|
صفحات
1 2 3 4 5 6 7 8 9 |
|---|
|
1/18/2009 3:54:26 PM
|
AsEErA
Posts 12
|
السلام عليكم
انا بغيت اقول رايي بشباب الموقع
اصابع ايدي مو سوى بس في شباب بصراحه داشين حق اللعب وتقزير الوقت وزواج متعه وزواج مسيار او اللي متزوج والمشكله ان عايش مع زوجته ويبي ثانيه وبالسر يبا احنا مادشينا هالموقع الا ان نبي زواج شرعي وعلني مو سوالف الخش والدس حالنا من حال بنات خلق الله نبي نستقر ونفرح ونرتاح وبليز اللي يقرا رايي ويكون من النوع المرفوووووض لا يفكر مجرد تفكير ان يدش على سيرتي الذاتيه والله يمكن 10% اللي جديين بالموضوع ولا ايي واحد بس يبي يكون صداقات ويبي يطلع وهالسوالف يبا ليش انتو ماعندكم خوات تبون لهم الخير عالعموم لو بقعد اكتب من اليوم لي باجر ما راح اخلص بس عالعموم ترى في شباب زينين وجديين انا ما عميت عالكل بس نسبتهم قليله كلش واللي يجوف نفسه مو قد الشي لا يدش هالموقع اسااااااسااااا
اتمنى كلام مافيه اي تجريج واسمحولي اذا كثرت حجي او ضايقتكم بس الصراحه شي اساسي بحياتي
الجميع موفقين ان شاء الله
|
|
1/21/2009 1:54:17 PM
|
badernona
Posts 1
|
رساله لاخواتي. ارجو تقدير ظروف الشباب اللي يبون يتزوجون بالسر والبيوت اسرار.
اما الشباب اللي ماخذين التواصل مع الاخوات بالموقع على سبيل الهزل واللعب ... فارجو منهم ان يخافون ربهم ويفكرون بان الاحتمال ان اختهم او بنتهم تكون اهي اللي قاعد يتواصلون معاها ... لهم اقول " حب للناس مثل ماتحب لنفسك " وربي يفتح على الجميع ويحل عقد جميع اخواتنا ويرزقهم انشالله بالزوج الصالح ويعطيهم مايتمنون.والتوفيق والخير من الل والشر من انفسنا. ودعواتي للجميع بالصلاح.
|
|
1/24/2009 3:14:03 AM
|
SARA.2
Posts 2
|
السلام عليكم ،،، اشلونكم حبوبين شخباركم ؟؟
من كلاكم أحس انكم ناس فاهمين و عاقلين ،،، بس قولوا لي و عطوني رايكم ،،،
آنا ما صار لي ساعة ع بعضها من تسجيلي بالموقع ،،، 4 او خمس رسايل يتني ع الخاص ،،، و لا واحد لا أعرفه و لا اعرف شي عنه يقولي ابي ايميلج ،،، قلت له آآسفة ما اضيف شباب عندي ،،،، رد علي : آنا ما صدقت لقيت وحدة بعمرج و أبي امتلكج !!! ،،، قولي لي انتي متحجبة و لا لأ و وين تدرسين بالضبط ،،،، آنا كنت بصرفه بس بطريقة غير مباشرة يعني أثفل دمي عليه هع ،،، قلت له آنا ما أدرس آنا أشتغل طقاقة خخخخخخخخخخخخخ ،،، قالي يا نحيسة بالقطارة تعطين معلومات ،،،،،ابي صورتج و انتي تشبهين منو بالضبط صج ابيج حقي و من هالكلام ،،،، قلت آنا مو راعية هالسوالف و عطيته محاضرة طويلة عريضة عن ان البنت سمعة و آنا ما ارضى اضيفك .......... إلخ ،،،، زعل و ما رد ،،،،،،،،،،،،،،،،،،،،،،،، الثاني عمره 45 بس امانة التفكير و طريقة الأسلوب ما تدل ،،،، قال قوة ابي ايميلج ،،،،،،،،،، ع طول جذي بدون ما يعرف اي شي عني ،،،،،،،قلت له آسفة ،،،، هم بعد زعل ........
هل صج الموقع حق جذي ؟؟ واحد يبي صورة و الثاني ع طول ايميل ،،،، طبعا من كثر الرسايل ما اتذكر بالضبط ،،،، آنا مو داشة عشان كل واحد يتسلى فيني ،،،، و الله ما صار لي ساعة ع بعضها ،،،،، آنا ما اقول ان كل الشباب جذي بس أمانة نبي من يوقف اللي يبي يتسلى عند حده
و مشكووووووووووووووووووووورين حبايبي
|
|
1/24/2009 4:33:55 AM
|
wled
Posts 3
|
مشالله من خلال اطالعي على ردود اخواتنا رواد الموقع..لاحظت ان اغلبيتهم يكلمون اثنين وثلاثة واربعة وممكن يوصل العدد للعشرين والثلاثين وفوق ما نتصور..ابي وحدة بس منهم اتجاوبني ابصراحة على سؤالي وبدون لف ودوران وفلسفة مالها اي داعي..هل تتوقعين ان في واحد يطق بابج ويخطبج من اهلج لما يعرف ان انتي كلمتي نص شباب الديرة وحتى لو كان بالنت ومن غير مايشوفج..ما اعتقد في احد يقبلها على نفسه ان تكون شريكة حياته بهالمواصفات وتحفظه وتحفظ بيته في وجوده وغيابه لما ياخذها باجر..انا فعلا كنت ناوي اني اتزوج عن طريق النت بس لما شفت مستوى البنات غيرت فكرتي 360 درجة وقلت احسن شي ارجع حق عاداتنا وتقاليدنا اللي مشوعليها اباءنا واجدادنا..لأن بالنهاية ما يصح الا الصحيح..وارجو ان الكل يحترم وجهة نظري وصراحتي اللي ممكن الاغلبية اذا مو الكل ما تعجبه ولا يأيدني فيها
|
|
1/24/2009 7:23:50 PM
|
SARA.2
Posts 2
|
wled كتب:
مشالله من خلال اطالعي على ردود اخواتنا رواد الموقع..لاحظت ان اغلبيتهم يكلمون اثنين وثلاثة واربعة وممكن يوصل العدد للعشرين والثلاثين وفوق ما نتصور..ابي وحدة بس منهم اتجاوبني ابصراحة على سؤالي وبدون لف ودوران وفلسفة مالها اي داعي..هل تتوقعين ان في واحد يطق بابج ويخطبج من اهلج لما يعرف ان انتي كلمتي نص شباب الديرة وحتى لو كان بالنت ومن غير مايشوفج..ما اعتقد في احد يقبلها على نفسه ان تكون شريكة حياته بهالمواصفات وتحفظه وتحفظ بيته في وجوده وغيابه لما ياخذها باجر..انا فعلا كنت ناوي اني اتزوج عن طريق النت بس لما شفت مستوى البنات غيرت فكرتي 360 درجة وقلت احسن شي ارجع حق عاداتنا وتقاليدنا اللي مشوعليها اباءنا واجدادنا..لأن بالنهاية ما يصح الا الصحيح..وارجو ان الكل يحترم وجهة نظري وصراحتي اللي ممكن الاغلبية اذا مو الكل ما تعجبه ولا يأيدني فيها
ما أقول الا صح كلامك أخوي و عين العقل ،،،، بس بقولك عبارة اتوقع مليتوا منها //// أصابع ايدك مو سوا ،،،، و آنا شكلي بطلع من الموقع لأن الشباب مسويني تسلية و تقزورة ،،،، أقولهم ما أكلم شباب أصرفهم يلزقون زيادة ،،،،يقولون عيل ليش داشة الموقع ؟؟ ،،،، يعني آنا أدش الموقع عشان تعارف و حب مثلا ؟؟ يبه آنا مو من هالنوع و اذا وجودي مضايقهم بطلب من الادارة توقف اشتراكي و اطلع ،،،،، آنا أطلب منكم ااخواني و خواتي و من الادارة توقفون هالناس عند حدها ،،،، غريبة و الله البنت المحترمة ما يقدرونها و لا اللي مو محترمة هم مو عاجبتهم
آآآآسفة ثقلت عليكم بكلامي بس و الله انقهرت
|
|
1/24/2009 8:47:47 PM
|
M.2009
Posts 1
|
السلام عليكم ورحمة الله وبركاته
احب اشاركم في الملاحظات على بعض الشباب الموجودين بالموقع
مع احترامي للجميع...في شباب جادين وتسولفين معاه بالشات الموجود بالموقع وتفاجأين انه مايبي يتزوج بل بالعكس يبي يطلع ويقابلج ويكون صداقه حميمة وحب ومن هالسوالف
يا جماعه احنا مو صغار على هالسوالف وبعدين الشرع ما يرضى بهالشي في امور لازم نراعيها وخصوصا احنا بنات عوايل محافظة بتقاليدها وعاداتها في شي اسمه رؤية شرعية واقعد مع البنت بوجود محرم وسولف معاها براحتك وصدقوني الله يبارك لكم بهالزواج
انا ما أبي الا الستر والعفة واقدس الحياة الزوجية بس المشكلة اللي الناس تشوفها فيني ان عندي يهال!! مادري ليش مسوينها مشكله صدقوني اقدر اوفق بين بيتي وعيالي وزوجي .
احنا احتدينا على هالموقع لأن للاسف قل التواصل بين الناس ومحد قام يعرف الثاني حتى لو جيرانك والله ماتدري عنه شي ومن جذي قلنا من خلال هالموقع يمكن يكون في تواصل بين العوايل بحدود مشروعه قدر المستطاع.
اتمنى التوفيق للجميع بالخير يا رب واللي كاتبه الله راح يصير بإذنه تعالى.والسلام عليكم ورحمة الله وبركاته.
اختكم M2009
|
|
1/24/2009 10:35:16 PM
|
hbone89hotmai
Posts 1
|
السلام عليكم
انا عبدالله
كلمت وحده في الماسنجر بغيت استخف دخت والله دوختني
بس هذا الي حبيت اقوله
وشكرا
|
|
1/25/2009 10:48:49 AM
|
corvette
Posts 3
|
ولله مادري شقول بس ترى مو كل الشباب مو زينين في جذي وفي جذي وانا شخصيا الحمدلل اخاف الله ببنات الناس وان لقيت انسانه تستاهل تكون زوجه ماراح افكر والله الموفق
AL-FTEEN شوشو
|
|
1/27/2009 2:35:48 AM
|
WWDPTDDT
Posts 1
|
السلام عليكم ورحمة الله وبركاته
الموقع كان أكثر من رائع الحقيقه هذه أول تجربه لي في البحث صادف بنات كثير وتكلمنا في مجاملات ... لكن الحمدالله كنت صادق مع الكل الموضوع غير بسيط وأقتنعت أنه يحتاج
فتره أطول لأختيار المرأه المناسبه أرجوا من الجميع الصراحه لأن أحنا بشر مو معقوله الأنسان يمثل ويخدع الأخرين ويكذب راح يكون مرتاح في شئ أسمه ضمير وفوقنا الله سبحانه
قبل كل شئ الموضوع حساس يتعلق بسمعه وشرف
أتمني التوفيق للجميع
|
|
1/31/2009 5:15:54 PM
|
TALAL_4488
Posts 362
|
مساء الخير على الكل
مثل ما تكرمتو هالموقع هذا فيه الزين والشين من الصوبين ( صار بيت شعر)
في بعض الشباب للامانه ما دخل الموقع هذا اله وهو حاط براسه انه يبي يلعب على بنات الناس يقولك خل اضحك عليها واعيشها بحب وزواج الخ
وبالاخير يتبين لها انه مو جاد
ووو بــس
تحياتي
|
|
2/4/2009 11:21:13 AM
|
meme83
Posts 70
|
هههههههههه والله ضحكتوني مبدعين الشباب في بروفايلاتهم
انا الصراحه لاحظت اغلب اللي هني مطلقين و عندهم و عيال و مع اني كتبت مابي مطلق وماكو فايده هههههههه الظاهر مايقرون .
للامانه جد مافي مصداقيه عند اغلبيه الشباب للاسف اغلب اللي مروا علي سولفت معاهم مسن وماطولت معاهم .
و ردا على كلام اخوي اللي قال انه رفض فكره زواج النت لان البنت تكلمه و تكلم غيره بهالسايت لازم البنت تاخذ وتعطي مع الشخص اللي جدامها عشان تعرف اذا يناسبها او لا ! مومعقول اتم قاعده بمكانها و ساكته و تنطر المستر رايت ؟ .. اذا الكلام بالنت كان محتـــرم و صريح و جاد ماعتقد فيه شي او عيب خصوصا انه بالنت يعني لايعرفها ولا تعرفه و بينهم شاشه الله يهداك بس و البنت اللي تتكلم عنها اهي البنت اللعوب فلو سمحت لا تعمم مع احترامي لك و اذا على عاداتنا و تقاليدنا فلها احترامها و مكانتها ماتغيرت .
شكرا والله يوفق الجميع لما يحب و يرضى
|
|
2/15/2009 5:24:15 AM
|
qamra
Posts 1
|
أنا جديدة بالموقع بس صج بعض الشباب هني داشين بس حق اللعب والخرابيط وما يصدقون يشفون وحده يديده على طول يدزون ارقامهم اتمنى القى واحد جاد يفهمني انا ما ابي الا الزواج والي يرضي ربنا ..... وشكرا
مع تحيات____ قمره
|
|
2/15/2009 1:03:33 PM
|
hannawy
Posts 1
|
مساكم الله بالخير جميعاً
يعطيكم العافية
انا هاذي اول مشاركة لي في المنتدى واتمنى التواصل مع بعض والتوفيق للجميع ![]() 
|
|
2/15/2009 1:19:41 PM
|
AsEErA
Posts 12
|
السلام عليكم
حبيت اقول حق اختي صح كلامج المفروض الواحد مايعمم لان اصابعه مو سوى ومو حلوه الواحد يحط بذمته واذا على الشباب اقولج شغله عشان تضحكين تخيلي واحد داش على بروفايلج ومطرشلج رساله وان انسان جاد وحالته حاله مشتط تخيلي بدون مايسال عن الاخلاق والدين والاسلوب ترك كل هذا ويقول ابي اشوفج والمج (سمحولي على هالكلمه) عشان اعرف انتي تصلحينلي او لاء تخيلي شنو هالمستوى هذا تمنيت شي واحد بس والله اني احطه وادووووسه عبالهم انا احنا يهال ولا نلعب ولا شنو وين قاعدين احنا شنو هالحجي والله لو يخلصون رياييل هالدنيا كلهم ومايبقى غير واحد يقولي جذي عشان اتزوجه قسما بالله اقضي عمري بدون زواج ولا اروح اسوي هالشي يبا عيب مافي احترام ولا ذوق ولا شي وغير اللي داشين يبون صداقات ياخي انتو جفتوا ان موقع زواااااااااااااااااااج صداقات شكووو والله اتمنى البشر اللي من هالنوع يحسون على دمهم شوي لان والله صج ارفعوا ضغطي يبا احنا بنات ناس ومتربين احس تربيه الحمدالله واظن ان اهم عندهم خوات بعد مثل ماتخافون عليهم خافو ربكم فبنات الناس تراهم مو لعبه بيدكم والله عيب ترى محد بيسوي يواته ويرتاح والله لان كما تدين تدان اذا ماصارلك الشي الحين بخواتك او اهلك بيصيرلك بعيالك او اقرب الناس لك في حجي وايد والله عيب اني اذكره خلوا الاحترام موجود حتى لو مو داشين بنيه زواج
اسفه اذا كلامي فيه اي تجريح بس بصراحه الواحد مايقدر يسكت عاللي يشوفه اتمنى التوفيق للجميع ان شاء الله
بحفظ الله
|
|
2/21/2009 2:43:20 AM
|
Lawyer_ZARA
Posts 11
|
خوووووووووش موضوع
بس انا يديده وماعرفت أحد بالموقع
وان شاءالله بستفيد منكم
شكرا 
|
|
3/15/2009 3:24:05 PM
|
ajmn2000
Posts 1
|
والله يا اختى المحامية زارا والاخوات المحترمات الثانيات..النت مشكلته ان الشخص يخفى شخصيته وراء الشاشة ومن السهل انه يتكلم ويوصف نفسه..لكن الواقع والمحك هو الاحتكاك الشخصي يبين اكثر الشخصية ومصداقيتها ..وفى النهاية لايوجد شىء قبيح فى هذى الدنيا لان الله جميل وسوا كل شي جميل..احنا البشر اللى نخلق القبح والجمال بتصرفاتنا....والحب الحقيقى لله عز وجل ..احنا ضيوف فى هذى الحياة..الزواج مشوار من مشاوير الحياة
|
|
3/16/2009 3:00:17 PM
|
RREEEMM
Posts 3
|
بسم الله الرحمن الرحيم
انا حدي مصدومه من الشباب اللي موجودين بالموقع
انا امس مشتركه ومن امس لليوم هذا وصلتني 50 رساله و40 شخص اللي اظهرو لي اهتمام
واللي حارق قلبي انهم كلهم يقولون هلا حياتي انا عجبني بروافايلج و كتابتج واللي زاد الطين بله اني مو كاتبه شي بالبروافايل
والله ديرو بالكم يابنات من اللي مثل هذيله جذااابين وداشين يبون يلعبون
جنه ماعندهم خوات واهل يخافون عليهم
انا بطلت من هالموقع خلالالالاص من اولها جذب الله يستر من اللي ياي
|
|
3/18/2009 5:25:51 AM
|
BoBandr
Posts 1
|
el7saweya كتب:
واللي على راسه بطحة يحسس عليها .... أبي رايكم بنات عن شباب الموقع ، كل اللي بخاطركم قولوا ..
انصافا ً للرجــــــال ::
والباتـ عطونا رايكم فيهم ؟؟
|
|
3/26/2009 11:31:28 PM
|
yooho.com
Posts 7
|
صراحة في هذة الأيام ما في مصداقية كلمن يجذب وويألف وما حد صريح القليل ما انشوف واحد صادق ومو المشكله مو بالشباب حتى البنات ابسرعه يصدقون وهذا كل بسبب الظروف الي ايه عايشتها الله يعينه اما امطلقة او ارمله او عانس ابسرعة تنجرف ابمشاعرها بس انا اقول خل اتكون قوية واتكون مع الله ولا تبالي في هذي الدنيا والله يرزقها بلي يستاهلها وسامحوني اذا طولت عليكم.
تحياتي******
yooho.com
اللهم يا مقلب القلوب ثبت قلبي على دينك.
|
|
3/27/2009 10:06:33 AM
|
QumarNajd
Posts 51
|
Weld اقول لك نصيحه : الزواج التقليدي او النت ..لازم تختار وحده تخبزها عدل وتقتنع فيها واتحبها واتحب حتي عيوبها ,, لأن اللي بتاخذها من زواج تقليدي اهي داشه النت او بره النت اكيد عندها سوالف حتي لو صغيره ياما تحت السواهي دواهي . وفي شئ مهم ممكن ما تحصله بالزواج التقليدي الا وهو "الحب" هالشئ ماتقدر تتحكم فيه واحساس محد يفرضه عليك وصعب الحصول عليه . والله يوفقك وتلاقي اللي تستاهل
|
|
صفحات
1 2 3 4 5 6 7 8 9 |
|---|