4/3/2011 4:30:44 AM
|
|
اكثر ثلاث مشاريع ربحا
|
يعطيك العافيه صاحب الموضوع:
مشروع يعتمد على دراسه والتسويق بس المشكله حاليا يمكن بال6 الشهور الماضيه حال السوق واقف باستثناء مشاريع اللي تعتمد على تقديم خدمات مثل ((صالون+المقهى +مطاعم +الحلاقين+سبا +................................................................))اي مشروع خدمات
اما عن مشاريع الثانيه الناس مديونه والبورصه متقلبه والمجلس متازم والوزراء بيتغيرون كل 7شهور الوضع مومستقر والاقتصاد وايد نازل
الا اذا بتفتح مشروع يديد على السوق لازم يرضي ويخدم لجميع فئات المجتمع وتكون عندك ممول مثل المشاريع الصغيره والبنك الصناعي احتمال ينجح بس الاصعب تقدر تحافظ على ربحيتك مده طويله
في مشاريع وايد بس مومن سوق الخليج وتقليد الاعمى اللي صاير لازم تروح غرفه التجاره وتاخذ الكتيب لمحلات او وكالات صغيره او سلع موجوده بالخارج وتحتاج تفتح بالخليج وتكون شريك وتكون النسب مدروسه للطرفين او بالنت تبحث عن الجديد
مشكله بالمشاريع سواء صغيره اوكبيره تحتاج تسويق وتسويق موبس بالاعلان
وضع سوقي معين يتوفر فيه كافه الجهود التسويقيه ويرتبط بظروف البيئه مفضله للاعلان ووقت المناسب اللي تقدر تدش السوق الكويتي بتوقيت مناسب واهم شي المصداقيه وجوده البضاعه او المنتج بالسعر ((((((كل ماكانت البضاعه بجوده عاليه كل مازاد سعرها وطلعت بربحيه وثقه الزبون)))))))))))))
فنصيحه لكل شخص يفكر بالتجاره يركز على 4 شغلات مهمه:
تحديد وتحليل الشغلات اللي مومتوفره بالسوق ومطلوبه او ممكن تكون مرغوبه عند الناس
يدرس المشروع من جميع النواحي +التركيز على الترويج ((دعايات واعلان ومكان مناسب للتسويق و مكان المشروع))+ولازم راس المال للمشروع تقدر تغطيه او نصه بمده لاتقل عن 6شهور لان المشروع عادتن مايبين الربح الا بعد سته شهور
استغرب اللي بس يركزون على نوع البضاعه ولانوع المشروع وبس
الله يوفق الجميع وحلو لمن تشوف كويتي اوكويتيه فاتحين مشروع اتوقع لو مو ظروف الاقتصاديه للبلد واللويه اللي قاعده تصير بالشارع الكويتي من مجلس امه اهي اللي قاعده تشغل الناس بامور السياسيه اللي قاعده تلهي الكل عن مصلحته سواء كان تاجر او مستهلك
|
|
4/4/2011 3:19:10 AM
|
|
تعارف وتواصل!
|
عليكم السلام والرحمه :
خيتي((((((( دينا ))))))))))
تفائلي بالخير وان مالقيتي الشخص المناسب في الموقع خلي دخولج للموقع فقط للمنتدى ومواضيع تفيدين وتستفيدين بس تفائلي وصدقيني النصيب الحمدلله بيد اللي عينه ماتغفل عن عباده ولاتعتمدين اعتماد كلي على الموقع وحمدلله نصيب الانسان موبيد الناس
بالنسبه ياريت خليت ردي كموضوع لامااعتقد اني اقدر اكتب مواضيع مجرد ادخل للمواضيع للمعرفه فقط وللرد اذا كان عندي رد اوتعليق
فالموقع(( روايه طويله ومتنوعه )) فيها قصص وايد تعكس عقليات الرجال في المجتمع بس للاسف ان اغلب الرجال مو الكل طبعا اللي يكون دخوله للموقع نتيجه لجرح من طلاق وقصه فاشله له ومعذور من حقه يدور بتركيز اكثر ومن غير مشاعر وعواطف يعني يختار بقناعه بس وياكثر المرضى المنسيين هنيه ههههههههه او مجرد تسليه يمكن يصيد له فتاه من اللي خبره او مجرد فضول يبي يعرف قصص البنات وفي المتدين اللي يبي يتزوج من الثالثه والرابعه وباعتقادي الموقع لايحتوي على المتدينات ممكن يلقى ملتزمه بس داعيه اكيد مستحيل بس انشاء الله يلقى موقليل على رب العالمين
واكيد لوخليت لخربت اكيد في رجال الجادين في الموقع يبحث عن العقل والتفكير ودليل دخوله الموقع واختياره بنت لم تضع صورتها
بس نصيحه للبنات اللي مشتركين مهما كانت نيتها للزواج لاتضع سمعتها واهلها في موقف لاتحسد عليه((((((لاتضع صورتها)))))))) حتى لوصوره وهميه لتبقى مكرمه بعين الكل نفس ماكرمها الاسلام
اما خلفيتي عن البنات اهنيه قليله لان مااقرى غير تعليقات مجاملات وتتميلح عشان اللي يقرون
بس جد اختي دينا كثري من مواضيع تفيد البنات لان اغلبهم يدورون الرومانسيه وفيهم سذاجه ومايدرون شنو الموقع قصدي الدنيا مخبيتلهم مواضيع مفيده مانبي بس ننتقد المشتركين وينتقدونا وكل وحده او واحد يقول قصص
نبي مواضيع قيمه تفيد الكل ريال ومراه
يعطيج العافيه وتقبلي مروري الوايد ههههههههههههههههههه سموحه حبيبتي
|
|
4/8/2011 1:47:04 AM
|
|
لماذا البنت لاتتقبل زواج من رجل متزوج ؟
|
الرجل المتزوج :راعي البالين جذاب هل يستطيع ان ينصف بين الزوجات
اعتقد البنت او المراه الى تتزوج رجل متزوجه بقناعه ومن غير ظروف تجبرها لزواج من متزوج تكون واعيه وشجاعه و((عديمه احساس ))
اما في واقعنا الغريب جدا قبل الوحده تتزوج المتزوج لان زوجته مريضه او تكون مجبوره لان ولد عمها او من اقاربها
او تكون ارمله ومالها خواطيب او جيكره والله يوفق الجميع
لكن حاليا الوحده تتزوج متزوج او مسيار لاسباب عده تبي حريه ولاتبي فلوس لازم يكون غني ولالو فقير ماتبي حتى لويكون ملك جمال واخلاق وعايلته اصيله
((((((موازين الدنيا تغيرت +الجيل وطريقه التفكير تغير +النظره المحصوره فقط على نظريات مستورده من الدول المجاوره ))))))))))))))))))
يمكن عند البنات او البعض منهم قبول تكون بنظرتها تبي لومتزوج عشان تنطلق للدنيا بعينها الصغيره
ولكل شغله عله هههههههههههههههههههههههه بنظرتي الخاصه لاافكر ولاحتى يطري على بالي اتزوج متزوج ولي ماارضاه على نفسي لاارضاه على بنات الناس يمكن البنت تنظر بعواطفها للامور بشكل عام وخاص
لاارضى اظلم نفسي ولااظلم المراه الاولى وقناعتي في الحياه ((((كما تدين تدان )))))))))))ونفس ماانحطيت شريجه بتنحط على شريجه
ولانفكر بس باعمارنا هم اهالينا الله يطول باعمارهم ويخليهم لنا من زمان اول ماراح يرضون يزوجون بنتهم بطريقه مسترخصينها لشخص مايمكن يقدر يكون لها استقرار ويا امنونه على بنتهم
اول وتالي لكل شخص وجهه نظر
|
|
4/10/2011 2:57:59 AM
|
|
ما مدى قبولك بمصارحتك بعيوبك ؟؟؟؟ موضوع للنقاش
|
مشكور اخوي يالعيدان خوش موضوع يعطيك العافيه
انتقادك من الغاليين عليك ...................مرآتك في الحياه
(((لازم انتقاد الشخص لنفسه وتحسين اخلاقه مع الناس قبل لاينتقد الغير)))))))
اعرف منو اللي بينصحنى او بيوجهني بانتقادات مافينا الكامل بس يعتمد على مكانه الشخص الناصح وعلى شنو ينصحني وهل يتقبل نصيحتي عشان اتقبل منه نوع العلاقه نفسها واكيد مافي شخص مايتمنى احد ينصحه بس موشخص يتزوج وحده ومن بدايه ينتقد ولاصديقه تغار وتنصح او شخصييه مرجوجه غير موزونه بالحديث
في بعض الانتقادات بنائه وتنفع الغير
وبعض الانتقادات تكسر الانسان اللي جدامك وتقلل ثقه بنفسه
باعتقادي اذا بقيت انصح شخص ولاينصحني لازم في البدايه تكون العلاقه وتعامل مرن وااااايد
وثاني شي اذكر له ميزاته واعزز ثقته بنفسه بطريقه ماتضايقه يعني مدح في البدايه واذكرله شلون ابي مصلحته واحب الناس تشوفه بصوره احلى وبعدها اقوله او لهاا لو بس هالشغله ((.......اذكرها............)))
ونفس الشي حقي اذا بسمع انتقاد او نصيحه لازم (((يكون الناصح او اللي بينتقدني شخص مهم بحياتي او له معزه ويكون يحبلي الخير اثق برايه ويهمني نظرته فيني +لازم اللي ينتقدني
مايكون في نفس الطبع الي ينتقدني فيه + واهم شي (((((((((((((((((((((((((((((طريقه اختياره لكلام ونبره الصوت تكون
هاديه ))))))))))))))))))))))))))))))) يعني مايكون يتكلم بنبره صوت عاليه وينصحني بطريقه احترمه ويحترمني واستفيد من ملاحظه واقدر اغير الشي نفسه
تقبلوا مروري
|
|
4/10/2011 3:25:40 AM
|
|
الرجل الكويتي
|
ياريت يرجع زمان اول
الام والاب الكويتي اهم اللي ياسسون رجل المستقبل وتحميله مسؤليه البيت والخوات ويجلس بالديوانيه من عمر المراهقه كان تاسيس مافي منه
((طبعا قبل لايشيلون الدواويين)) البلديه الله يسامحهم
بس للاسف موالكل بس في نسبه تبروا من عاداتهم وتقاليدهم وتربيه خدامات من الثقافه الزايده اول مايعلمون الطفل انجليزي بدال مايعلمونه الكلام الكويتي العتيج
واعتماده على الخدامه الاسيويه بكل شي حتى يصل سن معين ويبتدي بالهياته بمجمعات ويلبس لبس غريب واصبح متداول في مجتمعنا والكشه اللهم ياكافي ويشيل الشنب ومستانس على براطمه الورديه
الله ميزه عن البنت بشنب او لحيه ناعمه تعزز رجولته وتحلي ويهه طبعا نادر نشوفها بشباب الكويت وبعدها يروح يدرس بالخارج والابوين يبعثون له المصروف بدال مايعتمد على نفسه يشتغل العصر ويدرس الصبح لامايصير صايره موضه دلوع البيت
ومن يرجع يزوجونه
واهو وماعمره واعتمد على نفسه شلون يفتح بيت ولاتصير شغلته بعد الزواج الفراره مع مرته الستايل الي تلبس هههههههههههه لبس اللهم ياكافي كانها غير متزوجه ولاعلى ذمه رجل بمطاعم والمجمعات ومن لمن تحمل وتولد يبتدي باسلوب يديد يغازل ويهايل بالدائري الثاني اللي يسمونه ((شارع الخبث اسفه شارع الحب )) عشان يثبت لنفسه تمسكه بحياه العزوبيه ويرضي غروره انه مرغوب وبنات تعجب فيه
وهكذا اغلب حيات بعض شباب ورجال جيلنا الحلو واللهجه اليديده مصطلحات مصطنعه غريبه((اي شي +نقز +............................))طبعا قبل البنت كلامها غير عن الريال لان الريال كلامه ناشف وموزون اللحين الكلام نفس الشي ولابعد حتى الصوت صار موحد كله دلع ماتعرف الريال من البنت ههههههههههههههههههههه اسفه بس هذا الواقع
طبعا موالكل
جيل قبل افضل بوايد فيهم الاتزان والمرونه وتحمل المسؤليه والقياديه لانهم تربوا بطريقه جلفه وصعبه طلعت رجال بهم خير بس اغلبهم متزوجين ومستقرين بحياتهم
تقبلوا مروري بس الكلام اكيد مو عن كل الرياييل بس البعض او الاكثريه
|
|
4/10/2011 3:42:49 AM
|
|
مـــــــــــــــــــن أنــــــــــــــــــــــت ؟؟
|
حلو الموضوع بس اكيد موالكل يكتب تفاصيل حياته بالمنتدى انما بعض المعلومات الاساسيه ومتطلباته في البروفايل عشان الاحساس بالخصوصيه
حلو كلامك اخوي طلال بس في فقره من كلامك تسيء لبلدي الكويت انتقادك لعدم اعطائك الجنسيه او .................................................................لاتكسب تعاطف فتيات بانتقادك لبلد تطمح ان يعطونك الجنسيه
الموقع للزواج وتعارف للخطبه
وليس موقع تعديل الوضع او موقع لااعطائك بطاقه امنيه:
كلامك اللي كاتب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بحكم انكم من الكويت وتدرون عن الاسباب اللي خلت الجيش الكويتي صار كله جنسيات مشكله
ارتيري صومالي اثيوبي يمني اردني سوري عراقي امريكي هولندي الخ
وكله حبر على ورق
بسبب الحكومه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عدل وضعك او نطردك من الجيش وماتاخذ مستحقاتك هذا جزى اللي دافع عن الكويت وحمل السلاح بيوم الغزو !!
فا هذا اللي صار وييه ابوي
صار معاه هالكلام وراح واشترى جنسيه يمنيه وما قبلو فيها وراح اشترى سوريه وما قبلو فيها وبالواسطه قالوا خلاص نقبل فيها
ويدرون انها مزوره حبر على ورق
ليش !! عشان العيشه الكريمه صعب ان الواحد يقدر يعيش من غير الكويت
موظف وغير موظف
يوم القى وظيفه واستقر فيها
ويوم يقولون لا والله اخوي نبي بدون !! هذوله من اهل الديره ويعرفون العادات والتقاليد زين وانا وين رحت مو من اهل الديره !!
مو انا كنت بدون ولاجيت ابي اتوظف قالوا لا نبي تجيب جنسيه حتى لو اسرائيليه ونوظفك والله يا اخوان هالكلام صار معاي
بالوقت الحالي قاعد اكمل دراستي 3 ثنوي بعد انقطاع عن المدرسه من سنه 2000
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هل كلامك لاعجاب فتاه احلامك ولاتعودوتوا تنتقدون الديره الللي كليتوا من خيرها وتتمننون عليها وتطالبون باعطائكم الجنسيه ؟قصب
اظهر مزاياك ولاتظهر الجانب الاخر من حياتك واعتقد لاترضاها ان تنظر لك اي فتاه نظره تعاطف
اتمنى من الاداره اعاده النظر في الفقره اللي طبعتها من ردود الاخ طلال لانه كلامه يسيء لبلدي الكويت وفيه انتقاد يقلل من قيمه بلدي لدى بعض المتطفلين علما الموقع خاص فقط للكويتين وللزواج فقط
اسفه اخوي طلال ردي جارح عليك بس هل تعتقد عقب الكلام اللي كاتبه تبي نتعاطف معاك اكيد لا
|
|
1 2 3 4
|