|
صفحات
1 2 |
|---|
|
10/8/2008 8:09:49 AM
|
Karbala
Posts 318
|
السلام عليكم
اول شئ حبيت اثني على الجهود المبذولة على هذا الموقع .. وان دل على شئ انما يدل على اهتمام وحرص ادارة الموقع
بخصوص المشكلة التي نواجهها هي في الواجهة الرئيسية للموقع تظهر لنا اسم وعمر وجنسية العضو فقط .. يستحسن لو يضاف عليه الحالة الاجتماعية حتى لا ندخل على ملف العضو ونسبب احراج لنا.
ثانيا السيرة الذاتية بالسابق كانت شغالة .. اما في الوقت الحالي ما تشتغل ما ندري هل هو خلل فني او تم ألغاءه
تقبلوا تحياتي
|
|
10/8/2008 10:18:57 AM
|
amo0on_mlgofa
Posts 24
|
السلام عليكم
و آنا بعد بغيت أقول لو كل عضو يكتب أي مشاركة بالمتدى يكون تحت نكه تفاصيل عن عمره و اهو من وين والخ..
يعني مثل باجي المنتديات
عشان نفس السبب اللي قاله الأخ كربلا..
بعدين في شي ثاني.. ليش الخط صغير وايد؟!! عيونا طقت حولة 
مشكورين : )
|
|
10/10/2008 9:21:15 PM
|
miss_3afeesa
Posts 110
|
السلام
ترا صج الخط وايد صغير ولو تغمجونه يكون احسن
ووالخلفيه لو تخلونها ملونه شوي مثلا بنفسجي فاتح
وشكرااااااااااااااااااان
|
|
10/11/2008 2:48:20 PM
|
bambarah
Posts 2
|
السلام عليكم
عندي اقتراحين اود انكم تضيفونها لملف كل عضو بالموقع
الاقتراح الأول ، هو الرغبة من العضوية في هذا الموقع
لأن بعض الاأعضاء لا يريدون الزواج الدائم صراحة ، بعضهم يريدون انواع مختلفة من الزيجات أو مجرد التحدث أو الصداقة
حتى نستطيع معرفة من نريد التواصل معه
الاقتراح الثاني ، أود ايجاد آلية البحث بالأبراج الغربية و الصينية لكل عضو
حيث أن بعض الأبراج - سبحان الله في خلقه - لها فطرة معينة
فيا ليت اظهار برج كل عضو على و تفعيل خاصية للبحث عنه
|
|
10/11/2008 5:05:59 PM
|
gem
Posts 267
|
الحقيقة انا عندي اقتراح يقول ان كل من يفكر يشترك و بروفايله يقول ردا على كل سؤال ... افضل ان لا اقول
اتمنى من القائمين على الموقع يردون عليه ...
نفضل ان لا نقبلك ... نفضل ان لا نقبلك .. نفضل ان لا نقبلك
اذا كل هالناس اللي هني مو عاجبينك او عاجبينج انك تتكلم او تتكلمين عن نفسك او نفسج شوي ... و شايفين انفسكم اعلى منزلة من الموجودين
شللي حادكم على التسجيل
_____________________-
اضافة الى ان كل من بروفايله غير منطقي او معقول يفضل التصرف بشأنهم لان الموقع طيب و رزين لا يخربونه
آسف ماني سادي علشان اطلب مثل ذلك و لكن الاصول اصول
|
|
10/11/2008 9:55:19 PM
|
Albakhsah
Posts 1
|
أؤيد الأخ gem في كلامه لأنه صحيح 100% ، يعني بعض المشتركين مايذكرون اي شي عن انفسهم وكل ردودهم افضل ان لا اقول ، اذا ليش مشتركين واعتقد انهم فقط يتسلون واتمنى من الادارة شطب اشتراكهم ،وحتى النك نيم يجب ان يكون معقول وفيه شيء من الجدية . وشكرا لكل الجادين في الموقع
|
|
10/11/2008 10:56:04 PM
|
miss_3afeesa
Posts 110
|
السلام ومكن تحطون خانه حضر او بدو
وشكراااااااااااان
|
|
10/18/2008 3:55:36 PM
|
QumarNajd
Posts 51
|
اي صراحه انا أأيد الأخت عفيسه ,, وياليت ايضا وهذا الشئ مهم ان تضعون خانه لمواصفات الشخص المطلوب وهذه ضروريه لعدم الأحراج لكل الطرفين لأن هذا في ازعاج علي الفاضي والهدف من الموقع استقطاب اكبر عدد ممكن من الناس ويكونون مرتاحين فيه وكل واحد يحدد اختياره وايشوف اللي يفضله ويريحه , ويختار اللي يناسبه, ابصراحه عيزت وانا اكتب شرح بسيرتي الذاتيه ان ابي كويتي. حضري, سني,لأنني احضريه , سنيه , ومن اسرة محافظه ما أقبل زواج مسيار ولا عرفي, لكن ما يطلع الكلام,, وتجيني عروض وايد اتنرفزني الصراحه , وسلمتم وعساكم علي القوه
|
|
10/18/2008 4:01:33 PM
|
doctor_3
Posts 27
|
السلام عليكم , اشلون يعني خانة حظر او بدو , نرفض المذاهب والقبليه والحظر والبدو ( لاتفرقون اهل لكويت ) كلهم واحد بحظرها بدوها بشيعتها بسنتها .
|
|
10/18/2008 6:29:05 PM
|
QumarNajd
Posts 51
|
لا هالشئ لازم لمنع الأحراج,, ممكن في ناس ماتبي ترتبط في اي احد, ليكون بينهم توافق منعا للخلافات لأختلاف العادات والتقاليد تري هذا زواج مو لعب مو صداقه!! والا احنا كلنا كويتيين نعم وعلي قلب واحد واخوان ولا اكو فرق بينا بالعكس نتواصل بكل خير, لكن في أمور الزواج لازم الواحد يختار اللي تربي في مثل بيئته لكي يكونوا متفاهمين وكل واحد حر بأختياره
|
|
10/19/2008 4:21:35 PM
|
cutiecat
Posts 22
|
أنا أؤيد إضافة البدو والحضر والسنه والشيعه ونوع الزواج المطلوب ان كان مسيار أو عرفي أو متعه أو عادي وجان زين يلزمون الكل انه يقول اذا كان متزوج أو مطلق أوعمره ما تزوج
ما يخلون هالأشياء أفضل أن لا أقول الي ما يبي يقول لا يدخل هالسايت لأنه معناته مو جاد
وأتمني من إدارة الموقع تسوي مجموعات أو تخلي البنت تختار الي تبيهم يشوفون البروفايل مالها يعني مثلا
البنت تقدر تحدد نوع الزواج الي ترضي فيه كيفها اذا كانت تبي مسيار راح تبين حق الشباب الي مختارين مسيار واذا تبي زواج عادي بس الشباب الي مختارين الزواج العادي راح تشوفهم ويشوفونها
وتحدد اذا كانت تبي سني أو شيعي أو مطلق أو متزوج
وتحدد العمر الي تبيهم يشوفون البروفايل مالها بعد لأن مافي داعي الشباب الصغار يدخلون علي بروفايلات بنات أكبر منهم بعشرين سنه
أعتقد بهالطريقه الكل راح يكون مرتاح والكل راح يحصل الي يبيه وماراح يكون فيه مضيعة وقت مع المتطفلين الي مالهم لزمه انهم يشوفون البروفايل ويطرشون مسجات
جني وايد أحلم شكلها صعبه انها تصير
الله يعطيكم العافية يا إدارة الموقع وانتو قدها انشاءالله
|
|
10/19/2008 7:25:17 PM
|
gem
Posts 267
|
الحقيقة التفريق امر مكروه
ما فيها شي اذا حصل فرصة تعارف و تبين لكل طرف ماهية الطرف الثاني
و اعتذر بلباقة حيث ينتهي الامر من بدايته
انا ضم صوتي للدكتور
و الله يوفق
|
|
10/19/2008 9:15:33 PM
|
QumarNajd
Posts 51
|
لأ العفو شنو اهو مو توزيع تموين علشان ايكون في تفرقه,, وماكو شئ غصب اللي ما يبي ايحط وخايف من شئ لا يحط,, بس اللي يبي ايحدد أحسن من مضيعة الوقت والناس اللي مالهم داعي ولقافه عالفاضي,, وانا اضم صوتي لأحلي كيوت كات واطالب بهذه الخانات الضروريه وايضا تحديد المتطفلين اللي مو جادين ولا علي الطلب,, أنا بصراحه بديت أشك بشغله,, مع اعجابي الشديد بالموقع وادارته ومجهودهم اللي يشكرون عليه بس بديت اشك باللي يشاركون!! أغلب اللي يدش موقع خطبه يا يبي زواج مسيار أو متعه !!! واحنا ما نرضي بهالنوع من الزواج واحنا كويتين بعد بس اهلنا ماعودونا علي هالأمور ماهي من عاداتنا ولا نتقبلها,, هذه الخانات ضروريه للي يبي يستمر بدون ازعاج و احراج
|
|
10/19/2008 10:07:42 PM
|
Karbala
Posts 318
|
doctor_3 كتب:
السلام عليكم , اشلون يعني خانة حظر او بدو , نرفض المذاهب والقبليه والحظر والبدو ( لاتفرقون اهل لكويت ) كلهم واحد بحظرها بدوها بشيعتها بسنتها .
كلامك صحيح اخوي
ما نبي التفرقة .. كلنا عيال الديرة
تحياتي لك
اخوكم/ كربلا
|
|
10/19/2008 11:14:10 PM
|
gem
Posts 267
|
من حق اي انسان ان يكون له راي و على الاخرين احترام هذا الراي
الموقع للجميع و الله يديمه فيهم و يبارك لهم فيه و يتبارك فيهم انشالله
الراي يكون بالاقتراح ... و الاقتراح له اسلوب الطرح كنقل خبر جديد .. و ممكن يكون بالشرح ..
و للاخرين الاخذ فيه او رفضه .. لا اكثر و لا اقل ... و اخوانا البدو يقولون الهون ابرك ما يكون
ممكن يخضع للنقاش بدون ما يكون هناك اي مصادرة لحق ابدا الاراء او فرض راي على الاخرين
انا لما طرحت الراي قلته على اعتبار ان كل من هو مشارك عنده من البصيرة و الفراسة لمعرفة اللي امامه ..
قبل التعرف عليه ( من البروفايل ان حصل ) ... و ان خفى عليه شي يكتشفه بعد التعارف و احنا ناس عمليا متحضرين جدا
نتقبل اللي يرفضنا بتفهم و تقدير لرايه ... بالاضاافة ان ادارة الموقع حريصه على امان المشاركين و هو بحق موقع محترم يشهد له بذلك
و لا يرضون ابدا بتعدي احد على الاخر
و لكل عضو عمليا احتياجات ممكن يرى ان وجودها ضروري .. فيطلب او يقترح و انشالله تاخذ فيه الادارة
و عمليا التفريق بين الناس غير مستحب و هذا امر يمكن تجاوزه ببساطة بالاعتماد على الشخصية و التحليل و الخبرة و طرق اخرى
لكن ان احب اصحاب الموقع تفعيل امر مثل هذا فلهم ما يريدون
تحية لكم جميعا
|
|
10/20/2008 2:15:45 AM
|
kuwaty_man
Posts 4
|
مو ناقص الا يحطون خانه للامراض النفسيه وخانه للاعاقه ونوع الاعاقه .
|
|
10/20/2008 3:43:08 PM
|
QumarNajd
Posts 51
|
ارد واقول ان اللي عارض اكيد فيه شئ!!وانتوا ليش زعلانين!! لأن بصراحه اذا ماقاعده تيييكم عرووض مزعجه من ناس مزعجه ولا تبونهم حتي يشوفون سيرتك الذاتيه فكيفكم دام انتوا مرتاحيييين. لكن احنا بصراحه منزعجيييين و وااااايد منزعجين وهذي حريه شخصيه مالها شغل بكلنا كويتيييين !!! ممكن أنا ما حب أحد يطلع علي سيرتي الذاتيه حتي لو انا داشه مؤقت بالعكس اذا انا مرتاحه بخلي1000 وحده تدش, وبعدين احنا ما طلبنا نكون VIP علشان اندش بالوحده الوطنيه !! هذا موقع خطبه مو موقع تضيعة وقت !!! كل اللي طلبناه تحديد مواصفات الطرف الآخر وما يمنع انه يذكر انه قبلي أو لأ, مثل ما نذكر ان سني أو لأ, لأن الزواج مو لعب ومافي مجال للخداع واللي بيخدع ويخش لا ايدش الموقع احسن له لأنه مو جاااااااااااااد مهما دفع لهم وحط نجوم !!
|
|
10/20/2008 4:55:18 PM
|
gem
Posts 267
|
طلب عدم التفرقة لا يعني ان المطالب يعاني من مشكلة ... لله الحمد كلنا ابناء عوايل كويتية و محترمة جدا و اصحاب مناصب و علم و اشياء كثيرة
لا تقل عن الاخرين .. و من الناحية الشخصية لا نفاخر و لا نزايد و لكن من فضل الله لنا من السمعه الطيبة اللي الكل يشكر لنا بها
و كل ما نتصف به لا يتعدى عن عطايا الكريم
ما اظن ان هذا الاسلوب مناسب للنقاش ... لان اكو اسلوب للنقاش و اكو اسلوب تهجمي
و لله الحمد المعاناة وحدة على الرجال و النساء و الادارة مو مقصرة ابدا و ما تقبل اي تعدي ..
و اذا في بعض الانسات او السيدات يبون هذه المتطلبات ممكن الادارة اذا حابه تحقق لهم هذا الامر تعمل لهم قسم خاص ...
يكونون فيه معززات مكرمات ... احنا بعد ما نقبل لاي اخت ان يتهجم عليها اي احد ... و مستعدين نوقف معاها بما نستطيع
عذرا للادارة على هذا الكلام
|
|
10/20/2008 11:52:19 PM
|
miss_3afeesa
Posts 110
|
السلام
مانبي تفرقه
بس مرات واغلبنا نبي شي اللي يشبهنا
مثلا انا افضل حضري سني لاني حضريه سنيه
بس مو معنى هذا الباقي طايحيين من عيني لا بالعكس
مثل مايقولون حلات الثوب رقعته منه وفيه
بعد هذا موقع وشي اختياري
وشكرااااااااااااااااااان
|
|
10/21/2008 9:43:24 AM
|
gem
Posts 267
|
اشلون هالكلام يا مسسسووووووووه
مو حتى لو حطوا ... ربعنا ما تعرفينهم ؟؟ يكتبلج انه انجلوساكسون و هو حيالله ما يتعدى الصليبية مع احترامنا للطيب فيهم
فهذه حجوة ماخوذ خيرها
الزبدة ان .. و انا قايل لوحدة سابقا .. انه لما تحج الحجايج .. مهما كتب الواحد ترى ما يوضح اللي بالبال و هذه تحتاج تجربة علشان تنفهم صح
فخانات اصلا موجودة و مو مكتوب فيها كلام صحيح
اقول لج عني ... انا بهالنك داخل بعد نك سابق الغيته تماما .. لانه بداية جديدة .. و علشان اخفي شخصيتي .. كتبت اني ارمل ,, مع اني منفصل بس و من سنوات طويلة
و ايضا بعض المعلومات الثانية غيرت فيها بس رديت كل شي الى وضعه الطبيعي و بقى العمر اللي مو قادر اعدله ... فانا اكبر بسنتين من العمر المذكور ... لذلك قلت لج روحي خطبي اللبناني و قوليله بابا جيم ناطرك !!! ... اضافة الى اني ذار من قبل اني مو داش للعلاقات ... فيعني مو داش للعب و لكن للتعارف لا اكثر ... و تعارف م مطلوب من وراه اي شي لا لقاء و لا قالها الله ... فانا صريح و لله الحمد
يعني عمليا كل اللي هو مطلوب من الاخوات ما راح يجيب الا نتيجة وحدة تضر اصلا بالموقع و بدون داعي ... اضافة الى انها صورة كلش مو حلوة للكويت ... اوكي بالكويت اكو فئات و لكن ماله داعي ننشرها بهالصورة المقيته
كل من يبي يتعرف يلقى الي يبيه و ان اكتشف انه غير مناسب يعتذرون من بعض و السلام ... مو هذه اصلا قاعدة تتم بالعلاقات الطبيعية يبتدون و لما يحصل اختلاف يفترقون ( الله لا يفرق احد ) و السلام
يو تيك كير مسسسوووه
|
|
صفحات
1 2 |
|---|