Khitba.com

صفحات 1
	12/24/2010 10:51:34 AM
dina71 Posts 11	الصراحه ما اعتقد اني راح احقق الهدف اللي انشئ من اجله الموقع وهو اتاحه الفرصه للأشخاص بالتعارف ومن ثم الارتباط. فالطريقه التي يستخدمها 70% من الاخوان الافاضل في الموقع للتواصل والتعارف لا تتناسب مع ما تربيت عليه ولا مع قناعاتي الشخصيه. هذه الطريقه هي استخدام الموبايل او التلفون. يدخل عليك الواحد منهم يسلم ويسأل بس سؤال واحد: في مجال للتواصل اقول نعم تفضل يقول هذا رقم تلفوني اتصلي فيني انطرج!!! ( احلف) انزين يا اخي لحظه نتفاهم اول ما يصير...يقول انتي من شنو خايفه؟! انا ريال مو ياهل...انت ما ودج تتزوجين؟!! واذا قلت مبدأي ما يسمحلي اكلم ريال غريب وما اعرفه يقول اشلون هذا تفكيرج انتي دارسه متعلمه عندج شهاده!!! نعم؟ عندي شهاده انزين خير يعني؟؟ واذا قلت اخوي شخبار التلفون هذا عصر الانترنت التفلون موضه قديمه قال انتي مو جاده داشه الموقع تلعبين!! يا اخي عمرك ما سمعت عن شي اسمه الحياء؟ يعني والله استحي اكلم احد ما اعرفه لا وبغرض الزواج بعد يعني هذا اللي بيكلمني بيفنطني تفنط وما راخ يخلي سؤال شخصي ما راح يسأله وفيج خير لا تجاوبين تصيرين مو جاده وتلعبين! انزين اذا بالغلط ضحكت هذا ما يعتبر خضوع بالقول؟ واحنا منهيين عن هالشي؟ عادي عادي ما ودج تتزوجين؟!! اشدعوه! صراحه انا مادري منو الصح ومنو الغلط... الدنيا صارت تمشي بالمقلوب يا جماعه ولا الاساتذه اللي انا صادفتهم اهني يايين من كوكب اخر وما لقوا شي يحطونه بالبروفايل وكتبوا الموطن الكويت! اكيد اهم يسيرون علينا يزورون الموقع ويرجعون كوكبهم تالي!! لهذا السبب اقترح على اللجنه المنظمه للموقع شاكره ان تضع من ضمن الاختيارات في الموطن : كوكب اخر ..... علشان كل واحد يعرف منو قاعد يكلم!
	1/1/2011 7:21:09 AM
vanilia Posts 13	يعطيج العافيه اخت دينا على طرح الموضوع بس ياريت تضيفين نقطه اذا واحد طلب صورتج او يشوفج لازم توافقين او ان تتم ادانتج بعدم الجديه صح من حق كلا الطرفين الشوفه ولكن كيف تكون الشوفه هي اول الاساسيات مو ممكن تكون المظاهر خادعه ويكون الانسان فاضي داخليا بصراحه اعتقد احنا محتاجين معايير ثانيه في اعتقادي الشخصي بان كل انسان عنده اشياء اساسيه مايقدر يتنازل عنها فهذي الاشياء يجب ان تكتب في البروفايل وياريت كل واحد يقرى البروفايل ان لقى نفسه يخالف هذه المعايير لا يدخل بهدف بجرب حظي المسئله ماهي شخصيه الهدف بناء حياه اسريه مستقره نحن في موقع خطبة اخواني واخواتي الافاضل ولسنا في "الشبره" وياريت يتم اضافه اختيارات جديده للفلتر مثل الشهاده الدراسيه - التدخين- الالتزام الديني حتى نوفر على انفسنا عناء الاحراج مع الشكر الخالص
	1/2/2011 8:26:32 PM
Mr.Saad Posts 19	السلام عليكم مشكوووووره اختي على الموضوع الاكثر من رائع والله انا مستغرب من شي قاعد اشوفه بشكل متكرر في الموقع صاير احزاب وكل حزب قاعد يهاجم الحزب الثاني بشراسه وبعنف ( الشباب يقولون ان البنات مو جادين والبنات يقولون الشباب مو جادين ) دواااااامه مو عارفين نطلع منها ولكن انا اقول انج انتي بنفسج قاعد تجاوبين علي نفسج ( مثال :انتي تقولين ان قناعتج ما تسمحلج انج تتكلمين معاه في التلفون ( وهذا اهو الصح ) ولو كان جاد ما طلب منج الشي هذا علشان جذيه اهو غير مناسب لج ) . يا اختي العزيز ما ننكر ان في وايد بنات وشباب كان لهم علاقات قبل الزواج يعني كان في اتصالات ويمكن مقابلات ....الخ وبعدين تم الزواج وهذا شي قاعد نسمع عنه ونشوفه في الحياه اليوميه ( للأنصاف فقط ) ولكن ما اعتقد ان الموقع انحط لــ الشي هذا . انا اعتقد ان الموقع يختصر عليك امر واحد فقط وهو(( البحث عن زوجة )) والباقي راح يكون مثل الزواج التقليدي والبطرق الشرعيه ولله الحمد الشرع كامل وحط قواعد واسس لهذه الامر انت عندك الشوفه الشرعيه اذا كنت خايف انها ما تعجبك او انتي اختي كنتي خايفه انه ما يعجبج بالطبع هذا بعد ما عرفت كل شي عن البنت عن طريق البروفايل وانا قاعد اشوف ان اداره الموقع شاكرين مركزين على اهم شي لمقومات الزواج ( وصف كامل وشامل عن كل سؤال يخطر في ذهن كل من يبحث عن زوجة ) والشواذ موجوده في كل مكان مو بس في الموقع . انا اعتقد ان الموقع قاعد يقوم في مقام الام عندما تبحث لولدها عن زوجة فتنقل له مواصفات الزوجة او مكان الخطابه بل الموقع افضل لانه يوفر لك الكثير الكثير من الخيارات اذا استخدم بالشكل الصحيح وليس بالشكل الخطء ( نفس التلفون له استخذام صح واستخدام غلظ ) وارجع واقول الناس قناعات في ناس مريضه تعتقد ان النت او الموقع نفس الموقع هذا ما انحط الي للتسليه وانا ما اخص الشباب بس بالعكس هــ شي موجود عند النوعين الشباب والبنات . علي فكره انا ما اقول ان الشاب او البنت ما يتكلمون بالمره بالعكس اذا في استفسار او مواصفات او اسأله الموقع موفر لك الحريه والشخصيه في نفس الوقت من خلال الرسائل الخاصه واعتقد ان هــ شي يكفيك الحرج ومن بعد ذلك من الاسلم ان يتم التواصل مع اهل البنت مو مع تيلفونها ( اذا توافرة الجدية ) وبيني ويبنكم انا اقول ان البنت لزم تتأكد من الجديه في الامر اكثر من الشاب وانها اهي الي تسأل عنه قبل لا يسأل عنها ومن ثما يتقدم لها بالشكل التقليدي هذا زواج مو لعب ( ما بني علي باطل باطل ) شنو راح يكون موقف البنت بكره اذا قال لها الي متقدم لها كم واحد بالموقع كلمتي او شفتي او او او .....الخ البنت بدون ( حياء ) كــ الابريق بلا ماء ( فارغ ) مو معني ان البنت تدش موقع وتبحث لنفسها عن شريك في الحياه انها متحرره من الحياء او انها لا بد ان تتبع كل الطرق الشرعيه والغير شرعيه للوصول الي الغايه وهي الزواج . يا عزيزتي انا اقول ان تخسر البنت الفرصه للزواج احسن من ان تكسب غضب الله عز وجل الزوج بدل منه زوج اخر والتوفيق بيد الله عز وجل اما الخطء بكل الاحوال لا يادي الي لخطء اكبر ( الباب احسن من الشباك ) . انا اوجه رساله لكل اخواني في الموقع خاف الله في تصرافاتك ( فكما تدين تدان ) واعلم ان لك اخت وبنت وانك لا تحب لهن ما تقوم به انت في الموقع او حتي خارجه . وانتي يا اختي العزيزه اعلمي ان الشواذ هم من يلفتوووون الانظار في كل الاحوال اما الاشخاص الطبيعيون لا يلفتووون النظر لكونهم طبيعيون . اسف علي الاطاله والله ولي التوفيق ............ والسلام ختام
	1/12/2011 9:23:57 PM
Inception81 Posts 18	السلام عليكم وحلو منج اختي دينا انج فتحتي الموضوع لان اعتقد وايد فينا صارت لها مواقف بس مستحيه تقول وكلامكم كلكم عدل والله خصوصا ان الطبيعيين مايلفتون النظر لانهم طبيعيين والله يجيب اللي فيه الخير للجميع ان شاء الله
	1/16/2011 1:52:48 AM
DREAM333 Posts 1	السلام عليكم مشكورين على كل الردود الصادقه والجديه في الطرح0000000 وأتمنا من اخواني الجديه والصدق في هذا الموضوع وأتمنا من خواتي كذالك 000000000 أنا واحد صارلي فتره ادور على شريكه حياتي في كذا موقع لكن للأسف الأغلبيه ماخذين السالفه تضيعة وقت ؟
	2/2/2011 11:06:22 AM
Tears2 Posts 96	السلام عليكم ياهلا ومرحبا باخواني وخواتي .....زالصراحه خوش موضوع الصراحه هذا الموقع صار موقع تعارف مو زواج البعض منهم بس حاب يتعرف مو يبي يتزوج ماادري ليش ماسموته (تعرف مو زواج ) هو يقول ابي اتزوج وله شروطه ... ال بس انت تشوف شي ذاني بمعنى والله الصراحه انا قريت بروفايلج وعجبني ممكن تعطيني ايميلج او رقم تلفونج للتفاهم وناخذ ونعطي مع بعض لاباس بعدهها ل يتمادى ...... لا احنا ماعرفنا ان المنتدي بهذا الشي مع احترامي للجميع احنا عرفنى المنتدى للزواج ... والمصداقيه السريه الجديه مو لعب( وكل من هب ودب) الله يسامح البعض ..... سامحونا تحياتي لكم
	2/18/2011 6:16:18 AM
tarikaleeman Posts 1	السلام عليكم ................. مشكورين على الصراحه والوضوح في تناول السلبيات التي ترونها - لكن أقول ان القلوب لها دور في الموضوع فربما يشعر أحيانا الإنسان مدى صدق او كذب الشخص المتحاور معه من خلال اسئلته التي يبدأ بها - وأقترح على إخواني واخواتي أن يلاحظ إذا كان الإنسان الآخر متلهف لمعرفة التليفون ورؤية الصورة والمقابلة فربما يكون الغرض من ذلك كله اللعب وتضيع الوقت فقط . وهذا رأي شخصي وأشكركم على سعة الصدر لقرأت رأيي.
	2/19/2011 1:52:48 PM
Tears2 Posts 96	التواصل والتعارف اصبحت كلمات تكتب ولكن مع الاسف مافي مصداقيه بالتواصل والتعارف ....مجرد يبي التعرف بس وراها ممكن الصوره والمحادثه بالموبايل...مافي اخوه ...مافي نظره الصحيحه للطرفييين مع الاسف وكل ينظر بالنظره الي يبيها اعذروني ياخواتي واخواني الاعزاء .......فلكم الشكر والتقدير
	3/2/2011 6:09:38 AM
KingAlayam Posts 8	أولا نصبح عليكم بالخير و أشكرج إختي dina71 على هل موضوع الحلو و الحساس ثانيا : بالنسبة للتعارف فبرأيي ان الاغلبية وللأسف مثل ما تفضلتي مو صريحين و لا جادين بالزواج سواء كانو رجال أو نساء للأسف و هذا الي يزيد من مشكلة سهولة التعارف و تفاهم بين الاطراف لأن الواحد فينا من يتكلم بصراحه و موضوعيه اتهمو باللعب و اللف و الدوران لأنهم اهم بعمرهم ما كانو جديين و لا صريحين فيستغربون من الصراحه الي يبديها الاشخاص الجديين في هذا الموقع و في ناس للأسف تستغل هذي الصراحه و تستغل كلشي تقدر نها تحصل عليه من الطرف المقابل للوصول الى غايات ما ترضي ربنا و لا حتى كرامتنا و أخلاقنا للأسف وانتي بنفسج طرحتي مثال عن بعض الي يحاولون يتواصلون معاج و في منهم وااااايد سواء كانو رجال او نساء يعني فصخو الحيا و صار كلشي عادي و مافي مانع و مثل ما يقول المثل " ان كنت لا تستحي ففعل ما تشتهي " و أضن ان هذا مبداهم في الحياة ف ما أقول إلا الله يستر على المتعففين و الصالحين و الجادين من مثل أصحاب النفوس الدنيئة الي مثل هذي
	3/7/2011 11:02:02 PM
dina71 Posts 11	اللهم امين. جزاك الله خير اخوي
	3/31/2011 9:49:15 AM
Tears2 Posts 96	السلام عليكم ورحمة الله وبركاته ،،،، شكرا على تكرارك على الموضوعوفعلا وكل ماتوسع الموضوع واكثرت الردود نستفاد منها وبالعكس الموضوع وايد ممتاز... بس سؤال هل في توعيه من بعض البنات والشباب ومن صغير وكبير البعض متاخذ هذا الموضوع بالمصداقيه ويريح الصدر والبعض الاخر مااعتقد،،، مجرد رمي الخطأ على الغير احنا البنات نقول الشباب ... والشباب يرمون الخطأ على البنات ونقول الآخره الاثنيين معا.....انا احب التواصل والتعارف بس مصداقه جاده وليس لان احنا كبار بهذا الشي وليش مراهقييين نبحث عن اشياء المراهقه احنا دخلنا هذا المنتدي بهدف وليش لعب نتواصل باحترام على المحبه والود.... وكلنا اخوان وحبايب .....واذا كان ماحصل نصيب بالزواج ان شاء الله نصيب بالاخوه الصحيحه وليش بمعنى آخر ومع احترامي لكم .... والى المتلقى ولكم جزيل الشكر ..... سامحونا ،،،،،،،،
	4/3/2011 3:22:35 AM
zawajat Posts 62	الله بالخير للجميع: مشكوره اخت دينا للموضوع بس المشكله موبالجديه فقط المشكله بالشياب كبار السن اللي يحاولون يلعبون يعني واحد عمره 60 سنه ومتقاعد يبحث عن بنت صغيره وفري ومنفتحه بذمتج هل قصده شريف ولاشاب يبحث عن بنت منفتحه وتحب السفر وايد وتكون ستايل كل هذا شروطه وكيفه بس لمن تتكرر امراه منفتحه عند كل رساله توصلج وكل بروفايل يمر عليج تحطين مليون علامه استفهام شلون بيتزوج وحده وبتشيل اسمه وتكون مرآته في المجتمع ويبني عليها الانفتاح اعتقد مو الكل مشتركات تكون منفتحه فكريا اذا يقصد الانفتاح الفكري يمكن تكون من بيت مغلق وعايله متدينه وبالكويت كلها ماافي الانفتاح مثل الدول في الخارج تحكمنا عادات وتقاليد وتربيه سليمه ولاشرايكم لمن واحد يكتب بالبروفايل ماحب اصلي ولابي ااصلي ولاامثل واحب اعيش حياتي من غير .................................................................... وكاتب ليش مايبي يصلي اعوذ بالله حسيت اني اقراء بروفايل مشرك ياريت نتطرق حق كلمه منفتحه وماهو كلمه الانتفتاح عند المقبلين للزواج واللي بييبون جيل قادم .........................................................................................................وتكون شرط اساسي ومكرره الكلمه كذا مره اكيد كل شخص تختلف عنده درجه الانفتاح من شخص الى الاخر حتى لو البنت من بيئه تعد من عوائل المنفتحه بتفكيرها وعقلياتها بتاخذ موقف شنو الانفتاح اللي يبيه الرجل للاسف كلام مايدل على طلب شريكه وزوجه مدى حياته تكون متفهمه ومتزنه وراقيه الاخلاق والتعامل كما لوانه يطلب زوجه تعد مثل العشيقه وممكن تبدل اذا مل منها مثل التيشرت مااحس اللي يشترك بالموقع يحس بقناعه الحياه لان المغريات واايد يكلم كل وحده ويحس لاابي القى احسن واجمل منها وبنهايه لاتعد له فتره تعارف وبدال مايوصل لفتره خطبه يلقى نفسه كل اسبوع متجدد مع مفاجاه باعتقاده جديده ومثيره للشغف وكل وحده يتعرف عليها يروي لها عن مامر من تجارب البنات المشتركات ولو ان يبطون الجبد بعض الشباب لمن يدز مسج ممكن نتواصل ورقم موبايله او ايميله ولازم يعرف اي منطقه ومن بنته او وين تشتغلين ؟واي قسم ووووووووووووووو ((تحقيق لمعرفه تفاصيل بنات الناس )) ((يخلي البنت تجذب عشان تشوف مايته)) وروايه يشوق بها ربعه واصحابه بالديوانيه ليروي لهم تعرفت على بنت الفلاني وساكنه بالمنطقه الفلانيه وتشتغل بمكان الفلاني طبعا موالكل اكيد في الزين والخلوق وفي بعد الردي والمرتزقه ياريت اللي يشترك هذا موقع كويتي لبنات وشباب وليس شياب الكويت والكويت صغيره وايد واغلبهم يااهل ولانسايب ولاجيران ولامعرفه اللي داخل يتزوج يكون ستر وغطى على بنت ديرته واللي داخله تلعب ولامتزوجه تبي تتسلى ولاتبي رصيد لاتسيئين لبنات ديرتج بتصرفات تفشل ماعندج رصيد طبعا صادفت مره قريت بروفايل شخص كاتب اللي مواصفات الزوجه يمكن مو اقل من 7اسطر واخر شي كاتب ملاحظه اللي بتطر كرت رصيد ماعندي ولاتراسلني انا موبيت زكاااه هههههههههههههههههههههههههههههههههههههه موقع الاغلبيه داخلين يبون يتزوجون والستر ولقصد الزواج والعقليات تختلف والبيئه بعد الله يوفق الجميع وكل مشترك ومشتركه يلقون الزوج او الزوجه اللي في بالهم ونفس شروط اللي يفرضها المجتمع عليهم بس خل نصفي النيه ونحسن الظن بالقادم
	4/3/2011 9:37:01 AM
dina71 Posts 11	السلام عليكم اختي يعطيج العافيه ومشكوره وموضوعج وايد مهم وحلو ليتج حاطته كموضوع جديد لانه شيق وحلو. تدرين لو ما الواحد يقول في امل والدنيا ما تخلى من الطيب لكدت اجزم ان كل اللي داشين هالموقع جذابين ولا هم صوب الزواج بالاساس. اتكلم عن الزواج بمفهومه الشرعي والاجتماعي والعاطفي مو ورقه وعقد وبس! اكثر اللي مروا علي يبون زواج سري علشان مرته ما تنجرح( كلش مو خايف منها ولا من طوايفها) لا ومسمي نفسه ريال! اوكي اهي مرتك ما تجرحها والبنت اللي بتاخذها هذه شنو مو بنت ناس؟ ما عندها مشاعر تنجرح؟ باجر اذا اهلها دروا عنها متزوجه بالسر شنو بيقولون.. اشلون ترضى عليها تجريح الناس؟ يمكن يفكر اكون خذيت وحده ثانيه ( بدل تي شيرته على قولتج) لا والمصيبه ان حتى المطلق ما يبي زواج رسمي! يبي علاقه قبل الزواج وواذا انتي تخافين الله ( لان بعضهم عادي عنده الزنا) خلاص عقد سري يمكن بدون حتى شهود. يجربج تعجبينه ولا لا بعدين عاد يقرر!!!! طبعا هذا حق البنات اللي سبق لهم الزواج اما البنات يمكن حتى ما يفكر يقوللج ما ابلش نفسي معاها! يعني بإختصار الوضع مأساوي وتعيس
	4/4/2011 3:19:10 AM
zawajat Posts 62	عليكم السلام والرحمه : خيتي((((((( دينا )))))))))) تفائلي بالخير وان مالقيتي الشخص المناسب في الموقع خلي دخولج للموقع فقط للمنتدى ومواضيع تفيدين وتستفيدين بس تفائلي وصدقيني النصيب الحمدلله بيد اللي عينه ماتغفل عن عباده ولاتعتمدين اعتماد كلي على الموقع وحمدلله نصيب الانسان موبيد الناس بالنسبه ياريت خليت ردي كموضوع لامااعتقد اني اقدر اكتب مواضيع مجرد ادخل للمواضيع للمعرفه فقط وللرد اذا كان عندي رد اوتعليق فالموقع(( روايه طويله ومتنوعه )) فيها قصص وايد تعكس عقليات الرجال في المجتمع بس للاسف ان اغلب الرجال مو الكل طبعا اللي يكون دخوله للموقع نتيجه لجرح من طلاق وقصه فاشله له ومعذور من حقه يدور بتركيز اكثر ومن غير مشاعر وعواطف يعني يختار بقناعه بس وياكثر المرضى المنسيين هنيه ههههههههه او مجرد تسليه يمكن يصيد له فتاه من اللي خبره او مجرد فضول يبي يعرف قصص البنات وفي المتدين اللي يبي يتزوج من الثالثه والرابعه وباعتقادي الموقع لايحتوي على المتدينات ممكن يلقى ملتزمه بس داعيه اكيد مستحيل بس انشاء الله يلقى موقليل على رب العالمين واكيد لوخليت لخربت اكيد في رجال الجادين في الموقع يبحث عن العقل والتفكير ودليل دخوله الموقع واختياره بنت لم تضع صورتها بس نصيحه للبنات اللي مشتركين مهما كانت نيتها للزواج لاتضع سمعتها واهلها في موقف لاتحسد عليه((((((لاتضع صورتها)))))))) حتى لوصوره وهميه لتبقى مكرمه بعين الكل نفس ماكرمها الاسلام اما خلفيتي عن البنات اهنيه قليله لان مااقرى غير تعليقات مجاملات وتتميلح عشان اللي يقرون بس جد اختي دينا كثري من مواضيع تفيد البنات لان اغلبهم يدورون الرومانسيه وفيهم سذاجه ومايدرون شنو الموقع قصدي الدنيا مخبيتلهم مواضيع مفيده مانبي بس ننتقد المشتركين وينتقدونا وكل وحده او واحد يقول قصص نبي مواضيع قيمه تفيد الكل ريال ومراه يعطيج العافيه وتقبلي مروري الوايد ههههههههههههههههههه سموحه حبيبتي
	4/4/2011 11:03:00 AM
dina71 Posts 11	صباح الخير حبيبتي هلا فيج واستمتعت بردج وايد مشكوره على النصيحه وانا معاج وعدل كلامج بالنسبه للموقع انا فعلا ادش اقرا في المنتدى لانه ممتع ومفيد. والصراحه علشان الحق بس ان في ناس غاية في الاحترام والصدق وفعلا لما ما اتفقنا كل واحد راح بطريقه بكل احترام وحق هالمجموعه من الرجال اقول كثر الله من امثالكم. اما اللي داش يتسلى ويلعب الله يشغله بنفسه ان شاء الله وفي الشي المفيد ويهديه ويسعد قلبه ويكتب الخير للجميع تقبلي تحياتي وامتناني وشكري
	8/13/2011 2:17:35 AM
S33333 Posts 1	مرحباً أنا عندي راي لخواتي في الموقع ٩٠ من الاعضاء داشين وناسه ولعب حتى البنات من الفراغ يدشون ويسجلون لا والبعض متزوجات. ادري بتقولووورن ليش داش انت أنا انسان صريح ابي زوجه ثانيه وعرفي وبعد لأني وضيفتي ماتسمح لي الزوجه الثانيه صج وفيه بنات يبون الزواج العرفي خاصه اللي عندها يهال وحضانه وضروفها ماتسمح بالزواج العادي. وانا ماغصب احد هذي ضروفي من اول شي ويقولون اللي اوله شرط آخره نور. ونصيحه لا تحطون صوركم. وتقبلوا. احترامي
	5/19/2012 7:59:21 AM
Modex Posts 9	السلام عليكم والله انا دشيت هالموقع و اول مره ادش وكنت كثير متفائل اما الحين من الي قاعد اشوفه كأني قاعد اشوف سوالف وايد غير صحيحه بس مادري انا لحد الان ما صار معي شي بس صرت اخاف اني اضيع وقتي عالفاضي . عالماً انا دخلت هالموقع وانا كلي جديه بس الضاهر في ناس آخذينو الموقع لعب و تسليه اتمنى من الجميع شباب و بنات الجديه والي مو جاد في مواقع اخرى لللعب والتسليه . وشكراً للجميع
	5/19/2012 8:02:01 AM
Modex Posts 9	السلام عليكم والله انا دشيت هالموقع و اول مره ادش وكنت كثير متفائل اما الحين من الي قاعد اشوفه كأني قاعد اشوف سوالف وايد غير صحيحه بس مادري انا لحد الان ما صار معي شي بس صرت اخاف اني اضيع وقتي عالفاضي . عالماً انا دخلت هالموقع وانا كلي جديه بس الضاهر في ناس آخذينو الموقع لعب و تسليه اتمنى من الجميع شباب و بنات الجديه والي مو جاد في مواقع اخرى لللعب والتسليه . وشكراً للجميع
صفحات 1

|