|
11/23/2008 9:46:23 PM
|
|
الزواج من امرأتين في وقت واحد....
|
على فكرة استاذنا بو وليد انا حاولت ارد عليك على موضوع قواعد السعادة على الرابط اللي ما فتح معاك
اخوك حاول يفتحه و ما صار ... قعدت على خدي احط ايدي ابي اتذكر من وين يبته ... الذاكرة اعتذرت
و ما رديت عليك هناك لان خانة اضافة رد اللي بذيل الموضوع ما تشتغل فاعتذر منك يا الغالي
|
|
11/24/2008 4:09:48 PM
|
|
الزواج السري اوالمسيار.......لماذا؟
|
عفية عليج مسكينة
هذا و انتي مسكينة !!! و هذا رايج ما شالله عليج ..
عسى هالبنات اللي يتقبلون اي خربطة يتعدل تفكيرهم و يصرون مثلج
ربي يوفقج
|
|
11/24/2008 4:20:05 PM
|
|
من أطلع على سيرتي
|
يا الامل ( ذا هوب ) تظنين هالكلام من قلبي ؟؟؟
و الله اتمنى ان كل وحدة تحصل لها زوج يحبها و يقدرها و يداريها ... عاد والله يزفها ، يغار عليها اشما يكون المهم نفرح فيكم و كل الامور الثانية باذن الله تنحل
و عفوسة هذه بنوتتنا تتشيطن بشطانه حلوة نستانس عليها ... و صدنا عليها صيده مثلها ما يحصل ... من صجج نفوتها ؟؟
بس ادعو معاي للزوج المسكين لا تطبق عليه عفيسة النك مالها و نشوفه يتفرفر بكشته بالاسواق ... نسال علامه .. الرد يكون عفيسة !!! .. الله يجيرك من العفسة يا ولد الناس
الداعي لك جيم
|
|
11/24/2008 4:36:55 PM
|
|
الذهاب للسحره والشعوذين لحل الخلافات الزوجيه......
|
مشكور يا بو وليد
هذا من المواضيع اللي الشباب لازم يديرون بالهم منه !!! ... الحريم و السحر
1- ....
اللي عنده مخ ترى ما يفكر ابد بالسحر ... السحر عمايل الجهل ... و رب العالمين عطانا العقل و هو منه ..
2- ....
السحر كفر .. وبعد هذا ما اظن فيه كلام
3- ....
ثقة الانسان بربه و نفسه فوق كل سحر .. السحر لا يصيب المؤمن
-----------------
اسمحولي اقول لكم تجربة شخصية ... هذه الامور اللي اعرف منها ان الست ( مال انا ) ... انا شخصيا اكتشفت اكثر من 6 الى 7 سحور عاملتهم ... و للعلم ما اعرف عنهم الا بعد مدة ... و اقرب الناس لها يحليلهم هم اللي يقولون لي ... و انا رايح بدربي ... سحر و الا اشماكان ... و سحور منها عربي و منها مستورد من ايران ( كونها من اصل ايراني ) و كله ميته تبي تكسر هالشوكة .. بس لاني مثل ما قلت من قبل اللي يخلي الله سبحانه نور دربه عمره ما يتاثر او ينضر او يتضرر ... و يحليلها بالتالي اتذكر لما كانت تتحذف هالسحور مثل العطر( على قولتها ) و الا الشراب الفلاني و الا ... الخ و ينقال لي انها كانت سحور ... و لو بنشوف اظن ان واحد من كل يمكن 3 او 4 رياييل اللي حريمهم ما زاروا ساحر .. و الا انا غلطان !!
والله انا انصح النساء اللي يؤمنون بهالامور ان شخصيتج و سلوكج تسوى مليون سحر ... و الدعاء و الصبر تراه خير من الكفر
و الله يجيركم
|
|
11/24/2008 4:47:01 PM
|
|
ماذا لوتولدت مشاعر اعجاب بين الذكر والانثى
|
ههههههههههههه
على راسي هالكلمة و الله ... ربعنا المشتركين يخافون على بيزاتهم ... البنوك قامت تقلس ... فمخزن الفلوس الحين تحت الكاشي
بس هم انا اقصد الربع القائمين على المنتدى
ترى لو تلاحظ .. مشاركات امس تاخرت 24 ساعة ... لا و شوية خردة دقايق بعد على ما نزلوها اليوم
انا بصراحة شكيت انهم موقفين المشاركات عني من كثر ما اطب فيهم
عمليا راكبه ... قلة مشاكات و بطء شديد بتنزيل شوية هالمشاركات ... و عليك الحساب
|
|
11/24/2008 5:03:21 PM
|
|
ممنوع الدخول للبنات !!!
|
يا جماعه اسمحولي بعد اذنكم ترى ما يجوز باي شريعه ان يغلط احد بشرف و سلوك بنات ... بالذات البنات
ترى الزين و الشين بالاخلاق و السلوك و هالاشيا موجودة بكل بلد ... احنا ترى عندنا من ينافسهم بهالسوالف ..
خلوا الكلام عن العادات الاجتماعية و التفهم و القرب معقول بس الشرف ترى مو حلوة و مالله يرضاها ... فاتقوا الله ...
بو جاسم ... هو الاخ خالد منور المنتدى مشالله عليه و موجود و لله الحمد بس كربلا و غست اللي شوية مختفين و عساه على الخير .. و بعد كاني من كم يوم شايف الاخ سيريوس مختفي
نسمع عنهم انشالله كل خير
|
|
11/24/2008 6:11:09 PM
|
|
المشاكل الزوجية ..... هل تستحق الطلاق؟
|
علشان تعرف يا بو وليد اشكبر معاناتنا !!! احنا يا الرياييل ..
اقرا و احكم بنفسك ... شوف اشلون احنا ناس جدعان و بالمقابل شنهي متطلباتنا
ففونة حبوبة مو تتضايقين ترى ارد و اذكرج انها بس معاكسه للنساء
اسف ان الموضوع رايح بالطول بس لاجل الوضوح الكامل للستات عساهم يشوفون عدل مرة بس
-----------------------------------------------------------
كما وصل و بدون أي تغيير .. لكن مع التعديل ليناسب النشر
كيف يسعد الرجل امراة
على الرجل ان يكون ...
1- صديق ..
2- رفيق
3- حبيب
4- اخ
5- اب
6- سيد
7- رئيس
8- كهربائي
9- نجار
10- سباك
11- ميكانيكي
12- مصمم ديكور
13- صاحب اسلوب
14- طبيب نفسي
15- مبيد حشرات
16- طبيب معالج
17- مستمع
18- مرتب
19- يعشق النظافة
20- عاطفي
21- رياضي
22- دافي
23- يقظ و متنبه
24- انيق
25- ذكي
26- مبدع
27- حساس
28 - مرح
29- قوي
30- يتحمل
31- يتفهم
32- متعقل
33- طموح
34- ذو مقدرة و مؤهل
35- شجاع
36- مصمم
37- صادق
38- يعتمد عليه
39- يمدحها بانتظام
40- يحب التسوق
41- محترم
42- غني جدا
43- لا يتسبب برفع ضغطها
44- لا ينظر لغيرها
كيف تسعد المراة الرجل
1- تتركه بحاله
2- بس كافي ! ( علشان الامانة بالنقل اقول ان هالنقطة مني )
----------------------------------------------
و ترى 2 ناقص واحد ما تقسم على 44 علشان نطلع نسبة مئوية
و تدومون
|
|
11/24/2008 11:05:13 PM
|
|
رايكم بنات ... :)
|
شوفو هالموقع اللي بيخلي حلوجكم كل مبطلة و انتو مبتهرين
كل شي جدامكم ... المواليد باللحظة .. تعداد السكان الحالي ينعد بنفس الوقت ... مواليد اليوم ...
ليش هالكلام الزايد ... انجوي ات ... يعني يالله هيصوا انشالله محد حوش
http://www.worldometers.info/ar/
حتى خساير الاقتصادات العالمية ... عدد السيارات ,,, السياكل
اشوى ما تكلموا عن مراكز الدول بالعالم في كرة القدم جان طلع مركزنا بعد المريخ و المشتري و الدب القطبي
have fun
|
|
11/25/2008 3:06:13 PM
|
|
الزواج السري اوالمسيار.......لماذا؟
|
الاخ فارس المحترم تحية لك على طيبتك و جراتك على نقل الرسالة
و تحية للاخت اللي هالعالم للاسف مدخلينها مسلسل هندي ما خذت منه الا الغبن و النكد
اللي يبي شي و يتقدم له و يربط معاه انسان آخر و يتراجع عنه هو انسان و بكل اسف ما يتسحق كلامها الطيب عنه
هذه مشاعر انساينة .. هذه كلمة اقولها لعصابة الاربع .. انتو وين عن التدين اللي قصيتوا على هالمسكينة فيه
الله سبحانه نور لنا الدرب واضح ... اللي يبي شي يضحي و يجاهد من اجله ...تبي انسانة و تقدمت لها لازم تكون قد الكلام اللي بديته و الا بتكون جبان
اسمحولي يا اخوان انا الحقيقة بموضوع المشاعر الانسانية لرجل مظلوم او امراة او طفل ما اتمالك نفسي ... المثل المصري هذا مو مجرد مثل ... هذا حكمة ... اللي ما عندوش ما يلزموش ... ما عندك استعداد تتزوج و تشهر اصبح الزواج ما يلزمكش ... ما عندك قدرة توقف امام اهلك و مرتك ؟؟؟ ما يلزمكش
مقعول ؟؟؟ استاذ جامعي و رجل سياسة و مادري شنو ... بابا احنا حالنا صار جذيه غير من هذول ... هالاستاذ الجامعي شيدرس عيالنا .. قص على البنات ؟؟ العب بالمشاعر ؟؟؟ هذه الدكتوراه مالتك ؟؟ و اسحب على الباجي اسرة و مادري شنو ... مالي شغل انا باشخاصهم هالرباعي انا اتكلم عن سلوكهم ( فقط )
يقول لها انا ابيج و مابي العب !!!! و راح احط لج بيت و مصرف و .. الخ ..و لكن
الثاني .. طربق طربق طربق طربق .... الخ و لكن
الثالث .................................. الخ و لكن و الرابع ......... يخرب بيتكم البنت هذه شنو شطرنج عندكم ؟؟ الله يغربلكم ماني قايل يغربل ابليسكم
كله بالسر ؟ شنو منشورات اهي ؟؟ و الا مخدرات
بعدين شنو زواج بالسر ... اكو زواج بدون اشهار ... و كل واحد يقص على هالمسكينة اللي هي صادقة بالزواج و تطيح من سبة ذلك ببراثن هالعالم ... اي دين او تدين اللي تؤمنون فيه ... علمونا يعني هم احنا ممكن نستفيد و اياكم بعد ... مو احنا اخوان لكم كمسلمين و الا لأ لانا ما نؤمن بهالنوع من التدين ؟؟
يا بنات انتو اللي تتسببون على اللي اييكم
واحد مرته متسلطة ... اذا ماكو حل ابدا .؟؟ اكو طلاق ... ابغض الحلال نعم ... و لكن ما يكسر شرط اساسي لتعاليم ربنا ... شوفوا المعادلة !! زواج بالسر .. هذه اول سيئة ... اخاف على عيالي ... هذه سيئة لانك بتستغل انسانة بهالسبة ... الثالثه ... اهلي ... الرابعه ... ييييييييييييييييييييييييييييييييييييييييييييو صرت من الهنود الحمر
الثاني مرتة عوية طلق ... الثالث ..... اشدعوة انتو شركة مساهمة ؟؟
لا كله كوم و هذا بو طاقة كوم ... اشترك رياضة روح دور خرابيط برة سو اللي تبيه لان الخرابيط لا تقل سوء و مخالفة للخالق عن زواج سري غير مكتمل الاركان بالاشهار ... يعني زنى بائنة .. بعد هذا الدين قاله مو انا .... هذا امر اتمنى كل مرة تسمع هالكلمة من ريال!!! تقطع وصل على قولتهم
ربي يحمي بناتنا من ذئاب تمشي على قائمتين
|
|
11/25/2008 4:36:21 PM
|
|
الذهاب للسحره والشعوذين لحل الخلافات الزوجيه......
|
والمشكله تبدأ كبيره مهما كان حجمها وتصغر بوضع الحلول المناسبه لها
انت اختصرت كل المسالة ... بس وين اللي يتعضون ( و خلقنا الانسان عجولا ) كلام عين العقل يا بو وليد
-----------------------
في كم بنوته هني انا شنو استانس على كلامهم يحليلهم ... ماشاالله عقل و ثقل اكبر من سنهم ... مادري اصكهم عيييين ؟؟؟
لا طبعا الله يحفظهم و يكملهم و يتمم عليهم
تبارك الرحمن ... كلام سليم يا ذ هوب ...
و فعلا اذا ما كسبتي الزوج بالشخصية و رقي تفكيرج و حسن التدبير معناها انه الموضوع هذا ينتهي بابغض الحلال لا قدر الله و لا بعصيانه
|
|
11/25/2008 4:46:55 PM
|
|
ماذا لوتولدت مشاعر اعجاب بين الذكر والانثى
|
ذ هوب شيتوووووونه .... هني يقولون لك ... صادوه
يالله رد اخوي قاعد تقص علينا و طايح له تسأأأأل فينا ... اي والله انتي صج شيطانة ...
كل يسالنا و ما يجاوب ابدا ... هاااا قعدتلك وحدة مو اقول عقلها يوزن مشالله ؟؟ ...
مو الفلم يقول الشيطان امرأة ؟؟ هذا اسم الفلم ذ هوب مو انا اللي اقول
|
|
11/25/2008 4:56:35 PM
|
|
هل المهر يحدد قيمة الفتاة؟
|
ففون وراج يا بعد حيي
اعتقد ان خالد من كثر ما يرد على الناس صارت عينه حوله ... الله يعينه
خل اشوف اخاف مشاركتج مو حلوة ( هههه )
اي والله شفت ردج مو حلو ... بتدفعين هالمساكين 3 و الا 4 الاف ؟؟ اكيد ما يرد على مشاركتج ...
يعني يرد فلوس الحكومة و السلفة اللي ماخذها و تلاقينه ماخذ بعد من ربعه و امهات ربعه و ديوانياتهم و بنغاليتهم ... بسسسسسسسسسسسسس
انتي بس نزلي و هو يرد عليج ... خالد قلبه طيب اعرفه
-------------------------
ما عليج ففونه انا اتغشمر معاج .... انا اعرف خالد عدل اكيد فاتت عليه ...
|
|
11/25/2008 7:11:01 PM
|
|
الزواج السري اوالمسيار.......لماذا؟
|
الحين توني قريت كلام البنت اللي هي ضحية الموضوع ... طبعا انشالله مو ضحية بس التسمية يت جذيه
يا بنت الناس يا اخيتي يا بعد جبدي ربي رنشالله يروقج ولد الحلال ... اللي يتزوج و يرضي ربه و يشهر الزواج
الدفاع اللي تقولين عنه ترى اكو منه وايد و نسبة مو سهله من الشباب يعانون بشكل او باخر عاطفيا .. و على الاقل هذول المساكين ما دشوا دنيا على قولتهم .
كسر الخواطر سهلة ... تعالي اقري كل يوم بدال ما احط مواضيع طريفة احط لج افلام هندية .. و لا هالايام اكو افلام تركية تبجي اكثر يقولون .
انتي قلبج رهييف وايد و صرتي للاسف ضحية .. عاطفية .. و هي اسوء الانواع ... لكن ان تظلين مسكرة عينك الله يحفظج و يسلمج ترى هذا مو منطق ... هذول الرياييل مشوا معاج و الله فكج من الزواج منهم ... راحوا حق الثاني و الثالثة ... الله يا رب يستنسخ ريا و سكينة الف مرة و يبلي فيهم هالاشكال ... فلا تظنين انهم قاعدين بحائط مبكى و عاملين مناحة ... قولي حق احد يمج يعظ ايدج بس انشالله يهوس ( بس مو وايد ) علشان تصحين و من اليوم شربي 4 قهوة و 4 رد بول مادري شسمه ... يمكن تتنشطين .
اختي ترى رب العالمين خلق العلوم و احنا ما اوتينا منها الا قليلا ... بس من هالقليلا بقول 1+1=2 ..
اكو حق و اكو انانية ... هالرياييل اللي بيج صح و صج يخلص امره و يشهر و يروح معاج انشالله عمرة و الاسفرة و الا وين ما كان
بس السر + انانية
المهم انتبهي يا اختي على وين تحطين ريلج و انتي ماشية
ربي يديم الجميع
|
|
11/25/2008 10:19:09 PM
|
|
من هو الرجل الذي لا تنساه المرأة ؟
|
بخرب الكلام اللي فوق
---------------------
يقولون ان الزواج فيه حالات و متقلبات كثيرة من حب و اشتياق و احباط و ..
الزواج فيه ميزة اكيدة تتكرر بكل بيت ( لا تصدقون )
اول سنة الرجل يتكلم و المراة تستمع
بالثانية العكس هي تتكلم و هو يستمع
بالثالثة الاثنين يتكلمون و الجيران يسمعون
------------------------------
هو حقيقه ان الرجال يخلقون احرار و متساوين ... و لكن بعضهم يتزوج
---------------------------------
ريال بالكنيسة قاعد بحاله همس بكلام ... لقى نفسه متزوج ..... السنة اللي بعدها همس كلام و هو نايم لقى نفسه مطلق ( شمغبر الحبيب )
----------------------
هذه عاد مسج وصلتني اليوم بتي .... يقول المحللين الماليين ان الوضع الاقتصادي وصل الى وضع غير محتمل و الخساير تفلس الناس ...المحللين النفسانيين ومآذين الزواج يقولون صاروا الحين النساء يقتنعون بالزواج عن حب .......... لوووووووووووووووول
-----------------------
الزواج ليس كلمة .. انها ( a sentence ) حكم ... (a life sentence ) ... حكم مدى الحياة
----------------------
الله يرزقكم هالحكم ... دعيت لكم ... لا تدعون علي بعدين
|
|
11/26/2008 9:19:14 AM
|
|
مـن هي المـرأة التي تجـذب الرجـل؟
|
ربي يخلي كيويه و كل صفاتها و ربي انشالله يزيدها
----------
اليوم وصلني ايميل صادفت هالاغنية اللي تتكلم عن الرجل و تقوله ... اذا حبيت مراة شنو ( يسوي )
خاصة انها ما فيها طاخ طيخ .. هادية
كلمات سهلة ( نوعا ما ) خاصة اني انا اللي اقول هالكلام و انا اللي مو شاطر بالانجليزي !!!
سمعوها و اتمنى من الشباب يركزون بكلماتها اشكثر راقية ... بس انشالله يشتغل الرابط !!
--------------
http://www.fropki.com/love-woman-vt30712.html
انشالله يكون لكم وقت ممتع
|
|
11/26/2008 8:11:48 PM
|
|
الزواج السري اوالمسيار.......لماذا؟
|
اخوي و حبيبي و استاذي بو جاسم انا قايل لك ان الاختلاف بالراي هو اجمل ما خلق عمليا و هو سبب تطور البشرية اصلا ... فاهلا و سهلا فيك و بالاختلاف و رايك احترمه جدا
حبيبي يا السمي انا اعرف تماما شنو اهو الزواج المؤقت ... و اعرف اشياء وايد ناس هني يخمسون و يثمنون بسياييرهم علشان يوصلونه .. و ما يعرفون عنه كثري
ارجع للكلام يا اخوي اخوك انا ... اشفيه تركيزك اليوم ... انا اتكلم عن الاشهار ( فقط ) انواع الزواجات المؤقته انا كنت مخزنهم بملف ... و من كثرهم و كثر شروحهم الملف صاير جنه شعبولا من متنه
فالسالفة اشهار مو مؤقت
الثانية يمكن عند بعض الفقهاء ( و ماني قايل راي فيهم ) بس يحقلي اقول عن شايبنا المخرف القرضاوي ... اذا بنعتمد على فتاواى من هالانواع ترى اكو وايد اشياء بالاسلام ترى عادي
يعني بالله فتوى الارضاع هذه فتوى ؟؟؟ اوكي الغوها ( اخاف اكتب شي وايد بسيط .. بس ما ينزلون كل الموضوع الله ياهم قلوبهم سودة ... الغي الكلام اللي ما يناسبك و حط الباجي )
فارجو ان نبتعد عن التساهل بالدين لانك لو تشوف ان هذا التساهل وصل دينا الى ان يكون ارهابي و دين ظالم و ... اشياء كثيرة . بسبب تساهل ولاة امرنا و علمائهم بامور الدين
فموضوع الاقتباس انا شخصيا استنكره لانه ما يدخل في اليقين ... اعذروني
اذا كان هناك من يقلد شخص يحله او يؤمن بعكس ذلك و مثبته لديه شرعيا و فقهيا حسب رايه فهو و ما يؤمن به
تحية و اعذؤوني على اعصابي بالرد الاول
|
|
11/27/2008 12:04:12 PM
|
|
ماذا لوتولدت مشاعر اعجاب بين الذكر والانثى
|
مو جنه انت بعد
صــــــــــــــــــــــــــــــــــــــــــادوه
كله تعلق وما جاوبت كلش على الاسئلة ههههههههههههههههههههههههههه
سادووووووووووووووووه ثري "3"
<----------------- ......... ( حبوبة وايد و قلبي يحبج ربي يحفظج لاهلج و انشالله ياخذج منهم واحد بسرعه بس ما يحرمج منهم اكيد
( لا تفسرين غلط بعد ) و يحطج ببيت زوجية ... و يفكنا من نحاستج يا النحيسة
---------------------------
انا ما اجاوب ؟؟
شوفي حبوبة في مواضيع انا كانسان بسن معين ما يصلح اني اتداخل بالنقاشات اللي تتم
يعني بعض المواضيع صعب اني او ربعي يبدون فيها راي ... لانها اراء تختص اكثر بالشباب
و احنا كناس عشنا حياة ممكن فيها اشياء ممكن تكون تأثر على افكار الشباب حول هالمواضيع
اللي المفترض لما الواحد منا بيشارك لازم يكون جدا موضوعي علشان ما يأثر فعلا على تفكير او وعي هالشباب
و هني الخطورة و مع ذلك لله الحمد انا شايف ان ربعنا بعد ما يحاولون يشاركون بهذه المواضيع
اما بالمواصيع العامة فانا اشارك و اقول اشياء جدا شخصية بدون ان اهتم لانها بالنهاية قد تكون تجارب حصلت لاحد
و تفيد الاخرين .... علم حبوبه ؟؟
بعدين انا ما حاشني لا صادوه و لا سادوه ... بس تعالي ابي شنو سادوه ... حاولت الاقي لها معنى بالقاموس و الثاني ...
حتى بقاموس المورد ما لقيت شي فاسف اني ما راح اقدر ارد على سادوووووه ... لا و تمطها مادري على شنو ... هههههه .. يحليلج
|
|
11/27/2008 2:00:23 PM
|
|
الذهاب للسحره والشعوذين لحل الخلافات الزوجيه......
|
THEHOPE333 و فعلا اذا ما كسبتي الزوج بالشخصية و رقي تفكيرج و حسن التدبير معناها انه الموضوع هذا ينتهي بابغض الحلال لا قدر الله و لا بعصيانه
<---- أكييييييد هالكلام
----------------------
كنت احاول اسوي كوبي لكلامج فدخلت بالغلط ( عليمي ما عليه ) على بروفايليج .. و يحليلج امول عنونه انتي .. اي مو خلاص صرت بالليوان مال البروفايل ( بخلا انتو حتى ماي ماكو ) .. قلت اتمقل ... بس ليش يا بنت الناس انتي غير مدخنة ... ما يصيييييييير ..
-----------------------------
سؤال صعب شوي
الحين صارت مشكلة بين زوج و زوجته و المشاكل تتكرر ... الرجل كان اقدر على ادارة البوصلة لمصلحته و كسب النقاشات او الخلاف خلينا بعد نقول
1- ليش و شللي يخلي هالريال دايما يكسب
2- شنو الحل بهذا الامر ... لانه بعد السنوات و التكرار المراة راح تنفجر ( يا كافي ) يعني قلنا تكسبين بالشخصية و الحوار و مادري شنو بعد قلنا و ما حصل اي تحلحل او تحسن ... هل نتخذ خيار الانفصال و من ثم الطلاق ؟؟ ام هناك تصريف اخر ممكن
|
|
11/27/2008 5:57:40 PM
|
|
ممنوع الدخول للبنات !!!
|
يسلم فمك يا اخت بسمة
اشكرج على هذا الانصاف ... لانه مرادف لغويا لكلمة حق ... و هي اسم من اسماء الله الحسنى
ربي يرزقج على نيتج الطيبة و حسن تفكيرج
|
|
11/27/2008 6:33:53 PM
|
|
الزواج السري اوالمسيار.......لماذا؟
|
هههههههههههههه بو جسوم
لا اخيي بوجاسم انا عصبت على الموقف الانساني اللي كتب بالقصة مو النقاش ... فخللي الليمون للي يحتاجه حبييب
لا تتعب نفسك بوجاسم اخوي ... انا اعرف الزواج المؤقت .. و لعلمك اغلب اصحابي من الشيعة والمتدينين و الضليعين جدا بامور الدين و ما عندهم لعب ابدا
فلا تييب شي و تشغل بالك .
انا ماني حار او عصبي على اللي اتناقش معاهم ابدا ... و كلامي واضح ... انا اقول مشكلتي و اعيدها لك انتبه الله يخليك .. الاشهار و ليس المؤقت يا بعد حيي
الاشهار شي مختلف عن المؤقت اوكي ؟ نتفق و نطلع من هالقصة
اما في موضوع الفتاوى خلني ارد و اتكلم عن جماعتنا ... انا شخصيا جدا موضوعي ... الغلط عندي غلط ... ربعنا او ربعكم ... بس ماني قايل عن جماعتكم انتو اولى بموضوعهم ...فلما الحين استسهد لا ياخذها احد فرصة رجاءا لانه نقاش جاد جدا و ما يسمح فيه للاستهزاء او الضرب بالمذاهب .
يعني بتقول لي زواج فرند او زواج سياحة او الارضاع هذه مستقاة من القرآن .. اذا القرآن فيه جذيه فانا اول من راح يدير له ظهره
القران كتاب الحق .. و هو كلام لا يقبل الخطأ او الزلة فيه ( و العياذ بالله ) ... و من يؤمن حقيقة بالحق كمبدأ علمنا اياه رب العالمين على لسان رسوله ( ص ) حتى لو لم يعرف حقيقة بامر معين و لكن فطرته الربانية راح توصله الى ذلك الموقف الحق
من كثر المفتين يا بو جسوم صار الحين الربع مو ملحقين على اطلاق و توصيل الفتاوى فخلوها على الهواء
شوف هذا الامر .. امر الافتاء ابتلينا فيه ابتلاء مو طبيعي بالسنين الاخيرة .. من ربعنا و ربعكم و ملوت الهند و باكستان و باجي اسيا و اوربا و انت رايح .. هذول افتوا باشياء لو صحابة الرسول ( ص ) ينزلون الحين يذبحون هالمفتين كرمكم الله تمحط بالنعل ... فارجو ان ينتبه الجميع الى موضوع اي فتوى ,, يجب التأكد ان صاحبها اولا انسان ثقة و ما زال عقله معاه و ارتكازه بذلك تم على اي اساس .. و يجب ان يكون للعلماء الاخرين توثيق لهذه الفتوى ... لا تقول لي لا اعرف مبدا التقليد لاني اعرفه عدل
على العموم انا ارى اننا اخذنا الكثير من الوقت حول هذه النقطة ... احترم رايك يا بو جسوم و تاكد اني رايق اكثر مما تتصور ...
تحية
|
|
1 2 3 4 5 6 7 8 9 10 11 12 13 14
|