|
6/25/2011 2:06:19 PM
|
|
مافي بعد اليوم نصب واحتيال
|
اللهم صل علي محمد وال محمد
سؤال..... شلون اعرف النصاب؟ اللي يلعل علي مشاعر البنات؟ شلووون ؟
|
|
6/26/2011 12:05:51 AM
|
|
صفات الغير جاد
|
الله صل علي محمد وال محمد
سوري بس شنو اذا حصل المواصفات اللي يبيها يطق الباب؟؟؟ ...والله لو اخوي اقول وحده تبي توهقك وتخليك تتزوجها غصب ؟؟؟ شنو وين قاعدين ..بنرد للعصور الجاهليه ... ما يشوفها ... اما يتفشل مو المواصفات اللي قالت عنها او تطلع مو الشكل اللي ماخذه عنها ...او اهي تتوهق جدام اهلها ويطلع غسر المواصفات اللي قال عليها ؟؟؟
لا تسوون نفسكم مثاليين ... وتقولون ماكو تلفون ولا لقاء؟؟؟ عيل ليش داشين خطبه ...خل امهاتكم تزوجكم باختيارهم 
يعني اذا كان الريال جاد او المراه جاده ... دعوه ترفعها لرب العباد ..اذا كان هذا الرجل/المراه جاد بالزواج ..يارب تسهل امورنا ..او غير جذي يارب تبعده عنا (واذا سالك عبادي عني فاني قريب اجيب دعوه الداع اذا دعان) وصدق الله العلي العظيم.
اما تقولون بعد الرسايل الطويله العريضه ....ماكو تلفون ولا ايميل ..فسوري انتم تقصون علي انفسكم اشكره .
والله يرزقكم الزوجات او الازواج الصالحين يارب
تحياتي
|
|
6/26/2011 12:41:36 PM
|
|
مافي بعد اليوم نصب واحتيال
|
اللهم صل علي محمد وال محمد
سوري اخوي اللي حاط رقمك ... جان محد يا اهني ...جان راح عند خطابه او خطاب احسن له ...امبيه اصلا فشله يايلي مندوب الموقع بيتنا ...فين الاخت فلانه اصلها مسجله عندنا عايزه تتجوز ..وعايزين بياناتها ؟!!!! خوش خوش هههه
او اييكم المندوب للديوانيه ... جدام ربعه ...في فلان ...اهلا يا فندم حضرت طلع الهويه وخليني اشوف طولك وعرضك ..هي نفس البيانات ...مش صاحبكم مسجل عندنا عايز يتجوز بسلامته ؟!! هههههههه
|
|
6/26/2011 8:01:40 PM
|
|
مافي بعد اليوم نصب واحتيال
|
للهم صل علي محمد وال محمد
الاخ الكريم انا ما اقصد اتطنز ...بس كلامك مو واقعي ...او يمكن حضرتك ما تدري اكو بالكويت خطابات اكثر من العوانس ...تفتح ملف ب ٥٠ دينار وهذا ويه الضيف
بالمناسبه اكو خطابه يعني كشخه حاطه لها سكرتيره واحيانا سكرتير مصري ...يعبي البيانات ؟!! بالنسبه لي بنت انا بروحي انحرج اذا بروح للخطابه فما بالك اقعد جدام الناس واعبي البيانات ...والاخت الخطابه تستقبلك او لا حسب الزحمه << مادري بس قالولي جذيه طريقتها ...يعني قمه الاحراج ... هالمره مندوب ايي بيتنا ؟!!
|
|
6/29/2011 12:45:50 PM
|
|
امرأة تسرق عبايه واي فون
|
اللهم صل علي محمد وال محمد
بعض الاشخاص ... من اسمائهم تعرف نواياهم المخادعه ... سواء كان رجل او امراه
من تبيع ذمتها وضميرها من اجل عبائه واي فون فهي انسانه رخيصه جدا جدا ... باعت اخرتها بثمن زهيد
الله يبعد عنكم المخادعين والمخادعات ...الله ستر اخوي ما بيعتك بيتك وسيارتك
|
|
6/29/2011 9:04:08 PM
|
|
امرأة تسرق عبايه واي فون
|
اللهم صل علي محمد وال محمد
كما ان هناك رجال يخادعون بالمذهب والكلام الطيب في البدايه عن الموالاه لاهل البيت ...وكلامهم دائما معطر بذكر اهل البيت عليهم السلام ...هناك نساء ايضا تخادع بالكلام الطيب عن اهل البيت ...ربما الشخص لا يعلم ان الله انتقم منه مسبقا فالله يعلم بالغيب سبحانه ..ويعلم ان الشخص سيخدع الابرياء ...
ان الله يعاقب الناس المخادعين من حيث لا يعلمون .
اعتبر ما فعلته هو عقاب من الله بان جعلها تستجدي من هذا وذاك ... والله يهدي الجميع لطاعه الرحمن
|
|
6/30/2011 1:42:19 PM
|
|
low waist and seshwar
|
اللهم صل علي محمد وال محمد
والحمدلله والشكر ...الفتاوي بجيبكم ؟!!
اولا انتم قاعدين تكفرون بعض البنات اللي يعطون تحت الحجاب شي يرفعه ...واكو فرق بين اللي تحط علي شكل سنام الجمل وهذا يكون فوق الصماخ ...اما اغلب البنات مو سنام جمل ...انما حاطته توحي ان شعرها طويل ولافته ...ويطلع جي مكور كبير ... شكو العلاقه بسنام الجمل ؟!! تبين تقتون بكيفكم ؟؟
وشكووو ما لها صلاه ؟؟؟ انتم اللي تقررون منو تقبل صلاته ولا لا ؟؟؟ علي حسب نيه الشخص امام الله ... اذا كانت البنت نيتها اغراء الشباب الله يحاسبها ..اما بعض البنات يلبسونها بس علشان يصير حجابها مرتب ...وهذي نيته زينه .
لا تتدخلون بنيات الناس .... اهم شي حولتوا الموضوع ..لنقاش ااخر !!!
|
|
6/30/2011 1:48:20 PM
|
|
مرحبا
|
اللهم صل علي محمد وال محمد
الحمدلله ماصار معاي هالشي ...والغالبيه العظمي ناس محترمه ...بس ما تدور زواج ...تدور متعه .
صار معاي موقف من شخص ...ما سالني عن نفسي ... عن عملي حياتي ...لا سال عن اشياء تخص الملابس ..بعد جم مناقشه سكرت الباب ...وعرفت انه ما يبي زواج ..يبي متعه ...من اسلوبه معاي .
والحمدلله الله الحافظ .
|
|
6/30/2011 1:59:55 PM
|
|
**ملف تجهيزات رمضان متجدد**
|
اللهم صل علي محمد وال محمد
يعطيك العافيه ...خوش موضوع
|
|
7/1/2011 1:45:19 PM
|
|
مرحبا
|
اللهم صل علي محمد وال محمد
هذا متعود يسوي هالاسلوب مع البنات الصغار المراهقات ....اللي ما تبي تضيعه منها ... ويسيطر عليها باسلوبه ...وتكلمه بسرعه
هذا انسان لعوب يا اختي ويبين من اسلوبه ... يعني ما اتصلتي في غيرج ...لان ما همه يعجبج اسلوبه ولا لا ... تنحاشين من اسلوبه ولا لا ... رحتي في غيرج
اللي مثل هذا ...عامليه مثل الياهل ...لما تقوليله لا يعني لا ... ما تكون لا بضعف
|
|
7/1/2011 3:41:18 PM
|
|
اثبت لي انك شريف ايها الرجل
|
اللهم صل علي محمد وال محمد
اانا مادري ليش بعض الرياييل ...عليالهم احنا مدمغين ؟!! ....يدش واحد عمره ٣٠ يقول هذا مو عمري الحقيقي ... كتبته بالغلط ؟!! شنو اول مره تستخدم كمبيوتر بحياتك؟؟؟ شالعبط هذا ؟؟؟؟
يدش واحد يقول هذا مو ملفي ...بس انا داش فيه؟؟؟ شنو انت وربعك متشاركين بملف تقصون علي بنات الناس؟؟؟
وواحد يحط متعه بملفه ...ويقول انا ابي زواج دائم؟؟؟ يخدع الطرفين ،،،يعني يضرب عصفورين بحجر ...اللي تبي متعه حياها الله..واللي تبي زواج دائم يقول مالي خلق اغير ملفي
ليش صار الخوف من رب العالمين ..اخر شي يفكرون فيه ؟؟؟؟
لا حول ولا قوه الا بالله العلي العظيم .
صراحه الموقع هذا مافيه انسان نزيه ...مافيه انسان صادق بطلب الزواج .... فتره يبون يلعبون فيها ...مايدرون انا الله لهم بالمرصاد
|
|
7/2/2011 11:58:36 AM
|
|
مرحبا
|
اللهم صل علي محمد وال محمد
للاسف يا اختي الغالبيه العظمي هنا تريد اللعب .... او انهم في شك ان هذا الشخص يلعب لكثره ما يرون من غش وخداع ... لذلك فلا احد يتقدم خطوه صحيحه .
صادفني موقف مع شخص ... بعد جم رساله .. يقول لي انه صادق ويريد الزواج وهكذا ... وبعد فتره << عادي عادي لغه عربيه مع كويتيه لووول
..اشوفه ٢٤ ساعه شابك ... بس كلش ما يعطيني ويه ... وجم مره اقوله انت ما ترد علي شلون اعرف انك صادق ؟؟ يقول لي كنت كذا ..كنت كذاك ..وجذيه ..الخ
اانا اتمني احد يقولي بويهي انتي ما تناسبيني او ما نناسب بعض .. ولا هالخداع اللي ماله ااخر ؟!!
لا تستغربين يا اختي الكريمه ...شلون الناس باعت الاخره الغاليه من اجل الدنيا الرخيصه
(ولا تهنوا ولا تحزنوا وانتم الاعلون ) ... الله اكيد بييبلج الانسان المحترم الملتزم ...حتي لو الوحده قاعده بدارها محد يدري عنها .
والطيبون للطيبات
|
|
7/2/2011 12:09:49 PM
|
|
مذكرات عانس
|
اللهم صل علي محمد وال محمد
انا اليوم بسولف لكم من مذكراتي العزيزه
مشكله العانس ان اهيا عادي عندها عمرها ...ومؤمنه باللي الله كاتب لها ... بس مسكينه لما تروح حفله او عرس ... تشوف نظرات الناس لها بحسره ..شلون مو متزوجه ...ودايم اي حفله زواج او ملجه ...عيونهم عليها واول وحده يقولوها يالله الفالج لج نفرح فيج...صحيح كلامهم حلو ...بس يضايق شوي ...وتحس ودها ما تحضر بعد حفلات ..ونظرات الناس لها واهيا فرحانه ومستانسه تخليها تسكر حلجها او تخخف ابتسامتها الحلوه مثلي لووول .
لا والمشكله الثانيه بعض الناس علبالهم الزواج راح ايي اذا تمكيجت العانس او تروح زواره او حفلات علشان الناس تشوفها ؟!! ... وايد يقول لي ليش ما تحطين مكياج واايد حلوه بالمكياج ؟؟ يعني يعرفون مبدئي ويبون اغيره علشان ريل مادري شنو طينته ؟؟ ... انا برايي انا الحمدلله حلوه وما فيني شي ... ومومهم اعجب الناس ولا اعجب ريال ...المهم امشي وانا رافعه راسي ان الله راضي علي ان شاءالله
اكيد دوختكم ... بس يالله شتسووون حمدوا ربكم سوالفي حلوه لووووول
|
|
7/2/2011 12:17:32 PM
|
|
اثبت لي انك شريف ايها الرجل
|
اللهم صل علي محمد وال محمد
اثبتلي انك شريف ايها الرجل .... حط نك نيم نظيف مو استغفر الله نيك نيم يوحي ان من اي بيئه ياي ...يحط نيك نيم بارقام واسماء توحي بالرذيله والفسق ..سوري يا جماعه بس هذا اللي ملاحظته هالايام ...وخاصه البعض من اللي اعمارهم اقل من ٣٠ .
اثبتلي انك شريف ايها الرجل ... ولا تدش علي وحده اكبر منك ب ٢٠ سنه او ١٥ سنه وتقول ابي زواج؟!!
اثبتلي انك شريف ايها الرجل .... واذا راسلت وحده ترد عليها مو تكشت وانت شابك ...وتطلع اميه عذر ؟!!
اثبتلي انك شريف ايها الرجل ... مو انت ريال شكبرك وصلت الاربعين ... وتقص علي بنات خلق الله بالزواج ...وعقب تقول اهلي مو راضيين اتزوج ؟!!
ترا وايد بنات يتابعون دكتوره فوز ....ويعرفون حركات الرياييل وخداعهم
|
|
7/3/2011 12:43:01 PM
|
|
الحقيقه التي تهز النساء
|
اللهم صل علي محمد وال محمد
يا اخي كويتي ...كلامك واااايد حلو... وكلام له وقع علي النفس التي احياها الله ..وليس النفس التي ماتت ومات ضميرها معها
الذي يسعي وراء الحرام ....فهو رخيص جدا ...فالرخيص يبحث عن كل ما هو رخيص ...انا اشفق احيانا علي هولاء ... من غضب يوم يصرخون فيه (رب ارجعون) ..الذي ضميره ميت ... لن يعتبر ان ما يفعله حرام فهذا الله غضب عليه بحيث لم يجعل الهدايه في قلبه ...ولا ضمير ليؤنبه.
قالها الله تعالي وكلام الله هو الحق {الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ أُولَٰئِكَ مُبَرَّءُونَ مِمَّا يَقُولُونَ ۖ لَهُم مَّغْفِرَةٌ وَرِزْقٌ كَرِيمٌ} [النور: 26].... صدق الله العلي العظيم .
|
|
7/15/2011 12:38:26 PM
|
|
قصص زواج عن طريق الموقع khitba
|
اللهم صل علي محمد وال محمد
انا بس بقول كلمه او دعوه اختي الكريمه ....اول شي الله يرزقج بالزوج الصالح يارب
وثانيا : الله لا يوفق اي ريال خدع بنت باسم الزواج ...الله لا يوفقه دنيا وااخره ....لان المخادعين واايد بالمنتدي ...بس اكثرهم مكرا وخداعا اللي يدش لج عن طريق الدين ...واذا كانت شيعيه يدعي انه شيعي ويوصل لدرجه انه شاعر لاهل البيت عليهم السلام ...شوفي لاي درجه الرياييل يوصلون للنصب والخداع ....والبعض يلعب لعبته القذره في خداع البنات ... وبالاخير ريال طول بعرض يقول اهلي مو راضيين ...مالت عليك طلعت مو ريال ...ومت تسوي نعال الهندي اللي بالشارع ....هؤلاء تنقصهم الرجوله .
هني ٩٩٪ رجال مخادعون او استغلاليوون ....كما في البنات هني .
|
|
7/15/2011 12:41:03 PM
|
|
الي تبي مسيار فقط
|
اللهم صل علي محمد وال محمد
انا استغرب من هذا الموضوع ...ومن طلبات الرياييل هني ؟؟؟؟ اكو شي اسمه بروفايل ...وتحط بروفايلك انك تبي اي نوع زواج وتفكنا !! مو تتبطل مواضيع علي الفاضي والمليان ؟؟؟
جنه قاعدين بسوق .....وجم اقووول ؟!!!
|
|
7/15/2011 12:49:03 PM
|
|
مشعوذ ينصب على النساء ويعدهن بجلب معاريس للعوانس
|
اللهم صل علي محمد وال محمد
الله يبعدعنكم السحر والشعوذه يارب .
اخ طلال اكو خطابات للاسف مثل افعال هالسحره ...ظاهرها اتييب عرسان لزواج دائم وباطنها محتاله ...تعارف بين الرجال والنساء ولا يهمها سوي قبض المبالغ .
الجشع اصاب الكل ....الخوف من الله بعييييد جدا .لا حول ولا قوه الا بالله العلي العظيم .
من المخادع هنا اخي الكريم ....انه الرجل
من المخادع في هذا المنتدي ....الاغلبيه الغالبه ...الرجل
اذا حجه المراه عقلها ناقص ....فما حجه الرجل ؟؟ارجل من ان يخاف الله في اعراض الناس ؟!!
للعلم فقط : الساحر يتعامل مع الجن يشترط ان الجن لا يعطيه له شي ...لذلك لا يعلم بالكمين ...الله يبعد عنا وعنكم شر الجن والانس
|
|
7/16/2011 6:53:38 AM
|
|
اقدم اعتذاري هل من مسامح
|
اللهم صل علي محمد وال محمد
ستوووب اولا اخوي راين تقول الكويتين شعب مخادع بالدرجه الاولي ؟؟؟؟ اكيد انت مو كويتي ...والحقد تارسك من اهل الكويت ....عيال الكويت بالشدايد اهل نخوه ...واهل الكويت ماكو اطيب منهم ....وخاصه لما نشوف اللي قاعد يصير بعالم السياسه ...الحمدلله عندنا دين وقيم واخلاق ....ماكو دوله عربيه او خليجيه عندها نفس اللي عندنا ....ما نسمح لك تتطاول علي ديرتنا ...والظاهر ما فهمت شنو قال كويتي ....مشكلتك .
اخ كويتي ...اللي ايده بالماي غير اللي ايده بالنار ...واللي متزوج وحواليه زوجته وعياله الله يخليه يطالع الناس من البلكونه ويضحك عليهم ...ومو حاس بمشكلتهم ...اخ كويتي البنت شتسوي غير انها تسعي ... ما تقدر تروح لابوها او لامها وتقول زوجووني !!... دش قوقل وحط خطابه شوف شكثر بنات يسؤلون عن خطابات ...شوف الصحف الاعلانات جم اعمار البنات اللي حاطه عند خطابه .. بنات بعمر الورد تدور لها من الحين قبل لا يطوفها القطار .
عالعموم انتم السابقون ونحن الاحقون ...صراحه الموقع مشروع جميل ...ولكن منتشر فيه الفساد بدرجه كبيره جدا .
نشكرك وما قصرت ... من خلال المواضيع الجميله والمفيده ...وجزاك الله كل خير
|
|
7/16/2011 4:53:23 PM
|
|
اقدم اعتذاري هل من مسامح
|
اشكرك ...ولكن مقارنه مع اسلوبك ...يتهيالي السطر الاخير اما انه كت وبيست او غير ملاؤم مع اسلوبك .
اولي ابتدائي ما يعرفون يكتبون ...هل تقصد اني ما اعرف اكتب ؟؟؟ شكرا لك نتعلم الاسلوب منك
نعتذر اخ كويتي ..حيث شطنا بالموضوع بعييييدا .
مسموح اخ كويتي .... ومحد منور المنتدي غيرك باراءه السديده ....بالنسبه لي انا محللتك
|
|
1 2 3 4 5 6 7 8
|