|
10/24/2008 11:12:49 PM
|
|
هل تعلمين !!!
|
تعيش يا كبير كربلا ... ابدا ما في خطا من احد و لله الحمد الجميع هني شباب محترمين و شابات محترمات
انا راح اتواصل بس بمتابعه مشاركات الاحبة و ادراج مواضيع مختلفة
داعليكم بطول العمر و بتوفيق الكريم القدير بزواج سعيد هنيء بطول ذاك العمر انشالله
و تعيزون باذن الله مع شركاء حياتكم بكل محبة و احترام من كل طرف لشريكه ... و عيالكم و احفادكم حواليكم مبسوطين فيكم
محبتي للجميع
|
|
10/25/2008 10:33:48 PM
|
|
هل تعلمين !!!
|
نطلعكم شوية من التفكير الزايد و الجدية و الانفعال .. و الغيرة للي يحبون و القلق للي خايفين على حبايبهم
الترفيه امر في غاية الاهمية بحياة الانسان ... اتحدى رب اسرة يسوي ميزانية الشهر ... و مكتوب فيها بند خاص للترفيه
ترفيه المنتديات ( رخيص ) و انا و انتو كلنا نستاهل ... شفت هالايميل و حبيت تشاركوني شوية ضحك ... اتمنى انه يعجبكم
----------
انا شاهد واياك يا اخوي خالد الكويتية فيها الخير و البركة
و علشان جذيه بعطيها شوية اشياء لطيفة
بس معلش بالانجليزي
----------------
Marriage is the triumph of imagination over intelligence. فديروا بالكم يا شباب
------------------
If you want your spouse to listen and
pay strict attention to every word you say -- talk in your sleep. و هذه لكم يا بنات ... شوية شقاوة تنفع
-----------------
First guy says, 'My wife's an angel!'
Second guy remarks, 'You're lucky, mine's still alive.' هههههههههههههههه ... الله ياهي قاعدة على قلبه !!!
--------------
'A Woman's Prayer:
Dear Lord, I pray for: Wisdom, To understand a man , to Love and to forgive him , and for patience, For his moods. Because Lord, if I pray for Strength I'll just beat him to death'
ههههههههههههههههههههههههههههههههههههههههههه ... والله هذه روعه ... شوفوا البنات مساكين شيدعون ربهم حقه ... شوفوا يا شباب اشلون البنات حكيمات ؟؟؟
-----------------
Then there was a woman who said,
'I never knew what real happiness was until I got married,
and by then, it was too late.'
هذه على طريقة اللي يقولون ... الله يخرب بيت اللي قبل ما نصحني و اللي بعدي ما سمع كلامي ...
-------------
اتمنى ايامكم كلها انشالله حريمكم ما يصيرون ( angles ) ... و ما يدعون ربهم ليعطيهم القوة ... و يكتشفون السعادة قبل الزواج و تستمر بعد الزواج
تحية لكم
|
|
10/25/2008 10:47:45 PM
|
|
هل تعلمين !!!
|
اسف على التكرار ... بس اكتشفت ان الايميل ما خلص ... فيه كلام لطيف ... نكت ترا يا بنات ...
طبعا اسمها نكت مو معناها ان ناخذ الكلام اللي فيها جد مثل ما يسوي البعض
---------------
You have two choices in life:
You can stay single and be miserable,
or get married and wish you were dead.
هذه للجنسين ...و الاختيار لكم
At a cocktail party, one woman said to another,
'Aren't you wearing your wedding ring on the wrong finger?'
'Yes, I am. I married the wrong man.'
اعتقد نص اللي بالديرة يبلهم يسوون نفس الشي
A lady inserted an ad in the classifieds:
'Husband Wanted'.
Next day she received a hundred letters.
They all said the same thing:
'You can have mine.'
حلوة هذه ههههههههههه ... مرة تطلب زوج بالنت ... مئات الرسايل ياتلها ثاني يوم من نساء يقولون لها ... اخذي ريلي ... ( الله ياهم لايعه جبدهم )
When a woman steals your husband,
there is no better revenge than to let her keep him.
و الله يا بنات هذه حكمة ... تدربوا عليها ... الله يكافيكم هالشر و لكن ....
A woman is incomplete until she is married. Then she is finished
بهذه ... معاهم حق ... عمركم شفتوا مراة كانت.. و ظلت ؟؟؟ ... مسرع ما تنطمس ... لكن الى حين !!
A little boy asked his father,
'Daddy, how much does it cost to get married?'
Father replied, 'I don't know son, I'm still paying.'
اي والله حفرة ... كل ما تحفر تزيد !!!
A young son asked,
'Is it true Dad, that in some parts of Africa
a man doesn't know his wife until he marries her?'
Dad replied, 'That happens in every country, son.'
السؤال بريء من الولد بس الريال نحيس بجوابه ...و لكن هم المراة كذلك ما تعرف اشخذت الا بعد الفاس مادري شيسوي بالراس !!
|
|
10/26/2008 10:21:16 AM
|
|
هل تعلمين !!!
|
اخوي دنتست اشفيك الله يهديك
اولا انا ذاكر ان هذا استفتاء ؟؟؟ يعني مو رايي ... و اللي مسويه مجلة زهرة الخليج
و انا ما اشتغل فيها و اذا مزعلك الاستفتاء دز لهم صعايدة خل يكسرون ايد اللي سواه
ثانيا اخوي دنتست انت اول ما دشيت قمت تفلع الناس ... احنا هني عندنا اكو نوع ( طبعا مو هذا جو المنتدى و لكن مرات
يستحب التخفيف من الجدية الزايدة و المجاملات اللي تتم )تربط عصاعص شغال و كل جنس على قولتهم
يضغط الجنس الثاني ... يعني الولد يطفر البنت و العكس صحيح ... و ماخذين الامر تخفيف ضغوط سواء بالحياة العادية
او حتى من النقاشات الجدية بالمنتدى ..
و لكن هم بعد لو كان هالكلام اللي بالاستفتاء صحيح و الا لأ لازم احنا نفرح لبناتنا على اللي حققوه ... احنا بهالديرة هذه الرياييل خربوا
كل شي زين و هدموا كل شي حلو و صرنا بالمؤخرة بكل شي
و الانتصارات الوحيدة اللي نحققها هالايام تيي بس من الشباب من ذوي الاحتياجات الخاصة و بعض الشباب اللي يجتهدون بنفسهم من محبتهم للبلد و البنات
سواء بنادي الفتاة او من خارجه
و الحين البنات حققوا شي بهالاستفتاء ... اذاصج او لا مهم و الا مو مهم اكو شي اسمه نتيجة بالنهاية تنذكر بذاتها مو بالاراء اللي حوليها
تعجبنا ؟؟ ( طبعا لأ !! ) ما تعجبنا ؟؟ ( اي !! ) مو هذه القصة و لا فيها شي ينقص من اراءنا او كبريائنا علشان نعصب مثل ما سويت
بعدين ( اخيرا ) اذا البنات فعلا كانوا مثل ما قال الاستفتاء ( اي هين !! ) فهذا يرجع بشكل غير مباشر لنا احنا الرياييل !!! اللي
كان لنا الدور الاكبر ( هذه فيها دم و قبايل ) اسسنا ذوق عام بهالبلد لنا كشعب ... الرياييل الاشيك ( منا احنا طبعا ) و النساء الاشيك ( هم بعد منا احنا ) ( على قولة موناليزا .. انت لو الله يفكنا من مدحك جان احنا بخير !!! عجبتني منج يا مونا هههههه )
و لما تكون الكويتية الافضل تعليما او اشياء اخرى فهذا شي كبير و يحسب لها لانها بالنهاية ناضلت من اجل تحقيق ذاتها ( و هي بحق هني عاد جد ) تستاهل كل هالامور
ادري انت ليش معصب ... امس و قبل امس كان ويك اند و انت ما شلعت ضروس احد ... اليوم انشالله تداوم و تشلع من هالضروس لين يهدا بالك .. ( طبعا اتغشمر )
بس بالنهاية موضوع راي الرجل بالبنت و العكس هو محور نقاش من مئات السنين و ما راح ينتهي و يمكن اخالفك الراي في امور او اتفق و لكن رايك احترمه البنات يزعلون منه بس انا اولا استانس منه و بعدين اختلف معاك فيه !!
تحية لك على رايك اولا ... و بعدين للشباب .. و اخيرا للبنات
|
|
10/26/2008 1:26:35 PM
|
|
ماهو أفضل هاتف نقال؟
|
انتبهو من حركه جديده خصوصا بالماسن الحركه عباره عن روابط ملغمه او فايروسات ترسل لك عن طريق رابط بحيث
اول ماتفتحه تلقاه فايروس يدخل جهازك وينقل جميع كلماتك السريه للي سواها
س/كيف اعرف الرابط ؟
ج/سؤالك حلو تعرف الرابط هذا من خلال صياغة نصه يعني دايم ينرسل بدون علم الي ارسله لك لانه مسكين وفتحه من قبلك فالفايروس
تمكن منه ويصير هو يرسل نفسه لاي متصل عبر قائمة الماسنجر الرابط
هو كالاتي واحذر من فتحه لانه بيوديك فداهيه الرابط مع الايقونه حقته
http://www.clicktoforyou.com (الاختصار الي يغمز )
اول ماتدخل راح يحولك لهذا الموقع
http://www.blockdelete.com
هالموقع رآبـط يعلمـك من معطيك بلوك ومن حآذفك .. والناس تبيها من الله ومايدرون انه اختراق
طبعأ الشكل كأنه موقع من مايكروسوفت ولاكن مع ادخالك الباس واليوزر لأيميلك تقدر تسلم عليه والحذر واجب لا احد يفتحه لانه بينحفظ باسورد ايميله على موقع قرصنة الايميلات
وكل شوي بيدخلون منه يرسلون راوبط للاشخاص المضافه عنده
واللي فتح رابط مثل هذا بسرعه يغير باسورد ايميله
الحذر ياناس تكفون
س/المطلــــــــــــــــــــــــوب؟
ج/المطلوب تخبر كل الموجودين بقائمة الماسن عندكم عشان تتلاشى هالحركه حبايب قلبي
تكفون ياناس انشروا الخبر لان فيه ناس مساكين مو عارفين شي بالنت فبسرعه يروحون في 60 داهية
منقـــــــــــــــــــــــــــــــــــــــــــــــــــول
|
|
10/26/2008 2:39:53 PM
|
|
الزواج السري اوالمسيار.......لماذا؟
|
انا بصراحة اتنرفز حدي من موضوع تعدد الزوجات ... مهما كانت انواع الزواجات اللي تتم فيها
يا اخي الله سبحانه و تعالى سمح بتعدد الزوجات لاسباب كثيرة جدا .. يجب ان تتوفر هذه الاسباب ليسمح ( تجاوزا عمليا )ليثني زواجه من الثانية و .. الخ
المشكلة الاكبر مو بالشباب اللي مبسوطين و متشققين بالسماح لهم بتعدد الزوجات ... و اللي الدنيا مش سايعاهم لانه بالشرع الله سبحانه حلل اربع ... عساهم يتوحدون باللي يلعب و يسوونكم مثل سليمان ابو الريش
المشكلة الحين صارت ... و شوفوا درجة الاستسلام ... شوفوا كلام البنات
على فكرة حتى بزواج المتعه اللي الربع ملغمين مكاين سياراتهم و طايرين له حد الدعسة على ما يقولون من شارع ليشارع
و مراكض برة الديرة .. ( تمبوراري مارج .. مي .. يو ) ماشالله ماله شغل باللغة ... المهم تمبوراري
هذا الزواج و عند جميع فقهاء الشيعة الصادقين و المخلصين لا يتم بالطريقة التي تتم بها كما هو متبع فله اكثر من اربعين او سبعين شرط ( مشتبه على الرقم آسف )
له شروط صعبة و واجبة التحقق و الا فلا متعه
الربع هني ( من شباب و بعض البنات ) راضين باللي يتم اوكي بكيفهم و لكن ان نناقش الموضوع بنقص معرفة هذا يعتبر تجني على الشرع و الفقه
حتى المسيار اللي حللوه بفتوى له شروط .. لا يجب ان يسمح لاي كان ان يمارسه الا بموجب الشروط الموضوعه
اعتقد انا لعبنا بالدين الشيء الكثير لاجل مصالح المتمصلحين ... الله سبحانه حافظ هذا الدين الى يوم يبعثون
فلا نكون وقود ادنى درجات النار للعبنا المقصود ( و جنه محد يدري !! ) بالدين
بنات علامكم ... اذا ريلج خذا عليج مسيار عطيه فنجر ... اولا لانه لم يشرع بالكويت و ثانيا لانه لن تتحقق الشروط الا للقلة القليلة مثل ما تسمح به شروط زواج المتعه
اعذروني ... صحيح انا سني و لكني مسلم لاني سني و لا شيعي و اغار جدا على ديني من التلاعب فيه ... المذهبين لهم كل احترامي ... السني اخوي و حتى و هو سني له ان يفعل ما يريد و ممكن جدا اختلف معاه ... فالدين بينه و بين ربه و كذلك الشيعي لا ينقص عنه باي شيء ... و لله الحمد انا لا افرق ابدا و لكن اللي اشوفه من لعب بالدين شي مرعب علينا جدا الله يستر علينا من عمايل اللي يعملونه اضافة الى ان اللي بيتكلم عن هالمواضيع لا يجب ان يستسهل الكلام بامور الدين ... لان من يشرح و يمانع او يوافق هو رجل الدين العالم و الفقيه مو خريج متوسط و الا ثانوي و الا جامعه او حتى لو دكتوراه ... اذا ما كان عنده الاطلاع الكافي و الحجة على الكلام هذا
اعذروني طولت و زعلت او ضايقت البعض
بس على الله ينزلونه .... طبعا انا عند رغبتي السابقة بعد المشاركة و لكني شفت شي حسيته خطير او مو سهل بحق الدين
|
|
10/26/2008 2:49:10 PM
|
|
المشاكل الزوجية ..... هل تستحق الطلاق؟
|
هذه وصفو راجو الهندي تطول عمر ( مو شعر ) الزواج اتمنى لكم الافادة منها
و كافينا طلاق شباب و بنات ... ترى الاحصائيات و الله تخوف ... فتثقفوا و اتعضوا
-------------------------
هذه وصفة هندية رائعة للزواج السعيد و المثالي الخالي من المشاكل
-----------------
كومار يسال راجو ... سنو انت في سيكرت مال في انت جواج ( زواج ) بهوت جين ( زين ) ... خلونا نحول اللغة لانه مو فلم في قناة تو لحظة ...
قال له راجو ...الحقيقة احنا بالبيت متفاهمين و موزعين المسؤوليات الكبيرة لي و الصغيرة لها و نطبق هذه المسؤوليات بكل حب و احترام متناهيين !!
ساله مرة ثانية ... اشلون بالله ممكن تشرح لي
انا اخذ القرارات المهمة و الكبيرة في البيت و زوجتي الحبيبة !! تاخذ القرارات الصغيرة .. و ما نتدخل على فكرة في مسؤوليات بعض
رد الملقوف و سال ممكن تشرح بتفصيل اكثر
قال له طبعا يا عزيزي ... زوجتي مثلا هي اللي تتخذ القرار حول نوع السيارة اللي نشتريها و الثلاجة و الاثاث و التكييف و متى نروح للشاليه ( لا قوية هذه هنود و شاليه ) ( مونتاج ) متى نروح نزور الاهل بالبلد دراسة العيال و هكذا
رد ... زين و انت شنو تقرر اصبح .. قال له شوف حبيبي ... انا اقرر اذا كان المفروض بوش يهاجم العراق ... اقرر للحزب الجمهوري قيمة ضريبة الدخل ... اقرر اشلون يتعاملون مع القاعدة ... اقرر شنويسون بحق الدكتاتور مال زمبابوي ... و صدقني راجو طول الوقت زوجتي حبيبتي موافقتني و ابدا ما عمرنا اختلفنا
----------------
يا عيني و الله على التقسيمة ...
الحين يا رياييل الكويت لو تطبقون نظرية كومار و الله ترتاحون و عمركم يطول ... جذيه كل شي متفق عليه و مو ممكن تختلفون و تعيشون بسبات و نبات و تخلفوا ورعان وورعات
|
|
10/26/2008 10:38:26 PM
|
|
المشاكل الزوجية ..... هل تستحق الطلاق؟
|
كل الشكر لك اخي خالد
تحية تقدير و محبة لك على هذه المجاملة اللطيفة
كلك ذوق و خلق و اتمنى لك طولة العمر و السعادة من رب وهاب كريم
|
|
10/26/2008 11:37:16 PM
|
|
من هى المرأه !!!
|
من هي المراة ؟
انا اعرفها عدل و اعرف عنها اشياء كثيرة جدا ... منها الجميل و منها اللي مو شي
منها الاشياء الطريفة و منها اشياء الله لا يراويك
و هني بحط شغلة لطيفة .... ( انا وايد يمعت سيئات شكلي بالايام اللي فاتت )
Women:
1. The most important thing for a woman is financial security.
2. Although this is so important, they still go out and buy expensive
clothes and stuff.
3. Although they always buy expensive clothes, they never have
something to wear.
4. Although they never have something to wear, they always dress
beautifully.
5. Although they always dress beautifully, their clothes are always
just "an old rag".
6. Although their clothes are always "just an old rag", they still
expect you to compliment them.
7. Although they expect you to compliment them, when you do, they
don't believe you
يعني بالله شيلمهن و اللي يرحم والديكم ... شتحطلها و تطيب
و الله خنت حيلي المراة ... دايم عندها هواجس حول كل شي
-----------------------------
الحين المراة و معذبها ... ذاك اللي سالبها الراحة الجسدية و النفسية و مهما سوت تلاقي عينه على اي وحدة الا هي ... الرجل ....
Men:
1. All men are extremely busy.
2. Although they are so busy, they still have time for women.
3. Although they still have time for women, they don't really care for
them.
4. Although they don't really care for them, they always have one [/u
around.
5. Although they always have one around them, they always try their
luck with others.
يعني يا بنات ... اشماتسوون الريال عينه دايما على كتر ... يعني على جنب
انتي بويهه بس العين للاخرى ... لان الجميلة دائما ليست تلك التي معه ...
--------------- ... شوية جد
الكل يدير باله ... لا هي تشبع من مدحك او تقربك او محبتك لها
تعلموا اشلون تكسبوا هالجولة و انتوا سادة الشطارة
هي مهما كانت ما راح تستغني عنك ... كل اللي تبيه الاخلاص مع الحب و التقدير و هو ...
كل اللي يبيه لمسة الحب من بعد يوم عمل و تعب .. مع ابتسامة ترد له الروح اللي ارهقها زمن الردى و المسؤوليات المتلاحقة لبيته او لاهله
انت لو تستمر على ( تراينغ يور لك وذ اوذرز ) ... كل حياتك راح تظل ريلك متدندلة ما تطول ارض
و ارضك راح تكون زلق على طول ... لا تستكبر لانك لما تبتدي تستكشف راح تقول آآآآآآخخخخ يا ريتني ...
و انتي اعتقد انج جميلة بشكل كافي ... لا تخلين هواجس تجملج له تاكل كل تفكيرج اكو اشياء اثمن يصرفين عليها وقتج ... و خلي ثقتج عالية جدا بنفسج
و لما تزوغ عينه ... عطيه تذكرة مفتوحة ... لانه قبل خيانة العين حصلت منه خيانة التفكير
و اللي يفكر في غيرج مرة ما يستاهل الفرصة الثانية .. فرصة التفكير بغيرج مرة ثانية مو فرصة التسامح منج
و فرصة التسامح منج تيي بعد ما تشوفين التغير الحقيقي حصل ... فلا اعتذار كلامي
ترا الاعتذار الكلامي اغلبه فعل شيطاني ... الاعتذار عمليا هو فعل يوضح ندمه الحقيقي و كفره بفعلته واثمه ...
كانها تخاريف ... مو عدل ؟ ... بس اظن فيها الكثير من الصح
نتواصل ......
|
|
10/26/2008 11:53:38 PM
|
|
:: اسباب العنوسه ::
|
ترى مو ذنبي يا بنات
و الله ان النت نحسي
كلام يضحك انا سشوي
بس اخذوا الموضوع للضحك مو للجد
--------
Take it as a humor article ..... no one should get hurt....
coz some r facts and some r......jokes. .
God made man and then rested. God made women and then no one rested
What is the difference between a woman and a magnet?
Magnets have a positive side!....
A successful man is one who makes more money than his wife can spend...
What is the thinnest book in the world?
What Men Know About Women...
Q: What is the difference between a wife and a girlfriend?
A: About 45 pounds!!
Girls are like phones, they like to be held and talked too, but if you press the wrong button you'll be disconnected!
Girls are like an internet virus: they enter your life, scan your pockets, transfer money, edit your mind, download their problems and delete your smile..
شي طريف لتوالي الليل
بموضوع ثاني عطينا شي عن الاثنين ... و انختم بجدية شوية و كخاطرة و نصيحة
بس هني نخليه للطرافة مو اكثر
مثل ما قلنا ترى الزعل مرفوع
و اذا البنات يتضايقون من هالكلام ... اتمنى يتركون نوتيس ( ملاحظة ) علشان ما نثقل عليهم
ليل سعيد انشالله
|
|
10/27/2008 9:33:41 AM
|
|
الله يكون بعون الجميع
|
يا اخالد يا شيخ الشباب و ي سيد العارفين ...انت صاحب الخبرة و خير من يصد هجومات و تهجمات العذال و المتطفلين ان كان احد مضايقك
بقول لك شي ... اللي تعرفت عليهم بالمنتدى .. هل هم ناس مش اد المآم ( على قولة المصريين ؟ و الا شايف انهم لما يتكلمون معاك فانهم يبون منك شي و الا اي شي ثاني تشوفه فيهم مريب ؟؟
مو قاعدين يتواصلون معاك من قلبهم و محبتهم لك ؟؟ اشلون تقطهم على صخر و ما تعبر هالمحبة اللي يكنونها لك
اذا تييلك اذية من بعض ناس بالموقع .. بلغ و الادارة ما تقصر
اذا تييلك من شباب عندك اياهم .. و اذا من بنات سو ( كول دايفرت ) حق اخوك اللي يهديك !!
|
|
10/27/2008 9:47:25 AM
|
|
الله يكون بعون الجميع
|
آسف كبست زر خطأ و راح الموضوع ... تكملة ...
فاقول لك و اكرر و اصر و الح على الكول دايفرت .. بس مو تحولهم حق كربلا على بو انه رفيجك
علامك الله يهديك ترى المنتديات كلها جذيه و اللي يتهجم عليك او يضايقك يكون بو ربية قاصرة تخلي هالناس اللي ربياتهم ناقص تغلبك ؟؟؟ هذا انت يبيلك شغل على هالمعدل
انا شايف شخصيتك عدل من مشاركاتك ... انت طيب و بسيط و المشكلة انك حساس بدرجة كبيرة جدا ... و هذا الكلام ما ينفع في منتدى ... فمثل ما اكو ناس اوادم تتعامل معاهم ... اكو ناس مو خوش ناس لازم تكون متهيء لهم عدل و الا بتنبط مرارتك على خال بلاش
كلنا نتعرض لموضوع البروفايل و الاهتمامات ... انا شخصيا ما اهتم لا لهذا الموضوع و لا ذاك ,,, ناس دشوا على بروفايلك .. فهو معروض للناس يشوفونه
يدزون لك اهتمام .. قول شكرا ... يدزولك رسايل .. مرة ثنتين ... بعدين بلوك لما تشوف ان هالباب يجيب دخان ... تدري شيسدونه فيه ؟؟؟ ماقدر اقول
اترك عنك يا خوي يا خالد كالتفكير و خل المنتدى عامر بالناس الطيبة ووجودك انت و كربلا و بعض الشباب مخليه منتدى طيب ...
لان منتدى بس بنات ترى ما ينبلع 
|
|
10/27/2008 10:36:56 AM
|
|
الله يكون بعون الجميع
|
تدري عاد اقوللك ... ابد ما انتبهت للاسم
اساميكم تتشابه يا خوي
هذا كلام من القلب للقلب فلا تتضايق
كربلا يوز عن هالسوالف و هالكلام اللي قلته لخالد ينطبق عليك تمام و انتو الاثنين مثل جاسم و فيصل
فمنتدى بدون هجوم ما يسجل
على فكرة ... عسى سيرتك الذاتية اللي حاطها محتشمة ... اي لا الناس يشوفونها
انا لما قلت راح ابتعد عن المشاركات المباشرة كان لي اسباب وايد اكثر عمق من اللي انت ذكرته
و مع ذلك شوف .. ما ابتعدت عن المنتدى ... يمكن ما لي ردود و لكن المشاركة اعدها شي هام لاني تعودت على الاخوان و الاخوات
بعدين ذكرني منو اللي قبل كم يوم قال لي ان لا اترك المنتدى ؟ ... اثرك تقص علي ؟؟
اففففاااااااااااااااااااااااااااااا يا بلبل
|
|
10/27/2008 11:11:45 AM
|
|
حال البورصه 2
|
على خبري ان اللي حصل شوية تعاملات بالفوريكس و اشياء مشابهه
اصحابها خسروا و تنحوا
البنك كان المفروض يعمل بسياسة ... الستوب لوس ... و لكنه تهاون .. الشي اللي اضر
بسمعة البنك من ناحية و من ناحية اخرى ما يشكله ذلك من خروج عن تعليمات المركزي
الخسارة من 400 الى 500 مليون .. و هذه راح تدخل بحساب الارباح و الخساير و ما كو شي اسمه افلاس
الا ان كنت تتكلم عن بنك ثاني اخوي بو يوسف ... نورنا
تحية لك
|
|
10/27/2008 12:02:41 PM
|
|
سؤال ... محرج
|
اختاري واحد ما تنطبق عليه هالاربع صفات .. غير الاشياء الثانية اللي تتكلمون عنها
1-عاشق المغامرات فهذا الرجل ما راح يريحج و مهما كبر راح تلاقين مغامراته تزيد و تتنوع
يعل قلبج بسواقته والنجرة وسلوكه العنيف ... حتى كلامه يفلع !! ما تلاقينه حواليج لانه يدور على هالمغامرات ... و تالي العمر تلاقينه
قاعد يلعب تيل يم التهسلات بشرق مع الشيبان
2-الحالمهذا مسيكين ... ممكن يكون وايد طيب و مهادن الى درجة انه يتوقع ان يجيله احد و يقول له هاك اللي تحتاجله علشانتغير حياتك
يعني ما يعمل على تحقيق التغيرر و التطور اللي يحتاجه بحياته و دايما يعتمد على ان التغير و تطوير حياتي ياي ياي
اذا كان هذا تفكيره بما يخص حياته اشيطلع منه للحياة الزوجية و الاجتماعية
3- مدمن العمل هذا الاخ عكس اللي قبله ... الله يا هو يحب الشغل و دنياه بس شغل بشغل .. ما يحك راسه من كثر ما هو مشغول
و تالي ليله يبي يحتفل و يستانس ... الاخ مرهق و يبي فرفشه ... علامج انتي يعني انا رايح الحفلة هذه و الا ذيج للوناسة ؟؟؟
مو للشغل بعد ؟ اذا شنو لسان حالج معاه ... لاعت جبدي .. ابي اطلع .. ابي احس اني متزوجة و عندي ريل
4-كل اللي طاف رحمة عن هذا .... كازانوفا المتأنق
و هذا الله يا كثر نوعيته بالمنتدى ... متعه متعه ... مسيار مسيار .. انزين يا خوي نتفاهم ... ماكو ... متعه مسيار
دايم البحث عن الماركات و معاملة ال في آي بي ... على فكرة راح يعطيج كل اللي تتمنينه و تحلمين فيه بس انت راح تكونين وحدة من القائمة مالته ...
هم تبينه ؟؟ يعني تتزوجين واحد مع الطقم ماله
الله يكافيكم شرورهم
|
|
10/27/2008 1:40:51 PM
|
|
الله يكون بعون الجميع
|
و الله لو انا مدلعيني هالكثر جان علمتك شسوي باللي وصلني لحالة الرغبة بالانسحاب
لا و دلع حساسة بعد ... ابشر بالحساسية
هي من شالت هالمطرقة ... صايرة لنا قاضية ... ما اظنك بايع عمرك
يللا نورنا بمواضيع جديدة مثل ما عودتنا
و اذا للحين معزم ... رد لنا كل هالكلام الطيب اللي قلناه لك بس نبي حئئئئنا ناشف بالدولار يافندم
|
|
10/27/2008 9:25:21 PM
|
|
قصص من الواقع
|
خالد بذمتك شفت ال ( طل ) اشطولها ؟ ههههه
يعني حكم تمييز ما بعده نقاش باجي بس توقيع سعادة الريس و يتنفذ الحكم
|
|
10/27/2008 10:49:00 PM
|
|
مواقف وقصص واقعية من موقع خطبة
|
ها مديروه مال منتدوه
موضوعين يا الظلام تزرطونهم ؟؟؟
اشدعوة كاتب قصة حياة شارون انا ؟؟؟
موضوعين لنفس الشخص بغيت اقول لها ... كل عام و انتي بالف خير ... ( ماني كاتب اي شي بعد ... اخاف هم اتنحرون على )
بس نزلوا هالموضوع
تكفون .... رام رام ... براهما كريشنا جانيشا ... والله اييب لكم اسامي آلهة الهنود كلهم الحين ترا انا حافظهم !! 
انسانة تعرفت عليها و حبيت اعيييد عليها ... هذه حرام ؟ ( شنو تلفزيون الكويت انتو ) ما خبرناكم مو خوش
الله يهداكم
|
|
10/27/2008 11:02:04 PM
|
|
سؤال ... محرج
|
هوب شنو يعني يلعب طيران
بلغوا عنه لا يفجر فينا الله يهداه
انتي بس عزمي و الجيكر عندي .. و هم مثل ما زوجنا عفيسة انشالله زواجكم على ايدي و المهر مني
بس هذا ما فيه شوية جمال بس ما عليه الطب ما يخيب ظن احد لا تحاتين ... اللي اليسا و مادري منو اللي ماكلين قلوب الشباب
صار لهم شكل ينشافون منه ... انا شايف صور لبعض هالممثلات و المطربات و الله ما عرفتهم ... اثاري الطب ياخذ الغفر و يسويلهم اشكال بشرية
و الله على سيرة هالبنية عسى غيابها هالعفيسة يكون على خير انشالله و يحفظها و انتو جميع و كل من تعزون
تحية لكم
|
|
10/27/2008 11:09:56 PM
|
|
قصص من الواقع
|
خالد دام انك بعد ما طلعت من الدوام ( المنتدى .... ) يا ريت تشرح لي الله لا يهينك او اي احد ...
وين صاير هذا .. برمالينك
انا شخصيا ما قدرت اوصل الى هالمكان كل ما اقرب البنزين يخلص فارد اترس ... و كل يوم على هالمنوال
شنو هال ( برمالينك )
تدرون الشباب و التكنولوجيا كل يوم لهم مصطلحات جديدة
|
|
1 2 3 4 5 6 7 8 9 10 11 12 13 14
|