|
4/10/2011 4:13:51 AM
|
|
ضع علامة √ أو ×
|
وكعادتي اتشوق لمواضيع اخ برونزي مشكور ويعطيك العافيه خوش موضوع :
1-المرأه دمعه والرجل ارق من تلك الدمعه لكن خلف اسوره وحصون (صح )كبرياء الرجل بعواطفه صعب
2-الحزن بالدنيا اكثر من الفرح (خطا ) موازين الحزن والفرح تختلف من شخص لاخر
3-الجمال للبنت اهم من الشهاده ( ممكن) لان بيطالع ويهه البنت ولابيلصق شهادتها بويها بس همن الشهاده مهمه ولكن الجمال من اساسيات القبول
4-الضحك احلى شي بالدنيا (خطا )
5-الفلوس تقدر تجيب كل شي (خطا ) بس من ضروريات الحياه
6-الحياه من غير حب احلى ( صح) الاحترام المتبادل اهم شي
7-الدنيا حلوة (صح ) اكيد بس موبعيون الكل
8-الخيانه طبع متأصل في الرجل (خطا )الحكم على الشخص الخاين لوحده وليس التعميم على الجنس باكمله ظلم
9-الحب مثل النبات يذبل ويموت (خطا خطا خطا )
10-المره المطلقه اكيد فيها عله (خطا ) لاالوم المراه ولاالرجل مرات الاثنين ومرات القدر والنصيب
11-اذا اخطأ الرجل قالو ما احمقه واذا اخطأت المرأه قالو ما احمق النساء (ماعندي جواب )
|
|
4/12/2011 3:07:02 AM
|
|
اقتراح
|
اتمنى من الاداره اضافه قسم اسلامي يوضع به مواضيع دينيه واحاديث وبعض المعلومات الدينيه لان كل مشتركين الله منعم عليهم بنعمه الاسلام وفي بعض الامور الدينيه والادعيه وقصص الانبياء نكون نحتاجها اكثر من مواضيع الموضه والتجميل
وتساعد كل مشترك لمن يقرى في المواضيع يدخل ويقرى مواضيع ومشاركات دينيه ويكون ماجورين عند رب العالمين
مشكورين اتمنى النظر للاقتراح
|
|
4/12/2011 3:34:13 AM
|
|
هل الحب يأتي بعد الزواج او قبله؟؟
|
بدايه الحب والاحترام والشعور بالامان (((اعتقد الحب الحقيقي والواقعي بعد الزواج ولايمنع الاعجاب قبل الزواج )))))
لان اذا صار حب في بدايه اي علاقه مااعتقد انه حب مجرد اعجاب
اكيد في الاغلبيه من مشتركين او خارج الموقع يكون والديهم تزوجوا زواج عادي مجرد اعجاب وتلاطف ويمكن تبادل اعجاب بنظرات وبعد الزواج مع الاحترام والعشره
ينولد بقلب كل واحد فيهم حب ومع الوقت يكبر هذا هو الحب الحقيقي بنظري واللي يكون دوم
اما حب قبل الزواج باعتقادي مغازل وفتره وتنتهي لان مافي شي يربطهم في بعض ويبادلون مشاعرهم على اساسه
تقبلوا مروري
|
|
4/20/2011 6:09:49 AM
|
|
كيف اتخلص من العنوسه
|
العنوسه بالكويت ماراح تنتهي الا لمن تطيح((((( القروض)))) كل رياييل الديره مديونين ويبون عروس غنيه ولامعاشها قوي وتصرف عليه
شباب لم يسبق لهم الزواج عنده استعداد يتزوج مطلقه ارمله عيوز حتى لو شنو بس تصرف عليه موازيين الدنيا تغيرت ولاناس تغيروا (مادري)
اعتقد اللي فلوسها حلال وتعبانه عليهم مومكلوفه تدفع لشخص اتكالي واذا عطت الريال راح يطيح من عينها
شرايكم بنات نييب اجانب من اوربا نتزوجهم وعلى الاقل لمن تصرفين على اجنبي ويكون ريلج مايعورج قلبج ولايخونج بس كويتي صعبه تحسون اهانه للزوجه قبل ريلها هههههههههههههههههههههههههههههههههههه خلاص نبي نسوي حمله وبفتح ((((مكتب لاستقدام ازواج))) اوربيين جمال وطموح وكافي عندهم الحياه متزنه وعقولهم ناضجه وكل واحد يصرف على نفسه
مشروع مربح ههههههههههههههههههههههه
|
|
4/20/2011 7:03:20 AM
|
|
المرأة كذابه تبحث عن متعة التحرش وليس متعة الزواج
|
مشكور اخوي صاحب الموضوع
بس في سؤال مهم يدور في عقل كل مشترك
(( دخول الموقع للحاجه ولا للتعود ؟))
الحاجه هي البحث عن شريك يقاسمك الحياه ويتشاركون بتفكير معين((زوج او زوجه))
التعود روتين يومي لدخولك الموقع وتضيعه الوقت على امل فرصه وجود شريك او شريكه لحياتك طبعا التعود يقتل القناعه عند الكل لان كل مره يقول يمكن القى احسن والااحلى
اهني تقدر تقييم خياراتك وقناعاتك تقدر تتنازل عن شروطك اولا وهمن تقدر تشوف نفسك تبي تتسلى ولاتعاني من فراغ
الاغلبيه مع احترامي للكل اما يكون يبي يتسلى وياليل مااطولك عنده او يكون مريض نفسي وعايش بعالم اخر او يكون يبحث عن صديقه او عشيقه
الكل من رجال المشتركين تربطهم قيود عن الزواج سواء بموقع او بالحياه اما ديون او طلاقات عديده من عده زوجات او بحث عن زوجه من عصر افلاطون غنيه وتملك بيت
واللي يعور القلب يبي وحده تصرف عليه ((((يبحثون عن امهات يعتقدون انهم اطفال يريدون من يؤمن حياتهم ))))))))
يعني بصحيح العباره السيره الذاتيه غير مرغوب فيها لدى كل بنات الديره
طبعا موالكل بعض المشركين
ــــــــــــــــــــــــــــــــــــــــــــــــــــــــــــــــــــــــــــــــــــــــ
بالنسبه للاخ تلال اسفه طلال من حق اي امراه بالعالم مهما كان عمرها ان يكون لها قناعات وتكون لها مواصفات معينه يفرضها عقلها والواقع والعايله اسرتها يعني
مستحيل في بنت مافي داخلها احلام تتمناها برجل المستقبل مع اختلاف(( الاعمار والمذاهب والعادات القبليه والبروتوكول لبعض عوائل الكويت القديمه ))
مجتمعنا متروس رياييل وفيهم خر كلهم بس كل شخص من هالمجتمع ينفرض عليه شي معين من الخيارات يعني السني ماياخذ شيعيه او العكس والبدوي ماياخذ حضريه والعكس والكويتيه ماتاخذ غير محددي الجنسيه و و و و و و و................................................................عادات مجتمعنا الرايق............................................((لضمان استمرار علاقه الزواج ))
ماحبيت نظرتك الدونيه لاعمار المشتركات وتسليط الضوء عليهم كانهم متهمات بتقدم العمر لو مالها قناعات جان مانطرت ووقفت نصيبها سبحان الله كل شي قسمه ونصيب ويمكن نصيبها لم يحن الى الان
يعني موفلم هندي يروح وتركض وراه وتنحاش من عادات واهلها وتخلي عايلتها الغنيه وتتزوج فقيرولامن غير محددي الجنسيه هههههههههههههههه خلك واقعي (((هنااااا الكويت))) الله يعزها لنا ويكثر من خيرها يارب
من كلامك انته تبي تتزوج وسلام عليكم واكيد لازم كويتيه تعدل وضعك معاها ماتبي من نفس وضعك
دامنك موعاجبينك اعمار اختار اعمار اقل وابحث عنهم ولاعلى على قولتك اخذ احدى قريباتك واحسنلك دهنكم في مكبتكم
حاليا الى عمر الاربعينات من نساء الكويت معضمهم مايبيين عليهم تقدم السن وعمر السن لايؤثر على مجتمعاتنا الكويتيه الا((( بالانجاب))) فقط فاذا شفت شروط على قولتك مع اني ماحب هالكلمه واسميها من مفهومي قناعات اهما حريين ليش ماتدور على الاخوات الاجنبيات والعربيات اكيد الوحده مادخلت الموقع الا براسها مواصفات معينه
واللي تقول فضول اكيد ماتبي تجرح مشاعر الريال وتقوله ماتبيه تقول فضول ولاشرايكم ياقرائنا الاعزاء
اتمنى والله من قلبي اللي ينتقد بعض النساء ههههههههههههه المشتركات باسم اي رجل اسفه ذكر يرتقي باسلوب رده على الموضوع مانبي نقاشات حاده وزاج اكيد قسمه ونصيب
اخوي صاحب الموضوع كلامك طيب يعطيك العافيه
السموحه اذا شطيت بعيد ارد على بعض الاوادم
|
|
4/20/2011 7:29:21 AM
|
|
كل بنات الموقع كذابات
|
اخوي صاحب الموضوع كلامك اتهام ولاسؤال يفرق لمن تكتب تدافعون عن انفسكم ؟؟
مستحيل اي وحده تحب تحط نفسها بموقع اتهام وهمن مستحيل نطبق المثل ((السمجه الفاسده تخرب على باجي....))لاتعممون ياريت الموقع اي شخص يبي يشترك وصج صادق يحط او تحط رقم مدني عشان تبين مصداقيه ويبين الكويتيه من اجنيبه وتقل الاحتيالات
شوف دايمن البنت تخاف على سمعتها مهما كانت جنسيتها وليش وحده بتدخل موقع للخطبه او الزواج الا انها تدور عن شخص للزواج وتتفاهم معاه
اما السؤال المهم ليش كثره الشباب الفاضين اللي يعبثون ويلعبون بالموقع ((لان يدورون البنات مادخلو هالموقع الا اهم جادين وراح يثقون باي رجل يدعي انه يبحث عن زوجه واكيد نوعيه البنات بموقع اغلبهم خلوقات وبنات ناس وموناقصهم شي بس يبون مواصفات معينه ويبون جادين
اما مواقع الثانيه المسليه لتعارف ودردشه لاتدخلها الابنات التسليه والجذابات
(((وين بنات يبون كروت وذهب ووووووووو ))))) وين عايشين متاكدين كويتيات مااعتقد ذهب مره وحده كروت سمعناها نصدق ممكن لان في هيلق وايد بس ذهب اوووووووووووووووف قويه
ودليل اغلب الردود على المواضيع من بنات اما الشباب موفاضين ((طبعا الاغلبيه موالكل ))
|
|
4/20/2011 7:41:53 AM
|
|
مقترح لاظافة موقع متخصص بالامور الاسلامية
|
نبي قسم اسلامي في بعض الادعيه والامور الدينيه لكي يستفيد الكل لان توافرت كثير من الاقسام الطبخ التجميل الرياضه والسفر والاقتصاديه وووو
واهم قسم الديني لايوجد والاسلام دين جميع المشتركين وزواجات ان تمت فستتم بشريعتنا الاسلاميه يرجى النظر باقتراح باقرب فرصه
|
|
4/20/2011 9:06:45 AM
|
|
هل تتزوج معاقه او تتزوجين معاق؟؟؟
|
صراحه عشان مانكون جذابين مستحيل اي شخص يتزوج معاقه او معاق لان اذا بيقول اي يكون نظره عطف انا اكن لاخوانا وخواتنا من ذوي الاحتياجات الخاصه كل الاحترام بس اقبل اذا
كان اصم ولايتكلم اعتقد يمكن اقدر اكون زوجه لاني بكون مرتاحه وعايشه بهدوء ياسلام بيكون شعور عجيب هدوء بهدوء
او اعاقات خفيفه لاتؤثر على المشيه ولاالعقل وعلى الحركه بشكل عام بس اعاقات ثانيه مااعتقد لو يعطيني ملايين ماتعوضني حياتي اللي بقضيها معاه يمكن لوياخذ
وحده نفس ظروفه يكون افضل له ولها
الحياه انسجام والوحده فينا تدور الراحه وتدور ظهر لها رجل يقوم بكل مسؤلياته بس تكون مسؤله عنه صعبه
الا اذا كنت متزوجه وحدثت له اعاقه لاسمح الله
بكون معه بالمره قبل الحلوه وبيتكون مسؤلياته من واجبي واتحمله لانه قدر وعايشته لان مستحيل اتفهم ظروف شخص ماعايشتها معاه واتفهم احتياجاته وانا في بدايه حياتي معاه
سموحه بس ردودي صريحه ممكن تكون حساسه عند البعض بس هذا وجهه نظر
|
|
4/21/2011 11:51:00 AM
|
|
المرأة كذابه تبحث عن متعة التحرش وليس متعة الزواج
|
اخوي كاتب الموضوع سلامتك وماتشوف شر
ثانيا لوكل البنات داخلين للتحرش مثل ماتقول وانته نيتك زواج وعمرك 50 سنه العمر كله شمقعدك بموقع
لمن الوحده تطلب مثل مذهبها ((يعتبر شرط تعجيزي))
لمن الوحده تطلب مثل اصولها او من مواخيذهم لموافقه ورضى الوالدين((شرط تعجيزي))
لمن الوحده تطلب غير مديون واتكالي وتبي رجل مثل باجي مجتمعات يتحمل مسؤليه اسره وزوجه ((شرط تعجيزي))
لمن تطلب اكبر منها سنااا لوجود تفاهم ويكون تفكيره ناضج((طلب تعجيزي))
لمن تطلب هادئ ومتزن وحكيم ورزين بالكلام والشخصيه ((طلب تعجيزي))
اعتقد اذا هالشغلات غير واقعيه
وتعتبر دخول المراه او الفتاه لتحرش وليش للزواج شنو اللي الله حادها
صج هالموقع حسستوني هنا بنغلادش هنا الهند ههههههههههههههههههههههه تبون مهر وحريم تصرف عليكم ههههههههههههههههههههههههههههههههه
يبا البنات بنات ناس ولوماتخاف على سمعتها وتدور الستر مادخلت الموقع
الا البنات اللي حاطين شروط تعجيزيه خياليه شي ثاني
|
|
4/23/2011 5:58:37 AM
|
|
المرأة كذابه تبحث عن متعة التحرش وليس متعة الزواج
|
اخوي صاحب الموضوع يعطيك العافيه
كثر ماتضحكني باسلوبك وانتقادك الراقي هههههههههههههههههه
المراه بمجتمع الخليجي وبالاخص الكويتي((((((((((((( مقيده وتحترم قيودها )))))))))))))))))))) ولاجان ماصار عندنا بنات عزبوات ههههههههه حلوه عزبوات احلى من عوانس
اكيد بتسال شنو القيود او الحدود المبنيه عليها حياتها المستقبليه؟
اولا عادات الاهل اكيد كل شخص فينا بالديره يعتز باصله ومذهبه وووووو((ايا كان شخصه مع احترامي للكل نتجتمع كلنا بفوارق الاجتماعيه والدينيه))
وياخذ من مواخيذه يعني من نفس النسب والعادات والتقاليد واللي ماتفكر باهلها وماتمشي على شور اهلها بتكون بنت عاق وموباره باهلها وممكن ينبذونها ويتبرون منها ولابينفعها ريل ولابطيخ
اكيد يبون مصلحتها يسالون عن الريال وبنفس الوقت الزواج علاقه نسب يمكن(((( احنا مااخترنا من نكون ومنو اهلنا ومنو والدينا بس لازم نحسن الاختيار بالنسيب الي بيكون فرد من الاسره واللي بتشيل اسمه وتكون حرم فلان وعايله وحده؟
مثلا بنت اتفقت مع رجل بموقع لازم تكون واقعيه ورومانسيه لاحقه عليها
وراها( اب واخوان وعايله) بيدها الرفض والموافقه مواجانب احنا حتى وقت الملجه يكون لها وكيل من رجال اسرتها يعقد قرانها يعني موافقتها لزواج مبنيه على موافقه اسرتها اكيد
يعني اشتراك بموقع شي سهل بضغطه زر فقط
كلام ينكتب سهل ومواضيع تنطرح وينرد عليها اكيد اسهل منها ماكو
لكن اختيار الزوج او الزوج لزواج ناجح يترتب على امور وايد والحياه ماانبنت بيوم وليله
وشي طبيعي كل شخص يفكر بطريقه التضحيه الاسريه ويجعل مصيره برضاء اسرته الله بيوفقه وبنفس الوقت بيجد صعوبه وايد باختيار لان قناعاته واساسيات الي تترتب عليها بيئته مع تواجد الكثير من بنات والشباب تكون صعبه
انصح الجميع المساحه اللي بالبروفايل وضعت لتكتب ما تترتب عليه قناعاتك وطلباتك بزوجه او الزوج (((موعشان تكتبين حبوبه ودبدوبه وطيوبه والرجل يكتب كثير السفر وشكلي جميل )))
احنا بمجتمع كويتي بحت اكتب او اكتبي بصدق وماذا تريدون ومن كلامكم الشخص القاريء او المشترك سيعلم هل هو مناسب ام لا
اما كلام الماخوذ خيره لابييبلج ريل ولابييبلك حرم مصون
وياريت ياشايب الموقع تكون عقلاني شكلي بزوجك يدتي هههههههههههههههههههههه اذا مايزت عني
|
|
4/23/2011 6:25:57 AM
|
|
تبي تتزوج/ين .صح. اعرف/ي شنو حقوق الطرف الثاني ..
|
اختي مشكوره وايد على النصيحه
بس حلات الانسان اوالانسانه على فطرتهم وتربيتهم وشخصيتهم الطبيعيه الزواج مووظيفه ناخذ دورات طباخ وتنظيف وحده اذا ماتعرف السنع تييب خدامتهم معاها لبيت الريل
ولانخلي الزواج رهبه وخوف ولازم اخذ دوره منو فاضي احنا بنات موفاضين بس الاسبا ينفع وايد يخفف من ضغط الحياه
اكيد اذا بتاخذين دوره تفيدج موحق الزواج حق الحياه
(((دوره فن التعامل مع الاخرين او كيفيه التعامل مع الاخرين)))) وشنو اللي يمنع ناخذ سبا او حمام مغربي مافيها شي الاسترخاء حلو والنظافه حلوه
الله يوفقج ويوفق الجميع
|
|
4/23/2011 7:16:45 AM
|
|
من اقوى الحب ام المذهب
|
مشكور اخوي صاحب الموضوع :
موضوع حلو والكل وده يسمع ردود بس اعتقد غير قابل للنقاش لانه في تفرقه شوي وممكن انه يسبب حساسيه للكل
والاخت معصبه وايد
ماراح اقول انا سنيه او انا شيعيه يكفي اقول مسلمه كويتيه واحترم الكل فياريت اني ماقريت كلام البعض
مايتاسس الحب الا من علاقه تعارف ومن ضمن الاسئله اللي بتدور بتعرف شنو مذهبه واذا اهي بنت تبي الستر اذا مافي نصيب تدعيله الله يرزقه في البنت اللي تناسبه وتنهي الموضوع
علاقه العاطفيه اذا لم تتوافر فيها التشابهه الفكري والانسجام من الاساس ماراح يصير حب
يختلف كل شخص فينا لتقبل الموضوع وشي طبيعي كل شخص بيفهم الموضوع بطريقته لان الكتابه عادتن ماتوصل المعلومات والتعبير فالاخت معذوره يمكن فهمته من جانب اخر
انا بقولكم باحسن النيه باستيعابي الموضوع وبقول من رايي :
اذا قلنا في الزواج ((الحب و المذهب)) وهل اختلاف المذاهب يؤثر على العلاقه الزوجيه ام لا؟؟
اكيد بياثر لاختلاف الطقوس الدينيه من طريقه صلاته وذهاب الى المسجد ام حسينيه وشعائر الدينيه اخرى فكل شخص فيهم مع اجتماع اسرته بشعائره الدينيه سيجد مكان زوجته خالي ويسيحس بنقصها من جانب الاخر الاجتماعي الديني
فالزواج اذا بني على حب ووازع ديني مشترك كان من انجح الزواجات
بس للعلم المذهب او الدين لايقارن بالحب الامور الدينيه قناعات واساسيات شخصيه وعقلانيه للرجل او المراه
اما الحب مشاعر وعواطف ممكن تتغير مع اي ظرف ((خيانه او فراق))((علاقه جديده)) تمحي اللي كان ههههههههههههههه
فكلنا مسلمون لانختلف عن بعض بشي الا بالتقوى
لن اقول المذهب بل الدين الاسلامي اقوي بكثير ولايقارن بمواضيع اخرى
تقبل مروري ياصاحب الموضوع راح اسميك المشاكس الخمسيني ههههههههههههههههههههههههه تدور المواضيع الحساسه وتتطرق لها يوووووز
وبليز حق اللي يكتبون ردود لاتكتبون انا سني وانا شيعي ورفيجتي سنيه وانا شيعيه لو كل امراه استخدمت ذكائها وعقلها بطرح مفيد جان احنا بخير
(((((((هنااااااااااااااااا الكويت))))))))))))
نختلف جميعا عن بعضنا ولكن نجتمع كلنا بارض طيبه ملات قلوبنا حب
وصرفت عن عيوننا الاختلافات الكثيره في مجتمعنا
|
|
4/23/2011 7:35:38 AM
|
|
موضوع جاد
|
صاحب الموضوع
ماحبيت موضوعك او بالاساس موموضوع حسيت التحلطم والتذمر ليش ماتشوف الجانب الاخر من الكويت
ليش ماتشوف شباب وبنات الكويت اللي مثلوا الكويت باحلى صوره
داعيه وشيخ دين معروف
مخترعه كويتيه عالميه
يادكاتره عالميين كويتين
افضل دخل بالعالم الكويت
افضل ديقيراطيه وحريه تعبير بالكويت
افضل بلد بها الامن والامان تنام وباب السكه مفتوح موالكويت
حريه شخصيه باللبس ولايوجد تقييد ولازم قوانين مثل بلدان الخليج غرامه اذا شال لحيته
الدوله الوحيده بالعالم الي قيمه المنحه وصلت 1000 دينار لكل شخص كبير وصغير وماتمر علينا سنه الامنحه ولازياده شعب مدلل
ليش ماكتبت اشوف الشاب او الشايب يركض للمسجد
ولو بجاوب او ارد على كل سطر كاتبه يبيلي مواقع كامله ههههههههههههه
كل انسان يشوف بنظرته بس خل نظرت السلبيه على صوب وشوف الكويت بنظرتك الايجابيه صدقني بتلقى في شغلات وايد زينه
من كلامك جنك راد من الدوام وتحلطم هههههههههههههههههههههههه وكتبت الموضوع قصدي التذمر والانتقاد
|
|
4/26/2011 4:01:47 AM
|
|
من اقوى الحب ام المذهب
|
مشكور اخوي صاحب الموضوع على ردك الطيب واذا ييت عند كل الكويتين تراهم نفس الشي معدن طيب
ومن عمر الدنيا من ايام بدايات الكويت الكويتين تعايشوا مع اقلب الديانات ان
كانت مسيحيه اويهوديه فتجار الكويت قديما كانوا يتعاملون مع تجار ومستثمرين من ديانات عده في الكويت وبالهند ايضا يتعاملون مع ديانه هندوسيه اوبوذيه اوسيكيه ووو
حتى ان بعض البريطانيين امثال الملقبين ام سعود وابو سعود لقبهم اهل الكويت القدماء
يعتنقون الديانه المسيحيه اصحاب بيت ديكسون الموجود حاليا فبقائهم في الكويت حتى بعد الاستقلال
وبعد وفاه ابوسعود بقيت ام سعود في الكويت وهي لاتملك اي وظيفه رسميه او تجاره
اي شي يجبرها على بقاء في بلد ليست بلدها انما(( لرقي تعامل اهل الكويت القدماء ولتقاضيهم عن العنصريه البشريه او الدينيه اوالاجتماعيه)) رغم جهلهم بالتعليم وانما على فطرتهم وتعاملهم البسيط الذي جعل من بلدنا بلد محبوب حتى من الاجانب
لمن نعرف تاريخ راح نقدر اشياء وايد نجهلها بالحاضر يمكن ماعايشتها ولالحقت عليها بس نتوارث التاريخ عبر اجدادنا وجداتنا من الصغر وليس صعب على اي شخص ان يشتري كتب عن الكويت قديما ليعرف عمق تفكير رجال ونساء الكويت قديما
فمابالك تعاملهم مع بعض ماكان في بينهم سني وشيعي بدوي ولاقروي كلهم نفس الشي وانما ينادون بعضهم بالاسماء فقط ابوفلان ام فلان اهني الفرق
الحين مع التقدم والثقافه بالتعليم ومع انفتاح العالم مع بعض وتواصل عبر الانترنت مفروض نكون افضل للاسف وليس الكل كل شخص يتعنطز بنفسه وشايف نفسه من الفضاء ويقول انا وانا على ايام اجدادنا كانوا رمز للتواضع مهما كان وضعه الديني او الاجتماعي
كنت اتمنى لبعض الاخوه والاخوات توصيل عبارات احساسهم بطريقه لاتجرح الاخرين وتوصل افكارهم
اتركوا لاناملكم الحريه فالتعبير ولاتجعلوهم عقبه في طريق توصيل افكاركم وتوضيح شخصياتكم
ولاتتصنعوا المثاليه بالاخير انتي او انته مخفي الهويه وراء نك نيم او اسم مصطنع هههههههههههههه لايعلم من انته غير الله
ولنترك العنصريه فالموقع للزواج مع انه احساسي ماورى هالموقع عرس ولو حلم كل بنت يحطون صورتها مع العريس فالموقع هههههههههههههههههههههههههه موصج
|
|
4/26/2011 5:56:02 AM
|
|
من معنى الرجولة يارجال ..؟؟
|
الله بالخير اخوي برونزي
يعطيك العافيه على ((عنوان الموضوع))
صراحه شدني واايد بس ضعت وضيعيتني بمقومات الرجل فسرحت بتفكيري منو افضل ودار حوار بين عقلي وتفكيري منو شخصيته افضل سؤاء شخصيه عامه للمجتمع او خاصه بحياتي
على ان نظرت الرجل سواء للرجل او الامراه نظره سريعه ومن جهه واحده
من رايي الشخصي تكتب كثيرا عن اساسيات الرجوله ولكن يبقى الكثير منها لاتسعه اوراق كتب
ولاصفحات في موقع فتختلف كثيرا صفات الرجل من شخص الى اخر فهي ليست ك اركان اساسيه فالكل يتصنعها او يؤسس شخصيته على ركائزها فهي لاتدرس انما تخلق مع تربيه انسان في بيئه سليمه
فالكل له نظره مختلفه فمنهم من يرى الرجل الشديد والعصبي والدكتاتوري القيادي من (مقومات الرجوله)
ومنهم من يرى الرجل الحنون الرومانسي الهادئ (رجل بمعنى الكلمه)
ومنهم من يرى الرجل الثرثار عن بعض ابناء القبائل انه رجل لااحد ياخذ حقه ولو ان(( لسانه سلطه الله عليه لاذيته خلقه))(عندهم رجل لكن بصفه بشعه)
ومنهم من يرى الرجل الكريم او المبذر الذي ممكن ان يعطي قوت يومه للاخرين وجلوس ابنائه من غير اكل انه( رجل بمعنى الكلمه مع انه يجامل غيره لاظهار صفه الرجوله ولكن يؤذي المقربين منه)
ومنهم من يرى الرجل المنفتح الهاوي للسفر والذي يخلق جو من الضحك والمرح مع اصدقائه اوزوجته ويكون غير متشدد معها رجل والرجال قليلوااااااااا هههههههههههههههههههههههههه((يحب يتشيحط من رايي بزوجته او ربعه سواء بالسفر او بالديره وهذا مخلوق من نقص في تركيبته البيئيه والمجتمعيه))
انا من منظوري الاصغير ولاول مره بحياتي سافشي هذا السر لمن يقرىء ردي بموضوع
ان مقومات الرجل عندي كثيره جدا ولكن في اساسيات معينه وواضحه من خلالها تتفرع امور كثيره فنظرتي للرجل وقناعات التي كتبتها في البروفايلي هي (((((مواصفات ابي _والدي العزيز))))) الله يطولي بعمره ويرزقني بزوج نفس اطباعه
(( الهدوء)) اجزمت على ان هدوء الرجل صفه مميزه تجعل من حوله سهوله التفاهم وتبادل الاحترام والحد من ردات الفعل الغير متوقعه وتشعب امور واايده اساسها الهدوء
(( الحكمه والاتزان بالكلام)) ادركت للحكمه واختيار كلمات طيبه ومتزنه تعكس احترامه للاخريين تجعل مفاتيح قلوب الناس معك وايضا تعلم التفاهم ولغه الحوااار
((المسؤليه)) تحمله مسؤليه لايقتصر على التصرفات والتعامل لا مسؤليه القرارات بعد ((موشباب هالايام مديونين على سفر وخرابيط ويبون زوجه تصرف عليهم))
(( التفائل)) رايت بالابتسامه نص الحوار وهويه الانسان المتفائل
((الطموح)) طموح يجعل الحياه بعين الرجل ما تنتهي وبنظرتي الرجل الطموح اهو اللي يكون له ذات وكاركتير مميز ومن خلال طموحه تزدهر حياته الاسريه ويجدد شبابه باهدافه المتجدده سواء على صعيد عمله وشغله وعلى صعيد اسرته وبيته((سر تجدد الشاب عند الرجل))
اذا تواجدوا هالامور بالرجل برايي الحكمه والهدوء والاتزان بالكلام والتفائل والطموح وتحمل مسؤليه
اعتقد ان بيكون رجل بمعنى الكلمه بنظريتي الصغيره ولو اني احس انه للانسان بشكل عام ان كان(( رجل ام امراه)) حلو ان تتوافر فيه هالامور السته 6
فلا مقومات تاسس الرجوله وتجعلها كالكاس الذي يفوز به المتسابقون ويتنافسون على شانه
الرجوله ان تكون انته هو انت لاتتغمص شخصيه غير شخصيتك و
ان تحاول تتحاشى بعض التصرفات التي تسيء لمن حولك فان استطعت ان لاتؤذي غيرك ولاترفع صوتك كالنساء بصراخ عالي لايفيد وان تكون حكيم وحليم وتفكر قبل ان تتحدث او تقوم باي عمل
فاكيد ستكون مميز عند غيرك بشخصيتك انته ولاتقلد غيرك كي تكون هو انته .................................؟
ولاتتصنع الشهامه عند المراه او الغير فاغلب النساء ذكائهم يضاعف قدره ذكاء الرجل وسوف تعلم انه متصنع وستلتزم الصمت او تجرحك بكلمه تنتقص كرامتك
باعتقادي المقوله وراء كل رجل عظيم امراه ((غلط))
((وراء كل رجل عظيم- ام عظيمه ))
صج لاقالوا(((( الرجال مخابر مومناظر))))
فحاولوا تفكرون بالمخابر وتبحثون عنها وتعطون غيركم فرصه ان يبحثها فيكم بمواقف معينه موتتصنعونها
وخلكم من المناظر وتباهي بتصرفات وكلام لايمد للرجوله وانما للذكوره فقط
تقبل مروري اخوي اتمنى كلامي مايضايق معشر الرجال هههههههههههههههههههههههههههههههههههههه فمنكم ابي وعمي وخالي واخي وانشاء الله ابني
احترم جميع الرجال ولكن احترم وجهه نظري ايضا
|
|
4/28/2011 5:18:40 AM
|
|
من معنى الرجولة يارجال ..؟؟
|
اختي ساميه يعطيج العافيه شلونج عساج بخير
اختي ساميه لاتزعلين من كلامي لان مااقدر اكلمج الا عن طريق الرد اهنيه لاماسويت اشتراك شامل وفي مسجات ما اقدر ادزها من بنت الى بنت
ادري كلامي صعب بس تحمليني حبوبه بليز واذا ماعجبج كلامي طوفيه بس في شغله مهمه لاحظتها وايد بردودج بمواضيع كلمه ((((دي وووو ث))))اسفه يااختي بس جد كلمه هزت كياني لمن اسمعها من انثى مسلمه تتكلم عن الاسلام ومقومات الرجل المسلم الكويتي
هالكلمه تاذيج قبل غيرج تقولين شلون انا بنت نفسج ويمكن انتي احسن مني بوايد
بس خيتي هالكلمه البنت ماتقولها يعني انا بنت ولواسمعها من ريال اكرهه ويطيح من عيني انه يتلفظ بالفاظ غير مناسبه
فمابالج من خيتي وبنت ديرتي ومشكله تدورين نصيبج يعني قولي رجل غير ملتزم ولاعنده غاريه على اهله بس هالكلمه سيئه وايد
ترى هالكلمه في ابهات يزفون عيالهم رياييل اذا نطق هالكلمه فماابالج بنت حلوه وطيوبه وطرحج راقي وايد وردودج تثلج القلب احب اقراها
بس اول مره قريت هالكلمه انصدمت وقلت يمكن ماتدرين
ثاني مره قلت يمكن ماتدرين
بس هالمره من حقج علي كاخت كويتيه ومسلمه وبنت ديرتي ان اوضحلج الكلمه سيئه بالحياه لمن تنقال غير طيبه
السموحه خيتي ادري موقصدج بس ياريت توصلج معلومات بطريقه ماتضايقج وتدرين الكتاب عادتن ماتوصل نص الاحساس بتعبير
|
|
4/28/2011 5:30:48 AM
|
|
مهم جدا للاعضاء والمشرفين ومالك الموقع والمنتدى
|
وووووووووووووووووووووووووووووواي خرعتني اول بدايه الدعاااااااااااااااااااااء
وقف قلبي بقيت الغي اشتراكي من الخرعههههههههه قلت صايرلك شي وقاعد تدعي من القهر وااااااااااااي صج خيال الانسان يوديه بعيد
هههههههههههههههههههههههههههههههههههههههههههههههه موصج اخوي برونزي انته موصج هههههههههههههههههههههههههههه
الله يجزاك خير على نهايه الدعااااء
بس بليز زززززززز لاتخرعنا مره ثانيه هههههههههههههههههههههههههه موصج موصج برونزي
|
|
4/28/2011 7:09:47 AM
|
|
هل تعتقد ان حلمك يتحقق من هذا الموقع
|
اخوي كويتي صباح الخيرات والمسرات (:
صراحه جد انا حالي حال اي بنت سجلت بموقع اشتراك سيغير حياتج وممكن باناملج الرقيقه تقدرين تختارين مواصفات اللي تحبينها بفارس احلامج وللكويتين فقط
قلت خل اكسر الخجل وادخل اختار لي ريل بما انه مواصفات اللي ابيها غريبه شوي بس عاديه عند الكل تركز على شخصيه الريال اكثر
المهم مابي اطول عليك صار عندي بداخلي عدم قناعه كل مااحد يدز مسج ادخل بروفايله
لازم انتقد طريقه كلامه في بروفايل قيمت الاغلبيه موالكل ياكلام يدلدغ مشاعر مراهقات
او شخص يبي مواصفات خياليه شهادات عليا وووو او شخص كاتب متزوج ويبي زوجه تفرخ عيال ((لاتعليق لكل شخص له ظروف والله يوفقه))
كنت ابي شخص له شخصيه فيها صفات اقدر اتعايش معاها
انا مومع اختي انهم يبون يلعبون بالعكس اذا الوحده واقعيه وصريحه وتفرض احترامها تكون جديه
بطريقه لاتجرح انوثتها اكيد بتلقى واااااايد في شباب زينين ويبون يتزوجون
بس بصراحه لمن اقارن بعض البيانات الموجوده للمشتركين مع اللي يتقدمون لي في حياه القاهم الي يتقدمون افضل
والنعم بالمشتركين والله يوفقهم وصعوبه النسب المستحيل اهلي يتقاضون عنها هاذي اكثر مشكله
مااستغرب لمن اشوف اشخاص شافوا سيرتي الشخصيه لاشخاص 15 مره والله ووصلوا عدد المشاهده لشخص واحد 36 مره فشوف الفضول اوممكن من كثر مايحوس ينسى او ممكن يحاول يفهم كلامي لان شكلي كاتبه باللغه العبريه ههههههههههههههههههههههه
حاليا قناعتي فارسي لايمكن وجوده ورى شاشه بيضاء وخلفها ناس اغلبهم مهزومين بالحياه ويفرضون شروط تعجيزيه ومتشائمين
((هل يستطيع اي شخص مشترك الذين يريدون غنيه وعندها بيت يقدرون يتقدمون لبنت بالشروط هاذي اكيد لا فتلقاهم الموقع يسهل عليهم بس الصدمه لمن وحده تجذب عليه ولاتزوج ينصدم لابيت ولافلوس تنحسب زيجه على الفاضي ))
ليش ارخص نفسي وليش اجرح نفسي لمن وافد عربي ههههههههههههههه حتى هنود مشتركين ويتفرجون ويدزون مسجات
الحمدلله لاانا ولاخواتي العزيزات في الموقع بيضيعون حياتنا والامل جدامنا فالحياه العامه فيها خيارات اوسع ويمكن فيها معرفه قيمه بعض اكثر
دخولي فقط لمشاركه بمواضيع وقرائه معلومات او ردود من مشتركين
فممكن دخولي استفدت منه تقييم تفكير الاغلبيه من الرجال والنساء مهما اختلفنا
ويمكن بعد عرفت قيمه الناس بحياتي بعالمي الخارجي
لان اللي شفته اهنيه ترى حدي صدمه رياييل مواصفات الغنيه وووووو اوكي لو وحده غنيه اكيد لمن تدخل الموقع
عشان ماتبي ناس مصلحه ولازوج نصاب ولاشرايك ومنحاشه من عالم الخارجي ورايحه النت اكيد تبي شخص لايبيها لذاتها لالجمالها ولالمالها ولالنسبها .............................الخ
فللاسف اغلبيه غير مناسبين وجد مادخلت ابي العب ولاادور علاقات ولاناقصني ولاناقص الخوات كلهم شي بس الهدف نبحث عن فارس يكون لي وله الشرف والزواج و
ممكن نلقاه بحياه سهله بس كنت ابي شخص افهمه ويفهمني وماانصدم مع مرور الوقت وانتهي برفضي لزواج فاشل
الزبده ههههههههههههههههههههه قرقت وايد انصدمت وغيرت رايي شريك حياتي مستحيل يكون بزر كيبورد
الواقع اصعب من زرور حلوه زرور هههههههههههههههههههه كمبيوتر ولاعالم مغلق خيالي باحرف وكلمات لايمد للواقع بصله
تذكرت فيلم مصري يختار البنات من النت ههههههههههههههه محمود عبدالعزيز والهاااام شاهين مااتذكر اسم الفيلم هههههههههههههههههههههه
يقول معئوله تختار الست من البتاع دى ههههههههههههههههههههههههههههههههههههههههههههههههههه ده الدنيا غريبه ياجدعان هههههههههههههههه
لاتضحك تبتلي هههههههههههه والله دنيا عبر ومفاهيم بس شاطر اللي يتعلم
تقبل مروري
|
|
4/28/2011 7:40:16 AM
|
|
فلانة محجوزة لفلان !!! مع أم ضد ؟
|
موضوع حلو بس اعتقد الزمن تغير
معلومات لبعض اللي ردوا هالعادات عند بعض القبائل في السابق اسمها (((((محجره)))))يعني محجوره عن الخطاب وحاجرها او حجرها فلان
تكون له امام الناس ولكن مجرد كلام منذ الصغر لمن يشوفون انه احق في بنت عمه ولايحق لاحد يحجرها الا ابن عمها فقط لاابن خاله ولاعمه
كلمه (((محيره))))تقال عن جيرانا اللي فوق بالشمال لانهم يحاولون يقلدون القبائل العريقه
صراحه لمن اشوف البنات المحجرات او اللي متكلم عليها ولد عمها يكون كل طرف منهم يتخيل الثاني ويحلم بيوم الزواج بطريقه فطريه وبريئه
وشي جيد لان يتهيئون نفسيا واجتماعيا على الحياه الزوجيه يستخدمون الاهل اسلوب((التشويق ))شفنا فلانه صاير اتينن وابو يقول جدام البنت عندي فلان اخوي وولده وعيونها بتطلع من الونااااسه
طبعا اللي يقولون مشاكل اغلب القبائل عندهم عادات العيب والشهامه حتى لو في مشاكل زوجيه تكون ملح الحياه وبالعكس الطرفين يدارون بعض لان بالاساس بنت عمه ووولد عمها
وتكون حياتهم مستقره لان الشعور بالامان الزوجي يعني الريل مايقدر يتزوج على بنت عمه يزعل عمه وبنت العم نفس الشي ماتقدر تزعل زوجها لخاطر حمولتها وعمها
اكيد مشاكل بسيطه بس مشاكل الكبيره اللي توصل الطق بين الحريم عن(( طرطوطو )) ودايمن بمغافر وجرايد تشهد
تكون طالعه من بيت اهلها لبيت اهلها الثانين وشعور اعتقد في احترام وتبجيل لزوج
ياريت هالشي يكون تدرون ليش تكون الحياه بسيطه جدا ومقاييس تتغير حتى الغيره في الحياه تكون اقل والثقه تحوفهم من كل صوب
بس مشكله لمن يخلونهم واهم يهال يعيشون مع بعض فيحترمها على انها اختها صعبه تكون على طرفين
اللحين الواحد يعرف ليش رياييل قبل مايخلي البنت تنام في بيت الخوال والعمام واهي ياهل عشان مايحتكون في بعض ويصيرون نفس الاخوان لاكبروا
طبعا العاده موبس عند القبائل في عوائل الكويت قديما وفي عند دول الخليج .......................................؟
ائيدها من قلب على الاقل الوحده لمن توصل سن المراهقه بدال ماتحب ولد الجيران او اي احد يغازلها او السايق اوموظف توصيل مطاعم ولااخو رفيجتها و .................................................................................. وتبي تختبر مشاعرها البريئه بكلمه حب تكون احساس ضروري بسن مراهقه مع تغيرات الهرمونات ووووووو فتكون حساسه وتبي تتعلق باي شي
يكون ولد العم موجود وتحبه لمن تقول بس فطريا راح يكون اول رجل واول حب واول عاطفه
لانجذب على بعض اكيد بتحبه ودايمن الحب الحقيقي مايكون واقعي الابالزواج
اذا هالشي موجود حاليا مادري اذا موجود ولالا فراح اقول للحين الدنيا بخير
|
|
4/29/2011 4:07:13 AM
|
|
من معنى الرجولة يارجال ..؟؟
|
مشكوره اختي ساميه اتشرف ان تكون عندي اخت بنفس مستوى تفكيرج ورقيج
ومشكوره بعد على ردج وان دل على حسن خلقج وتربيتج
عسى الله يوفقج ويرزقج بزوج صالح ومتدين ويعوض صبرج خير يارب
حبيبتي
|
|
1 2 3 4
|