|
صفحات
1 |
|---|
|
7/15/2011 9:44:42 AM
|
TALAL_4488
Posts 362
|
الى متى يا حريم من صجكم للحين تأمنون بالسحر عشان يجيب لكم عريس
نقلت هالموضوع
لاني من متابعين هالسوالف
مثل اللي مسكوه بصباح السالم واتوقع قريتوها
يضحك على النساء ويهتك عرضهم بشقته بحجة انه ساحر وراح يجيب العريس لكم
وهذا عينه ثانيه
لاتعليق الى متى هالعقليات عند البعض منكم يامعشر النساء
====================================
لم تنجح الارواح الشريرة والقطة القذرة و(قرون الخرفان) في انقاذ مشعوذ من القبض عليه رجال دوريات نجدة مبارك الكبير مساء امس الاول على طريق الملك فهد بعدما (عاش الدور وصدق بأنه ساحر) فانتهى به المطاف في نظارة الحجز.
وفي التفاصيل: قاد الحس الامني لرجال الامن الى الاشتباه بمركبة (مغبرة) وتسير بشكل متعرج وتنبعث الادخنة من داخلها بشكل ملفت للنظر فقاموا باستيقافها للتأكد من الأمر فتبين لهم اشعال قائدها (بخور) مما اثار استغراب رجال الامن وعندما سألوه عن السبب قال لهم بكل جرأة انه وسيط روحاني بين الانس والجن، فتيقن رجال الامن بأنه (مرجوج) فقاموا بتفتيش مركبته وعثروا فيها على ادوات سحر وشعوذة وطلاسم وخرز جالبة للحظ و(قرون خرفان) بالاضافة الى قطة (قذرة) فتم تحريز (عدة الشعوذة) وحينها (هلوس) المشعوذ وجن جنونه وقام (بالاستهبال) وبعمل حركات غريبة وتلفظ بعبارات غير مفهومة و(عاش الدور انه صج ساحر) وحذر رجال الامن من الاقتراب منه حتى لا تصيبهم لعنة الأرواح الشريرة وحتى لا يستفزوا قطته (سمارة) فما كان من رجال الأمن الا ضبطه واحالته الى جهة الاختصاص، حيث تبين من التحقيق الاولي انه نصاب من الطراز الرفيع وقام بعمليات (حرمنة وشعوذة) كثيرة مستهدفا المغفلين وبشكل خاص من فئة النساء، من خلال تقديمه عروضا لهم عبارة عن انتقام الارواح لأزواجهن الخائنين وجلب المعاريس للعوانس وتقديم (خرزة) تفتح ابواب المستحيلات بحسب زعمه، وتبين رواج نشاطه في هذه الايام بعد قيامه بعمل خصومات كبيرة على عروضه فتم احالته الى جهات الاختصاص وجار استكمال الاجراءات القانونية بحقه.
|
|
7/15/2011 12:49:03 PM
|
samia22
Posts 149
|
اللهم صل علي محمد وال محمد
الله يبعدعنكم السحر والشعوذه يارب .
اخ طلال اكو خطابات للاسف مثل افعال هالسحره ...ظاهرها اتييب عرسان لزواج دائم وباطنها محتاله ...تعارف بين الرجال والنساء ولا يهمها سوي قبض المبالغ .
الجشع اصاب الكل ....الخوف من الله بعييييد جدا .لا حول ولا قوه الا بالله العلي العظيم .
من المخادع هنا اخي الكريم ....انه الرجل
من المخادع في هذا المنتدي ....الاغلبيه الغالبه ...الرجل
اذا حجه المراه عقلها ناقص ....فما حجه الرجل ؟؟ارجل من ان يخاف الله في اعراض الناس ؟!!
للعلم فقط : الساحر يتعامل مع الجن يشترط ان الجن لا يعطيه له شي ...لذلك لا يعلم بالكمين  ...الله يبعد عنا وعنكم شر الجن والانس
|
|
7/15/2011 1:06:58 PM
|
TALAL_4488
Posts 362
|
وااااااااااااااااااايد
اكو مثل هالنوعيات
وعسى ربي يبعدنه عنهم
|
|
8/24/2011 10:07:30 AM
|
kindeng.1965
Posts 98
|
سبحان الله
شدعوه الحين المرأه العانس العربيه والخليجية خاصة
اذا حصلت لها واحد سواء عن طريق طبيعي او سحر
تحطه بعيونها
من اللي اسمعه من رجال وايد
ببداية الزواج تكون معقولة
وبعدين تدوس في بطنه ( اقصد ماتحترمه وتفتعل المشاكل )
خصوصا اذا انجبت منه
الله يهدي حريمنا العوانس والصغار
للإطلاع على حقوق الرجل
واللي من أهميتها قال الرسول العظيم (ص ) فيما معناه
لو كنت آمرا المرأه لتسجد لأحد لأمرتها تسجد لزوجها
|
|
10/29/2011 2:38:21 AM
|
zawajat
Posts 62
|
الموضوع مضحك ومبكي صراحه
مضحك لان يبخر بالسياره ههههههههههههه ويفر بالسياره بيبخر الديره مثلا ماداخ من الدخان
وقطوته لاتضايقونها واسمها سماره هههههههههههههههههههههه غاده عبدالرازق
الشي الثاني المحزن شلون يؤمنون بالشخص وسحره وشعوذته بييبلها ريل بالسعفه ههههههههههههه
واهما مصيرهم باييد رب العالمين جابلي سجاده الصلاه وصلي بثلث الليل وادعي ربج والله ماينسى عبده تصدقون هالساحر وتطردون من رحمه الله
هالساحر جان نفع نفسه وشراله افخم السيايير
بس مااعتقد انه اللي عنده عوانس ولايبون رياييل لان يمارس شغلات ..................خط احمر
مابي احط بذمتي
الحمدلله الذي عافاني ممن ابتلاهم
استغفر الله واتوب اليه
|
|
10/30/2011 7:51:46 AM
|
kindeng.1965
Posts 98
|
العنوسة يا جماعة حلها ليس بيد السحره
بل بيد الله سبحانه ثم الحريم
خل يخففون شروطهم ويختارون الرجل الصالح ويتعلمون حقوق الرجل وكيف تتحملون مسؤوليات الزواج ، واتنحل هالمشكلة .
ايام اول يوم كانوا الناس في جهل ، لا كان في عنوسة ولا كثرة طلاق
لان الناس تحترم الدين والعادات والتقاليد
والمرأه شورها بيد اهلها مو مثل الحين شورها بيدها وعقدت على نفسها الامور
وطلعت هالمشاكل الاجتماعية العويصة
والله يصلح الحال
|
|
4/23/2012 10:49:10 AM
|
TALAL_4488
Posts 362
|
الله يعين
وايد حريم يأمنون بالشغلات هاذي
|
|
10/25/2012 2:36:18 PM
|
Dodo89
Posts 98
|
استغفر الله
كذب الدجالون ولو صدقوا
والله احسن شي اكثر من الاستغفار والادعيه وصلاه الوتر
احافظ علي قيامهاا وقراه القران بعد كل صلاه
وبإذن الله يجي النصيب لهاا
|
|
10/25/2012 6:59:59 PM
|
sara12
Posts 44
|
الجاهله والى طايحة بجبد نفسها تؤمن بهالسوالف السحره والمشعوذين وتعطي لمن هب ودب ويه وفرصه من بعض هالرجال الى الوحده من تشوف افكارهم تنطبع ككلمات يلوع جبدها وتفهم تفكيره الى عرفه شنو تبي تعرف الى جدامها يناسبها او لا ولازم تتخذ الطرق المتوفره بالتعارف الجاد و الزواج الزمن تغير.
|
|
7/11/2013 11:20:16 AM
|
matafi2009
Posts 1
|
يا شباب لا تستهينون بالموضوع ترى فيه منه وايد واايد ناااااس صارت فيهم امرااض من السحر والسحر ترى مذكور بالقران فاااااااا الانسان يجب عليه انه يحصن نفسه بقراة القران وذكر ربه داايم وربي يوفقكم ويوفقني الاقي فااارسة احلامي هنيييييييي
|
|
11/29/2014 3:09:56 AM
|
H55d66
Posts 2
|
اللي ماتزوجت تظل صاينه نفسها لحد ما ربي يرزقها واذا ما الله رزقها راح يرزقها الرضى وانا وحدة من الناس كان اخوي واحد من اهم الاسباب اللي منعت عني الزواج بس هم اقول الحمدلله على كل حال
|
|
صفحات
1 |
|---|