|
صفحات
1 2 3 4 5 6 7 8 9 |
|---|
|
4/19/2011 7:57:49 PM
|
samia22
Posts 149
|
السلام عليكم
انا صراحه ما ادش علي بروفايلات الناس ... بس اللي دشوا علي شات ...يبون القرب
حسافه ان الغالبيه العظمي من اللي شفتهم بالموقع ... جذابين ... يحطون بالبروفايل ..زواج دائم ... واذا طلعت له شيعيه قال متعه حتي لو كان سني .. او يبي مسيار ...واكو منهم يبي بالسر ؟!!
اغلب الرياييل جذابين ... يحط حجي منمق ...مرتب ... ياخذك بالدين والحجي الحلو ...وانه يدور بنت الحلال ...ويسعي للزواج ... ويطلع خرطي ... يدور يدور يبي اشياء اخري .
بس عندي يقين وايمان ...ان الله يحفظني من هالاشكال ولله الحمد ... ويكون عندي احساس بكذب الشخص قبل ان .. استمر معاه بكلامه العذب .
والله يحفظ بناتنا وشبابنا .
|
|
4/20/2011 7:04:48 PM
|
Pariiss
Posts 30
|
بصراحه في شباب يبون اللعب
والوناسه مو اكثر
وبعضهم مستهترين ويتطنزون
|
|
7/10/2011 6:00:37 AM
|
Atoota2
Posts 2
|
لااااا حررام بنآاات ب العكس شبابنا كلهم جدييه لا اله الا الله
تباررك الرحمن كامليين وكل الصفاات الحلوه فييهم بس فيهم هذي الصفات بسس > قوللو ماشآلله عن الحسد ي بناات
..
..
أولا: كذب
ثانيا: كذب
ثالثا: كذب
رابعا: كذب
خامسا: كذب
سادسا: كذب
سابعا: حيله
ثامنا: تقزيرره
تاسعا: رغبه وحب استطلاع فقط
عاشرا : تعارف
حادي عشر: موواعده
ثاني عشر : احتياال
ثالث عشر : سد رغبات
رابع عشر : استغلال البنات
خامس عشر : صوواريخ
سادس عشر : تمثييل
١٠٠: صفات غيير متعارف بهااا
 أنتـهـى ...
أتووووته
|
|
7/16/2011 1:19:14 AM
|
raindrops
Posts 12
|
مساكم ورد وريحان..وجنان...
اسمحوا لي اضيف من خلال تواجدي هنا لفتره ليست بالقصيره وتعرفي على عدد من الممثلين البارعين وهم عيال ناس وعوايل !!!بان اعبر عن
استغاربي من انعدام فضيله الصدق لدي الرجل الكويتي في كل مكان بالنت وبرا النت ....وبكل زمان ..
ملاحظات عامه من الفتيات شملت الغالبيه من الشباب..ليش الكذب ..؟
وشكرا
|
|
8/10/2011 11:55:35 PM
|
lovel_lady
Posts 1
|
أولا شكرا اختي على الموضوع
بصراحة قاعده أشوف مافي جدية بالموضوع إطلاقا
الشباب أغلبهم يبون يتعارفون ويلعبون وبالأخير يقول لأمه أخطبيلي ومستحيل يتزوج بنت من النت
أغلبهم وليس كلهم
أنا سجلت هني قلت يمكن أقدر اختار الشخص المناسب والزوج اللي أقدر أكمل حياتي معاه بس بعد ماشفت بعض الردود
بصراحة تحسفت أني سجلت وبأقعد انتظر الله هو اللي يختار لي لأنه أعلم بالنوايا والبشر
الحمد لله حافظة القرآن الكريم ومتدينة ومنو ناقصني شي يعني ماانتظر أحد يقص علي وهو مايسوى ظفري
وعسى ربي يستر على الجميع ويحقق الموقع مبتغاه في جمع رأسين بالحلال
|
|
8/11/2011 11:25:01 PM
|
Tears2
Posts 96
|
السلام عليكم ورحمة الله ،،،،، شكرًا لكم على طرح هذه المواضيع الاجتماعيه الي تنفع ويستنفع منها الكل سواء الكبار (الاثنين) والشباب(الاثنين) .... الشباب وماادراك الشباب في الموقع الصراحه انا ما اعم الشباب كلهم البعض منهم الكذب ليش هل يفتكر ان هذا الشي يوصله الي يبيييه مع الاسف ان الكذب حبله قصير ولا يدوم الشباب الي في الموقع البعض منهم بس يتعرفون مافي مصداقيه للزواج وهذا موقع زواج موللتعارف ....ساعات ماالوم البعض منهم لان في بعض من البنات نفس الشي والله الموفق......
|
|
8/12/2011 2:30:06 AM
|
lovely_cat
Posts 2
|
انا صراحه شفت الجذب على اصوله من الشباب ومشكلتي بسرعه اصدق ومو عارفه شلون اتخيل انه في ناس جذابين لانه طبيعتي الحمدالله صادقه مع الكل والله حتى كل شي اقوله صج بس اهم يجذبون الله لايوفقهم يعل حوبتي ما تتعداه ليش يلعب ببنات الناس ويقص عليهم لا ويعيشونج بجو وقصه وانه راح تصير اشياء حلوه بينكم وزواج وكله خرطي وجذب الله لايسامحهم واحذركم من الي نكه the lawyer82 مايبي يتزوج يدور وحده تسولف معاه بس اللهم بلغت مابي احد ينقص عليه بحفظ الله
|
|
8/16/2011 4:11:33 AM
|
lovely_cat
Posts 2
|
hi ولي رجعة طبعا صج حسيت انه الرياييل مالهم امان وقبل جم يوم تعرفت على واحد على اساس انه بيتزوج وبعد رمضان زواجنا على كلامة بعد يوم بالضبط قام يطر مني فلوس يقولي الوكالة طالبة مني 600 دينار وانا عندي 400 بس انا فهمت له عرفت له قلت له ماعندي ويحاول فيني وشوفي موضوعي دش بخشمي كله علشان سالفة الطرارة وانا اهلي كلهم راعيين بي ام دبليو واهلنا متعاملين معاه شكله من اعيال الصليبية وبعد يوم لما قلت له ماعندي قام يتهرب مني ويحاول انه يتخلص مني وقام يسبني ويقولي كلام وصخ ولسانه زفر حده والله بنات ديربالكم من هالاشكال ونكه علشان اعمم على الكل mooll وبليز بنات لاتقولون ما قلت ترى لسانه وصخ باي لا ويقول من زين بنات الموقع بعد كلهم جياكر
|
|
8/20/2011 10:34:35 PM
|
Remote
Posts 2
|
ليش اتلومون الشباب...العيب فيكم انتو يا لبنات اتصدقون اي واحد يكلمكم عن الحب والرومانسية وتعيشون الدور...تبين تتزوجين لا تكلمينه بالموبايل ولا بالمسنجر ..دزيله رسالة وقوليله تبيني تعالي البيت وانتهت المسألة..ليش الطوالة مادري..جنكم اتدورون ادوارة على واحد ينصب عليكم 
|
|
8/24/2011 7:43:25 PM
|
Remote
Posts 2
|
اللهم لا تجعل الدنيا أكبر همنا ولا مبلغ علمنا ولا الى النار مسيرنا واجعل الجنة هيا دارنا وقرارنا يا رب العالمين...قال رسول الله صلى الله عليه وسلم: الدنيا متاع وخير متاعها المرأة الصالحة...وللاسف الصالحات في الموقع ينعدون على اصابع الايد
|
|
8/25/2011 12:14:24 PM
|
dashttya
Posts 1
|
تبون الصراحة جذابين ما في احد جاد
|
|
8/29/2011 5:38:28 AM
|
sara12
Posts 44
|
لوول بنات خلونا نكون منصفين وواقعين شوي في بنات بعد يجذبون ويمثلون بس بيب لكم دراسه تضحكون عليها
قـول الدكتـور / طـارق الحبيـب أكثر من 80 % من الشبـاب الخليـجي معقـد نفسيـاً
أمـراض بعـض الرجـال الخليجـييـن للإستشـاري النفـسي : د . طـارق الحبيـب ...الـرجُــل الخليـجي :
1- تَجده يهاب العادات وَ التقاليد وَ يلتزم بِها أكثر مِن الدين و أغلب تصرفاتِه يحكمها خوفه من المجَتمع .
2- يَصغر أخطَائه ويكبِّر أخْطاء المرأة مَع أن الإسلام و الشرْع ساوَى في الحرَام و الحلَال .
3- لديه عقدة إسمها شسم أمك عيب يقول إسم أمـه أو زوجتِـه و ينْسى إسم أم الرسول عليه السلام ( آمَنَـه )
.
4- أناني يُمارس أمور كثيرة وفِي الوَقت نفسه يمنع محارمه مِن مُمارستها وَ المَفروض يَكون قدوَة إن كانت خطأ فلماذا يمارِسها هو ؟!
5- يرِيد أَن يعرف أدَق التفَاصيل عن زوجته وليس من حقها أن يكون لها أي خصوصيَة أمَا هو فإنسان غامض ليس من حقها التدخل في شؤونه .
6- يتجاهل تطبِيق السنة ولا يتذَكر سنة الرسُول صلى الله عليه وسلم ووجوب الإقتِداء بها الا في نُقطة ( تعَـدد الزوجـات ) .
7- منهم مَن يَرحـم الخادمـة و يتَعاطف مَعها أكثر من رحمته وحنيتـه لزوجتـه .
8- مُبدع فِي العلاقات الغير شرعية أمّا في الزواج .. رجُـل فاشل جـاف قاسي مُتسلط .
9- لا يخجَل من الإعتراف بعلَاقاتِه ولو إتصلت عليه فَتاة في مجلِس كلمها بكُل ثقـة .. أَما زوجتُه فإتصَالها يعتبر مصدر ازعـاج و إِحراج .
10- لَا يعرِف قيمَة زَوجته ولا يقدرها ويصَرح بِحبه لها إلا بعـد وفَاتها .
11- يقبل أمور كثيرة لبنـات المسلِمين ويمارسها لكنَه لَا يقبلها على أخواتـه .
12- ينظر للمـرأة الخليجيـة بنظـرة دونيـة وتَجده يحترِم بل يخاف من المـرأة الأجنبية .
13- من ناحية المَعلومـات الدينِيـة الرجـل الخليجي أول آيـة يحفظها قال تعالى ( الرجال قوامون على النِساء ) .. و أكثر حدِيث يردده قَول الرسول صلى الله عَليه وسلم ( المـرأة ناقصـة عقـل و ديـن ) .
14- أيضاً هو الرجل الوحيد في العالم الذي يذم بنـات بـلَده في كل مكان و يمتدح بنـات الدوَل الأخرى .
بصراحة يابها صح
![]()
|
|
9/2/2011 11:55:10 PM
|
Kojekaa
Posts 8
|
رايي بعموم شباب الموقع انهم موجاديين كلش
ويطولونها واهيا قصيره
ومايقرون الشروط عدل
وثقه زايده عاللزوم
وماكو صراحه
الا البعض
|
|
9/7/2011 10:10:09 PM
|
la.rose
Posts 1
|
لوووووول اللي اهني ابداع فني انا مر عل ي نوع يمكن ما مر عليكم ما ادري اشلوون اوضح بس اذا ما خاب ظني اهومنا لنوع النيرد اللي يحب الكتاااااااب وماااايعرف شي بالحريم فالاخ يبي يتعرف موعشان يتزوجج لا يما انتي ما قبل الزواج يعني تكبرينا وتعلمينه وصير عنده ثقه بنفسا ويعطيج واحد صفر خو قطها اشكره
وعلا سالفةمهندسين صح ا نا اغلب اللي كاتبين مهندسين اهم صج لانااا انا مهندسه واقدر اصيد الجذاب فيهم
وحده من رفيجاتي تعرفت على واااحد مثقف ويحضر الدكتورااااه اخر شي اكتشفت انه متزوج ابدااااااااااااااااااع ويوريهااا صور ولده ويقوولها اشرااايج اب ولد اخوي
بالمختصر الربع فيهم فراااغ عاطفي ونادر ما تشوووف جاااد
|
|
9/11/2011 4:36:12 PM
|
hanilov
Posts 1
|
السلام عليكم للاخوات الكريمات الى جادة تراسلنى لانى ابصراحة ما اعرف حق الموقع ويعطيكم العافية وموفقين انشاء اللة مع السلامة
 ![]()
|
|
10/15/2011 5:21:26 PM
|
smilem
Posts 1
|
السلام عليكم
بصراحه انا جديده ع الموقع وصار لي تقريبا أسبوع بس شفت امور غريبه عجيبة
أولا أغلب الشباب داخلين الموقع ع انه نظام للتعارف وبس بغض النظر عن أي شي ثاني
ع الأقل طل ع البروفايل يمكنفي امور ما تناسبك
الشي الثاني موضوع التليفون او الإيميل وانا أظن الموقع موفر خدمه رسايل وشات تغني عن اي شي ثاني ولو حصل نصيب مالك الا رقم اهل البنت
الشي الثالث وهو بعض الشباب يتطرق لمواضيع خاصه ووايد سابقه اوانها ببدايه الأرتباط وهي امور تخص العلاقه الزوجيه وانا ما اظن لورحت تخطب من ناس بتسأل البنت بهالأمور
|
|
10/15/2011 9:56:01 PM
|
Basharca
Posts 4
|
السلام عليكم،
يعطيكم العافيه على الموضوع المفيد والشيق، وبصراحه انا كذلك ودي اسهب ببعض آرائي، الي ادري راح تساهم في انتقادي، ولكن انا بتكلم بكل امانة وشفافية وموضوعية، وما راح اجامل واطبل حق اي احد! اوكي خلونا نبدي:
بصراحه يا بنات موقع خطبه وهالكلام موجه فقط للجادين والي يخافون ربهم وملتزمين! خلونا من الي داشين لعب وجمبزه لانه ما يستحقون حتى اتكلم عنهم.
المهم، دام انتو داشين موقع حق التعارف، عيل توقعو انه الريال يبي يتعرف عليكم، نعم يبي يتعرف عليكم. طبعا مو معنى كلامي انه يتعرف ويخربط و و، لأ بس يبي يتعرف عليكم بصوره تكون اكثر من مجرد الصوره التقليدية الي انتو عارفينها. ما فكرتو يا بنات، لو كان الريال يبي زواج تقليدي من الاساس ليش اشترك بالموقع ؟ بالعقل يعني خلونا واقعيين ولحد يقص على نفسه. جان بكل بساطه راح قال حق والدته خطبيلي وكان الله غفور رحيم. وانتو نفس الشيء، دام انه على قولتكم كل شيء عيب وحرام وانا انسانه عفيفة واخاف ربي، يا ربي ليش داشة اهني، خلاص قعدي في بيتكم ونطري نصيبج! بعد ما يصير، داشه الموقع وهم تتشرطين. ما في شيء مثالي وكل شيء في عيوب!
قبل لا تعصبون علي، سمحولي افصل في هالنقطة اكثر. ايبلكم مثال حق وحده من المغفلات الي سولفت معاها شوي وبينت حقها انه ودي اتعرف عليها بصوره جديه اكثر، ردت علي وقالت لوسمحت احترم نفسك واذا تبي تيي حقي تعال من البيت بس ! قلت لها اوكي، بس مو المفروض اتعرف عليج قبل، يعني يا بنات خلق الله ترى احنا كنه بالجامعه ويامه سولفنا مع زميلات لنا قمه في الاحترام، شنو المانع انا اقابل البنت في مكان عام، ونتكلم بكل صراحه واحترام دام النية زينه، وهالشيء يصير جدام الناس.
لازم يعني اذا بقابلها بسوي شيء مو زين ؟ اهني تكمن المشكلة، انه بعض الناس غير واقعيين في طلباتهم وبالتالي هذا الي بدوره يؤدي حق الصدمة والاحباط! وهالبنت الي كلمتكم عنها، الله يشهد كلمتها بكل احترام وذرابه، شفتها ردت علي باسلوب وقح جدا، وتقول انا انسانه اخاف ربي مو مثلك وانا انسانه احترم ديني، يعني بالله عليكم الي يخاف ربه ويهمه دينه، مو الأولى يعدل اخلاقه ؟! شنو هالنفاق الي البعض عايش فيه والعياذ بالله.
المهم الي بوصله لكم عزيزاتي، انه وعلى نياتكم ترزقون، اذا نيتكم زينه، فماكو مانع يصير تعارف بحدود الادب والمعقول، اذا حسيتو الطرف الثاني قام يطلب شغلات خاطئه او على قولة البعض بس يبي يسوي شغلات مو زينه مع البنت خلاص البنت من اولها تقوله مع السلامه. بس موضوع قاعده في مكانج وانا بنت زينه وحدي اكلمك بالنت وتعال لي البيت بعدين ؟ ممكن تصير بس بصراحه صعبه جدا، لانه ارد واقولكم، الي دش الموقع ما دش عشان يتزوج تقليدي، ويبي يستفيد من التكنولوجيا الحديثة في التعارف، وانتو يا بعد تواكبون هالشيء يا لا تدشون وتدوخون روحكم، وتحطون روحكم في مواقف لا تحسدون عليها.
هذا زواج يا بنات الناس، هذا انسان راح تعيشين معاه باجي عمرج! هذا انسان راح يكون زوج وأخ ووالد، هل تبين تقضين باجي عمرج مع انسان ما تعرفينه ؟ ولا قعدتي معاه قعده وحده بالبيت وشكله عجبج وبس؟ ما فكرتو ليش نسبة الطلاق وصلت لي 50 بالمئه عندنا ؟! يعني كل اثنين يتزوجون، واحد فيهم قاعد يطلق! ما بالكم في الي تقول نتعرف انترنت وبعدها تعال تقدم حقي، في النهايه ماكو مقارنه بين كلمات بالانترنت، عن لمن تكونين مع شخص، وتشوفين نظراته وشكله وحركاته، سبحان الله ممكن يخفقله قلبج وترتاحين جدا وممكن بالعكس يصير نفور وعدم ارتياح بالمره.
في النهاية انا ما افرض افكاري على احد، ولكن اتكلم من باب خبرتي وقناعتي وعلمي، في ناس راح تقتنع في الكلام وفي ناس راح ترفضه، ولكن في النهاية ما تقدرون تنكرون انه في مشكلة صح؟ واذا هالمشكلة مستمره معناته في شيء خطأ سواء من صوبنا ولا صوبكم لازم يتعدل او يتغير، مو سامعين المثل الي يقول من الجنون انه الشخص يقوم بنفس التصرف مرارا وتكرارا ويتوقع نتيجة مختلفه.
اتمنى تكونون استفدتو من كلامي، واني ما اكون طولت عليكم، وربي يشهد علي اني ما اقصد بكلامي هذا اني اخرب البنات او الشباب، ولكن طالما هناك نية صادقه وزينه، فان شاء الله ربنا يسهل على الجميع.
تحياتي لكم جميعا،
اخوكم بشار
edited by Basharca on 10/16/2011
|
|
10/15/2011 11:18:58 PM
|
Tears2
Posts 96
|
السلام عليكم ورحمة الله ،،، انا ماراح اعم على كل الشباب او كل البنات انا مستغربه حتى اسم الموقع ،،، المهم ندخل في الموضوع استغرب من بعض الشباب مثال ذالك انا اقوله اكبر منك سنا يقول ابي وقته اكبر مني مافيها شي على الاقل اتعرف على وحده اكبر مني تكون ناضجه بكل شي انا ارد عليه طبعا بالرفض وهو يلح على هذا الشي مع احترامي للبعض خلاص من اول مره رفض لاتصر على القبول ،،،،والا الي يطلب من او مره رقم الموبايل يقول اسرع وسيله للتعارف ليش نطولها ومن قبل هذا الشي يطلب عني بيانات ،،، انت قبل لاتكلمني ماقريت عن بياناتي ليش تكررها مرة ثانيه ،،، ماادري ما احس في مصداقية ،،، الي يبي البنت او العكس لابد من الصدق والا لايتعرف لاينسى عنده اهل ،،،،،
|
|
10/17/2011 4:07:20 AM
|
TALAL_4488
Posts 362
|
Basharca
اقسم بالله كلامك عين العقل والصواب
وهذا اللي حاصل معانا بالموقع
والبعض بصراحه تكلمها اهني بالموقع
يازين الكلام ويا حليله ولا قلت بالغلط ها متى اشوفج تلاقي الرد انت ماتستحي الخ
وتكبر السالفه وتشتشرف على راسك
ولا طاحت الميانه وسولفت معاها بعدين تكتشف امور غريبه وعجيبه
مو ناقص اله تقول يالله نطلع للمكان الفلاني ونستانس اعتقد البعض فهم اللي اقصده
|
|
10/17/2011 11:07:52 PM
|
mhmmd
Posts 69
|
علامكم معزمين على منو اللي جذاب
ترى زيد اخو عبيد
هذه نشاة اشخاص ذكور او اناث في مجتمع
ان صلح المجتمع صلحت سلوكيات و اخلاقيات اهله
اما ان كان المجتمع بالنازل مثل ما هو حاصل بالدنيا كلها من مدة مو قصيرة بتلقون الكذب للستار
لا نتشاطر على بعض .. اذا خليت خربت و اعتقد ان الخير موجود لانه الله حي لا يموت
و لو ننخل الموجودين نلاقي ان الخيرين اكثر و اكثر من المتوقع
بس لان الكل ( بالمبالغة ) يكذب ان كان كذب اسود او ابيض ( لسبب او لاخر )
فبتنعدم الثقة و يبين عند الكل ان الكل يكذب .. الحقيقة انها مو بهالشكل لان فطرة الانسان الطيب
انما البيئة و النشأة و السلوكيات العامة تفسدها .. و اللي يأكد هالكلام انه لما الانسان ذكر او انثى
يوصل فيهم السن و الحال الى عقد النية الصادقة للزواج تلاقونهم تزوجوا و ما يمتنعون عنه لانهم
شافوا ناس جذابين ... اللي يحصل هني بالغالب ان الاغلبية اصلا مو داخلة حقيقة للزواج الا النزر اليسير
و هذا مؤكد .. الاغلب داش هني لاشياء في نفوسهم ، كل شي فيها الا الزواج
و تاكدوا ان الاغلب لما يشوفون ان النوعية المتوفرة هني مالها مصداقية ( مثل ما يظهر على الشاشة ! )
و يكونون وصلوا الى نية الزواج بيتزوجون .. ( من برة الموقع !!! ) مع انه لو يدور بدفاتر الطرف الاخر بيلقى انه زميل ! مسجل بموقع خطبة
والله الناس مساكين الكل يبي يلعب على الكل .. لكن النتيجة ان الكل يخدع نفسه و هو ما يدري ، ليش ؟ لانه يظن نفسه ابو الفهامة
صفوا نيتكم تجاه بعض بتلقون نصيبكم جدامكم .. اما ان عزمتوا على اللف و الدوران مالكم ساعتها الا العرجوب و محد بيشيلكم بعد
|
|
صفحات
1 2 3 4 5 6 7 8 9 |
|---|