|
8/17/2009 6:19:35 PM
|
|
سؤال مهم لكل بنت وشاب (واثق من نفسك فى جاوب)
|
السلام عليكم
1- هل انت او انتى مقتنعه من زواج النت ؟؟
الله أعلم بالنصيب وينه فيه , فما أقدر أحدد بإجابه معينه .... لكن بالنهايه ما أعتقد إني مقتنعه بزواج النت لأنه بصراحه فيه خوف كبير
2- هل ان اصبح توافق بينكم تصارحون اهلكم من اين عرفت بنتنا او العكس؟؟
هذا يمكن يصير بعد الزواج بسنين وسنين أو يضل سر بيني وبينه أبرك , لأن من الصعب إقناع الأهل بمثل هل طريقه من الزواج بالذات لما يكونون مو لهذاك التحرر
وبعدين الأسلم يكون سر بينهم الأثنين علشان ما تتغير نظرة الأهل لبنتهم , لأن مهما كان ومهما تقدم المجتمع يضل الرجل شايل لعيبه بينما البنت أو الفتاه العكس تماما
بالذات لما ياخذونها أهله علوقه عليها وعليه
3- كيف تضمن ان التى اخترتها ..اخترتيه .. لم يكن هدفه ان تكون سلم وصول؟؟؟
هذا بينه وبين ربه , المهم نيتي آنا تكون صافيه ..., لأن ما يعلم ما بالصدور غير رب العالمين, فمهما عرفت الشخص عمرك ما توصل لعمق ما بين أضلعه من أسرار , لأن دائما البشر يفاجؤونك بقدرتهم على التغير والتحول من حال لآخر
4- هل لو اصبح خلاف بينكم وقال ( انتى عرفتك من انتلانت نت وضفيتك فى بيتى ) ماهو الرد..؟؟
عادي تصير ...., لكن الشطاره عند البنت إهي إنها تقوله "ليش طقيت بابي أجل؟.. وليش أخذتني وانت مو قد مثل هل قرار؟!!.., آنا ماجيتك وطلبتك إنت من طلبني , وحزتها كان عندك عقل وتفكر فليش ما قلت لنفسك آنا شلون آخذ وحده عن طريق النت!!" فإذا إهو مو قد هل مسؤوليه تعطيه طاف على طول واتخلي السالفه تمر
5- هل تثقين,,تثق.. ان الشاب جاد فى الاختيار ويسعى للهدف الى تسعين له؟؟
أتمنى هل شي , لكن ما أعتقد بثق غير بانها قسمه ونصيب من ربي وعلي الرضا فيها مهما كانت
6- كيف اضمن ان هذه .. هذا .. لم يخنى ويلعب من وراىئ..؟؟
بالزواج العادي التقليدي أو الذي عن حب فيه خيانه ولعب من خلف الظهور , سواء من ناحيه الزوج أو الزوجه فكيف أضمن بأن هل شي ما راح يصير معاي وآنا زوجه واهو زوج حالنا مثل حال هل ناس.....
لكن فيه رب إسمه كريم... وهو سبحانه ما يخيب أمل عبده إذا دعاه
وسلامتكم
|
|
8/24/2009 1:55:21 AM
|
|
استمتعوا معي باسمى المعاني للبراءة .......
|
السلام عليكم
طفلة عمرها 6 سنوات
" الحب هو عندما تخرج مع أحدهم وتعطيه معظم البطاطس المقلية الخاصة بك دون أن تلزمه بأن يعطيك البطاطس الخاصة به "
حقيقه .. الحب هوعدم إنتظار لمقابل من الطرف الثاني فالمهم هو أن تشعر بهذا الحب
الحب اروع شي واتمنى ان اجربة ولكن بالحلال
لان الحب ياما قالوة عنة شعر وياما ناس ماتت بسببة
وحلاوتة عظيمة جدا بس الي يقدره شي يشغل بالك ويحرك حواسك
ويحسسك بطعم الحياة وووجود شي يشدك للحياة ويعطيك امل كل يوم ان فية شخص يهتم فيك ويفكر بك مااروعة من شعور
والحب كلمة ليست سهلة على القلب هو مفتاح للسعادة مع ان فية ناس تحاربة وتفسدة ولكن يبقى هو الحب مهما مرت الازمان
يقشعر كل حواسك ويجعلك انسان لك كيان وهدف وحلم اروع من الخيال واحسن من ذهب لة لذة وروعة ووجود الحب حقيقة لانقدر انكارها
لان الحب الحقيقي يعيش للابد لوانك ترى فيلم رومانسي تتمنى لو انك تعيش لحظة رومانسية واللة يوعدنا واتمنا الناس ماتياس الحب حلو بس الواحد يصفي قلبة
وراح يلاقية
مأيده لهذا الرأي تماما
وشكرا
|
|
8/30/2009 6:53:06 AM
|
|
حالات الزواج عن طريق موقع خطبة
|
السلام عليكم
الشهر عليكم مبارك
بالنسبه للي تزوجوا من هل موقع أو من غيره ف الله يوفقهم ولا يفرقهم
لكن بعض الأشخاص ما فيه مصداقيه عندهم بهل موضوع والبعض الآخر يبحث عن نصفه الثاني بكل لهفه
يعني
مجتمعنا يعطي للرجل الحريه بالتصرف بالذات بإعطاء رقمه وأي معلومات عن نفسه , لكن البنت أو المرءه ما تقدر بسهوله تعطي مثل هل معلومات لما تكون مالها خبره بتاتا بهل موضوع .... أو بالذات يسيطر عليها الخوف التام من البعض من الرجال الغير صادقين بهدف تسجيلهم بهل موقع...
وياليت تنفهم النقطه إلي ببينها بكلامي
وشكرا
|
|
8/30/2009 7:57:41 AM
|
|
رايكم بنات ... :)
|
السلام عليكم
الحب الطبيعي يأتي يجي بعد الزواج , مع العشره .. بالذات لما يبتدي بالألفه وبعدين يتحول لحب مبني على تعامل الصداقه المخلصه
بعني أمهاتنا وابهاتنا تزوجوا بدون حب وتعارف قبل الزواج , والحمد لله إستمروا بحياتهم واجمعتهم العشره ....
لكن بالنسبه إذا خيرت بين إلي يحبني وإلي أحبه , راح أختار بكل تأكيد إلي يحبني ... ما أدري ليش!!... لكن أعتقد إنه بيكون أقرب لي ...
والله العالم
وشكرا
|
|
8/31/2009 3:36:52 AM
|
|
هل يقتل الكبرياء ... الحب ؟؟ موضوع للنقاش
|
السلام عليكم ورحمة الله وبركاته
كل شي يهون عند الشخص إلي يستاهل
إهي عشرة عمر مهي يوم ولا يومين , فلازم كل واحد من الطرفين يخلي سالفة الكبرياء شويه بعيد عن الرابط إلي يجمعهم مع بعض
لكن بالأمور الهينه البسيطه .. إلي فعلا تحتاج لترك الكبرياء علشان تستمر الحياه بينهم وبين بعض لأن الندم بالنهايه ما يرد إلي كان
وشكرا لكم
|
|
8/31/2009 6:17:20 AM
|
|
مسابقه بس بصراحه من تأليفي
|
السلام عليكم
1-كم مرة رسبت في دراستك ؟
مره وحده
2- لو قال لك المصباح السحري اختر امنيتين في الدنيا واحققها لك شنو بتختار؟؟
ولا شي لأن ماكو شي يتحقق بدون تعب
3- بصراااااااحة .. كم المبلغ في محفظتك الحين؟؟
ما أدري بصرااااااااااااااحه
4- انت تدرس او تشتغل؟
أشتغل والحمد لله
5- لما تكون طفشان وابروحك وقاعد شنو تسوي ؟؟
أكتب... لأني أحب الكتابه
6- كم ساعه تجلس على النت ؟؟
أيام أنسى إن عندي نت , وأيام تمر علي ساعات وساعات وأنا ما أدري
7- شنو شعورك اذا علق الانترنت عندك؟
عادي ... ئيزي
8- اذا اكتشفت ان صداقتك مع انسان طلعت مزيفه شنو شعورك ؟
طبعا ...... ألم
9- ماهي هواياتك ؟
الكتابه بكل تأكيد
10- ماهو رأيك بالشِعر وهل تكتبه ؟
مو الكل صادق فيه ... مرات يكون مجرد وصف للحاله الداخليه عن الغير .. أقصد مو من الظروري يكون نابع من قلب الشاعر---> طولتها أدري 
11- ما افضل اسم نال اعجابك في المنتدى ؟
مادري!!!
12- في كم منتدى أنت مسجل؟
ثلاثه تقريبا
13-شنو اصعب موقف مر عليك ؟
فقدي لجدتي الله يرحمها ويغفر لها
14- كم مره سافرت؟ ووين؟
كثير .. ولجهه واحده لاغير ((السعوديه))
15- ما هي امنيتك في الحياه؟
حسن الخاتمه طبعا ... وأتمناها للجميع
16- من هو أهم شخص في حياتك ؟
أمي وأخواتي
17- كم مره دعيت الله هذا اليوم ؟
بعد كل صلاه .. جعل ربي يتقبل منا ومنكم
18- متــى تـكون ملـقـــــــوف ؟
دايما ..بالذات إذا كان الموضوع فرش بالعيله
19-شنو نوع موبايلك ؟
نوكيا
20-اكتب احلى مسج عندك؟؟؟
كثيره ... أهمها تهاني الرمضان لأ، فيها أدعيه أتمنى إن ربي يتقبلها من الكل
21-اكتب تاريخ ميلادك بالهجري؟ ((( اختياري )))ههههههه
22-اخر سؤال شنو رايك في قليل الحظ.... ((وبكل صراحه))؟؟
كل شي قسمه ونصيب , وإذا ما إنكتب للواحد كل ما يتمناه مو معناها إنه قليل حظ .. بل معناها إن يمكن رب العالمين مكبر حظه بالآخر وهذا الأهم بالنسبه لي.... ويا جعل ربي يكبر حظنا وحظكم بالدنيا والآخره
وشكرا على اللعبه
|
|
9/2/2009 4:23:54 AM
|
|
كلمة آآآآسف تغني او تسمن من جوع ...... موضوع نقاش
|
السلام عليكم
رب العالمين يغفر لعبده ولو كانت خطاياه مثل البحر
ف شلون إحنا ما نقبل بالإعتذار!!!
وفوق هذا من شخص عزيز علي
طبعا بترد صفحته بيضاء
|
|
9/2/2009 4:48:48 AM
|
|
وجهة نظر !
|
السلام عليكم
نصيبك يصيبك وين كنت وشنو ما سويت وسويت
هي صعبه للبنت إنها تقول لهلها ""عرفته من النت"" بالذات لما يكونون ناس ما لهم ذيك العلاقات بالمجتمع بشكل عام .. لأن فيه ناس ترى ما تعرف جيرانها منو--> وصدقوني بهل شي لأني فعلا شفته بعيني..., وهم لما يكونون أهلها من النوع إلي راح يسأل "شلون سمعتوا عنا؟" وأقصد سؤالهم لأهل الرجل .. هنيه يمكن يكون عند كل من يجاوب سؤالي إجابه غير إتخلي الأهل ما يدرون إنها تعرفه من النت
لكن خلونا نقول ماذا لو؟؟؟؟
طبيعة المجتمع متساهل مع الرجل لأنه هو صاحب المبادره الأولى بالبحث عن الزوجه
بوقت البنت تقعد في بيتهم وما في ئيدها غير النطره ليما الله يفرج لها أو يعوضها خير
وفعلا محد يقدر يعرف الثاني عن طريق المحادثه على النت , مثل ماراح يقدر يعرفه لو تقدم له بطريقه تقليديه إلا بعد الزواج
الموضوع طويل النقاش فيه ومعقد , لكن بالنهايه كل وحده عارفه ظروفها وعارفه راي أهلها بهل موضوع بالتالي تدري إذا إهم فري عادي عندهم زواج النت ...أو بيقلبون الدنيا على راسها لو عرفوا من وين عرفها هل رجال
وسلامي هو ختامي
وشكرا
|
|
1/16/2010 3:06:10 AM
|
|
زواج الكويتيين والكويتيات من خارج الديرة
|
السلام عليكم
يمكن لأن الأجنبي /أجنبيه ترضى /يرضى بالأقل بالبدايه علشان ينتقل للأهم من بعد الزواج بالذات من بعد ما يجون العيال.... وهذا راي
ويمكن لأن الكويتي / الكويتيه يفقدون "إثنينهم" حس أهمية التدرج بالحياه إلي يعطي للزواج طعمه الحلو , وأقصد بالتدرج هو البدء بالحياه البسيطه ومن خلال سنين العشره ينتقلون للحياه المملوءه بكل كماليات الحياه....., لأن إلي أشوفه إن كل الأثنين يبون إن يتحقق لهم كل شي من أول يوم لهم بالزواج مبتعدين عن كون هل تدرج هذا إهو إلي يربطهم مع بعض بشكل أقوى خلال السنين إلي تمر فيهم.... وهذا راي ثاني
لكن فيه سبب لزواج الأجنبيه/الأجنبي من الكويتي وهو الجنسيه والمطامع الماديه ---> وهذا ما ينطبق على الكل لكن أكيد فيه فئه منهم بهل شكل
والله العالم إن كنت على صواب أم خطأ ..... لكن بالنسبه لي هذا إلي أشوفه كسبب من الناس إلي حواليني
وآسفه إذا كلامي يأذي أحد
وسلام عليكم
|
|
1/16/2010 3:16:04 AM
|
|
السعاده......هل نستطيع تحقيقها في حياتنا ؟
|
السلام عليكم
الله يجزاك كل خير على هل كلمات الرائعه وإلي أتفق معاك فيها كلها
وحبيت أضيف رضى الوالدين
بالذات لما يمسح واحد منهم على راسي ويقول ((الله يرضى عليج)) ينترس قلبي سعاده الدنيا كلها
|
|
1/16/2010 3:42:35 AM
|
|
Why Do Not Accept a Married Man? Is It Fair?
|
السلام عليكم
رب العالمين سمح للرجل بالزواج أكثر من واحد لحكمه معينه (يمكن منها إن عدد الإناث أكثر من الرجال , ويمكن لأن بالزمن القديم كان الرجال يموتون بالمعارك وغيره ..., ويمكن شغلات كثيره تتعلق بطبيعة المرءه .. وطبيعه الرجل)
وبعدين خل نبتعد عن مشاعر المرءه بكونها الأولى أو الثانيه.... خلنا إنفكر بإذا كان هذا الزوج راح يقدر يعدل ولا لأ (بالمشاعر , بالموده , بالسكن والسكينه , ...الخ)؟!!....
لأنه بشر وأكيد بيميل لوحده أكثر من الثانيه وهذا طبيعي....
وغير جذيه فيه كثير يتقبلون إنهم يصيرون الزوجه الثانيه والثالثه والرابعه بعد ... لكنهم يخافون من كون هذا الزوج من النوع الغير ثابت على زوجاته ... من النوع الذي يسهل عليه تطليق إحداهن لكي يغيرها بأخرى جديده ....
وهم فيه شغله جديده طايحين فيها القليل من الرجال وهي إنه يتزوجها لكنها تتكفل بكل شي إهي ... يعني ما يكفي إنها الزوجه الثانيه لكن يلقى بنفسه الجراءه إنه يقول لها من بعد الزواج (ترى آنا ما أقدر على مصروف بيتين فلازم تشيلين عني المصرف)!!!!! فإذا إهو مو قادر على البيت الثاني ليش يتجرء ويفتحه!!!وليش يصرف على الأولى لكن الثانيه لأ!!!.....
وهذا أأكد وأزيد بإنه البعض وليس الكل... وآسفه إذا أسأت لأحد وعلى الإطاله
|
|
2/13/2010 7:30:41 AM
|
|
موضوع خاطري تشاركوني فيه رايكم بصراحة.........
|
السلام عليكم
إلي قبلي كلهم قالوا شغلات كثيره توفي بالموضوع لكني بضيف شغله وحده إهي
إذا الزوجه تبي مصاريف زايده مثل "عروس, مواجيب, حفلات, إستقبالات ,جنطه ماركه , بدله ماركه...... الخ" بالذات لما تكون من جانب صديقاتها وأهلها تكون من جيبها إهي وهذا مافيه خلاف لأن مسؤوليه الزوج إهي المصاريف الأساسيه للمنزل وإحتياجاته ...
لكن إذا كان كان للبيت فهنيه يدخل موضوع ثاني وإهو إن البيت من مسؤوليه الرجل بالكامل .. لكن إذا إهي حبت إتشارك ئيه كيفها بالذات "لعيالها" بالشيء المعقول ...
وعلشان تتحقق السعاده "الماديه" بالأسره نصيحه وحده أقولها للكل ((((إبتعدوا عن المظاهر الجدابه وراح تكونون بخير)))) ... يعني الله يرضى طفل أو طفله عمره أو عمرها سبع سنوات بئيده "psp, بلاك بيري , لاب توب,...الخ من الشغلات العجيبه والمكلفه" هذا لما يكبر شنو الواحد يشترى لهم طياره ولا صاروخ!!!!!!!!!!!!!!!...
وكل هذا بعذر إن ما يبون عيالهم يصيرون أقل من غيرهم .. كاه إحنا كبرنا وما حصلنا هل شغلات إلا بعد ما إستلمنا أول راتب بئيدنا وما صار لنا شي والحمد لله ...
وهذا رايي وللكل فائق إحترامي
وشكرا
|
|
2/16/2010 12:46:27 AM
|
|
اوكي...عادي...طاح الحطب...وحلوة الحياة
|
السلام عليكم
الدنيا فيها الخنين والخايس وفيها الطيب والخبيث .... فيها كثير من كل نوع وشكل ونوع ... لكن كثرة الشر مو معناها إن الخير معدوم ....
هذي دنيا .. دار إختبار وعلى قد ثباتك وصبرك تطلع بنتيجه أعلى وأكبر بالنهايه
وكل واحد /وحده يعمل على حسب أصله وتربيته
وشكرا
|
|
2/16/2010 12:57:26 AM
|
|
كيفية اختيار شريك الحياة ؟؟؟.... موضوع نقاش
|
السلام عليكم
الزواج = الموده , الرحمه , الألفه, العاطفه و العطف , الإحترام المتبادل , الأسره , الترابط , التكاتف , السند "الظهر الذي يستند له" , الطفوله بالأبناء ...الخ , الكثير من الأشياء المماثله التي تنصب خلف سبب الزواج والتي أريد مثلها من شريك الحياه لاغير.....
وفعلا التوكل على الله ومن ثم العقل من بعده العاطفه هي طريقه أو معادلة الإختيار لزواج تام ومستمر بإستمرار الحياه
شكرا على الموضوع
تحياتي
|
|
1/1/2011 10:30:05 PM
|
|
بس بالكويت
|
السلام عليكم
((نسيت لاتقول ياخوي .. ان بس بالكويت راح تلاقي ناس ولا اطيب منها , وبس بالكويت راح تلاقي ناس يحبون حكامهم لدرجة ماتوصف ومستعدين يفدونهم بارواحم, واسأل التاريخ.
صح لسانك))
((ياخوب ترى الخير موجود بس يبيله تقاؤؤل))
هم صح لسانك
ماكو ديره مثل هل ديره
والحمد لله على هل نعمه
والله لا يغير علينا
وشكرا
|
|
1/2/2011 2:29:16 AM
|
|
الكذب فى المنتدى
|
السلام عليكم
الأخ سعد كفى ووفى ولخص الموضوع بكل تعقل ووضوح
ومشكور على هل نظره المتعقله للأمور
لكن بالنسبه للأخ الكاتب للموضوع
بدال الخيانه ليش ما يدور الزوج عن المدخل الحلال بالأمر !... ليش يبحث ورى السهل "الخيانه" بدال ما ياخذ إلي حلله له الشرع "الزوجه الثانية والثالثه والرابعه"
وقبل ما يخون ليش ما يوضح للزوجه جهة تقصيرها ... لكن بعد ما يعدل ويصحح جهات التقصير فيه إهو
مرأه أم رجل إثنيناتهم بشر والبشر خطاؤون وصفتهم عدم الكمال
وشكرا
|
|
1/2/2011 5:14:51 AM
|
|
ما هي أفضل طريقة للزواج بالكويت؟
|
السلام عليكم
الزواج أمر نجاحه وفشله عند رب العالمين
الأمر يرجع لطبيعه الزوج والزوجه إذا إهم أهل للمسؤوليه ولا لأ
الطريقه التقليديه بالتأكيد لأنها من الباب
أخيرا
الله العالم وحده وين رزق كل واحد فينا.... ومتى
وشكرا
|
|
1/2/2011 5:22:07 AM
|
|
زواج الكويتية من غير الكويتي
|
السلام عليكم
الشباب الكويتي يقولون "الكويتيه ما تستاهل وما أدري على شنو شايفه نفسها"
والشابات الكويتيات يقولون "الكويتي ماله إحساس ولا ذوق ولا إتكيت تعامل"
مع إنهم إثنيناتهم ما ينفعون إلا لبعض
|
|
1
|