|
صفحات
1 |
|---|
|
2/26/2011 2:27:29 PM
|
hanaac2000
Posts 28
|
بسم الله الرحمن الرحيم ..
أكثر المشاكل بين الأزواج .. هو عدم معرفتهم بحقوقهم وواجباتهم .. و عدم معرفتهم شروط الزواج الصحيح و شروط الطلاق الصحيح و شروط الخلع أو فسخ العقد ..
نصيحتى لكل مقبل على الحياة الزوجية .. أنه يأخذ دورة بهذه الأشياء قبل ان يتزوج .. و انا شخصيا قد أخذت دورة أول ما تزوجت بعنوان .. (( إعداد الفتاة للحياة الأسرية )) و فعلا كانت الدورة فعالة جدا .. و لله الحمد طبقتها في زواجي السابق و فعلا أثمرت ثمار طيبة جدا و عشت حياة سعيدة .. (( كانت الدورة تتحدث عن طريقة تنظيف البيت و كيفية الطبخ و كيفية حل المشكلات و كيف اتعامل مع اهل الزوج و كيف اجعل زوجي يحبني و فائدة الانجاب و كل شيء يفيد الفتاة للزواج ))
أنتَ و أنتِ .. المقبلين على الحياة الزوجية .. ابحثوا عن هذه الدورات .. و بدل ما تروحون حمام مغربي و تروحون (( السبا )) المنتجعات قبل الزواج .. و تفكرون اشلون تصيرون حلوين .. أقول فكروا اشلون تبدأون هذه الحياة بصورة افضل .. و كيف تفهمون تتحكمون بالمشكلات قبل وقوعها .. ربي يعين الجميع ..
يجب على المرأة أن تعرف واجباتها .. و يجب على الرجل أن يعرف واجباته .. حتى ينال كل منكما حقوقه كاملة ..
مع تمنياتي لكم بحياة زوجية طيبة ملؤها السعادة ...
|
|
2/27/2011 9:47:30 PM
|
TALAL_4488
Posts 362
|
جزاج الله كل خير ولا تعليق
|
|
4/22/2011 2:33:33 AM
|
samia22
Posts 149
|
يسلموووا عل الموضوع ... ولو ان رياييلنا ...فاضين للقهوه وبس
انا بعد اشجع جدا متابعه ...دكتور فوز عالراي .... فتحت عيوني علي شغلات واايد .... ما كنت اعرفها ..حتي العلاقات الزوجيه نصايحها وايد حلوه للي يسمع ويفهم ...والحلو فيها ..انها ما ترضي علي الغلط ... وتعطيها بالويه وما تجامل .
واثاري الريال عنده كتاب كبيييير للجذب واحنا ماندري ؟!! <<< بدور اخوي وين حاط كتابه ههههههه
|
|
4/23/2011 6:25:57 AM
|
zawajat
Posts 62
|
اختي مشكوره وايد على النصيحه
بس حلات الانسان اوالانسانه على فطرتهم وتربيتهم وشخصيتهم الطبيعيه الزواج مووظيفه ناخذ دورات طباخ وتنظيف وحده اذا ماتعرف السنع تييب خدامتهم معاها لبيت الريل
ولانخلي الزواج رهبه وخوف ولازم اخذ دوره منو فاضي احنا بنات موفاضين بس الاسبا ينفع وايد يخفف من ضغط الحياه
اكيد اذا بتاخذين دوره تفيدج موحق الزواج حق الحياه
(((دوره فن التعامل مع الاخرين او كيفيه التعامل مع الاخرين)))) وشنو اللي يمنع ناخذ سبا او حمام مغربي مافيها شي الاسترخاء حلو والنظافه حلوه
الله يوفقج ويوفق الجميع
|
|
4/23/2011 2:31:08 PM
|
samia22
Posts 149
|
لوووووول صج النظافه حلوه ... بس قصدها ان واايد ناس تهتم بالكماليات وتخلي الاساس
يعني اكو حريم ما يعرفون واجبتهم الزوجيه ..... وما عندها اسلوب مع ريلها ...وتشوفين تهتم ... تنثر الورد عل السرير ووتترس الدار شموع .... مو فاهمه الريال شنو يبي بالضبط .
|
|
7/21/2011 7:38:50 AM
|
q8f
Posts 8
|
لا تحسبين العرس بونتي وكتكـات ....
وصلـة قطعتيهـا ووصـلـة بلعـتـي
ولاتحسبين العرس كوشـة ولمبـات....
وانـت كمـا الطـاووس فيهـا جلستـي
ولاتحسبين العرس احلام في الشات ....
يـامـا بنيتيـهـا ويـامـا هـدمـتـي
ليلة سعيدة وانت احلـى الجميـلات ....
طيرين عيـون النـاس اذا حضرتـي
(واللاينر)حطيـه بــلا زيــادات ....
لا يـخـرب المكـيـاج اذا دمـعـتـي
(والمسكرة)تحتاج لطـف ومـدارات ....
حتـى يـبـان الـزيـن اذا رمشـتـي
وترى(المحدد)فن يحتـاج رسمـات ....
يبـان رسمـه زيــن اذا ابتسمـتـي
العـرس يابنيـة ماهـو شعـارات ....
تفنـى مراسيـمـه وتبقـيـن انـتـي
ويبقى شريك العمر راعي الطويلات ....
هـذا هـو العـرس حقيقـه عرفـتـي؟
اول نصيحة لـك حفـظ الصلـوات ....
صلي العشـا والفجـر فـي كـل وقـتِ
وفي ليلة العرس الموفـق بالـذات ....
ادعـــي الـكـريـم إذا سـجـدتـي
والتعري لاترضين عند الكوفيـرات ....
ولبسـك يملـى العـيـن اذا لبسـتـي
واللي على زوجك تحرضك مـرات ....
ارجـوك شوتيهـا شـوتـت بلنـتـي
والصبر في العشرة حتى على فتات ....
ياماحـلا فعلـتـك يـومـك صبـرتـي
واذا حفظت السـر مـع المـدارات ....
زوجـك تـرى فـي عيونـه كبـرتـي
والسوق روحاته وقت الضرورات ....
والاتـرى زوجــك يــدور لمفـتـي
زيدي الغطاية وكثري في العبايـات ....
والله يـرضـى عـنـك اذا ستـرتـي
سولي كبسه ترا ما احب الخضراوات ....
حتـى لوانـك مـن سببـهـا متنـتـي
وخلي الرجيم اللي فشلتي فيه مرات ....
سـويـه مــرة وحــدة لا ولـدتـي
|
|
صفحات
1 |
|---|