samia22 - جميع رسائل المستخدم
10/14/2010 5:03:40 PM
قصص زواج عن طريق الموقع khitba السلام عليكم ورحمه الله وبركاته
اللهم صل علي محمد وال محمد

صراحه صج انصدمت من بعض الردود؟؟؟ ليش نظرتكم للناس بمزاجكم ؟ خافوا الله وخل عندكم حسن الظن ... يعني علبالكم كل البنات ولا كل الشباب داشين يبون يتعرفون؟؟؟


كل بنت محترمه تعرف تدبر امورها وتحافظ علي نفسها ... يعني اللي يبي يخدع البنت يقدر يخدعها ... ويخطب بالطريقه العاديه التقليديه ... ويطول فتره الخطبه بحجه يبي يخلص اموره ..ولما يشبع من الطلعات والتلفونات .... ينسحب بعذر قوي


الله الحافظ والله يبعد عنه عيال الحرام


واللي داشين يتطنزون علي الزواج بالنت ؟؟ عجبي .. عيل ليش مسوين اشتراك وداشين ؟؟ اذا نيتك مو صافيه ترا الله يمهل ولا يهمل


وسلامي
10/14/2010 5:13:05 PM
حل مشكله العنوسه السلام عليكم ورحمه اله وبركاته

اللهم صل علي محمد وال محمد


مشكلتنا هني بالكويت ... مشكله العنوسه بشكل كبير ... يعني اشوف حولي وحواليي بنات مثل الورد ... قاعد يكبرون ... ومحد يتقدم لهم لا شروط تكسر الظهر ولا شي طلباتهم جدا عاديه ... بس القطار طافهم ... مشكلتنا ان الريال اللي عمره فوق الاربعين اذا بغي يتزوج يي يتزوج وحه صغيره في بدايه العشرينات او حتي عمرها ١٨ .. طلباتهم متشابهه اهي بهالعمر تبي واحد كشخه تبي من يصرف عليها تبي سيارته كشخه ...ما تفكر بامور الزواج ..واهوه يبي يلبس شورت يبي يراكض معاها مني ومناك .. يبي يتشبب ... ما نقول لا ..عليهم بالعافيه ... بس نظرت الرجال للي عمرها فوق ال ٣٥ ان ما تنفع للزواج ... بس بالعكس ... ماكو عمر معين للزواج ولانجاب ..كل شي بيد الله .. اما الشكل ..بنات وايد اعمارهم فوق ال٣٥ اللي يشوفهم علباله حدهم ٢٧ سنه . ولو كل ريال ياخذ اللي كبره جان ما صارت عنده مشكله عنوسه


وسلامي
11/7/2010 8:08:22 PM
قصص زواج عن طريق الموقع khitba السلام عليكم


صحيح معاج بكل كلمه قلتيها ..للاسف انا عضوه جديده ...علبالي اكو رياييل يفكرون بالزواج ... طلع محد فيهم يفكر بالزواج ... وصج ماخذينها تسليه ... بس الله يمهل ولايهمل ..اللي يتسلي ببنات الناس ... الله يبليه بزوجه تتسلي فيه ..او ايي احد يتسلي ببناته
4/13/2011 11:56:10 PM
المرأة كذابه تبحث عن متعة التحرش وليس متعة الزواج اللهك صل علي محمد وال محمد

اهم شي تعليق الاخ طلال(يوم عنستني دشيتي الموقع)... طيب ليش الشباب يدشون الموقع ؟؟ في وقتنا الحالي ... الشاب اي بنت يحط عينه عليها ..يقدر يتقدم لها

ليش داش الموقع ؟؟


للاسف هناك الكثير من الشباب والشياب في الموقع يخدعون البنات ... باسم الزواج ... ويمكن تكون البنت علي نياتها وتصدق ... بس لا ينسي الرجل ان رب العالمين فوقه يمهل ولا يهمل ... ويبتيله الله بزوجه غير صالحه ..وربما تكون من اختيار امه دون ان تعلم

قال الله تعالي (الخبيثون للخبيثاتوالطيبون للطيبات)... من نيته طيبه وصافيه ..الله يرزقه الانسان الصالح (سواء زوجه او زوج)...ويبعد عنه ابناء السوء
4/14/2011 12:04:27 AM
الكذب فى المنتدى اللهم صل علي محمد وال محمد

اصبحت كلمه الخيانه كلمه سهله ... بافواه الناس ... يخون الرجل زوجته ثم يتوب اليها (لاحظ يتوب اليها وليس الي ربه ) ويتصالحان وكان لم يكن شي ؟!!
وتنسي المراه كل شي .

يالي كما قالت دكتوره فوز ا(ن نسمي الاشياء بمسمياتها الحقيقيه ..فلو كنا نسمي الخيانه بمسماها الحقيقي زنا .. لما تجرا احد وفعلها ) .


ايها الرجل عندما تخون فانك تزني ...وانت خنت امر الله قبل ان تخون زوجتك ....واطلب من الله المغفره قبل ان تطلبها من زوجتك
وانت ايتها الزوجه اذا غفرتي له قبل ان يتوب الا الله ..فان الله سيبتليكِ باشد من هذا .

يارب اجعلنا من يحلل حلالك ..ويحرم حرامك
4/14/2011 9:34:24 AM
المرأة كذابه تبحث عن متعة التحرش وليس متعة الزواج واكثر البنات تقولك لو تبي تجي تخطبني لا تقول اننه تعرفنه على بعض عن طريق موقع ارجوك اهلي ناس محافظين (( واحنا عيال ... مثلا )) ومايدرون عن هالامور فا قول عن طريق الاهل او الخوات ابليز !!!

فقط ليتذكر الاخوان والاخوات .... ان الكذب لايجوز شرعا .

فقط اخي الفاضل ...الفتاه تخجل من معايره الاهل لها انها تعرفت عن شخص عن طريق موقع او خطابه .... كثير من البنات اعرفهن .. تزوجن عن طريق خطابه ولكن يقلن انهن تزوجن من معرفه اقارب صديقه لهن وهكذا... ليس عيبا ولكن هناك ناس بالمجتمع للان عندها افكار خاطئه عن الخطابه والمواقع الخطبه .

للاسف الكثير من الاخوان ينتقدون دخول البنات هذا الموقع ..وبحثها عن ابن الحلال ... ولا يسال نفسه او ينتقد نفسه لماذا يدخل هنا ؟؟؟ اذا لا تريد فتاه تدخل هنا ..هل اعوذ بالله تريد التعرف علي شاب ؟؟؟

الرجل الشريف والمراه الشريفه ..لا يعيبها انهما تعرفا علي بعض من خلال هذا الموقع ....المهم النيه الطيبه ...وكل واحد ونيته
4/14/2011 9:37:43 AM
هل تؤيد التعارف قبل الزاواج ولا لا يوجد ما يمنع التعارف او بالاخص الرؤيه والتحدث من اجل الزواج في اطار الشرع ... والدين لا يمنع ذلك


والافض التعرف علي سلوكيات الاخر قبل الزواج .... حتي تبدا الحياه بدايه سعيده هادئه .... طبعا لابد من ان يكون كلاهما صادق معالاخر
4/15/2011 12:01:11 PM
المرأة كذابه تبحث عن متعة التحرش وليس متعة الزواج عفوا اخي الكريم ..ايضا كانت مداخله بسيطه ايضا

((عيل يوم كان عمرها بال20 شنو كانت تبي يشتري لها طياره يعني وسبب عدم زواجها اهي الطلبات اللي خلتها لي هالعمر ما تتزوج))

صحيح معاك حق بحاله هذي المراه ... بس ترا وايد حريم عندهم قناعه ان اهي رفضت وايد لاسباب معينه ...وبعد ماكبرت مو شرط تاخذ اي شي ومشي حالك

واحيانا يمكن تستغرب ...بس يمكن يمر فيها العمر ...ومحد طق بابهم ..لا كرها بالبنت او اهلها ...ولكن قسمتها جذيه ...وعقب ما كبرت وافهمت ...صار اهي تدور لنفسها ...واخيرا سواء موقع خطبه او خطابه .... الاهم اخلاق البنت والولد... اللي يخدع الاخر ... اكو رب فوقهم .اسمه المنتقم ..ينتقم من كل مخادع او مخادعه .
4/16/2011 5:09:11 PM
المرأة كذابه تبحث عن متعة التحرش وليس متعة الزواج اللهم صل علي محمد وال محمد


بس ابي ارد علي سؤالك .... اي داشه للزواج ...لان عندي ايمان ان الله يحفظني من اي شخص يبي فيني شر لاسمح الله ... واكو حدود بيني وبين من يراسلني ...ولله الحمد كل من راسلني بطلب الزواج كان محترما ...الا شخص واحد الله يهديه ...داش يكفر الناس اللي مو علي مذهبه علباله داش حرب ...وبلغت عليه الاداره .


انا ما ادش بنك مخادع (نك رجل ) ...فاذا خدعت الناس ..سياتي يوم ويخدعك الاخرون .

مادري ليش الناس تاخذ موقف من اللي يروح لخطابه او يدش موقع خطبه؟؟ ترا الامور عاديه جدا ..المهم الانسان وتربيته ..والله الحافظ


والله يوفقك بالزوجه الصالحه .
4/17/2011 11:29:26 AM
المرأة كذابه تبحث عن متعة التحرش وليس متعة الزواج يمكن كلامك صحيح قبل ١٠ سنين ... بس الحين ... اللي يبي التسليه مولاقي الا النت ؟؟؟ والله فراغه صراحه .... الظاهر ما تطلع صوب البحر وتشوف الشباب مع البنات وخاصه علي اليال صوب المرينا كريسنت ايام الدوام الرسمي .... اللي تبي التسليه ما اعتقد تفكر بموقع اسمه خطبه ... شكثر مواقع الشات بالنت .



وليش الهجوم عل الحريم ؟؟؟ ليش الريال عذره اذا غلط يقول المراه اهي السبب ؟ او لبس المراه اهوه السبب؟؟؟ ليش الريال خروف ؟؟ سوري عالتشبيه ... الله ما عطاه عقل ؟؟؟ زين ما خاف من رب العالمين ؟؟ ما يدري انه بيتحاسب مثل المراه ؟؟؟


واللي ما يعرف شنو خروف ... يروح يقعد بكوستا المارينا .... ويشوف الخرفان اللي ماشيه ورا الحريم .
4/17/2011 11:32:10 AM
رجال لا يعرفون الا الكذب اعجبتني مقالتك ... يعطيك العافيه

الرجل هنا كاذب ..عندما يضع في خانه الزواج >> زواج دائم ... ثم تراه لا يرغب الا بالمسيار ..او الصداقه ؟؟؟ يعني شنو مادري
4/17/2011 11:39:17 AM
من اقوى الحب ام المذهب اخي الكريم .... نسبه كبيره من الناس تطلقت او وصلت لحد الطلاق بالسنه الماضيه بالكويت ...بسبب الاحداث المذهبيه التي حصلت ...واثرت علي الاسره كل منهم يقول هو علي حق .

المذهب بالنسبه لي اهم من الحب .... اي اختلاف سيظهر عل الساحه سيؤثر عل الحب ... وسيكون الاوليه للمذهب

الاحداث الحاليه فقدت كم صديقه ... بسبب اختلاف الاراء ... وسبب البرودكاست .. الذي اصبح الناس ترسله بغض النظر ..هو يغضب الاخر ..ام لا المهم ارساله ...عقول لا تعي ما ترسل .

شكرا لصاحب الموضوع
4/17/2011 11:51:53 AM
الرجل الكويتي اللهم صل علي محمد وال محمد

الرجل الكويتي ... مهما اتتطنزوا عليه ...واستهزؤا به ... يبقي رجل محافظ .. يخاف علي بيته وزوجته واهله ... ريال شهم ... علي قولتهم عند ويهك ..اذا بغيته ..قلبه طيب ويحب يساعد الاخرين .

بعض الرياييل الكويتيين حريمهم ....حولتهم الي رجل ديوث ... ريال ما يغار علي اهل بيته ..يحب يشوف زوجته تكشخ للناس اللي بالشارع ...ياخذها مجمعات بملابسها الضيقه ومكياجها ... يحب يخلي الريايل الاخرين يحسدونه علي زوجته ....مسويها سبيل للاخرين .

الريال الكويتي ...الزوجه علمته الاتكاليه ... بالبدايه تبي تطلع بروحها ما تبيه ... تبي تتسوق بروحها ما تبيه ...وتعود انه ما يطلع معاها ... تعودت تشتري اغراضها بنفسها ...ويوم خربته تقول ...رياييلنا بس قاعدين عل القهاوي ..وعل التلفزيون .

الريال الكويتي ما عليه زود ... واحسن من الرياييل كلهم ... باسلوبه ..وكشخته ...ومعاملته ..وطيبه قلبه ...بس لا تخربه المراه
4/17/2011 12:04:53 PM
حالات الزواج عن طريق موقع خطبة اللهم صل علي محمد وال محمد

ما ضحكني الا الاخ اللي يقول محد يدش هني الا اللي ظروفهم صعبه وفقاره ؟؟؟؟ يمكن مايدري ان النت عليه اشتراك شهري ..يعني تدفع له فلوس !!

وبعدين ما اتوقع وحده تتجرا وتقول لاهلها ابي اتزوج ...زوجوني ... شلون يعني هنود احنا ؟؟ يروحون اهلها يدورون لها ريال يقولون له تعال تزوج بنيتنا ؟؟؟


احنا عايشين بمجتمع محافظ ..وعندنا عادات وتقاليد ...صج عادات وتقاليد تقهر ..بس شنسوي !! لولا هالعادات جان اكو بنات وايد حابين عيشه العزوبيه وما فكرت تتزوج ...بس كلام الناس وراها وراها ... احيانا بنات تتمني لعب مطلقه ..علشان تسكت حلوج الناس .

اذا الله بيسهل امور زواج شخص ... بيسهله ان شاءالله سواء نت او جامعه ..او حتي جمعيه ...يتسهل
4/17/2011 12:22:28 PM
الاماكن الترفيهية في الكويت امبييه لا ....صراحه الموضوع يفشل ... سوري اخوي اللي كاتب الموضوع .. قصدي عن ديرتنا


امبييه .... فلوسنا شكثرها ...وعندنا مدينه ترفيهيه وحده ..بقلعه وادرين ..واغلب العابها صارلها سنتين ..مختربه مو مصلحينها ... وحديقه الشعب العابها غاليه للي عنده جم ياهل ... وصراحه ما كو ترفيه للكبار ...صاله التزلج متروسه بويات وتلوع الجبد يبيلها اهتمام .. وبشهر الدق والرقص يقلبونها مسرح للهرج والمرج ...اللي يضحك نفس المسرح اغاني ورقص ..وثاني يوم اناشيد (اناشيد موسيقه؟!)


بعرف شنو اللي كل شي موجود عندنا ؟؟؟؟ انا ما اتكلم عن يهال مساكين مو شايفين انواع الترفيه بره الديره ...ومستانسين علي طفل المستقبل ..اللي اليهال المتروسن اسم الله عليهم ...او بعمر ٩ مالهم العاب فيه ؟!!

انا بتكلم عن البنات ...مثلنا ،ين نروح ؟!! نبي نلعب نبي نستانس للحين فينا شفاقه عل اللعب .... نبي نتطور ... نبي نتقدم حالنا حال الناس اللي حوالينا .خو ما نبي نطمع ونقول نبي ديزني ... او تلفريك نفس الامارات ... نبي مدينه ترفيهيه متطوره شويه .
4/17/2011 1:46:59 PM
سؤال مهم لكل بنت وشاب (واثق من نفسك فى جاوب) السلام عليكم
وين محللنا الذكي ... جنه هد موضوعه ؟؟؟ يمكن تزوج .. وترك الدنيا ومافيها

1- هل انت او انتى مقتنعه من زواج النت ؟؟
ما اقص علي نفسي واقول لا ... انا ما ادش مكان الا واثقه فيه ... اي مقتنعه بزواج النت ... احنا بعصر التكنولوجيا ... والخطابه ماتاخذ اقل من ٥٠٠ عل الراس ...واللي يدفع لها اكثر تدورله اسرع ؟!!
2- هل ان اصبح توافق بينكم تصارحون اهلكم من اين عرفت بنتنا او العكس؟؟
انا سالت رجل دين ... وقال لا يجوز خداع الاهل ..والمفروض التصريح ..يعني اذا صار فيه سؤال المفروض يكون الجواب صريح ...يعني اوافق عادي
3- كيف تضمن ان التى اخترتها ..اخترتيه .. لم يكن هدفه ان تكون سلم وصول؟؟؟
ماراح اعرف ..بس عندي رب العالمين قال (ادعوني استجب لكم ) .. وانا اللي علي اني ادعي رب العالمين يكون انسان زين ..واللي يبيلي المضره الله يبعده من طريجي
4- هل لو اصبح خلاف بينكم وقال ( انتى عرفتك من انتلانت نت وضفيتك فى بيتى ) ماهو الرد..؟؟
لك الشرف انك عرفتني ..ولك الفخراكون زوجتك ... وانت بعد زوج انترنتي .
5- هل تثقين,,تثق.. ان الشاب جاد فى الاختيار ويسعى للهدف الى تسعين له؟؟
اعتقد عندي ثقه ٧٠ ٪
6- كيف اضمن ان هذه .. هذا .. لم يخنى ويلعب من وراىئ..؟؟
انا ما راح اعرف حتي بالزواج التقليدي ... الله اللي يعرف سبحانه وتعالي ...،اذا كان الانسان طيب الله يرزقه الطيب (الخبيثون للخبيثات والطيبون للطيبات)

شكرا عل الموضوع
4/18/2011 1:54:26 PM
من اقوى الحب ام المذهب كلمه فقط لك اختي الكريمه .... الحب مو بيدنا ...الحب ما يطق باب القلب ..يدخل علي طول

باعتقادي مافيها شي احب ريال قبل الزواج (طبعا هناك نيه للزواج)... مثل ما قلت مو بيدنا ... يمكن حبيت اسلوبه معاي او احترامه وخوفه علي لانه ناوي يتزوجني ... ف حبيته ..دش قلبي وانا مادري .. واذا ماصار زواج ... اكيد بيظل بالقلب ..طول العمر << سوري طلعت من الموضوع
4/18/2011 2:03:53 PM
بيلاتيس هل هى تمارين ام اسلوب حياة ؟ السلام عليكم

انا مشتركه بنادي بيلاتس اند مور ...روعه ... يعتمد بتمارينه علي الرقص اللاتيني والهيب هوب ... واايد في حركات رياضيه ..صحيح متعب ولكن يشجع صراحه

والان موضه الكلاسات الرقص ... علشان الناس تشترك بالنوادي وتقبل عليها .


واايد عجبني
4/18/2011 2:11:56 PM
كيف اتخلص من العنوسه السلام عليكم

مشكله ان تعنس البنت ...وهي بشبابها ونشاطها ...اقصد اللي يشوفها ... يعطيها عمر اقل من عمرها الاصلي ب ١٠ سنوات او اكثر .. دائما ما نشوف اللي يلتفلت لها الا صغار السن ..واللي بعمرها يعتقدون انها كبر بناتهم

انا اقترح .. يعطون منحه قرض زواج ثاني ... للرجل ..علشان تنتهي مشكله العنوسه ... احيانا تجد رجل زوجته مريضه ...او لا تنجب ...ولا يريد ان يظلمها ويطلقها ...وليس لديه امكانيه الزواج باخري ...هكذا تحل المشكله .... طبعا لا اتكلم عن المتزوج الذي زوجته بصحتها وعنده عيال .


مشكله ثانيه ... عندنا الرياييل بعمر ال ٣٧ وما فوق ...يروح يتزوج بنت عمرها ٢٠ او ١٨ ..هنا يترك من فيه عمره وياخذ حق غيره ..وهم الشباب اللي بعمر البنات هذيل ٢٠ او ١٨ ... ويخرب التركيبه

وشكرا للموضوع ....شكثر قرقت علي روسكم
4/19/2011 4:41:56 PM
كيف اتخلص من العنوسه اللهم صل علي محمد وال محمد

اخي الفاضل شلون يعرف مواصفاتها ؟؟؟ هل الجسد فقط ؟؟؟ ان اغلب اللي عمرهم فوق ٤٠ مكرشين ومترهل جسمهم ... لا تقول جسم الريال ما يعيبه ... لا انا اتكلم بوجهه نظر بنت ...وراي بنات واايد ... مهم عندها الشكل ...مثل ما يهم الريال شكل المراه ... ترا اصابع ايدك مو سوا ...اكو رياييل يحبون العصاقل ...واكو رياييل يحبون المراه المتروسه ... مثل ما اكو بنات يحبون المعضلين ...وبنات تلوع جبدهم من المعضلين .


اكو رياييل للاسف يتزوج الشهاده ...مو الشكل .

انا ابي كل ريال يطالع بويوه الحريم ... ويعرف من الشكل منو العانس ومنو الغير عانس ... الكثير يعتقد ان العانس ... بنت مافيها لا حلاه من ناحيه الجسم ولا الشكل ...وباين عليها خطوط العمر .... هذا تفكير الريال او الناس بشكل عام بالعانس .

افضل اني اعيش عانس ولا اني اتزوج واحد ..يبي يكمل حياته مع انسانه ...بس يطالع معاها تلفزيون ويقزقز لب ...وكان الله غفورا رحيما
الصفحات 1 2 3 4 5 6 7 8
تسجيل faq AspNetForum v.0.0.0.0