|
صفحات
1 |
|---|
|
7/28/2010 4:13:35 AM
|
Saaedy
Posts 3
|
الهدف منها النقد الايجابي وليس السخرية - مااريد الا الاصلاح ما استطعت وما توفيقي الا بالله
[1]بس بالكويت في بدون؟
[2] بس بالكويت يطلعون لستات بأسامي خلق الله لانه ماكو شغل
[3] بس بالكويت في بويات اكثر من دول العالم كلها
[4] بس بالكويت الهنود و المصاروه اكثر من الشعب
[5] بس بالكويت لازم مدرس خصوصي
[6] بس بالكويت الشوارع زحمه ليل نهار
[7] بس بالكويت اللي ما عنده شاليه او مخيم يصير هيليقي
[8] بس بالكويت اذا صار حادث على سايد اللي رايح , السايد الي راد يوقف يطمش
[9] بس بالكويت الي ما تحط ميكب معقده او ليز
[10] بس بالكويت الصبيان اليهال لازم سبايكي و البنوتات قلوس و مسكرا
[11] بس بالكويت مذيعه غريبه تخرع لاكنه غريبه و البنات يقلدونها
[12] بس بالكويت المواقف فل و المجمع زحمه و المحلات تصفر هدوووء ماكو احد
[13] بس بالكويت ينادون الواحد بسم سيارته
[14] بس بالكويت الي يدش الجيش بشهادة متوسط معاشه اقوى من معاش الجامعي اللي يشتغل في الوزاره
[15] بس بالكويت الشباب كلهم يشابهون بعض و نفس قصة الشعر بعد
[16] بس بالكويت التاكسيات و الباصات مافيه كويتيين
[17] بس بالكويت السياره الغاليه او الكبيره يطوفونها و القوطي ماله رب يشرشحونه
[18] بس بالكويت لي سافروا ديره فيها كويتيين يقعدون يخزون بعض
[19] بس بالكويت يقلبون حرف القاف غين و الغين قاف
[20] بس بالكويت نشتري من ستار بكس بخمسه دنانبير و نطلع اناشب راعي البرد على امية فلس
[21] بس بالكويت ما نذكر المنتخب الا كل سنتين
[22] بس بالكويت مافي استاذ نفس الاوادم
[23] بس بالكويت العاصمه مالها ملامح
[24] بس بالكويت خطوط التلفون اكثر من الناس
[25] بس بالكويت التلاميذ اهم اللي يطقون الاساتذه و الابلات
[26] بس بالكويت يبوق ايميلات و يقول انا هكرز ..قولها عدل اول
[27] بس بالكويت الناس مو عاجبهم شي و كل شوي مطلعين ايميل
[28] بس بالكويت المطار فيه مستقبلين اكثر من مسافرين
[29] بس بالكويت بوق ولا تخاف
|
|
7/31/2010 1:23:00 AM
|
mathgirl
Posts 16
|
والله كَلام واقعي ب صَراحه ...!
يَعطيك أَلف عافيَه
|
|
8/9/2010 12:02:06 PM
|
zawajat
Posts 62
|
حمدلله احنا بديره الخير واحسن من غيرنا ولن شكرتم لازيدنكم
والله اخوي احنا بكويت ماقلت البركه الامن التذمر والشكوى عدوى انتقلت لجميع الناس حتى الغنايا يتشكون
بس مره شفت برنامج شيخ دين قال انه من(( الكبائر)) المسلم يتذمر ويتشكى وينسى نعم رب العالمين واحنا بخير ونعمه
حتى الفقير الي مولاقي شي ياكله اذا قال الحمدلله ودعا ربه بيرزقه فما بالك بخير ونعمه نعمه الامن الامان والحريه وديمقراطيه وبلد الخير اقلبيه احسن الشهادات والوظايف ومافي احد يوعان وووووووووووووو
لارياضه ولاالسبايكي ولاالسفر ولااللستات ((شخباري)) ولابويات ولامدرس الخصوصي ولاالزحمه ولاطماشه ولاالليزر والميكب ولاالمذيعات ولاولا ولالالالالالا
بترفع قدر الانسان عنده ربه ولابقدر نفسه ناقصنا الايمان وطاعه الرحمن
خل نسوي شعار يديد لاللتذمر ولاللكلام السلبي هههههههههههههههه يمكن نقدر نغير عقليات بعض الاوادم بس على مر السنين لانها متعصبه
نعمه الستر ورضى رب العالمين كافيه علينا
اعتقد عندنا محتاجين احد يذكرهم بالنعم اللي عندنا والله يفكنا من قنوات التذمر والشكاوي الفضائيه ويفكنا من مجلس الحراميه والصراخ والردح صدقني بتغير مفهوم عند الكل
|
|
11/19/2010 7:53:16 PM
|
talal_alazmi
Posts 3
|
الحكومه لازم يسنعون الديره والله مو منطوره واحنا بسنة 2010 نبي العاصمه نفس دبي -_-
|
|
12/1/2010 10:07:22 PM
|
ZgRtES10S
Posts 1
|
شكرا لك والطبيعي الشكر ياتي بعد الرساله بس من كثر مو رسالتك اعجبتني حبيت اشكرا اولا
وهذا دليل انك انسان واعي ومطلع وان قلبك محروق على ديرتنا اللي من طيب حكامها اتركوا وحطوا الثقه باللي مايستاهل ولا يعرف وقليل الخبره واللي ماعنده ذمه
وعلى فكره انا لو ابي اتكلم يبيلي منتدى ويمكن مايكفيني نسال الله لهم الهدايه
هذا اللي خلاني بكل جد وصراحه افكر بالهجره بعد التقاعد يعني بعد ثلاث سنين والذهاب الى نيوزلندا والاستقرار والعيشه هناك على طول لاني لو انظلمت بقول انظلمت بره ديرتي ولو
شفت شي استنكره بقول بره ديرتي بس من اشوف اللي قاعد يصير وانا مو قادر اغير شي يمكن اموت قهر ...
كل التقدير لك والله يصلح الكويت ويهدي حكامها ..
|
|
12/4/2010 11:30:12 AM
|
k7cars
Posts 11
|
شكرا على كلامك الطيب . بس اخوي نظرتك فيها تشاؤم واجد مع العلم ان كلامك كله صحيح 100%ونحترم وجهة نظرك . لكن الخير موجود وموجود بكثره والحمدالله لكن ياخوي انت محتر على الكويت ودك الكويت احلى دوله بالعالم وناسها احسن ناس وان يكونون افصل واصلح ناس ياخوب ترى الخير موجود بس يبيله تقاؤؤل .
تقبلوا مروري .
|
|
12/8/2010 12:43:51 PM
|
yafooog_alwaaasf
Posts 4
|
نسيت لاتقول ياخوي .. ان بس بالكويت راح تلاقي ناس ولا اطيب منها , وبس بالكويت راح تلاقي ناس يحبون حكامهم لدرجة ماتوصف ومستعدين يفدونهم بارواحم, واسأل التاريخ.
|
|
1/1/2011 10:30:05 PM
|
lighthoues
Posts 18
|
السلام عليكم
((نسيت لاتقول ياخوي .. ان بس بالكويت راح تلاقي ناس ولا اطيب منها , وبس بالكويت راح تلاقي ناس يحبون حكامهم لدرجة ماتوصف ومستعدين يفدونهم بارواحم, واسأل التاريخ.
صح لسانك))
((ياخوب ترى الخير موجود بس يبيله تقاؤؤل))
هم صح لسانك
ماكو ديره مثل هل ديره
والحمد لله على هل نعمه
والله لا يغير علينا
وشكرا
|
|
صفحات
1 |
|---|