|
10/26/2008 7:51:59 AM
|
|
الحذر: الوجبات السريعة تسبب الإدمان
|
انا لو بيدي اسوي مسابقه منو احسن واحد او وحده تطبخ بيتها
لان محد قام يطبخ في بيته واكبر دليل لو تروح المطاعم مثل ميس الغانم انطر على ما يييك الدور
اخوك/ خالد
|
|
10/26/2008 1:14:46 PM
|
|
تتعد الزوجات............ بس الرفض والقبل
|
guest_q8 كتب:
موضوع يستحق انه الواحد يبدي رأيه فيه , طالما الله سبحانه وتعالي حلل للرجل الزواج باربع نساء فله حكمه بالهشئ سبحانه , فالله لا يحلل شئ الا لاسباب فيها مصلحه للناس فهو خالقهم وعلام الغيوب , فاذا رجعنا لرفض المرأه انه زوجها يتزوج عليها انا عندي سؤال هل الافضل انه زوجج يتزوج عليج يالحلال او انه يخونج ويروح للحرام ؟ السؤال الثاني هل الافضل انه زوجج يطلقج وتروحين بيت أهلج او انه يتزوج عليج وتستمر حياتكم واعيالكم يتربون بوسطكم؟ انا ريال وأتكلم من منطلق اني عارف شنو مشاعر الريال لما يفكر انه يتزوج على مرته صدقوني خواتي في رياييل يتزوجون على حريمهم واهمه يحبون حريمهم ويكنون لهم كل الاحترام لكن يشوفون انه مره وحده ما تكفي او تلبي رغباته فعشان جذي يتزوج عليها لانه ما يحب يمارس الحرام , والحين ابي اتحرش فيكم يا بنات وعندي سؤال لكم , لو كانت العصمه بيدج هل راح يطول زوجج عندج ؟  السؤال الثاني لو محلل لكم الزواج بأكثر من ريال هل راح تتزوجون على رياييلكم ؟ السؤالين هذول عشان تعرفون شلون انه الريال صبور ويتحمل .
--------------------------------------------------------------
مشكور اخوي الغالي على قراءتك للموضوع والاسلام حلل للريال يتزوج باكثر وفقا للشروط اللي وضعها الدين الاسلامي
وبالنسبه لاسئلتك راح ننطر البنات شلون راح يكون جوابهم والله الموفق
اخوك/خالد
|
|
10/26/2008 1:16:06 PM
|
|
تتعد الزوجات............ بس الرفض والقبل
|
serious كتب:
الرابط ادناه كتاب جميل وشرعي يتحدث عن فضل تعدد الزوجات
www.islamhouse.com/p/166705
--------------------------------------------------
مشكور اخوي وجزاك الله خير على الرابط اللي يستحق يكون في المفضلة
|
|
10/26/2008 1:20:57 PM
|
|
المشاكل الزوجية ..... هل تستحق الطلاق؟
|
guest_q8 كتب:
مشكور اخوي خالد على طرح الموضوع عشان يستفيد منه الكل .
أخوي مستحيل في اثنين متزوجين ما صار بينهم شد بالكلام او تهاوشوا انا اعتبره من سابع المستحيلات , لكن العقال اهمه اللي يتمالكون اعصابهم وما يخلون العاطفه تتغلب عليهم , في مشاكل يمكن حلها وتستمر حياتهم , وفي مشاكل يصعب حلها مثل ريال دايما ييي البيت سكران وما يدري عن بيته ولا عن عياله ولا زوجته , هذا الشخص طبعا صعب العيشه معاه اذا ما ترك اللي هو فيه والتفت لاهله وبيته فالانفصال عنه يكون أحسن من القعده عنده , أو شخص مو قد المسئوليه اربعه وعشرين ساعه بره البيت والا مسافر هم هذا اذا ما تسنع تتركه زوجته ابرك لانه مو قد المسئوليه.
وهم في حريم العيشه معاهم صعبه وما نقول دايما الريال اهوا على غلط هم في حريم يغلطون مثلا وحده تصر على زوجها انه يطلعها بشقه ويطلع من بيت أهله هم هذي اذا ما تسنعت الابرك توديها بيت أهلها .
بالنهايه الاثنين الزوج والزوجه لازم يكونون متفاهمين ويعرف كل واحد فيهم شنو الثاني يحب وشنو اللي يزعله عشان تستمر حياتهم وما يكونون العيال اهمه الضحيه ويفكرون بعيالهم ويحطونهم بعيونهم .
أحــــمـــد ***
------------------------------------------------------------
يعطيك العافيه اخوي الحبيب (احمد) على كلامك الطيب
ومثل ما قلت وتكرمت ان الحياه الزوجيه حياة مشتركه بين الريال و زوجته
وكل واحد لازم يكون قد المسؤووليه اللي الله كرمه فيها
وان كل شخص يضع جدامه عياله وتربيتهم و عيشتهم
اخوك/ خالد
|
|
10/26/2008 1:28:04 PM
|
|
الزواج السري اوالمسيار.......لماذا؟
|
al3aber كتب:
السلام عليكم ورحمة الله وبركاته
موضوع وايد حلو ولكن للأسف نفتقد المصدايقه في ا لاجابه عن اسئلتنا بدون التحيز للنوع ( تحيز المرأه للمرأه ) و ( الرجل للرجل ) لماذا لا نرجع كل شئ للشرع بما اننا نتحدث عن امور شرعيه ...
التعدديه : التعدديه امراً شرعي وسنه نبويه .
هل السيده توافق على التعدديه حتى لو كانت مؤمنه بالرغم من ايمانها ومعرفتها التامه بان التعدديه شئ صحيح في ديننا ولا يجوز لها الاعتراض عليها خصوصاً اذا كان الزوج يراعي الله فيها ، لكن طبيعتها كأنثى ترفض ذلك ولا تتخيل ان يشاركها احد في رجلها .
اذا قلنا بان عدد السيدات كثير والتعدديه تحل كثير ... وتقطع الطريق امام الرجل والمرأه للوقوع في المحرمات .
اما مسأله الخوف التي اثارها الاخوه والاخوات
فهناك نظره اخرى لابد ان ننظر بها الي الامر ، اذا اقدمت على الزواج على زوجتي فلابد ان اعلمها اكيد بما سوف افعلم ، لكن انظروا ماذا سيحدث لها اكيد سوف تنهار من العويل اذا كانت انسانه لا تصرح ولا تندب ولا تفعل امور كثيره السيدات يعلمونها جيداً ومن الجائز ان تؤدي هذه الهوشه الى الطلاق .
ونرجع الى اول الطريق من جديد ... اصبحت مطلقه وسيأتي لها من يتزوجها على زوجته فترضى ... لما رضيتي وكنتي معارضه قبل ان تطلقي .
هل لو وافقت بطوع نفسها كانت سوف تطلق ... وتعيش سعيده مع زوجها ويراعي فيها الله عزوجل ، ام اعتراضها وطلاقها ورجوعها الى ان تتزوج من انسان متزوج هو الحل .
الا لو وافقت وارتضت وامتثلت كان افضل .
هل الحب يمنع التعدد ... بمعنى اذا تزوجت انسانه احبها ... وتزوجت عليها ... ما رد فعلها ... هل الرجل ملكيه خاصه للمرأه لا يمكن ان يتزوج عليها والا انهارت السماوات على الارض من فاجعة الجريمه التي ارتكبها .
حواء : لما شرع الله التعدد للرجل ولم يشرعه للمرأه . اذا احسنتي الجواب ... علمتي الحكمه .
ما شرع الله شئ الا لمصلحة البشريه .. فرضي بامر الله واريحي نفسك واطيعي ربك .
اعتذر للأطاله ... ونلتقي في القريب العاجل
العابر
---------------------------------------------------------
مشكور اخوي عابر على كلامك الجميل
بصراحه قلت اكثر من نقطه رائعه
مثل ما تكرمت ان تعدد الزوجات لا يقلل من حبهم
واذا كانت الزوجه ترفض ان زوجها ييتزوج عليها وبعدين يطلقها وتتزوج واحد متزوج وعنده عيال .....تكون خسرانه وضعيت حياتها على الفاضي
اخوك / خالد
|
|
10/26/2008 1:30:43 PM
|
|
:: اسباب العنوسه ::
|
arwaaa كتب:
فعلن العنوسة الحين صارت وايد وما اعرف شنو اسبابها يمكن من اهل او ما ادري
----------------------------------------
للاسف العنوسه انتشرت لاسباب كثيره ذكروها الاخوان فيما سبق
|
|
10/26/2008 1:36:45 PM
|
|
فوائد التدليك ( المساج)
|
صباح النور
مكشوره على المعلومه الجميله
بصراحه شي رائع العلاج النعكاسي
على الاقل يريحنا من التحاليل وغيرها
اخوك/ خالد
|
|
10/26/2008 6:48:12 PM
|
|
المشاكل الزوجية ..... هل تستحق الطلاق؟
|
gem كتب:
هذه وصفو راجو الهندي تطول عمر ( مو شعر ) الزواج اتمنى لكم الافادة منها
و كافينا طلاق شباب و بنات ... ترى الاحصائيات و الله تخوف ... فتثقفوا و اتعضوا
-------------------------
هذه وصفة هندية رائعة للزواج السعيد و المثالي الخالي من المشاكل
-----------------
كومار يسال راجو ... سنو انت في سيكرت مال في انت جواج ( زواج ) بهوت جين ( زين ) ... خلونا نحول اللغة لانه مو فلم في قناة تو لحظة ...
قال له راجو ...الحقيقة احنا بالبيت متفاهمين و موزعين المسؤوليات الكبيرة لي و الصغيرة لها و نطبق هذه المسؤوليات بكل حب و احترام متناهيين !!
ساله مرة ثانية ... اشلون بالله ممكن تشرح لي
انا اخذ القرارات المهمة و الكبيرة في البيت و زوجتي الحبيبة !! تاخذ القرارات الصغيرة .. و ما نتدخل على فكرة في مسؤوليات بعض
رد الملقوف و سال ممكن تشرح بتفصيل اكثر
قال له طبعا يا عزيزي ... زوجتي مثلا هي اللي تتخذ القرار حول نوع السيارة اللي نشتريها و الثلاجة و الاثاث و التكييف و متى نروح للشاليه ( لا قوية هذه هنود و شاليه ) ( مونتاج ) متى نروح نزور الاهل بالبلد دراسة العيال و هكذا
رد ... زين و انت شنو تقرر اصبح .. قال له شوف حبيبي ... انا اقرر اذا كان المفروض بوش يهاجم العراق ... اقرر للحزب الجمهوري قيمة ضريبة الدخل ... اقرر اشلون يتعاملون مع القاعدة ... اقرر شنويسون بحق الدكتاتور مال زمبابوي ... و صدقني راجو طول الوقت زوجتي حبيبتي موافقتني و ابدا ما عمرنا اختلفنا
----------------
يا عيني و الله على التقسيمة ...
الحين يا رياييل الكويت لو تطبقون نظرية كومار و الله ترتاحون و عمركم يطول ... جذيه كل شي متفق عليه و مو ممكن تختلفون و تعيشون بسبات و نبات و تخلفوا ورعان وورعات
------------------------------------------------------------------
مشكور اخوي الغالي جيم ومواضيعك المميزه والبناءه دايما تكون من نصيبك لانك انسان واعي ومثقف وفاهم
بالنسبه لتوزيع المهام بين الازواج كما تفضلت وذكرت مهم جدا لتنسيق الحياه الزوجيه
بحيث كل زوج يعرف دوره ولا يتدخل في شؤون الاخر لانه يمنع المشاكل ويرتب الحياة الزوجيه
اخوك/ خالد
|
|
10/26/2008 6:50:39 PM
|
|
علاج ضيق الصدر
|
mel79al7iat كتب:
باذن الله تعالى
-------------------------------------
مشكوره على قرائتج واهتمامج لهذي المواضيع
وهذا يدل على انج طيبه وبنت ناس وتحبين ذكر الله سبحانه وتعالى
ولا تنسينا بدعائج
اخوك/ خالد
|
|
10/26/2008 6:52:43 PM
|
|
فوائد وفضل الاستغفار
|
mel79al7iat كتب:
يزاك الله خير ( استغفر الله العظيم واتوب اليه )
الله يسلمج ويطول بعمرج ويسهل امورج
اخوك/ خالد
|
|
10/26/2008 6:53:45 PM
|
|
مقارنة بين الرجل والمرأه .......عجيب جدا
|
skr_nbat كتب:
كلام رائع منوو يفهمه !!!!!!!!!
---------------------------------------------
انا افهمه
عندج مانع؟؟؟؟؟
اخوج/ خالد
|
|
10/26/2008 6:55:32 PM
|
|
مقارنة بين الرجل والمرأه .......عجيب جدا
|
AL7R_Q8 كتب:
مشاركه جميله تمنياتي لك بالتوفيق
مع انتظار جديدك
---------------------------------------
باذن الله تعالى
متى ما قريت او لقيت اشياء جميله تستحق الذكر ما راح اتاخر في كتابتها لكم
اخوك/ خالد
|
|
10/26/2008 6:59:04 PM
|
|
الخسران.. فرصة ذهبية في سوق الكويت للأوراق المالية
|
hananm كتب:
السلام عليكم: صراحة انا مالي شغل لا بالبورصة ولا التجارة ولا الاقتصاد بس حبيت اشارك بنصيحة....الرزق من وين من الله ...كل شيء الله يعطيه للانسان امانة من الله عند الانسان كل شيء العيال والصحة والمال حتى العمر وبالنهاية مردهم عند الله فالانسان لو يقتنع ان ماله اللي خسره بالبورصة امانة ردت لله والله راح يرتاح نفسيا ويحتسب واتمنى من كل شخص خسر بالبورصة الله يعوضه باحسن منهم..........وسلامتكم
----------------------------------------------------------------
والله يالغاليه معاج حق الرزق في الاول ولاخير على الله
ولكن السعي للزرق واجب اساسي
البورصه الحمدلله ما دخلتها لان ناس كثيرين نصحوني بالابتعاد عنها وبصراحه فيها لعب كبير للرووس الكبيره والهوامير
اخوك/ خالد
|
|
10/27/2008 12:23:44 AM
|
|
مقارنة بين الرجل والمرأه .......عجيب جدا
|
mel79al7iat كتب:
المراة مكانها البيت ولكن ؟!
-------------------------------
ممكن اعرف رايج عن المكان المناسب للمرأه؟
|
|
10/27/2008 12:33:02 AM
|
|
في حاله الزوج المدمن ماذا تتوقع من الزوجه ان تفعل
|
M7al كتب:
السلام عليكم انا من رايي انها تتعاطى وياه ويعيشون جوهم ) لا اتغشمر لاتصدقووون ههههههههههه بصراحه الادمان مصيبه الله يكافينا وياكم من شره ويشفي كل المدمنين ويهديهم اما في حالة اذا المرأه كانت متزوجه من زوج مدمن انا اشوف انها تخيره اما بالعلاج او الطلاااق مافي حل وسط ياتترك المخدرات او طلقني وكل واحد يروح بحال سبيله شكرا[/quote -------------------------------------------------- معاك حق اخوي الغالي اخر العلاج الكي ....وفعلا اذا ما نفع معاه العلاج يتطلقون لان مستحيل تكون حياة مع انسان ما يهتم لا اهله ولا عياله اخوكم/ خالد
|
|
10/27/2008 12:44:37 AM
|
|
المشاكل الزوجية ..... هل تستحق الطلاق؟
|
QumarNajd كتب:
اخ خالد ماقصرت علي اهتمامك بالموضوع وردودك علي المشاركين وثناءك ومجاملاتك الطيبه , عندي ملاحظه اشرايك ما تسرد نص الموضوع مرة اخري في الردود, تقدر تختصر بسطر واحد علشان لا ايطول الموضوع والكل يستفيد ان شاء الله والموضوع موضوعك وانت صاحب القرار وهذا مجرد رأي واللي يريحك سوه 
---------------------------------------- -----------
مشكوره على كلامج الطيب واللي يقرا كلامج بصراحه ما يتمنى انج تتوقفين عن الكتابة
بالنسبه لاقتراحج ان شاء الله راح اسوي تلخيص واذكر اهم ما فيه بعيدا عن الاطاله بحيث نستنتج الفائده منها
ورايج بصراحه جميل ورائع محد يستغني عنه سواء كان موضوعي او موضوع غيري
وملاحظاتج ومشاركاتج فيه مهمه جدا لانها تعطي انطباع وميزه خاصه يتميز فيه عن غيره من المواضيع الاخرى
اخوكم/ خالد
|
|
10/27/2008 12:48:19 AM
|
|
المشاكل الزوجية ..... هل تستحق الطلاق؟
|
gem كتب:
كل الشكر لك اخي خالد
تحية تقدير و محبة لك على هذه المجاملة اللطيفة
كلك ذوق و خلق و اتمنى لك طولة العمر و السعادة من رب وهاب كريم
--------------------------------------------------
مشكور اخوي الغالي ((((جيم)))) على كلامك اللطيف واللي يعبر عن شعورك الراقي المميز
والله يوفقك يالغالي ولا يحرمنا منك ومن ردودك
اخوكم/خالد
|
|
10/27/2008 12:52:33 AM
|
|
قصص من الواقع
|
mona123 كتب:
يا خالد الحب شي لا انا ولا انت تقدر تتحكم فيه
البنت خصوصا لو حبت ، تحب من قلبها
و ياريت تكتب موضوع بعنوان ( من أوفي في الحب ... المرأه ام الرجل ؟ )
مع ان اغلبية قصص الحب تأكد ان الرجل اوفي ... بس هذا كان زمان اول ... و الأول تحول لووووول
---------------------------------------------------------
في الغالب المرأه تكون اوفى ....ولكن هم .في رياييل يوفون ......و
الكل يتمنى انسانه تحبه وتعشقه من قلبه وتعيش عشانه وتحسسه انه معاه بالشينه قبل الزينه
وصدقيني الريال متى ما لقى انسانه تحبه وتطيعه وتحرص على سعادته بيكون لها وفي طول عمره
اخوكم/ خالد
|
|
10/27/2008 12:54:30 AM
|
|
قصص من الواقع
|
hassasa كتب:
انا أقول وباختصااار .. اللي يحب .. مينووووون رسمي.. ولا على المجنون حرج  حساسه.. ودمتم سالمين
--------------------------------------
اذا اللي يحب يكون مجنون
فياليت القى انسانه اكون مجنون فيها طول عمري
اخوكم/ خالد
|
|
10/27/2008 12:57:40 AM
|
|
سؤال ... محرج
|
THEHOPE333 كتب:
خالد دمن _ الي يدري يدري والي مايدري ما يدري <--- تعليق على الصالونات هههههههههههههههههههه :p ما اقدر اوضح اكثر من جذي )) مناااااااااارت ..صح صدقتي ولا بعد اشوف اذا كان الرجال ماحلو نرتاح مره وحده من الغيرة يعني نفكر انه لو صارت خلافات بينا اقوله روح ولا وحده بطل بوجهك :p وانام وانا مرتاحه هههههههههههههههههههههههههههه تحياتي لكم
---------------------------------------------------
قصدج تتاكدين ان البنات ما يتحرشون فيه ولا يعطونه ويه
اذا كان تفكيرج جذي فانتي على صواب
اخوكم/ خالد
|
|
1 2 3 4 5 6 7 8 9 10 11 12 13 14 15 16 17 18
|