|
صفحات
1 2 |
|---|
|
10/23/2008 8:40:54 PM
|
FLFL.42
Posts 17
|
لو بتزوج شنو تختار ؟
1. كويتيه .
2. خليجيه .
3. عربيه .
4. بدون .
5. اجنبيه .
والسبب ؟
|
|
10/24/2008 12:15:59 AM
|
orfi_man
Posts 5
|
اكيد كويتية
|
|
10/24/2008 11:18:49 AM
|
el7saweya
Posts 55
|
FLFL.42 كتب:
لو بتزوج شنو تختار ؟
1. كويتيه .
2. خليجيه .
3. عربيه .
4. بدون .
5. اجنبيه .
والسبب ؟
انت فلفل شنو تختار؟؟ لوووووووووووووووووووووول مقدما 
|
|
10/24/2008 11:19:39 PM
|
Karbala
Posts 318
|
السلام عليكم
الجنسية مو مقياس .. لأمور الزواج
أي جنسية .. المهم ........
تحياتي
|
|
10/25/2008 5:32:37 AM
|
khale_dm
Posts 358
|
الاخلاق والتربية ......اهم من الجنسية
بقوولكم سالفه صارت :
في ريال كويتي تزوج وحده مصريه ....ياب منها عيال والزوجه المصريه بعد ما اخذت الجنسيه الكويتيه تغيرت وصارت تستقوي وتشوف حالها ....المهم الزوجه المصريه تطلقت من الكويتي واخذت نص البيت ....فالزوج الكويتي كان عنده جنسيه سعوديه فراح للجنسيه وقالهم انا سعودي مو كويتي وابيكم تسقطون مني الجنسيه الكويتيه ...الريال رد سعودي وبما ان الزوج الحين سعودي فالزوجه المصريه مالها حق تاخذ الجنسيه الكويتيه ...بعدين طاحت من عندها الجنسيه الكويتيه وردت مصريه ....فطاحت حقوقها في البيت وردت مثل اولا مصريه وفوق هذا لا سكن ولا وظيفه ...فما قدرت تتحمل الظروف وردت لديرتها ....والزيال السعودي جابله واسطه ورد الجنسيه الكويتيه....وفي قصص كثيره ثانيه واللي يبي اقوله
|
|
10/27/2008 1:42:14 AM
|
hassasa
Posts 65
|
والله خوش دقه ياخالد..
زين يسوي قيها .. قلعتها ليش ترفس النعمه..
مثل مايقول المثل: ماصار طير وارتفع إلا كما طار وقع.. رواااسي على مخه .. ههههههه
حساسه .. ودمتم سالمين
|
|
10/27/2008 8:57:40 AM
|
khale_dm
Posts 358
|
hassasa كتب:
والله خوش دقه ياخالد.. زين يسوي قيها .. قلعتها ليش ترفس النعمه.. مثل مايقول المثل: ماصار طير وارتفع إلا كما طار وقع.. رواااسي على مخه .. ههههههه حساسه .. ودمتم سالمين
--------------------------------------------------
في بعد سوالف ثانيه غريبه عجيبه لو تدرين عنها تستغربين شلون الريال( ......) يسووون فيه جذي. ...القصه هذي قطره من بحر
اخوكم/ خالد
|
|
10/27/2008 11:39:37 AM
|
hassasa
Posts 65
|
قولنا ونورنا ياخالد..
عشان الناس تتوعى وتتعض من أخطاء غيرها..
يالله قولنا سوالف سانيه.. 
حساسه.. ودمتم سالمين
|
|
10/29/2008 3:02:09 AM
|
Karbala
Posts 318
|
hassasa كتب:
قولنا ونورنا ياخالد.. عشان الناس تتوعى وتتعض من أخطاء غيرها.. يالله قولنا سوالف سانيه.. حساسه.. ودمتم سالمين
هههههههههههههههههههههه
تحب سوالف الشماته .......
تحياتي
|
|
10/30/2008 4:52:55 AM
|
guest_q8
Posts 150
|
سؤال حلو من شخص حلو )
فلفل شوف بالنسبه لي طبعا الكويتيه على الاقل بيت اهلها قريب اذا بطت جبدج كلها ربع ساعه وواصل بيت اهلها
اما الاجنبيه يبيلك طياره
نرد للجد اكيد الكويتيه صج انها طلباتها وايد وتحن وتبط راسك بس ما عليه نتحملها .
أحمـــــــــــد***
|
|
10/30/2008 8:09:58 AM
|
girl1
Posts 15
|
ياخ خالد
يعنى تقصد ان المصريات كلهم كده
|
|
10/31/2008 12:15:24 AM
|
mel79al7iat
Posts 83
|
صج السؤال موجه حق الرياييل بس ودي اتكلم بهالموضوع انا اقول حق اللي يفكر انه ياخذ غير جنسيته نصيحة من اختكم ملح الحياة ( حلات الثوب رقعته منه وفيه ) وبسكم يا اعيال ديرتنا قاعدين تتزوجون من برة شفيها لكويتية يالله من فضلك سنع ومنع وذرابة وكريمة وتضحي بكل شي عشان ريلها وبيتها ومعاشها كله يا بعد عمري على بيتها الصراحة انا وحدة امووووت قهر لما اشوف ولد ديرتي ياخذ وحدة مو من ثوبه على العموم كل واحد وحر باختيارة والله يوفق الجميع لما يحبه ويرضاه ......
|
|
10/31/2008 1:31:45 PM
|
jinger
Posts 19
|
مع احترامي لكل الجنسيات لكن أنا اللي لاحظته من خلال التغير الاجتماعي اللي حاش البلد نتيجة ظهور النفط التالي:-
أولا في فترة الستينات: زواج الكويتين من العراقيات
ثانيا في فترة السبعينات: زواج الكويتين من مصر وسوريا (شوفوا درب الزلق) ومع تجديد احترامي لكل الجنسيات بس هذا كان توجه الكويتين لبداية ظهور النعمة عليهم وسفرهم لمصر
ثالثا في فترة الثمانينات: زواج الكويتين من امريكا واوروبا (باي باي لندن) ترى على فكره المسلسلات كانت تعكس الواقع ولاحظوا فعلا معاي حالات الزواج
رابعا في فترة التسعينات: زواج الكويتين من الفلبينيات (بسبب الخدم) وكان عذر البعض ان الفلبينية تخدمه وتسوي كل شي لكن هذا مو عذر بعد لأن انا شفت فلبينيات متزوجين كويتين يايبين لهم فلبينيات يخدمونهم يعني صج فلم (اللهم لا شماته)
خامسا:الألفية ما اقدر اقول لان اخاف يتبلك الموضوع
القصد من التوضيح هو ليس الطعن أو مهاجمة الرجال بالعكس لأن في رجال بنفس الوقت خذوا بنات الديره وبنات حمايل لكن القصد هو توضيح أثر التغير الاجتماعي على الذوق والاهتمام - لازم يكون فيه توجيه اجتماعي يساعد الرجل والمرآه على اختيار الشريك المناسب والتوعية اللازمة لأن أثر الاحداث اللي ذكرتها هو وجود توليفة عجيبة من الأجناس في الأجيال الحالية وفي اصطدام بالأفكار والسلوك- البعض يمكن بيقول مافي فرق الا بالاخلاق- صحيح نعم لكن مازال كل شعب يختلف بفكره عنا- ونتيجة هاللخبطة باختيار الازواج واضحه ومحد يقدر ينكرها - مع تجديد احترامي لكل الجنسيات وشكرا
|
|
10/31/2008 2:06:03 PM
|
Terminator
Posts 3
|
ابصراحة انا بعد تجربتي الأولى ..غسلت ايدي من الكويتية..لأنها اتييب الضغط والقلب والسكر..طلباتها ما اتخلص..كله هات هات هات ما يوم قالت هاك اخذ
المهم نصيحة لاخواني المقدمين على الزواج اخذو من بره الديرة ترى بنات الكويت يتشرطون وطلباتهم وايدة وتخليك دايما مديون ومطلوب وعلى الحديدة..هذي وجهة نظري ...تحياتي للجميع
|
|
10/31/2008 2:21:33 PM
|
khale_dm
Posts 358
|
girl1 كتب:
ياخ خالد
يعنى تقصد ان المصريات كلهم كده
---------------------------------------------------
لا يالغاليه المصريات والنعم فيهم
بس الكويتي ياخذونه عشان فلوسه مو حبا فيه
وسامحيني على صراحتي
اخوكم/ خالد
|
|
10/31/2008 2:46:26 PM
|
khale_dm
Posts 358
|
jinger كتب:
القصد من التوضيح هو ليس الطعن أو مهاجمة الرجال بالعكس لأن في رجال بنفس الوقت خذوا بنات الديره وبنات حمايل لكن القصد هو توضيح أثر التغير الاجتماعي على الذوق والاهتمام - لازم يكون فيه توجيه اجتماعي يساعد الرجل والمرآه على اختيار الشريك المناسب والتوعية اللازمة لأن أثر الاحداث اللي ذكرتها هو وجود توليفة عجيبة من الأجناس في الأجيال الحالية وفي اصطدام بالأفكار والسلوك- البعض يمكن بيقول مافي فرق الا بالاخلاق- صحيح نعم لكن مازال كل شعب يختلف بفكره عنا- ونتيجة هاللخبطة باختيار الازواج واضحه ومحد يقدر ينكرها - مع تجديد احترامي لكل الجنسيات وشكرا
------------------------------------------------------
مشكوره اختي الغاليه جندر على موضوعج وردج الجميل ولكن انا عندي سؤال واتمنى تجاوبيني عليه......ليش الكويتي صار ياخذ من بره وترك بنات ديرته؟
للاسف المجتمع الكويتي مجتمع مظاهر وهذا الشي ما نختلف عليه .....اهل البنت يبون واحد فايف ستار كل شي فيه ....الشروط التعجيزيه اللي يطالبون فيها اهل البنت للريال اللي يبي يتزوج تجعله يسافر عشان يلقى بنات ناس ما يزعجونه بكثره الطلبات
اعطيج مثال لما الواحد يبي يتزوج:
1- القبائل: هذا اصيل ومو اصيل
2- المذاهب: سني وشيعي
3-العوايل: هذا من ولده
4- التعليم: شنو شهادته ووظيفته وجم معاشه وين ساكن
الكويتي لما يتزوج بره ديرته بيقولون له انت اصيل والا مو اصيل او سني والاشيعي والا انت من ولده والا شنو تعليمك .....فكل هذي الاسباب تجعل الكويتي يتزوج بره ديرته
اخوكم/ خالد
|
|
10/31/2008 4:12:49 PM
|
jinger
Posts 19
|
صح أنا معاك خالد هذي هم أسباب لكن مو مسئولية المرأه التعنت بالأصل لأن غالبا اللي يتعنت بمسأله الأصول هو الأب أو الأخ أو العم أو الخال يعني بالنهايه غالبا الرجل يوقف ضد نفسه- بعدين انا مو ضد الزواج من بره إذا كان ياخذ الكويتي من أسره محترمه بالخارج بس اللي يصير يا أخي الفاضل ان الكويتي أغلب الأوقات يتعرف على زوجته الأجنبية بمكان غير لائق ويأخذ عادة أسوأ الناس بهالدولة من الحريم وانت عارف شنو أقصد- يعني بكل الدول في العوايل الراقيه بالأخلاق وبالنسب وبالتعامل وفي النوعية الوضيعة اللي أهل بلدهم نفسهم ما يلتفتون لهم وللأسف الكويتين يروحون الأماكن البايخة وينتقون منها زوجات المستقبل تالي يقول شحليلها ما عندها شروط؟؟؟؟ طبيعي انت ماخذ وحدة شسمه أصلا مجتمعها رافضها وبتفرح تلقى واحد يبيها وبس تتزوج الكويتي بتسوي تصرفات أكثر من الكويتية بمنظور البعض- هذا غير سالفة ان تاخذ العيال وتقب - الكويتية مالها شروط الشروط اصلا هي شروط المجتمع والعادات اللي فرضها الرجل- فلا تتحلطمون على المراه- وإذا في أحد يقدر يصلح هالوضع الاجتماعي اهو الرجل بحد ذاته- وأنا أقول لأحد الاخوان اللي قال الفلبينيه والهنديه في النهاية بشر !! احنا ما قلنا انهم مو بشر !! بس إذا شايف انهم بشر على قولتك؟ ليش ما تسمح ان الكويتيه تاخذ الهندي المسلم؟ أو الفلبيني المسلم ؟ أو أو ؟ احنا الكويتيه لو تاخذ بدون؟! وهو عايش بالديرة وأصولة من عايله محترمه، قامت الدنيا ؟؟ اللي بياخذ من اي دوله خل ياخذ بس مايصير يمنع على بنت البلد انها تشوف نفسها بعد- يعني لا بحبك؟ ولا بقدر على بعدك ؟ لول
ومشكورين
|
|
10/31/2008 4:38:07 PM
|
homy
Posts 11
|
السلام عليكم
انا اقول مو مهم جنسية الزوجه المهم هو الاخلاق اختار اي جنسيه ابي لكن المهم اشوف تربيتها شنو هل اذا طلعت عن البيت تحفظني في غيابي
الرسول عليه واله افضل الصلاة والسلام يقول تخيروا لنطفكم فان العرق دساس او في قول اخر ان الخال احد الضجيعين
نهاية كلامي اقول حلاة الثوب رقعته منا وفيه
|
|
10/31/2008 5:19:05 PM
|
Manart
Posts 69
|
الاصل النظر لاخلاق وسلوك وتربية الزوجه
ولا تكون الجنسيه مقاس اختيار
هذا الكلام ايضا بالنسبه لاختيار الزوج
|
|
11/1/2008 12:03:39 AM
|
mel79al7iat
Posts 83
|
يا حلو الريال لما ياخذ وحدة بنت ديرته يفتخر فيها جدام الناس لي قالولة منو ماخذ يرد عليهم بكل فخر ويالله من فضلك لي راح لزوارة اللي تبرد الجبد وقعد مع ام زوجته وخوال اعيالة السنعين مو العكس .... الحمدلله والشكر يمشي بالسوق بكل ثقة مع زوجتة .....( ) نصيحة والله نصيحة ترى في عوايل كويتية ما تتشرط تبي الستر بس فلا تستعيل وتحط حجتك بالشروط اللي قلتوها ويارب يوفق الجميع لما يحبة الله ويرضاه .....
|
|
صفحات
1 2 |
|---|