|
10/17/2008 9:44:23 AM
|
|
عندى ملاحظات على البنات اللى بالموقع
|
بصراحه خوووووش موضوع  وانا حبيتكم كلم,, بس اللي ما فهمته كلام شموع !! مو مترجم , سوري, وبعدين يا أخوان لولا الأذواق لبارت السلع انا دايما اشوف الحلو يآخذ جيكره لااااا وطاااااير فيها كأنها ملكة جمال الكون بعيونه, الحب عمي يا جماعه,, واللي مالقي اللي يعجبه, Keep going 
ابحث لما تلاقي لا تيأس وتوقف لا كمل وبتلاقي ان شاء الله
|
|
10/17/2008 12:57:57 PM
|
|
وجهة نظر !
|
لا بالعكس,, المطلقه عالأقل مجربه والأخطاء اللي صارت ما تكررها, وممكن يكون الطلاق بأختيارها اهي, احسن من العانس اللي يمكن الواحد يحتار ليش محد خذاها !! وطولت ,, تري البنت اللؤطه تتزوج من 18 سنه واللي تتعذر بالدراسه ماعندها سالفه, صديقتي تزوجت صغيره وعندها اولاد وخذت الدكتوراة ما شاء الله, وكل شئ قسمه ونصيب ,, اما عن موضوع زواج النت انا مع آرائكم  بأن الزواج والتعارف اهو واحد سواء عن طريق النت او الأهل او حتي في العمل او في اي مكان, كل واحد عارف نفسه وشخصيته وتربيته ونيته وكيف يختار وكل شئ بيد الله,, انا شخصيا تزوجت عن طريق الأهل وماصار نصيب لأن ما اتفقنا ولا حسيييت اني احبه او اتقبله, هذا بعد الزواج طبعا, وكنت اؤمن بالحب انه يأتي بعد الزواج وصبرت واااايد وبحثت عن اي شئ احبه فيه او نقطه توصلني لحبه ما قدرت  مع انه حبني بس ما قدرت أحبه  اذا ياج اللي يفز قلبج له اول ما اتشوفينه بنية الزواج , تري النيه فيها بركة من الله سبحانه يعطيج علي قد نيتج,, اذا ياج ان شاء الله اللي يستاهل وترتاحين له لا تخاين من الطلاق,, دام ان انتوا متفقين من جميع النواحي, البيئه , التربيه, الدين. العادات. التقاليد, هذى مقومات اساسيه للزواج الصحيح واهم شئ الريال تكون شخصيته قويه ومسيطر ومحد ايآثر فيه وعنده كلمه وكلمته عقلانيه "توزن بلد"  وحكيم, والريال اهو اللي يسيطر علي المرأه ويعدل اعوجاجها, وهالأمور كلها ما تفرق اذا كان اللقاء الأول عن طريق النت او غيره,, والرجل الحكيم والمرآه الحكيمه تعرف كيف تحافظ علي حبها وتثق فيه اذا كان أهل للثقه ما تتخلي عنه لأي سبب ولا تسمح لأحد ان يعايرهم بطريقة مقابلتهم, ليش ما ايكونون قدوه, ويثبتون العكس ولا ينهزمون,, المسأله مسألة قوة شخصيه اذا. وضروري الـتأكد من شخصية الآخر قبل الأرتباط, مو ترتبطين يأي أحد الا متأكده ان هذا الشخص اللي حبيته وبكون وياه وبقبله بكل عيوبه واحبها وماراح اتخلي عنه وبحبه بكل ظروفه. مو علشان مصلحه لأن كما تدين تدان ومثل ما تخونينه بيخونج, واهم شئ اهم شئ اهم شئ ان الزوجين ما يخبون علي بعض اي صغيره وكبيره يعني مهما كان الشئ قوي لازم ايقولونه لبعض. والله يوفق الجميع
|
|
10/17/2008 11:11:23 PM
|
|
المشاكل الزوجية ..... هل تستحق الطلاق؟
|
كلامك صحيح يا أخ خالد,, اضيف للنقطه الأولي, بأن لا يرجع الطرفان لفتح باب المشكلة مره اخري, لأنها انحلت.
والنقطه الثانيه ,, ان يشتركان في الحل والرجوع لنقطة المشكلة الرئيسية من البدايه سوف يجدونها تافهه وكبرت ولا تستحق ان يضحوا بحبهم علشانها.
والنقطه الثالثه يجب ان يتنازل احد الطرفان لأنقاذ الموقف لأن بالعكس هذا يدل علي العقل الواعي والشخصيه الناجحه المسيطره للموقف لأن العناد لا يحل شئ والعنيد دائما هو الخسران لأن محد ينضر غيره, واؤكد بأن الحب الحقيقي ذي الأساس القوي اذا كان موجود لا يكون للعناد مكان ولا للأنانيه و سوف ترسي السفينه بإذن الله تعالي الي بر الأمان.
ومن المهم ايضا ان يتم نقاش المشكله وحلها بين الأثنين فقط لا يدخل بينهما أحد لكي لا تتفاقم وتتشعب وتكبر.
أشكرك أخي علي هذا الموضوع المهم
|
|
10/17/2008 11:28:16 PM
|
|
مقتنعين بالزواج من الانترنت !!!
|
موضوع زواج النت انا مع آرائكم بأن الزواج والتعارف اهو واحد سواء عن طريق النت او الأهل او حتي في العمل او في اي مكان, كل واحد عارف نفسه وشخصيته وتربيته ونيته وكيف يختار وكل شئ بيد الله,, انا شخصيا تزوجت عن طريق الأهل وماصار نصيب لأن ما اتفقنا ولا حسيييت اني احبه او اتقبله, هذا بعد الزواج طبعا, وكنت اؤمن بالحب انه يأتي بعد الزواج وصبرت واااايد وبحثت عن اي شئ احبه فيه او نقطه توصلني لحبه ما قدرت مع انه حبني بس ما قدرت أحبه اذا ياج اللي يفز قلبج له اول ما اتشوفينه بنية الزواج , تري النيه فيها بركة من الله سبحانه يعطيج علي قد نيتج,, اذا ياج ان شاء الله اللي يستاهل وترتاحين له لا تخاين من الطلاق,, دام ان انتوا متفقين من جميع النواحي, البيئه , التربيه, الدين. العادات. التقاليد, هذى مقومات اساسيه للزواج الصحيح واهم شئ الريال تكون شخصيته قويه ومسيطر ومحد ايآثر فيه وعنده كلمه وكلمته عقلانيه "توزن بلد" وحكيم, والريال اهو اللي يسيطر علي المرأه ويعدل اعوجاجها, وهالأمور كلها ما تفرق اذا كان اللقاء الأول عن طريق النت او غيره,, والرجل الحكيم والمرآه الحكيمه تعرف كيف تحافظ علي حبها وتثق فيه اذا كان أهل للثقه ما تتخلي عنه لأي سبب ولا تسمح لأحد ان يعايرهم بطريقة مقابلتهم, ليش ما ايكونون قدوه, ويثبتون العكس ولا ينهزمون,, المسأله مسألة قوة شخصيه اذا. وضروري الـتأكد من شخصية الآخر قبل الأرتباط, مو ترتبطين يأي أحد الا متأكده ان هذا الشخص اللي حبيته وبكون وياه وبقبله بكل عيوبه واحبها وماراح اتخلي عنه وبحبه بكل ظروفه. مو علشان مصلحه لأن كما تدين تدان ومثل ما تخونينه بيخونج, واهم شئ اهم شئ اهم شئ ان الزوجين ما يخبون علي بعض اي صغيره وكبيره يعني مهما كان الشئ قوي لازم ايقولونه لبعض. والله يوفق الجميع
|
|
10/18/2008 11:11:24 AM
|
|
المشاكل الزوجية ..... هل تستحق الطلاق؟
|
عز الله شانك ومقدارك , والعين ما تعلي عن الحاجب طال عمرك, موضوعك مهم والمشاركه فيه مهمه واللي عنده خبره لا يبخل علي احد علشان الله يبارك فيه ويزيده علم ان شاء الله
|
|
10/18/2008 1:19:29 PM
|
|
مقتنعين بالزواج من الانترنت !!!
|
وليش نهتم للناس واللي يقولونه,, خليها بيننا وبين اهلنا وربنا , دام ما ضرينا احد, الناس بيعرفون انا احنا متزوجين مالهم شغل بالباجي,, والعيال بيفتخرون بأهلهم شنو ما كانوا وبيعتزون فيهم وتربيتهم الصالحه وماراح يتأثرون بطريقة تعارف والديهم وحبهم دام انهم ماشين بما يرضى الله وتزوجوا , والرجل اذا مضطر يقول طبعا له عدة طرق واسلوب في الكلام يقدر يقنع فيه صغاره واهله ولا احد يعترض اذا كان هذا اختياره وخصوصا اذا كان صحيح واختياره صائب و واثق من نفسه.
|
|
10/18/2008 1:32:57 PM
|
|
المشاكل الزوجية ..... هل تستحق الطلاق؟
|
اشكر اخت حساسه علي نقاطها المهمه ايضا ,,وخصوصا الصراحه ,, لأن اذا حبيت شخص واهو جزء منك ومكمل لك ماتخش عنه شئ حتي افكارك يشاركك فيها شئ ضروري والصراحه فن. مثلا ماتكون جارحه مو علي ابو انك صريح اتصير دفش وكل شي تقوله بأسلوب ينفر الناس منك,, يعني يكون صريح ويوصل اللي بقلبه بطريقه يتقبلها الطرف الثاني المهم ما ايخش عنه شئ ويستغفله لأن نفس الشئ راح ايصير معاه سبحان الله كما تدين تدان
|
|
10/18/2008 2:45:19 PM
|
|
سر الجمال ( للبنات فقط )
|
صح كلامج يا حلوه ,, انا خبيره وعندي شهادات من لبنان وفرنسا طريقتك اللي ذكرتيها للعين الكبيره تصلح حتي للي جفنها متفوخ ايضا زي أصاله نصري مثلا وسميره سعيد, وانا افضل الآي شادو اتحطينه بعود قطن وترسمين فيه الجفن قريب من الرموش من بره وفوقه اتحطين القلم الجاف ليثبته وبعدين الآي لاينر, لأنه هالطريقه تعطي نظره ساحره وجذابه أكثر وللي تحب ميك آب خفيف للصباح اتحط آي شدو بني فاتح علي الجفن قرب الرموش وقلم كحل ابيض او اسود علي حسب قصة العين مثل ما ذكرت اختنا الفاضله اتحطينه من داخل وماسكارا فقط وليب جلوس ,, والأساسيات اللي تبرز جمال وجهك لا تستغنين عنها سواء ليمكب النهار او الليل مثل رسمة الحاجب لأنه ضروري اتهذبينه , والبلاشر ضروري ايضا علشان يعطيج تورد طبيعي,ويبرز وجهك واذا اتحطين الريفلاكشن كريم بعد المرطب احسن لج من كريم الأساس كل يوم في النهار لأن الريفلاكشن يوزع الأضاءه وخفيف للأستعمال اليومي, انا شخصيا استخدم كريم جونسن آند جونسن كلين آند كلير . من ضروري جدا اخفاء العيوب بالكونسيلر, قبل وضع الكريم اذا كان في عيوب بالبشره احسن كونسيلر تلقونه بالصيدليات وبعد الكونسيلر حطوا الريفلكشن كريم, واذا ما عندج الريفلكشن, حطي الآي شادو البيج اللي فيه لمعه علي مناطق الأضاءه بالوجه : اعلي الخد, خط الأنف من فوق, ووسط الجبهه اذا كانت بشرتك دهنيه لا تحطين علي الجبهه والأنف, واذا عندك كونسيلر بني غامق ارسمي فيه الأنف عند أرنبة الأنف لأخفاء العيوب, حذاري يكون واضح مثل ماكياج حليمه مثلا لأنه وايد واضح بصورها, وبالكونسيلر الغامق ايضا بإمكانك رسم الوجه وتحديد ملامحه باستخدامه في مناطق الظل في الوجه
|
|
10/18/2008 3:55:36 PM
|
|
بيانات العضوا والسيرة الذاتية
|
اي صراحه انا أأيد الأخت عفيسه ,, وياليت ايضا وهذا الشئ مهم ان تضعون خانه لمواصفات الشخص المطلوب وهذه ضروريه لعدم الأحراج لكل الطرفين لأن هذا في ازعاج علي الفاضي والهدف من الموقع استقطاب اكبر عدد ممكن من الناس ويكونون مرتاحين فيه وكل واحد يحدد اختياره وايشوف اللي يفضله ويريحه , ويختار اللي يناسبه, ابصراحه عيزت وانا اكتب شرح بسيرتي الذاتيه ان ابي كويتي. حضري, سني,لأنني احضريه , سنيه , ومن اسرة محافظه ما أقبل زواج مسيار ولا عرفي, لكن ما يطلع الكلام,, وتجيني عروض وايد اتنرفزني الصراحه , وسلمتم وعساكم علي القوه
|
|
10/18/2008 4:17:29 PM
|
|
مقتنعين بالزواج من الانترنت !!!
|
يا أخ فلفل ,, انت الله يهداك شايل هم الناس وزواج الأنترنت وموعاجبينك بنات الكويت  !!! في موضوع ثاني انت طرحته واقترحته:
http://www.khitba.com/forum/messages.aspx?TopicID=162 واللي تحت عنوان : ممنوع الدخول للبنات 
انك تبي الأجنبيه واتدور عليها اهني !! ليش امتعب نفسك!! تري امقططين ابكل مكان وسهل الوصول لهم ؟؟!! والكويتيه تاج الراس غاليه ثمينه محد يقدر يطولها,, و اذا بتحسن نسلك علي قولتك ,, "وهذا اكبر دليل انك جيكر مثل ما تفضلوا الأخوان", فمسموح بس تذكر ان الأجنبيه ما تعرف اصلها وفصلها, والرسول الكريم صلي الله عليه وسلم قال احذروا العرق فإن العرق دساس
|
|
10/18/2008 4:19:09 PM
|
|
ممنوع الدخول للبنات !!!
|
يا أخ فلفل ,, انت الله يهداك شايل هم الناس وزواج الأنترنت وموعاجبينك بنات الكويت !!! تبي الأجنبيه واتدور عليها اهني !! ليش امتعب نفسك!! تري امقططين ابكل مكان وسهل الوصول لهم ؟؟!! والكويتيه تاج الراس غاليه ثمينه محد يقدر يطولها,, و اذا بتحسن نسلك علي قولتك ,, "وهذا اكبر دليل انك جيكر مثل ما تفضلوا الأخوان", فمسموح بس تذكر ان الأجنبيه ما تعرف اصلها وفصلها, والرسول الكريم صلي الله عليه وسلم قال احذروا العرق فإن العرق دساس
|
|
10/18/2008 5:03:30 PM
|
|
المشاكل الزوجية ..... هل تستحق الطلاق؟
|
صح كلامج اخت حساسه وانا ذكرت ايضا ان محد يتدخل في مشاكلهم,, ايا كان لأن في ناس ربعهم يتدخلون واهني المصيبه أعظم, وأن لا احد يأثر فيهم,, الأم علي العين والراس مثل ما تفضلتي وممكن اقتراحاتها تفيد بحكم خبرتها ما يستهينون فيها, والراي الأخير لهم,, و المفروض المرأه اتسيطير علي لسانها وماتطلع اسرار بيتها وزوجها حتي حق امها اهي أو حتي أختها أو رفيجتها, المفروض اذا في شئ تقوله لزوجها وتحافظ عليه وتصونه وهو كذلك, مو كل صغيره وكبيره يطلعها حق امه وتتدخل, المفروض يصون زوجته ويحافظ عليها وكل مشكله لها حل يقعدون وينسون الخلافات ويتناقشون,, احسن طريقه ان ما يتناقشون في وقت الغضب علشان لا تكبر المشكله, كل واحد يقعد بروحه ويتقابلون لما يهدءون ويذكرون الله ويتذكرون اساس المشكله وهل اهي تسوئ هذا كله وكل واحد يتذكر محاسن الثاني والأيام اللي وقف وياه فيها واشكثر ايحبه ويغليه والمواقف اللي خلت حبه يكبر ويروح يسمع وجهة نظره من هالمشكله اذا كان غلطان يعتذر لأن الأعتذار دليل علي الوعي والحب لأن اللي يحب ماراح ايكون اناني وعنيد, ونصيحتي ايضا للمرأه ان ما تهد بيتها علي كل زعله واتروح بيت اهلها, لا تهربين واجهي وهذا مكانج ليش تتخلين عنه, تقدرين ااتعرفين غلاتج عند زوجج وانتي ابمكانج من غير ما اتسوين هالحركه, اذا كلش كلش, نامي بالغرفه اللي يمه بس قعدي علي قلبه اذا تحبينه 
edited by QumarNajd on 10/18/2008
|
|
10/18/2008 6:29:05 PM
|
|
بيانات العضوا والسيرة الذاتية
|
لا هالشئ لازم لمنع الأحراج,, ممكن في ناس ماتبي ترتبط في اي احد, ليكون بينهم توافق منعا للخلافات لأختلاف العادات والتقاليد تري هذا زواج مو لعب مو صداقه!! والا احنا كلنا كويتيين نعم وعلي قلب واحد واخوان ولا اكو فرق بينا بالعكس نتواصل بكل خير, لكن في أمور الزواج لازم الواحد يختار اللي تربي في مثل بيئته لكي يكونوا متفاهمين وكل واحد حر بأختياره
|
|
10/18/2008 9:55:33 PM
|
|
مواقف وقصص واقعية من موقع خطبة
|
يا حلوووج Swweet انتي عسل,, اي والله سبحان الله
كلهم دكاتره ومهندسين 
looooool
|
|
10/19/2008 3:17:37 PM
|
|
المشاكل الزوجية ..... هل تستحق الطلاق؟
|
اختي MRS.Q8 العزيزه ,, كلامك صحيح,, وهذه صج مشكله كبيره,, مالها حل لأن الريال بكبره مشكله,, أذا كانت البنت تحبه تتحمله ويلا اذا ما تحبه شاللي يجبرها تعيش معاه الفراق افضل لها ولأولادها لأن راح تتفاقم المشاكل بالمستقبل ويضيعهم اهي وأولادها, انا ما اشجع الطلاق لكن اذا ماكو فايده منه شتسوي واهي ماتحبه ولا اكو شئ يشفع له, والمفروض ايضا من البدايه تختاااار صح واتشوف اهو بار بأهله ويسمع كلامهم ويلا عاصيهم!! وهالشئ بيكون واضح وتسأل عنه قبل الأرتباط وعن اخلاقه والقريبين حواليه وخصوصا الدوام لأن الشخصيه اتبين علي حقيقتها في الدوام مع العشره طبعا,, وما يكتفون بشخص واحد يسألون كذا جهه ,, وأهم شئ تختارين اللي يخاف ربه وملتزم صح, هذا راح ايعرف قيمتج عالأقل ما يعاند ويحكم بضمير
|
|
10/19/2008 9:15:33 PM
|
|
بيانات العضوا والسيرة الذاتية
|
لأ العفو شنو اهو مو توزيع تموين علشان ايكون في تفرقه,, وماكو شئ غصب اللي ما يبي ايحط وخايف من شئ لا يحط,, بس اللي يبي ايحدد أحسن من مضيعة الوقت والناس اللي مالهم داعي ولقافه عالفاضي,, وانا اضم صوتي لأحلي كيوت كات واطالب بهذه الخانات الضروريه وايضا تحديد المتطفلين اللي مو جادين ولا علي الطلب,, أنا بصراحه بديت أشك بشغله,, مع اعجابي الشديد بالموقع وادارته ومجهودهم اللي يشكرون عليه بس بديت اشك باللي يشاركون!! أغلب اللي يدش موقع خطبه يا يبي زواج مسيار أو متعه !!! واحنا ما نرضي بهالنوع من الزواج واحنا كويتين بعد بس اهلنا ماعودونا علي هالأمور ماهي من عاداتنا ولا نتقبلها,, هذه الخانات ضروريه للي يبي يستمر بدون ازعاج و احراج
|
|
10/19/2008 9:35:55 PM
|
|
المشاكل الزوجية ..... هل تستحق الطلاق؟
|
ههههههه ,, حلوه حلوه MRS Q8  شنسوي بعد,, عيل عندي لكم سالفه,, مساع في وحده تسولفلي عن بنتها واشلون تطلقت,, اتصدقون شئ تافه امبييييييييييه ما صدقت ان في رجال عقولها صغيره جذيه!! لا حول ولا قوة الا بالله حسبي الله علي امثالهم,, طلقها علشان بيبسي!!! المهم قعدنا انسولف واقعدت اتلوم الريايل واهي الصاجه تري الزمن تغير وريايل هالوقت غير أول الحين الريال مو قد المسؤوليه, وقالت لي مثل وااااااااااااايد عجبني ,, بس مو ذاكرته بدايته : اللي بنوا الدروازه ... مادري شنو بعدين بس مو ذاكره حسافه 
|
|
10/20/2008 3:29:28 PM
|
|
وجهة نظر !
|
ياحلو انت ياعفيسه يا قمر,, قلت لج المفروض البنت ما تخاف من الزواج,, ياما بنات خافوا ولقوا الزواج حلو,, وياما شافوا الريال حلو ومو امقصر بولا شئ وكل بنت تتمناه منصب وأصل وفصل وصغير ومو مقصر بشئ !! بس بعد الزواج أو بالأحري من أول يوم تنصدم بأشياء ماكانت بمخيلتها ولا يحترمها ولا يقدرها أبدا فترضي بالواقع,, وفي ناس ماتقدر تصبر لأنها ما لقت الحب ولا تقدر أتجامله ولا ترضي بالخيانه أعوذ بالله فشحقه تستمر معاه,, وتري الريال هم اذا كبر وما تزوج مشكله, هم ابيسألون هذا اشفيه ما تزوج أكيد عنده سوالف, عاد منو ياخذه!! يا وحده ناطره مثله او من البنات اللي علي قولتج ناطرين اي واااحد يغلط وييهم !! وكل هذا نصيب سبحان الله ولن يصيبنا الا ما كتبه الله لنا محد يقدر يقول ايش بيصير بكرا, وليش خايفه حبوبه, ماكو واحد تفصال,, لأن محد كامل اذا لقيتي واحد فيه بعض من الصفات اللي تحبينها, انتي بيدج تقدرين أتأثرين فيه وتكسبينه وتغيرينه واتنسينه حليب امه اذا حبيتيه, اشحقه تتخلين عنه, اذا انتي صاينته وماشاف شي غلط ويحبج صدقيني بحبكم محد يأثر فيكم,, ان شاء الله
|
|
10/20/2008 3:43:08 PM
|
|
بيانات العضوا والسيرة الذاتية
|
ارد واقول ان اللي عارض اكيد فيه شئ!!وانتوا ليش زعلانين!! لأن بصراحه اذا ماقاعده تيييكم عرووض مزعجه من ناس مزعجه ولا تبونهم حتي يشوفون سيرتك الذاتيه فكيفكم دام انتوا مرتاحيييين. لكن احنا بصراحه منزعجيييين و وااااايد منزعجين وهذي حريه شخصيه مالها شغل بكلنا كويتيييين !!! ممكن أنا ما حب أحد يطلع علي سيرتي الذاتيه حتي لو انا داشه مؤقت بالعكس اذا انا مرتاحه بخلي1000 وحده تدش, وبعدين احنا ما طلبنا نكون VIP علشان اندش بالوحده الوطنيه !! هذا موقع خطبه مو موقع تضيعة وقت !!! كل اللي طلبناه تحديد مواصفات الطرف الآخر وما يمنع انه يذكر انه قبلي أو لأ, مثل ما نذكر ان سني أو لأ, لأن الزواج مو لعب ومافي مجال للخداع واللي بيخدع ويخش لا ايدش الموقع احسن له لأنه مو جاااااااااااااد مهما دفع لهم وحط نجوم !!
|
|
10/22/2008 3:40:53 PM
|
|
بيانات العضوا والسيرة الذاتية
|
اي يا Miss وشوكراااااااااااااان اليك كتيييير لأن وأخيرا لقيت أحد فاهمني هذا اللي أقصده الله ينور دربج ان شاء الله عدل كلامك حلاة الثوب رقعته منه وفيه
Thaaaaaaaaaaaaaanx
|
|
1 2 3
|