|
صفحات
1 2 3 |
|---|
|
10/21/2008 6:52:05 PM
|
M7al
Posts 11
|
السلام عليكم ورحمة الله وبركاته
اول شي أنا اأعتقد إن نص اللي بالموقع ماهم جادين وخصوصا الشباب
ولكن يا أخ فلفل إن حصل زواج عن طريق الانترنت هذا دليل على جديتهم بالموضوع وبارك الله في من جمع راسين بالحلال
وأعتقد إن أسئلتك ماراح تهمهم بشي
وشكرا
|
|
10/21/2008 9:02:26 PM
|
el7saweya
Posts 55
|
FLFL.42 كتب:
هل عندك الاستعداد انك او انج ترتبطين بأنسان عن طريق الانترنت ما اتعرفين او اتعرفين ماضيه شنو والا شنو اصله وفصله .
شنو بتقول للناس وين تعرفت عليها بالانترنت ؟
وشنو نظرتك لها بعد الزواج ؟
هل راح اتحسون بالاستقرار والتعارف صار عن طريق الانترنت ؟
هل الثقه راح اتكون موجوده ؟
وهل انت بتزوج وحاط الطلاق مستقبلا فى بالك ؟
اسأله وايد بس احس ان ماكو اجوبه لها عندى يمكن احصل عندكم .
اي خل يقول انه تعرف عليها بالانترنت شفيها؟ وايد ناس اعرفهم تزوجوا من الانترنت لا ومرات من جات عادي سوالف كل يوم لين حباها وخذاها ،ليش نستحي نقول تعرفنا من الانترنت؟
مو متعرف عليها بملهى ،اعوذ بالله
ونظرته لها بعد الزواج نفس نظرته لها قبل الزواج والا ليش تزوجها بالاساس؟
وليش ما يحسون بالاستقرار ؟ انترنت والا برة الانترنت بالسكة والا زواج تقليدي نفس الشي ، بالبداية ما يعرفون بعض عدل ، مع العشرة ولما يكونون تحت سقف واحد راح يعرفون بعض عدل ويتوالمون ..
واذا الريال مو واثق فيها ليش ماخذها؟ الحمدالله والشكر ... فلفل شفيك يمه تخربط؟
وليش يحط الريال الطلاق في باله ؟؟ لو كل ريال بخاف ويحاتي الطلاق جان محد تزوج .. بذمتك اكو ريال يخطط للطلاق بالمستقبل ؟؟ يعني يقول والله دام تعرفت على ام العيال بالانترنت راح اطلقها اول اكتوبر عام 2010؟
الله يكملك بعقلك اخ فلفل ....
|
|
10/22/2008 8:25:11 PM
|
THEHOPE333
Posts 95
|
@@
فلفل خلاص جبت لي الصداااااع .. الله يعين الي بتاخذها :@
راسي صك من مواضيعك ... 
|
|
10/28/2008 12:57:28 AM
|
BRAON
Posts 3
|
سيدتي المكرمه ارجوا الافصاح عن اسم هذا الطفل العابث
واي طفل متلاعب آخر
نرجو من ادارة الموقع الموافقه على نشر الاسماء حتى لا نكون فريسه سهله لهولاء وليس فريسه فحسب بل هم متواجدون لاضاعة الوقت
هناك الكثير من الاطفال العابثين والمتلاعبين في هذا الموقع
852159 كتب:
اي لكن وين العقول المنفتحه
اطلب منك طلب اخوي ياليت تطرح موضوع عن الزواج السري
موضه الشباب في الموقع الزواج السري
يقعد يخوره و يجذب وان اهلي ما ابيهم يدرون وياليت كان متزوج
لا ياهل طافش عمره 21 سنه ويجذب جذب
واحذر بنات الموقع من الطافش هذا لان ورب الكعبه لسانه قذر
ضافني ع ايميل وسمعني كلام يسمم البدن وشتمني
ووين الاداره عنه ياليت ما تتوانه بتوقيفه
تانكيووووو
|
|
10/29/2008 2:45:50 AM
|
Karbala
Posts 318
|
BRAON كتب:
سيدتي المكرمه ارجوا الافصاح عن اسم هذا الطفل العابث واي طفل متلاعب آخر نرجو من ادارة الموقع الموافقه على نشر الاسماء حتى لا نكون فريسه سهله لهولاء وليس فريسه فحسب بل هم متواجدون لاضاعة الوقت هناك الكثير من الاطفال العابثين والمتلاعبين في هذا الموقع 852159 كتب: اي لكن وين العقول المنفتحه
اطلب منك طلب اخوي ياليت تطرح موضوع عن الزواج السري
موضه الشباب في الموقع الزواج السري
يقعد يخوره و يجذب وان اهلي ما ابيهم يدرون وياليت كان متزوج
لا ياهل طافش عمره 21 سنه ويجذب جذب
واحذر بنات الموقع من الطافش هذا لان ورب الكعبه لسانه قذر
ضافني ع ايميل وسمعني كلام يسمم البدن وشتمني
ووين الاداره عنه ياليت ما تتوانه بتوقيفه
تانكيووووو
اختي بلغي الادارة بأسم العضو اللي يسبب لج مشاكل وهم يتخذون الاجراءات اللازمة بحقة
تحياتي لج
|
|
10/29/2008 3:11:29 PM
|
Roimh
Posts 9
|
اي صج الهنود نصهم متزوجين من وراء مواقع التعارف هههههههههههه
وما فيها شي لكن لازم الطرفيين يكونون متفهمين
|
|
10/31/2008 12:33:55 AM
|
mel79al7iat
Posts 83
|
انا الصراحة ما اقتنعت بهالشغلة ولا راح اقتنع ....
|
|
10/31/2008 4:01:24 AM
|
guest_q8
Posts 150
|
FLFL.42 كتب:
هل عندك الاستعداد انك او انج ترتبطين بأنسان عن طريق الانترنت ما اتعرفين او اتعرفين ماضيه شنو والا شنو اصله وفصله .
شنو بتقول للناس وين تعرفت عليها بالانترنت ؟
وشنو نظرتك لها بعد الزواج ؟
هل راح اتحسون بالاستقرار والتعارف صار عن طريق الانترنت ؟
هل الثقه راح اتكون موجوده ؟
وهل انت بتزوج وحاط الطلاق مستقبلا فى بالك ؟
اسأله وايد بس احس ان ماكو اجوبه لها عندى يمكن احصل عندكم .
اخوي فلفل موضوعك حلو مثلك 
الاسئله اللي سالتها صدقني تدور في بال كل واحد فينا كان ريال والا بنت , وضعنا احنا بالكويت كمجتمع محافظ وله عادات وتقاليد وارثينها ابا عن جد , تمنعنا من الزواج بالطريقه هذي , ليش انا اقولك :
( انعدام الثقه ) الريال او البنت لما يفكرون يتزوجون بالطريقه هذي راح تكون الثقه بينهم مهزوزه ليش لانه اهوا راح يقول اهيا تعرفت على جم واحد غيري بالنت واهيا راح تقول نفس الكلام .
عدم اقتناع الريال بالشئ هذا لانه راح يواجهه مشكله شلون يصارح اهله اذا اسالوه وين عرفت البنت وراح يسببله هالشئ احراج ويمكن يحاول انه يقولهم شئ مو صحيح .
وبنفس الوقت البنت شراح تقول لاهلها تبي تلف وادور عليهم وتقولهم من طرف اخته والا بنت عمه .........الخ
انا اتكلم بوجهتي نظري الخاصه فيني وكل شخص له وجهة نظر واحنا نحترم جميع الاراء .
تقبل مروري
أحمــــــــــد***
|
|
10/31/2008 2:02:24 PM
|
zhara
Posts 37
|
السلام عليكم
انا اتفق مع استاذ احمد الراي ....
|
|
10/31/2008 5:25:10 PM
|
Manart
Posts 69
|
المشكلة الاولى والاخيره في الرجل وليس في المراه
فـاتوقع ان المراه هنا مقتنعه ولكن اغلب الرجال المتواجدون هنا
يعتقدون ان الفتيات هنا لا يصلحون الا للزواج المؤقت
وهذا برأي اغلب من تحدثنا معهم عدى القله القليله اصحاب العقول المنفتحه المثقفه
|
|
10/31/2008 8:06:19 PM
|
MysteriousWoman
Posts 6
|
بصراحة ما كنت مقتنعة قبل بزواج النت على اساس انه يخلي الريال والمرة ما يثقون بعضهم او شي من هذا القبيل بس الحين تغيرت فكرتي بهالموضوع من اللي قاعد يصير لنا الحين من زواجات تقليدية وبعدين تكتشف انه الريال او البنت يحب احد ثاني عشان جذيه انا مقتنعة لحد ما بزواج النت لانه يساعد الاثنين على انهم يفهمون بعض ويقدرون يتقربون لبعض ويصير بينهم اتفاق وزواج اذا كان في نصيب
والله كريم
|
|
1/4/2009 5:32:41 AM
|
nooorq8
Posts 10
|
السلام عليكم
مادري ليش هالنظره للانترنت ليش اهو شنو فيها يعني لو صار تعارف بين اثنين وتطورت العلاقه بينهم بناء على التفاهم والراحه النفسيه ترا الانترنت وسيله جدا ممتازه للتواصل تتيح للشخصين التفاهم يمكن بطريقه سليمه لو استخدمت استخدام صحيح يااخواني الفساد بكل مكان والمطلوب نحاربه مو نزيده للاسف للاسف لو بتشوفون الاستخدامات السيئه للانترنت من منو اكثر شي بنشوفه العرب والمسلمين ايي ليش نستخدم هالوسيله للفضايح ونشر الفساد ومانستغلها استغلال صحيح مو بس الانترنت بكل شي لاحظوا هالشي دايما الاجانب متفوقين علينا بكل شي واخر شي نقول احنا احسن منهم
شنو يعجبكم ياشباب دايما تطلعون العيب في البنات وماتشوفون نفسكم مو يمكن البنت داشه هني تبي تحصن نفسها من الناس اللي مايخافون الله خذوا مثال واوجه هالشي لكاتب الموضوع لو تعرف واحد على وحده عن طريق التلفون وصار بينهم اتصالات مو يمكن يجذب عليها ويدخلها بألف مصيبه ويمكن يصير العكس هني شلون يبي يفاتح اهله بيقولهم اعرفها من الشارع والا لحقتها لي بيتهم  والا بيقولهم رفيجة اختي  الزبده التعارف واحد لو تعددت الوسايل واللي نيته صافيه ويعرف شنو يبي يلاقي الابواب مبطله بويهه واللي يبي الخراب يعرف شلون يوصله , بالنسبه لي مليت من كثر مااشوف المرض اللي بالشوارع وعدم الاحترام والرعونه من بعض الشباب ومااخص بالذكر بس الشباب لانه هم في بنات يدورون الخرابيط 
النيه الصاااااافيه اهم شي النيه وبطلوا من سوالف التحجج اللي مالها داعي ياكثر اللي اعرفهم تزوجوا زواج تقليدي وكاهم مطلقين والا تزوجوا بعد قصة حب , بعض العلاقات تستمر وبعضها تفشل بالنهايه الشي راجع للطرفين يتفقون او لا ومالها شغل طريقة الزواج
الانترنت له سلبياته وله فوايده وهالشي بكل مكااان يااااعرب فهموا تكفون بسنا تخلف شوفوا الدول المتقدمه وين وصلت واحنا بعدنا نقول مقتنعين بالزواج عن طريق الانترنت انا مااقول الا باي باي عرب لاااا انا شكلي باخذ اجنبي خلاص هههههههههه
اتمنى التوفيق للجميع وسامحوني اذا في شي غلطت فيه بس والله من الحره على عيال ديرتي اللي مادري شنو يرضيهم
مع تحياتي وتقديري
|
|
1/10/2009 9:06:48 PM
|
froty
Posts 1
|
بسم الله الرحمن الرحيم..
السلام عليكم ورحمة الله وبركاته..
اشكر ادارة الموقع على اتاحة هذي الفرصه لكل شاب وشابه ولعل الله يجمع بينهم بالحلال والله يجزاهم الخيرعلى كل ما يبذلونه..
بالنسبه للموضوع ألي طرحتووه واشكر اللي طرحه كثير الشكر .زواج الإنترنت عن نفسي اعتبره وسيله مثل اي وسيله للجمع بين اثنين بالحلال اللي يرضي رب العالمين.
ولأن الله أحل الحلال بالزواج السليم كل شخص لازم يعرف ان هالزواج قسمه ونصيب الله اللي كاتبه.وبقولكم ان الزواج التقليدي احيانا يصيب واحيانا يظلم الاثنين .ومتعارف عند البدو تحديدا ومو كل العوايل انهم يزوجون البنت من غير لاتعرف الشخص اللي بتتزوجه يمكن تشوف صورته او من سؤال الأهل تعرف عنه اشيااء غير كافيه ومن حق البنت تعرف عن اللي بتتزوجه اخلاقه طبعه بالتحديد شخصيته وشلوون لأنها بتعيش معاه طوول العمر ومن حقها تختار اللي تحس انه بيكون خير سند لها وتبني حياتها معاه خطوه بخطوه وصدقوني يا اخواني وخواتي اللي صادق في نيته بالزواج الله بيوفقه .وبسألكم سؤال الواحد او الوحده فينا شنو تبي غير الاستقرار وشخص يحس فيك ويداريك ويكون لك خير سند بهالدنيا محد بيدوم لحد لكن شي أغلى من كنوز الدنيا لما تكون صادق في مشاعرك لإنسان يبادلك بنفس المشاعر ويكون لك اقرب قريب ويفهمك.اشكر اخواني وخواتي اللي ردو على هالموضووع المهم واللي يدل ان اللي صادقين في نيتهم لهدف الموقع قليل جدا..والبااقي ياعل الله يهديهم ..زواج التعارف عن طريق الانترنت ماشووف فيه اي عيب مع الالتزام بما يرضي الله..واتمنى ان الله يرزقكم على قد نيتكم وانا وياااكم ........واسمحولي على الاطاله واتمنى اني كنت خفيفه بالرد على هالموضووع الرااائع.وشكرا لكم ..
|
|
1/10/2009 9:19:16 PM
|
abo.bader
Posts 3
|
السلام عليكم .....
كيف احوالكم ان شاء الله بخير انا شايف ان الزواج عن عن طريق النت شي جديد ومااظن ان راح يلقى استقبال او ترحيب اذا تكلمنا عن الشخصين وطريقة تعارفهم
وتواصلهم راح يكون بحذر شديد خاصتا من طرف البنت لان فيها شك من ناحيه الجديه يمكن يطلع مو جاد واروح ادور غير والثاني والثالث بعدين تقول اغلبهم تسليه
لكن يمكن ربي يوفقها وتلقى زوج المستقبل من او اضافة اميل لان اظن ان الرسايل عن طريق المنتدى ينقصها اشياء كثيره والتفاهم يكون صعب ونرجع للرجل نفسه اذا كان جاد
انه يدور له بنت الحلال عن طريق النت هم راح يتعب بس مو مثل بنت لانه يشوف نفسه عادي لو عشر بنات اخذوا اميله طبعا اضافه هم راح يتعب ويمل ولييييييه يعني شنو الحل
اوكي لحظه نكمل نرجع حق الاهل والله مشكله حيل اذا جينا اهل البنت طبعا راح تكون مشكله شلون تقولهم انا عرفته وين @@واكيد راح تخاف يمكن اهلها مايدرون عن نت انها تشبك
واذا كانوا يدرون شلون توصل لهم انها كلمته وتعرفة عليه ولايطلع لها واحد من اخوانها ولا ابوها يرفض راح يروح كل شي راح بلاش يعني كم شهر علاقة نت او يمكن اكثر من النت
يمكن تلفون واذا تلفون فيها مشاكل يعني الزبده البنت في هالموقع الله يعينها واغلبهم لايطوفها قطار الزواج واذا ععارضوا راح ترجع تحت الصفر يعني معنوياتها راح تخف في كل مره
واذا تكلمنا عن الرجل فيه فرق كبير وشاع من ناحية الاهل وانه مو ملزوم انه يقول حق اهله كل شي بالتفصيل يعني اقول بالعربي الله يعين بنات الكويت لاني اشوف كم وحده ملت من
الانتظار اقول احسن وكلي امرج لله وان الزواج قسمه ونصيب واذا رجعنا للاول شوي راح نشوف طلبات البنت وطلبات الرجل اولا البنت لازم تفصل حق نفسها زوج المستقبل بالخيال
يعني تبيه ابيض وعيونه خضر واشقر ومستوى تعليمي عالي لو حصلها رئيس دوله يمكن تتشرط عليه واكيد ماراح تقبله لانه يمكن جيكر واذا اهي سنيه تبيه سني واذا اهي شيعيه تبيه
شيعي واذا حضريه تبيه حضري واذا بدويه تبيه بدوي يعني تعب في تعب وين اللقاه زوج المستقبل انا اقول احلمي يمكن حتى بالحلم يجيج لان بنات الكويت او باب الكويت اذا يبون
الزواج عن طريق النت صعب لازم يكون فيه اهم شي التفاهم وتبادل الاحاسيس والمشاعر والمشاركه في كل الامور الحياتيه والدنوييه انا اقول لازم يكون فيه تنازل عن بعض الاشياء انا
عن نفسي سني وبدوي ماعندي مانع لو تكون حضريه بدويه سنيه شيعيه متعلمه جاهله غنيه فقيره اهم شي كويتيه حنا ككويتيين متى كان فيه فرق بدوي حضري سني شيعي الله يرحم
والديكم تذكروا انكم بالاول مسلمين وثانيا كويتيين وترى انا مو عنصري لاني ابي كويتيه بالعكس لانها اهي اللي تعرف كل شي عني واهي اللي راح تفهمني وراح تخاف علي وتستر علي
وتاشركني في كل الامور لكن العربيه ولا الاجنبيه لو كانت اجمل او اغنى او متقعمل ومثقفه لكن كويتيه جاهله بالمستوى التعليمي تسواها لاتزعلون لكن انا انسان صريح لو اتكلم راح اتعب
لاني اكتب من واقع اشوفه على الكويتيين والكويتيات مرير الله يرحم والديكم الله يرحم والديكم تفاهموا تواصول الله يوفقكم وتلقون اللي تبينه لكن نصيحه حق اختي الكويتيه لازم يكون
فيه حذر لكن مو تشائم وتــــــــــــــــــــــــــــــــــــعـــــــــــــــــــــــــــــــــــــــــــــــــــــــــــــــــــــــــــــــــــــــــــــــبــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــت
من كلثر ماقلت لو اني تخربطت وتنرفزت لكن الله يعطي كل واحد على نيته وان الرجل يفكر الف مره اذا كان مو جاد لالايلعب في مشاعر بنات ديرتي يروح يقط وصاخته براااااااااااااا
|
|
1/10/2009 10:19:02 PM
|
lolitaa
Posts 28
|
شكو الناس يتدخلون اصلا بحياتي وين وشلون ومتى مالهم شغل ومو مضطره اقول سواء نت او شارع او معرفه اهل كل الطرق تؤدي الى رومااا
عموما انا كنت مقتنعه بالزواج بالنت لكن الحين حتى من اي طريقه رافضه الزواااااج هونت مابي يمكن خيره لي اظل جذي الحمد لله والخيره فيما اختار الله
تدرون ليش من اللي شفته بالنت والله يا انه يشيب الراس بصراحه شي مو معقول يعني لو اسوي كتاب بالجذب اللي بالموقع يدش موسوعة غينيس
ادري يمكن تقولون ابالغ بس والله الصج ينقال .......... ماقول الا الحمد لله الذي عافانا مما ابتلاهم به فعلا الكذب مرض يسري وينتشر وهو قاااااااااااااتل
|
|
1/10/2009 10:37:22 PM
|
123asd
Posts 15
|
والله بنظري انه النت وسيله جيده للتعرف على طبايع الشخص اللي جدامك ..من خلال كتابته عن نفسه او اسلوبه بالطرح ومناقشه المواضيع وغيره من الاشياء اللي ممكن تعرف فيها الشخص أكثر من الزواج التقليدي بعد..انا موضد التقليدي بس هم موضد التعارف عن طريق النت ..وخاصه للي سبق له الزواج يكون متخوف من فكره الزواج الثاني وخايف انه شريك حياته يطلع فيه عيوب مثل زواجه السابق فتلقاه متردد او متردده من الزواج مره ثانيه ..فالتعارف المسبق عن طريق النت ممكن يوضح له الصوره للشخص اللي جدامه اذا طبعا كان الشخص صادق وحتى لو ما كان صادق ففي مرحله ثانيه اللي اهيا سؤال الاهل عن الشخص وغيره اذا تقدم ..
وبالنسبه للسؤال الثاني ..اي اقول حق اشخاص معينه مافيها شي ..بس في ناس ماتقولهم لأنه مايستوعبون هالشي خصوصا الناس الكبار بالسن او الغراب عنك ..واتوقع اي زواج غير التقليدي -مو بس النت - مايقال علنا حق كل الناس
|
|
1/13/2009 8:58:19 AM
|
tooty
Posts 3
|
شكرا فلفل
الموضوع حلو وموضوع حوار احلى لكن ................ يبي الجدية والصدق مو التسلية وسد يعني اللي يدخل هالموقع لازم يكون جاد مايكون يبي يتسلي وسد وقت الفراغ
|
|
1/15/2009 9:03:12 PM
|
alqallaf85
Posts 1
|
السلام عليكم ورحمه الله وبركاته
الزواج عبر النت صار شي عادي البنت تفرض احترامها
انا بنظري عادي اتزوج بالنت
|
|
1/17/2009 10:18:31 PM
|
Al3jayb
Posts 27
|
يا اخ فلفل وجهت نظرك ولك منا كل الاحترام والتقدير في ناس كثيره نفس وجهت نظرك سواء رجال او نساء ما يأيدون زواج النت وبنظرهم انه اهانه له جدام اهله وجدام الناس لا اعرفو عنه....والناس اللي من هالنوع حياتهم بتكون جحيم اذا تزوجو عن هالطريج الزوجه بتشك بزوجها بكل لحظه يغفي عنها بتحط براسها انه راح للنت ومن السهل انه ايلاقي غيرها ...
اما الزوج بيشك بماضي زوجته وحاضرها ومستقبلها وبينتهي زواجهم ب.....1_اما يقتل الزوج زوجته او العكس 2_او يتبرا الاب من الابناء لشكه انهم مو ابناءه 3_او الطب النفسي لاحد الطرفين 4_او كل يوم بالمستشفى الزوجه متكسره من العذاب اللي شايفته او.......الخ
الله المستعان عشان جذي النوع هذا من الرجال يحب يتزوج وحده ما يعرف عنها اي شي شنو ماكانت اخلاقها اهم شي انه مايعرفها عشان يحس بالاستقرار النفسي والراحه النفسيه وهو يقدمها للناس ...
هذا النوع من الرجال صار قليل هالايام وصار الشاب ايفضل انه يرتبط بوحده ايعرفها وشايفها عن انه ياخذ وحده نظام امسح واربح .. الله يعين الجميع ويرزق كل واحد علي نيته...
|
|
1/24/2009 5:05:14 PM
|
MisS.CuTe
Posts 1
|
السلام عليكم ..
مريت على وايد مواضيع بالمنتدى ..
بس حسيت انه هالموضوع يستحق الرد والوقفة عنده ..
بوجهة نظري .. الزمن صار يخوف ..
وكل ريال له طبعه .. الزواج التقليدي مو نفس أول ..
الريال صار متفتح أكثر ونفس الشي المرا ,.
يعني مو نفس أول .. هالزواج نسبة نجاحه كانت كبيرة حيل !
بس بهالوقت .. أشوف انه يخوف ..
آنا تقدمولي تقليدي وايد الحمدالله .. وهذي نقطة ما أقولها للفخر ..
بس للتعقيب .. ليش أردهم ؟
ما أعرف عن الولد أي شي .. لا طبع ولا شخصية ولا ميول ..
يمكن ما نتوالم وهذا احتمال وارد بنسبة كبيرة ..
وكافي زيادة نسب الطلاق بالكويت ..
أأيد الزواج عن طريق التعارف المحترم ..
اللي يحط النقاط على الحروف مو أكثر ..
واللي تعجبه البنت وصج يبيها .. يتقدم لها من الباب ..
والدريشه تطول الطريق !
أحترم الانسان اللي يكون بهالعقليه والمنطق ..
واللي مو عاجبته هالطريقة ..
ترى التقليدي موجود !
الزواج من النت .. نفس الزاوج من التعارف بأي مكان برا ..
يظل مسماه واحد وانه مو تقليدي ..
ليش وايد نعقد الأمور ؟
ونفكر تفكير رجعي ؟
اللي موعاجبه .. التقليدي موجود ..
آنا أعرف ناس تزوجوا من النت ..
وعندهم الحين بنتين الله يخليهم .. وعايشين مرتاحين ..
ماقالوا شنو بنقول حق الناس ..
الناس شكو ؟!
الريال بيعيش وياها ولا ويا الناس ؟
ولو التفتنا حق كلام الناس .. والله ما نمشي خطوة لي جدام .. !
والله يوفق الجميـع ..
|
|
صفحات
1 2 3 |
|---|