|
4/29/2011 12:52:19 PM
|
|
زواج الكويتية من غير الكويتي
|
اللهم صل علي محمد وال محمد
لن اتكلم بالموضوع الرئيسي العفو ...ولكن سارد عل الاخ المصري
تقول لماذا التكبر ؟؟؟ وانت داش علينا افتخر بمصريتي ..وكلكم تعرفون المصريين ؟؟؟ هذا مو تكبر ...صراحه انا ما اعرف المصريين الا من دوامي واللي اشوفه اغلبيتهم نماذج تحقد عل الكويتيين ...ما عدا القليل جدا منهم اللي علي نياته ويحب الكويتيين ... شفت مصريين فيهم نحاسه ما يعلمون الكوييتن اي شي في مجال عملهم .
اخوي ليش داش هني ؟؟؟اشتغرب وجود غير الكوييتن هني ؟؟؟؟ الموقع اسمه (خطبه للكويتيين ) ..
اخوي اذا ما تشوف اي امتيازات بالزواج من الكويتييه .... عيل عندك قصر نظر ...لو في الكويتين تكبر وتعالي ...ما تزوجوا مصريات من مناطق غير غنيه ؟؟؟ لو في الكويتيين تكبر وتعالي بالتعامل ... جان مع اول طياره ورديت ديرتك ...تقول نسب الطلاق كبيره بالخليج ؟؟؟ ان نسب قتل الازواج وتقطيهم الاكبر بمصر ..الا تذكر تلك المرحله؟؟؟ عندما فتح المجال للخلع ....ركضن المصريات ليخلعن ازواجهن ..باعداد كبيره .
بالطبع انا مو ضد الزواج من غير الكويتي ...والعكس ...بما انه عربي مسلم ...لا يوجد مشكله دينيا
ولكن العادات والتقاليد تختلف ...وعلينا مراعاه ذلك ايضا .
وشكرا لصاحب الموضوع .
|
|
4/30/2011 4:16:36 PM
|
|
زواج الكويتية من غير الكويتي
|
عفوااا اخي الفاضل ..... لا تنسي ايضا ان قيام السياحه بالدول العربيه هو من سياحه الخليج لتلك الدول ...وساعدتهم علي نهضه السياحه في بلدهم ... ان من بني بيوتنا الطين حينما كان المدخول قليل جدا هم الكويتيين ... هم بنوا بيوتهم الطينيه .... لم يعمل احد عندنا بالمجان ...الكل واخذ حقه علي ااخر مليم ... شاركان في حرب مصر ..ولم نمن عليها سنين واشهر اننا دافعنا عنها ..ابدا لم نتكلم بهذا الموضوع .... احنا نعطي باليمين ما تدريي اليسار شنو عطينا ...فلا تهضمونا حقنا ولا تظلمونا .
المهم لا نخرج من صلب الموضوع ....رجاااء
وكل واحد حر باللي يتزوجها ...او اللي تتزوجه .... محد له حق يقول لها ليش اخترتي كويتي ما اخترتي وافد ؟!!!
|
|
5/3/2011 2:35:26 PM
|
|
مذكرات عانس
|
رد واحد اخي الفاضل ....بخصوص ان شخصيتي ضعيفه ...اضحكتني هذه الجمله
شخصيتي قويه ولله الحمد ومن يعرفني ...ويرا جملتك هذه عني ...سيموت من الضحك ... سواء بالعمل او البيت ...لانني ولله الحمد شخصيتي قويه .
كتبت كثيرا ...... ولكنني مسحته 
|
|
5/5/2011 4:37:05 PM
|
|
مذكرات عانس
|
تشجع المراه اهي تدفع المهر؟؟؟
سوري اللي ابيه ريااااال مو شبه ريال .... ملزوم انه يدفع مهري ويلبسني ويوكلني من فلووووسه ...هذا بالشرع
ماابي ريال ادفع له كل شي وهذا الحاصل الحين ... اغلب الريايييل صاروا ...ريايييل زينه ...بالهويه ريال ...بس تصرفاته ..المراه ارجل منه .... ترك كل مسؤولياته وبطل حلجه عل الرايح والراد بالكوفيهات والقهاوي .... صار ماكو معني لحياته ... مايدري ان باجر ربه راح يساله (وقتك فيما امضيته)
تبي تسمع مذكراتي :
انا اعيش حياتي بسعاده ولله الحمد .... ولا اااخر امري اروح اشتري ريال ..مثل ما اشتري اغراض البيت ... علي ااخر عمري اييبلي هم علي عمري
انا ما اعتقد انك ترضي بناتك ...يروحون يشترون رياييل بالمعني المادي ؟!!! اللي تحبه لنفسك حبه لغيرك.
ليش تعتقد الانسانه اللي داشه هني ..تبي ريال بالمواصفات اللي تبيها اهي ...يعني مشفوحه عل الزواج ؟!!
عادي حالها حال الريال ..تبي تتزوج ..وتبي تحس بالامومه ...تبي ريال يشاركها حياتها وافراحها .
الظاهر العانس راح تظل بعيونكم يا الكويتيين .... وحده لازم تقبل باي شي ... اي كان ... نروح البقاله وتشتري ريال حتي لو محزر.
ملاحظه : لو اضطريت اشتري ريال ما اشتري كويتي ..اشتري شي سنع بفلوسي .
|
|
5/5/2011 4:44:19 PM
|
|
الكويتيه طراره على باب الرجال
|
شنو المشكله لما اكتب حنون ؟؟؟
المشكله هي لما يقراه الكويتي..... لانه ما يعرف شنو يعني حنون ..او شلون يكون حنون ..وفاهم الدنيا غلط .
المفروض البروفايل نكتب فيه صفاتنا ..وصفات الريال اللي نبي فيه هالصفات .... صح؟
وبعدين كل واحد وطريقته بالطراره ...حتي الطرار تناشبونه
|
|
5/6/2011 3:00:42 PM
|
|
مذكرات عانس
|
الحمدلله انا انسانه مؤمنه ... والله حباني بامور كثيره ...وبعدا عن الرياء لا ابوح بها ... واعلم ان الله يحبني كثرا ...ولا يمكن ان اكون متشائمه ...مشكله اللي ما يفهم شنو اكتب ...لما اعبر عن رايي ... انا مو بنات المنتديات ... اللي تسوي نفسها قمه الرقه بالمنتدي ... واهي بره لسانها يلوط اذانها ...اللي بقلبي اقوله
التشاؤم من صفات الانسان الذي ياس من رحمه الله ..والعياذ بالله
اي الريال كل شي بالحياه ..ليش انقص علي انفسنا ...اصلا ليش البنات يدشون هني ؟؟؟ اذا لم لم يكن الريال كل شي بحياه المراه ؟؟الرجل ابي الحاني ...واخي سندي ... وزجي حبيبي ... الرجل هو نصف المجتمع ...بدون لا مجتمع ... احب ان يكون بحياتي رجل منتهي الرجوله ...المراه بدون الرجل لا شي ... الرجال قوامون علي النساء ... ليس فقط بالنظره الماليه ...ولكن بكل شي .
تحياتي .
|
|
5/9/2011 4:48:59 PM
|
|
المرأة كذابه تبحث عن متعة التحرش وليس متعة الزواج
|
السلام عليكم
اخي الفاضل كويت .... ما كنت ابي ارد ..بس لا حظت انك كاتب النساء ...ومو كانت البعض من النساء ..علشان جذيه ابي ارد
هل تعتقد اللي تبي التحرش ... تدخل هني ؟؟؟ .... يوما ما كنت صاحبه منتدي وشفت الهوايل من خلال المواضيع والردود ... اشكره مغازل
لا تنسي هناك الشات ...للجيكره ...والبالتوك ...واللي نظيف خلقيا ..نظيف وين ما حطيناه ..واللي مو نظيف ...ما ينفع فيه تايد ينظفه
اللي تبي التحرش .... تسمع كلمات ليش تشوف بالكتابه ؟!!! ... وتري اخوي الرياييل ما تفرق عندهم بالتحرش جيكره ولا حلوه ... كلهم قابلين للتحرش ..بالاخير اللي يبي يتحرش ما يبي يتزوج
للاسف المنتدي هني ... اصبح اهانه للبنت اللي داشه تطلب زوج بالحلال.. اهانه لها انها تبي الحلال ...اهانه لي شخصيا .... الرياييل مو هامهم ...يبي يتونس مايبي زواج ...لان زواج الريال ماكو اسهل منه .
حساااافه .
|
|
5/9/2011 4:52:08 PM
|
|
الكويتيه طراره على باب الرجال
|
كلمه اخوي الفاضل ..... قبل الزواج تشوف الشهاده ...والجمال ... والاسلوب
خلال الزواج ...... ما تبي اي شي منها هذا ..... وتقعد تدور الحنان ...مني ومناااك
اذا كنت مو حنون الله يكون بعون زوجتك ....اللي ما عنده حنان ...قلبه قاسي
|
|
5/9/2011 5:09:12 PM
|
|
مذكرات عانس
|
السلام عليكم
بكتب من مذكراتي هني .... ارضاء لصاحب الموضوع:
اي غضب ليش لا .... غضب لما اشوف نسبه الجذابين وااااايد هني ... انا انسانه مؤمنه جدا ولله الحمد واخاف ربي ... ماكنت اتوقع ان الرياييل الاغلبيه كلش ما يخافون ربهم ...يلعبون بعواطف البنات ... الدنيا دواره ..تقول ما عندي بنات ..عندك ..خوات ... عندك نفسك ..الله يبليك بزوجه ..او حتي رفيجه لعوب مستهتره تلعب بعواطفك.
لما يدش واحد بالعشرينات ... بالنسبه لي بيبي .... علي شات ..يبي يكلمني ...يعني هذا شنو؟؟؟ يبي يتزوجني؟؟؟ ولا يبي اتكفل بتربيته؟؟؟
لما يدش واحد .... يستهزئ بمذهبي ...هذا شنو ؟؟؟ ..مضيع الطريج ...ولا ياي يجاهد علي راسي؟!!
كلمه اخيره ... صار ماكو راياييل ..اقصد صاروا الريايل هالزمن ..قله ... بمعني الرجوله الحقيقيه <-- راجعوا معني الرجوله باحد المواضيع
باي باي
|
|
5/10/2011 2:57:40 PM
|
|
استغرااااااااااب
|
السلام عليكم
لا تستغرب ....بس استغرب لما يكون ريال عمره فوق ال٣٥ وللحين مو متزوج .... هذا شنو؟؟؟ مسكين محد طق باب بيتهم يخطبه ؟؟ ولا عايش حياه ال .... والعياذ بالله
صدق اخوي ..اكو بنات محد طق باب بيتهم .... سبحان الله يكون حكمه من الله ... خاش لها الانسان الزين ..او حكمه يشوف ترضي بقضاءالله ولا تنطوي وتبجي علي حالها .
عفوا نقطه نظام اخوي كويتي ..... يعني بس البنت تتطلب؟؟؟ الريال ما يتطلب ؟؟ اخو رفيجتي دش اكثر من ١٠ بيوت ...وكل وحده يطلع فيها عيب ما يبيها ..وعمره صك ال ٣٨ سنه ؟!! ...وكل ما كبر الريال يتعزز ويبي يكثر الطلبات .... وشايف نفسه مهند زمانه
اخوي طلال اذا برايك مو النصيب ولا للحين محد طق بابها >>> اعتقد السبب اسرائيل راشه علينا مواد تمنع الزواج هههههههههه
اخوي طلال البعض من الرياييل ..هالزمن ...ما يبون زواج .... شبعانين من الحرام ....ارخص ومتوفر بكثره بالدنيا .... بس الثمن غالي بالاخره
|
|
5/10/2011 3:05:17 PM
|
|
اثبت لي انك شريف ايها الرجل
|
وعليكم السلام
اولا بالسين مو الصاد ... سقط وليس صقط
صراحه للاسف الموقع واايد حلو ... لو كان كلا الجنسين صادقين ...لتمت زواجات كثيره من خلال هذا الموقع
اخوي كويتي اذا انت تتحدي ان احد يقدر يجاوب ...عيل ليش تحط السـؤال؟
برايي الخاص :
عندما اذهب عنذ خطابه ...فكرتي الاساسيه او هدفي الاساسي ...ان اتزوج ريال اشوفه ... اعرف تفكيره .. اخلاقه ... قبل لا اتزوجه (طبعا المقابله في اطار شرعي ووجود الخطابه ...وفي بيتها )
بالنسبه لي ظروف خاصه ... جعلتني ابحث عن الزواج متاخرا ....والحمدلله علي كل حال .
عاد كيفك انا ما استوعب بسرعه ...بس ابي ارد عليك
|
|
5/11/2011 2:37:30 PM
|
|
زواج المتعة
|
هذه القصه ليست ضد المتعه ..... لو ان الرجل تزوج متعه لما زني ...ولما وجدنا شبابنا معضمهم من اللي يخربطون ...والعياذ بالله ...زواج المتعه مذكور بالقران ...ولفئات من الناس وفي ظروف خاصه .
نفس القه اخي الفاضل ... حدثت مع زوج وزجته ...زواج دائم ... وزع صورها عالنت .. بسبب طلبها الطلاق منه ...وفضح المراه ...التي هي زوجته
كلا القصتان ...الزوجه هي شرف الرجل ... والرجل لا شرف عنده ولا اخلاق فعل ذلك ...علي قوله اخوانا المصريين ..الرك علي التربيه
حتي لو كانت صديقته ...عليها الا يفضحها .....فعليكم تدور الدوائر ...وان الله يمهل ولا يهمل
شكرا لك اخي طلال.
|
|
5/12/2011 3:06:47 PM
|
|
زواج المتعة
|
السلام عليكم
لم نات هنا لمناقشه المذاهب .... واعرف الي اين سوف ينتهي هذا الامر ...ولكن عليك تقبل اراء المذهب الاخر .
لذا ساقول لك باي ايه .. بسم الله الرحمن الرحيم (فَمَا اسْتَمْتَعْتُم بِهِ مِنْهُنَّ فَآتُوهُنَّ أُجُورَهُنَّ فَرِيضَةً وَلاَ جُنَاحَ عَلَيْكُمْ فِيمَا تَرَاضَيْتُم بِهِ مِن بَعْدِ الْفَرِيضَةِ إِنَّ اللّهَ كَانَ عَلِيمًا حَكِيمًا) صدق الله العلي العظيم ... ايه ٢٤ سوره النساء
وكانت علي عهد الرسول صلي الله عليه واله .... وما احله الله في وقت النبي ...لا يحرم بعد النبي
قال الرسول الكريم : (حلال محمد حلال الي يوم القيامه وحرامه حرام الي يوم القيامه )
راجع ايضا صحيح مسلم ج٤ ص ١٥٨
صحيح البخاري ج ٥ ص ١٥٨
|
|
5/12/2011 3:38:22 PM
|
|
أشياء تكرهها حواء في آدم
|
السلام عليكم
يعطيك العافيه
سالفه البصاص ..او الخزاز ..او اللي عينه زايغه ... مره ناقشوها مع د .فيل ..البرنامج الاجنبي .. كانت هناك امراه تشتكي من هذه الصفه في زوجها .. حتي الاجانب ...صج رياييل مالهم امان
انا ما احب الريال الاتكالي ... اللي يتكل علي او علي غيره في مسؤولياته تجاه بيته .
ما احب الريال اللي يبي يسفر المراه علي حسابها ... احب انه يتحمل مسؤوليتي حتي لو عندي معاش.
ما احب الريال ... اللي ما يغار علي ...احيانا في الاماكن المزدحمه نفس .. وسائل التنقل المزدحمه ...حلو لما تشوف ريال يلم زوجته وهو خلفها خوفا عليها من ملامسه الرجال لها 
|
|
5/13/2011 4:40:19 PM
|
|
زواج المتعة
|
عفوا اخي طلال ....من بدايه موضوعك يتهيأ لي (خير تريد به شر ) ... عنوانك >> هذي اخرتها ياللي تبون المتعه ... عفوا اخوي تري مو يايين هني نتعلم الصح والخطأ ...واحنا هني منتدي زواج ... محد طقك علي ايدك وقالك تزوج متعه ...خلها لاهلها .... وبامكانك طلب زواج مسيار وزواج الفرند ...وووو لا نهايه من مسميات الزواج المؤقت
للاسف .... ياليت تقرأ اكثر وتطلع علي المذاهب الاخري ... لان احنا يوم القيامه راح نتحاسب فردا فردا...ماكو محامي عنك .
|
|
5/15/2011 2:49:27 PM
|
|
المرأة كذابه تبحث عن متعة التحرش وليس متعة الزواج
|
اخوي كويت .... ترا الناس الحين مو علي ايامي وايامك ....ايام الورقه الصفرا اللي يلزقونها علي سيارات البنات وفيها رقمهم .... لا حاشنا التطور ابشرك ... صارت مراحل ..مرحله المغازل بالاوراق الصفرا... ثم مرحله البلوتوث ...مرحله البي بي ... ومرحله الاكبر سنا ... اللي يسوي نفسه طيب يبي الخير واهوه كله شر خاصه اللي عمرهم فوق ال ٥٠ ... يلاقي وحده قاعده بروحها بكافيه..يقولها تبين الجريده ؟ ... تبين اطلب لج ما اشوفج تاكلين ؟لوووول
اقول روح حط لك كرسي واقعد بكوستا او ستاربكس ايام الدوام الرسمي الصبح ...وبتشوف البنات اهمه يتحرشون بالشباب ...والبحر متروس من مغازلجيه البنات والشباب عيال الجامعه والمعاهد .... واللي تبي تروح اماكن مايروحون لها اهلها ... ربها فوقها بكل مكان .
زين ليش برايك البنات يبون يتحرشون بالموقع ؟؟ ....مو الايف(عالهوا) احسن .
|
|
5/15/2011 2:55:05 PM
|
|
لماذا البنت لاتتقبل زواج من رجل متزوج ؟
|
انا اقبل الزواج الثاني ..... بشرط ...انه تزوج الثانيه لمرض الاولي مثلا ....او لعدم قدرتها عل الانجاب ... او انه منفصل عنها ولكن مو مطلقها لاسباب ماديه مثلا او صله قرابه .
اما غير تلك الاسباب فلا ارضي ..الزواج الثاني ... لاني افكر براحتي النفسيه ... مالي خلق مشاكل وعوار راس .
|
|
5/15/2011 3:03:14 PM
|
|
التصوير الفوتوغرافي فن الخلود
|
ماشاءالله ...استخدام جميل للفش اي
اعجبتني جدا .... يسلمواا الايادي .
|
|
5/15/2011 3:08:39 PM
|
|
سكة سفر ..... اكتب تجربتك
|
احلي بلد وناس الطف ناس .... هي اسكوتلندا ...روعه ...جماااال ااخاااذ ...دوله تروح لها بالصيف تمتاز بالامطار ...والجو اللطيف ...رغم انها ليشت سياحيه بالدرجه الاولي ،،،،والاجمل فيها انه لا يوجد بها سياح عرب .... ناسها ودودين ...مالهم شغل باحد .
من خلال اسكوتلندا تستطيع السفر الي ايرلندا ...ذات الجمال الاخاذ والطبيعه الرائعه
امان بالتنقل بالمواصلات ..اقطارات الانفاق ..والقطارات السريعه
ولكن ينقصها شي واحد ....الاكل .... عليك ان تبحث كثيرا عن المطاعم التي يعمل بها مسلمون .
|
|
5/16/2011 1:15:06 PM
|
|
زواج المتعة
|
السلام عليكم
لا تؤمن غير لا تحب أو إلا تحبد
لا تؤمن بأيات الله وأوامره وسنه نبيه ؟.
أنا لا أفضل زواج الأربعه ولكن لا أقول لا أؤمن به. زواج المتعه فيه صلاح للمجتمع ولكن للأسف الكثير لا يعرف شروطه
ولا يعرف عنه غير المتعه. للهذا النوع شروط وحقوق. ولكن ما نراه الان جهل بين الناس بزواج المتعه حتي أصبح همهم زواج
المتعه. وتناسوا الزواج الدائم وهذا مالايصح ولا يجوز.
أنا لا أؤيد زواج المتعه لغير الحاجه الضروريه للرجل وكما قلت سابقا الأسباب. إنما حديثي تثقيف وفهم
لا ان يدخل احدهم لا يعرف مايقول ولا يزيدنا علما إنما اضافته أضاعه للوقت والجهد بغير سبب.
كثير من السنه والشيعه للأسف لا يتفقهون بأمور دينهم ولا يعرفون أبسط النواهي والأوامر.
|
|
1 2 3 4 5 6 7 8
|