|
6/2/2009 8:43:46 AM
|
|
كيف يتم غسل اليدين بشكل سليم؟ ومتى يجب غسلهما؟
|
صباح الخير دكتور,,,
حبيت اشكرك على مبادرتك السريعه بالرد عليي ........مع تحياتي
|
|
6/2/2009 8:49:50 AM
|
|
أعاني من الطنين، فهل يعد ذلك مرضا يستوجب العلاج ؟
|
صبح الخير دكتور,,,
أبي أسالك (انا ابي دوا يسد شهيتي , انا اكل حتى لو ماكنت يوعانه خاصة الصبح بالدوام وصارلي فتره ما اتعشى وانام امبجر فمشكلتي بس الصبح فيا ريت اذا عندك وصفه اتغثني او تمنع شهيتي الصبح , حاولت اشرب قهوه او شاي بس ماكو فايده بس اوصل الدوام حلجي ما يتسكر).
مع سلامي لشخصك
|
|
6/24/2009 9:13:02 AM
|
|
استفتاء تعارف .... موضوع نقاش
|
aleidan75 كتب:
اسمحوا لي يا اصدقائي جميعكم ان اطرح استفتاء للجنسين يبين مدى مصداقية من يدخل الموقع بقصد حسن النيه والتقارب المقصود
اليكم بعض الاسئلة التي اتمنى من الجميع المشاركة في اجابتها وابداء الرأي في ما يخص الموضوع :
صباح الخير للجميع,,,,,,,,ودي اشكرك على الموضوع لأن راح يفيد وايد اشخاص وطبعا الجادين فقط
1: ما هو طموحك المستقبلي وما هدفك في الحياة؟
بالنسبه للطموح فأنا من الناس اللي ابي اوصل لاعلى المراكز ومن احد اهدافي هو الحصول عالماجستير والدكتوراه
2: ما هو تصورك لمفهوم الزواج؟
الزواج عباره عن شركه دائمه وارباحها اكيده فقط في حالة الوفاق والتفاهم وهو الاستقرار بكل معانيه (في حالة الوفاق فقط) وحتى بهاراته عسل على القلب
3: ما هي الصفات التي تحب أن تراها في شريك حياتك؟
احب ان يحافظ على صلاته ويكون حنون وطيب ودمه خفيف وفي غيرة ايام اول ويكون سخي ومعطاء
4: هل ترى من الضروري إنجاب الطفل في أول سنة من الزواج ؟
مو بالضروره هذي مسأله امخلينها على الله
5: هل تعاني من أي مشاكل صحية ؟ أو عيوب خلقية؟
الحمد للله لأ مافيني اللا العياره
6: هل أنت اجتماعي؟ ومن هم أصدقاوك؟
انا فعلا اجتماعيه وعلاقاتي كثيره واحب اللقاءات وبنفس الوقت احب القعده بالبيت بس مع نفسي (احتاج حق الهدوء)
7: كيف هي علاقتك بوالديك؟(إخوانك ، أخواتك ، أرحامك).
الحمد لله علاقتي فيهم كلهم (اسرتي) وايد طيبه ومتواصلين اما بالنسبه للارحام فماشالله ماشوفهم اللا بالمناسبات (طبعا البعض منهم)
8: بماذا تقضي وقت فراغك ؟ وما هي هواياتك.ما مدى التزامك الديني ؟
للأسف نادر مايكون عندي وقت فراغ واذا عندي وقت انجز فيه اشغالي, اما بالنسبه للهوايه فأحب السباحه بس للأسف ماقدر أمارسها اللا بالنادي او بالشاليه مع الاهل, وبالنسبه للالتزام الديني فالحمد لله محافظه على صلاتي وصيامي بس اتمنى ان التزامي يكون اكبر من جذي بوايد (انا عاديه وفري اشويه بس الله الهادي)
9: هل لك نشاط خيري أو تطوعي ؟
لا والله ماعندي اي نشاط مع الاسف
10: ما رأيك لو تدخل احدى والديكما في حياتكما الشخصية؟
ما امانع بالنصيحه واللي تكون من بعيد لى بعيد مو اكثر من جذي
مع سلامي لشخصك,,,,,,,متمنية التوفيق للجميع
العيدان
كم جميل ان تبتسم ودموعك على وشك الانهيار
|
|
10/12/2009 12:54:19 PM
|
|
ارتجاع حموضة المعدة Heart Burn
|
مساء الخير دكتور.......حمدالله عالسلامه
والله طولت بالغيبه عسى المانع خير
مع تحياتي لشخصك
|
|
10/17/2009 10:16:00 PM
|
|
سؤال الى اهل المعرفة
|
mando1980 كتب:
الكل فى هذا القسم قتلوا موضوع الريجيم و التخسيس بحثا
و مشكورين على مشاركاتهم القيمة ولكن
لماذا لم يطرح اى منهم موضوع اكتساب الوزن
انا طولى 186 سم ووزنى 85 كجم و اريد ان ازيد وزنى قليلا
هل يمتلك احد الاخوة او الاخوات طريقة فعالة
لن اعتبر زيادة الاكل ردا مناسبا لانها فشلت معى
السعيد دائما بارائكم
ماااااااااندووووووو
|
|
10/17/2009 10:26:32 PM
|
|
سؤال الى اهل المعرفة
|
مساء الخير للجميع.........(محد عاجبه حاله ).
ردا على كلامك عندي جم معلومه يمكن تفيدك ولو اني اعتقد ان وزنك مثالى بالنسبه لطولك,,,,,
بما اني اعتبر من الناس اللي يعانون من السمنه ومازلت احاول اني اوصل للوزن المثالي بس ممكن انك تدخل النادي لمدة شهرين وتتركه راح اتلاحظ انك متنت شوي بعد ماتركت النادي مع المحافظه على تناول الوجبات (وحتى لما تطلع من النادي روح المطعم واطلب الوجبه اللي تبيها عادي لان اصلا الواحد لما يطلع من النادي يحس باليوع وخاصة اذا كنت اتمارس رياضة السباحه ولا تنسى اتكثر من الككاو...غرامي.و لان مو طبيعي والمعجنات بعد راح اتساعد على زيادة وزنك) واذا انت من الناس اللي ماتشتهي الأكل روح الصيدليه واطلب مشهيات يمكن تساعدك وسلامتك وان شاءالله يزيد وزنك مع الصحه والعافيه.
مع تحياتي لشخصك,,,
|
|
10/17/2009 10:51:06 PM
|
|
الرجيم الكيميائي ... يوميا -1 كيلو
|
مساء الخير للجميع...
ودي أقول لكم اني من الناس اللي جربت الريجيم الكيميائي وفعلا نزلت يوميا تقريبا كيلو بس مع الاسف ماقدرت أكمله والسبب اني مليت من سالفة البرتقال والبيض يعني بأول الايام عادي الوضع مع شعور بالتعب والنفسيه الخايسه ومالي خلق أحد حتى نفسي ولا تنسون يمعة الأهل كل اسبوع وغير المغريات من الأكل (كل مالذ من الطعام والشراب)وبعدها تركت هالريجيم ورحت حق اللي بعده وبعده والحين طحتلي بشغله فعلا اتخليني أنزل بدون تعب وبدون ملل ووضعي طبيعي بس يبيله صبر واستمرار .
أكيد تبون اتعرفون شنو هالشي ؟؟؟؟؟؟؟؟؟؟؟
راح أجاوبكم لأني أحس بمعاناتكم مع السمنه وأدري انكم اذا رحتو السوق دايما تطلعون وانتو ضايق خلقكم (أسولف بعد أحرق أعصابكم ولا تبون الطريقه على طول؟)
لا لالالا حرام ماراح أطول عليكم بس مع(((( شاي بايوجي ))) راح ترتاحون وايد انشاءالله.
بقول اني استخدمته اسبوعين ونزلت من خلاله على 5 كيلو تقريبا (طبعا يختلف من شخص لاخر) في ناس تنزل أكثر وفي ناس أقل على حسب نوع الجسم .
وطريقته سهله (اتذوبينه ماي حار بمقدار كوب وتشربينه عالريج وانتي قاعده اتحطين المكياج حق الدوام )
أعراضه أو مفعوله بالنسبه لأي شخص (يخليج تفقدين الشهيه واتحسين ان ريجج ناشف اشوي )
والله انا يوم شربته حاشتني نفس الاعراض وفعلا ماقدرت اكل أي شي فقطعت الخبز والككاو والبيبسي وتقريبا كل شي فكنت تقريبا عايشه عالماي والشاي العادي والقهوه وبدون لا أحس بتعب أو نفسيه خايسه )
تقدرون تدخلون على غوغل واتشوفون بنفسكم راي الناس اللي جربته وانا سألت عند وايد وقالولي ان ماله اثار جانبيه.
(للعلم هذي تجربه ونصيحه للي فقد او افقدت الامل في انها تضعف ..........وماهي دعايه للمنتج)
وأتمنى اني اكون ساعدت وايد ناس بالموضوع هذا .
مع تحياتي للجميع ..........مع الصحه والعافيه.
|
|
10/17/2009 11:45:24 PM
|
|
موضوع خاطري تشاركوني فيه رايكم بصراحة.........
|
مساء الخير للجميع....
اسمحلي أشاركك بالموضوع واللي فعلا يعتبر من المواضيع المهمه في مجتمعنا.
فهل يؤدي استغناء هذه الزوجة عن راتبها الى تحررها من هذه المشاكل ؟؟
ممكن الزوجه تستغني عن راتبها لكن أكيد تبي تعويض عن هالراتب (يعن لازم الزوج يدفع أو يعوضها بمبلغ قريب من راتبها .........ادفع منت كانز)
والى اي مدى يؤثر دخل الزوجة في استقرار الاسرة ؟؟
بالنسبه حق الوضع اللي حاصل بمجتمعنا حاليا واللي انا وغيري قاعدين انشوفه وهو ان الزوجه فعلا اهي اللي تصرف عالبيت وعلى عيالها (نظام أمريكي) وطبعا الزوج الله بالخير يسافر مع ربعه او يصرف على حبيباته وطاق البيت بالطوفه ومخللي القرعه ترعى( لا تزعلون يالرياييل بس هذا مجرد راي وما ينطبق عالكل ........وبالعكس في رياييل مازالت محافظه على بيوتها وتصرف على بيتها وعلى حريمها ...........يعن في الزين وفي الشين)وبالنسبه حق تأثير الراتب على استقرار الأسره ففعلا راتب الزوجه يساعد في استقرار الحاله الماديه للأسره .
وهل يحق للزوج استقلال راتب الزوجة ؟؟
في رياييل فعلا يستغلون راتبها (ياخذ بطاقة البنك مالتها) وفي بعضهم يتعاونون وفي بعضهم ماله شغل براتبها (الظليمه شينه)..........بس في النهايه ما اعتقد ان الزوج له حق براتبها لأن حتى بالاسلام والشرع واللي الكل يعرفه ان الزوج ماله حق بما ان اهو الريال(الله يرحم رياييل أول).
أتمنى اني وفيت بأجوبتي وقدرت اني أوصل اللي ابالي وبدون زعل (مع احترامى لأخواني الرجال).
عندي طلب بعد اذنك بطلبه من كل رب أسره (خمس دقايق تفكير ....بس خمس دقايق اتراجعون فيها نفسكم واتفكرون بالناس اللي تسوى والناس اللي ماتسوى واللي انتو قاعدين اتضيعون وقتكم معاهم ناسين فيها قلوب معاكم وانتو بعيد عنها....والكلام مايخص الجميع فلا تزعلون)
وأكرر شكري لك على الموضوع وأعتذر عن أي اساءه .
مع تحياتي لشخصك,,,,,
|
|
10/18/2009 1:19:28 PM
|
|
ارتجاع حموضة المعدة Heart Burn
|
khaledmm كتب:
اذا الواحد فيه حموضه ياكل رووب ويفك حاله
مشكور موضوعك ا
مساء الخير للجميع.....
اسمحلي أزيدك من الشعر بيت وأضيف على كلامك بض الاضافات اللي ممكن تكون صحيحه
ان الواحد لما اتحوشه حموضه خل بشرب سفن او لبن ويبتعد عن الحلويات الشرقيه مثل البقلاوه(غرامي).
بالنسبه للروب حلاته مع بطاط برنجلز يسير شي مو طبيعي.
مع تحياتي لشخصك,,,
|
|
10/19/2009 10:59:14 AM
|
|
اذا كانت حياتك قصة فما عنوانها؟
|
صباح الخير للجميع,,,
اذا كانت حياتك قصة فما عنوانها؟
يمكن رايي راح يختلف شوي عنكم بالنسبه حق هالموضوع .... بالنسبه لي فانا أشوف ان لكل انسان قصص في حياته موقصه وحده فما راح أقدر اني أحط غير عنوان واحد واللي يمكن يشمل كل القصص سواء الحزينه او السعيده وهو (قدر الله وماشاء فعل).
وتأكد أخي العزيز انك لو تسأل كل شخص جاوب على هالسؤال بعد فتره راح اتلاقي ان الجواب تغير!!!!
ليش؟..... لأن كل شخص بيجاوب الحين راح يجاوب من خلال وضعه اللي عايشه في الفتره الحاليه وكلنا انعرف ان (دوام الحال من المحال) فحياة الانسان قصص فعلا ولكن مو كل القصص تكون حزينه ومو كلها سعيده .......مع تمنياتى للجميع بالسعاده.
مع تحياتى لشخصك,,,
|
|
10/19/2009 11:12:37 AM
|
|
استمتعوا معي باسمى المعاني للبراءة .......
|
swemming كتب:
يبقى الحب كذبه تنخدع بها الفتيات المغفلات
صباح الخير للجميع,,,
الصراحه رايي من رايج ......لأن فعلا الحب صار عمله صعب الحصول عليها .
الحب نفس اللولو أول كان موجود بس الحين اختفى وطلع بداله اللولو الصناعي.
طبعا اللولو الصناعي نفس حب هاليومين ماله معنى ولا قيمه .وبسهوله تقدر اتحصل عليه........؟!!!
وفعلا أصبح الحب كذبه ولعبه حقيره يستخدمها بعض الشباب لايقاع الفتيات المغفلات (الله يعينهم)
ولكن في النهايه يبقى الأمل موجود ........
مع تحياتى لشخصك,,,,
|
|
10/19/2009 11:26:06 AM
|
|
اذا كنت متضايق او مهموم ......
|
صباح الخير للجميع,,,,
أشكرك كل الشكر على اعطائي أنا وغيري من القراء دافع الأمل بالحياة......
(ساعات الواحد يحتاج مثل هالكلمات عشان يقدر يخللي الحياة تستمر ويقدر ينظر للدنيا بعين الأمل)
(يمكن يكون الماضي جارح ومؤلم ولكن مو معناته ان المستقبل راح يكون كذلك......فدوام الحال من المحال )
(قد يكون الجرح والألم في بعض الأحيان قاتل يدعي للانتحار عندما نرى الجرح قد أتى من أقرب الناس لدينا.....دون معرفة للأسباب )
ولكن في النهايه مادام الله سبحانه موجود .......يبقى كذلك الأمل موجود..........فلا يأس مع الحياة.
مع تحياتى لشخصك,,,,
|
|
10/20/2009 10:00:11 PM
|
|
ملاحظاتكم بنات عن ( بعض ) شباب الموقع ...
|
trevi كتب:
مساء الخير ..
اول موضوع اقراه واول مر ه اغامر واسجل بالنت ..مادري شنو طره علي !! يارب سترك ورحمتك
بس شوي انا اخترعت من الكلام المكتوب ..
فعلا انتاو جديين ولا المسأله مافيها جد ؟
وماني عارفه الطريقه اهني بالضبط شلون اتصير وشلون تعرفون جديه المشتركين فيه؟
ومشكورين
مساء الخير لجميع القراء,,,,,,,,,,,
اسمحيلي اقولج ان الله يحبج لأنه خلاج تقرين هالموضوع أول شي ............تدرين ليش؟
لأن فعلا أغلب البنات عانو وايد من سوالف الشباب ولان الأغلبيه داخل بنية استغلال (وصعب اتلاقين واحد زين)
بالنسبه لي أنا والله الناس اللي تلعب واضحه من البروفايل ومن طريقة المسج ومن الأسلوب نفسه........بعطيج أمثله
1- يحطلج مبلغ معين (هذا القذر الصريح)
2-اتلاقين المعلومات اللي بالبروفايل ماهي راكبه على بعض (طبعا الاغلبيه ماشالله دكاتره ومهندسين راح اتلاحظين ويمكن يطلعلج قاضي واحد )
3-النك نيم اتلاقينه يوحى بقصد الشخص او اتلاقين النك نيم أرقام تلفون الشخص.
4-يحط ايميله واتلاقينه يترجاج ويحاول فيج عشان تعطينه ايميلج وتاخذين ايميله عشان يحاول فيج بس عالمسنجر.
5- بالبروفايل اتلاقين البعض حاط على كل المعلومات أفضل ان لا أقول (شكو داش مادري .....الحمدلله والشكر)
6-اذا دزلج مسج يسوي روحه شريف روما وان اهو مستعد يسويج يادهينه لا تنكتين وان معجب بالبروفايل وان ظروفج اتناسب ظروفه ......الخ
وغيرها وايد أشياء ياعزيزتى راح اتشوفين وتنصدمين ويمكن تسمعين أشياء ما مرت عليج,,,,,,,,,,,
بس نصيحتى لج لا تتسرعين والشي الثانى خلج بالمنتدى واقري واستفيدي ........انا والله أدخل عشان أقرا المواضيع وشي حلو لما الواحد يشارك ويقرأ راي الاخرين لان راح يفيدج.
ولكن أظل أقول ان مازال هناك بريق أمل ..........والله يوفق الجميع ..........وأحب أقول ان موكل الشباب اللي بالموقع موزينه بالعكس مازال بالموقع رياييل الواحد يتشرف بمعرفتهم بس للاسف ما صادفناهم .
مع تحاتي لشخصك ,,,,,,,,,
|
|
11/1/2009 12:00:46 PM
|
|
هل تخاف الزوجة من مصارحة زوجها.....؟
|
585585 كتب:
والله بحكم معرفتي وخبرتي بالحياه ادري ان الزوجه الكويتيه جبانه ماتقدر تصارح حتى نفسها عشان تصارح زوجها . لكن المفروض ان الصراحه والاحترام قبل كل شي
صباح الخير,,,,
اسمحلى أقول لك انك ماعندك أي خبره أصلا.....(كل انسان له ماضي ومو معناته ان الواحد لما يتكلم عن الماضي يعنى شجاعه ......هذا معتقد غلط ابغلط
ولو ان الزوجه تدري ان صراحتها ماراح اتهدم بيتها جان تكلمت وبعدين الله ستر عليها فليش اتروح تفضح نفسها ؟
انا مادري شنو الشجاعه بالنسبه لك؟ وشنهي الحكمه من ان الواحد يتكلم بالماضي؟
ممكن الواحد يتكلم بالماضي اذا كان من باب النصيحه او للضروره غير جذي ماله داعي..
وبعدين على فكره اذا الزوجه جبانه بالنسبه لك لانها ماتكلمت بالماضي عيل الزوج شنو موقعه من الاعراب بالنسبه لك ؟
أغلب الازواج اللي انشوفهم متزوجين مازالو على علاقات ومازالو يتباهون جدام حريمهم بوساختهم .......هذا بعد شنو تعتبره ؟ شجاعه وقوه صح؟
مع تحياتى لشخصك......
|
|
11/5/2009 9:57:38 AM
|
|
الزواج السري اوالمسيار.......لماذا؟
|
صباح الخير للجميع......
ليش انتشر زواج المسيار في عصرنا الحالي وما الدافع اللذي جعله ينتشر ؟
أول شي أحب اشكرك على طرحك لهذا الموضوع المهم واللي انلاحظ كلنا ان انتشر بالفتره الاخيره .
وبرايي ان اتجاه الكثير من الناس لمثل هالنوع من الزواج هو خوفهم من الفشل (اغلب اللي يتزوجون مسيار كانت لهم تجربه سابقه وكانت فاشله ) ومافيها شي مدام حلال خلاص ومدام الطرفين موافقين خلاص عادي
هل تؤيدون زواج المسيار ؟
نعم أأيد زواج المسيار وطبعا هذا اذا كان في مصلحه للطرفين....بس الأفضل زواج العام والاشهارأحسن وأحسن .
والله يوفق الجميع......
مع تحياتى لشخصك,,,,,
اتمنى من الكل يشارك برأيه؟
|
|
11/8/2009 8:30:32 AM
|
|
اذا كانت حياتك قصة فما عنوانها؟
|
a7bkm كتب:
مرحبا حبايب قلبي اولا اشكر صاحب الموضوع والفكره وهذا شي جميل ان الواحد يلاقي مكان وناس ومو اي ناس ناس طيبه شرواكم يقول لهم اللي في قلبه بالنسبه لقصه حياتي فانا مسميها البحث بلا جدوى لاني تعبت وانا ادور اللي تملكني بس للحين ما حصل هالشي يمكن اذا حد شاف اللي كاتبه يقول هذا له قصد انه يجذب البنات صوبه لكن وربي اني صادق وينها بس وينها جـــــــــــــــــــــــــــــــأري البحث
صباح الخير,,,,,
أحب أبشرك انك ماراح تلقى فلا اتعب نفسك وخلك على وضعك أحسن.
مع تحياتى لشخصك.......
|
|
11/8/2009 12:50:44 PM
|
|
ليش بالكويت مافي احترام للدكاترة؟
|
dektooor كتب:
دخل عندي مريض وكان يشتكي من ارتفاع الضغط. حاولت افحص ضغطه لكن صعب شوي لانه نوعا ما سمين...قلت له روح للممرض وافحص الضغط عنده...راح والممرض كمان ما قدر...رجع لي...قلت له اوكي راح اقيس ضغطك بالجهاز الالكتروني...قست ضغطه وشفت ان الضغط مرتفع حيل فقلت له روح جيب لي ملفك على شان اضيف دوا مع الدوا اللي عندك...وفي هالفترة ظليت انتظره وانتظره...قلت لنفسي على ما يجي خل استشير مسؤولي افضل دوا نعطيه...رحت لعيادة مسؤولي والا اشوف المريض نفسه موجود عنده وفعد يقيس ضغطه!!!
يعني بصراحة ما اشوف احترام بالمرة...الحين طول الوقت انا انتظرك ومعطل المرضى مخليهم ينتظرون على شان اكتب لك الدوا وانت تطنشني وتروح عند طبيب ثاني؟؟؟
وهذي العادات السيئة ما تبطل منها المرضى!!!
مساء الخير...
انا مالوم المريض على تصرفه لان أكيد حس انك موعارف بحكم انك طرشته للممرض ونفس الشي ماشاف شي فشي طبيعي ان يروح يدور دكتور ثانى ومو معنات تصرفه هذا ان ما يحترمك بالعكس اصلا لو ماكان محترمك جان قطها بالويه وتناجر معاك وسوى قصه بس اهو احترم نفسه واحترمك لما راح حق دكتور ثانى .
وماحب ان يسوي لويه عندك فليش تزعل وليش اتفسر الأمور على هواك ؟
عالعموم الله يعطيك العافيه وياريت تحسن الظن بالمرضى ....
مع تحياتى لشخصك ,,,,
|
|
11/12/2009 9:44:24 AM
|
|
اذا كانت حياتك قصة فما عنوانها؟
|
a7bkm كتب:
حبيب قلبي مشكور على المرور فديتك خلك متفائل تفائلو بالخير تجدوه وعلى فكره انا بالي طويل وما وراي شي ان ما لقيتها هني راح تجي عاجلا ام اجلا مو معقوله اتم طول عمري جذي بس قلبي حاس انها جايه عن قريب وصلت لها بس هي متردده بيجيها يوم تندم انها ما لفتت انتباهي وجاااااااااااااااااااااااااري البحث
صباح الخير ,,,
بالعكس انا متفائله ودايما أقول( ان هناك بقايا أمل ) ولكن في هالزمن صعب الحصول على انسان أو انسانه يكون احساسها معاك أو قريبه منك ....
أتمنى تفهم قصدي (ولاني لاحظت ان معظم الناس سواء بنات أو شباب الأغلبيه ادور على مصلحتها .
عالعموم مابي أطول عليك أكثر ...وأتمنى انك اتلاقي بنت الحلال اللي تسعدك .
مع تحياتي لشخصك,,,,
|
|
11/12/2009 9:52:50 AM
|
|
الاجهزه الرياضيه في المنزل....
|
صباح الخير للجميع,,,
والله انا عندي أغلب الاجهزه بالبيت بس عالمزاج وبسرعه أمل مالي خلق والممشى بعد أروح اذا الجو حلو (مايحتاي بعد ديرتنا الحبيبه الجو فيها مو طبيعي!!!)
بس أفضل أروح النادي والمشكله ماعندي وقت للنادي(وين ماطقها عويه........يعن شكلي بظل دبدوبه...!!!)
مع تحياتى لشخصك,,,,
|
|
12/3/2009 12:10:58 AM
|
|
موضوع خاطري تشاركوني فيه رايكم بصراحة.........
|
slspil.88 كتب:
قليل من كلمة الشكر والاعجاب على كل ما تقدم لنا من مواضيع ومناقشات مفيدة والرائعة................
كلمه دائما أمي ترددها على مسمعنا ان لا فرق بين الزوجين كلاهما يكملان البعض في كل شي طبعا اذا كات الاحترام والتوافق فيما بينهم .
وليس من حق الزوج ان يتصرف في راتب الزوجة الا باذنها ولا اعتقد بان المرأة سوف تقف ساكنة دون مساعدة شريك حياتها الذي يحترمها ويحبها في اي مشكله تواجهه
الوئام والسعادة وراحة البال تدوم اذا كان هناك جو من التفاهم والاحترام والتقدير من كلا الطرفين.......
مساء الخير للجميع........
أول شي كلام أمج على راسي مع سلامي واحترامي لها.
وثاني شي أحب أشكرج على مشاركتج بالموضوع ومع احترامي لرايج بس سالفة ان (ولا اعتقد ان المرأه سوف تقف ساكنه.....الخ) ماوافقج فيها لان وايد أزواج ياخذون بطاقات زوجاتهم وبدون رضاهم وهذي المحاكم دخليها يوم واحد وشوفي الازواج شيسوون وراح اتغيرين فكرتج انا متأكده(طبعا موكل الازواج عشان محد يزعل)
وانا معاج في ان مو من حق الزوج ان يتصرف براتب زوجته.(رياييل اخر زمن والله)
مع تحياتى لشخصج,,,,,,,,,
|
|
1 2 3 4
|