|
صفحات
1 2 3 4 |
|---|
|
3/8/2011 1:50:43 PM
|
my_hart
Posts 3
|
حاب اعرف ليش الرجل متزوج غير مرغوب فيه من زواج ثاني وحاب اعرف اطباعكم واسبابكم ؟ 
|
|
3/10/2011 1:33:52 AM
|
Raghooda
Posts 9
|
لأنه اللي ما فيه خير اب ام عياله وزوجته مافيه خير ابغير زوجته ..
وفيه شي وايد مهم : ترى المره كلها احاسيس ومشاعر ولما تتزوج عليها عينك عينك خلاص تكون نهاية حياتها لأنك بهالشغله تكون قتلت كل مشاعرها وخليتها تحس انها ولا شي وانه فيه انسانه ثانيه تسواها واحسن منها .. ويريت كل ريال يحط مكانه مكان الزوجه ولا يتعذر بالقرأن والاسلام .. أصلا الريال لو كان صج يحب زوجته جان مهما صار بينه وبينها مستحيل يفتح على نفسه باب وشامل وياخذ عليها. وبعدين البنت اللي ما تقبل رجل متزوج هذي بنت أصول وبنت سنع لأنه ما ترضى على الناس اللي ما ترضاه على نفسها لأنه الدنيا دواره وكما تدين تدان ومثل ما الريال قدر يكسر قلب زوجته الأولانيه راح ييه يوم ويكسر قلب الثانيه والثالثه والرابعه لأنه ما كان أصيل بما فيه الكفايه ويتحمل زوجته ويداريها ويقدرها. حتى لو كان فيه عيوب بالزوجه الأولى ابسط حقوقها انه يفهمها شنو اللي مضايقه منها وشنو الأشياء اللي محتاجها منها عشان يكون فيه عدل بالموضوع ؟ اما اذا ما عنده استعداد يقعد معا ام عياله وشريكة حياته ويتوصل معاها لحل فمعا احترامي هذا مو رجل. ورجاء لحد يتعذر القرأن كلنا قارين الأيه اللي تقول انه االرجل يحقله 4 بس وين اللي يفهم معنى الأيه ؟ معنى الأيه انه يكون فيه حالة العدل فقـــــط وكلنا عارفين انه ولا رجل بهالكون يقدر يعدل بين زوجته وهالشي شي مستحيـــــــــــــــل والدليل كلام الله سبحانه [ ولن تعدلوا بين النساء ولو حرصتم ] ويكفي تشوفون ردة فعل كل زوجه لما زوجها يتزوج عليها ويكفي حادثة الجهراء اكبر دليل على كسر قلب المراءه اللي بدوره يتحول الى انتقام عظيم معا كل الأسف ..
|
|
3/10/2011 2:35:04 PM
|
Raghooda
Posts 9
|
ولا ننسى الأيه : (( ما جعل اللهُ لرجلٍ من قلبينِ في جوفهِ )) مافي رجل له قلبا ولا راح يكون له قلبان ولا راح يقدر يعدل بالمشاعر لو شنو صار
وفيه مقاله وااااايد اعجبتني يا ريت كل ريال متزوج يفكر يتزوج على مرته يقراها عشان يعرف اهوا شنو من انسان لو ارتكب مثل هالجريمه ابحق هالانسانه :
العدل بين الزوجات في المشاعر أمر يستحيل حصوله في الواقع ، بخلاف الغذاء واللباس والمصاريف العامة فهذا أمر ممكن حصوله بالعدل بين الزوجات قال تعالى : [ ولن تستطيعوا أن تعدلوا بين النساء ولو حرصتم فلا تميلوا كل الميل فتذروها كالمعلقة .. ] النساء 129 .
، لأن من حق الزوجة على الزوج أن تشعر بأنها مرغوبة من قبله ولو بالحد الأدنى ، وفقدان ذلك الميل كلياً يسبب عند المرأة حزناً واكتئاباً في نفسها ، وتنقلب حياتها جحيماً لا يطاق وتحترق في نفسها حنقاً وكمداً وتسْوَدُّ الدنيا في عينيها !! وتضيق الأرض عليها بما رحبت !! لأن شعور الإنسان بعدم رغبة الآخرين [ الوالدين ، الزوج ] فيه يؤدي به إلى كره الحياة ,وربما يفكر بالانتحار ، لأن الإنسان كنفس يحقق توازنه الداخلي من وجود الرغبة فيه من قبل مجموعة من الناس ، وخاصة الدائرة الإنسانية الأقرب له ، فإن شعر بعدم رغبة من حوله بصحبته ، وعدم الاهتمام به ، انكمش على نفسه ، وفقد المبرر للنجاح في حياته والاستمرار فيها . فالناس يعيشون على الحب والرغبة فيهم وليس على رغيف الخبز !!
|
|
3/10/2011 3:27:15 PM
|
hanaac2000
Posts 28
|
انـا مـــع تـــعـــدد الـــزوجـــات .. ومثل ما قالت أختي Raghooda فعلا .. في اشياء لازم الريال ينتبه لها .. كاتبة موضوع بعنوان .. (( قبل ان تتزوج الثانية ، فكر )) ممكن أن تطلع على الاسباب ..
وضعت فيه راي الشرع .. و ووضعت فيه تساؤلات مفيدة لكل الرجال الذين يريدون ان يتزوجوا من أخرى .. ياليت تطالع الموضوع بيفيدك ..
======================
نصيحة لكل رجل يريد أن يتزوج من الثانية .. اسأل زوجتك الأولى .. ماذا تفعلين عندما اتزوج من أخرى ؟؟ و انتظر الجواب .. و انظر إلى طريقة تفاعلها مع الموضوع بدقة متناهية .. فإذا قالت تنتهي العلاقة .. هذا شيء بسيط .. و إن قالت عادي ... هذا شيء بسيط .. و إذا قالت شوف أذبحك .. و أذبح عيالك .. أقول لك .. اترك الزواج من الثانية .. لأنك بتكون .. الله يرحمك .. يا خوفي لا تلاقيها ماخذة السيارة و حاطة عيالك و على اعلى سرعة و تدش بالمحول .. دير بالك .. اسألها السؤال .. قبل لا تتزوج .. ترا الضنا غالي .. ترا فيهم مجنونات .. و الله يسوونها ..
|
|
3/10/2011 10:07:02 PM
|
ADM
Posts 18
|
اتمنى الاقي جواب شافي بالرفض من رجل متزوج ؟ انا ناطر
|
|
3/11/2011 11:46:32 PM
|
fahad1974
Posts 3
|
السلام عليكم ورحمة الله وبركاته بصراح وبوجهة نظري المتواضعه في بنات يخافون من المشاكل مع الزوجه الؤلى قبل لا يسئلون ليش تبي تتزوج على زوجتك يمكن يكون عند الريال سبب مقنع ويمكن إتكون الزوجه الؤلى موافقه على زواجه وهي على ذمته بس للأسف اغلب البنات رافظين المبدأ وسلامتكم
|
|
3/12/2011 11:07:36 AM
|
Christina
Posts 1
|
السلام عليكم الصراحه هالموضوع جدا مهم ! زين فتحتوه
انا ابرايي ابكل صراحه وابكل امانه وهذي مافيها روحه ولا رجعه البنت اللي ترضى تتزوج واحد متزوج مهما كانت الظروف ما عندها اي نوع من الانسانيه والانصاف ! واكيد بنت شوارع واهلها مو امربينها عدل لأنها ما تسب حساب الا لشخصها .. ماهي ابنت اجاويد واللي ما ترضى تتزوج متزوج ه
واللي بيزعل خل يزعل .. واقول الريال اللي يتزوج على مرته مهما كانت الأسباب وحتى لو اهي راضيه هذا مو ريال لأنه اناني ومو كفو عشره واحترام وخل يحط مكانه مكان الزوجه الأولى مثل ما قالت اختي رغد اللي مشالله كلامها اكثر من روعه واكثر من مقتنع
وعدل كلامج اختي اللي يخون العشره مره ممكن يخونها الف مره .. ولكل رجل اقول ترى مافي مره ترضى انه زوجها يتزوج عليها الا ابحاله وحده : انها ما اتحبه وما تفرق عندها راح ولا رد وسلامتكم
|
|
3/13/2011 11:40:10 PM
|
fahad1974
Posts 3
|
السلام عليكم ورحمة الله وبركاته حبيت ارد على الأخت إللي تقول إن إللي يتزوج على زوجته مافيه خير وموريال أتمنى يكون النقاش ارقى وتختار مفردات أفضل وعلى فكره كل الموضوع
إن غالبية الرجال ودهم بالزوجه الثانيه بس في منهم إللي يخاف من المشاكل وفي منهم إللي وظعه مايسمح وهذا مايعني إن زوجاتهم مايحبونهم او إنهم مجرد إسم ريال في البيت وإنهم مافيهم خير على فكره العشره ماتهون إلا على ....................... والحمدلله الكل واثق بنفسه وشكرا
|
|
3/15/2011 3:09:26 PM
|
Raghooda
Posts 9
|
صحيح اخ فهد العشره ما تهون الا على أولاد ال .............
وهذا يعني انه الريال اللي مجرد تفكير يفكر يتزوج على مرته ولد .....
لأنه ما عرف شلون يصونها ؟؟ وعلى فكره اذا انت تقول اغلب الريايل يتمنون زوجه ثانيه فاسمحلي اقولك انك غلطــــــــــــان لأنه كلن يرى الناس بعين طبعه والحمدلله اكو دلائل واحصائيات تثبت انه كل هالحجي يعتمد على معدن الريال نفسه ان كان متربي عدل وتربى على الوفاء والاخلاص والأمانه وان كان خاين للعشره وناكر للجميل ...
بعدين اذا على قولتك يتمنى زوجه ثانيه وفيه امية الف عيب ابزوجته .. ليش تزوجها بالأساس ؟؟؟ وليش ياب منها اعيال ؟؟ انا اجاوبك لأنه معا كل احترامي قمة في الغباء .. الزواج مو لعبه فيه اخارع اسمه خطبه .. تعارف ..الى اخره بعدين انا اييه بناء على تحليلي لشخصية الفرد اوافق على الارتباط الا اذا سوري يعني انا ما افهم واستيعابي بطيء ممكن اكتشف امور بالشخصيه تصدمني بعدين بعد الارتباط .. بس هم مو مشكله فيه اختراع اسمه تفاهم وتقدير ومصارحه واخصائين مشاكل زوجيه اروحلهم والحق على بيتي قبل لا ينهدم .. مو ازيد الطين بله ويصيرلي الواحد جبان ويزيد النار حطب بزواجه من ثانيه .. بعدين شخباري اللي يبون يتزوجون على حريمهم اصلا ما يسويها الحين الا الردي معا احترامي لك .. ولا تحاتي انعرف شلون نكون راقيين بالكلام .. وانشالله انت ترتقي وتكون راقي بتفكيرك
|
|
3/15/2011 3:21:25 PM
|
Chandra
Posts 7
|
انا حابه أظم صوتي لصوت خواتي hanaac2000
و Raghooda و christina الله يوفقكم ومشالله كلامكم 100 بالاميه صح لا رجوع فيــــه
اللي يتزوج على مرته مافيه خير لا ابنفسه ولا ابغيره
وانتهى زمن اللي الزوجه ترضى زوجها تزوج عليها لسبب انه الحريم قامو يشتغلون ويدرسون والحمدلله ديرتنا ما تقصر معا المطلقات يوفرونلهم كل شي من نفقه الى بدل اجار الى غيره ونصيحتي لكل وحده زوجها يتزوج عليها : يا حبيبتي لا تحرين نفسج ولا تصيرينلي قرندايزر وتذبحين عمرج على شان واحد ما يسوى بيزه ومثل ما تفضلوا الأخوات خاين للعشره ومو كفو تحرين نفسج عشانه !! تطلقي منه وعيشي حياتج ودوريلج على واحد تكونين قرة عينه ونظر عينه ويكون سيد سيده هاللي ما يسوى ظفرج يا حبيبتي
انا عندي رفيجتي زوجها بعد 7 سنوات مل منها وتزوج من وراها عرفي 4 سنوات من وحده مو كويتيه .. مسكينه اول ما درت حاشتها جلطه واهي عمرها 26 سنه بس !!! حسبي الله عليه ونعم الوكيل .. ويقولون عادي الواحد يتزوج على زوجته طاح حظهم !!! المهم الله ردلها عافيتها واثناء العلاج تعرفت على الطبيب اللي كان يعالجها وكان لبناني تزوجته وحطاها بعيونه بعد قلبي قلبه وتخيلوا انه اهوا يدفع كل مصاريفها من اجار واقساط سياره الخ .... يموت عليها ويبيها تعيش معاه ابلبنان واهي واقفت والله يكتبلهم اللي فيه الخير .. فوالله ما تسوى الوحده تحر نفسها عشان واحد ما يسوى .. يبي يتزوج من ثانيه ؟ خل يتزوج من ثانه وثالثه ورابعه ومسير الحي يتلاءه وانتي طنشي وتطلقي وعيشي احلى حياة وطلعي وسافري ومالت عليه وعلى وجوده عساه ما يتهنى قولوا اميــن كما تدين تدان
|
|
3/15/2011 4:44:20 PM
|
Aby_Rayal
Posts 1
|
ابصراحه موظوع مهــــــــــــم للغايـــــــــــه
وانا بقول كلمه وحده وحل واحد لا غيـــــــــــر
الريايل اللي يبون يتزوجون على حريمهم الحل الوحيد لهم انه نرش عليهم فليــــــــــــــــــت او ريـــــــد ونفتك منهم لأنه وجودهم بالمجتمع مثل الحشرات اللي وجودها افه على المجتمع ودماره
فالحل بكل اختصار يا فليت او ديتول او كلوركس عشان المجتمع يصير انظيف شوي نبيهم ينقرضون ونرتااااح
وجان زين نسوي حملة فليت وريد للي يبون يتزوجون على حريمهم عشان يكونون عبره حق الطايحين حظ امثالهم
|
|
3/16/2011 5:22:13 AM
|
mlouka
Posts 2
|
الشرع حلل وحده وثنتين وثلاث واررررربع ,, و اذا كانت الزوجه قايمة بواجباتها على اكمل وجه ومريحته من كل النواحي ليش يتزوج؟ بس حريم هالايام منكدين على رياييلهم ولما ايي يتزوج عليها تتبجبج وتندب حظها ,, تسنعو يتسنعون رياييلكم لوول
|
|
3/17/2011 1:28:15 PM
|
Hamad_75
Posts 1
|
والله اذا البنت صارت عانس أو كانت أرمله أو مطلقه ومو لاقيه ريال مو مشكله خل تتزوج واحد متزوج بس عاد لا ترضى فيه عرفي أو متعه لسبب انا شايفه وايد مهم : هل المرا ترضى انه حياتها تكون بالخش والدس ؟؟ هل ترضين يا مرا انه حياتج تكون كلها ابخوف وماكو أمان ؟ ما تبين تتمشين بالسوق وايدج بيد ريلج ؟ ما تبين تشرفين اهل ريلج مثل ما اهوا المفروض يشرف اهلج ؟؟ ما تبين تسافرين معاه وتتمشين بالمطار معاه وانتي ابقمة الثقه انج مرته وحلاله واهوا حلالج وريلج ؟ ما تبين تيبين منه عيال ؟ هل تبين تتصلين فيه تالي الليل واهوا ابحضن وحده غيرج ؟ ما تخيلتي انج اذا تزوجتي واحد عرفي او متعه او من ورا مرته وصار فيج شي لا سمح الله وتتصلين فيه امسكر جهازه لأنه عند مرته الأولانيه ؟؟؟
اظن البنات حسبوا حساب كل هالامور وعشان جذي الأغلبيه ما يرضون يتزوجون رجل متزوج .. الا اللي عانس وطافها القطار او اللي ما عندها مشكله حياته تكون بالخش والدس او اللي متنازله عن حقوقها وحريتها معا زوجها فهذي ممكن ترضى برجل متزوج
أنا عن نفسي اذا صج احب زوجتي ما راح افكر اتزوج عليها لأنها حبيبتي وام عيالي وفوق هذا خذيتها لأنني أحبها ومو معقوله اذا غلطت أو قصرت ابشي أروح أتزوج عليها ؟ أطلع قليل أصل اذا سويت جذي
وحتى لو انا ماخذها زواج اهل وشفتها امقصره ابحقي راح اصارحها واخليها اتغيير من نفسها واحذرها ان ما تغييرت راح اتزوج عليها اذا رظت اني اتزوج عليها اوكي بس اذا ما رظت راح اعطيها كل حقوقها وانفصل عنها لأنني متأكد انه ما فيه وحده ترضى تيبلها شريجه. ومسئلة اني اتزوج على زوجتي مهما سوت هذي من سابع المستحيلات الا اذا خانتني لا سمح الله ماراح اتزوج عليها راح اطلقها
بعدين المرا عاملها عدل وخذ منها كل اللي تبيه بالكلمه الحلوه بس ما اتوقع تبي اكثر من جذي واسئل مجرب
|
|
3/18/2011 1:11:31 PM
|
my_hart
Posts 3
|
وانا اقول واضم صوتي مع الكل سواء ضد او مع بس سؤال لي متا بنت قاعدهد بيت اهلها ولي متا ماتزوج ولي متا ماتجيب اعيال وتكون اسره عشان انا متزوج او مطلق وعنده اعيال انا وجه نظري اخذ متزوج ولا اخذ مطلق وعنده اعيال عشان الي يبيع ويطلق مرته عشان ياخذ ثانيه فهذا اكيد راح يبيع ثانيه وثلاثه واهو ماشي
|
|
4/8/2011 1:47:04 AM
|
zawajat
Posts 62
|
الرجل المتزوج :راعي البالين جذاب هل يستطيع ان ينصف بين الزوجات
اعتقد البنت او المراه الى تتزوج رجل متزوجه بقناعه ومن غير ظروف تجبرها لزواج من متزوج تكون واعيه وشجاعه و((عديمه احساس ))
اما في واقعنا الغريب جدا قبل الوحده تتزوج المتزوج لان زوجته مريضه او تكون مجبوره لان ولد عمها او من اقاربها
او تكون ارمله ومالها خواطيب او جيكره والله يوفق الجميع
لكن حاليا الوحده تتزوج متزوج او مسيار لاسباب عده تبي حريه ولاتبي فلوس لازم يكون غني ولالو فقير ماتبي حتى لويكون ملك جمال واخلاق وعايلته اصيله
((((((موازين الدنيا تغيرت +الجيل وطريقه التفكير تغير +النظره المحصوره فقط على نظريات مستورده من الدول المجاوره ))))))))))))))))))
يمكن عند البنات او البعض منهم قبول تكون بنظرتها تبي لومتزوج عشان تنطلق للدنيا بعينها الصغيره
ولكل شغله عله هههههههههههههههههههههههه بنظرتي الخاصه لاافكر ولاحتى يطري على بالي اتزوج متزوج ولي ماارضاه على نفسي لاارضاه على بنات الناس يمكن البنت تنظر بعواطفها للامور بشكل عام وخاص
لاارضى اظلم نفسي ولااظلم المراه الاولى وقناعتي في الحياه ((((كما تدين تدان )))))))))))ونفس ماانحطيت شريجه بتنحط على شريجه
ولانفكر بس باعمارنا هم اهالينا الله يطول باعمارهم ويخليهم لنا من زمان اول ماراح يرضون يزوجون بنتهم بطريقه مسترخصينها لشخص مايمكن يقدر يكون لها استقرار ويا امنونه على بنتهم
اول وتالي لكل شخص وجهه نظر
|
|
4/21/2011 11:24:40 PM
|
ALmoosa
Posts 1
|
سبحان الله اصبح الحكم على امر شرعي مستساق من قبل الجميع الزواج الثانى او الثالث لايعنيان الرجل قليل وفاء تجاه الزوجه الاولى بل بالعكس انا اعتبره غايه في الاحترام لذات الزوجه لانه لم يذهب الى امر شاذ من العلاقات الغير شرعيه الذي لايقبلها كل صاحب فطره سليمه وازيد من الشعر بيت الرجل الذي يعدد رجل بكل مافي الكلمه من معنى .
|
|
5/14/2011 7:23:35 PM
|
m_slam
Posts 16
|
الزواج في مجتمع القبائل ناجح لأنه من عاداتهم لكن عندالحضر غيرمقبول وفاشل غالبا
يكون نزوه بمجرد صلاح الأولى يستغنى عن الثانيه يعني[مغامرة]
|
|
5/14/2011 7:24:00 PM
|
m_slam
Posts 16
|
الزواج في مجتمع القبائل ناجح لأنه من عاداتهم لكن عندالحضر غيرمقبول وفاشل غالبا
يكون نزوه بمجرد صلاح الأولى يستغنى عن الثانيه يعني[مغامرة]
|
|
5/14/2011 11:28:11 PM
|
bano0otaaa
Posts 13
|
ماتقبل ,,
عشان ماتخرب بيت الناس..
|
|
5/15/2011 2:55:05 PM
|
samia22
Posts 149
|
انا اقبل الزواج الثاني ..... بشرط ...انه تزوج الثانيه لمرض الاولي مثلا ....او لعدم قدرتها عل الانجاب ... او انه منفصل عنها ولكن مو مطلقها لاسباب ماديه مثلا او صله قرابه .
اما غير تلك الاسباب فلا ارضي ..الزواج الثاني ... لاني افكر براحتي النفسيه ... مالي خلق مشاكل وعوار راس .
|
|
صفحات
1 2 3 4 |
|---|