|
صفحات
1 2 3 |
|---|
|
10/10/2008 5:41:57 AM
|
Karbala
Posts 318
|
إن ظاهرة البقاء دون زواج في مجتمعنا المسلم ظاهرة أصبحت ملموسة في الوقت الحاضر ويتضح أثرها جليًا يومًا بعد يوم وبالرغم من وجود بعض الآثار السيئة التي أثرت على المجتمع عمومًا إلا أن الأثر يكون على أشده عند أصحاب الشأن وبالأخص عن النساء، وهذه بعض القصص الواقعية التي تحكي مرارة هذه المأساة:
1- تحكي عانس قصتها قائلة: إنها كانت ترفض الخطاب أيام الدراسة، إلا أنها بعد الدراسة كانت في انتظار الزوج المناسب لها، غير أن الشباب عزفوا عنها، وانشغلت بأعمالها، ونسيت نفسها حتى وصلت إلى سن اليأس وفقدت إحساس الأمومة ومازالت نادمة عليه.
2- تروي آنسة أرملة مات زوجها بعد عقد القران عليها وتقول: إن موت زوجها حولها من فتاة خفيفة الظل إلى فتاة (وجه النحس) عند كثير من الجهلة، يخاف منها الكبار والصغار ولم يتقدم أحد لخطبتها، وفقدت الأمل وتيبس شعورها وتحول العالم إلى كآبة مستمرة فعمرها واحد وأربعون عامًا ومن سيغامر ويتزوجها؟! (فأين دور المجتمع).
3- وتحكي أخرى قائلة: نشبت خلافات بيني وبين زوجي بسبب إصراره على الزواج بأخرى ومعارضتي لهذه الفكرة، وغادر الزوج المنزل وتركني وأولادي طوال شهر رمضان المبارك وأقام عند أمه وامتنع عن الاتصال بنا حتى آخر يوم في رمضان ومن ثم أرسل لي ورقة الطلاق وأخبرني أنه تزوج من ابنة خالته، فسقطت مغشيًا علي.
4- المعلمة لطيفة محمد (43 سنة) تقول وهي تهز رأسها أسفًا: كانت خدعة... نعم، عشت خدعة أني لا يتقدم لي الرجال، إلى أن اكتشفت أن أبي سامحه الله هو السبب في عدم زواجي حتى الآن حينما تخرجت من المعهد وتوظفت وقبضت راتبي وأعطيته والدي كنت أرسم له خطًا يسير عليه طوال حياتي معه...
لقد عقد العزم ونفذ ولم يأته خاطب إلا رفضه دون علمي لأعيش خدعة أني غير مرغوب فيَّ ويمر الزمن ويغزو الشيب رأسي ويضيع العمر بسبب والدي.. سامحه الله.
تقبلوا تحياتي
|
|
10/19/2008 11:23:24 PM
|
newlife
Posts 73
|
بصراحة قصص حزينة وسببها قلة العقل والتفكير الخاطئ !!!!
الله يكملنا بزينة العقل إن شالله ..
|
|
10/21/2008 5:32:32 PM
|
fareskuwaity
Posts 7
|
القصه هذي ابطالها حقيقيون و من اعضاء احدي المواقع الألكترونيه للزواج و صاحبتها موجوده في احدي الدول الخليجيه . قصه حب مأساويه و صاحبه الرساله تحتاج فزعه . تقول فيها :
*** اظهر لي اهتمامه في بروفايلي و راسلني تحت عنوان " مهتم جدا " و ابدي رغبته بالتواصل . شفت بروفايله عجبني من حيث المعلومات ، لأنها كانت متطابقه للمواصفات اللي ابيها تماما . رديت
علي رسالته و اظهرت له قبولي بالتواصل فأبدي رغبه شديده بالتواصل معي عبر الهاتف و لأنه شافني حريصه علي نفسي اصر انه جاد في موضوع الزواج و مايبي يلعب و قال اقسم بالله العظيم اذا ماصار شي راح امسح رقمج.
تحدثنا و عرفنا عن بعض معلومات اوليه قال انه متزوج و يبي زوجه ثانيه علي سنه الله و رسوله و انا
ماكان عندي مانع . صار في اعجاب مبدئي شديد من الطرفين ادي الي الرغبه باللقاء . طلب يشوف صورتي بالمسنجر و انا وريته لأن من حقنا المشروع نشوف بعض و خصوصا ان كل واحد منا جاد في الموضوع و صار قبول من الطرفين مبدئيا تكلمنا مع بعض بجديه اكثر و شوي تعمقنا في الخصوصيات .
و ماقلنا ولا كلمه تخدش الحياء العام و كلامنا كله كان عن الحياة بشكل عام و امنياتنا و طموحنا . اكتشفت انه فارس احلامي اللي طول عمري كنت ادور عليه . كنت مستانسه ان الله ياب لي اللي
في بالي بويهي من غير ما التفت يمين شمال . كنت فرحانه ان اللي احلم فيه فتح قلبي و دخل فيه من غير استئذان و من غير تخطيط حتي . كل اللي كنت احلم فيه كان موجود في الشخص هذا . كل شي كل شي فيه كان جميل . حبيته من كل قلبي حبيته بعقلي . حبيته من اخلاقه من حديثه من شهامته من كرمه من طيبته من حنانه من حبه لوالدينه . حبيبي اروع انسان عرفته في حياتي . حبيته بصدق و كنت احلم انه ربي يكتب لنا النصيب في الزواج .
قال لي انا معجب فيج و انتي مافي احسن منج و مو ناقصج اي شي . كل الصفات اللي يبيها الريال
موجوده فيج . بس عندي مشكله وحده ابي زواج سري . لأن اهلي بصراحه مايقبلون بالتعدد . انا ظروفي شوي صعبه و استثنائيه و انا انسان بحاجه شديده الي الزوجه الثانيه لأني اعاني من زواجي حاليا و انا من زمان قاعد ادور علي زواج ثاني . انا محتاج اتزوج لكن ماقدر اتزوج علني و ثقي تماما لو قررت اني اتزوج راح تكونين انتي زوجتي لأنج " فل اوبشين " و مو ناقصج اي شي و مافي داعي ادور علي وحده ثانيه .
في البدايه انا حاولت اقنعه و اساعده انه يواجه اهله و يقول لهم بكل صراحه ان الزواج الثاني من حق كل رجل مسلم . لكن يوم شفته انه ضعيف و مايقدر يواجه لا زوجته و لا اهله قبلت اني اتزوجه زواج سري و اتنازل عن كثير من الحقوق الزوجيه عشان لا اخسره كزوج . استغرب و انصدم من حبي الكبير
و النقي اللي احمله في قلبي و اتجاهه فطلب مني مهله و قال ارد لج الخبر لأني لازم ارتب اموري . وافقت و بعد مده كلمني و قال " انا صرفت النظر في موضوع الزواج نهائي و انا احب زوجتي و اعتقد
اني اقدر استمر معاها و ماني بحاجه الي الزواج " . الخبر كان مثل السيف ذبحني قتلني . ترجيته قلت له ماراح اخلي احد يعرف انك تزوجت و اوفر لك اسباب الراحه النفسيه و اسوي كل اللي تبيه مني بس ارجوك لاتتركني . انا ابيك زوج علي سنه الله و رسوله . لكنه ماوافق ...
تدرون يا جماعه شنو صار ؟ قبل فتره سجل مره ثانيه في الموقع ، لا و نفس المره الأولي دش بروفايلي
برغبته و ارادته و هو عارف نكي . مسجل في الموقع و حاط المعلومات نفسها و الكلام نفسه . علي باله ماراح اعرفه علي باله حبه سهل و اقدر انساه . انا اعرفه من انفاسه لو غير اسمه 50 الف مره بس هم اعرفه . و الطريف انه طلع فعلا حبيبي لأني جكيته بطريقتي الخاصه .
|
|
10/21/2008 5:34:40 PM
|
fareskuwaity
Posts 7
|
تكمله القصه :
واجهته هرب مني . كلمته مارد علي . طرشت له مسجات رد علي و هددني انه راح يفضحني جدام اهلي . شوفو شلون يجازيني ؟ يبي يفضحني ! و هو ناسي اني انا بعد اقدر افضحه جدام زوجته و
اهله بس مو انا اللي افضح حبيبي . اهانني سبني قل ادبه معاي قال لي بشتكي عليج في المخفرقلت له ميخالف هذي نتيجه حبي لك . الحين قاعده اترجاه انه يكلمني مره بس مو راضي .
انا الشخص هذا احبه يا ناس . هذا حبيبي اللي تمنيته طول عمري . هو احسن واحد في الدنيا و لو انه اسو ء شخص و اسو ء مخلوق بس هم احبه و ابيه . انا مستعده افديه حياتي و كل شي بس اتزوجه علي سنه الله و رسوله . مستعده اسوي اللي يبيه و اموت فيه بس اصير زوجته . مستعده اني اشوفه بالأسبوع مره بس يكون حلالي . مابي منه اي شي بس يتزوجني بس ادخل حياته بس
يكون لي . انا ماقدر اتخيل نفسي زوجه لشخص ثاني غيره . حبيبي مقتنع فيني اني انسانه ماكو احسن مني ، و مجرب الشي هذا و معترف لي انه ماينقصني اي شي . يدري اني احبه وايد . يدري اني اموت فيه . مستحيل اخليه يتزوج غيري و مستحيل اتزوج غيره . انا احبه و اذا ماتزوجني و تزوج غيري بنتحر . اذا ماقال لي ليش مايبيني زوجه راح انتحر . ابي اعرف ليش رافضني ؟
ياناس قولو له احبه و ماقدر علي فراقه . حبيبي كل يوم يدش المنتدي و يقرا المشاركات قولو له حبيبتك تحبك . والله ماسويت له اي شي غير اني حبيته . يا ناس قولو حق حبيبي ماقدر استغني عنه .
يا ناس هو مهددني انه يفضح حبي و انا حالفه قبل لا يشوه حبي انتحر . قولو له يكلمني بس مره تكفوووووووون ****
منقول
اخوكم / فارس كويتي
|
|
10/21/2008 6:31:05 PM
|
M7al
Posts 11
|
هذاا بلااا ابوك ياعقاااب
|
|
10/22/2008 1:56:27 AM
|
fareskuwaity
Posts 7
|
انا الشخص هذا احبه يا ناس . هذا حبيبي اللي تمنيته طول عمري . هو احسن واحد في الدنيا و لو انه اسو ء شخص و اسو ء مخلوق بس هم احبه و ابيه . انا مستعده افديه حياتي و كل شي بس اتزوجه علي سنه الله و رسوله . مستعده اسوي اللي يبيه و اموت فيه بس اصير زوجته . مستعده اني اشوفه بالأسبوع مره بس يكون حلالي . مابي منه اي شي بس يتزوجني بس ادخل حياته بس
يكون لي . انا ماقدر اتخيل نفسي زوجه لشخص ثاني غيره . حبيبي مقتنع فيني اني انسانه ماكو احسن مني ، و مجرب الشي هذا و معترف لي انه ماينقصني اي شي . يدري اني احبه وايد . يدري اني اموت فيه .
عمري ماسمعت كلام مثل هذا
يحرق القلب والله و يالقساة قلب هذا الحبيب
اخوكم / فارس كويتي
|
|
10/22/2008 2:02:54 AM
|
layla73
Posts 45
|
امبيه من صجها هاذي ؟
لا و تقولون ان الكويتيه لعوبه و كيت و كيت و كيت
تعال يا فلفل يا نصير المرأة اكتب تعليقك عن الموضوع هذا
|
|
10/22/2008 8:48:04 AM
|
doctor_3
Posts 27
|
السلام عليكم , والنعم فيك اخوي فارس , لكن هذا هو الحل الأنتحار ؟ كل شي انباء على الباطل واحنا نعلم انه مابني على باطل ........ اترك التكمله لكم
انا اتضايق جدأ لما اسمع نفس هالقصص اشوف نقص عقل ودين وللأسف هذا نقص الوازع الديني هذا اذا كان الوازع الديني اساسأ موجود انا بسائل الاخوان والخوات سؤال ؟
شنو الحل بوجهة نظركم وهل هذا هو الحل الصحيح الانتحار ؟؟؟؟
د.فـــــارس
|
|
10/22/2008 3:47:40 PM
|
layla73
Posts 45
|
عاد ماقلنا انتحار بس السالفه حييييييييييييل مأسااااااااة
بس ليش الريال سوي فيها جذي ؟
والبنيه صج ماعندها سالفه تحب واحد حقير احسن لها من هذا
والله انا لو الريال يسوي فيني جذي ادوس ببطنه و اهله بعد
ماكو شغل
|
|
10/22/2008 4:32:54 PM
|
THEHOPE333
Posts 95
|
شكرا لك أخ كربلا ع الموضوع .. الي بطل عيوني ونبهني بشي انا كنت غافله عنه .. اني انتبه لنيات الاشخاص الي يحدث بيني وبينهم تواصل << هالشي عرفته من مشاركة الفارس .
اما بالنسبة لنقطة 2- - تروي آنسة أرملة مات زوجها بعد عقد القران عليها وتقول: إن موت زوجها حولها من فتاة خفيفة الظل إلى فتاة (وجه النحس) عند كثير من الجهلة، يخاف منها الكبار والصغار ولم يتقدم أحد لخطبتها، وفقدت الأمل وتيبس شعورها وتحول العالم إلى كآبة مستمرة فعمرها واحد وأربعون عامًا ومن سيغامر ويتزوجها؟! (فأين دور المجتمع). <<<---- دوووووووووووور المجتمع اهني كبير .. لا حول ولا قوة الا بالله معقوله في ناس جذي تفكيرهم  (( .. اهم شنو ما يؤمنون بالقضاء والقدر خيرة وشره .؟؟؟ شكوو يخافون منها
فاااااااااااااااااااارس .. والله القصة تخوف .. اصلا اهي غلطانه البنت المفروض ما تتجاوز هالكثر من الحد لانه طبيعة الشخصية الانسانيه انها تعلق بالانسان لو انها ما تجاوزت الحدود بحيث انها تعرف كل شي عنه جان ما تعلقت ولا اصلا عانت من هالحب ..
وفي كلمة تنقال " اللي يحب ما يشوف عيوب حبيبه " اولا : اهي شافت تردده وخوفه من زوجته وعدم جرأته انه يعلمها ولا يعلم اهله
ثانيا : شافت انسحابه واهو قايل كلام ثاني
ثالثا : الاخ يدش عليها بنكات ثانيه ههههههههههههههههههههههههههه
صراحه هالانسان مو سيده ومعقد 
ونسأل الله العافية والعفو من كل بلية
دكتور .. صح كلامك انه انبنى على الباطل
والحل مو بالانتحار .. استغفر الله الي ينتحر النار على طول لانه صار يائس من رحمة الله سبحانه ولا رضى بقضاء الله سبحانه ..
الحل برأيي : انها اتعوذ من الشيطان وتبعد هالتفكير عنها وتقلب الصفحه وتقول لنفسها هذي تجربة مريت فيها عشان اتعلم واخذ حذري ثاني مره وما اسمح لاي احد يقص علي يهالطريقة ولا اتعلم انها تجربة انه كل شي له حدود اهو جاد حياه الله للبيت مو جاد يتوكل على الله .. وهم الحل مراعاة لظروفها النفسية والعاطفية وان كانت تحبه صج .. انها تدعي الله انه يعافيها من الامر ترا الانسان مشاعر ويمكن تحبه صج وماتقدر على فراقه بس انه بيدها الدعاء وترك الامور على الله سبحانه وانه رب العباد بعوضها احسن منه مليون مررره ..
الأأأأأأأأأأأأأأأأأأأأأأأمل مثل نكي :$ + صفحة جديده + التجربة + الاستعانة بالله تعالى .
طولت عليكم ادري .. شاكرتلكم جميعااااا
ذا هوب = الأمل.
|
|
10/22/2008 5:17:33 PM
|
khale_dm
Posts 358
|
layla73 كتب:
عاد ماقلنا انتحار بس السالفه حييييييييييييل مأسااااااااة
بس ليش الريال سوي فيها جذي ؟
والبنيه صج ماعندها سالفه تحب واحد حقير احسن لها من هذا
والله انا لو الريال يسوي فيني جذي ادوس ببطنه و اهله بعد
ماكو شغل
كفو والله هني البنات اللي ماعندهم غشمره
|
|
10/22/2008 6:13:34 PM
|
7ezen
Posts 37
|
ليلا عزيزتي البنت حبته والحب مو سهل
و يمكن شافت فيه انه مناسب لها من كل النواحي و ماحبت تخسره و تعلقت فيه جذي و حاولت معاه
لا تنسون يا جماعه ان كل واحد فينا يدور علي فرصته في الحياة و يمكن الشخص هذا كان فرصتها
و الإنسان الذكي هو اللي مايضيع الفرص الذهبيه بسهوله
بس الإنتحار ما نقبل فيها
عموما الله يكون في عونها و انتو تدرون ان البنت اذا حبت تحب
حزن
|
|
10/23/2008 7:16:18 PM
|
hassasa
Posts 65
|
الله يكون في عونها.. صج القصة تعور القلب.. لكن الانتحار مليوووووووووووووون لأ.. مو لي هالدرجه.. الله ميزنا بالعقل..
انا مريت بتجربه مشابهة لهالقصة.. لكني حكمت عقلي..
وفكرت  انا وين كرامتي !!! وين شخصيتي.. وين عزت نفسي..طبعآ كانت صدمه حيييييييييييييييييل قوية
شنو أسوي؟؟ انا اموت في حبيبي..خذه كل عقلي وتفكيري وحياتي.. عشقت حتى اسمه..
وقلت: يالله ياربي تساعدني وتقويني
جان أقوم أقسي قلبي وأعطيه طااااااااااااف.. في البدايه يكون الحال صعب.. ومريت بفترة إكتآآآآب نفسي..
لكن بعدين مع الأيام القلب يقوى والشخصية تقوى لأنها تعلمت من الدرس اللي مرت فيه..
لازم ما أكون ذليله لحب من هالنوع هذا.. حب اناني ماينفع.. أكبر غلط اني أسمح لنفسي ولأي أي شخص انه يسوي جذي..
الحب مافيه انانيه.. مافيه تردد من الحبيب.. الصح صح.. والغلط غلط..
مثل ماأني ابي حب .. لازم أعطي حب في المقابل..
اذا شفت من الحبيب أشياء تدل على حسن نيته أتصرف على أساسها.. ما أسمحله انه يخدعني.. وأختبره
وكاني جدامكم.. صرت قويه وبألف ألف خير والحمدلله
اختكم حساسه.. ودمتم سالمين
|
|
10/23/2008 9:13:53 PM
|
khale_dm
Posts 358
|
الشخص ماعنده ضمير شلون يلقى بنت تحبه كل هالحب ويتركها
الحب في هالزمن شي نادر
|
|
10/24/2008 2:35:27 AM
|
Florita
Posts 20
|
يسلمو كربلا عالموضوع الرائع
وبالنسبة للأخت الي تحب وتبي تنتحر عشان حبيبها انا اقولج الحل
اختاري بين حبج لربج وحبج لحبيبج !!!
حبج لربج ماراح يخليج تقولين بنتحر وين قاعدين احنا مع الاسف ان فيناس يفكرون بهالطريقة ياجماعه الحب مو عيب بس مو اغضب ربي تحت مسمى الحب
الله يهديج يارب وبعدين لو اهو يحبج جان ما سوا هالحركة فيج اصحي لا تخلين هالغشاوة تسكر على عيونج ....
|
|
10/24/2008 4:57:43 AM
|
totti10
Posts 5
|
لا حوله ولا قوة إللي بالله
الله يعوضج انشالله
|
|
10/24/2008 6:31:37 PM
|
layla73
Posts 45
|
اذا ماقال لي ليش مايبيني زوجه راح انتحر . ابي اعرف ليش رافضني ؟
يا ناس هو مهددني انه يفضح حبي و انا حالفه قبل لا يشوه حبي انتحر .
يا جماعه ثبتو فتحو مخكم هاذي قاعده تقول اذا ماقال لي ليش مايبيني كزوجه راح انتحر ابي اعرف ليش مايبيني و الريال مهددها انه يفضح حبها
يمكن ملاقي له وحده ثانيه و يبي يفتك منها عشان جذي مهددها بالفضيحه و هي لأنها خايفه منه قاعده تفكر بالإنتحار
عشان هذا قاعده تقول ليش قص علي و ليش الحين ماقام يبيني
عااااااااااااد هني من حقها تنتحررررررررررر
بس امبيه صج الله يكون في عونها
عاد شكلكم تخوفون حيل >>>>>>>>> رياييل مالكم امان بس تحبون تفضحون هاذه اللي انتو فالحين فيه هههههههه
والله شرايك خالد ؟ مو من حقنا نخاف منككككككككككككككمممممممممم ككككككللللللللللكككككككككككككككككككككم ؟؟؟؟؟
|
|
10/24/2008 10:05:27 PM
|
Karbala
Posts 318
|
السلام عليكم
اذا لم يكن حب الله سبحانه وتعالى الأول في قلب الانسان .. فقد الانسان عقله
ولا تلومونه بما يفعل .. لانه شخص لا عقل له
تحياتي لكم
اخوكم/ كربلا
|
|
10/25/2008 12:03:24 AM
|
mona123
Posts 11
|
الرجل الخائن و اللعوب هو اللي دايما يفضح البنت خوفا علي نفسه من الفضيحه
و لأن البنيه ضعيفه قاعده تفكر بالإنتحار ... هذا اللي عرفته من السالفه
|
|
10/25/2008 5:06:54 AM
|
khale_dm
Posts 358
|
mona123 كتب:
الرجل الخائن و اللعوب هو اللي دايما يفضح البنت خوفا علي نفسه من الفضيحه
و لأن البنيه ضعيفه قاعده تفكر بالإنتحار ... هذا اللي عرفته من السالفه
--------------------------------------------------------
معاج حق احت منى الريال لعوب وقدر يلعب على البنت ويخليها تتعلق فيه
من وجهة نظري البنت كان المفروض على البنت يكون قلبها اقوى من جذي مو تروح تبي تنتحر وتنهي حياتها عشان ريال قص عليها بجم كلمه
|
|
صفحات
1 2 3 |
|---|