|
5/24/2011 3:00:47 PM
|
|
هل تخجل بانك عانس وتهرب من المجتمع
|
اللهم صل علي محمد وال محمد
(ما العازبه فاقول كيف يكون شعورك وانتي تجلسين مع خواتك المتزوجات او زوجات اخوانك او تجلسين بجانب زميلتك بالدوام
وهي تتكلم مع زوجها صفي لي شعورك ............؟؟)
ههههههههه صراحه كل اللي اسمعه من المتزوجات ... الشكاوي من ريلها ... وجوده مثل عدمه ...واللي ماخذ معاشها ...واللي ماخذ كرت البنك مالها ....واللي تطر منه السفره علي حسابها وغصب يرضي .... لا يكون علبالك اسمع من المتزوجات >> حبيبي عمري ما قصر ...حياتي وداني المكان الفلاني ... زوجي يهبل ما يقصر معاي ... لووووووول غلطاااااان
اهم شي الايمان بما كتبه الله لي ... انا ما اطالع فوق ..اطالع تحت ..واشوف العزابيه مثلي اللي معاشها علي اهلها واخوانها ضايع ..وعلي البيت ...او اللي اهلها حاكرينها ما تطلع ولا تروح ...واحمد ربي عل النعمه اللي انا فيها ...واحمد ربي علي اخواني ...يمه فديت اخواني حبايبي 
عفوا ردي كان >>> (انا لما اقول لا يستحقني اقصد المال والجاه ...لا اقصد الدين والتدين) ..اقصد يهمني الدين مو المال ..اكو فراغ بين ال لا وبين الدين
|
|
6/13/2011 12:01:41 PM
|
|
الكويتيه طراره على باب الرجال
|
كل شخص نظرته للرومانسيه تختلف عن الاخر .... ماكو تعريف عالمي للرومانسيه ...الرومانسيه يتكون من عده اشياء ..بس كل شخص علي حسب يحب الطرف الاخر يكون اكثر رومانسيه بهذا الشي اكثر من ذلك .
مثلا ... الرومانسيه عندما يمسك الرجل يد زوجته بحنان ويقبلها ... بدون مقدمات ...مثلا قاعدين يطالعون تلفزيون ..او قاعدين ياكلون .
الرومانسيه ... بطريقه النظرات كلا الطرفين لبعض .
احيانا تكون الرومانسيه حتي لما يكون الريال راد من بره وتييب زوجته الطشت وتغسل ريوله بحنيه بدون اي طلب منه ذلك
الرومانسيه ...صندوق كبير ..يحتوي علي عده اشياء.
هذا انا مفهومي للرومانسيه ...واللي اقصده للرومانسيه ...او اللي ابيه من الرومانسيه .
اخوي كويتي .....عيل شنو نكتب بالبروفايل؟؟ انا ابي مثلا شخص حنون ورومانسي ... انا صريحه ابي هذي الاشياء ... انا داشه هني علشان اقول الطلبات اللي انا ابيها ...جان محد دش هني واعتمد علي طلبات الاهل يزوجونه بكيفهم .
يعني انا مثلا ما اطلب ريال معضل(سوالف مراهقات) ... انا ما احب الريال المعضل كلش ... ولا اطلب غني الله الغني ...اكتب مثقف؟ وايد جامعيين مو مثقفين ...والثقافه تطلع بالحوار ... انا اكتب الصفات اللي احب وجودها بالريال .
|
|
6/13/2011 12:07:05 PM
|
|
اثبت لي انك شريف ايها الرجل
|
للاسف هني الرياييل كلهم جذابين ماكو ريال صادق ....وما عندي استثناء...اذا ما تجاوبت معاه واخذت ايميله ...يختفي تماما ...رغم انه شابك ...يعني القصد من الايميل من التعارف في سبيل الزواج ...لا شي ثاني علشان جذيه يتهرب .
|
|
6/13/2011 12:10:36 PM
|
|
الحقيقه التي تهز النساء
|
(غلب الي يدخلون بل معظم الرجال يدخل وبنسبة 98% يدخل يدور زواج متعه او مسيار او صداقه ....
ليش نكذب على بعض هذه حقيقة والدليل كم وحده تزوجت من خلال هذا الموقع هذه الحقيقة واتحدى اي واحد
ينكر ذلك)
صحيح ،،، وهذا اللي لاحظته بهذه الفتره الاخيره ... وخاصه لما واحد يحط ايميله اقوله خل نتفاهم بالموقع ... واذا توافقنا بالاراء..يصير خير ... تلاقيه يختفي وما يرد خلاص ..واهوه دايم شابك ... يعني هذا يبي يلعب بالاساس مو حاط فكره الزواج بباله .
مو ٩٨٪ ...لا كلهم
|
|
6/13/2011 5:12:27 PM
|
|
اثبت لي انك شريف ايها الرجل
|
اخ كويت والنعم فيك .... بس انت قايلت مو داش للزواج
انا اتكلم عن كل الرياييل اللي حاط ببروفايله انه يبي يتزوج .... الاصح المفروض يحط يبي يخربط ....هذا النوع ما اعتبره ريال ..هذا للحين مراهق .
|
|
6/14/2011 3:27:23 PM
|
|
مذكرات عانس
|
الاخت ليلي دايما تكتب وبعدين تكتب لا تعليق هههههههههه ... لا تعليق يعني ما تكتبين تعليق كلش ههههه
البعض يعتقد ان العانس امراه كبيره مسنه ...شكلها يخرع لووووول .... ريل بالدنيا وريل بالقبر ..ما يدري انه ما يقدر يفرق بينها وبين اللي عمرها بالعشرينات
اذكر مره ...كان عندي زميله متخوفه من عمر الثلاثين ...وعلبالها بس توصل الثلاثين .. بتطلع التجاعيد بوييها ... المه ميوم كملت اهي الثلاثين ... قلتلها خل اشوف تجاعيدج اضحك عليها .... والحين عمرها ماشاءالله ... ٤٠ سنه وللحين شكلها صغير .
بس كيفي حبيت اسولف
|
|
6/15/2011 3:07:31 PM
|
|
من اقوى الحب ام المذهب
|
اخ كويتي ...سهل عليك تقول تزوجوا من اي كان لانك متزوج ...ولست بحاجه للزواج
انا عن نفسي لا اتزوج اي كان ... اتزوج من مذهبي والا فلا ... انا شفت مشاكل وايد من زواج الاشخاص من مذهب اخر مختلف .... الطائفيه تدخلت في بيوتنا ...فرقت ازواج عن بعض ... وما يحدث من مشاكل طائفيه عل مستوي الخليج ... زادت البعد بين طفي الاسره الواحده ... ماذا عن مشاكل الاطفال؟ ماذا ستعلمهم ؟
هل يتبعون مذهب الاب او الام ؟؟ لا تقول لي يكبرون ويتعلمون ؟؟ نحن في مذهبنا الفتاه في سن التاسعه ... هو سن التكليف ...عليها ما علي المراه البالغه ...من حجاب وصوم وصلاه ... وامور الدين ... اذا علمناهم صغارا علي مذهب معين ...سيتبعونه كبارا .
نختلف في كثير من الاشياء المهمه...لا نخادع انفسنا ونقول لا نختلف ؟؟
هل اتزوج رجل يتبع شيوخ دين يكفرون مذهبي ؟؟
الزواج من نفس المذهب ....راحه لي ولزوجي ولابنائي .
اتزوج شخص ... اينما قمت او جلست اصلي علي محمد وال محمد ... بدون اذيه
|
|
6/15/2011 7:34:33 PM
|
|
ركن كشف الحقائق للنصابين
|
صحيح النيا دواره
انا مؤمنه ان الله يمهل ولا يهمل
والمخادع والكاذب فوقه رب اسمه المنتقم الجبار ... ينتقم من كل رجل خدع فتاه ونصب لها الشباك ... رجال قالت عنهم دكتوره فوزيه عنده مجلد من انواع الكذب .
اقدر افضح المخادعين هني ... حتي لو كان الخداع بالسايل فقط .... ولكن مثل ما قلت ... مؤمنه ان الله ينتقم منهم عاجلا.
|
|
6/17/2011 11:31:39 AM
|
|
ركن كشف الحقائق للنصابين
|
يا كويت ... وطلال ..... بس هذا لعب علي بنات الناس .. واللي تبي تلعب انتوا عطيتوها مجال .... او ان الريال حاب يلعب بس بمزاجه اهوه مو بمزاج البنت
هل حلال انك تبوق البواق (الحرامي)؟
هل حلال انك تغش الغشاش؟
عاملوا الناس باخلاقكم <-- حديث شريف
يعني يعقل ... وحده داشه علي واحد تبي منه فلوس .... بدون لا يطلب منها شي ؟؟؟ تاكد من الاشخاص اللي يروون لك حكايات الف ليله وليله بالاول.
|
|
6/17/2011 11:40:54 AM
|
|
من اقوى الحب ام المذهب
|
اصلا جملتك >>> تتكلمي بنفس وطني ... ايضا في تفرقه وعنصريه ....يعني ما افكر اتزوج الا كويتي ؟؟
انا مو مهم عندي كويتي ...لولا اسم ديرتي ..ما منهم فايده بلاعه فلوس بس .
انا مااعتقد مشكله العنوسه بالكويت بسبب المذهبيه ...بس الشباب بالكويت يبي اللي تحط مكياج اللي تلبس مشخلع ..اللي صوتها يهز المكان ... ويقص علي نفسه يقول ابي وحده محترمه ...،واهوه حاط عينه علي ذيج الاشكال .
مشكله العنوسه ...لما واحد عمره بالاربعين او الثلاثينات ياخذ بنت صغيره ...بال ١٨ او ٢٠ ..وتختلف التركيبه ... اخذ نصيب شباب العشرينات ..وبقيت الفتيات اللاتي يقاربنه بالعمر.
مشكله العنوسه ...لما الريال يبي ياخذ وحده فوق ال ٣٥ وما عندها قرض ؟؟ليش ناوي تكوش علي معاشها ؟؟
لما الريال ...ياي لها عقب هالعمر ..ما يعجبه المكان اللي تشتغل فيه ...يبي كل بنات الكويت مدرسات ..طبعا ليس القصد دين ..انما معاش .
|
|
6/18/2011 8:42:11 PM
|
|
ركن كشف الحقائق للنصابين
|
ترا عادي ..... ليش عيل تزعلون اذا المراه طلبت مهر غالي ؟؟؟ هل الانسان قيمته بالفلوس ؟
يعني علشان طلبت منك ٢٠٠ تصير رخيصه؟؟
تعال طلال انت سني والنعم فيك ...شكو تبي متعه ؟؟؟ هاااا
وترا عادي المقابلات بشقتها ..شنو فيها ؟؟؟ خو موفره عليك ...لازم تاخذ اللي وراك ودونك؟؟
رياييل عجيبين ؟؟
|
|
6/19/2011 11:10:09 AM
|
|
الحقيقه التي تهز النساء
|
اختي اكو موضوع اسمه كشف النصابين... ياليت تحطين اسمائهم ... بس تكونين انتي بعد مبلغه عليهم من خلال الرسائل اكو زر (غير لائق ) يستخدم للتبليغ .
|
|
6/20/2011 11:32:26 AM
|
|
المرأة كذابه تبحث عن متعة التحرش وليس متعة الزواج
|
ههههههه ضحكتيني ...اي والله يهالوووا داشين هني ؟؟؟
اهم شي تعرفينهم من نكاتهم ...صج نكات يهال ...انا اعرف اعمارهم من نكاتهم
لا وشي ثاني ... اهوه اسمه خطبه للكويتيين شكوووو يسجلوون الوافدين ؟؟؟مو قصدي عنصريه بس المكتوب باين من عنوانه ؟!!
لا والحين ...يدشون اجانب ..بريطاني وامريكي وهندي؟!! عفيه هذيل منو اللي يايبهم هني وناسيهم ؟!!
طبعا انا شطييت بعيد عن صلب الموضوع ....شسوي بو طبيع مايوز عن طبعه
|
|
6/21/2011 2:24:55 PM
|
|
مافي بعد اليوم نصب واحتيال
|
اللهم صل علي محمد وال محمد
اخ كوتي انت علي نياتك ... النصاب ما خاف من رب العالمين ..ما خاف من يوم يقف امام الله وكتابه بشماله ...وهو يردد رب ارجعون اعمل صالحا ... تبيه يخاف من القسم ؟!!! .. النصاب انسان لارحمه في قلبه ولا ضمير عنده .
اذا كان علي الماده ... اللي يبي يتزوج وصج نيته الزواج ... الله يرزقه من حيث لا يعلم ...اما ال١٠٠٠ ما تشجع ... بالعكس اعرف ناس خذوا فلوس الحكومه بالنصب ..يعني يتفق مع من يتزوجها لها النصف ثم يطلقها بالاتفاق .... ولكن الله يمهل ولا يهمل .
اهم شي عجبني الدعوه .....يعني الدرجه السياحيه او البو بلاش نفس حالاتي مو معزوم لووول
والله يرزقنا الزوج الصالح ....وماراح اعزم الا الفقاري نفس حالاتي لووول
|
|
6/21/2011 2:27:16 PM
|
|
مذكرات عانس
|
اللهم صل علي محمد وال محمد
انا اعتقد ان العانس .... لا تفتقد شي كثر ما تفتقد طفل بحضنها .
|
|
6/21/2011 2:30:52 PM
|
|
ركن كشف الحقائق للنصابين
|
اللهم صل علي محمد وال محمد
ليش اكو رياييل يحطون في بروفايلهم غير الحقيقه .... ويقولون ما اقدر اغيره ؟؟؟؟ يعني البعض لما سجل عمره ياهل ما يعرف جم عمره ؟؟؟ وغلط؟؟
يعني هذا اكيد نصاب اشكرره
|
|
6/21/2011 2:36:44 PM
|
|
احد يعرف شنهي السالفة بالضبط ؟
|
ارجو ان لا تتطرقوا للدين ...وانتوا مو عارفين عنه ... الكل صار مفتي هني ماشاءالله ...والدين صار يعجبني وما يعجبني ؟!!!
انا ما اقدر اتطنز او احرم زواج الاربعه علشان انا ما احبه وما يعجبني ؟!! وكذلك الامور الاخري ....وياليت كل واحد يتكلم عن مذهبه... وكل واحد له مذهبه .
|
|
6/21/2011 8:25:16 PM
|
|
احد يعرف شنهي السالفة بالضبط ؟
|
اعتذر مابدر مني اخي الكريم ..صاحب الموضوع
ملحوظه: ماكو جبل ما يهزه ريح
|
|
6/22/2011 2:08:54 PM
|
|
الحقيقه التي تهز النساء
|
اللهم صل علي محمد وال محمد
لوووول نشكر جرآتك وشجاعتك ...والله يحفظكم من شر الجن والانس يارب ....
ويرزق كل عازبه الزوج الصالح ..وكل عازب او راغب بالزواج الزوجه الصالحه .
بعض الشباب من اساميهم الواحد المفروض ما يبطل لهم الباب .... مسميات مراهقين
تحياتي
|
|
6/23/2011 1:25:02 PM
|
|
حالات الزواج عن طريق موقع خطبة
|
اللهم صل علي محمد وال محمد
مافيها شي المقابله ... حتي بالقران اللي ناوي يتزوج ..عادي يقابل اللي يبي يتزوجها في مكان عام ...وانا صراحه يهمني اشوف الريال وشكله قبل لا يطق الباب وعقب اما يتفشل او انجبر فيه .
والل يبعد عنكم اولاد الحرام من النساء والرجال
|
|
1 2 3 4 5 6 7 8
|