|
صفحات
1 2 |
|---|
|
5/6/2009 7:19:21 PM
|
Cayenne_S
Posts 4
|
السلام عليكم
قبل جم وانا راد للبيت شغلت الاف ام وولا في برنامج وطارحين خوش موضوع وحسافه انا صدته بالاخير
المهم الموضوع كان مشاركه من المتصلين ويقولون شنو احسن ثلاث مشاريع ناجحه بالكويت وليش ؟
فياريت يتشاركون الجنسين بهالموضوع ويقولون شنو احسن ثلاث مشاريع وليش
يمكن الواحد يستفيد اشويه
والتوفيق للجميع
|
|
5/18/2009 7:14:37 AM
|
kuwaitya_q8
Posts 1
|
[color=#FF00FF]اول شي سلام عليكم
موضوعك حلو انا بارايي افضل مشاريع بالكويت اهيا مقهى واكثرها مربحه للشباب وثاني شي مطاعم شي مايوقف بالكويت وصالون للحريم هذا اكثرها بالكويت
واحب اضيف نوادي بعدهذول الاشياء ماشيه بس الي يتك تكها عدل لان لزم تكون مميز بينهم 
|
|
5/20/2009 12:07:23 PM
|
Yyyyyy
Posts 1
|
السلام عليكم
بالكويت وايد مشاريع ناجحة فوق ماتتخيلون و مربحة مثل المقاولات ادخل مبالغ بالآلف شهريا و بعد مشروع تجارة الخضروات فيها ربح موطبيعي و بعد مشروع شركات تصميم المواقع ربحها خيالي ومشاريع شركات السياحة اللي نحجز منها كل صيف واحنا مستانسين  بس كلها يبيلها قلب قوي ووقت , لونلتفت اشوي علي حياتنا اليومية واحنا شنسوي من الصبح لي الليل و شنوا نلبس وناكل و انشوف ونشتري راح انشوف انها كلها مشاريع ناجحة و للأسف نسبة صغيرة منها للكويتيين .
|
|
5/23/2009 3:07:08 PM
|
Cayenne_S
Posts 4
|
مشكورين على هالمشاركه
اخوي Yyyyy مشاريعك قويه ويبيلها راس مال اشويه كبير وهم يبيلها مثل ما قلت قلب قوي بس مشكلتها يبيلها واحد فاهم بالشغله عدل ومتفرغ لها اميه بالاميه لكن مشاريع كويتيه اصغر واتوقع اي واحد يقدر يسويها ومردودها زين وفوق هذا تقدر اتابعها باي وقت
بوجهة نظري اكثر ثلاث مشاريع ماشيه بالكويت اهي المطاعم لان احنا شعب نحب الاكل
ومشاغل الحريم والصالونات لانهم اكثر جنس يحب التكشخ ولكثرة مناسباتهم )
|
|
6/4/2009 12:05:43 PM
|
TEARS1
Posts 13
|
 السلام عليكم
قبل اي شي وبعده لابد من الدراسه ودراسه قويه ... وتخطيط الايجلبي والسلبي وسؤال عنها قبلها وبعدها وبعدها التنفيذ.... بدايتها تكون بدايه صغيره وبعدها ان شاء الله يتممم عليك بكبرها .... ادخل دورات في المعاهد دورات تجاريه منها تستفيد والمشاريع في الكويت ماشاء الله متعدده منها ؟ المقاهي... المطاعم الخفيفه الحرف الصغيره اليدويه .... صالون الاعلانات ... موفقييين ان شاء الله
|
|
6/5/2009 4:02:02 AM
|
AL.QAED
Posts 6
|
السلام عليكم
انا شخص شقولكم جربت كذا مشروع في الي ربحت فيه وفيه اللي خسرت والي مايخسر مايعرف الربح لازم تخسر ولازم تعرف وين الخطا بس تبون افضل مشروع انه يكون مشروعك صافي واذا تبي تشتغل لازم في راس مال برا الراتب ماتقترض هذا الشروع المربح ميه بالميه وناجح وشكرا
|
|
6/12/2009 10:51:03 PM
|
Ms.X
Posts 11
|
برأيي الشخصي
كل مشروع رابح اذا:
1-- اعمل دراسه للسوق والاحتياجات للخدمه التي ستقدمها.
2- كن متخصص باي ان يكون مشروعك ليس متشعب Be focused
3- تنميز فعليا عن الاخرين وتقدم مالم يقم بتقديمه غيرك يعني في مطاعم كثيره بالبلد ليش مطعمك الناس بتروحله بزحمه المطاعم الموجوده الا اذا فعليا في شي مميز لم يقم غيرك بتقديمه او بتقديمه بالصوره التي تقوم انت بتقديمها
Creating a new niche or position yourself smartly
4- اعرف جيدا الشريحه التي سوف تخدمها لكي تتواصل معها بلا عناء
Acknowledge your target segment and define it clearly before starting
5- اختيار الوقت المناسب للبدأ بالمشروع.
وطبعا في عوامل اخرى مثل الموقع المناسب.
وطبعا لا ننسى التوفيق من رب العالمين
بصراحه هذه النقاط الي ببالي الحين
|
|
6/18/2009 4:43:39 PM
|
omani4all
Posts 5
|
بسم الله الرحمن الرحيم
بخصوص الموضوع المشاريع المربحه بالكويت
برايي الشخصي
المشاريع التي تختص بالنساء مثل محلات التجميل و الملابس الداخليه (( الماركات العالميه )) و الملابس الخارجيه و اخذيه نسائيه و محلات الشيلات و العباءات .
صدقونو الي راح يسوي واحد من هي المشاريع راح يربح بس سوي شيء على مستوى وأسال المجرب ولا تسأل الممرضه وانا جربت و الحمدلله توفقت في مشروع شيلات و عباءات و الحين راح افتح محل تجميل نسائي في السالميه و طاقم نسائي من لبنان ز
وشكرا
|
|
7/16/2009 5:28:47 PM
|
adel_aita
Posts 1
|
المشاريع المربحه قطاع الاتصالات والقطاع الغذائى
دا فى رايي لان القطاعين من القطاعات المستحيل ان اى واحد يستغنى عنهم اليوم
|
|
8/4/2009 1:54:59 AM
|
waleed44
Posts 1
|
السلام عليكم
بخصوص موضوع التجارة في الكويت
برايي ان كل شي يمشي بالكويت والحمد الله والكل ما خذرزقة وهذا من فضل الله سبحانه
بس اهم شي تحري الحلال و البركة من الله سبحانه
وتحياتي لكم
|
|
8/4/2009 8:34:46 PM
|
amn8
Posts 4
|
السلام عليكم
اتوقع افضل مشروع وينجح اهو مشروعين
انك تبني عمارة واتاجر الشقق يطلعلك مدخول شهري حلو
|
|
8/4/2009 8:36:47 PM
|
amn8
Posts 4
|
سوري المشروع 2
اهو صالة افراح 5 star
يعني كل شي فيها full service
وشكرا
|
|
8/16/2009 12:23:47 AM
|
fader
Posts 4
|
عندي مشروع مربح ويبيله راس مال ومدروس وقليل المخاطر
|
|
10/20/2009 4:13:23 PM
|
_94927710_
Posts 1
|
شباب اهم 3 مشاريع مربحه في الكويت انك تبيع بنك ونقل وترمز عند الدواااااارلاني رحت الصين وتايلند ويبت بضاعه وصادروهم يقولون ماركات وخسرت ؟
|
|
3/6/2010 10:42:12 PM
|
sony77x
Posts 2
|
والله تبون الحقيقه ان الربح هاليومين صعب من كل الانحاء
|
|
4/27/2010 12:43:54 AM
|
passat
Posts 2
|
السلام عليكم
مسا الخير شلونكم شخباركم
بصراحه في مشاريع كبيره وصغيره والمشروع لازم تدرسه من جميع النواحي وانا احب ادرس المشاريع من واقع خبرتي استفدت من هالدراسه بس مااقدر اسويهم
اول شي بقولكم مشروع صغير ويمكن تعيبون ع المشروع بس لوتفكرون فيه عدل والله تقول صج ناجح وماراح تخسر اي شي
هو مشروع صغير...
تفتح محل خباز عند اي وزاره ويكون فيه فول وخبز وبسكوت وزعتر وجبن والله انزين راح المحل يدخل بشهر مايقارب 1500 دينار انا حاولت اسوي هالمشروع بس الوزاره ماعطوني ترخيص ولا كنت ودي اسويه ماراح يكلفني 5000 دينار المشروع بس عندنا بالكويت الله بخير الوزاره البلديه والتجاره انا ماقلت هالمشروع الا وانا مجرب هالشي في ناس اعرفهم يشتغلون بالوزاره اوك يوصوني على الخبز والبسكوت والزعتر والجبن من محل خباز بالسعوديه بمنطقة الخفجي لاني انا دوامي بشركة الكويت لنفط الخليج وكل يوم رايح وراد واحد وصاني على الخبز والبسكوت انزين والله كل يوم اروح الدوام وانا راد ايبله المهم مره قالي اعطيك 50 دينار وابيك تيب زعتر وجبن وبسكوت طبعا بالنسبه للشي هذا وايد انا حطيت بجيبي 30 دينار و20 يبت فيهم الطلب وعقبها كل يومين ايبله وعليج الحساب ... هذا مشروع صغير
طبعا المشروع الكبير اللي الحين انتهي من دراسته طبعا المشروع هذا يتكلم عن العقار بس مااتكلم فيه بالتفصيل
طبعا مافيه خساره
تكلفة المشروع 10 ملايين دينار انزين بس خلال عشر سنين يرجع راس مالك او اقل بس انا حاط 10 سنين للاحتياط ولايرجع راس المال اقل من هالسنين
وانا اتكلم بجد وبصراحه بس وين اللي يمول حق هالمشروع
انا مستعد اعطي التاجر هالمشروع انزين بس اخذ نسبة كل سنه 20% وانا ادير هالمشروع شرط اقل من 10 سنين راس المال راجع له وزياده بعد ومشروع كبيروخطير
وصعب بالكويت انك ترجع راس المال خلال عشر سنين بالعقار
يعني اعطيكم مثال
شريت بيت قيمته 150 الف دينار انزين وأجرت البيت 1000 دينار شهري جم يبلك على ماترجع راس مالك... جم سنه ؟13 سمه يالله ترجع 150 الف دينار ...كلامي صح ولا غلط
|
|
5/1/2010 6:03:45 AM
|
gulfcraft99
Posts 3
|
والله المطاعم ممتازه بس تحتاج طبخات و شغلات تتجدد دائما بالنسبه بالكويت + موقع + راسمال جيد و القهاوي كثرانه و مشاكلها وايد ام الصالونات اسمع انها شغالة تمام و البعض خسران ما ادري بس اعتقد ان مشروع تصنييع البي و الشيل ممتاز اذا كان عندك مصمم ممتاز + معدات متطوره للتطريز و الخياطه + موقع جيد + اداره ثقه راح تربحون فييها و انا متاكد حسب علمي ببعض اصحاب المحلات .و في مشروع قوي و سهل بس المشكله يحتاج ارض ماحتها 1000 متر او اكثر و اللي عنده الارض راح اقوله شنو بس يرسللي رساله عشان ما احرق له اياه والمشرووع الصح صح ما اقدر اقولكم عليه لاني ناوي اسويه انشاءلله ز و تسلمون
|
|
8/6/2010 11:20:28 AM
|
KingAlayam
Posts 8
|
سلام عليكم الموضوع مشوق صراحه و حبيت أشاركم برأي ويا ريت تتقبلونه بكرمكم
بالنسبه للمشاريع الناجحه بالكويت أنا شخصيًا عندي كذا تجربه و كانت و لا زالت أفضلهم تجربة المطعم و الصراحه في كلمه من الوالد قالي ياها من بغيت أدخل السوق ( التجاره خساره و ربح مو العكس ) ( عينك على مالك دوى ) ( ما ينظر المال إلا صاحبه ) طبعًا أنا أدري فيه من كثر خبرته بالسوق و بالتجاره الحره أهو عنده خبره كبيييييرة فكنت ماخذ رايه على هذا الأساس و لمن نبهني بهل 3 جمل إلي قالهم نبهني على وايد أشياء و حسابات كانت غايبة عن بالي
عاد ما أطل عليكم بس صراحه المطعم من فتحته ليلحين الحمد لله الشغ تمام و على بركة الله و صراحه مشروع الواحد يكون فيه مرتاح من هم الإشكالات الشرعية و هل سوالف الي تعور الراس بالتجاره و المدخول بالبدايه مثل ما قالي الوالد كان خساره و تعب بس ألحين بلش المطعم يشيل نفسه بنفسه و منغير لا نقص و لا زياده بس في بعض الأحيان قاعد يطلع ربح يثلج القلب صراحه و هذا على قولت الوالد بشارة خير و إنشالله الخير ياي بالطريج و أرتاح من تعب هل سنتين إلي طافو ..... عاد إدعولي بالتوفيق و أدعيلكم الله يرزقم بالخير و المشاريع الطيبه إنشالله
و على فكرة أنا هم أنصح بالسوق العقاري بس يبيله قلب و صبر كبييير و راس مال مو أقل من 40 ألف صراحه و ألحين مع ثبوت السوق أتوقع يبيله زياده لأني دخلته من قبل و كان مدخوله حلو بس إتيكم فتره ماكو فلس يدر عليكم يعني تكونون على الحديده و يمكن حتى الحديده ما تحصلونها بس بعد الهدوء هذا تهب العاصفه و تبشركم بخير كبير و علشان جذي أقولكم يبيله صبر كبيير
و أما عن شركة تغذية و مواد إستهلاكيه هم الشغل فيها حلو بس يبيلكم مندوبين لبقين بالكلام و يعرفون شلون يخلصونلكم المعاملات التجاريه مع المحلات و الأسوقه الصغيره بالسوق علشان تفضون إنتو حق المعاملات التجارية الكبيره مع الجمعيات و أسوقه الضخمه و راس مالها 32 ألف مو أكثر هذا بزياده بس عاد لازم إديرون بالكم على مدة الصلاحيه و قلبكم لازم يكون كبير وتعرفون شلون تتخذون القرارات الحاسمه بدون أي عصبيه أو تردد علشان لا تخسرون لأن مشكلة مثل هل نوع من التجاره يا فوق يا تحت ماكو مكان بالنص يعني بالعربي ( يبيلها رجال ) ومو تفهمون غلط رجال بالقرارات مو بالمعنى الحرفي
هذا و سلامتكم و أدعيلكم بالتوفيق و الخير يا رب
|
|
10/31/2010 3:52:10 AM
|
KissTheKill
Posts 9
|
السلام عليكم ورحمة الله
طبعاااااا بتكلم من خبرتي السابقه والبسيطه في مجال التجاره
طبعااااااا عندي مشروع عالمي يبيله رأس مال قوي شوي ومدخوله شهريا مايقل عن 150 ألف دينار وماأقدر أذكر المشروع لأسباب خاصه
أمااااااااا عن المشاريع الناجحه بقولكم ثلاث طبعاااااا كلهااااااا مشروع فيهم مايكلف اكثر من 4 او 5 الأف دينار :
1 _ مشغل ومعرض للعبايات والملافع << طبعا الربح مضمون ميه بالميه أقل عبايه تفصال يمكن ماتقل عن 25 الحين ( أنا جبت عبايات من برى ماكلفتني 15 دينار وبعت اقل وحده على 25 دينار )
2 _ تجهيزات عسكريه << يشمل الخياطه وبيع الملستزمات العسكريه << أيضاااا مضمون للعلم ان كثير من اغراضهاااا مثل البساطير والاحزمه يجيبونها من الرياض وجده بسعر رخيص يعني يبيلهااااااااا مخ << ( أيضا من مواقع تجربه لأحد أقاربي )
3 _ خطاط حتى لوحات العرس وكروت أفراح << ايضا الربح مضمون الأعراس طول السنه شغاله وأقل لوحة عرس حجم 2×3 ب 5 دنانير ونص أو6 دنانير وكل شخص سوي
مايقل عن 8 او10 لوحات وعليكم الحساب , أنا شخصيا بعرسي السابق سويت عشره طلعوا تقريباااا ب 170 دينار لان الكبيره على 8 دنانير وشالوهم البلديه وسويت عشره غيرهم
يعني بروحي تقريبا 300 دينار اجار محل << فكروا فيهاااااا زبون واحد 300 دينار .
وعندي كثييير مشاريع واللي يبي مساعده أو أستشاره انا حاضر
قال الرسول صلى الله عليه وسلم : ( التجاره تلثين الربح )
ملاحظه : لاتنسون أهم شي أختيار الموقع والأعلانات وأنك تراقب شغلك بنفسك لاتعتمد على العماله .
|
|
2/13/2011 9:18:23 AM
|
abomhmad
Posts 2
|
السلام عليكم بما انها اول مشاركه لي معكم
اعتقد انه الكويت اي مشروع فيها بيكون ناجح ميه بالمئه بس
يبيله شويت تفكير ودراسه جدوي
يعني وضع دراسه للمشروع متكامله قبل الاقدام عليه
من كل اتلنواحي من التكلقه والموقع والشريحه المستهدفه
والعائد المتوقع وتوكل علي الله بعد ذاللك وتشوف الخير
لكن بعض اخوانا المواطنين دفاشه لا يخطط ولا يدرس الموضوع يعني
علي البركه يشوف غيره مشروعه ناجح يروح يقلده وهذ
|
|
صفحات
1 2 |
|---|