|
صفحات
1 2 |
|---|
|
5/3/2011 1:27:03 PM
|
qukuwait
Posts 321
|
اغلب النساء للاسف سطحيات ولا يعرفون يدبرون امورهن البسيطه حتى كتابة البروفايل
اغلب النساء يكتبون بروفايل عاطفي وكانهم يذلون نفسهم امام الرجال
اشعر ان الكويتيات ما عندهم ثقافة اذا وصلت سن 25 اعتبرت نفسها عانس وكذلك المطلقة والارملة الذين يبحثون عن الاستقرار
ولكن للاسف اعتبر الكويتيه اصبحت طرار على باب الرجال تريد ان تستعطف الرجل عن طريق الديباجه التي تشرح عن حالتها
ووضعها الانساني والاجتماعي وكانها فقيره تطر عند باب الرجال
عيب مسألة الزواج ما تحتاج عاطفه ضعي بروفايلك بشكل يناسب شخصيتك لا تستعطفين الرجل كل وحده تكتب روفايل تريد ان تثب
للرجال بانها تريد الزواج كي تتخلص من نار اهلها عيب عليكم يا نساء
|
|
5/4/2011 7:01:18 AM
|
Pariiss
Posts 30
|
اول شي اتمني تحترم مشاعر النساء
لان كلنا عندنا احساس
وبعدين وين الغلط اذا وحده حبة تتزوج
وتشوف شريك حياتها
مو شرط ان الوحده تبي تتخلص من نار اهلها
بس البنت ادور العطف والحنان والحب
انا ماانكر ان اهلنا يحبونا بس الزوج غير
عن الاهل في بعض الامور
|
|
5/4/2011 4:37:05 PM
|
qukuwait
Posts 321
|
السلام عليكم
اولا اكثر واحد يحترم مشاعر النساء انا ولا غلطت على اي مخلوقه واتحدى وحده تقول عكس ذلك
الشي الثاني لو كانت قراتك ما بين السطور قويه ما فهمت غلط من كلامي الظاهري انه يجب على
صاحبة البروفايل ان لا تستعطف الرجل والزواج ليس استعطاف قدر ما يكون قناعة
وانا يوم احب انسانه لا انظر الى تاريخها او افكر اني اتزوج وحده واصير منقذ هذا موصحيح
الواحد يتزوج حسب قناعته مش جاي يقرأ بروفايل البنت ثم ينكسر خاطره عليها شنو هل المنطق
انا جدا منطقي وواضح ولا اتعاطف مع النساء ابدا الي تبي تتزوج هذا الميدان يا حميدان وبلاش
استعطاف وكانكم تطرون الله يخليكم انا سجينه انا ابي الحريه كلام فارغ
كويتي حار
|
|
5/5/2011 4:44:19 PM
|
samia22
Posts 149
|
شنو المشكله لما اكتب حنون ؟؟؟
المشكله هي لما يقراه الكويتي ..... لانه ما يعرف شنو يعني حنون ..او شلون يكون حنون ..وفاهم الدنيا غلط .
المفروض البروفايل نكتب فيه صفاتنا ..وصفات الريال اللي نبي فيه هالصفات .... صح؟
وبعدين كل واحد وطريقته بالطراره ...حتي الطرار تناشبونه
|
|
5/6/2011 6:01:20 AM
|
qukuwait
Posts 321
|
السلام عليكم
ههههههههههههههههههههه عجبني
لا حنا اصلا ما نحسد الميت على موته بيوم الجمعه
شكرا لكم جميعا
|
|
5/9/2011 9:25:14 AM
|
ayyam_1
Posts 3
|
اللهم صل على محمد وآل محمد وعجل فرجهم
الفكره ان كل طرف يوصل وجهة نظره او مفهومه لما يتمنى او يحتاج باسلوب راقي
بعيد عن الاسفاف او انقاص من القدر والقيمة
وشكرا
|
|
5/9/2011 11:40:53 AM
|
qukuwait
Posts 321
|
السلام عليكم
انا اعتراضي يا بنات على فحوى او الديباجه التي تقدمونها من خلال البروفايل وكانكم تستعطفون الرجال وهذا هو اعتراضي واعتبر تلك
الديباجه او الفحوى هو بمثابة الطراره الشرعيه وانتم احرار والاخت ساميه تقول ما فيها شي تقول حنونه ...... هو الحنان والعطف يعني
له الة قياس مثلا
يا بنات خلونا عقلانين واشك يوم من الايام راح تكون المرأة عقلانية التفكير بالدرجة الممتازة لان لازم تدخل العاطفة في التفكير حتى عند
كتابتها للفحوى او الديباجه عاطفه عاطفه عاطفه ........ الى متى الله منعم عليكم بالعقل ترا الواحد اذا شاف وحده يعجب بجمالها
واناقتها ونظافتها ترا اخر شي يفكر بالحنان شسالفه يعني انتي داخله زواج ولا دار ايتام حنونه ؟؟؟؟؟؟؟؟؟؟؟؟
لا انا اعترض على البرفايل المطعم بالعاطفة وهذا رأيي ومتاكد ان البنات يستخدمون عقلهم كان راح يغيرون الديباجه اصلا
على كل حال ادعوا كل وحده طراره وهي طراره شرعيه ما فيها شي يعني بدال الطراره تبرز شخصيتها
|
|
5/9/2011 4:52:08 PM
|
samia22
Posts 149
|
كلمه اخوي الفاضل ..... قبل الزواج تشوف الشهاده ...والجمال ... والاسلوب
خلال الزواج ...... ما تبي اي شي منها هذا ..... وتقعد تدور الحنان ...مني ومناااك
اذا كنت مو حنون الله يكون بعون زوجتك ....اللي ما عنده حنان ...قلبه قاسي
|
|
5/16/2011 11:57:58 PM
|
qukuwait
Posts 321
|
السلام عليكم
انا ما ادري ليش البنت او النساء مصرين على انهم صح انتوا من الحين فيكم عناد عيل اشلون لوتتزوجون
مصيبه
لا انتوا طرارات شئتم ام ابيتم ولا طرارات من الطراز الحديث بعد ليش تنكرون
كل وحد تبي تستعطف وتقول على نفسها انا حنونه ورمانسيه
نزين ابي اعرف منكم يا بنات حجكم كله فاضي شنو معناة رومانسيه شرط ما تعرفون
كويتي
|
|
5/17/2011 9:23:40 AM
|
samia22
Posts 149
|
اللهم صل علي محمد وال محمد
الرومانسيه هي أم الحنان
الرومانسيه هي الحب
أخي كويتي. ربما عندما اطلب رجل حنون أريده ان يعلمني الحنان. مو شرط أكون حنونه
يعني أنا طراره حنان. من حنأنك أدينا شويه يا سي السيد
|
|
5/17/2011 11:08:11 AM
|
hajerya.3asel
Posts 37
|
السلام عليكم...
انا مع انه المرا تبتعد عن اسلوب الاستعطاف,,,,
ليش مو واثقه من نفسها ...
ليش تذل روحه علشان زواج ..
إلي عليها تكتب نبذه بسيطه عن نفسها واطباعها من غير تذل روحها..
لانه مو حلووه كلش سالفه استعطف واكسر خاطر الريال علشان زواج ...
اذا لي نصيب باخذه من دون هالحركات ... واحنا وايد اكبر وارقى من هالحركات ..
بس ملاحظه صغير لاخوي كويتي ياليت يتقبلها بصدر رحب : احس وايد شايل على الحريم ههههههه ما الومك بس اسلوك وايد مندفع علشان مايصير سؤء فهم من الطرف الاخر وتقبل مرووري اختك هاجريه
|
|
6/10/2011 7:19:33 AM
|
TIGER_77
Posts 15
|
السلام عليكم ...اشكر اخوي كويتي على طرح هذا الموضوع واتمنى من الخوات فهم فحوى الموضوع واخذه بصدر رحب واحب اذكر اهني موقف صار وياي
مرا من المرات قريت بروفايل وكانت الموصفات كلها حب وحنان ورومنسيه  وبطبيعة الحال الرجال ابحث عن الرومنسيه
طرشة مسج... تم القبول... تبادلنا اطراف الحديث ...اثناء الحديث سالتها سوؤال ماذا تقصد بكلمة الرومنسيه لاني اجهل معناها
بعد صمت اتى الرد قالت انا بنت وتونا في بداية التعارف واستحي اشرح خلها في فراش الزوجيه طبعا عرفتو المقصود...؟
المحادثه الثانيه فصلة الجهاز اثناء المحادثه قلت في نفسي ممكن صار عندها ضرف مهم اخليها على راحتها ومتى ما فضت اهي بتتصل..وبعد جم ساعه طرشة لي مسج
عجيب غريب...؟ بتقول ان اخوها اكتشف الموضوع  ولازم تيب اهلك قبل لا تكبر السالفه وتطلع من ايدينه ........طلع فلم هندي تاليف كويتي
طبعا المحادثه الاولى 30 دقيقه تقريبا والثانيه اقل من 10 دقايق وكلهم عن طريق الموقع بالله عليكم هذي مو اطراره...؟ الا سرقه وغير شرعيه بعد.
طبعا هذي حاله وحده صارة وياي وانا اخص ما اجمع واكثر الخوات الموجودين ماشفنا منهم الا كل احترام والجدية والمصداقيه في الطرح ولانكن لهن الى كل الاحترام
والتقدير... وندعو الله لنا ولهم التوفيق..
|
|
6/13/2011 11:33:48 AM
|
qukuwait
Posts 321
|
السلام عليكم
مشكور على الرد
وقصتك هذه جزء من الافلام الي حصلت هنا ودائما وابدا اعارض مسألة الطراره لانه وسيله بايخه
والكلام الي يكتب بل بروفايل كلام فارغ اصلا ويدل على ضعف الشخصية وخاصة الي تكتب
انها محتاجه ورموانسيه ومؤدبه و............. الخ
|
|
6/13/2011 12:01:41 PM
|
samia22
Posts 149
|
كل شخص نظرته للرومانسيه تختلف عن الاخر .... ماكو تعريف عالمي للرومانسيه ...الرومانسيه يتكون من عده اشياء ..بس كل شخص علي حسب يحب الطرف الاخر يكون اكثر رومانسيه بهذا الشي اكثر من ذلك .
مثلا ... الرومانسيه عندما يمسك الرجل يد زوجته بحنان ويقبلها ... بدون مقدمات ...مثلا قاعدين يطالعون تلفزيون ..او قاعدين ياكلون .
الرومانسيه ... بطريقه النظرات كلا الطرفين لبعض .
احيانا تكون الرومانسيه حتي لما يكون الريال راد من بره وتييب زوجته الطشت وتغسل ريوله بحنيه بدون اي طلب منه ذلك
الرومانسيه ...صندوق كبير ..يحتوي علي عده اشياء.
هذا انا مفهومي للرومانسيه ...واللي اقصده للرومانسيه ...او اللي ابيه من الرومانسيه .
اخوي كويتي .....عيل شنو نكتب بالبروفايل؟؟ انا ابي مثلا شخص حنون ورومانسي ... انا صريحه ابي هذي الاشياء ... انا داشه هني علشان اقول الطلبات اللي انا ابيها ...جان محد دش هني واعتمد علي طلبات الاهل يزوجونه بكيفهم .
يعني انا مثلا ما اطلب ريال معضل(سوالف مراهقات) ... انا ما احب الريال المعضل كلش ... ولا اطلب غني الله الغني ...اكتب مثقف؟ وايد جامعيين مو مثقفين ...والثقافه تطلع بالحوار ... انا اكتب الصفات اللي احب وجودها بالريال .
|
|
6/13/2011 1:00:07 PM
|
qukuwait
Posts 321
|
السلام عليكم
قرات قبل شوي ردك كان وايد قاسي على الرجل وقد يستحق الرجل ذلك الرد لانه لم يلتزم بالمبادئ التي وضعوها اصحاب الموقع
ولكن انك تردين ان تعرفين معنى الرمانسيه للرجل وتوضعين وصف الرجل الذي يانسبك فهذا تناقض
يا سيدتي
الرجال معضل ولا بدون عضلات الانسان يبحث عن صدق المشاعر ويكون امين
الله يكون بعونك انتي انسانه واقعيه وصاحبة مبدا
شكرا
|
|
7/21/2011 8:10:57 AM
|
q8f
Posts 8
|
السلام عليكم
بصراحة عنوان موضوعك فيه احتقار لبنات الكويت
واذا كان فيك نقص لاتعبر عنه عند العالم احتفظه لنفسك
واذا انت شايف الكويتيات طراره للرجال عد اهلك منهم
واذا ترضى على اهلك هذا الشي بعد مصيبه
اخوي راجعك نفسك على الموضوع الي طرحته
وتأسف على الي سويته
والله يعينك على تفنيدك لرود الناس بصراحة
وتقبل مروري بكل سعة صدر
|
|
7/21/2011 11:52:01 AM
|
qukuwait
Posts 321
|
السيلام عليكم
اشكرك على الرد والحمدالله ان في ناس تقرأ المواضيع ولكن يختلف من قارئ الى قارئ ومن مثقف وغير مثقف
يا اخي هل تعرف اسلوب النقد السخري الذي ينتقد بشكل مضحك او ملفت الانتباه
اصلا انت تحتاج الى التعود على القراءة ومخالطة الكتاب والاجتماعين والنفسين والسياسين علشان تفهم محتوى الرساله وماذا يريد الكاتب
انا في مقالي هذا انتقد فيه البنات ليش البنت تكتب بانها حنونه ووعاطفيه وتوصف نفسها وكانها تترجى الرجل ؟؟؟
ليش تنزل مستوى البروفايل الى خطاب عاطفي ؟؟؟؟
حشاك وانت بكرامه لو صخله تمشي بالشارع يلحقونها الشباب كونها انثى ؟؟؟؟؟
لذلك مقالي هو دفاعا للمرأة وان كرامتها من الله وليس من البشر
كويتي
|
|
7/29/2011 7:50:55 AM
|
TIGER_77
Posts 15
|
السلام عليكم
اخوى كويتى اتمنى يكون صدرك وسيع وطول بالك واذا تعتبر ان البنت تكون طراره عند باب الرجال اذا هى تطلب انسان حنون او رومانسى او كريم او اى صفه حلوه تتمناها بفارس احلامها فهذى اطراره مشروعه لان اى بنت تكون كتلة مشاعر واحلام متناثره واحاسيس تلامس خيالها بهالفارس مو عيب هالشغله لانها ترجم احاسيسها وممكن ان البنت او الريال قدام هالجهاز يقدر يتحرر من كل هالاحاسسيس المكبوته ويطلق لعاطفته ويعبر من خلال البروفايل عن هالاحاسيس بس اذا واحد نفسك مع احترام لوجهة نظرك ونتفق ان الاختلاف بالراى مايفسد للود قضيه بينا بس هى مجرد وجهات نظر نتبادلها وبالنهايه نوصل لنتيجه وهذا المرجو من فتح مثل هالمواضيع بس يكون تبادل اراء وجهات نظر مو كل واحد يتمسك برايه يعنى انت تكون صح اوافقك وغير من قناعاتى وانا نفس الشئ واى واحد من الاخوان او الخوات ينطبق عليه هالشئ لان بالنهايه نحاول نوصل لنتيجه نستفيد من هالنقاشات.يعنى مسالة انك اخذتها من باب طراره اتوقع ان هالمفرده انت ماتوفقت فيها وهذا مو عيب وكل واحد فينا معرض للخطا والصح بس الانسان الذكى يستفيد من اخطائه لان البروفايل بالنهايه احاسيس وامانى مكبوته هالفارس اللى بخيالها ومو عيب ولا خطيئه انها تصرح عن هالاحساس بس العيب ان الواحد يفهم هالتصريح انه خطأ ورد وقولك مع احترامى لوجهة نظرك. ومسالة العنوسه او تأخر سن الزواج او عدم التوفيق هذا اتوقع مو مقياس لان ماكو عمر للزواج هو نصيب متى ماربك كتبه بتزوج ومسالة تاخيره وتقديمه هذى لها مقاييس كثيره مابى استرسل بالكلام ومللكم منىبس اهم شئ اذا جا النصيب يكون خير اذا بال18 او بال 40 اهم شئ التوفيق وان الوحده او الواحد يطلع من بيته لحياة جديده ويكون اسره سعيده  بأختصار انا ابى الحنونه المخلصه والبنت تبى الامان والكرم وطبعا الذكاء صفه مشتركه بالطلب لان لا البنت تبى الغبى ولا الزوج يبى الغبيه سورى للاطاله بالرد انشالله ماكون مللتكم
|
|
7/29/2011 12:20:49 PM
|
qukuwait
Posts 321
|
السيلام عليكم
اشكرك على الرد والحمدالله ان في ناس تقرأ المواضيع ولكن يختلف من قارئ الى قارئ ومن مثقف وغير مثقف
يا اخي هل تعرف اسلوب النقد السخري الذي ينتقد بشكل مضحك او ملفت الانتباه
اصلا انت تحتاج الى التعود على القراءة ومخالطة الكتاب والاجتماعين والنفسين والسياسين علشان تفهم محتوى الرساله وماذا يريد الكاتب
انا في مقالي هذا انتقد فيه البنات ليش البنت تكتب بانها حنونه ووعاطفيه وتوصف نفسها وكانها تترجى الرجل ؟؟؟
ليش تنزل مستوى البروفايل الى خطاب عاطفي ؟؟؟؟
حشاك وانت بكرامه لو صخله تمشي بالشارع يلحقونها الشباب كونها انثى ؟؟؟؟؟
لذلك مقالي هو دفاعا للمرأة وان كرامتها من الله وليس من البشر
كويتي
|
|
8/20/2011 2:15:40 PM
|
Huge
Posts 4
|
انت شسالفتك يكون اكبر انتقادي للرجل والمراه ؟
معقد ؟
اشوف ماعندك شغله غير مناشب العموم وصاير ابو العريف
|
|
صفحات
1 2 |
|---|