|
صفحات
1 |
|---|
|
9/17/2010 2:34:35 AM
|
KUWAITYBRONZY
Posts 206
|
بسم الله الرحمن الرحيم
السلام عليكم ورحمة الله وبركاته
( الحبر يخلص وقضايا مجتمعنا ماتخلص )
نجي لقضيتنا ومحور حديثنا
( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )
يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها
في يوم من الأيام شخص كان حاجز وحده من قريباته .. وطول حجزه لها يعني من يوم انهم
صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..
ساءت الحاله بين العائلتين .. والبنت تورطت وراحت فيها حتي الخطاب مايدقون بابهم
لأنهم يعرفون انها محجوزه لفلان وضاعت البنت مع ضياع هذا الحجز ..
بنت يتيمة وحيدة..حجزها عمها لولده ..لانه مايبيها تطلع من العايله .. طيب ممكن
البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان
قصص تبكي القلوب .. وأحلام تضيع في قرار
أمال وأمنيات تتبخر ..
بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماراح يتأثر
لكن البنت حساسة وراح تتأثر
وفوق كل هذا مارح يجيها خطاب لانهم يعرفون انها محجوزة لفلان
ممكن الشاب يتأثر لان اهله اختاروا له شريكة حياته
وحجوزها له ..
لكن البنت هي اللي راح تتأثر اكثر
:
:
من المذنب .في هذا كله. الشاب , الشابه , الأهل , العادات والتقاليد ؟؟
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
وانت ايها الشاب مارأيك في مسألة الحجز وان تكون محجوز لفتاة ؟؟
وهل هذا الشي موجود في عائلتكم ؟؟
وماموقفكم منه ؟؟
|
|
9/17/2010 11:52:59 PM
|
TALAL_4488
Posts 362
|
المذنب اهم الاهل والعادات والتقاليد الخايسه فلانه محيره حق فلان ان حية له وان ماتت للارض
وين قاعدين يعني اذا ما اخذته ماتاخذ غيره
زين بالله ولد عمها معوق لازم تاخذه يعني وتتوهق فيه !!!
هالشغلات خلاص انتهى دورها العالم وصلت للمريخ والناس للحين عندهم هالسوالف
واخص بالذكر البدو
بما اني بدوي هالامور موجوده عند بعض البدو
مشكوووووووور عالطرح الرائع
|
|
1/23/2011 8:19:46 AM
|
carelessya
Posts 1
|
انااااا ضدددد وبشددده
انا كنت مخطوبة حق ولد خالتي ..
واهوه يحبني من طرف واحد وقال حق الكل انه يحبني ..
وفجأه صرت مخطوبة حقه شلون مادري !!@@
وانا مالي راي ولا كلمة ولا شي واصلا ما كنت ادري عن شي ..
من الصدمة وافقت وانا ما احبه وكنت اعتبره اخوي .. وحاولت احبه وكملت معاه ..
ولمن كبرنا للاسف طلع حب مراهقه و كنسلت الموضوع كله ..!!!
لازم لمن يعلنون خطبة مثل هذي يكونون ماخذين راي الطرفين فيها مو راي شخص واحد بس !!!
وانا ماحب زواج الاهل .. ما ايي منه الا المشاكل وعوار الراس ....
وشكرا عالموضوع فعلا مهم والكل لازم يعرف نتائج خطبة الاهل بالمستقبل ..
ترى وايد نتائج سلبية بسبب عدم التفاهم و عدم التوالم من الاساس !!
|
|
1/24/2011 2:50:24 PM
|
TALAL_4488
Posts 362
|
انا سبق وشاركت بالموضوع
وبرد اشارك فيه لانج علقتي وذكرتي نقطه حساسه حيل
انا واهي المشاكل
فعلن زواج الاقارب مايجي منه غير المشاكل وعوار الراس
فا نصيحه للكل
اذا تبون راحتكم وسعادتكم ابعدو عن زواج الاقارب
اله بحاله وحده اذا كان فيه علاقه حب ومتفاهمين
|
|
4/28/2011 7:40:16 AM
|
zawajat
Posts 62
|
موضوع حلو بس اعتقد الزمن تغير
معلومات لبعض اللي ردوا هالعادات عند بعض القبائل في السابق اسمها (((((محجره)))))يعني محجوره عن الخطاب وحاجرها او حجرها فلان
تكون له امام الناس ولكن مجرد كلام منذ الصغر لمن يشوفون انه احق في بنت عمه ولايحق لاحد يحجرها الا ابن عمها فقط لاابن خاله ولاعمه
كلمه (((محيره))))تقال عن جيرانا اللي فوق بالشمال لانهم يحاولون يقلدون القبائل العريقه
صراحه لمن اشوف البنات المحجرات او اللي متكلم عليها ولد عمها يكون كل طرف منهم يتخيل الثاني ويحلم بيوم الزواج بطريقه فطريه وبريئه
وشي جيد لان يتهيئون نفسيا واجتماعيا على الحياه الزوجيه يستخدمون الاهل اسلوب((التشويق ))شفنا فلانه صاير اتينن وابو يقول جدام البنت عندي فلان اخوي وولده وعيونها بتطلع من الونااااسه
طبعا اللي يقولون مشاكل اغلب القبائل عندهم عادات العيب والشهامه حتى لو في مشاكل زوجيه تكون ملح الحياه وبالعكس الطرفين يدارون بعض لان بالاساس بنت عمه ووولد عمها
وتكون حياتهم مستقره لان الشعور بالامان الزوجي يعني الريل مايقدر يتزوج على بنت عمه يزعل عمه وبنت العم نفس الشي ماتقدر تزعل زوجها لخاطر حمولتها وعمها
اكيد مشاكل بسيطه بس مشاكل الكبيره اللي توصل الطق بين الحريم عن(( طرطوطو )) ودايمن بمغافر وجرايد تشهد
تكون طالعه من بيت اهلها لبيت اهلها الثانين وشعور اعتقد في احترام وتبجيل لزوج
ياريت هالشي يكون تدرون ليش تكون الحياه بسيطه جدا ومقاييس تتغير حتى الغيره في الحياه تكون اقل والثقه تحوفهم من كل صوب
بس مشكله لمن يخلونهم واهم يهال يعيشون مع بعض فيحترمها على انها اختها صعبه تكون على طرفين
اللحين الواحد يعرف ليش رياييل قبل مايخلي البنت تنام في بيت الخوال والعمام واهي ياهل عشان مايحتكون في بعض ويصيرون نفس الاخوان لاكبروا
طبعا العاده موبس عند القبائل في عوائل الكويت قديما وفي عند دول الخليج .......................................؟
ائيدها من قلب على الاقل الوحده لمن توصل سن المراهقه بدال ماتحب ولد الجيران او اي احد يغازلها او السايق اوموظف توصيل مطاعم ولااخو رفيجتها و .................................................................................. وتبي تختبر مشاعرها البريئه بكلمه حب تكون احساس ضروري بسن مراهقه مع تغيرات الهرمونات ووووووو فتكون حساسه وتبي تتعلق باي شي
يكون ولد العم موجود وتحبه لمن تقول بس فطريا راح يكون اول رجل واول حب واول عاطفه
لانجذب على بعض اكيد بتحبه ودايمن الحب الحقيقي مايكون واقعي الابالزواج
اذا هالشي موجود حاليا مادري اذا موجود ولالا فراح اقول للحين الدنيا بخير
|
|
4/28/2011 1:46:54 PM
|
TALAL_4488
Posts 362
|
تعليق على كلام الاخت
ائيدها من قلب على الاقل الوحده لمن توصل سن المراهقه بدال ماتحب ولد الجيران او اي احد يغازلها او السايق اوموظف توصيل مطاعم ولااخو رفيجتها
كل من يرا الناس بعين طبعه واكيد هالسالفه مرت عليج عشان جذي كتبتي هالمواقف
|
|
صفحات
1 |
|---|