|
صفحات
1 |
|---|
|
9/8/2009 1:09:41 AM
|
dektooor
Posts 14
|
دخل عندي مريض وكان يشتكي من ارتفاع الضغط. حاولت افحص ضغطه لكن صعب شوي لانه نوعا ما سمين...قلت له روح للممرض وافحص الضغط عنده...راح والممرض كمان ما قدر...رجع لي...قلت له اوكي راح اقيس ضغطك بالجهاز الالكتروني...قست ضغطه وشفت ان الضغط مرتفع حيل فقلت له روح جيب لي ملفك على شان اضيف دوا مع الدوا اللي عندك...وفي هالفترة ظليت انتظره وانتظره...قلت لنفسي على ما يجي خل استشير مسؤولي افضل دوا نعطيه...رحت لعيادة مسؤولي والا اشوف المريض نفسه موجود عنده وفعد يقيس ضغطه!!!
يعني بصراحة ما اشوف احترام بالمرة...الحين طول الوقت انا انتظرك ومعطل المرضى مخليهم ينتظرون على شان اكتب لك الدوا وانت تطنشني وتروح عند طبيب ثاني؟؟؟
وهذي العادات السيئة ما تبطل منها المرضى!!!
|
|
10/7/2009 4:09:53 AM
|
hrr0o0
Posts 2
|
السلام عليكم
اشلونك دكتور انت لازم يصير بالك طويل مع المرضي لانه مريض
وبعدين حبيت اوضح نقطه انه اصابعك مو سوا فيه شخص متغاهم وهذا نادر ماتحصله بالكويت وفيه ناس من النوعيه الوسواسي ( يحاتي ) أو نقدر نقول خوف او ربكه لازم يسأل اكثر من واحد وهذا اللى حاصل عندنا .
وبعدين انا ابى أقول الله يعطيكم العافيه ع الجهد اللى تبذولونه وطولة البال
شكرا ع الموضوع
سلام
|
|
10/8/2009 6:08:53 PM
|
khaledmm
Posts 30
|
يا اخي الطبيب
الصبر ثم الصبر ثم الصبر
صدقني راح تشوف انواع من البشر تحمد ربك على الشخص اللي يتعالج عندك
مجتمعنا فيه المتعلم والجاهل ....التعامل معاهم يختلف وتقدر تكسبهم بالكلمه الطيبه والاحترام
|
|
11/8/2009 12:50:44 PM
|
NOLOHO
Posts 74
|
dektooor كتب:
دخل عندي مريض وكان يشتكي من ارتفاع الضغط. حاولت افحص ضغطه لكن صعب شوي لانه نوعا ما سمين...قلت له روح للممرض وافحص الضغط عنده...راح والممرض كمان ما قدر...رجع لي...قلت له اوكي راح اقيس ضغطك بالجهاز الالكتروني...قست ضغطه وشفت ان الضغط مرتفع حيل فقلت له روح جيب لي ملفك على شان اضيف دوا مع الدوا اللي عندك...وفي هالفترة ظليت انتظره وانتظره...قلت لنفسي على ما يجي خل استشير مسؤولي افضل دوا نعطيه...رحت لعيادة مسؤولي والا اشوف المريض نفسه موجود عنده وفعد يقيس ضغطه!!!
يعني بصراحة ما اشوف احترام بالمرة...الحين طول الوقت انا انتظرك ومعطل المرضى مخليهم ينتظرون على شان اكتب لك الدوا وانت تطنشني وتروح عند طبيب ثاني؟؟؟
وهذي العادات السيئة ما تبطل منها المرضى!!!
مساء الخير...
انا مالوم المريض على تصرفه لان أكيد حس انك موعارف بحكم انك طرشته للممرض ونفس الشي ماشاف شي فشي طبيعي ان يروح يدور دكتور ثانى ومو معنات تصرفه هذا ان ما يحترمك بالعكس اصلا لو ماكان محترمك جان قطها بالويه وتناجر معاك وسوى قصه بس اهو احترم نفسه واحترمك لما راح حق دكتور ثانى .
وماحب ان يسوي لويه عندك فليش تزعل وليش اتفسر الأمور على هواك ؟
عالعموم الله يعطيك العافيه وياريت تحسن الظن بالمرضى ....
مع تحياتى لشخصك ,,,,
|
|
3/30/2012 5:57:56 AM
|
zawajat
Posts 62
|
مساااااااااااااااااء الخير
اتكلم بصراحه ومن غير زعل
عدم احترام الدكتور او اي شخص بوظيفه ثانيه مباشر مع المراجعين يعتمد على شخصيه الدكتور او الموظف
لمن نشوف الفرق بين دكاتره قبل واثقين من اعمارهم ومهيئين للوظيفه وتعامل مع الاخرين واصحاب شخصيه قويه ومقنعه مع ان قبل ماكان في قانون يحمي الدكاتره
الدكتور او الموظف الي يباشر المرضى او اتصال مباشر مع الجمهور يجب عليه يكون قيادي ومقنع وصاحب قرار يقدر يشخص الحاله وبكل ثقه وبنفس الوقت لازم يكون متفائل ويتحمل المراجعين ولكن االلي اشوفه دكتوره كاشخه ميكب والعطر والاكسسوارات ولادكتور لابس جينز وتيشرت ذوا علامه تجاريه مابي اذكر اسامي مايلبسونه الاوقت الرياضه ولاالمراهقين بالمجمعات شلون بحترمه واهو مااحترمه لبسه بوظيفته ولاهي بالكماليات (((ولاماسك الموبايل))))
دكاتره قبل موبس شاطرين بالدراسه والتحليل للمرضى لابعد يعرفون يتعاملون مع الاوادم ومومحتاجين قوانين لان مااعتقد في شخص ينتظر احد اقربائه عند العمليات واييله دكتور فجاه ابوك او امك ماتت حتى اسلوب ماكو في التدرييج للمصارحه بالمصيبه واللي يحر يبتسم اكيد بينطق يحر ((((هالحاله ماحصلتلي الحمدلله بس شفتها بعيني))
في دورات مهمه لكل موظف مو بس دكتور للتعامل مع الاخرين وغير مكلفه جدا بالعكس والثقه بالنفس واللبس المناسب واحترامك لعقليات الاخرين تفرض عليهم احترامك
اذا جهاز لقياس الضغط موعارفله وتدزه للممرض ولاتسال رئيس القسم عن العلاج شلون دكتور فهمني
واحس من كلامك واعتقد ان شافك متدوووووده وموعارف تكتبله العلاج لو انا مكانه اكيد بروح لرئيس القسم دكتور ثاني
(((((((لازم تستوعب يادكتور ان صحه الناس غاليه عليهم ونفس الوقت المريض مستحيل يجامل الدكتور على صحته ووقت تعبه)))))))))
راجع ضميرك وحط نفسك مكانه اتوقع رده فعلك بتكون اقوى من جذيه
تقبلوا مروري
|
|
9/7/2012 9:51:11 AM
|
FaHaD10001
Posts 8
|
السلام عليكم ..
دكتور أنا بصراااحه أشوف ان الشخص محترم وحكيم وبعطيك الدليل
لما جاك .. وقلت روح للممرض .. والممرض قال روح لطبيب / تضايق شوي وقال يمكن مايفهمون
واكبر دليل قلت ..؟؟ بروح استشير بشوف شنو افضل دوا اعطيه ..؟؟
فهو بالحاله هذي انسحب منكم انسحاااب تكتيكي بدون هواش ومشاكل وراح لطبيب الثاني
وآسف جداً جداً على كلمة مايفهموون
|
|
صفحات
1 |
|---|