|
1/2/2009 6:08:45 PM
|
|
بيانات العضوا والسيرة الذاتية
|
السلام عليكم بالبدايه احب اشكر كل اعضاء المنتدى الجادين وليس الداخلين بداعي حب الفضول الله يسامحهم بالنسبة للبيانات اتمنى تكون ادارة الموقع اكثر جدية من هالناحية يعني وايد يدخلون ومايوضحون نهائيا شي يعني باين انهم داشين للتسلية بس يعني يااخواني اذا تبون تتسلون فيمواقع كثيره للتعارف والشات ليش تعطون صورة مو حلوة للشباب الجادين بصراحه الملاحظات كثيره بس لاحياة لمن تنادي وارجو التوفيق للجميع
|
|
1/2/2009 6:41:46 PM
|
|
ضــع هــنـــا - الســيــرة الـذاتـيــــة
|
بسم الله الرحمن الرحيم
السلام عليكم اول شي اشكر اخ كربلا على طرحه الحلو الموضوع وايد وايد يفيد لانه اغلب اللي يدشون المنتدى جادين والله يوفقهم اجمعين
انا كاتبه سيرتي الذاتيه بس للاسف صارلي 4 شهور تقريبا مسجله بالمنتدى ومااشوف الا اللي يبون يتعرفون للتسليه عسى ربي يبعدهم عنا ويهدينا ويهديهم ووايد سيرتي واضحه بس مادري شفيهم يدشون علي اللي يخالفون كل اللي كاتبته من مواصفات
انا واعوذ بالله من كلمة انا بنت لم يسبق لي الزواج وعمري 27 اجتماعيه بطبعي بس احب الهدوء وايد وحسااااسه جدا وقلبي كبير وابيض واللي بقلبي على لساني ومااحب اللف والدوران وساعات يقولون عني غبيه لاني صريحه بس انا مو جذي انا نيتي صافيه وفي ناس يستغلون هالشي انا طيبه واشوف الكل طيب مثلي يتيمة الام عشان جذي فاقده الصدر الحنون الله لايوريكم مكروه بغالي تاخرت بالزواج لظروف امي الصحيه الله يرحمها كانت تعاني لسنوات ومو حلوة انه اتزوج واهي بهالظروف فعشان جذي الكل يعتقد انه متاخره بالزواج لعيب فيني او سبب بيدي والله العظيم مو ناقصني شي الحمدلله جامعيه وموظفه وربة بيت الحمدلله مملوحه واللي يبي يعرف اكثر عن مواصفاتي يشوف بروفايلي ملتزمة ولكن غير متشدده شيعية المذهب واتمنى انسان من نفس مذهبي مع احترامي للكل بس مااحب يكون في خلافات بالمستقبل واتمنى يكون طيب القلب وحنون وعمره مقارب لعمري ومااحبه يكون اصغر مني بوايد ويكون مكمل دراسته عالاقل دبلوم ليكون هناك تقارب بالمستوى التعليمي واتمنى يكون قلبه كبير وملتزم بس غير متشدد ويحب لغة الحوار والنقاش وياليت يكون غير مدخن ورياضي كفايه الحساسيه اللي فينا  ارجو التوفيق للجميع ويالييت يعني اتمنى اتمنى من كل قلبي مايدخلون علي اللي يبون يتسلون ويتعرفون مااااابي تعارف مااابي صداقااااااااااات والله انشلع قلبي  :sick
|
|
1/3/2009 9:50:58 AM
|
|
شارك برأيك !! ما هو افضل وأسوا مطعم في الكويت ؟
|
السلام عليكم عمااار ياكويت المطاعم صاروا اكثر منه وبصراحه من المطاعم اللي حبيتها واهم شي يهمني بالمطعم الجو والديكورات والهدوء والسيرفس بصراحه من اسوأالمطاعم اللي دشيتها ودايما اطلع معصبه منهم أشاز الهندي صج اكلهم حلو بس سيرفسهم ويييع اذا شافوا قروب هنود دشوا ان شالله قاعد تطلب يهدونكم ويروحون لم بس حرمت ادشه مره ثانيه
مطعم فيش ماركت وفيوجن الل عالبحر الاكل قمة والجو عجييييييب خاصه اذا مو زحمه وياسلاااام عالسوشي والسي فود انا من عشاقهم نصيحه للي يحب السي فود يروح هناك
مطعم هارد روك دشيته مره وحده وحطيت اكس عليه لما طلعت لانه قمة بالازعاج
مطعم دعوات هندي اينن واسعاره معقوله
بافلوز كافييه عليهم خوش ستيكات
الكافيهات بشكل عام احبهم اذا كانوا مو زحمه جو جو خاصة الصبح وجربوا كافيهات المهبوله واااو وااااو عالجو حده راحه نفسيه
بشكل عام جميع مطاعم المأكولات البحريه احبهااااااا وبالنهاية المسألة مسألة ذوق كل واحد شنو يحب
والله يديم علينا وعليكم النعمه ويرزقكم الصحه والعافيه ويحفظلنا ديرتنا
|
|
1/3/2009 1:20:03 PM
|
|
ماذا استفدت ؟
|
السلام عليكم
بالبدايه اشكر الاخ جيم على كل كلمه اللي برد قلبي فعلا بكلامه
الموقع كنت غاسله ايدي منه وكنت ابي الغي عضويتي في لعدم جدية الاغلبيه بس من دشيت المنتدى عرفت انه الدنيا للحين بخير وفيها ناس طيبين وصج لو خليت خربت استفدت من الموقع اني اكون حريصه اكثر مع الناس لانه في ناس ضعاف نفوس ومايخافون الله وكل كلمه قالها جيم صحيحه وعلى راسي اتمنى الكل يكون مثل تفكيره الله يوفقك ياجيم ويوفق كل اللي امثالك ويرزق كل واحد على قد نيته ياليت الكل يصفي نيته عشان مايصير في فساد والله قال في محكم اياته الطيبون للطيبات والخبيثون للخبيثات وان شالله ربي يبعد عن طريجنا كل انسان خبيث ونواياه شينه انا لازلت اؤمن انه في ناس طيبين وايد بس صعب نلاقيهم وياشباب بطلوا خرابيط ونوايا شينه وكذلك البنات في وايد منهم داشين لتسليه ترا مثل ماتتسلون بعيال خلق الله راح اييلكم يوم وتندمون فيه على اللي سويتوه لانه ربي يمهل ولايهمل وكما تدين تدان اتمنى التوفيق لجميع الجادين في الموقع وربي يرزق الكل على قد نيته وابي اكون حليفة مس عفيسه سوالفها تونس وعمرها نفس عمري ربي يوفقها ومس عفيسه ابي اخو هذا اللبناني مال كنافجي لاتنسين اوخيتج ههههههه 
|
|
1/4/2009 5:32:41 AM
|
|
مقتنعين بالزواج من الانترنت !!!
|
السلام عليكم
مادري ليش هالنظره للانترنت ليش اهو شنو فيها يعني لو صار تعارف بين اثنين وتطورت العلاقه بينهم بناء على التفاهم والراحه النفسيه ترا الانترنت وسيله جدا ممتازه للتواصل تتيح للشخصين التفاهم يمكن بطريقه سليمه لو استخدمت استخدام صحيح يااخواني الفساد بكل مكان والمطلوب نحاربه مو نزيده للاسف للاسف لو بتشوفون الاستخدامات السيئه للانترنت من منو اكثر شي بنشوفه العرب والمسلمين ايي ليش نستخدم هالوسيله للفضايح ونشر الفساد ومانستغلها استغلال صحيح مو بس الانترنت بكل شي لاحظوا هالشي دايما الاجانب متفوقين علينا بكل شي واخر شي نقول احنا احسن منهم
شنو يعجبكم ياشباب دايما تطلعون العيب في البنات وماتشوفون نفسكم مو يمكن البنت داشه هني تبي تحصن نفسها من الناس اللي مايخافون الله خذوا مثال واوجه هالشي لكاتب الموضوع لو تعرف واحد على وحده عن طريق التلفون وصار بينهم اتصالات مو يمكن يجذب عليها ويدخلها بألف مصيبه ويمكن يصير العكس هني شلون يبي يفاتح اهله بيقولهم اعرفها من الشارع والا لحقتها لي بيتهم  والا بيقولهم رفيجة اختي  الزبده التعارف واحد لو تعددت الوسايل واللي نيته صافيه ويعرف شنو يبي يلاقي الابواب مبطله بويهه واللي يبي الخراب يعرف شلون يوصله , بالنسبه لي مليت من كثر مااشوف المرض اللي بالشوارع وعدم الاحترام والرعونه من بعض الشباب ومااخص بالذكر بس الشباب لانه هم في بنات يدورون الخرابيط 
النيه الصاااااافيه اهم شي النيه وبطلوا من سوالف التحجج اللي مالها داعي ياكثر اللي اعرفهم تزوجوا زواج تقليدي وكاهم مطلقين والا تزوجوا بعد قصة حب , بعض العلاقات تستمر وبعضها تفشل بالنهايه الشي راجع للطرفين يتفقون او لا ومالها شغل طريقة الزواج
الانترنت له سلبياته وله فوايده وهالشي بكل مكااان يااااعرب فهموا تكفون بسنا تخلف شوفوا الدول المتقدمه وين وصلت واحنا بعدنا نقول مقتنعين بالزواج عن طريق الانترنت انا مااقول الا باي باي عرب لاااا انا شكلي باخذ اجنبي خلاص هههههههههه
اتمنى التوفيق للجميع وسامحوني اذا في شي غلطت فيه بس والله من الحره على عيال ديرتي اللي مادري شنو يرضيهم
مع تحياتي وتقديري
|
|
1/5/2009 6:16:49 PM
|
|
ضــع هــنـــا - الســيــرة الـذاتـيــــة
|
كل الشكر لاخوي بوبدر ويعطيك ألف عافيه على هالدعوه الطيبه والله يرحم جميع موتانا المؤمنين والمؤمنات اجمعين ولو كان مكاني اي شخص ثاني جان تصرف مثلي بالضبط .
جدا اسعدني ردك والله يوفق الجميع ويرزق الكل على قد نيته ياااااااااااااااارب
|
|
1/9/2009 11:50:56 AM
|
|
مصمم ديكور
|
السلام عليكم ,,,
بصراحه موضوع الديكورات جدا يستهويني وانا عشقي وغرامي فن الديكور ولما يضيق خلقي اروح اتمشى بمعارض الاثاث واتطمش عالديكورات وايد تريحني نفسيا ويعجبني الطراز الاوروبي والامريكي والطراز الشرقي يصدع راسي بس شفيه قسم الديكور فاضي جذي ياليت تزيدون المواضيع فيه والاخ كويتي برونزي ماشالله عليك منها للامام جدا معجبه بطموحاتك وافكارك احسها وايد حلوة الله يوفقك ان شالله ونشوفك من اشهر المصممين بالعالم
|
|
1/9/2009 12:19:04 PM
|
|
ملاحظات شباب الموقع عن بنات الموقع !!!
|
ههههههههه بصراحه مفروض اسم الموضوع بدل ملاحظات بعض شباب الموقع عن بنات الموقع يكون العنوان البديل حرب ادم وحواء شنووو هذاااااااااا مشالله عيني عليكم بارده اكثر المشاركات هني كل هذا حقد تطاققوا بعد احسن :smack ياحبكم حق النجره والمكافخ ترا الموقع فيه الزين وفيه الشين ولو كل واحد يصفي نيته جان يلاقي اللي يبي يحليلكم ياعيال ديرتي شوفوا البنات شزينهم مايعلقون عليكم وايد بس انتو تبون الشاره علينا واعتقد اخ فلفل عنده روح الدعابه وايد يطفر البنات الله يهدي الجميع ان شالله ويصفي قلوبنا وبلاااااش نجره ذبحتونا ترا اعصب والغي اشتراكي ههههههههههه خوش تهديد بس الثقه بالنفس حلوة هدوا اللعب وريلااااكس ريلااااكس سمعوا موسيقى كلاسيك وريحوا اعصابكم
كلمه اخيره لجميييع عيال ديرتي الحلوين الذربين اللي كلهم جد بجد عيني عليكم بارده حااارس حاااارس عليكم شوي شوي على بنات الديره تراهم خوش بنات بس ناقصهم القلب الطيب الحنون ويبون الشخص اللي يحسون بالامان معاه والاستقرار فياليت تصفون نواياكم معاهم وماتنقدونهم 24 ساعه ماااصارت تعبنا ترا . شنو يرضيكم قولوا واحنا نسويه هههههههههههه خير ان شالله
سماااايل شويه خلونا نرفع راية السلام حشى حرب حرب مو منتدى 
|
|
1/9/2009 12:32:52 PM
|
|
شنو أحلا فلم رحتوله بالسينما ؟؟
|
مرحبا للجميع
انا من عشاق افلام الرعب بس بالسينما مو شي في اشياء يلغونها لبشاعتها او مو مناسبه للعرض فيمكن ماينفهم الفيلم بس على طاري فيلم dead silent لما دشيته كان عرض نص الليل طبعا طفارتي احد يتكلم بالسينما وقرقه من اول الفيلم لي اخره طبعا في عايله جدامنا الله يهديهم مدخلين ولدهم عمره يمكن4 سنين حرام من بداية الفيلم واهو متصرقع ومن خوفه مو عارف يسكت بس يسال امه مااماااا شنو فيها البنيه مااااماااا ليش ماااتت مااااامااااا منو هذااا الريال ماما وماما وصوته يسمعه اخر صف بالسينما لما عطيته وحده اششششششششششششششششششش جان يصير هدوووووء بالسينما كلها مادري من الاوش والا من الخرعه بس والله مسكين الياهل من كثر الخرعه نام لي اخر الفيلم 
ومن احلا الافلام الي دشيتها فيلم troy وفيلم احمد حلمي مطب صناعي
|
|
1/18/2009 6:07:21 PM
|
|
اسئله جريئه واللي يقدر يجاوب يتفضل.....
|
1: ياورد مين علمك تجرح ,,, لمن توجه هذه العباره ؟؟
لكل انسان عزيز واحبه يحاول يجرحني بكلامه
2: اعتذار الرجل للمرأه ذل أم احترام للذات ؟؟
الاعتذار لابد منه من الطرفين في حال وقوع الخطأ والرجل اذا اعتذر مافيها ذل انا اعتبرها حكمه وقمه في احترام الذات .
3- هل ترى ان الحب الاول ناجح ام فاشل ؟؟
حسب النوايا اذا كانت النيه صافيه فراح يكون ناجح والحياة تعلمنا ماله داعي نسمي انتهاء علاقه مافيها اتفاق فشل بل تجربه يمكن تعلمنا الصح وعدم الوقوع بالخطأ والحذر.
4- اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟
الرقابه على رسايل المشتركين عشان لااترك مجال للعب والتسليه بموقع يمكن يكون سبب في انجاح علاقه بين طرفين بالحلال وأقلل من رسوم الاشتراك .
5- مارأيك بالغيره ؟
الغيره حلوة بس لاتزيد عن حدها وتنقلب لمرض الشك والغيره معناها الحب اكييد.
6- ماذا تقول لمن ظلمك ؟؟
ان الله يمهل ولايهمل وكما تدين تدان
7- وجه نقد لكاتب الموضوع ؟؟
الموضوع عاجبني ومااقدر انقد الكاتب ربي يوفقه .
8- هل وضعك كلمة منقول لموضوع نقلته تزعجك ؟؟
اكيد لا هالشي امانه اعتبرها الصراحه مو حلو تاخذ تعب غيرك وتنسبه لنفسك.
9- كتاب حياتك بما تصفه في كلمات معدوده ؟؟
من صبر ظفر ونال مايستحقه بالنهايه
10- شخص تفتقده ,, من هو ؟؟
طبعا امي الغاليه الله يرحمها ويرحم جميع موتى المسلمين .
11- قرار اتخذته وتسرعت به ومن ثم ندمت عليه؟؟
مشروع تجاري قراره كان فاشل ومتسرع وكلشي تجربه بالحياة والحمدلله على كل حال .
12- لا اسمع لا ارى لا اتكلم ,, متى تطبق هذه المقوله بحياتك ؟؟
لما يكون في نميمه في مكان ولما يصير جدال مع ناس جهله
13- قم بتوجيه ثلاث نصااائح ؟؟
أحب لاخيك ماتحب لنفسك
نام مظلوم ولاتنام ظالم
عامل الناس مثل ماتحبهم يعاملونك وابتسم دايما ترا الابتسامه صدقه
14- ماهو اكثر شي يحرجك ؟؟
لما يحتاجني شخص ومااقدر على مساعدته .
15- لو الزمان عاد يوما . ماالشي الذي ستفعله مره اخرى ومالشيء الذي لن تفعله مره اخرى ؟؟
الشي اللي راح اسويه مره ثانيه دراستي
واللي ماراح اسويه عدم ثقتي بالناس اللي مايستاهلون
16- ملحوظه لاحظتها على عضو من الاعضاء ماهي ؟؟
بصراحه عضو جدا متميز بكتاباته بس ماراح اقول منو عشان لحد يلاحظه غيري وقلبه ابيض ووايد كبير وقليل بحقه الكلام ومثال للناس الطيبه بالموقع واللي نيتهم صادقه .
17- شيء حدث بحياتك غير مجرى حياتك ؟؟
وايد اشياء ومنها التقائي بأحد الاعضاء المتميزين اللي حسسني انه الدنيا صج لها طعم واتمنى ربي يوفقني ويوفقه وادري صار عندكم فضول تعرفونه بس اقول للبنات هاردلك هالانسان كنز واللي ضيعته فعلا خسرانه وانا اعتبر نفسي اكثر من محظوظه لمعرفته .
18- كلمة تتمنى سماعها كل يوم ؟؟
كلمة احبج من انسان احبه واموت فيه .
مع تمنياتي للكل بالتوفيق وخاصه اللي في بالي واقوله مهما راح اقول واسوي قليل بحقك يااغلا من التقيت فيهم وحافظك الله يانووور عيني
|
|
1
|