|
12/28/2008 10:00:43 PM
|
|
الزواج قسمة ونصيب والا شنو رايكم؟
|
طبعا القضاء والقدر هذا شي من الله و احنا لايمكن و مستحيل ان نشكك فيه
لكن بنفس الوقت الانسان مخير و ليس مسير و ربي سبحانه يعطينا الاسباب و احنا نختار .
و الزواج اهو اختيار لاحد هذه المسببات .
و شكرا
|
|
12/28/2008 10:13:41 PM
|
|
سؤال ... للأعضاء جميعا
|
هالسؤال موجه للرياييل اكثر
لان الريال اهو اللي يخطب و نتمنى نسمع ارائهم
و طبعا الزواج سنه الحياه و وقايه من الرذيله و المعصيه
و شكرا
|
|
12/28/2008 10:22:05 PM
|
|
قصتي
|
خل ايمانك بالله قوي
و كل تأخيره فيها خيره و هالناس اللي تتحجى عنهم قول الحمدلله ان الله كشفهم لك ! مو ان تتزوج بنتهم و بالاخير تكتشف طبايعهم و نظراتهم و تخلفهم .
قول الحمدلله و اكثر من الاستغفار ودام ان نيتك هي الحلال فالله شيرزقك من غير لاتحتسب انشالله بس اصبر و ان الله مع الصابرين
وشكرا
|
|
12/28/2008 10:26:09 PM
|
|
نصائح مفيدة ... للجنسين
|
نصيحتي للبنت لاتطلعين اسرار بيتج برا حتى لو حق امج الا الجايد منها
و يالريال خاف الله بمرتك و دربالك عليها و اهتم فيها لاتهملها و حطها بعيونك ومثل ماقال عليه لصلاه والسلام رفقا بالقوارير
ترا احنا مخلوقات ضعيفه كلمه تاخذنا و تودينا و بالكلمه الطيبه تقدر تكسب مرتك و تعطيك بدال كلمتك هالطيبه الاف الكلمات الطيبه بالمقابل .
وشكرا
|
|
12/28/2008 10:31:39 PM
|
|
ماذا تفضل .. موضوع للمناقشة
|
انا افضل السكن بروحي اما في حال اذا كان زوجي دوامه شفتات بليل او سفرات افضل اسكن عند اهله او اتم ساكنه بروحي بس قبلها يقطني عند اهلي ولا اتم بروحي بشقتي
|
|
12/28/2008 10:45:49 PM
|
|
مواقف وقصص واقعية من موقع خطبة
|
انا ماصارلي يومين هني بس لاحظت في باكستاني اهتم في بروفايلي ههههههههههههه و حاط صورته بعد عليه خوش قذله
انا استغرب من هاللي يعطون فلوس و بمبالغ كبيره مثل هذي على بو ان هالشخص محتاج و على بو ان طيبه !! سوري بس هذي مو طيبه قلب هذي سذاجه و القانون لايحمي المغفلين!
واحد ماتعرفينه ولا يعرفج تعطينه فلوس! اصلا ريلج اللي اهو ريلج ماله حق بفلوسج فمابالج الغريب !
المهم ان لازم الواحد يتعلم من هالمواقف القاسيه ولايصير ملطشه للناس كل من يمشيه و اييبه على بو ان طيب .
5000 دينار والله حرام ، اشتري فيهم سياره احسن ولا اعطيها لامي او ابوي .
وشكرا
|
|
12/30/2008 2:16:45 PM
|
|
شنو جنسية الزوجه التى ترغب بها ؟
|
السلام عليكم
صح انا مالي شغل بالموضوع بس لازم اتليقف ههههههه
طبعا اهم شي الاخلاق و التربيه و الاصل والمنبت الطيب ولا الجنسيه عمرها ماكانت مقياس!
لكن هم بعد بنت الديره مافيها شي ( مو لاني كويتيه لالالالا ههههه ) بس يعني لها نفس عاداتك و تقاليدك و على دينك و البنت الكويتيه السنعه تنحط عالجرح يبرا وماكو احلى من بنات ديرتنا بالزين و السنع .
والصراحه انا ملاحظه اللي ياخذ من برا ماتييه الا المشاكل! يعني واحد يصيرلي خذا وحده من جنسيه ثانيه و طلعت عينه! و لما كبر قلبت عليه و عياله قلبوا عليه معاها و طاح مريض ولا احد يدري عنه منهم! وماقام فيه الا عياله من زوجته الكويتيه ليما توفى الله يرحمه !
طبعا هذي شريحه احنا مانعمم لان في ناس حمدلله متهنين و متربين و عايشين احلى عيشه ومانقول غير الله يكتب لشبابنا و لنا اللي فيه الخير والصالح .
وشكرا
|
|
12/30/2008 2:22:54 PM
|
|
عزوف الكويتيات عن الزواج
|
انا اوافق كلام اختي جنجر تماما
الريال المتزوج اساسا قبل لايفكر انه ياخذ ثانيه لازم يسأل نفسه هل اهو حقا يقدر يعدل بين البيتين و يوفي للزوجتين حقوقهم و واجباتهم بالتساوي ؟! صح الشرع محلل اربع بس لازم يعدل و هذا اللي تخاف منه اغلب بناتنا ، وايد متزوجين تزوجوا ثانيه و عقب هدوهم و رد للاولى .
|
|
12/30/2008 2:35:12 PM
|
|
ماذا استفدت ؟
|
السلام عليكم
اولا الموقع جدا ممتاز و كاااافي انه تأسس على اساس زواج حتى لو في ناس مو جاده ! بس اسمها انه تأسس لشي زين و اكيد بتلقى فيه الناس السنعه مو نفس مواقع التعارف الثانيه بدون ذكر اسماء تأسست عشان وناسه و سوالف لا اكثر مع ان هناك في بروفايلات و هني في بروفايلات ! بس الاساس و الهدف صح .
الشغله الثانيه المنتدددددددى انا مو من عشان المنتديات بس هذا جدا حبيته اولا لمواضيعه الهادفه اللي تخدم الهدف من الموقع نفسه وانا جدا استفدت منه و بنفس الوقت الردود الحلوة اللي قاعده اقراها و ثانيا يساعدنا على اني افهم عقليه الشخص اللي جدامي بالمواضيع و المواقف المختلفه المطروحه بالمنتدى لان البروفايل نفس مو كافي .
الموقع عيبه شغله وحده و اتمنى يلقونلها حل ، اللي اهيا الرسائل ليش حاطينها بفلووووس ؟! في ناس يمكن ماتقدر تدفع رسوم اشتراك النخبه كل شهر او كل شهرين او تخاف انها تستعمل حسابها من خلال النت يعني واحد قرا بروفايل وحده و عجبته و اهي نفس الشي بس لا اهو يقدر يدزلها رساله ولا اهيا عيل شلون بيتواصلون ؟؟! اتمنى لو ان هالشغله بس اللي يشوفونلها حل و اذا على مميزات الموقع الثانيه مايخالف لو صار عليها رسوم لاثبات جديه المشترك بشكل اكبر .
وشكرا
|
|
12/30/2008 2:46:18 PM
|
|
ما سبب ارتفاع نسبة الطلاق بالكويت
|
1- اولا الاهل و تدخلهم بحياه الزوجين ! يعني تلقاهم يالله ليش ماحملت مرتك ؟ ولا اهل البنت يسألون اهل الولد ليش للحين مامسك ايدها شنو اهوا مايبيها ؟ ونتوووووووو شكووووو ؟ خلوهم بحالهم الحنه الزايده تضايقهم و اذا البنت و الولد مو سنعين يمكن الزواج يتأثر بسبه هالحجي . لازم الزوجين يكونون على قدر كافي من النضج عشان يعرفون يحلون جميع انواع المشاكل اللي ممكن تصادفهم خلال حياتهم اليوميه و ارد و اعييييد اسرار البيت تتم بالبييييت ! و ايضا الزواج المبكر له دور اذا ماكان في توجيه و ارشاد جيد من ناحيه الاهل للزوجين .
2- الاهل مايتدخلون الا في المواقف الجايده مثل ان الزوج يرد البيت سكران اعوذ بالله او انه مقصر بحق بيته و زوجته كله طالع ومايصرف او اذا كانت الزوجه ناشز وماتطيع ريلها اهلها يسنعونها و يكلمونها خصوصا اذا في بينهم عيال لازم مايتسرعون . و مثل ماتفضلوا لازم الزوج يكون صبور اكثر خصوصا ان المرا بطبيعتها حساسه و تييها فترات ماتفكر بعقلها بسبب التغييرات بهرموناتها خلال فتره الطمث او مابعد الولاده هذي كلها يصير فيها تغير بالهرمونات و نفسيتها تتأثر فلازم الزوج يكون متفهم شوي زياده خصوصا ان العصمه بيده ومايحاسب على كل صغيره . و لازم يكون في توعيه اعلاميه لحقوق الزوجين على بعض .
3- المسؤوليه تقع على كل الاطراف الاهل و الزوجين .
|
|
12/30/2008 2:48:53 PM
|
|
اللغة العربية لم تنصف المرأة
|
ههههههههههههه لا حول ولا قوة الا بالله موراضين يخلونا بحالنا
على قولتهم كافي ان الجنه تحت اقدامنا
|
|
12/30/2008 3:03:48 PM
|
|
السلام عليكم
|
جزاك الله الف خير على هالكلام
كلامك عوار قلب حبيت نفسي زياده هههههههه
و ياليت بس شباب الموقع يشوفون موضوعك هذا و يتعضون و يخافون الله فينا
جزاك الله خير و عسى الله يكتبلنا و اياكم النصيب الصالح
|
|
12/30/2008 3:33:09 PM
|
|
:: حقوق الزوجين ::
|
جزاك الله الف خير اخوي كربلا على هالروايات الشريفه واللي لابد الناس تقراها و تستفيد منها وعسى الله يهديهم
و حتى لو كانت المواضيع مكرره مافيها شي "وذكر فان الذكرى تنفع المؤمنين" و بالاعاده افاده
|
|
12/30/2008 4:25:18 PM
|
|
من هى المرأه !!! تكمله للموضوع الاول
|
هههههههههههههههههه
بسسسسسس يا فلفل شقيتنا بمواضيعك كله عن البنات البنات البنات
انا مستغربه انت ليش داش هالموقع اذا انت متعقد منا لهالدرجه 
الله يهديك
|
|
2/4/2009 10:06:12 AM
|
|
متى تخون المرأه
|
السلام عليكم
حباااااايبي انا بااااااااك اللله اللله قطعت عن المنتدى شوي و لقيت مواضيع يديده
مشكور اخوي عالموضوع الوااايد حلو و ليت رياييلنا يتعلمون شوي بدال هالاسلوب الناشف اللي ذابحينا فيه ، بس صراحه لو سوا كل هذا مو جنه بصير وايد لزقه او ياي من كتالوغ بمعنى اخر (مهند) لانه بكون وايد برفيكت والكامل الله ؟ هههههه ، لكن مافيها شي اذا سوا بعض منها و على حسب الموقف طبعا .. الشغلات اللي لفتت نظري :
عندما تطيل لسانها عليك ( قبلها وقل لها انك تحبها )
سوري بس انا ضد هالشغله لان المرا اللي تعلي راسها فوق راس الريال و تطول لسانها حتى لو كان اهو الغلطان ، هذي ماعندها احترام لنفسها و لا للي جدامها والريال اللي يشوف مرا تغلط عليه و يسكت و يرد بموقفه و يقولها احبج انا اعتبره (...) لاتعليق بالعكس مفروض يسكت و يحاول يصلح غلطته بعدين عقب ماتهدى النفوس اما اذا ماكان غلطان بعد مافيها نقاش هذي .
عندما تكون صامته ( اسألها ما المشكلة )
ممم هذي فيها من طبعي و للاسف محد فاهمه انا لما اشوف شي و يكون مضايقني حيل اسكت و افضل ماتكلم لان لو تكلمت بخربها عدل ومابي اوصل لهالمرحله و اغلب رياييلنا للاسف لما يشوفون وحده ساكته يتنرفزون زياده هههههه فمافيها شي اذا سألت شفيج حتى لو قالتلك المرا (ماكو شي ) لان صدقني عقب اهيا بتتكلم و تقولك كل شي وشاللي مضايقها و فبالها لانها شافت اهتمام منك مع انها متضايقه منك او من شي ثاني .
عندما تدفعك أو تضربك ( امسك بها ولا تتركها )
هذي تذكرني بالافلام المصريه لما البطله تطق البطل وتصارخ سيبني انا بكرهك بكرهك و اهو يمسكها يقولها ماتمشيش انا بحبك هههههههه بس لا بنات لاتصدقون هالجمله لان طقه عن طقه تفرق ديروا بالكم لا اييكم بوكس عكسي 
عندما تمسك يديك ( أمسك يديها وداعب أصابعها )
هذي عجبتني حسيتها وايد رومانس خصوصا ان اغلب الناس او الازواج بالذات مو عارفين اهميه مسكه الاييييييييييييد و مدى أثرها انصحكم تقرون عنها .
عندما تراها في أسوأ حالاتها ( قل لها أنها جميلة )
اوكي سوها بس لاتشلخ وايد : ) هذا يذكرني بالقصه اللي مرته سوت حادث و تشوه ويها و ريلها سوا روحه عمي ومايشوف بس عشان مايجرح مشاعرها .
عندما تنظر إلى عينيك ( لاتلتفت حتى تلتفت هي )
سؤال و اذا اهيا ما التفتت ؟
أبق على خط التليفون معها حتى لو لم تقل شيئا
هذي ممكن تنطبق علي لاني مو من النوع اللي اقرق و اسولف وايد لكن اقدر اتفاعل .
اتصل بها قبل أن تنام وبعد ماتصحو من النوم
هذي انا وايد احبها و افضلها لانها لو صارت روتين راح تحافظ عالتواصل خصوصا ان هالفترتين اهما الفترات الوحيده خلال اليوم اللي نكون فيها مومشغولين !
قبلها تحت المطر
الللللله : (
و تعليق اخير بالنسبه للخيانه : الرجل معروف بطبيعته ممكن انه ينظر (ينظر مو يخون) لاكثر من مرا و المرأه مستحيل تنظر لاي رجل او تخون الا اذا شافت شي من الرجل مو مريحها معاه وصارت ماتقدر تلقى الحب و الحنان منه نفس قبل ، عشان جذي السؤال حق الناس اللي مو بطبعها الخيانه : شنو اللي خلاهم يخونون من الاساس ؟ مثل ماقال اخوي راجعوا نفسكم قبل لاتحكمون ، اما اذا المرا او الريال ماكانوا مقصرين من الاساس و احد الطرفين موماخذ العلاقه بجديه فهني ماكو اي مجال للعذر وانا عن نفسي اللي يخوني مستحيل اسامحه لاني ادري اني ماقصرت و حتى لو كان لي غلطات فبتكون بسيطه وماتوصله لدرجه انه يخوني ، و مثل ماقالت فوزيه دريع الخيانه أقوى من الموت لان الشخص العزيز اذا مات ممكن انك تنساه مع الايام لكن بالخيانه هالشخص بكون للحين حي ومامات و طاريه بتشوفه لامحاله ومافي اقسى من جذي .
عسى الله لا يطيحنا بهالشي عشان جذي لابد من الاختيار السليم في بدايه كل علاقه لضمان نجاحها وبذل الجهد للحفاظ عليها قدر الامكان .
وشكراااااا
|
|
2/4/2009 10:20:26 AM
|
|
الاحساس الراقي
|
صج الخيانه اقسى من الموت ، لكن الاكيد اني بعدها بكون اقوى من قبل لان كنت مخدوعه بهالشخص .
|
|
2/4/2009 10:23:54 AM
|
|
الحب والنت
|
ممممممم
صحيح ان الانترنت وسيله من وسائل التواصل و تفوق عليها كلها بجداره لكن اذا الطرف الاول ماخذ التعارف عن طريق الانترنت بجديه و يبين هالشي راح ناخذه احنا بجديه اما اذا كان ماخذها تضييع وقت لا اكثر فماراح نكون جادين معاه طبعا لانه بكون تضييع وقت لنا بعد .
و باي ذا وي عمري 25 .
مشكور عالموضوع و اتمنى تحط رايك الشخصي بموضوعك .
|
|
2/4/2009 10:29:43 AM
|
|
قصة حب مؤثرة جدا
|
ممكن تكون مجرد قصه تقرونها لكن انا مروا علي ناس عاشوا هالوضع بالفعل و بعضهم كانوا واصلين تقريبا لمرحله الزواج لكن الله ماكتب ان هالشي يتم و ياما ناس راحت بسبب حوادث هالسيارات و تهور بعض الناس بالشارع ومايدرون اهما شسووا بحياه هالشخص اللي ذبحوه بسبب تهورهم و مدى تأثيره على حياه الناس المرتبطه فيه و بحياته ، خافوا الله بنفسكم و باللي معاكم بالشارع وبليز التزموا بالقوانين لان محد عارف شنو نتيجه هالتهور والله الحافظ و عسى الله يعوض خير .
|
|
2/4/2009 10:44:35 AM
|
|
النساء سبعين نوع
|
اووخ هذيل كلهم انا هههههههه p:
لا معروفين الرياييل مايزيدون عن نوعين احنا نحب الزياده بكل شي لوول
العـانـق : المرأة التي لم تـتـزوج .
طبعا هذي تنطبق على كل بنات الموقع وانا منهم هههههههه
حلوة الانواع و طبعا اللي فهمته منها ان كل مرا ممكن ان تمتلك كذا نوع في ان واحد على حسب مواصفاتها ، حسيت هالانواع قريبه مني احم احم :
الغـانـيـة : المرأة اذا استـغـنت بجمالها عـن الزينة .
الوسيـمة : المرأة اذا كان جسدها ثابتاً كأنها رسمت به
الوضيئة : المرأة التي بها مسحـة من الجمال .
الزهــراء : المرأة التي يميل بياضها إلى صفرة كلون القمر والبـدر >> يمكن قصدهم حنطاويه
الـشـنـبـاء : المرأة رقيقة الاسنان المستوية الحسنة .
الخــود : المرأة الـشـابة حسنة الخـلـق .
المبـتـلة : المرأة التي لم يركـب لحمها بعـضه بعـضا .
الهـيـفـاء : المرأة اذا كانت لطيفة البـطن . >> ايوااااا صكيت على هيفاء وهبي
الممشوقة : المرأة لـطـيـفـة الخـصر مع امـتـداد القامة . >> ماكو امتداد قامه في انكماش قامه لاني قصيره هههههههه
البهنـانة : المرأة اذا كانت طيـبـة الريـح .
العـروب : المرأة اذا كانت محبة لزوجها .. المتـحـبـبـة إليـه . << اللهم اجعلنا منهم
الحصان : المرأة الـعـفـيـفـة .
الهنانة : المرأة الضاحكة .. المتهللة .
البلهـاء : المرأة الكـريـمـة . >> عجبني المعنى لكني ضد المسمى لان قويه هههه
بس الباجي بالجزء الثاني p:
وشكراااا
|
|
2/4/2009 10:48:46 AM
|
|
زوج يؤدب زوجته بطريقة رائعة وعجيبه
|
زين يسوي فيها
مافيها شي اذا تكشختي للطلعه بس ريلج اولى بهالكشخه لاتنسينه بهالشي .
شكرا
|
|
1 2 3 4
|